နယ်စည်းမခြားဆရာဝန်များအဖွဲ့ကို ရခိုင်တွင် ဆက်လုပ်ခွင့်မပြုတော့ဟုဆို


နယ်စည်းမခြားဆရာဝန်များအဖွဲ့ MSF(AZG) ကို ရခိုင်ပြည်နယ်တွင်း အကူအညီပေးရေး ပူးပေါင်းလုပ်ငန်းစဉ်၌ ဆက်လက်လုပ်ဆောင်ခွင့်ပြုတော့မည်မဟုတ်ကြောင်း ရခိုင်ပြည်နယ်အစိုးရထံမှ သတင်းရရှိသည်။

အကူအညီပေးရေးကိစ္စရပ်များနှင့် စပ်လျဉ်း၍ ပြည်ထောင်စုအစိုးရနှင့် သဘောတူညီမှုပြုလုပ်ထားခြင်းကို သက်တမ်းတိုးမပေးတော့ခြင်းဖြစ်ပြီး ဖေဖော်ဝါ ရီ ၂၆ ရက် ညနေ ၄ နာရီခန့်တွင် ပြည်နယ်အစိုးရက ယင်းအဖွဲ့အား ခေါ်ယူတွေ့ဆုံ၍ ပြောကြားခဲ့ခြင်းဖြစ်သည်။

‘‘MSF ရဲ့ ရခိုင်ပြည်နယ်တွင်း လုပ်ငန်းတွေကို ဆက်လက်သက်တမ်းမတိုးတော့ဘူးလို့ ပြောတာပါ။ ပြည်ထောင်စုအစိုးရနဲ့ သက်ဆိုင်တဲ့အတွက် ကျန်းမာရေးနဲ့ဆိုင်တဲ့အပိုင်းက ကျန်းမာရေးဦးစီးက
ခေါ်ပြောမှာဖြစ်ပြီး အသင်းအဖွဲ့နဲ့ ဆိုင်တာတွေကျတော့ ပြည်ထဲရေးက ပြောမှာပါ။ ပြည်နယ်အစိုးရအနေနဲ့ ဆုံးဖြတ်တာ မဟုတ်ပါဘူး’’ ဟု ရခိုင်ပြည်နယ်အစိုးရ ပြည်နယ်ဥပဒေချုပ် ဦးလှသိန်းကပြောသည်။

ပြည်နယ်အစိုးရထံမှ အတည်ပြု ပြောကြားချက် ရရှိပြီးနောက် AZG သို့ ဆက်သွယ်မေးမြန်းသော်လည်း ရုံးချိန်လွန်သွား၍ မေးမြန်းနိုင်ခဲ့ခြင်းမရှိပေ။             ပြည်နယ်အစိုးရအနေဖြင့် ယနေ့ညနေ ၄ နာရီခွဲခန့်က ယင်း အဖွဲ့အား ခေါ်ယူတွေ့ဆုံခဲ့ခြင်းဖြစ်ပြီး ဆက်လက်မလုပ်ဆောင်ရန် ညွှန်ကြားသည်ဟု သတင်းရရှိကြောင်း၊ MSF မှ ၀န်ထမ်းအချို့မှာ ည ၇ နာရီ လေယာဉ်ဖြင့် စစ်တွေလေဆိပ်မှ ရန်ကုန်မြို့သို့ ပြန်သွားသည်ဟု သိရကြောင်း စစ်တွေ မြို့မိမြို့ဖတစ်ဦးက ပြောကြားသည်။

ရခိုင်ပြည်နယ် စစ်တွေမြို့တွင် MSF (AZG)၏ အကူအညီ ပေးမှုများသည် မျှတမှုမရှိဟု ယူဆသောကြောင့် ဆန္ဒပြမှုများဖြစ်ပေါ်နေချိန်တွင် ယခုကဲ့သို့ အကူအညီပေးရေး သက်တမ်းဆက်လက်မတိုးရန် ပြည်နယ်အစိုးရက ပြောကြားခဲ့ခြင်းဖြစ်သည်။

MSF အား ရခိုင်ပြည်နယ်အတွင်း လှုပ်ရှားမှုများခွင့်မပြုရန်၊ မှတ်ပုံတင်ထားခြင်းအား ပယ်ဖျက်ရန်၊ အကူအညီပေးရေး သဘောတူညီမှု (MOU) အား ဆက်လက်သက်တမ်းမတိုးရန် သမ္မတရုံးက ညွှန်ကြားသည်ဟု ဖေဖော်ဝါရီ ၂၆ ရက် နေ့လယ်တွင် သတင်းများ ထွက်ပေါ်ခဲ့ရာ နိုင်ငံတော်သမ္မတ၏ ပြောရေးဆိုခွင့်ရှိသူက ငြင်းဆိုခဲ့သည်။

နိုင်ငံတကာ အကူအညီပေး ရေးအဖွဲ့အစည်းများ အနေဖြင့် ပွင့်လင်းမြင်သာမှုရှိရေး၊ နှစ်ဖက် လူ့အဖွဲ့အစည်းအား မျှတစွာအ ကူအညီပေးရေးနှင့် လုပ်ငန်းများ ဆောင်ရွက်ရာတွင် သံသယများ မဖြစ်ပေါ်စေရန် ဒေသခံရပ်မိရပ် ဖများနှင့် လက်တွဲလုပ်ဆောင်ရန် ပြည်ထောင်စုအစိုးရနှင့် ပြည်နယ် အစိုးရက ညွှန်ကြားချက်များ ထုတ်ပြန်ထားသည်။

MSF အဖွဲ့သည် ရခိုင်ပြည်နယ်အတွင်း နှစ်ပေါင်း ၂၀ ကျော် အကူအညီပေးရေးလုပ်ငန်းများ ဆောင်ရွက်နေသော အဖွဲ့အစည်းဖြစ်သည်။

Author: ရဲနောင်
7day Daily

စစ်တွေမြို့တွင် ဖေဖော်ဝါရီ ၂၃ ရက်က နယ်စည်းမခြားဆရာဝန်များအဖွဲ့အား ဆန္ဒပြနေစဉ် ဓာတ်ပုံ − ညွန့်ဝင်း/အီးပီအေ

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ