လက်ပံတောင်းအရေး လှုပ်ရှားသူတွေ ဖမ်းမိန့် ထုတ်ပြန်ခြင်းကို AHRC ကန့်ကွက်

လက်ပံတောင်းဒေသမှာ ဒေသခံတွေကို အကူအညီပေးနေ သူတွေကို ဒေသတည်ငြိမ်ရေးနဲ့ အေးချမ်းသာယာရေး ပျက်ပြားအောင်လှုံ့ဆော်သူတွေအဖြစ် ဖမ်းမိန့်ထုတ်ပြန်ခဲ့တာနဲ့ သူတို့အပေါ် အကူအညီပေးနေသူတွေကိုပါ အရေးယူမယ်ဆိုတဲ့ ထုတ်ပြန်ချက်ဟာ ဒေသခံပြည်သူတွေနဲ့ တက်ကြွလှုပ်ရှားသူတွေကို ခြိမ်းခြောက်လိုက်တာဖြစ်တယ်လို့ AHRC အာရှလူ့အခွင့်အရေးအဖွဲ့က ကြေညာချက်ထုတ်ပြန် ကန့်ကွက်လိုက်ပါတယ်။

အခုဆောင်ရွက်ချက်တွေဟာ ပြုပြင်ပြောင်းလဲရေးလုပ်နေတဲ့ မြန်မာနိုင်ငံမှာ မရှိသင့်တော့ဘူးလို့ အာရှလူ့အခွင့်ရေးအဖွဲ့က ဆိုပါတယ်။

AHRC အဖွဲ့က လူ့အခွင့်အရေးရှေ့နေ ဦးမင်းလွင်ဦးက RFA ကို အခုလိုပြောပါတယ်။

“လက်ပံတောင်းတောင်အရေး လှုပ်ရှားနေတဲ့သူ ၈ ဦးကို ဖမ်းဖို့အတွက် စာရင်းထုတ်ပြန်ထားတာကို ကျွန်တော်တို့တွေ့ရတယ်၊ ဒါတွေက ကျွန်တော်တို့ မြန်မာနိုင်ငံအတွင်းမှာ ဒေသခံပြည်သူလူထုတွေနဲ့ နိုင်ငံအတွင်းမှာ လှုပ်ရှားတက်ကြွသူတွေကို ခြောက်လှန့်လိုက်တဲ့ သဘောဖြစ်တယ်လို့ ကျွန်တော်တို့ အာရှလူ့အခွင့်အရေးကော်မတီက ထင်မြင်ယူဆယ်တယ်၊ နောက်ပြီးတော့ ဒီလူ ၈ ဦးကို အားပေးကူညီတယ်၊ လက်ခံတယ်ဆိုရင် အရေးယူမယ်ဆိုတာဟာ ကျွန်တော်တို့ မြန်မာနိုင်ငံအတွင်းက ပြည်သူတွေကို ခြောက်လှန့်လိုက်တဲ့သဘောလို့ ယူဆတယ်”

တကယ်တမ်းက ဒေသခံလယ်သမားတွေနဲ့ဖြစ်နေတဲ့ပြဿနာကို ဆွေးနွေးညှိနှိုင်းတဲ့နည်းနဲ့ အဖြေရှာသင့်ကြောင်း၊ ရဲတပ်ဖွဲ့ရဲ့ဆောင်ရွက်ချက်တွေဟာ ဒီမိုကရေစီလမ်းကြောင်းကနေ သွေဖည်နေနေသလို၊ ခရိုနီတွေရဲ့ စီးပွားရေးကို အကာအကွယ်ပေးနေရာရောက်နေတယ်လို့ ဆိုပါတယ်။

ဒါ့ပြင်စွပ်စွဲခံရသူတွေဟာ ရာဇ၀တ်မှု ကျူးလွန်ခဲ့သူတွေမဟုတ်ဘဲ၊ ဒီမိုကရေစီအခွင့်အရေးအရ လွတ်လပ်စွာပြောဆိုခွင့်၊ စုရုံးပိုင်ခွင့်ကိုသာ ဆောင်ရွက်ခဲ့သူတွေ ဖြစ်တယ်လို့ AHRC အာရှလူ့အခွင့်အရေးအဖွဲ့ရဲ့ ကြေညာချက်မှာ ဖေါ်ပြထားပါတယ်။

RFA Burmese


မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ