ကျီစုစက်မှုဇုန်အတွင်း ကျူးကျော်တဲတွေကို အင်အားသုံးဖယ်ရှား


ရန်ကုန်တိုင်း ဒေသကြီး ဒဂုံမြို့သစ်ဆိပ်ကမ်းမြို့နယ် ကျီစုစက်မှုဇုန် စီမံကိန်း ထဲမှာရှိတဲ့ ကျူးကျော်တဲ ၁၀၀ ကျော်ကို မြို့နယ် အုပ်ချုပ်ရေးမှူး အမိန့်နဲ့ လူအင်အား ၂၀၀၀ လောက်က ဒီနေ့ အင်အားသုံး ဖယ်ရှား ခဲ့ပါ တယ်။

နှစ်ပေါင်းဆယ်စုနဲ့ချီ နေထိုင်လာခဲ့တဲ့ လူနေတဲတွေ ဖျက်ဆီး ခံရတဲ့ အပေါ် အဲဒီမှာနေထိုင်သူ ဒေါ်အေးက ဆုံးရှူံး နစ်နာမှုတွေနဲ့ ပတ်သက်လို့ အခုလို ပြောပါတယ်။

"သွပ်တွေလည်း အကုန်ယူသွားတယ်၊ ဒန်အိုးဒန်ခွက်တွေလည်း အကုန်ယူသွားတယ်၊ ကိုယ့်ကလေးတွေ ခိုက်မိမှာကြောင့်လို့၊ ကလေးတွေပဲခေါ်ပြီးတော့ ဘေးမှာထိုင်နေရတယ်၊ ဝါးလုံးလေးတွေ ဓနိလေးတွေ ကိုယ်ကကောက်ပြီးတော့ ပုံထားတာလေးတွေကအစ သူတို့ကကားပေါ်တင်သွားတယ်၊ ဘာမှစောင်စုတ်တစ်ခုတောင်မကျန်ခဲ့ဘူး၊ ချက်စားစရာဆို အိုးခွက်မရှိဘူး၊ ကျောင်းသားတွေလည်း ထမင်းမစားရဘူး"

အဲဒီကျူးကျော်တဲတွေကို ဖယ်ရှားပေးဖို့ ရန်ကုန်တိုင်းဒေသကြီး အစိုးရအဖွဲ့က အကြောင်းကြားစာ ၃ ကြိမ် ပေးပို့ထားတယ်လို့ သိရပါတယ်။

ကျီစုစက်မှုဇုန်စီမံကိန်းအတွက် မြေဧက ၁၀၀ ကျော်ကို ပြည်ထဲရေးဝန်ကြီးဌာနက လွန်ခဲ့တဲ့ ၁၉၉၃ ခုနှစ်လောက်က သိမ်းယူထားတာဖြစ်ပါတယ်။

အဲဒီမြေဧက ၁၀၀ ကျော်ကို ပိုင်ဆိုင်သူ ၁၉ ဦးကို ပြီးခဲ့တဲ့နှစ် အောက်တိုဘာလမှာ လျော်ကြေးအဖြစ် ငွေကျပ် ၂သိန်းစီ ပေးအပ်ခဲ့တယ်လို့ သိရပါတယ်။

လက်ရှိ တဲအိမ်အဖျက်ခံရသူတွေဟာ စက်မှုဇုန်စီမံကိန်း အကောင်အထည်မဖော်ခင် အဲဒီမြေလွတ်ပေါ်မှာ ကျူးကျော်နေထိုင်ကြသူတွေဖြစ်ပါတယ်။

RFA Burmese
https://www.facebook.com/pages/RFA-Burmese/39218993127?fref=nf

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ