ထိုင်းဘတ်ငွေအတုများ သတိထားရန် အာဏာပိုင်များ သတိပေး

 ထိုင်းနိုင်ငံတောင်ပိုင်း တရန်းခရိုင်မှာ ဘတ်ငွေအတုတွေ တွေ့ရှိခဲ့ပြီးတဲ့နောက် ငွေစက္ကူတွေ သတိထားသုံးစွဲဖို့ ထိုင်းနိုင်ငံတော်ဘဏ်က ပြည်သူတွေကို သတိပေးထားပါတယ်။

ဘဏ်လည်ပတ်မှုငွေထဲမှာလည်း 9 – A 3828862 နဲ့ 9 – A 3828863 နံပါတ်ပါ ဘတ်ငွေ ၁ ထောင်တန် ၂ ရွက် ၀င်ရောက်လာတာ တွေ့ရှိရပြီး အဲဒီငွေစက္ကူ ၂ ရွက်ဟာ အစစ်နဲ့ အလွယ်တကူ ခွဲခြား သိမြင်နိုင်ကြောင်း၊ အဓိကအချက်မှာ ထိုင်းဘုရင်ပုံမှာ ရေစာ မပါရှိဘဲ ရောင်စုံပုံနှိပ်စက်နဲ့ ထုတ်ထားကြောင်း ဘဏ်တာဝန်ရှိသူတွေရဲ့ အပြောကို ကိုးကားပြီး ထိုင်းရုပ်သံသတင်းဌာန ချန်နယ် ၇ မှာ ဖော်ပြသွားပါတယ်။

ဒါ့အပြင် ထိုင်းနိုင်ငံ မြောက်ပိုင်း အိဆန်ဒေသ နယ်စပ်ဈေးထဲမှာလည်း ဘတ် ၁၀၀ တန်နဲ့ ၅၀၀ တန် ငွေစက္ကူ အချို့ တွေ့ရှိရကြောင်း သတင်းရရှိတဲ့အတွက် ထွက်ရှိရာနေရာကို စုံစမ်း စစ်ဆေးဖို့ ရဲတပ်ဖွဲ့ကို ဆက်သွယ်အကြောင်းကြားထားတယ်လို့ ဘဏ်တာဝန်ရှိသူတွေက ပြောပါတယ်။

ငွေစက္ကူ အတုနဲ့ အစစ် ခွဲခြားသိရှိနိုင်ဖို့ နည်း ( ၃ ) နည်းမှာ – ငွေစက္ကူအစစ်ဆိုရင် ငွေစက္ကူသားမှာ ကျစ်လျစ်ခိုင်မာခြင်း၊ အလွယ်တကူ ခေါက်ခြင်း ဆွဲဆန့်ခြင်းကို ခံနိုင်ခြင်း၊ ဘတ်ငွေတန်ဖိုးနဲ့ ထိုင်းအစိုးရလို့ ဖော်ပြထားတဲ့စာလုံးမှာ အနည်းငယ် ဖောင်းကြွနေခြင်းတို့ ဖြစ်ပါတယ်။

ငွေစက္ကူ ဘယ်ဘက်ထောင့်ကို စောင်းကြည့်လိုက်ရင်သော်လည်းကောင်း၊ လက်နဲ့ စမ်းသပ် ကြည့်လိုက်ရင်သော် လည်းကောင်း ရေစာနဲ့ ဖော်ပြထားတဲ့ ငွေသားတန်ဖိုးကို တွေ့ရှိမှာ ဖြစ်ပြီး ညအချိန် အရောင်းအ၀ယ်လုပ်သူတွေအနေနဲ့ ငွေစက္ကူ စစ်ဆေးတဲ့စက်ပါ ဆောင်ထား သင့်တယ်လို့ ဆိုပါတယ်။

ငွေစက္ကူအတု ဒါမှမဟုတ် အတုလို့ သံသယရှိတဲ့ ငွေကို လက်ခံရရှိသူတွေအနေနဲ့ သုံးစွဲခြင်း မပြုဘဲ ရဲကို အကြောင်းကြားဖို့၊ ငွေစက္ကူအတုတွေ ဖမ်းဆီးရမိအောင် အကြောင်းကြား နိုင်သူကို ဆုငွေချီးမြှင့်မယ်လို့လည်း ဘဏ်ဝန်ထမ်းကပြောကြောင်း သတင်းမှာ ဖော်ပြပါတယ်။

ထိုင်းရတ်သတင်းမှာတော့ ပြီးခဲ့တဲ့ ဇူလိုင် ၂၃ ရက်နေ့ညက တရန်းခရိုင် တရန်းမြို့ ဖတ်ထလုန်းလမ်းမပေါ်က အဖျော်ယမကာဆိုင်တခုမှာ ဘတ် ၁၀၀၀ တန်ငွေအတုနဲ့ ဈေးလာဝယ်တာ ခံလိုက်ရတယ်လို့ ဆိုပါတယ်။

အလားတူ အဲဒီမြို့က ဈေးဆိုင်တွေမှာလည်း ဘတ် ၁၀၀၀ တန် ၆ ရွက်၊ ၂ ရွက်နဲ့ ၁ ရွက်စသဖြင့် တွေ့ရှိကြောင်း၊ အချို့က ရဲစခန်းမှာ သွားအပ်ပြီး ဈေးသည်တဦးကတော့ အများပြည်သူ သိရှိအောင် ငွေအတုကို ဆိုင်ရှေ့မှာ စာရေးပြီး ကပ်ပြထားတယ်လို့ ဖော်ပြသွားပါတယ်။

ထိုင်းဥပဒေအရ ငွေစက္ကူအတုမှန်းသိလျက်နဲ့ သုံးစွဲနေရင် ငွေအနည်းအများကိုလိုက်ပြီး ထောင်ဒဏ် ၁ နှစ်မှ ၁၅ နှစ်သော်လည်းကောင်း၊ ငွေဒဏ် ဘတ် ၂ ထောင်မှ ၃ သောင်းထိ ကျခံရမှာ ဖြစ်ပါတယ်။

  By ဒီဗွီဘီ
http://burmese.dvb.no/archives/61329


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ