ထိုင်း-မြန်မာနယ်စပ်တွင် ရာဘ ၁ သန်းကျော် သယ်ဆောင်သူကို အသေပစ်ခတ် ဖမ်းမိ


ထိုင်း-မြန်မာနယ်စပ် ချင်းရိုင်ခရိုင်ကနေ ရာဘ ခေါ် မြင်းဆေး အလုံးရေ ၁ သန်းနဲ့ ၂ သိန်းကို သယ်ဆောင်လာတဲ့ လူရွယ်တဦးကို အသေပစ်ခတ်ဖမ်းဆီးရမိခဲ့တယ်လို့ ထိုင်းမူးယစ် ရဲတပ်ဖွဲ့ရဲ့ အပြောကို ကိုးကားပြီး ထိုင်းရတ်သတင်းမှာ ဖော်ပြသွားပါတယ်။

အဲဒီ မူးယစ်ဆေးတွေကို ဖေဖော်ဝါရီ ၃ ရက် ည ၁၁ နာရီအချိန်က ထိုင်းနိုင်ငံ မြောက်ပိုင်း လမ်ပွန်းခရိုင် မဲ့ထားမြို့နယ် ထာ့ဆုပ်ဆောက် စစ်ဆေးရေးဂိတ်အလွန်မှာ ဖမ်းမိခဲ့တာလို့ အမှတ် ၅ ခရိုင် မူးယစ်ရဲတပ်ဖွဲ့က ဒု ရဲမှူးကြီး ချမ်းနန်လုတ်လျိုးက ထိုင်းသတင်း ထောက်တွေကို ပြောပါတယ်။

ဒီမတိုင်ခင်က ထိုင်း-မြန်မာ နယ်စပ် တာ့ခ်ရိုင် ဖုတ်ဖရမြို့နယ်မှာ နေထိုင်သူ အသက် ၂၆ နှစ်ရှိ ထိုင်းနိုင်ငံသား နိုင်းနုတ်ဖွန်း ဖစ်ခ်ျခီရိဆိုသူဟာ မူးယစ်ဆေးဝါးနဲ့ ဆက်နွယ်တယ်လို့ ကြိုတင် သတင်းရထားတဲ့အတွက် ထိုင်းရဲတွေက သူနောက်ကို ခြေရာခံလိုက်ခဲ့တယ်လို့ ဆိုပါတယ်။

အခင်းဖြစ်တဲ့နေ့က ချင်းရိုင်းခရိုင်ကနေ ထွက်ခွာလာတဲ့ အဲဒီ ငွေရောင်တိုယိုတာ ကားနောက်ကို မလှမ်းမကမ်းကနေ လိုက်လာခဲ့ရာမှာ စစ်ဆေးရေးဂိတ်မှာ ရဲတွေက တားဆီးတာကို ဖြတ်ပြေးခဲ့တယ်လို့ ပြောပါတယ်။

ရဲတပ်ဖွဲ့က လိုက်လံ ဖမ်းဆီးတဲ့အတွက် ၁ ကီလိုမီတာအကွာမှာ သူက ကားကို ရပ်ပြီး ထွက်ပြေးသလို သေနတ် ၁ ချက် ခုခံ ပစ်ခတ်တဲ့အတွက် ရဲဘက်ကလည်း ပြန်ပစ်ခဲ့ကြောင်း၊ ရဲဘက်က ထိခိုက်ဒဏ်ရာရသူ မရှိဘဲ ကားမောင်းသူကတော့ နောက်ကျောကနေ ရှေ့ရင်ဘတ်ထိ ကျည်ဖောက်ထွက်ပြီး နေရမှာတင် သေဆုံးသွားတယ်လို့ အမှတ် ၅ ခရိုင် ဒုရဲမှူးကြီးက ပြောပါတယ်။

ကားကို စစ်ဆေးရာမှာ ပလစ်စတစ်အိတ်ခြင်းထဲ ထည့်ထားတဲ့ အိတ်ပေါင်း ၁၂ လုံးကို တွေ့ရှိရပြီး အိတ် ၁ လုံးစီမှာ ရာဘအလုံးရေ ၁ သိန်းစီ ရှိကြောင်း၊ ကာလတန်ဖိုး ဘတ်သန်းပေါင်း ၁၀၀ ခန့်ရှိကြောင်း၊ ရာဘရဲ့ အမှတ်တံဆိပ်ကို ကြည့်ခြင်း အားဖြင့် ထိုင်းဘက်က အလိုရှိနေတဲ့ တဘက်နိုင်ငံက ပြည်သူ့စစ်ခေါင်းဆောင် ဗိုလ်မှူး ယီ့ဆေးအဖွဲ့က လာတာ ဖြစ်နိုင်ကြောင်း ရဲမှူးကြီးက ခန့်မှန်း ပြောဆိုပြီး နောက်ထပ် ကွင်းဆက်တွေ ဖမ်းမိအောင် ကြိုးစားသွားမယ်လို့ သတင်းထောက်တွေကို ပြောသွားပါတယ်။

By ဒီဗွီဘီ


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ