မွန်းတည့်နေဂျာနယ်အမှု ၇ ဦးကို သြဂုတ် ၄ ရက်နေ့ တရားစွဲဆိုမည်

 ကြားဖြတ်အစိုးရ တင်မြှောက်တဲ့ သတင်းရေးသား ဖော်ပြတဲ့ မွန်းတည့်နေ ဂျာနယ် ထုတ်ဝေသူ၊ အယ်ဒီ တာနဲ့ သတင်းထောက် စုစုပေါင်း ၇ ဦးကို သြဂုတ်လ ၄ ရက်နေ့မှာ အမှုစတင်စွဲဆိုတော့မယ်လို့ ဒီအမှုကို လိုက်ပါ ဆောင်ရွက်နေတဲ့ ဗဟိုတရား လွှတ်တော်ရှေ့နေ ဦးရောဘတ်စန်းအောင်က ဒီနေ့ ပြောကြား လိုက်ပါတယ်။

ရဲသတင်းအထူးတပ်ဖွဲ့က တရားလိုလုပ်ပြီး ပန်းပဲတန်းမြို့နယ် တရားရုံးမှာ တရားစွဲဆိုမှာလို့ မြန်မာနိုင်ငံ ရှေ့နေကွန်ရက်က ဦးရောဘတ်စန်းအောင်က ပြောပါတယ်။

"သူတို့ ၇ ယောက်ကို ၁၉၅ဝ ပြည့်နှစ် အရေးပေါ်စီမံမှု အက်ဥပဒေ ပုဒ်မ ၅ (ဃ) နဲ့ ၅ (ည) တို့အရ ပန်းဘဲတန်းမြို့နယ် တရားရုံးမှာ အမှုစတင်စွဲဆိုတော့မယ်လို့ သိရပါတယ်"

ဒီ ၇ ဦးထဲမှာပါဝင်တဲ့ ဂျာနယ်ထုတ်ဝေသူ ဦးကျော်မင်းခိုင်နဲ့ မိတ်ဆွေဖြစ်သူ ဦးယဉ်မင်းထွန်းတို့ကို ထိုင်းနိုင်ငံမဲဆောက်မြို့မှာ ဇူလိုင် ၁၇ ရက်က ဖမ်းဆီးမိပြီး သူတို့နဲ့အတူဖမ်းဆီးမိတဲ့ ဒေါက်တာ အိအိစံကိုတော့ ပြန်လွှတ်ပေးလိုက်တယ်လို့ သိရပါတယ်။

ခု တရားစွဲဆိုခံရမယ့်လူတွေဟာ ပြစ်မှုထင်ရှားရင် ပုဒ်မနှစ်ခုစလုံးအတွက် ထောင်ဒဏ် ၇ နှစ်စီကျခံ ရနိုင်တယ်လို့လည်း ဦးရောဘတ်စန်းအောင်က ပြောပါတယ်။

ဇူလိုင်လ ၇ ရက်နေ့ ထုတ်မွန်းတည့်နေဂျာနယ်မှာ ဒီမိုကရေစီ စဉ်ဆက်မပြတ်လှုပ်ရှားမှုအဖွဲ့ MDCF အဖွဲ့က “ဒေါ်အောင်ဆန်းစုကြည်နဲ့ တိုင်းရင်းသား ဒီမိုကရေစီ အင်အားစုတွေကို ကြားဖြတ်အစိုးရ တင်မြှောက်” ဆိုတဲ့ သတင်းဖော်ပြမှုနဲ့ အရေးယူခံရတာပါ။

ဒီသတင်းကြောင့် ပြည်သူလူထုကို ထင်ယောင်ထင်မှားဖြစ်စေရုံမက နိုင်ငံတော်ကို အကြည်ညိုပျက်စေတာ၊ နိုင်ငံတော် တည်ငြိမ်အေးချမ်းရေးကို ထိခိုက်စေတာအပြင် အများပြည်သူရဲ့ အကျိုးပျက်စီးစေမှု ဖြစ်ပေါ်စေတယ်လို့ ဇူလိုင်လ ၈ ရက်နေ့ထုတ် အစိုးရသတင်းစာတွေမှာ ဖော်ပြပါတယ်။

RFA Burmese
https://www.facebook.com/pages/RFA-Burmese/39218993127?ref=br_tf


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ