ရေနံလျှော့ မထုတ်ဖို့ OPEC ဆုံးဖြတ် အပြီး ဈေးဆက်ကျ

ရေနံထုတ်လုပ်နှုန်းကို မလျှော့ချဖို့ ရေနံတင်ပို့သော နိုင်ငံများအဖွဲ့ OPEC က ဆုံးဖြတ်လိုက်ပြီး တဲ့နောက် ဈေးကွက်ထဲမှာ ရေနံဈေး ပိုကျသွား ပါတယ်။

လက်ရှိထုတ်နေတဲ့ တရက်ကို ရေနံစည် သန်း ၃၀ အတိုင်း ဆက်ပြီး ထုတ်သွားဖို့ သြစတြီးယားနိုင်ငံ၊ ဗီယန်နာမြို့မှာ ကျင်းပတဲ့ အစည်းအဝေးအတွင်း OPEC အဖွဲ့ဝင် နိုင်ငံတွေက ရေနံဆိုင်ရာ ၀န်ကြီးတွေ ဆုံးဖြတ်လိုက်ကြတာပါ။

အဲဒီသတင်းထွက်လာပြီးတဲ့နောက် ကမ္ဘာ့ရေနံဈေးနှုန်းဟာ လေးနှစ်အတွင်း အနိမ့်ဆုံးဈေးထိ ကျသွားပြီး ၂၀၁၀ ပြည့်နှစ် သြဂုတ် လကတည်းက မရှိသေးတဲ့ဈေးနှုန်းအဆင့်ထိ ကျသွားပါတယ်။

ဇန်န၀ါရီလမှာ ပို့ပေးရမယ့် လန်ဒန်၊ Brent North Sea နဲ့ အမေရိကန်ရေနံစိမ်းတွေဟာ တစည်ကို နှစ်ဒေါ်လာကျော် ကျသွားပါ တယ်။

ပြီးခဲ့တဲ့ဇွန်လမှာ ရေနံတစည် ၁၁၅ ဒေါ်လာအထိ ရှိခဲ့ရာကနေ ၃၀% ကျော် ကျဆင်းသွားတာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com/content/opec-maintains-output-prices-hit-new-low/2537460.html

ရေနံတင်ပို့သောနိုင်ငံများအဖွဲ့ OPEC