ဆိုးသြမ္းေဘာလုံး ပရိသတ္မ်ားကို ထိန္းသိမ္းရန္ ျမန္မာရဲမ်ားကို ၿဗိတိန္ရဲ ေလ့က်င့္ေပး


ရန္ကုန္၊ ဇန္နဝါရီ ၃၀

ျမန္မာေနရွင္နယ္လိဂ္ (MNL) ၿပဳိင္ပြဲမ်ားကို ေဖေဖာဝါရီ ၁ ရက္ေန႔တြင္ စတင္က်င္းပေတာ့မည္ျဖစ္ရာ ေဘာလုံး ပြဲစဥ္မ်ားတြင္ ျဖစ္ပြားေလ့ရွိသည့္ ပဋိပကၡ ျဖစ္စဥ္မ်ား၌ ဆိုးသြမ္း ေဘာလုံး ပရိသတ္မ်ားကို ထိန္းသိမ္းရန္ ျမန္မာႏိုင္ငံ ရဲတပ္ဖြဲ႕ဝင္ မ်ားကို ၿဗိတိန္ ရဲအရာရွိမ်ားက သုဝဏၰ လူငယ္ ေလ့က်င့္ေရးကြင္းတြင္ ဇန္နဝါရီလ ၃၀ ရက္ေန႔က တစ္ရက္တာ ေလ့က်င့္ သင္ၾကားေပးခဲ့ေၾကာင္း ျမန္မာႏိုင္ငံ ေဘာလုံး အဖြဲ႕ခ်ဳပ္ လုံၿခံဳေရး တာဝန္ခံက ေျပာၾကားသည္။

ယင္းေလ့က်င့္ေရး အစီအစဥ္၌ ျမန္မာႏိုင္ငံ ရဲတပ္ဖြဲ႕အင္အား ၁၀၀ ခန္႔ႏွင့္ ၿဗိတိန္ ရဲအရာရွိမ်ား လက္ေတြ႕သ႐ုပ္ျပျခင္းႏွင့္ ပူးတြဲ ေလ့က်င့္မႈမ်ား ျပဳလုပ္ခဲ့သည္ဟု ၎ကဆိုသည္။

ျမန္မာေနရွင္နယ္လိဂ္ ေဘာလုံးၿပဳိင္ပြဲမ်ား၌ အသင္းႀကီး အခ်င္းခ်င္း ေတြ႕ဆုံသည့္ပြဲမ်ား၌ ႏွစ္ဖက္အသင္း ပရိသတ္မ်ား ပဋိပကၡ ျဖစ္ပြားတတ္ရာ ၂၀၁၃ ေနရွင္နယ္လိဂ္ ေဘာလုံးၿပဳိင္ပြဲ ၏ ေနာက္ဆုံးပြဲစဥ္၌ ရန္ကုန္ ယူႏိုက္တက္အသင္းႏွင့္ ေနျပည္ေတာ္ အသင္းတို႔ ျဖစ္ပြားခဲ့သည့္ ပဋိပကၡမ်ားေၾကာင့္ ဝဏၰသိဒၶိ အားကစားကြင္းရွိ ထိုင္ခုံငါးရာေက်ာ္ ပ်က္စီးခဲ့ရသည္။

ယင္းပဋိပကၡ ျဖစ္စဥ္မွာ ျမန္မာ ေနရွင္နယ္လိဂ္ၿပဳိင္ပြဲ သက္တမ္းတစ္ေလွ်ာက္ အႀကီးမားဆုံး ရန္ပြဲအျဖစ္ မွတ္တမ္းတင္ခဲ့ရၿပီး ရန္ကုန္ ပရိသတ္မ်ား ကြင္းအတြင္းမွ ထြက္ခြာရန္ အခ်ိန္ၾကာျမင့္စြာ ေစာင့္ဆိုင္းမႈမ်ား ျဖစ္ခဲ့ရသည္။

(၂၇) ႀကိမ္ေျမာက္ SEA Games ၿပဳိင္ပြဲ၏ အုပ္စုေနာက္ဆုံး ပြဲစဥ္ျဖစ္ေသာ ျမန္မာအသင္းကို အင္ဒိုနီးရွားအသင္းက အႏိုင္ရရွိခဲ့သည့္ ပြဲတြင္လည္း ျမန္မာ ပရိသတ္မ်ားက သုဝဏၰကြင္းရွိ ပြဲၾကည့္စင္မွ ထိုင္ခုံမ်ားကို ဖ်က္ဆီးျခင္း၊ ႏိုင္ငံေတာ္ အလံမ်ားကို မီး႐ိႈ႕ျခင္းမ်ား ျပဳလုပ္ခဲ့ၾကသည္။

ဥေရာပသမဂၢ အစီအစဥ္ျဖင့္ ၿဗိတိန္ ရဲအရာရွိမ်ားက ျမန္မာႏိုင္ငံ ရဲတပ္ဖြဲ႕ဝင္ ၄၀၀၀ ကို ယူ႐ိုေငြ ၁၀ သန္း အကုန္အက်ခံ၍ ၂၀၁၃ ခုႏွစ္ ႏိုဝင္ဘာလဆန္းက အဓိက႐ုဏ္း ကိုင္တြယ္ ေျဖရွင္းနည္း သင္ၾကားေပးခဲ့သည္။

The Voice Weekly


မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ