စစ်တပ်နဲ့ လယ်သမား အငြင်းပွား


ပဲခူးတိုင်း ပဲခူးမြို့ နယ် သာယာကုန်းကျေးရွာအုပ်စု ရွာ ၈ ရွာက လယ်သမားတွေရဲ့ မြေတွေကို CAD ခဲယမ်းမီးကျောက်တပ်နဲ့  လေတပ်ကသိမ်းထားပြီး အဲဒီမြေတွေကို ခြံစည်းရိုးခတ်နေတဲ့အတွက် လယ်သမားတွေနဲ့ ပဋိပက္ခဖြစ်နေတယ်လို့ သိရပါတယ်။

ဒီကိစ္စနဲ့ ပတ်သက်လို့  လယ်သမားတစ်ဦးဖြစ်တဲ့ ကိုစံရွှေက RFA ကို အခုလိုပြောပါတယ်။

“CAD ခဲယမ်းမီးကျောက်တပ်နဲ့  လေတပ်ခဲယမ်းမီးကျောက်တပ် တပ်နှစ်တပ်သိမ်းထားတယ်၊ လယ်ဧက ၅ ထောင်လောက်ခင်ဗျ၊ ရွာပေါင်း ၈ ရွာကိုသိမ်းပြီးတော့ လယ်တွေကို ခြံစည်းရိုးခတ်ဖို့လုပ်နေတာ၊ အဲဒါကို ကျနော်တို့သွားပြီးတော့ တားတဲ့အခါကျတော့ မင်းတို့ဘာလို့လာတားတာလဲ၊ ကျနော်တို့ လယ်တွေခြံတွေပါမှာကြောင့်လို့ လာတားတာပါ၊ သေနတ်တွေနဲ့ ကျနော်တို့ကို တားတာပေ့ါနော်”

ဂုန်ညင်းတန်း၊ နဂါးပွက်၊ ရွှေလှေ၊ ကျွဲဒညင်းကုန်း၊ ကျောက်ကုန်း၊ ထီးပါးတို၊ တုတ်ကြီးကုန်းနဲ့ အလံကွဲ ရွာတွေက လယ်ဧက ၅ ထောင်လောက်ကို လွန်ခဲ့တဲ့ ၁၉၉၇ ခုနှစ်ကစလို့  အဲဒီစစ်တပ်တွေက သိမ်းလိုက်ပြီး သူတို့လယ်သမားတွေကို သီးစားခနဲ့ ပြန်ချပေးထားတာလို့ ဆိုပါတယ်။

၂၀၁၂ ခုနှစ်မှာတော့ သီးစားခမပေးတော့ပဲ လယ်သမားတွေလုပ်ကိုင်နေပြီး၊ ဒီနောက်ပိုင်း လယ်တွေပြန်ပေးဖို့ တောင်းဆိုခဲ့ကြတဲ့အတွက် စစ်တပ်က ပြန်မပေးနိုင်ဘူးဆိုပြီး ခြံစည်းရိုးကာနေတာလို့ ပြောပါ တယ်။ ဒါကိုလယ်သမားတွေက သွားရောက်တားမြစ်ခဲ့တယ်လို့ ဆိုပါတယ်။

လွှတ်တော်ကဖွဲ့စည်းထားတဲ့ လယ်ယာမြေနဲ့ အခြားမြေသိမ်းဆည်းမှု စုံစမ်းရေးကော်မရှင်ကို တင်ပြထားပေမယ့် အကြောင်းမထူးသလို၊ သူတို့ မဲဆန္ဒနယ်ရဲ့ လွှတ်တော်ကိုယ်စားလှယ်တွေကလည်း ထိရောက်အောင် ဆောင်ရွက်မပေးနိုင်ဘူးလို့ ပြောပါတယ်။

RFA Burmese



မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ