မန္တလေးဆူပူမှု ထောင်ဒဏ် အပြစ်ပေး


မန္တလေးမြို့မှာ ပြီးခဲ့တဲ့ ဇူလိုင်လအတွင်းက အကြမ်းဖက် ဆူပူမှုအတွင်း အရပ်သား ကိုထွန်းထွန်း သေဆုံးခဲ့တဲ့ အမှု နဲ့ပတ်သက်ပြီး တရားစွဲခံထားရသူ ၁၁ ဦးကို မန္တလေး ခရိုင်တရားရုံးက ထောင်ဒဏ် ၁၀ နှစ်ကနေ ၁၃ နှစ်အထိ အသီးသီးချမှတ်လိုက်ပါတယ်။

အဲ့ဒီ ၁၁ ဦးကို လူသတ်မှု၊ အားပေးကူညီမှု၊ လက်နက် ကိုင်ဆောင်မှု၊ လက်နက်ဖျောက်ဖျက်မှု၊ လုယက် နာကျင်စေမှု စတဲ့ ပုဒ်မတွေနဲ့ အမိန့်ချပြီး အိုးဘို အကျဉ်းထောင်ကို ပို့ဆောင်လိုက်ပါတယ်။ တရားခံ ၁၁ ဦးထဲက တစ်ဦးကို ထောင်ဒဏ် ၁၃ နှစ်၊ ၇ ဦးကို ထောင် ဒဏ် ၁၀ နှစ်၊ တစ်ဦးကို ၁၁ နှစ်နဲ့ ၂လ၊ တစ်ဦး ကို ထောင်ဒဏ် ၁၁ နှစ် ၆လ၊ တစ်ဦးကို ထောင်ဒဏ် ၁၀ နှစ်နဲ့ ၆လ စီ ချမှတ်လိုက်တာဖြစ်ပါတယ်။

ကိုထွန်းထွန်းသေဆုံးမှုမှာ ပါဝင်ပတ်သက်သူ ၇ ဦး လွတ်မြောက်နေဆဲဖြစ်တယ်လို့ သိရပါတယ်။ ပြီးခဲ့တဲ့ ဇူလိုင်လဆန်း က ဗုဒ္ဓဘာသာဝင် အမျိုးသမီးတစ်ဦး မတရား ပြုကျင့်ခံရတယ်ဆိုပြီး ပျဉ်းမနား ရဲစခန်းမှာ လိမ်လည်တိုင်တန်း မှုကြောင့် နောက်ဆက် တွဲအနေနဲ့ မန္တလေးမှာ ဆူပူအကြမ်းဖက်မှုတွေ ဖြစ်ပွားခဲ့တာပါ။

ဆူပူမှုအတွင်း ဗုဒ္ဓဘာသာဝင် ကိုထွန်းထွန်းနဲ့ အစ္စလမ်ဘာသာဝင် ဦးစိုးမင်းထွေး သေဆုံးခဲ့ပါတယ်။ ဒါ့အပြင် ပုဒ်မ ၁၄၄ ညမထွက်ရအမိန့်ကို ရက်ပေါင်း ၄၀ကျော်ကြာ ထုတ်ပြန်ခဲ့ရပါတယ်။ ဦးစိုးမင်းထွေးသေဆုံးမှုနဲ့ပတ်သက်သူ ၄ ဦးကို ပြီးခဲ့တဲ့ အောက်တိုဘာလမှာ ထောင်ဒဏ် ၁၀ နှစ်စီ ချမှတ်ခဲ့ပါတယ်။

RFA Burmese
https://www.facebook.com/pages/RFA-Burmese/39218993127?ref=br_tf

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ