မြေစာရင်းဌာနအသစ်ရေးဆွဲသည့် တရုတ်-မြန်မာ နယ်ခြားပြမြေပုံအား ဒေသခံများမကျေနပ်

ဂျွန်လ ၂၉ ရက် ၂၀၁၄

 သျှမ်းပြည် မြောက်ပိုင်း နမ့်ခမ်းမြို့နယ်တွင် သျှမ်းပြည်နယ် ၀န်ကြီးချုပ်အဖွဲ့အား မြေစာရင်းဌာနမှ ရေးဆွဲ ထား သည့် တရုတ်-မြန်မာ နယ်နိမိတ် အခြေအနေပြ မြေပုံကို ပြသပေး မှုကြောင့် ဒေသခံ ပြည်သူလူထု များ မကျေမနပ်ဖြစ်နေရ ကြောင်း သတင်း ရရှိသည်။

ဂျွန်လ ၂၈ ရက်က နမ့်ခမ်းမြို့နယ်သို့ ရောက်ရှိသော သျှမ်းပြည်နယ် ၀န်ကြီးချုပ် အဖွဲ့အား မြေစာရင်း ဌာနမှ ကုန်းဆာ ကျေးရွာ ကူးတို့ဆိပ်တွင် တရုတ်-မြန်မာ နယ်နိမိတ် အခြေအနေပြ မြေပုံကို ပြသခဲ့ပြီး ထိုမြေပုံ သည် တရုတ်နိုင်ငံ ဘက်မှ ကျူးကျော် သတ်မှတ်ခံရသော နယ်နိမိတ်မျဉ်းများထည့်သွင်း ရေးဆွဲထားသည် ကို တွေ့ရကြောင်း ကုန်းဆာကျေးရွာနေ လယ်သမား လုံးစိုင်းအိုက်က ဆိုသည်။

“လွန်ခဲ့သောနှစ်ပေါင်း ၆၀ ကျော်ကတည်းက တရုတ်နယ်နိမိတ် မှတ်တိုင်တွေဟာ တရုတ်ပြည် ဘက် ရွှေလီမြစ် တစ်ဘက်ကမ်းမှာဘဲ ရှိနေတယ်။ ခုထိတွေ့နေရသေးတယ်၊ ဘယ်လိုလုပ်ပြီးမှ ကျနော်တို့ ရွာ ဘိုးဘွားပိုင်မြေ ရွှေလီမြစ်ဒီဘက်ကို ကျော်လာရသလဲ၊ ကျနော်တို့မြို့က မြေစာရင်းဌာန ဘာကြောင့် တရုတ်ဘက်ကိုဘက်လိုက်ပေးတာလဲ။” ဟု ၄င်းက သျှမ်းသံ တော်ဆင့်အားပြောသည်။

သျှမ်းပြည်နယ်ဝန်ကြီးချုပ်က မြေစာရင်းဌာနပြသော အဆိုပါ မြေပုံကိုကြည့်ရှုပြီးနောက် “ ဘာကြောင့် အသစ်ရေးထားတဲ့ မြေပုံကိုလာပြသလဲ။ ရှေးယခင် ကတည်းက ရေးဆွဲထားတဲ့ မြေပုံအဟောင်းမရှိဘူး လား” ဟု မေးမြန်းပြောဆိုသည်ကို မြေစာရင်းကနှုတ်ဆိတ်ငြိမ်နေကြောင်း လိုက်ပါသူတဦးက ပြန်လည်ပြောပြ ပါသည်။

ဒေသတွင်းလယ်သမားခေါင်းဆောင်တစ်ဦးကလည်း “ ကျနော်တို့လည်း ဇာတိသွေးဇာတိမာန် မျိုးချစ် ပြည်ချစ်စိတ်ဆိုတာရှိတယ်။ မိမိဘိုးဘွားပိုင်မြေကို တိုင်းတစ်ပါးကို တစ်လက်မမှ မပေးနိုင်ဘူး၊ တိုင်း တစ်ပါး လက်ထဲ ပါမသွားရအောင် အသက်ပေးပြီး ကာကွယ်ပေးဖို့ အသင့်ပါပဲ ” ဟု ဆိုသည်။

နမ့်ခမ်းမြို့နယ်မြေစာရင်းဌာနမှ ရေးဆွဲသတ်မှတ်ထားသော နမ့်ခမ်းမြို့နယ်အတွင်း တရုတ်-မြန်မာ နယ်နိမိတ် အခြေအနေပြမြေပုံကို မှန်ကန်စွာပြန်လည်ရေးဆွဲသတ်မှတ်မပေးလျှင် ဒေသခံပြည်သူ များက မြေစာရင်းဌာနရုံးရှိရာ နမ့်ခမ်းတောင်ခြေသို့ ချီတက်ဆန္ဒပြမည်ဟု ဒေသခံများထံမှသိရသည်။

နမ့်ခမ်းမြို့မြေစာရင်းမှ ဦးကျော်မင်းထွန်းက - “တရုတ်ပိုင်မြေလို့ သတ်မှတ်ခံထားရတဲ့မြေတွေကို ကျနော်တို့ တိုင်းတာပေး ပိုင်ခွင့်မရှိသလို တရုတ်ပိုင်မြေပါလို့လည်း ကျနော်တို့ ဆုံးဖြတ်ပိုင်ခွင့်မရှိဘူး။ အထက်ကဘဲ ဆုံးဖြတ်ပိုင်ခွင့်ရှိတယ်၊ နှစ်နိုင်ငံနယ်ခြားပြဿနာဖြစ်နေလို့ အထက်နဲ့ဘဲ ဆိုင်ပါတယ်” ဟု သျှမ်းသံတော်ဆင့် သို့ပြောဖူးသည်။

တရုတ်နိုင်ငံသည်၎င်းအိမ်နီးချင်းနိုင်ငံဖြစ်သော ဗီယက်နမ်၊ ဖိလစ်ပိုင်၊ ဂျပန်နိုင်ငံတို့ နှင့် နယ်နိမိတ် အငြင်းပွားမှုပြသနာများနှင့် ရင်ဆိုင်နေရသော နိုင်ငံတစ်နိုင်ငံဖြစ်ကြောင်းသိရသည်။

သျှမ်းသံတော်ဆင့် / စိုင်းတိုင်း၊

http://burmese.panglong.org/news/96-2008-08-03-06-49-23/4778-2014-06-29-17-03-17.html


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ