> ျပင္သစ္နဲ႔ Costa Rica ကမၻာ့ဖလား ဒုတိယအဆင့္ တတ္



Share/Bookmark
  ကမၻာ့ဖလား ေဘာလုံး ဗုိလ္လုပြဲေတြကုိ ေသာၾကာေန႔က ဆက္လက္ က်င္းပရာမွာ အုပ္စု D ပြဲစဥ္မွာေတာ့ Costa Rica အသင္းက အီတလီအသင္းကုိ ၁ ဂုိး ဂုိးမရွိနဲ႔ အႏုိင္ရသြားတဲ့အတြက္ ဒုတိယအဆင့္ကုိ တက္သြားၿပီ ျဖစ္ပါတယ္။

Costa Rica အသင္း အခုလုိ အႏုိင္ရလုိက္တဲ့အတြက္ အုပ္စု D မွာ ပါေနတဲ့ အဂၤလန္အသင္းအေနနဲ႔ ဒုတိယအဆင့္ ရႈံးထြက္ပြဲေတြကုိ တက္ႏုိင္ေျခ လုံး၀ ကင္းေ၀းသြားၿပီ ျဖစ္ပါတယ္။ အဂၤလန္အသင္းအေနနဲ႔ ဒုတိယအဆင့္ ရႈံးထြက္ပြဲေတြကုိ ၁၉၅၈ ခုႏွစ္ကစၿပီး ေတာက္ေလွ်ာက္ တက္လာခဲ့တာ ျဖစ္ပါတယ္။

ေသာၾကာေန႔ကစားတဲ့ အုပ္စု E ပြဲစဥ္မွာေတာ့ ျပင္သစ္အသင္းက ဆြစ္ဇာလန္အသင္းကုိ ၅ ဂုိး ၂ ဂုိးနဲ႔ အျပတ္အသတ္ အႏုိင္ရသြားတဲ့အတြက္ ဒုတိယအဆင့္ကုိ ေသခ်ာေပါက္ တက္သြားၿပီ ျဖစ္ပါတယ္။ ကမၻာ့ေဘာလုံးအဖြဲ႔ခ်ဳပ္ ဖီဖာရဲ႕ သတ္မွတ္ခ်က္ေတြအရ ဆြစ္ဇာလန္အသင္းဟာ ကမၻာ့အဆင့္ ၆ မွာ ရွိေနတာပါ။

အုပ္စု E က ဒုတိယပြဲစဥ္ျဖစ္တဲ့ Honduras နဲ႔ Ecuador ပြဲစဥ္မွာေတာ့ ပထမပုိင္း ၿပီးတဲ့အခ်ိန္ထိ ၁ ဂုိးစီ သေရျဖစ္ေနခဲ့ရာက ဒုတိယပုိင္းမွာ Ecuador အသင္းက ေနာက္ထပ္တစ္ဂုိး သြင္းလုိက္ႏုိင္တဲ့အတြက္ ၂ ဂုိး ၁ ဂုိးနဲ႔ အႏုိင္ရရွိသြားပါတယ္။

Ecuador နဲ႔ ျပင္သစ္အသင္းတုိ႔ ဗုဒၶဟူးေန႔မွာ အုပ္စုေနာက္ဆုံး ပြဲစဥ္ကုိ ကစားၾကမွာ ျဖစ္ၿပီး Honduras အသင္းကေတာ့ ေသာၾကာေန႔မွာ ရႈံးသြားတဲ့အတြက္ အုပ္စုဒုတိယအဆင့္ကုိ တက္ႏုိင္မွာ မဟုတ္ေတာ့ပါဘူး။

ဗြီအိုေအ (ျမန္မာပုိင္း)




Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ