ေမာ္ေတာ္ယာဥ္ စလစ္စနစ္ ဖ်က္သိမ္းမည္ဟု သမၼတ႐ုံးဝန္ႀကီး ေျပာၾကား



Share/Bookmark

ရန္ကုန္၊ မတ္ ၃၀

ေမာ္ေတာ္ယာဥ္အို ယာဥ္ေဟာင္းမ်ားကို ေမာ္ေတာ္ယာဥ္သစ္မ်ားျဖင့္ အစားထိုး လဲလွယ္ေရး စီမံခ်က္အရ ထုတ္ေပးေနေသာ စလစ္စနစ္ကို ဖ်က္သိမ္းမည္ ျဖစ္ေၾကာင္း သမၼတ႐ုံး ဝန္ႀကီးဌာန ျပည္ေထာင္စုဝန္ႀကီး ဦးေအာင္မင္းက ေျပာၾကားသည္။

ရန္ကုန္ၿမဳိ႕ေတာ္ ျမန္မာၿငိမ္းခ်မ္းေရး စင္တာ၌ မတ္လ ၂၉ ရက္ေန႔က ႏိုင္ငံေရးပါတီမ်ား ေတြ႔ဆုံပြဲတြင္ ၎က ယင္းသို႔ ေျပာဆိုျခင္း ျဖစ္သည္။
“ကားေဟာင္းက ေတာ္ေတာ္မ်ားမ်ား ကုန္သြားၿပီ။ အခု Showroom (အေရာင္းျပခန္း) ေတြ ေရာက္လာၿပီ။ ႀကဳိက္တဲ့ အခ်ိန္မွာ ဝယ္လို႔ရၿပီ” ဟု ဦးေအာင္မင္းက ေျပာဆိုသည္။

စလစ္စနစ္ကို ထားရွိျခင္းမွာ ယာဥ္အိုယာဥ္ေဟာင္း ပိုင္ဆိုင္သူမ်ား အရင္းအႏွီး မပ်က္ေစရန္ ျဖစ္ေၾကာင္း ၎က ထပ္ေလာင္း ေျပာၾကားသည္။ သို႔ေသာ္ စလစ္စနစ္ ဖ်က္သိမ္းမည့္ အခ်ိန္အတိအက်ကိုမူ ထုတ္ေဖာ္ ေျပာဆိုျခင္းမရွိေပ။

စလစ္ကပ္၍ ေမာ္ေတာ္ယာဥ္ တင္သြင္းျခင္းကို ဖ်က္သိမ္းမည္ ဆိုပါက ေမာ္ေတာ္ယာဥ္ ေစ်းႏႈန္းမ်ား ထပ္မံက်ဆင္းဦးမည္ ျဖစ္ေၾကာင္း ေမာ္ေတာ္ယာဥ္ ေရာင္းဝယ္သူ အခ်ဳိ႕က ေျပာၾကားသည္။

“တကယ္သာ စလစ္ ဖ်က္သိမ္းမယ္ဆိုရင္ ယာဥ္အိုယာဥ္ေဟာင္း အပ္ႏွံၿပီး အသစ္ျပန္သြင္းရတဲ့ ကားေတြကို ဘယ္လိုလုပ္မလဲ။ အကၡရာ နံပါတ္ေတြက အမ်ားႀကီး က်န္ေနပါတယ္။ ဒီလိုသာဆိုရင္ ကားတင္သြင္းရတာ ကေမာက္ကမ ျဖစ္သြားႏိုင္ပါတယ္” ဟု သီရိမဂၤလာ ယာဥ္ေရာင္းဝယ္ေရး စခန္းမွ ေမာ္ေတာ္ယာဥ္ ဝယ္ေရာင္း ဦးေအာင္ေက်ာ္စိုးက ေျပာဆိုသည္။

စလစ္ ဖ်က္သိမ္းပါက စလစ္ျဖင့္ တင္သြင္းရေသာ ေမာ္ေတာ္ယာဥ္ ေစ်းႏႈန္းမ်ား က်ဆင္းႏိုင္ေသာ္လည္း ေမာ္ေတာ္ယာဥ္ေစ်းႏႈန္း အတက္အက် ျဖစ္ျခင္းမွာ ဂ်ပန္ေလလံ ေစ်းကြက္ေပၚ မူတည္ေၾကာင္း ၎ကဆိုသည္။

“ကားေစ်းက ေနာက္ပိုင္း အက်ဘက္ပဲ ဦးတည္ေနတာပါ။ ဘယ္ကား အမ်ဳိးအစား၊ ဘယ္ေမာ္ဒယ္လ္ပဲ ျဖစ္ျဖစ္ ဒီထက္ေစ်းက်ဖို႔ပဲ ရွိပါတယ္” ဟု ဝါရင့္ ေမာ္ေတာ္ယာဥ္ ဝယ္ေရာင္း ဦးေက်ာ္စိုးက သုံးသပ္ ေျပာၾကားသည္။

လက္ရွိတြင္ စလစ္ေစ်းႏႈန္းမ်ား ႀကီးျမင့္ေနျခင္းကို ညႇိႏိႈင္းေပးရန္ ျမန္မာႏိုင္ငံ ေမာ္ေတာ္ယာဥ္ လုပ္ငန္းရွင္မ်ား အသင္းက ေမာ္ေတာ္ယာဥ္ တင္သြင္းမႈဆိုင္ရာ ႀကီးၾကပ္ေရး ေကာ္မတီထံသို႔ ေတာင္းဆိုထားေၾကာင္း ေမာ္ေတာ္ယာဥ္ လုပ္ငန္းရွင္မ်ား အသင္းထံမွ သိရသည္။

The Voice Weekly





Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ