႐ုရွားအတိုက္အခံေခါင္းေဆာင္ ဖမ္းဆီးခံရ



Share/Bookmark

႐ုရွားအတိုက္အခံ ေခါင္းေဆာင္ Alexei Navalny ကို လိမ္လည္မႈနဲ႔ ေထာင္ဒဏ္ခ်မွတ္ျခင္း ခံခဲ့ရတာကို ကန္႔ကြက္ဆႏၵျပ ခဲ့ၾကသူေတြနဲ႔ Navalny ဟာ သြားေရာက္ ပူးေပါင္းခဲ့ၿပီး မၾကာခင္မွာ ရဲက သူ႔ကို ထိန္းသိမ္းလိုက္ပါတယ္။

အဂၤါေန႔က ေမာ္စကိုမွာ ရင္ျပင္နီအနီးရွိ ခရင္မလင္နန္းေတာ္ကို သူ႔ရဲ႕ေထာက္ခံသူေတြနဲ႔ ခ်ီတက္စဥ္ အဂၤါေန႔က အာဏာပိုင္ေတြက သူ႔ကို ဖမ္းဆီးခဲ့တာျဖစ္ပါတယ္။ အဲဒီေနရာတ၀ိုက္မွာ ဆႏၵျပသူ ဒါဇင္ေပါင္းမ်ားစြာကိုလည္း ရဲကဖမ္းဆီးခဲ့ပါတယ္။

သမၼတ ပူတင္ကို ျပစ္တင္ေ၀ဖန္သူတဦးျဖစ္တဲ့ Navalny ကို အခုလို ျပစ္ဒဏ္ခ်မွတ္ခဲ့တာကို ကန္႔ကြက္တဲ့အေနနဲ႔ မာနက္စ္ရင္ျပင္ကို စုေ၀းေရာက္ရွိခဲ့ၾကပါတယ္။ Navalny ရဲ႕ညီျဖစ္သူ ေအာ္လစ္ခ္ ကိုလည္း ျပစ္မႈထင္ရွားတာ ေတြ႔ရွိခဲ့ပါတယ္။

အခုလို ျပစ္ဒဏ္ခ်မွတ္တာနဲ႔ ပတ္သက္လို႔ စိတ္အေႏွာင့္အယွက္ ျဖစ္ရပါတယ္လို႔ အေမရိကန္ ႏိုင္ငံျခားေရးဌာန ေျပာခြင့္ရပုဂၢိဳလ္က ေျပာခဲ့ပါတယ္။ ႏိုင္ငံေရးလႈပ္ရွားမႈကို ဟန္႔တားတဲ့အေနနဲ႔ အခုလို အေရးယူခဲ့ပံုရတယ္လို႔ ယူဆတဲ့အေၾကာင္း၊ ဒါဟာ တသီးပုဂၢိလ ေ၀ဖန္သံေတြအေပၚ ႐ုရွားအစိုးရရဲ႕ဖိႏွိပ္မႈ ေနာက္ထပ္ဥပမာျဖစ္ေၾကာင္း၊ သတင္းမီဒီယာ လြတ္လပ္ခြင့္ အေျခခံ လူအဖဲြ႔အစည္း လူနည္းစုေတြနဲ႔ ႏိုင္ငံေရးအတိုက္အခံေတြအေပၚ ခ်ဳပ္ခ်ယ္မႈေတြ တိုးေနတဲ့အေပၚ အေမရိကန္ ျပည္ေထာင္စုအေနနဲ႔ စိုးရိမ္ေၾကာင္း သူက ေျပာသြားပါတယ္။

Alexei Navalny ေထာက္ခံသူေတြကလည္း အခုလို သူ႔အေပၚျပစ္ဒဏ္ခ်မွတ္တာဟာ သူရဲ႕ ႏိုင္ငံေရးအတိုက္အခံ လႈပ္ရွားမႈအေပၚ အစိုးရက ကလဲ့စားေခ် တုံ႔ျပန္မႈအျဖစ္ ျမင္ၾကပါတယ္။ အေစာပိုင္းက တရား႐ံုးတခုကေန Navalny အေပၚ ျပင္သစ္မိတ္ကပ္ကုမၸဏီတခုအေပၚ အနည္းဆံုး ေဒၚလာ ၅ သိန္း လိမ္လည္မႈနဲ႔ ျပစ္မႈထင္ရွား ေတြ႔ရွိခဲ့တာျဖစ္ပါတယ္။

ဗြီအုိေအ (ျမန္မာပုိင္း)
http://burmese.voanews.com/content/russia-arrested/2580021.html

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ