စတီးပိုက်များနှင့် ၀ိုင်းဝန်းရိုက်နှက် သတ်ဖြတ်မှုမှာ ပါဝင်သူ (၂)ဦးကို ဖမ်းဆီးရမိ


လှိုင်သာယာမြို့နယ် လူသတ်မှုမှ ပြစ်မှုကျူးလွန်ရာတွင် ပါဝင်သူ (၂)ဦးကို ဖမ်းဆီးရမိ

ရန်ကုန်၊ ဒီဇင်ဘာ ၁၀

၆.၁၂.၂၀၁၄ ရက်နေ့ ၁၀၀၀ အချိန်တွင် လှိုင်သာယာမြို့နယ်နေ မနုနုအေးသည် စက်ရုံ၌အလုပ် လုပ်ကိုင်နေစဉ် ခင်ပွန်းဖြစ်သူ ကိုဝင်းသိန်း(ခ)ကိုကျော်လှ၊(၄၄)နှစ်မှာ ၎င်းငှားရမ်း နေထိုင်သည့် နေအိမ်တွင် သေဆုံးနေကြောင်းကြားသိရသဖြင့် သွားရောက်ကြည့်ရှုရာ ခင်ပွန်းဖြစ်သူတွင် ဦးခေါင်း နောက်စေ့၌ ပြတ်ရှဒဏ်ရာ
(၁)ချက်ရရှိကာ သေဆုံးနေသည်ကိုတွေ့ရှိရသဖြင့် စုံစမ်းအရေးယူပေးပါရန် တိုင်တန်းချက်အရ လှိုင်သာယာမြို့မရဲစခန်း (ပ)၁၈၄/၂၀၁၄၊ ပြစ်မှုပုဒ်မ-၃၀၂ဖြင့် အမှုဖွင့်လှစ်ကာ ပြစ်မှုကျူးလွန်သူများကို စုံစမ်းဆောင်ရွက်ခဲ့ပါသည်။

အမှုနှင့်ပတ်သက်၍ ရန်ကုန်တိုင်း ဒေသကြီး ရဲတပ်ဖွဲ့မှူးရုံးမှ တပ်ဖွဲ့ဝင်များ၊ မြောက်ပိုင်း ခရိုင်ရဲတပ်ဖွဲ့မှူး ရုံး၊ မှုခင်းနှိမ်နင်းရေး ဌာနစုမှ တပ်ဖွဲ့ဝင်များ၊ လှိုင်သာယာမြို့မ ရဲစခန်းမှ တပ်ဖွဲ့ဝင်များ ပါဝင်သည့် ပူးပေါင်းအဖွဲ့မှ စုံစမ်း ဆောင်ရွက်ခဲ့ရာ သေဆုံးသူပါဝင်သော အဖွဲ့နှင့် နိုင်လင်းအောင်၊ သိုက်အောင်ဌေး တို့ပါဝင်သည့် အဖွဲ့တို့ နှစ်ဘက်ခိုက်ရန် ဖြစ်ပွားခဲ့ကြကြောင်း သတင်းအရ မသင်္ကာသူ များဖြစ်သည့် နိုင်လင်းအောင်၊ သိုက်အောင်ဌေးတို့အဖွဲ့အား ဖမ်းဆီးရမိရေး ဆောင်ရွက်ခဲ့ပါသည်။

ပူးပေါင်းအဖွဲ့သည် အမှုမှမသင်္ကာသူ နိုင်လင်းအောင်၊ သိုက်အောင်ဌေးတို့ ပါဝင်သော(၇)ဦးအဖွဲ့အား ဖမ်းဆီးရမိရေး စုံစမ်းဆောင်ရွက်ခဲ့ရာ ၎င်းတို့အနက် လှိုင်သာယာမြို့နယ်၊ ရွှေလင်ဗန်းရပ်ကွက်နေ သိုက်အောင်ဌေး၊ (၂၃)နှစ်နှင့် နိုင်လင်းအောင်၊ (၂၅)နှစ်တို့(၂)ဦးကို ၆.၁၂.၂၀၁၄ ရက်နေ့တွင် ဖမ်းဆီးရမိခဲ့ ပါသည်။

ဖမ်းဆီးရမိသူ (၂)ဦးအား စစ်ဆေးခဲ့ရာ ၎င်းတို့အဖွဲ့နှင့် သေဆုံးသူတို့အဖွဲ့မှာ ၅.၁၂.၂၀၁၄ ရက်နေ့က လှိုင်သာယာမြို့နယ်၊ ရွှေလင်ဗန်းကျေးရွာရှိ နာရေးအိမ်တွင် ဖဲရိုက်ရာမှ စကားများ ခဲ့ကြကြောင်း၊ ၆.၁၂.၂၀၁၄ ရက်နေ့တွင် ၎င်းတို့အဖွဲ့မှ သေဆုံးသူ ပါဝင်သော အဖွဲ့အား လိုက်လံရှာဖွေရာ ကျန်စစ်သားလမ်းရှိ ဘီယာဆိုင်၌တွေ့ရှိသဖြင့် အသင့်ယူဆောင်လာသော တုတ်များ၊ စတီးပိုက်များ ဖြင့် ၀ိုင်းဝန်းရိုက်နှက်ခဲ့ကြကြောင်း၊ ထိုသို့ခိုက်ရန်ဖြစ်ပွားခဲ့သဖြင့် ကိုဝင်းသိန်း(ခ)ကိုကျော်လှမှာ ဒဏ်ရာရရှိခဲ့ပြီး သေဆုံးသွားခြင်းဖြစ်ကြောင်း ဖော်ထုတ်နိုင်ခဲ့ပါသည်။

ပေါ်ပေါက်ချက်အရ ပြစ်မှုကျူးလွန်ရာတွင်ပါဝင်သူ နိုင်လင်းအောင်နှင့် သိုက်အောင်ဌေးတို့အား အမှုဖြင့် ဖမ်းဆီးအရေးယူဆောင်ရွက်လျက်ရှိပြီး ကျန်ပြစ်မှုကျူးလွန်သူ(၅)ဦးကို ဖမ်းဆီးရမိရေး စုံစမ်း ဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice

စတီးပိုက်များနှင့် ၀ိုင်းဝန်းရိုက်နှက် သတ်ဖြတ်မှုမှာ ပါဝင်သူ (၂)ဦးကို ဖမ်းဆီးရမိ စတီးပိုက်များနှင့် ၀ိုင်းဝန်းရိုက်နှက် သတ်ဖြတ်မှုမှာ ပါဝင်သူ (၂)ဦးကို ဖမ်းဆီးရမိ Reviewed by သစ်ထူးလွင် on 17:27 Rating: 5
Powered by Blogger.