အိမ်ဝင်းထဲက လာစိုက်တဲ့ခြံစည်းရိုး ဖျက်လို့ အဖမ်းခံရ

တပ်ပိုင်မြေဆိုပြီး နေအိမ်နဲ့ ခြံမြေတွေကနေ ဖယ်ရှား ထားခိုင်းတဲ့ မေမြို့ခေါ် ပြင်ဦးလွင်မြို့နယ် ညောင်နီ ကျေးရွာက ရွာသားလေးဦးကို မြို့နယ်ရဲစခန်းက ပြည်သူပိုင် ပစ္စည်း ကာကွယ်ရေး အက်ဥပဒေ ပုဒ်မ ၆ (၁) နဲ့ ဖမ်းဆီး ချုပ်နှောင်ထား တယ်လို့ စုံစမ်း သိရှိရ ပါတယ်။

ဒီအကြောင်း ညောင်နီကျေးရွာမှာနေထိုင်တဲ့ ဦးကြည်မောင်က ခုလို ပြောပြပါတယ်။

"ကျနော်တို့ရွာသား ၄ ယောက်ကို အချုပ်ထဲထည့်ထားတယ်ခင်ဗျ၊ သူ့အကွက်ထဲလာစိုက်လို့ဆိုပြီး ခြံစည်းရိုးဖျက်လိုက်တာပေါ့၊ သူတို့က ပုဒ်မ ၆(၁) နဲ့ စွဲထားတာပေါ့၊ အခုရဲကအမှုဖွင့်ပြီးတော့ ဆောက်လုပ်ရေး အင်ဂျင်နီယာတပ်ခွဲက အမှုဖွင့်တော့ ရဲကနေလာဆွဲတာ"

မေမြို့ရဲစခန်းမှာ ဖမ်းဆီးထားတာဖြစ်ပြီး ရမန်ကြီးရက်စေ့တဲ့ အောက်တိုဘာ ၁၀ ရက်မှာ ရုံးထုတ်မယ်လို့လည်း ပြောပါတယ်။

ညောင်နီကျေးရွာဟာ အင်္ဂလိပ်လက်ထက်က မြင်းထိန်းရွာအဖြစ်တည်ရှိခဲ့ပြီး ကျေးရွာပိုင်မြေအဖြစ် အသိအမှတ်ပြုထားတဲ့ ရွာဖြစ်ပါတယ်။ ရွာသားတွေဟာ သီးစားခွန်တွေကို ၂၀၁၁-၁၂ ထိ နှစ်စဉ်ပေးဆောင်နေရာက နောက်ပိုင်းမှာ လက်မခံတော့ဘဲ အိမ်ခြေ ၂၇ လုံးနဲ့ ဥယျာဉ်ခြံမြေတွေကို တပ်ပိုင်တဲ့မြေဖြစ်တယ်ဆိုပြီး စက်တင်ဘာလ ၁၅ ရက်နေ့ နောက်ဆုံးထားဖယ်ရှားမပေးရင် ဥပဒေအရ အရေးယူမယ်လို့ အကြောင်းကြားလာပါတယ်။ တောင်သူလယ်သမား ၂၈ ဦးကိုလည်း ပိုင်နက်ကျူးလွန်မှု ပုဒ်မ ၄၄၇ နဲ့ တရားစွဲဆိုဖို့ အမှုပြင်ဆင်ဆဲကာလအတောအတွင်း တရားရုံးက အမိန့်တစ်စုံတရာမချမှတ်ခင် သြဂုတ်လ ၁၉ ရက်မှာ ရွာသားတွေကာရံထားတဲ့ တံတိုင်းတွေ စည်းရိုးတွေကို လာရောက်ဖျက်ဆီးပြီး တပ်ကပဲ စည်းရိုးတိုင်တွေလာစိုက်တာပါ။ ဒီတိုင်တွေကို ဖျက်ဆီးမှုနဲ့ ရွာသား လေးဦး ဖမ်းဆီးခံရတာလည်းဖြစ်ပါတယ်။

ညောင်နီကျေးရွာမှာ အိမ်ခြေတစ်ရာလောက်ရှိပြီး ခုဖယ်ရှားခိုင်းတဲ့ အိမ်ခြံမြေတွေဟာ စစ်အစိုးရလက်ထက် ၁၉၉၉ ခုနှစ်မှာ တည်ထောင်လိုက်တဲ့ ဗိုလ်ချုပ်ရွာနဲ့ မျက်နှာချင်းဆိုင်မှာရှိပါတယ်။
ပြည်သူပိုင်ပစ္စည်းဖျက်ဆီးမှု ပုဒ်မ ၆ (၁) အရ အခု ဖမ်းဆီးခံလိုက်ရတဲ့ ရွာသားတွေဟာ ပြစ်မှုထင်ရှားရင် ထောင်ဒဏ် ၇ နှစ်ထိ ကျခံရနိုင်တဲ့အပြင် ထောင်ဒဏ်ရောငွေဒဏ်ပါ တပေါင်းတည်းလည်း ကျခံရနိုင်ပါတယ်။

RFA Burmese
https://www.facebook.com/pages/RFA-Burmese/39218993127


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ