တပ်မတော်ဘက်က ပြောင်းလဲမှု ပိုမို ပြသဖို့ အမေရိကန် တိုက်တွန်း

 လက်ရှိ အခြေအနေဟာ အမေရိကန် တပ်မတော် နဲ့ မြန်မာ့ တပ်မတော် ဆက်ဆံရေး တည်ဆောက်ဖို့ အချိန် ရောက်နေပြီ ဖြစ်ကြောင်း ဒါပေမဲ့ သတိကြီးကြီး ထားပြီး တည်ဆောက်သွား ရမှာ ဖြစ်သလို မြန်မာ့ တပ်မတော် ဘက်က ပြုပြင် ပြောင်းလဲမှုတွေ ပြနိုင်ရင် အမေရိကန်ဘက်က ပူးပေါင်း ဆောင်ရွက်မှုတွေ ပို ပြီး ရှိလာမှာ ဖြစ်ကြောင်း အမေရိကန် လက်ထောက် နိုင်ငံခြားရေးဝန်ကြီး Tom Malinowski က ပြောပါ တယ်။

ရန်ကုန်မြို့ အမေရိကန်သံရုံးမှာ မနေ့က ကျင်းပတဲ့ သတင်းစာရှင်းလင်းပွဲမှာ လက်ရှိအချိန်ဟာ စစ်တပ်ချင်း ဆက်ဆံရေး တည်ဆောက်ဖို့ အချိန်ရောက်ပြီလားလို့ သတင်းထောက်တစ်ဦးက မေးမြန်းရာမှာ အမေရိကန်အစိုးရ ဒီမိုကရေစီ လူ့အခွင့်အရေး နဲ့ အလုပ်သမားရေးရာ လက်ထောက်နိုင်ငံခြားရေးဝန်ကြီး Tom Malinowski က အခုလို ရှင်းပြခဲ့တာပါ။

"မိမိတို့အမေရိကန်တပ်မတော်နဲ့ မြန်မာ့တပ်မတော် ဆက်ဆံရေးတည်ဆောက်ဖို့ အချိန်ရောက်ပါပြီ။ ဒါပေမယ့် သတိထားပြီးဆက်ဆံရေးတည်ဆောက်သွားမှာပါ။ မိမိတို့ခရီးစဉ်ကို လူ့အခွင့်အရေး စောင့်ကြည့်လေ့လာရေး အဖွဲ့ကလည်း ထောက်ခံအားပေးပါတယ်။ ဒီခရီးစဉ်ရဲ့ ရည်ရွယ်ချက်ကတော့ မြန်မာ့တပ်မတော်အနေနဲ့ လူ့အခွင့်အရေး ၊ တရားဥပဒေ စိုးမိုးရေး နဲ့ အရပ်သားအုပ်ချုပ်ရေးကို လက်ခံဖို့ တိုက်တွန်းလိုတဲ့ ရည်ရွယ်ချက် ဖြစ်ပါတယ်လို့" Mr Malinowski က ရှင်းပြခဲ့တာပါ။

သတင်းစာရှင်းလင်းပွဲမှာ အမေရိကန်တပ်မတော် ပစိဖိတ်ဒေသကွပ်ကဲရေးက ဒုတိယ အကြီးအကဲ ဒုတိယဗိုလ်ချုပ်ကြီး Anthony Crutchfield ကလည်း သူ့ရဲ့ မြန်မာနိုင်ငံအမျိုးသားကာကွယ်ရေး တက္ကသိုလ်မိန့်ခွန်းရဲ့ ရည်ရွယ်ချက်အကြောင်း ရှင်းပြခဲ့ပါတယ်။

အမေရိကန်လက်ထောက်နိုင်ငံခြားရေးဝန်ကြီးနဲ့အဖွဲ့ဟာ လွှတ်တော်ဥက္ကဌတွေ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒေါ်အောင်ဆန်းစုကြည်၊ တိုင်းရင်းသား လက်နက်ကိုင်အဖွဲ့တွေက ခေါင်းဆောင်တွေအပြင် အရပ်ဘက်လူမှုအဖွဲ့အစည်းက ခေါင်းဆောင်တွေနဲ့လည်း တွေ့ဆုံဆွေးနွေးခဲ့ပါတယ်။

RFA Burmese


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ