သိန်း ၈၀ ကျော်တန်ကြေးရှိ ရွှေတုလိမ်လည် ပေါင်နှံသူ အမျိုးသမီး (၃)ဦးပါ ဂိုဏ်းအား ဖမ်းဆီးရမိ


နေပြည်တော် ရဲတပ်ဖွဲ့မှူး ရုံးအကူ တပ်ဖွဲ့ ခွဲ မှုခင်းအကူအဖွဲ့ (၅)မှ ဒုရဲမှူး စိုးညွန့်နှင့် ဒုရဲအုပ်တင်ထွန်းတို့ ဦးစီးသော တပ်ဖွဲ့ဝင်များသည် ၂၇-၁-၂၀၁၅ ရက်နေ့ ညနေ ၁၅း၀၀ နာရီ အချိန်ခန့်တွင် နေပြည်တော် ကောင်စီ နယ်မြေ ရွှေစံအိမ် ရွှေဆိုင်တွင် ရွှေတုများ လိမ်လည် ပေါင်နှံသည့် အဖွဲ့အား ဖမ်းဆီး စစ်ဆေး ခဲ့သည်။

အမှုဖြစ်စဉ်မှာ ဒေါ်လဲ့နန္ဒာ(ခ)ဒေါ်မူမူအောင်သည် ဦးထွန်းဦးပိုင်ဆိုင်သော ရွှေစံအိမ်နှင့် တော်ဝင်သူ ဖုန်းအရောင်းဆိုင်သို့ ၁၁-၁-၂၀၁၅ ရက်နေ့တွင် ရောက်ရှိလာပြီး ရွှေဆွဲကြိုးတကုံးကို (၅)သိန်းဖြင့် လာရောက်ပေါင်နှံခဲ့ကြောင်း၊ တဖန် ၁၄-၁-၂၀၁၅ ရက်နေ့တွင် ထပ်မံ ရောက်ရှိလာပြီး မူလပေါင်နှံထားသော ရွှေဆွဲကြိုးကို ရွေးယူ၍ တန်ဖိုးပိုများသော ရွှေဆွဲကြိုးကို ထပ်မံပေါင်နှံခဲ့ကြောင်း၊ ပိုင်ရှင်မှ ပေါင်နှံသော ဆွဲကြိုးကို စစ်၊ မစစ် မှတ်ကျောက်တိုက်ကြည့်ခဲ့ပါကြောင်း၊ ဒုတိယပေါင်သော ရွှေဆွဲကြိုး လက်စွပ်တို့သည် အတုများဖြစ်သော်လည်း ရွှေဆိုင်များ၏ သဘာဝအရ မှတ်ကျောက်တိုက်လေ့ရှိသည့် ဆွဲကြိုး၏ ချိတ် နေရာတွင် ရွှေရည်ထူထူစိမ်ထားသောကြောင့် ဆိုင်ရှင်က အစစ်ဟုထင်ပြီး ငွေ ၁၁ သိန်းပေးလိုက်ကြောင်း၊ ၎င်းအပြင် ထပ်မံ ရောက်ရှိလာသူ မဌေးဌေးဝင်း မှ လှလှဝင်း အမည်ဖြင့် လက်ကောက်အတု (၂)ကွင်း ကျောက်ပါလက်စွပ်အတု (၁)ကွင်းတို့ကို ငွေကျပ်(၁၁)သိန်းဖြင့်လည်းကောင်း၊ အောင်နိုင်အမည်ဖြင့် ဟန်းချိန်းတု (၁)ကွင်းအား ငွေ (၈)သိန်းဖြင့်လည်းကောင်း၊ ၁၉-၁-၂၀၁၄ ရက်နေ့တွင် မြင့်လှိုင်အမည်ဖြင့် ဟန်းချိန်းတု (၁)ကွင်း၊ လက်စွပ်တု (၂)ကွင်းအား (၈)သိန်းဖြင့်လည်းကောင်း၊ ၂၁-၁-၂၀၁၅ ရက်နေ့တွင် မော်မော်နိုင်သည် ၀င်းမြတ်မွန်အမည်ဖြင့် လက်စွပ်အတု (၂)ကွင်းအား ငွေကျပ် (၂)သိန်းဖြင့်လည်းကောင်း၊ ရွှေအတုများကို လိမ်လည်၍ ပေါင်နှံထားခဲ့ကြောင်း၊ နောက်ဆုံးအချိန် ၂၇-၁-၂၀၁၅ ရက်နေ့တွင် ရွှေထည်အတုများနှင့် ထပ်မံ၍ ပေါင်နှံရန် ရောက်ရှိလာစဉ် ယခင်ပေါင်နှံထားသော ရွှေထည်များကို ထပ်မံစစ်ဆေးရာမှ အတုများဖြစ်နေကြောင်း သိရှိရပြီး ရပ်ကွက်အုပ်ချုပ်ရေးမှူးမှတဆင့် သက်ဆိုင်ရာ နေပြည်တော် ရဲတပ်ဖွဲ့မှူးရုံးသို့ အကြောင်းကြားခဲ့ကြောင်း သိရသည်။

ပဏာမ စစ်ဆေးချက်များအရ အခြားသော ရွှေဆိုင်များတွင်လည်း အလားတူ ရွှေတုများကို ပေါင်နှံထားကြောင်း ပေါ်ပေါက်ခဲ့သဖြင့် မလဲ့နန္ဒာ(ခ) မမူမူအောင်၊ မဌေးဌေးဝင်း(ခ)လှလှဝင်း၊ မမော်မော်နိုင်တို့နှင့် လိမ်လည်မှုတွင် အသုံးပြုသော ယာဉ်အမှတ် 3H- 4828 ပရိုဘောက်ယာဉ်၊ ယာဉ်မောင်း သိန်းဇော်ညီ(ခ) ညီညီနှင့် ဇော်ဝင်းထွဋ်တို့ (၅)ဦးအား သက်သေခံ ရွှေတုများ၊ မော်တော်ယာဉ်နှင့်အတူ နေပြည်တော်ကောင်စီ ဇမ္ဗူသီရိမြို့နယ် အမှတ် (၁) ရဲစခန်းတွင် ပ-၂၂(၂၀၁၅) ပုဒ်မ ၄၂၀-၄၀၆ တို့ဖြင့် အမှုဖွင့်အရေးယူကြောင်း သိရှိရသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ