ဖားကန္႔တြင္ ဥ႐ုေခ်ာင္းေရလွ်ံကာ ၇ ေပခန္႔အထိ ေရလႊမ္းခဲ့

ခ်င္းမုိင္၊ မဇၥ်ိမ။            ။ ဥ႐ုေခ်ာင္း ေရၾကီးေရလွ်ံမႈျဖစ္ပြားခဲ့သျဖင့္ ကခ်င္ျပည္နယ္ ဖားကန္႔ၿမိဳ႕နယ္ ငွက္ေပ်ာေတာရပ္ကြက္တြင္ ဇြန္လ ၂၉ရက္က ၇ေပခန္႔အထိ နစ္ျမဳပ္ခဲ့ၿပီး ဇြန္လ ၃ဝ ရက္တြင္ ေရျပန္က်သြားၿပီဟု ဖားကန္႔ၿမိဳ႕နယ္ အမ်ဳိးသားဒီမုိကေရစီအဖြဲ႔ခ်ဳပ္မွ ဘ႑ာေရးမႉး ဦးေသာင္းစံက မဇၥၽိမကို ေျပာသည္။

“မေန႔ကေတာ့ ကေမာၻဇဘဏ္ ေလွကားအထိ ေရာက္တယ္။ ဘဏ္ထဲေတာ့ မဝင္ဘူး။ ငွက္ေပ်ာေတာရပ္ကြက္က လူတရပ္ေက်ာ္ဆုိေတာ့ ၆ ေပ၊ ၇ ေပထိ ေပါ့။ ဖားကန္႔မွာ မိုးရြာတာက နည္းနည္းပဲ။ ဒါေပမဲ့ အထက္ဥ႐ုေခ်ာင္းရဲ႕ ျမစ္ဖ်ားခံတဲ့ေနရာမွာ တအားရြာေတာ့ ေခ်ာင္းေရက လွ်ံတက္လာတာ”ဟု ဦးေသာင္းစံက ေျပာသည္။

ဇြန္လ ၂၉ရက္ကမူ ငွက္ေပ်ာေတာ ရပ္ကြက္တစ္ခုလံုး ေရလွ်ံခဲ့ရသျဖင့္ ရပ္ကြက္အတြင္းရွိ ေရလြတ္ရာ အိမ္မ်ားကို မိသားစုမ်ား ေရႊ႔ေျပာင္းေနထုိင္ခဲ့ရေသာ္လည္း လူေနအိမ္မ်ား ပ်က္ဆီးရံႈးဆံုးမႈ၊ လူေသဆံုးမႈမ်ား မရွိခဲ့ေၾကာင္း သူက ေျပာသည္။

“ေရက တျဖည္းျဖည္းနဲ႔ တက္တယ္ဆုိေတာ့ ျပင္ဆင္ခ်ိန္ရတယ္။ ျပင္ဆင္ဖုိ႔ ေရလြတ္တဲ့အိမ္ေတြက အကူအညီေတြလည္း ရပ္ကြက္သူ အခ်င္းခ်င္းေပးၾကတယ္”ဟု သူက ဆက္ေျပာသည္။

ဇြန္လ ၃ဝ ရက္တြင္မူ ဆုိင္ကယ္မ်ား သြားလာႏုိင္ေသာ္လည္း တခ်ဳိ႕ေနရာမ်ားတြင္ ေရခါးေအာက္ထိ ရွိေနေသးသည္ဟု ငွက္ေပ်ာေတာရပ္ကြက္ေန NLD မုိးညႇင္းခ႐ုိင္ ဘ႑ာေရးမႉး ဦးဟန္ျမင့္၏သား ကုိျမင့္စုိးက မဇၥၽိမကုိ ေျပာသည္။

“မေန႔ညက ၁ဝ နာရီေက်ာ္ေလာက္မွ ေရက က်သြားတယ္။ ေရက က်သြားတယ္ဆုိေပမယ့္ ကြ်န္ေတာ္တို႔ ငွက္ေပ်ာေတာရပ္ကြက္မွာက ခါးေအာက္ေတာ့ ေရရွိေသးတယ္။ ဒီေန႔ေတာ့ ဆုိင္ကယ္သြားလုိ႔ ရၿပီ။ ဟုိငွက္ေပ်ာေတာ ပတ္လမ္းဘက္မွာေတာ့ သြားလုိ႔ မရေသးဘူး” ဟု ကုိျမင့္စုိးက ေျပာသည္။

ငွက္ေပ်ာေတာရပ္ကြက္ရွိ အမ်ဳိးသားဒီမုိကေရစီ အဖြဲ႔ခ်ဳပ္ NLD ႐ံုးေအာက္တြင္ ေရလြမ္းမုိးေနဆဲ ျဖစ္၍ အဖြဲ႔ခ်ဳပ္ဝင္မ်ား ႐ံုးတက္ေရာက္ႏုိင္ျခင္း မရွိခဲ့ဟုလည္း သူက ဆုိသည္။

ယင္းအျပင္ ဥ႐ုေခ်ာင္းေရ ၾကီးလာသျဖင့္ ေလာင္ခန္(လံုးခင္း)ၾကိဳးတံတားသည္လည္း ဇြန္လ ၂၉ရက္က ျမဳပ္သြားခဲ့ေသးသည္ဟု ဖားကန္႔ၿမိဳ႕ခံ ကုိေနာေနာ္က ေျပာသည္။

ဖားကန္႔ၿမိဳ႕တြင္ ႏွစ္တုိင္းလုိလို ဥ႐ုေခ်ာင္းေရၾကီး၍ ေျမၿပိဳမႈေၾကာင့္ လူေသဆံုးမႈမ်ား ရွိခဲ့သည္ဟု ေဒသခံမ်ားက ေျပာသည္။

 Written By ဖနိဒါ
Mizzima - News in Burmese


မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ