သမၼတ အရည္အခ်င္း ျပင္ဆင္ေရး မဟာဗႏၶဳလပန္းျခံေရွ႔တြင္ ပထမအၾကိမ္ ဆႏၵျပ



Share/Bookmark

အံ့မင္းညိဳ

ျပည္သူေရြးခ်ယ္ တင္ေျမွာက္ေသာ အစိုးရေပၚေပါက္ေရး အတြက္ ဖဲြဲ႔စည္းပံုအေျခခံ ဥပေဒတြင္ ပါရွိေသာ ပုဒ္မ ၅၉ ပုဒ္ခြဲ (ဃ) (စ) တုိ႔ ပယ္ဖ်က္ေပးရန္အတြက္ ယေန႔ နံနက္ ၁၀ နာရီခြဲတြင္ ရန္ကုန္ျမိဳ႔ မဟာဗႏၶဳလ ပန္းျခံေရွ႕တြင္ လူအင္အား ၁၅၀ ခန္႔မွ ပထမဆံုးအၾကိမ္ ဆႏၵျပ၍ ေတာင္းဆိုခဲ့သည္။

ယခုလုိ အမ်ားျပည္သူျမင္ႏိုင္ေသာေနရာ၌ ဆႏၵေဖာ္ထုတ္ျခင္းသည္ ကမၻာ့ နုိင္ငံမ်ားႏွင့္ ျမန္မာအစုိးရ အာဏာပုိင္မ်ား သမၼတၾကီးနွင့္ ၀န္ၾကီးမ်ား လႊတ္ေတာ္ကိုယ္စားလွယ္မ်ား ျပည္သူမ်ား၏ ဆႏၵကို သိရွိလာျပီး ျဖည့္ဆည္းေပးေစလုိေၾကာင္း ဆႏၵျပပြဲကို ဦးေဆာင္သူ ဦးေဇာ္၀င္းက ေျပာသည္။

"ျပည္သူ႔အက်ိဳးကို ျပဳမယ့္ ေခါင္းေဆာင္မွန္သမွ်ကို ဒုိ႔ျပည္သူေတြေထာက္ခံမွာပဲ အခုပုဒ္မေတြက ေဒၚေအာင္ဆန္းစုၾကည္ သမၼတျဖစ္ေရးအတြက္ သူတုိ႔ေတြက တားျမစ္ထားတာ ျဖစ္ေနတယ္" ဦးေဇာ္၀င္းက ေျပာၾကားသည္။

ဖြဲ႔စည္းပံုအေျခခံ ဥပေဒပါ ပုဒ္မ ၅၉ ပုဒ္ခြဲ (ဃ) (စ) တုိ႔အား ဖ်က္သိမ္းေပးရန္ ေတာင္းဆုိဆႏၵျပေသာ ေနရာသို႔ ေထာက္ခံေသာေၾကာင့္ အမ်ိဳးသားဒီမုိကေရစီအဖြဲ႔ခ်ဳပ္မွ ျပည္သူ႔လႊတ္ေတာ္ကိုယ္စားလွယ္ ဦးျဖိဳးမင္းသိန္းလည္း ေရာက္ရွိခဲ့သည္။

ဒီမုိကေရစီေခတ္တြင္ ျပည္သူလူထုေရြးခ်ယ္ေသာ အစုိးရတစ္ရပ္ ေပၚထြန္းရန္လုိအပ္ေၾကာင္း ၊ ယခုဆႏၵေဖာ္ထုတ္ပြဲသည္ ၂၀၁၅ ေရြးေကာက္ပြဲအတြက္ ရလာဒ္ေကာင္းမ်ား ေပၚထြက္လာမည္ဟု ထင္ေၾကာင္း ၊ ယခု ဆႏၵေဖာ္ထုတ္ေနေသာ ျပည္သူ႔အသံမ်ားကို လႊတ္ေတာ္တြင္ တင္ျပေဆြးေႏြးရန္ အစီအစဥ္ရွိေၾကာင္း ဦးျဖိဳးမင္းသိန္းက ေျပာသည္။

အဆိုပါဆႏၵျပပြဲတြင္ လူအင္အား ၁၅၀ခန္႔သည္ ပုဒ္မ ၅၉ (ဃ) (စ) ဖ်က္သိမ္းေပး ၊ ျပည္သူေရြးခ်ယ္တင္ေျမွာက္ေသာ ေခါင္းေဆာင္ အစုိးရ ေပၚေပါက္ေရး ၊ ၅၉ (ဃ) (စ) အလိုမရွိ ဟူေသာ ဗီႏုိင္းမ်ားကိုေဆာင္၍ မဟာဗႏၶဳလ ျပန္းျခံအား တစ္ပတ္လွည့္လည္၍ ဆႏၵျပခဲ့ၾကသည္။

ဓာတ္ပံု - အံ့မင္းညိဳ

Venus News Weekly



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ