ရှမ်းပြည်မြောက်ပိုင်းမှာ တပ်မတော်နဲ့ တိုင်းရင်းသား တပ်ပေါင်းစုတို့ တိုက်ပွဲဖြစ်


ရှမ်းပြည်နယ်မြောက်ပိုင်း ကွတ်ခိုင်မြို့နယ် နမ့်ဆလပ်ကျေးရွာနဲ့ နားတီးကျေးရွာအကြားမှာ အစိုးရနဲ့ တိုင်းရင်းသား ပူးတွဲတပ်တွေကြား ဒီနေ့တိုက်ပွဲတွေ ဆက်လက်ဖြစ်နေပါတယ်။

ဒီကနေ့ ဖြစ်ပွားတဲ့တိုက်ပွဲနဲ့ ပတ်သက်ပြီး တအာင်းလွတ်မြောက်ရေးတပ်မတော် TNLA က ပြန်ကြားရေးတာဝန်ခံ ဗိုလ်ကြီး မိုင်းအိုက်ကျော်က နှစ်ဖက်အခြေအနေကို အခုလို ပြောပါတယ်။

"၄၊ ၅ ရက်နေ့လောက်က စစ်တပ်ဘက်က အင်အား ၅ဝဝ၊ ၆ဝဝ လောက်အထိ ကွတ်ခိုင်ဘက်အခြမ်းကို ထပ်မံအင်အားဖြည့်လာတယ်၊ မနေ့ကလည်း နောက်ထပ်အင်အား ၂ဝဝ လောက် ထည့်မံပြီးတော့မှ ဖြည့်လာတာရှိတယ်၊ ဒီနေ့နေ့လယ် ၁၁ နာရီ ၁၅ လောက်ကနေ ၁၂ နာရီခွဲအထိ ကွတ်ခိုင်မြို့နယ်က ရွာနားမှာ ကျနော်တို့တပ်ပေါင်းစုနဲ့ အစိုးရစစ်တပ် ရင်ဆိုင်တိုက်ပွဲဖြစ်တယ်"

အစိုးရတပ်မ ၁၁ နဲ့ ၈၈ တပ်တွေနဲ့ တအာင်းလွတ်မြောက်ရေးတပ်မတော် TNLA ၊ ကချင်လွတ်မြောက်ရေးတပ်မတော် KIA ၊ ကိုးကန့်တပ်မတော် MNDAA ပူးတွဲတပ်တွေ တိုက်ပွဲဖြစ်နေတာလို့ သိရပါတယ်။

ဒီလအတွင်း တိုက်ပွဲပြန်လည်ဖြစ်ပွားတာ ခုနှစ်ကြိမ်ရှိပြီဖြစ်ပြီး ဒီဇင်ဘာလ ၁၁ ရက်နေ့ကလည်း ရှမ်းပြည်နယ်မြောက်ပိုင်း တာမိုးညဲမြို့နယ် ဆိုက်ခေါင်ကျေးရွာကြားမှာ တိုက်ပွဲပြင်းပြင်းထန်ထန်ဖြစ်ခဲ့တယ်လို့ ဆိုပါတယ်။

RFA Burmese
https://www.facebook.com/pages/RFA-Burmese/39218993127
ရှမ်းပြည်မြောက်ပိုင်းမှာ တပ်မတော်နဲ့ တိုင်းရင်းသား တပ်ပေါင်းစုတို့ တိုက်ပွဲဖြစ် ရှမ်းပြည်မြောက်ပိုင်းမှာ တပ်မတော်နဲ့ တိုင်းရင်းသား တပ်ပေါင်းစုတို့ တိုက်ပွဲဖြစ် Reviewed by သစ်ထူးလွင် on 01:50 Rating: 5
Powered by Blogger.