ပျဉ်းမနား၊ သံတောင်နဲ့ ဖယ်ခုံမြို့နယ်တွေမှာ စိုက်ခင်းတွေကို လယ်ကြွက်တွေဖျက်ဆီး

ပျဉ်းမနား၊ သံတောင်နဲ့ ဖယ်ခုံစတဲ့ မြို့နယ် ၃ခုဆုံတဲ့ နေရာက လယ်ယာစိုက်ခင်းတွေထဲ လယ်ကြွက်တွေဝင်ရောက် ဖျက်ဆီးနေတာကြောင့် လယ်ယာမြေဧက ၂၀၀ ကျော် ပျက်စီးဆုံးရှုံးနေပြီ်လို့ သိရပါတယ်။

အခုရာသီဟာ ဝါးသီးတွေ သီးတဲ့ရာသီဖြစ်တဲ့အတွက် လယ်ကြွက်တွေက ဝါးသီးစားရင်း စပါးပင်တွေကို အောက်ခြေကနေ ကိုက်ဖြတ်တာဖြစ်တယ်လို့ ကယန်းပြည်သစ်ပါတီက ဖွံ့ဖြိုးရေးတာဝန်ခံ ဦးခင်မောင်ထွန်းက ပြောပါတယ်။

"နှစ်ပေါင်း ၅ဝ မှာတစ်ကြိမ် ဝါးသီးတဲ့အတွက်ကြောင့် ကြွက်ကပေါတယ်လို့ တချို့ပညာရှင်တွေက ယူဆကြတာပေါ့၊ ကြွက်တွေက ဒီဝါးသီးကို သိပ်ကြိုက်တယ်၊ ဒီဝါးသီးကိုစားပြီးတော့မှ ကြွက်တွေပွားနှုန်းက ပိုတိုးတယ်လို့ပြောတယ်၊ ကျနော်တို့ဖက်က မိရိုးဖလာ ကြွက်ကိုနှိမ်နှင်းတဲ့နည်းနဲ့ မနိုင်ဖူးပေါ့နော်၊ လက်ရှိစပါးတွေက နည်းနည်းဖူးနေပြီ တချို့မှည့်နေပြီ၊ ပြန်ရိပ်သိမ်းလို့ မဖြစ်နိုင်တော့တဲ့ အခြေအနေမျိုးလည်း ကြုံနေရတာပေါ့"

ပြီးခဲ့တဲ့ ဇူလိုင်လကစတင်ကာ ပျဉ်းမနားမြို့နယ်၊ အလယ်ချောင်းကျေးရွာအုပ်စုက ကျေးရွာပေါင်း ၂၀ ကျော်၊ ကရင်ပြည်နယ်၊ သံတောင်မြို့နယ်က ကျေးရွာအုပ်စု ၃ အုပ်စုနဲ့ ရှမ်းပြည်နယ်၊ ဖယ်ခုံမြို့၊ အလယ်ကယန်းကျေးရွာအုပ်စုတို့မှာ စပါးခင်းတွေထဲကို လယ်ကြွက်တွေ ဝင်ရောက်ဖျက်စီးနေတာဖြစ်ပြီး ကြွက်သတ်ဆေးချတဲ့ နည်းလမ်းနဲ့ နှိမ်နင်းနေရတယ်လို့ လယ်သမားတွေက ဆိုပါတယ်။

ဒီကိစ္စအတွက် လယ်သမားတွေကို အကူအညီပေးဖို့ ကရင်ပြည်နယ်အစိုးရကို ကယန်းပြည်သစ်ပါတီက တင်ပြထားတယ်လို့လည်း သိရပါတယ်။

ပြီးခဲ့တဲ့နှစ်ကလည်း လယ်ကြွက်တွေ ဝင်ရောက်ဖျက်ဆီးစားသောက်တဲ့အတွက် စပါးအပြင် ပြောင်း၊ ပဲ၊ အာလူး၊ ပိန်းဥပင်နဲ့ အခြားရာသီပင်တွေလည်း ပျက်စီးဆုံးရှုံးခဲ့တယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ