ဖိလစ်ပိုင်တွင် အဲအေးရှား လေယာဉ်တစ်စင်း ပြေးလမ်းချော်


ရန်ကုန် ဒီဇင်ဘာ ၃ဝ

ဖိလစ်ပိုင်နိုင်ငံ အလယ်ပိုင်းရှိ ကာလီဘိုနိုင်ငံ တကာလေဆိပ်တွင် ယနေ့ မွန်းလွဲပိုင်းက အဲအေးရှား လေယာဉ်တစ်စင်း အရေးပေါ် ဆင်းသက်ရာတွင် ပြေးလမ်းချော်မှု ဖြစ်ပွားခဲ့ကြောင်း စထရိတ်တိုင်းသတင်း စာကဖော်ပြသည်။

ပြေးလမ်းချော်ခဲ့သော လေယာဉ်မှာ မနီလာမှ ဖိလစ်ပိုင်နိုင်ငံ၏ နာမည်ကျော် ခရီးသွားနယ်မြေတစ်ခု ဖြစ်သော ကာလီဘိုသို့ လေယာဉ်ခရီးစဉ်အမှတ် ဇ ၂၂၇၂ ဖြင့် ထွက်ခွာလာသည့် လေယာဉ်ဖြစ်ပြီး ရာသီဥတုဆိုးရွားမှုကြောင့် အရေးပေါ် အခြေအနေဖြင့် ဆင်းသက်ရာတွင် ပြေးလမ်းချော်ခဲ့ခြင်း ဖြစ်သည်ဟု သိရသည်။

လေယာဉ်ပေါ်တွင် လိုက်ပါလာခဲ့သော ခရီးသည်တစ်ဦးက ကာလီဘိုလေဆိပ်ရောက်ခါနီး၌ လေတိုက်နှုန်းပြင်းထန်ခြင်းကြောင့် လေယာဉ်ကို လေယာဉ်မှူးက အရေးပေါ် အခြေအနေဖြင့် ဆင်းသက်ရန် စီစဉ်ခဲ့ကြောင်း၊ လေယာဉ်ပြေးလမ်းပေါ် ရောက်ချိန်တွင် ဘေးသို့လည်ထွက်သွားကာပြေးလမ်းဘေးရှိ မြက်ခင်းပေါ်သို့ရောက်ရှိသွားခဲ့ကြောင်း၊ လေယာဉ်အင်ဂျင်မှာ ဘေးသို့ လည်ထွက်သွားစဉ်ကတည်းက ရပ်တန့် သွားခဲ့ကြောင်းပြောသည်။

အဲအေးရှားလေကြောင်းလိုင်းက ပြေးလမ်းချော်မှုဖြစ်ပွားခဲ့ခြင်းကို အတည်ပြုခဲ့သော်လည်း ထိခိုက် ဒဏ်ရာရရှိမှု အခြေအနေကိုအတည်ပြုခဲ့ခြင်းမရှိပေ။ ဖိလစ်ပိုင်တာဝန်ရှိသူများကလည်း ထိခိုက်ဒဏ်ရာ ရရှိမှုအခြေအနေကို သတင်းအတိအကျထုတ်ပြန်နိုင်ခြင်းမရှိသေးဟုပြောကြားခဲ့ကြောင်း စထရိတ်တိုင်း ကဖော်ပြသည်။

ပြည့်ဖြိုးနိုင်
The Union Daily
http://uniondaily.net/News/DetailView.aspx…

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ