ယူနတီဂျာနယ်သတင်းထောက်များကို မီဒီယာဥပဒေဖြင့်သာ အရေးယူရန် လျှောက်လဲ

 လျှို့ဝှက်ဓာတု လက်နက် စက်ရုံ ဆောင်းပါး ဖော်ပြခဲ့တဲ့ ယူနတီဂျာနယ်က သတင်းထောက် တွေရဲ့ အပြီး သတ် လျှောက်လဲ ချက်ကို ဒီနေ့ ပေးခဲ့ပြီး မီဒီယာ ဥပဒေနဲ့ အရေးယူ ဆောင်ရွက် ပေးဖို့ ရှေ့နေတွေက လျှောက်လဲ ခဲ့ပါတယ်။

ဇူလိုင် ၁၀ ရက်နေ့မှာ စွဲဆို ခံထားရတဲ့ ယူနတီ ဂျာနယ်မှ အမှုဆောင် အရာရှိချုပ် ဦးတင့်ဆန်း အပါအ၀င် သတင်းထောက် ၄ ဦးကို စီရင်ချက် ချမှတ်မှာ ဖြစ်သလို တရားလို ရှေ့နေတွေ က မြန်မာနိုင်ငံ အစိုးရ လျှို့ဝှက်ချက် အက်ဥပဒေတွေနဲ့ အရေးယူ ပေးဖို့ လျှောက်လဲ ခဲ့တယ်လို့ စွဲဆိုခံ ထားရတဲ့ သူတွေကို လိုက်ပါ ဆောင်ရွက် ပေးနေတဲ့ ရှေ့နေ ဦးဝါ၀င်းမောင်က ပြောပါတယ်။

သတင်းမီဒီယာ ဥပဒေနဲ့ အရေးယူပြီး စီရင်ချက်ချမှတ်မယ်ဆိုရင်တော့ စွဲဆိုခံထားရတဲ့သူတွေဟာ ငွေဒဏ်ကိုသာ ပေးဆောင်ရမှာ ဖြစ်ပြီး ထောင်ဒဏ်ကနေ ကင်းလွတ်မှာလည်း ဖြစ်ပါတယ်။

မီဒီယာ ဥပဒေကို သမ္မတက လက်မှတ်ရေးထိုးအတည်ပြုပေးခဲ့ပြီးဖြစ်ပေမယ့် နည်းဥပဒေကို အတည်ပြုဖို့ လွှတ်တော်က လက်ခံစဉ်းစားခြင်းမပြုသေးတဲ့အတွက် မီဒီယာ ဥပဒေ အသက်ဝင်မ၀င် အငြင်းပွားမှု ပေါ်ပေါက်လာနိုင်တယ်လို့ စာနယ်ဇင်းကောင်စီ ယာယီက ဦးဇော်သက်ထွေးက ပြောပါတယ်။

ဇွန် ၂၈ ရက်နေ့က နည်းဥပဒေကို စာနယ်ဇင်းကောင်စီယာယီက ရေးဆွဲပေးခဲ့ပြီး ပြန်ကြားရေးဝန်ကြီးဌာနက လွှတ်တော်မှာ အတည်ပြုပေးရမှာလည်း ဖြစ်ပါတယ်။

ယူနတီဂျာနယ်မှာ လျှိ့ဝှက်ဓာတုလက်နက် စက်ရုံဆောင်းပါး သတင်းဖော်ပြခဲ့တဲ့ အတွက်  ယူနတီဂျာနယ် အမှုဆောင် အရာရှိချုပ် ဦးတင့်ဆန်းအပါအ၀င် ဦးလူမော်နိုင်၊ ဦးစည်သူစိုး၊ ဦးသဲရာဇာဦး၊ ဦးပိုင်သက်ကျော်တို့ကို နိုင်ငံတော် လျှိုဝှက်ချက်အက်ဥပဒေနဲ့ တရားစွဲဆိုခဲ့ပါတယ်။

ဒီဥပဒေနဲ့ တရားစွဲဆို ပြစ်ဒဏ်စီရင်ခံရပါက ထောင်ဒဏ် ၁၄ နှစ်နဲ့ အထက် ကျခံနိုင်ဖွယ်ရှိတယ်လို့ ဆိုပါတယ်။

By ကို​ထွေး​ (ဒီဗွီဘီ)

အပြည့်အစုံ အသံဖိုင်နားဆင်ရန်




မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ