ေမာ္လၿမိဳင္ၿမိဳ႕ ေစ်းႀကီးရပ္ကြက္ ဆီသိုေလွာင္႐ံုတြင္ မီးေလာင္မႈ ျဖစ္ပြား



Share/Bookmark
ဒီဇင္ဘာ ၃ဝ ရက္ ညေနပိုင္းက ေမာ္လၿမိဳင္ၿမိဳ႕ ေစ်းႀကိဳရပ္ကြက္ ေမာ္လၿမိဳင္- က်ဳိကၡမီလမ္း အိမ္အမွတ္ (၅၂) သြပ္မိုးအုတ္ကာ သံကူကြန္ကရစ္ ဆီသိုေလွာင္႐ံုတြင္ မီးေလာင္မႈ ျဖစ္ပြားေနသည္ကို ေတြ႕ရစဥ္။ (အဆိုပါ မီးေလာင္မႈသည္ ညေန ၅ နာရီ ၄၅ မိနစ္တြင္ မီးၿငိမ္းသြားၿပီး ဆီသိုေလွာင္႐ံု တြင္ ဆီပီပါမ်ား ခ်စဥ္ ကားအိပ္ေဇာမွ မီးပြားလြင့္စဥ္မႈေၾကာင့္ ေလာင္ကြၽမ္းျခင္း ျဖစ္ေၾကာင္း သိရသည္။) ဓါတ္ပုံ - MOI Webportal Myanmar

ယာဥ္အား ေနရာေရႊ႕ေျပာင္းရန္ စက္ႏွိုးစဥ္ အိတ္ေဇာမွ ထြက္ေသာ မီးပြားမ်ား အနီးရွိ ဓါတ္ဆီ ဂိုေဒါင္အတြင္းသို႔ က်ရာက မီးေလာင္မႈျဖစ္ပြား

ေနျပည္ေတာ္၊ ဒီဇင္ဘာ ၃၁

၂ဝ၁၄ ခုႏွစ္၊ ဒီဇင္ဘာလ ၃ဝ ရက္ေန႔ ညေန ၄ နာရီအခ်ိန္ မြန္ျပည္နယ္၊ ေမာ္လၿမိဳင္ၿမိဳ႕၊ ေဈးႀကီးရပ္ကြက္တြင္ မီးေလာင္မႈ ျဖစ္ပြားခဲ့ရာ ျပည္နယ္အစိုးရအဖြဲ႕ တာဝန္ရွိသူမ်ား၊ ေမာ္လၿမိဳင္ခရိုင္ ရဲတပ္ဖြဲ႕မႉး႐ုံးမွတပ္ဖြဲ႕ဝင္မ်ား၊ ေမာ္လၿမိဳင္ၿမိဳ႕နယ္ရဲတပ္ဖြဲ႕မွ တပ္ဖြဲ႕ဝင္မ်ား၊ ခရိုင္မီးသတ္တပ္ဖြဲ႕မွ တပ္ဖြဲ႕ဝင္မ်ား၊ အရန္မီးသတ္တပ္ဖြဲ႕ဝင္မ်ားႏွင့္ ရပ္ကြက္ေနျပည္သူမ်ား၏ ဝိုင္းဝန္းျငႇိမ္းသတ္မႈေၾကာင့္ ညေန ၅ နာရီ ၄၅ မိနစ္အခ်ိန္ မီးၿငိမ္းသြားခဲ့သည္။

စစ္ေဆးခ်က္အရ အဆိုပါ ရပ္ကြက္ေန မခ်ိဳခ်ိဳမာ(၂၉)ႏွစ္၏ ေနအိမ္ၿခံဝင္း အေနာက္ဘက္ရွိ ဓါတ္ဆီဂိုေဒါင္အနီး၌ မုဒုံၿမိဳ႕နယ္၊ ေက်ာက္တလုံးေက်းရြာေန ထြန္းထြန္းဦး (ခ)စိုးေပ(၂၃)ႏွစ္ေမာင္းႏွင္၍ ဓါတ္ဆီပီပါခြံမ်ားတင္ေဆာင္ထားသည့္ ၉င/xxxx ကန္တာအျဖဴေရာင္ ယာဥ္မွာ ေနရာေရႊ႕ေျပာင္းရန္ စက္ႏွိုးစဥ္ အိတ္ေဇာမွထြက္ေသာမီးပြားမ်ား ဂိုေဒါင္အတြင္းသို႔က်ရာက မီးေလာင္မႈ ျဖစ္ပြားခဲ့ျခင္း ျဖစ္ေၾကာင္း သိရွိရၿပီး မီးေလာင္မႈေၾကာင့္ (၆ဝx၇၅x၁၂)ေပရွိ သြပ္မိုး/အုတ္ကာ/ အုတ္ခင္း တစ္ထပ္ဂိုေဒါင္(၁)လုံး၊ ဂိုေဒါင္အတြင္းရွိ ဓါတ္ဆီပီပါ(၁၅)လုံး၊ ဒီဇယ္ပီပါ(၆၉)လုံးႏွင့္ ကန္တာအျဖဴေရာင္ယာဥ္(၁)စီးတို႔ မီးေလာင္ဆုံးရႈံးခဲ့ေသာေၾကာင့္ မခ်ိဳခ်ိဳမာႏွင့္ ထြန္းထြန္းဦး(ခ)စိုးေပတို႔ ၂ ဦးအား ေမာ္လၿမိဳင္ၿမိဳ႕မရဲစခန္း(ပ)၃၇၇/၂ဝ၁၄၊ ျပစ္မႈပုဒ္မ ၂၈၅ ျဖင့္ အမႈဖြင့္ အေရးယူ ထားေၾကာင္း သတင္းရရွိသည္။

ရဲဇာနည္
https://www.facebook.com/yezarnimedia

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ