ဈေးခွန်မဆောင်ဟုဆိုကာ မင်းပြားသို့ ခရမ်းသီးသွားရောင်းသည့် အုတ်ဖေါ်ကံရွာသားများကို မြောက်ဦးစည်ပင်က ထိန်းသိမ်းထား

 ဈေးကောင်းရသော မင်းပြားမြို့သို့ ခရမ်းသီးသွားရောင်းသည့် မြောက်ဦးမြို့နယ်၊ အုတ်ဖေါ်ကံ ကျေးရွာသားအချို့အား ဈေးခွန်မဆောင်ဟုဆိုကာ မြောက်ဦးမြို့ စည်ပင်က ယာယီ ထိန်းသိမ်းထားသည်ဟု ကျေးရွာလူကြီးများက နိရဉ္စရာသို့ ပြောကြားသည်။

“ သူတို့က မြောက်ဦးမှာရောင်းတာ မဟုတ်ပါဘူး။ မင်းပြားမြို့မှာရောင်းမယ်ဆိုပြီး ထော်လာဂျီနဲ့ ခရမ်းသီးတွေကို မြောက်ဦးကနေ ယူဆောင်တဲ့အခါ ဈေးခွန်မဆောင်လို့ဆိုပြီး ဈေးခေါင်းနဲ့ မြောက်ဦးစည်ပင်က သူတို့ကို သွားလာခွင့်ကို တားမြစ်ပြီး ယာယီထိန်းသိမ်းထားပါတယ်” ဟု ကျေးရွာလူကြီး တစ်ဦးက ပြောသည်။

ထိုသို့ ထိန်းသိမ်းခံထားရရာတွင် အုတ်ဖေါ်ကံကျေးရွာမှ ဦးစန်းဌေး၊ အောင်နု၊ ဦးသန်းမောင် အပါအ၀င် ရွာသား ၁၅ ဦးခန့် ဖြစ်သည်ဟု ဆိုသည်။

မြောက်ဦးမြို့နယ် စည်ပင်ဦးစီးမှူး ဦးမောင်အေးသိန်းကမူ ထိန်းသိမ်းထားခြင်းမှာ မဟုတ်မှန်ကြောင်း၊ ဈေးခွန်မဆောင်၍ တားမြစ်ထားခြင်းသာ ဖြစ်ကြောင်း နိရဉ္စရာသို့ ပြောကြားသည်။

“ အခု ဒီကိစ္စနဲ့ ပတ်သက်ပြီး ဒီမှာ အစည်းအဝေး လုပ်နေပါတယ်။ ဖမ်းဆီးတာ မဟုတ်ပါဘူး။ အစည်းအဝေး ဆုံးဖြတ်ချက် မထွက်သေးတဲ့အတွက် ခဏစောင့်ပါ” ဟု ဆိုသည်။

mU-(1)

မြောက်ဦးတွင် ရောင်းချခြင်းမဟုတ်ဘဲ မင်းပြားတွင် ရောင်းချရန်သွားသည်ကို ယခုလို ဈေးခွန်ကောက်ရန် စည်ပင် ဥပဒေတွင် ပြဌာန်းထားပါသလားဟု မေးမြန်းရာ စည်ပင်ဦးစီးမှ တစ်စုံတစ်ရာ မပြောဘဲ ဖုံးအား အခြားသူ တစ်ဦး လွဲပြောင်းသွားခဲ့သည်။

နောက်ထပ် တစ်ဦးမှ “ ဒီကိစ္စနဲ့ ပတ်သက်ပြီး ဒီမှာ အချေအတင် ဆွေးနွေးနေကြတဲ့ အတွက် ခဏကြာမှ ဆက်ပါ” ဟု ဆိုကာ ဖုံးချသွားခဲ့သည်။

မြောက်ဦးစည်ပင်နှင့် မြောက်ဦးဈေးခေါင်းသည် လွန်ခဲ့သော ဇူလိူုင်လ ၂၉ ရက်နေ့ကလည်း အုတ်ဖေါ်ကံကျေးရွာသားများ မင်းပြားသို့ ခရမ်းသီးသွားရောင်းသည်ကို ဈေးခွန်မဆောင်ဟု ဆိုကာ ဖမ်းဆီးသဖြင့် ရခိုင်အမျိုးသားပါတီမှ ဦးထွန်းလိူင်အပါအ၀င် တာဝန်ရှိသူများက ကြားဝင် ဖျန်ဖြေ၍ နောက်ပိုင်းတွင် လွှတ်ပေးခဲ့သည်ဟု ဆိုသည်။

ယနေ့တွင် နောက်ထပ် တစ်ကြိမ် တားမြစ် ထိန်းသိမ်းထားခြင်း ဖြစ်သည်ဟု ဆိုသည်။

 (နိရဉ္စရာ- ၃၁ ဇူလိူင်လ ၂၀၁၄)
http://www.narinjara.com/burmese/?p=11405

စည်ပင်ရုံးရှေ့တွင် ထော်လာဂျီများနှင့် အတူ မင်းပြားသို့ သွားရောင်းမည့် ခရမ်းသီးထုပ်များကိုတွေ့ရစဉ် (ဓါတ်ပုံ- နိရဉ္စရာ)


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ