ဝန်ကြီးနှစ်ဦး နှုတ်ထွက်သွားမှုကိစ္စ ဦးရဲထွဋ် ရှင်းလင်းပြောကြား

 ရာထူးက အနားပေး ခံရတဲ့ ပြန်ကြားရေး ဝန်ကြီး ဦးအောင်ကြည်နဲ့ ကျန်းမာရေး ဝန်ကြီး ဒေါက်တာ ဖေသက်ခင်တို့ဟာ သမ္မတဦးသိန်းစိန်ရဲ့ တတိယအဆင့် ပြုပြင် ပြောင်းလဲရေးမှာ ပါဝင် ဆောင်ရွက်နိုင်ခြင်း မရှိတဲ့ အတွက်ကြောင့် နှုတ်ထွက်သွားခြင်း ဖြစ်ကြောင်း ပြန်ကြားရေး ဝန်ကြီးအဖြစ် အဆိုပြု ခံထားရသူ သမ္မတရဲ့ ပြောခွင့်ရ ပုဂ္ဂိုလ် ဦးရဲထွဋ်က ပြောပါတယ်။

ပြည်ထောင်စုအဆင့် ဝန်ကြီးနှစ်ဦး ရာထူးကနေ ရုတ်တရက်နှုတ်ထွက်သွား ခဲ့တဲ့အပေါ် ထွက်ပေါ်လာတဲ့ ကောလာဟလတွေနဲ့ ပတ်သက်လို့ RFA က ဆက်သွယ်မေးမြန်းစဉ်မှာ ဦးရဲထွဋ်က အခုလို ဖြေကြား ခဲ့တာပါ။

"ပြည်ထောင်စုဝန်ကြီး ဦးအောင်ကြည်နဲ့ ဒေါက်တာ ဖေသက်ခင် တို့ထွက်တာက တချို့ပြောနေသလို အဂတိလိုက်စားမှုတွေ ကျန်တဲ့ကိစ္စတွေနဲ့ မဆိုင်ပါဘူး၊ အဓိကက သူတို့နှစ်ဦးကိုယ်တိုင်က ပြုပြင်ပြောင်းလဲရေးလုပ်ငန်းရဲ့ တတိယအဆင့်မှာ ရင်ဆိုင်နေရတဲ့ တောင်းဆိုမှုတွေ၊ လျှင်လျှင်မြန်မြန်နဲ့ ရလာဒ်ကောင်းတွေ ပေါ်ထွက်လာဖို့ လိုအပ်ချက်တွေကို ဖြည့်ဆည်းနိုင်ဖို့အတွက် အခက်အခဲရှိတယ်လို့ ယုံကြည်တဲ့အတွက်ကြောင့်မို့ သူတို့ဆန္ဒအလျောက် နှုတ်ထွက်ခွင့် ပေးဖို့ ဆိုပြီးတော့ သမ္မတကြီးကို တင်ပြတာ"

အခုလစ်လပ်နေတဲ့ ပြန်ကြားရေးဝန်ကြီးဌာန ပြည်ထောင်စုဝန်ကြီးနေရာအတွက် ဒုတိယ၀န်ကြီး ဦးရဲထွဋ်နဲ့ ကျန်းမာရေးဝန်ကြီးဌာန ပြည်ထောင်စုဝန်ကြီးနေရာအတွက် ဒုတိယ၀န်ကြီး ဒေါက်တာ သန်းအောင် ကိုခန့်အပ်ဖို့ နိုင်ငံတော်သမ္မတ ဦးသိန်းစိန်က ပြည်ထောင်စုလွှတ်တော်ထံ ဇူလိုင် ၂၉ ရက်နေ့က သ၀ဏ်လွှာပေးပို့ အဆိုပြုထားပါတယ်။

RFA Burmese
https://www.facebook.com/pages/RFA-Burmese/39218993127?ref=br_tf


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ