ကားသွင်းခွင့်မူဝါဒ မပြောင်းတော့ဟု ဦးဝင်းမြင့် ကတိပေး


 အစိုးရသစ်လက်ထက် တွင် ကားတင်သွင်းခွင့် မူဝါဒနှင့် ပတ်သက်ပြီး မိမိလက်ကျန်သက် တမ်းတွင်ထပ်မံ အပြောင်းအလဲ ပြုလုပ်တော့မည် မဟုတ်ကြောင်း စီးပွားရေးနှင့် ကူးသန်းရောင်းဝယ် ရေးဝန်ကြီးဌာန ပြည်ထောင်စု ၀န်ကြီးဦးဝင်းမြင့် ကပြောကြား သည်။

‘‘ကျွန်တော် ၀န်ကြီး လုပ်တဲ့ ကာလမှာ ကားတင်သွင်းခွင့်နဲ့ ပတ်သက်ပြီး မူဝါဒ ရှစ်ကြိမ်တိတိ ပြောင်းလဲခဲ့တယ်။ ဒါကြောင့် အခု ကတိပေးပါတယ်။ ကားနဲ့ ပတ်သက်ပြီး မူဝါဒ အပြောင်း အလဲဘာမှ မလုပ်တော့ပါဘူး’’ဟု ၀န်ကြီးက မေလ ၈ ရက်တွင် ရန်ကုန်မြို့၌ ပြုလုပ်သည့် မာစီး ဒီးဘင့်ဇ် ကားအရောင်းပြခန်းဖွင့် ပွဲအခမ်းအနားတွင် ပြောသည်။

ကားတင်သွင်းမှု မူဝါဒများ ကို ၎င်းလက်ထက်တွင် ပုံစံ အမျိုးမျိုးဖြင့် ဖြေလျှော့ပေးခဲ့ပြီး ယနေ့အထိ ကားအစီးရေ သုံး သိန်းကျော်အား တင်သွင်းခွင့် ပါမစ် ထုတ်ပေးပြီးဖြစ်ကြောင်း ၀န်ကြီးက ဆက်လက်ပြော သည်။

‘‘ဒီလိုပြောတာကို ကြိုဆိုပါ တယ်။ ကျွန်တော်တို့ လုပ်ငန်းရှင် တွေက တစ်နေ့၊တစ်နေ့ ကားနဲ့ ပတ်သက်ပြီး ဘာပြောင်းမယ်၊ ညာပြောင်းမယ်ကြားတော့ စိတ်ပူ နေရတာ’’ဟု မြမြင့်မိုရ်ကားအ ရောင်းပြခန်းမန်နေဂျာဦးစိုးမြင့် ကပြောသည်။

ပြီးခဲ့သည့်လကလည်း သမ္မတ ရုံး ၀န်ကြီးဌာန ပြည်ထောင်စု ၀န်ကြီး ဦးအောင်မင်းက ကား ဟောင်းတင်သွင်းခွင့် စလစ်များ ဖျက်သိမ်းမည်ဟု မီဒီယာများအားပြောကြားထားဖူးခဲ့သည်။

Author: မိုးညို
7Day Daily

 မာစီဒီးဘင့်ဇ် ကားအရောင်းပြခန်း ဖွင့်ပွဲ တွင်တေးသံရှင် ဖြူဖြူကျော်သိန်းနှင့် မာစီဒီးကားတစ်စီးကို တွေ့ရစဉ် (ဓာတ်ပုံ − ဂျေမောင်မောင်(အမရပူရ))

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ