ပျက်ကျလေယာဉ်ကိုယ်ထည်ပိုင်း ဆယ်ယူရေးစတင်

ပျက်ကျသွားတဲ့ AirAsia လေယာဉ်ကိုယ်ထည်နားမှာ နောက်ထပ်တွေ့ရတဲ့ အလောင်းလေးလောင်းကို ရေငုပ်သမားတွေ ဆယ်ယူခဲ့စဉ်။ (ဇန်နဝါရီ ၂၃၊ ၂၀၁၅)

ဂျားဗားပင်လယ်ထဲမှာ ပျက်ကျခဲ့တဲ့ Air Asia လေကြောင်းလိုင်း လေယာဉ်ကို ဆယ်ယူဖို့ ပြင်ဆင်နေကြချိန်မှာပဲ ပင်လယ်ကြမ်းပြင်ကနေ နောက်ထပ် အလောင်း ၄ လောင်းကို ရေငုပ်သမားတွေ ဆယ်ယူနိုင်ခဲ့ပါတယ်။

ရေပေါ်ပစ္စည်းတွေသုံးပြီး လေယာဉ်ကိုထည်ကို ဆယ်ယူဖို့ စတင်လုပ်နေကြချိန်မှာပဲ ရေမျက်နှာပြင်အောက် မီတာ ၃၀ လောက်မှာ ပျက်ကျနေတဲ့ လေယာဉ်ကိုယ်ထည်နားမှာ အလောင်းတွေကို ရှာတွေ့ခဲ့တာဖြစ်ပါတယ်။ ရေစီးကြမ်းနေတဲ့အတွက် သောကြာနေ့ မတိုင်ခင်အထိ လေယာဉ်ကိုယ်ထည် အတွင်းပိုင်းထဲကို ရေငုပ်သမားတွေ မဝင်ရောက်နိုင်ခဲ့ကြပါဘူး။

အထဲမှာ ထိုင်ခုံခါးပတ် ပတ်လျက်နဲ့ သေဆုံးနေကြသူ အလောင်း ၆ လောင်းကိုလည်း သောကြာနေ့က တွေ့ရှိခဲ့ကြပါတယ်။ AirAsia လေကြောင်းလိုင်း လေယာဉ်အမှတ် ၈၅၀၁၊ အင်ဒိုနီးရှားကနေ စင်ကာပူကိုအသွားပျက်ကျသွားစဉ်က လေယာဉ်အမှုထမ်းနဲ့ ခရီးသည်ပေါင်း ၁၆၂ ယောက်ပါသွားပြီး
အခုချိန်အထိ အလောင်း ၆၉ လောင်းပဲ ပြန်ဆယ်ရရှိထားပါတယ်။

ဗွီအိုအေ (မြန်မာဌာန)
http://burmese.voanews.com/content/divers-recover-four-more-bodies-from-airasia-wreckage-/2611880.html