တော်လှန်ရေးသတင်းသမားတဦးရဲ့ ဒုိုင်ယာရီ (၄၃)

၂၀၀၈ ခုနှစ်ဟာ DVB-TV ရဲ့ အအောင်မြင်ဆုံး ကာလလုို့ ပြောရမယ်ထင်ပါတယ်။ ရွှေဝါရောင်တော်လှန်ရေးကို အခြေခံ ရုိုက်ကူးခဲ့တဲ့ Burma VJ မှတ်တန်းရုပ်ရှင် အော်စကာဆုရနုိုင်တဲ့အထိ နာမည်ကြီးခဲ့သလုို အခြားဆုတွေလည်း အများကြီး ရခဲ့ပါတယ်။ တနည်းအားဖြင့် ပြောမယ်ဆုိုရင်တော့ ပြတ်တလှည့်၊ ငတ်တလှည့်ဖြစ်နေတဲ့ DVB ရဲ့ ဘတ်ဂျက်လည်း နည်းနည်းထူထူ ထောင်ထောင်ဖြစ်လာပြီး လကုန်ရက်တုိုင်း လစာပုံမှန်ဝင်လာတယ်ဆုိုပါတော့။

(၂၀၀၈ ခုနှစ် နှောင်းပုိုင်းက အော်စလုိုရုံးချုပ်မှာတွေ့ရတဲ့ DVB ၀ုိုင်းတော်သားများ)

အဲဒီအချိန်မှာ လုပ်ငန်းခွင်နယ်ပယ်အသီးသီးက ၀န်ထမ်းတွေ အော်စလုိုရုံးချုပ်မှာစုဆုံဆွေးနွေးနုိုင်ရေး အတွက် အုပ်ချုပ်ရေးအဖွဲ့က စီစဉ်ခဲ့ပါတယ်။ အထူးသဖြင့်တော့ ချင်းမုိုင်ရုံးက၀န်ထမ်းတွေကို အော်စလုိုရုံးဆီ ၃ လ သင်တန်းခေါ်ယူခြင်းပါ။ အော်စလုိုသတင်းခန်းဝန်ထမ်းတွေနဲ့အတူရုိုက်ထားတဲ့ မှတ်တန်းဓာတ်ပုံအရ စုစုပေါင်း ၂၄ ဦးရှိပြိး ဒါဟာ DVB သမုိုင်းမှာ လူအစုံဆုံး အစည်းဝေးတခုပါပဲ။

အော်စလုိုရုံးချုပ်က လူတွေကို အရင်မိတ်ဆက်ပေးရမယ်ဆုိုရင် ညွန်မှုး ကုိုအေးချမ်းနုိုင်၊ ဒုညွန်မှုး ကိုခင်မောင်ဝင်း၊ သတင်းအယ်ဒီတာ ကိုမုိုးအေး။ သတင်းခန်းမှ ထက်အောင်ကျော်၊ ခင်နှင်းထက်၊ အေးအေးမွန်၊ နန်းခမ်းကယောက်၊ အင်္ဂလိပ်ပုိုင်းသတင်းခန်းမှ ကိုပါစကယ်ခူးသွယ်၊ ကျနော်ဆွဲဖွင့်မိသောတံခါးများအစီစဉ်မှုး ကိုနေဇော်နုိုင်နဲ့ ၀က်ဆုိုက်ဌာနမှ မသီတာတုို့ ၁၀ ဦးဖြစ်ပါတယ်။

ချင်းမုိုင်ရုံးကနေရောက်လာသူတွေထဲမှာတော့ အပတ်စဉ်ကဏ္ဍတာဝန်ခံ ကိုခင်မောင်စုိုး၊ ချင်းမုိုင်ရုံး အုပ်ချုပ်ရေးမှုး ကိုတုိုးဇော်လတ်၊ သတင်းခန်းမှ ကုိုအေးနုိုင်၊ ကုိုသက်၊ ကုိုဇင်မောင်၊ ကုိုနေထူး၊ စုိုင်းကျော်ခုိုင် (ဒီပုံကို ရုိုက်ပေးသူဖြစ် တဲ့အတွက် ပုံထဲ မပါပါ) နော်စေးဖော၊ စောလဲ့နန္ဒာ၊ မခင်မင်းဇော်၊၊ အဂ်လိပ်ပုိုင်းမှ ကိုရဲတုိုက်၊ နည်းပညာဌာနမှ ကုိုအောင်ဖြိုး။ Burma VJ မှ ကုိုမျိုးမင်းနုိုင်နဲ့ ကိုကျော်စွာတုို့ ၁၄ ဦးဖြစ်ပါတယ်။

လူစုံတုန်း တနေကုန်လုပ်တဲ့အစည်းဝေးတွေမှာ ဘာတွေဆွေးနွေးဖြစ်သလဲဆုိုတာကိုတော့ မမှတ်မိတော့ပါ။ အကြမ်းအားဖြင့်ကတော့ အော်စလုို၊ ချင်းမုိုင်နဲ့ Burma VJ တုို့ တယောက်တနေရာစီဖြစ်နေတဲ့အတွက် အချင်းချင်းနားလည်မှုလွဲခဲ့တာတွေကို ပြန်လည်ဆွေးနွေးခြင်း၊ ပူးပေါင်းဆောင်ရွက်မှု အရှိန်မြင့်ဖုို့ လုပ်ဆောင်ခြင်းနဲ့ သတင်းအရည်အသွေးဆုိုင်ရာ၊ နည်းပညာဆုိုင်ရာကိစ္စတွေ ဆွေးနွေးခဲ့တယ်လို့ ထင်ပါတယ်။

ဆွေးနွေးပွဲအပြီးမှာတော့ ဒီလူအုပ်ကုို ၂ စုခွဲပြီး ဆွီဒင်နုိုင်ငံ (Gävle) ယဗလယ်မြို့ရှိ ဆွီဒင်ရေဒီယုို စတေရှင်ဆီ သတင်းတပတ်တာ လေ့လာရေးခရီးစဉ်သွားခုိုင်းပါတယ်။ ကျနော်တုို့ DVB နဲ့ ဒီရေဒီယိုကြား (အဲဒီကာလက) အဓိက ကွာခြားချက်ကတော့ သူတုို့ဟာ သတင်းဖြစ်နေတဲ့နေရာမှာအခြေစုိုက်ပြီး အဲဒီကသတင်းကို အဲဒီဒေသရှိ သတင်းထောက်တွေက အဲဒီမှာနေတဲ့လူတွေအတွက် လွှင့်ပေးနေခြင်းပါ။ ကျနော်တို့ကတော့ နော်ဝေးမှာ အခြေစုိုက်ပြီး ဟုိုး မုိုင်ပေါင်း ၅၀၀၀ ကျော်ဝေးတဲ့အရပ်မှာ သတင်းယူ၊ အဲဒီကုိုပြန်လွှင့်ပေးဆုိုတော့ ဒီအချက်က အတော်ထူး ခြားနေပါတယ်။

ဒုတိယ တချက်ကတော့ ကျနော်တုို့က Short Wave လှိုင်းတုိုရေဒီယုို၊ သူတို့က FM ရေဒီယုို။ ကျနော်တို့က တရက် မှ ၂ ကြိမ်သာလွှင့်နုိုင်ပြီး သူတို့က ၁၂ နာရီလောက်လွှင့်ပါတယ်။ ကျနော်တို့ကသတင်းကို အဓိကထားပေမဲ့ သူတုို့ Debate အပြန်အလှန်ငြင်းခုံဆွေးနွေးတာ၊ ကွင်းဆင်းသတင်းပေးပို့တာ၊ ရေဒီယုို အစီစဉ်အတွင်း ပရိတ်သတ်တွေကို ဖိတ်ခေါ်ဆွေးနွေးတာကို အဓိကထားတယ်လို့ထင်ပါတယ်။ ဘာကြောင့်လဲဆိုရင် သူတို့ဆီမှာက သတင်းလွတ်လပ် ခွင့်ရှိပြီးသားဆုိုတော့ ကျနော်တို့လုို သတင်းကုို တကူးတကာ့လုိုက်ရှာနေစရာ မလုိုတော့ပါ။

ဒါက သတင်းသမားတဦးအနေနဲ့ ကျနော်ရဲ့တွေ့ရှိချက်ပါ။ ဒါပေမယ့် နုိုင်ငံရေးအမြင်ရှိသူတွေကတော့ လူထုအခွန် ငွေ၊ သုို့မဟုတ် အစိုးရထောက်ပံ့ငွေနဲ့ လည်ပတ်နေတဲ့ Public Service ဒီလုိုရေဒီယုိုမျိုး မြန်မာနုိုင်ငံမှာလုပ်နုိုင်ရင် ကောင်းမှာပဲဆုိုတဲ့ အမြင်ရသွားတယ်နဲ့တူပါတယ်။ ဘာကြောင့်လဲဆုိုရင် Gävle ကနေ လေ့လာခဲ့တဲ့ Publish Service Broadcast အများပြည်သူဝန်ဆောင်မှု အသံလွှင့်ဌာန၊ အများပြည်သူ ၀န်ဆောင်မှု သတင်းလုပ်ငန်းဆုို တာတွေကုို အခု မြန်မာအစိုးရဖက်က ကျယ်ကျယ် လာင်လောင်ပြောဆုိုလာနေလို့ဖြစ်ပါတယ်။

(ပထမ ဆုံးအကြိမ်ပြုလုပ်တဲ့ DVB နဲ့ မြန်မာအစုိုးရ ပြန်ကြားရေးဌာန ပူးတွဲမီဒီယာ ဆွေးနွေးပွဲ)

ဒီအသံကုို မြန်မာနုိုင်ငံမှာ စတင်ကြားခဲ့ရတဲ့အချိန်နဲ့နေရာကတော့ ၂၀၁၂ ကြားဖြတ်ရွေးကောက်ပွဲအလွန် စက်တင် ဘာလမှာဖြစ်ပါတယ်။ စပြောတဲ့သူတွေကတော့ အဲဒီ Gävle အစီစဉ်ကုိုမိတ်ဆက်ပေးခဲ့သူ DVB ရဲ့ညွန်မှုးတွေဖြစ်တဲ့ ကုိုအေးချမ်းနုိုင်၊ ကုိုခင်မောင်ဝင်းနဲ့ အစုိုးရ ပြန်ကြားရေး ဒုဝန်ကြီး ဦးရဲထွဋ်တုို့ဖြစ်ပါ တယ်။ စပြောတဲ့နေရာက တော့  ၂၀၁၂ ခုနှစ် စက်တင်ဘာလ ၂၂-၂၃ တုန်း က ရန်ကုန်မှာကျင်းပတဲ့ Media in Service to the Publish: A Forum on Publish Service Broadcasting ဆုိုတဲ့ DVB နဲ့ အစိုးရ ပြန်ကြားရေးတုို့ ပထမဆုံးအကြိမ် ပူးတွဲလုပ်တဲ့ မီဒီယာ ဆွေးနွေးပွဲမှာဖြစ်တယ်ဆုိုတာကုို အမှတ်ရနေပါတယ်။

ကင်မရာတလုံးနဲ့ ဥရောပခရီးစဉ်များ

Gävle ရေဒီယုို လေ့လာရေးခရီးစဉ်အပြီးမှာတော့ ခွင့်တလယူပြီး Far from Home: 20 years in Exile ဆုိုတဲ့ စာအုပ်ကုို ထုိုင်းနုိုင်ငံ ချင်းမုိုင်မှာ ထုတ်ဝေဖြစ်ခဲ့ပါတယ်။ စာအုပ်ပါ ဆောင်းပါးအများစုဟာ Nation, Bangkok Post, Irrawaddy နဲ့ DVB မှာဖေါ်ပြပြီးသားဖြစ်ပေမဲ့ တောတွင်းဘ၀ဖြတ်သန်းမှုအကြောင်း ဆောင်းပါးအသစ် ၅ ပုဒ်လည်းပါရှိပါတယ်။ အဓိကကတော့ ၈ လေးလုံးအရေးတော်ပုံ နှစ် ၂၀ ပြည့်နေ့မှာ အမှတ်တရအနေနဲ့ တခုခု လုပ်ချင်တဲ့သဘောမျှသာဖြစ်ပါတယ်။

(၂၀၀၉  ခုနှစ် ဖေဖေါ်ဝါရီလက ဘာစီလုိုးနားမြို့မှာကျင်းပတဲ့ ဥရောပရောက် မြန်မာများဆွေးနွေးပွဲ)

ထုိုင်းကအပြန် ၂၀၀၉  ခုနှစ်ဖေဖေါ်ဝါရီလထဲမှာတော့ စပိန်နုိုင်ငံ ဘာစီလုိုးနားမှာပြုလုပ်တဲ့ မြန်မာ့အရေးဆွေးနွေးပွဲအတွင်း စကားပြောဖုို့ဖိတ်ကြားခံခဲ့ရပါတယ်။ ဒီစာအုပ်ပေါ်အခြေခံပြီး အခုလုိုဖိတ်ကြားခံရတာဖြစ်ပေမဲ့ အဲဒီမှာ ဥရောပရောက် မြန်မာတွေနဲ့ ဥရောပအခြေစုိုက် မြန်မာ့အရေးဆောင်ရွက်နေတဲ့ NGO တွေရဲ့ အစည်းဝေးတွေက လည်းရှိနေပါတယ်။

ဘာစီလုိုးနားပွဲအပြီးမှာလား၊ အဲဒီမတုိုင်ခင်လေးမှာလား မမှတ်မိတော့ပါ။ ILO ကမ္ဘာ့အလုပ်သမားအဖွဲ့ ဌာနချုပ် အပါဝင် ကုလသမဂ္ဂရုံးတွေအတော်များများရှိတဲ့ ဆွင်ဇလန်နုိုင်ငံ ဂျာနီဗာမြို့မှာကျင်းပတဲ့ မြန်မာ့အရေးပွဲတခုဆီ တက်ရောက်သတင်းယူဖုို့ ဖိတ်ကြားခံရပြန်ပါတယ်။ တကယ်က သတင်းယူဖုို့ သက်သက်မဟုတ်။ ဂျီနီဗာအခြေစုိုက် မြန်မာ့အရေးဆောင်ရွက်နေတဲ့ ဆွစ်-မြန်မာကော်မီတီကနေ DVB အတွက် ရန်ပုံငွေရှာပေးရေးအစိစဉ်လည်းပါဝင် ပါတယ်။

ထူးခြားတာကတော့ ဆွင်ဇလန်ဟာ ဒီလုို ကုလသမဂ္ဂရုံးတွေရှိနေပေမဲ့ EU အဖွဲ့ဝင်မဟုတ်သလုို Schengen ဗီဇာ လုို့ခေါ်တဲ့ ဥရောပအတွင်းသွားနုိုင်တဲ့ ဗီဇာနဲ့လည်း သူ့နုိုင်ငံအတွင်း ၀င်ခွင့်မရှိဘူးလုို့ ဆုိုပါတယ်။ အဲဒီအချိန် ကျနော်တုို့ကုိုင်ထားတဲ့ နုိုင်ငံကူးလက်မှတ်က နော်ဝေးနုိုင်ငံသားမဟုတ်သေး။ ခရီးသွားလက်မှတ်အဆင့်သာရှိသေးတဲ့ အတွက် ဗီဇာလျောက်ရမယ်လုို့ဆုိုပါတယ်။ အော်စလုိုရှိ ဆွစ်သံရုံးဆီသွားပြီး ဗီဇာလျောက်တော့ ဒီစာအုပ်အဆင့် အတန်းကုို သူတုို့နုိုင်ငံက ဗီဇာမပေးဘူး လုို့ငြင်းပါတယ်။

ဒီလုိုနဲ့နောက်ဆုံးတော့ စာအုပ်ပေါ်မှာ ဗီဇာ မထုပဲ သီးခြားစာရွက်ပေါ်ဗီဇာကပ်ပြီး ကျနော်တုို့ကုိုပေးလုိုက် ပါတယ်။ ကျနော်တုို့ဆုိုတာက သတင်းယူမယ့်ကျနော်နဲ့ ဆုယူမဲ့ ညွန်ချုပ် ကုိုအေးချမ်းနုိုင်တုို့ ၂ ဦးပါ။ (အဲဒီကာလကတော့ ဒါဟာ အတော်ထူးခြားတဲ့ဖြစ်စဉ်လုို့ထင်ခဲ့ပါတယ်။ ဒါပေမယ့် အခု မြန်မာနုိုင်ငံ ဆီဝင်နေကြတဲ့ ပြည်ပရောက် အတော်များများ၊ ငြိမ်းချမ်းရေးဆွေးနွေးပွဲသွားနေသူတော်တော်များများ စာရွက်ပေါ် ဒီလုိုပဲ ဗီဇာကပ်ပြီး ၀င်နေကြတယ်လို့သိရပါတယ်)။

ဂျီနီဗာဆီရောက်တဲ့အခါ ပထမ ဆုံးထူးထူးခြားခြားသတိထားမိတာကတော့ ကုလသမဂ္ဂရုံးရှေ့က ခြေတောက် ၃ ဖက်သာရှိတဲ့ ဧရာမကုလားထုိုင်ကြီးပါပဲ။ မြေမြှုပ်မှိုင်းရဲ့ဆုိုးကျိုးကုိုပြသတဲ့အနေနဲ့ ခြေတဖက်ပြတ်နေတဲ့ ကုလားထုိုင်ကြီးကုိုတမင်ပြသထားတာလုို့ဆုိုပါတယ်။ တုိုက်တုိုက်ဆုိုင်ဆုိုင် အဲဒီထုိုင်ခုံရှေ့ဆီ မြန်မာသံဃာင်္တော်တွေလည်း ရောက်နေတာနဲ့ အင်တာဗျုးလုပ်ဖြစ်ခဲ့ပါတယ်။ ပြီးတော့ အုိုအယ်အုို ရုံးဆီသွားပြီး မြန်မာနုိုင်ငံဆုိုင်ရာ အုိုင်အယ်အုို အရာရှိ စတိမာရှယ်နဲ့ ကာရီတာပီရုိုလာတို့နဲ့ ဗီဒီယုို အင်တာဗျုးလုပ်ခဲ့ပါတယ်။

ပြည်ပရောက်နုိုင်ငံရေးလှုပ်ရှားသူတွေ၊ မြန်မာတွေအချင်းချင်းကြားမှာ ကင်မရာမင်းမပါပဲ တဦးတည်း ကင်မရာထောင်၊ တဦးတည်းမေး၊ တဦးတည်းပြန်သရုပ်ဆောင်လုပ်ရတဲ့ All in One ပေါ်လစီဟာ သိပ်ပြသနာမရှိပေမဲ့ နုိုင်ငံတကာ ခေါင်းဆောင်တွေနဲ့ ဗျုးတဲ့အခါမှာတော့ ဒီနည်းက သူများကုိုအားနာစရာ ကြီးဖြစ်နေပါတော့တယ်။ ဒီအတွက် ပထမ ပုိုင်းမှာ အုိုင်အယ်အုို ပြန်ကြားရေးဌာနမှ ကင်မရာမင်းတဦးက ကျနော်ကို ကူညီရုိုက်ပေးပါတယ်။ ဒါပေမယ့် သူလဲ သူ့အလုပ်နဲ့သူဆုိုတော့ အစ-အဆုံးတော့ မကူညီနုိုင်။ စတိမာရှယ်နဲ့ ဗျုးတာတခုလုံးကို ကျနော်တယောက်တည်း လုပ်ခဲ့ရပါတယ်။

ကြည့်လုိုက်ရင် သိပ်အပန်းမကြီးလှဘူးလုို့ထင်ရပေမဲ့ ကင်မရာအိတ်ကအတော်လေးပါတယ်။ ကင်မရာထင် ဒေါင့်တုိုင်က ကင်မရာထက်ပုိုလေးပါတယ်။ အဲဒီလုိုလေးလံတဲ့ ပစ္စည်း ၂ ခုကိထမ်းပုိုသွားရတဲ့အပြင် ကုိုယ်ပုံကုိုလည်းပါအောင် ထည့်ရဦးမှာဆုိုတော့ အနောက်တုိုင်းဝတ်စုံတွေ၊ ကြောင်ရှာသီးတွေကိုလည်း ဆင်မြန်းသွားရပါသေးတယ်။ ဂျီနီဗာ ရာသီ ဥတုသာမအေးဘူးဆုိုရင် ချွေးပြန်မဲ့ကိစ္စ။ ပြီးတော့ ကင်မရာဆင်၊ တဖက်လူကို မုိုက်တွေဆင်ပေး၊ အသံတွေ ချိန်ရ၊ လုိုချင်တဲ့ပုံ၊ လုိုချင်တဲ့အသံရ မရ သိနုိုင်ဖို့ မေးနေရင်းနဲ့ ကင်မရာစခရင်ကုို ခဏခဏ လှမ်းကြည့်နေရတဲ့ ဒုက္ခက သိပ်မသေးလှဘူးပေါ့ခင်ဗျား။

နောက်ထပ်ကြုံရတဲ့ ကင်မရာပြသာနာတခုကတော့ ဟုိုတယ်ခန်းထဲ အင်တာဗျုးလုပ်တဲ့အခါ ကုတင်ပုံကြီး ပါ ပါလာတဲ့ကိစ္စပါပဲ။ အဲဒီပွဲဆီရောက်နေတဲ့ ညွန့်ပေါင်းအစိုးရ ၀န်ကြီးချုပ် ဒေါက်တာစိန်ဝင်း၊ ကုလသမဂ္ဂ ဆုိုင်ရာကိုယ်စားလှယ် ဒေါက်တာသောင်းထွန်းတုို့ကုို အင်တာဗျုးလုပ်စဉ်မှာ အဲဒီအကွက်တွေက သတိမထားမိပဲပါလာတာပါ။ အပြင်မှာရုိုက်မယ်ဆိုရင်လဲ ဘေးအသံတွေပါမှာစိုးတာနဲ့ အခန်းထဲပဲရုိုက်ဖြစ် တာများပါတယ်။

အလားတူအမှား ၂ ခုကို ဘာစီးလုိုးနားပွဲမှာ FDB မှ ကိုစိုးအောင်နဲ့ရုိုက်စဉ်မှာနဲ့ နယ်သာလန်နဲ့ ဒိန်းမတ် ကပွဲတခုကို သွားစဉ်ကလည်း (အခုကွယ်လွန်သွား ပြီဖြစ်တဲ့) KNU မှ ပဒုိုဒေးဗစ်ထောနဲ့ အင်တာဗျုးမှာ အဲဒီလုိုပဲ ကုတင်ပုံကြီးက ပါနေပြန်ပါတယ်။ ဒီတော့ သူပုံကုိုပဲ တခြမ်းဖြတ်ယူပြီး တောထဲကပုံတွေ၊ ဗုိုလ်ချုပ်မြနဲ့ ဗုိုလ်ချုပ်ခင်ညွန့်ဆွေးနွေးနေတဲ့ပုံတွေကို တခြမ်းစီတွဲပေးလုိုက်ပါတယ်။ ဒါပေမယ့် အဲဒီလုို ဖလင် ၂ ခြမ်းတွဲတဲ့ ပရုိုဂရမ်က DVB မှာမရှိသေးပါ။ ဒီတုိုင်း ဖြတ်-ညှပ် တွဲပြီး ထုတ်လွင့်ခဲ့တာကြာင့် ရုပ်-သံ ကျွမ်းကျင်သူတွေရဲ့ ဝေဖန်ခံရတာကို အခုချိန်ထိအမှတ်ရနေပါတယ်။ ။

ထက်အောင်ကျော်
http://www.htetaungkyaw.net/2015/01/blog-post_30.html



မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ