ယနေ့ ဆန္ဒပြသူများအား အရေးယူမည်

တနိုင်ငံလုံး ငြိမ်းချမ်းရေး၊ စစ်ပွဲရပ်စဲရေးကိုရည်ရွယ်၍ ယနေ့နံနက်ပိုင်းမှ ညနေပိုင်းထိ ဆန္ဒပြပွဲကို စီစဉ်သူများအား အရေးယူမည် ဟု ယနေ့ညနေ ၅ နာရီတွင် ရန်ကုန်တိုင်းဒေသကြီး အစိုးရအဖွဲ့ရုံးတွင် ရဲမှူးကြီးမြင့်ထွေးက  သတင်းမီဒီယာများအား ပြောကြားလိုက်သည်။ 


ရန်ကုန်မြို့တွင် ငြိမ်းချမ်းစွာ ဆန္ဒထုတ်ဖေါ်သူများကို ယနေ့ မွန်းလွဲပိုင်းက တွေ့ရစဉ်၊ (ဓါတ်ပုံ-YPI)

ယနေ့ဆန္ဒပြသူများမှာ ခွင့်ပြုချက်မရရှိပဲ စီတန်းလှည့်လည်ခဲ့သဖြင့် ဖြတ်သန်းရာ မြို့နယ် ၁၀ မြို့နယ်က အရေးယူမှုကို ပြုလုပ်မည်ဟု လည်း ၎င်းက ပြောသည်။ အရေးယူရာတွင် ယင်းမြို့နယ်များတွင် ငြိမ်းချမ်းစွာ စီတန်းလှည့်လည်ခွင့် လျှောက်ထားသူများအား အရေးယူသွားမည်ဟုလည်း ၎င်းကရှင်းလင်း  ပြောဆိုသည်။


ကချင်ငြိမ်းချမ်းရေး ကွန်ရက် အပါအ၀င် အဖွဲ့အစည်း ၂၀ က ဦးဆောင်ပြုလုပ်သည့် ငြိမ်းချမ်းစွာ ဆန္ဒထုတ်ဖေါ်သူများသည် နံနက် ၁၀ နာရီဝန်းကျင်တွင် ဆူးလေ စေတီအနီးမှ စတင်ကာ ဗိုလ်တထောင်၊ တာမွေ၊ ဗဟန်း ၊ စမ်းချောင်း၊ ကြည့်မြင်တိုင်၊ ကမာရွတ် အစရှိသည့်မြို့နယ်များကို ဖြတ်သန်း၍ အင်းလျားကန်ဘောင်တွင် ငြိမ်းချမ်းရေး ကျောက်တိုင်စိုက်ထူခဲ့သည်။    ။



Punk ၀တ်စားဆင်ယင်သူများကလည်း ငြိမ်းချမ်းစွာ စီတန်းဆန္ဒပြရာတွင် ပါဝင်ခဲ့ကြသည်။

by Yangon Press International

ထိုင်းကို အနိုင်ယူပြီး ဗိုလ်လုပွဲ တက်တဲ့ မြန်မာအမျိုးသမီးအသင်း

အာဆီယံ ချန်ပီယံရှစ် ဘောလုံးပြိုင်ပွဲကို ဝင်ရောက် ယှဉ်ပြိုင်နေတဲ့ မြန်မာ့ လက်ရွေးစင် အမျိုးသမီးအသင်းကတော့ ဆီမီးဖိုင်နယ်မှာ ထိုင်းအသင်းကို ၁-၀ ဂိုးနဲ့ အနိုင်ယူပြီး အိမ်ရှင် ဗီယက်နမ်အသင်းနဲ့ ချန်ပီယံလုဖို့ ဗိုလ်လုပွဲကို တက်သွားပါပြီ။

ဒီပွဲမှာ မြန်မာအမျိုးသမီးအသင်းက ဂိုးအဖြစ် မေခင်ယမင်း၊ နောက်တန်း ကစားသမားတွေ အဖြစ် မြင့်မြင့်အေး၊ ခင်သန်းဝေ၊ မိုးမိုးဝါ၊ ဖူးပွင့်ခိုင်၊ အလယ်တန်းမှာတော့ သန်းသန်းထွေး၊ ခင်မာလာထွန်းနဲ့ ရှေ့တန်းကစားသမား
တွေအဖြစ် စန်းစန်းမော်၊ မေသူကျော်၊ ရီရီဦးနဲ့ နီလာမြင့်တို့ကို ပွဲထွက်ကစားစေခဲ့ပါတယ်။

ဒါဟာ စင်္ကာပူအသင်းကို ဂိုးပြတ်အနိုင်ယူခဲ့တဲ့ ဂျပန်နည်းပြ ကုမာဒါရဲ့ကစားပုံပဲဖြစ်ပြီး ဒဏ်ရာက ပြန်လည်
သက်သာလာတဲ့ ခင်မာလာထွန်းကြောင့် မြန်မာ ကွင်းလယ်ဟာ ပိုပြီး အားရှိလာပါတယ်။

မြန်မာအသင်းအနေနဲ့ ပထမပိုင်းတလျှောက်လုံး ထိုင်းအသင်းကို ဖိအားပေး ကစားသွားခဲ့ပေမယ့် ဂိုးရဖို့ အခွင့်ကောင်းတွေကိုတော့ အသုံးချနိုင်ခြင်း မရှိခဲ့ပါဘူး။

နည်းပြ ကုမာဒါရဲ့ပွဲထွက်ကစားပုံဟာ တိုက်စစ်ကို ဦးစားပေးလိမ့်မယ်လို့ ထင်ရပေမယ့်လည်း တိုက်စစ်ဆင်မှုထက်
နောက်တန်းကစားပုံကို ပိုမိုအာရုံစိုက်ခဲ့ပြီး ထိုင်းအသင်းရဲ့ ပြန်လှန်ထိုးဖောက်မှုတွေကို ကာကွယ်နိုင်ခဲ့ပါတယ်။

ဒုတိယပိုင်းမှာတော့ ထိုင်းအသင်းက ကစားကွက် ပိုကောင်းလာခဲ့ပြီး မြန်မာ အသင်းကတော့ တန်ပြန်တိုက်စစ်နဲ့ ကစားရတဲ့အနေအထားကို ရောက်ရှိသွားခဲ့ပါတယ်။

ထိုင်းအသင်းက မြန်မာအသင်းဘက်ကို ဖိအားပေး ကစားမှုတွေ ပြုလုပ်နိုင်ခဲ့ပေမယ့်လည်း တကယ်တမ်း ဂိုးရသွား
တာက မြန်မာအသင်းပဲ ဖြစ်ခဲ့ပြီး ပွဲချိန် ၆၇ မိနစ်မှာ မြင့်မြင့်အေး ထိုးပေးတဲ့ ညာတောင်ပံက ဖြတ်တင်ဘောကို ကွင်းလယ် တိုက်စစ်ကစားသမား စန်းစန်းမော် က ခေါင်းတိုက် သွင်းယူခဲ့တာပါ။

နောက်ခံ ကစားသမား တယောက်အနေနဲ့ကာလအတန်ကြာ ပွဲထွက်ကစားခဲ့တဲ့ စန်းစန်းမော် ဟာ နည်းပြသစ် ကုမာဒါလက်ထက်မှာမှ ကွင်းလယ်တိုက်စစ်နေရာက ဝင်ရောက် ကစားခဲ့ရတာဖြစ်ပြီး အဲဒီနေရာနဲ့ အံဝင်အောင် ကစားနိုင်ခဲ့သလို ချန်ပီယံရှစ် ပြိုင်ပွဲတလျှောက်လုံးမှာ ၆ ဂိုးအထိ သွင်းယူထားနိုင်ခဲ့ပြီပဲ ဖြစ်ပါတယ်။

နောက်ပိုင်းမိနစ်တွေမှာတော့ ထိုင်းအသင်းက ဂိုးရဖို့ကြိုးစားပေမယ့်လည်း မြန်မာအသင်းရဲ့ ပိတ်ဆို့ ကစားမှု
ကောင်းမွန်ခဲ့တာကြောင့် ပွဲအပြီးမှာ မြန်မာအသင်းက ၁-၀ ဂိုးနဲ့ အနိုင်ရပြီး ဗိုလ်လုပွဲကို တက်ရောက်သွားနိုင်ခဲ့တာ
ပဲ ဖြစ်ပါတယ်။

အခြား ဆီမီးဖိုင်နယ် ပွဲစဉ်တပွဲဖြစ်တဲ့ အိမ်ရှင်ဗီယက်နမ်နဲ့ လာအိုအသင်းတို့ရဲ့ ပွဲမှာတော့ ဗီယက်နမ်က လာအိုကို ၇-၀ ဂိုးနဲ့ ဂိုးပြတ် အနိုင်ယူနိုင်ခဲ့ပါတယ်။

ဒါကြောင့်ပဲ မြန်မာအသင်းအနေနဲ့ ဗိုလ်လုပွဲမှာ အုပ်စုအဆင့်တုန်းက စိတ်မကျေစရာ ပြဿနာတွေနဲ့ ရှုံးနိမ့်ခဲ့ရတဲ့ အိမ်ရှင်ဗီယက်နမ်အသင်းကို ပြန်လည် ရင်ဆိုင်ရမှာပဲ ဖြစ်ပါတယ်။

“ဗိုလ်လုပွဲစဉ်မှာ ဗီယက်နမ်က အိမ်ရှင်အခွင့်အရေး ရှိနေတယ်ဆိုပေမယ့်လည်း ကျနော်တို့အနေနဲ့ ဒီ့ထက်ပို
ကောင်းတဲ့ ခြေစွမ်းနဲ့ ယှဉ်ပြိုင်သွားမှာပါ။ ကျနော်တို့ ချန်ပီယံဖြစ်မယ်လို့ ယုံကြည်ပါတယ်” ဟု ပွဲအပြီးမှာ
မြန်မာအသင်းရဲ့နည်းပြ ကုမာဒါက ပြောဆိုသွားခဲ့သည်။

မြန်မာ့ လက်ရွေးစင် အမျိုးသမီး အသင်းဟာ အာဆီယံ ချန်ပီယံရှစ် သမိုင်းတလျှောက်မှာ ချန်ပီယံဆု နှစ်ကြိမ်နဲ့ ဒုတိယဆု တကြိမ် ရရှိထားတဲ့ အသင်းဖြစ်ပြီး အအောင်မြင်ဆုံး အသင်းတသင်းအဖြစ် ရပ်တည်လျက်ရှိပါတယ်။

ဗီယက်နမ်အသင်းနဲ့ မြန်မာအသင်းတို့ဟာ စက်တင်ဘာ ၂၂ ရက်နေ့ မြန်မာစံတော်ချိန် ညနေ ၆း၀၀ နာရီမှာ ဗိုလ်လုပွဲကို ယှဉ်ပြိုင်ကစားကြမှာ ဖြစ်ပါတယ်။

လင်းကိုကိုထက် |
ရန်ကုန် (မဇ္ဈိမ)။  ။

ဒေါ်အောင်ဆန်းစုကြည်နှင့် တွေ့ဆုံမေးမြန်းချက်

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အမေရိကန်ရောက် မြန်မာမိသားစုတွေ မနေ့ ၀ါရှင်တန်ဒီစီမြို့ အမေရိကန်ယူနီဗာစတီ ခန်းမမှာ တွေ့ဆုံဆွေးနွေးခဲ့ပါ တယ်။ ဒေါ်အောင်ဆန်းစုကြည်ကို ဒီဗွီဘီသတင်းထောက် မရွှေစင်က တွေ့ဆုံမေးမြန်းထားပါတယ်။

ဒေါ်အောင်ဆန်းစုကြည်နဲ့တွေ့ခွင့်ရမယ်ဆိုတဲ့အတွက် မြန်မာမိသားစုတွေက အရမ်းစိတ်လှုပ်ရှားနေပါတယ်။ ၀မ်းသာနေကြပါတယ်။ ဒေါ်အောင်ဆန်းစုကြည်အနေနဲ့ရော ဘယ်လိုခံစားရပါလဲ။

“ကျမလည်းတွေ့ရတဲ့အတွက် ၀မ်းသာတယ်။ ဘယ်နိုင်ငံပဲသွားသွား အဲမှာရောက်နေတဲ့ မြန်မာ အသိုင်းအ၀ိုင်းနဲ့ တတ်နိုင်သမျှတော့ တွေ့ချင်တာပဲ။ အားလုံးကိုတွေ့ခွင့်ရဖို့ကတော့ မလွယ်ပါဘူး။ တချို့နေရာတွေမှာဆို တော်တော် များတယ်။ အမေရိကန်ပြည်ထောင်စုမှာ ဆို မြန်မာနိုင်ငံကနေ ရောက်ရှိနေကြသူတွေ တော်တော်ကိုများတယ်။”

ဒေါ်အောင်ဆန်းစုကြည် ပြောတဲ့မိန့်ခွန်းတွေထဲမှာ မြန်မာနိုင်ငံရဲ့ ပြုပြင်ပြောင်းလဲမှုတွေအတွက် အမေရိကန်ကနေ တတ်အားသရွေ့ကူညီစေချင်တယ်လို့ ပြောထားတာရှိပါတယ်။ သူတို့ကို ဘယ်လိုနည်းမျိုးနဲ့ ကူညီစေချင်ပါလဲ။

“ဒါကတော့ နည်းအမျိုးမျိုးရှိတာပေါ့။ အခုဆိုရင် စီးပွားပိတ်ဆို့မှုနဲ့ ပတ်သက်လို့ ဒါတွေကို လျှော့ဖို့အချိန်တန်ပြီဆိုတာလည်း ပြောပါတယ်။ ဒါကိုလည်း ဒီကလွှတ်တော်အမတ်တွေက အင်မတန်လိုက်လျောပါတယ်။ ဒါ့အပြင် မြန်မာနိုင်ငံမှာ စီးပွားရေးလုပ်မယ်ဆိုရင်လည်း ပွင့်လင်းမြင်သာမှုရှိရမယ်။ ဒါမှလည်း လုပ်တဲ့ စီးပွားရေးလုပ်ပုံလုပ်နည်းဟာ နိုင်ငံအတွက်လည်း အကျိုးရှိရမယ်။ လာပြီး ရင်းနှီးမြှုပ်နှံမှု လုပ်တဲ့လူတွေအတွက်လည်း အကျိုးဖြစ်ရမယ်။ နှစ်ဦးနှစ်ဖက်အတွက် အကျိုးဖြစ်ဖို့ အရေးကြီးတယ်ဆိုတာလည်း ပြောပါတယ်။ နောက် ဒီမိုကရေစီနဲ့ ပတ်သက်တဲ့ အဆောက်အအုံတွေ ပိုပြီး ခိုင်မာလာအောင်၊ ရင့်ကျက်လာအောင် ဒီလို ဒီလိုနေရာတွေမှာ တတ်နိုင်သမျှ ကူညီဖို့ ဆိုတာလည်း ပြောပါတယ်။”

သမ္မတ အိုဘားမားနဲ့လည်း မနေ့ကတွေ့ဆုံနှုတ်ဆက်ခဲ့တယ်လို့ သိရပါတယ်။ သူနဲ့ရော ဘာများထူးထူးခြားခြား ပြောဖြစ်ခဲ့ပါလဲ။

“အများအားဖြင့်တော့ တဦးချင်းပြောတဲ့ကိစ္စတွေ ဆွေးနွေးလေ့မရှိပါဘူး။ ကျမတို့ နိုင်ငံရဲ့ ကိစ္စပေါ့၊ အဓိက ၂ နိုင်ငံဆက်ဆံရေးကိစ္စနဲ့ မြန်မာနိုင်ငံကိစ္စတွေ ဆွေးနွေးတာပါ။”

အမေရိကန်ခရီးစဉ်တခုလုံးကနေ ဘယ်လို မြန်မာနိုင်ငံအတွက် ထူးထူးခြားခြား အကျိုးအမြတ် တစုံတရာ ရရှိမယ်လို့ မျှော်လင့်ထားပါလဲ။

“ကျမမျှော်လင့်တာကတော့ ကျမတို့ ၂ နိုင်ငံကြား ဆက်ဆံရေး ရင်းရင်းနှီးနှီး ခိုင်မာလာဖို့၊ တဖက်နဲ့တဖက် ပိုပြီးတော့ နားလည်မှုရှိလာနိုင်ဖို့၊ နောက် တတ်နိုင်သမျှ ကျမတို့ နိုင်ငံအတွက် ပြည်သူပြည်သားတွေအတွက် ရနိုင်မယ့် အကူအညီတွေ၊ အထောက်အပံ့တွေ ရနိုင်ဖို့ဖြစ်ပါတယ်။”

by ​ရွှေဇင် (ဒီဗွီဘီ)

စက်တင်ဘာ (၂၀)ရက်နေ့ ထုတ် PopularNews အတွဲ(၄)၊ အမှတ်(၃၇) ကို

စက်တင်ဘာ (၂၀)ရက်နေ့ ထုတ် PopularNews အတွဲ(၄)၊ အမှတ်(၃၇) ကို

ဂျာနယ် ဖတ်ရှုရန် ဒီနေရာကို နှိပ်ပါ


မြန်မာ့အရေးလူပ်ရှားသူများ NED ဆုချီးမြှင့်

NED ရဲ့ ၂၀၁၂ခုနှစ် ဒီမိုကရေစီဆုပေးပွဲအခမ်းအနား၊ ဝါရှင်တန်ဒီစီ၊ အမေရိကန်။ (စက်တင်ဘာ ၂၀၊ ၂၀၁၂)
ဖိနှိပ်တဲ့ အာဏာရှင်အစိုးရတွေရဲ့ အုပ်ချုပ်မှုနဲ့ လူ့အခွင့်အရေးချိုးဖောက်မှုတွေကို ခံထားရတဲ့ မြန်မာနိုင်ငံမှာ ဒီမိုကရေစီရေးလှုပ်ရှားမှုက ပြည်သူတွေအတွက် စစ်မှန်တဲ့ မျှော်လင့်ချက်ကို ပေးခဲ့တယ်လို့ ကမ္ဘာတဝန်း ဒီမိုကရေစီရေးလှုပ်ရှားမှုတွေကို ပံ့ပိုး ထောက်ပံ့ပေးနေတဲ့ NED အဖွဲ့ဥက္ကဌက ပြောလိုက်ပါတယ်။

မြန်မာ့ဒီမိုကရေစီရေးလှုပ်ရှားမှုတွေကို ကိုယ်စားပြုသူ ၅ ယောက်ကို NED ရဲ့ ၂၀၁၂ ခုနှစ် ဒီမိုကရေစီဆု ပေးပွဲမှာ အဖွဲ့ဥက္ကဌ Carl Gershman (ဂါရ်ှမန်) က ပြောခဲ့တာဖြစ်ပါတယ်၊ Congress လွှတ်တော် အဆောက်အဦးအဆောက်အဦးမှာ ပြုလုပ်တဲ့ အခမ်းအနား ကို မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပြင်၊ အမေရိကန်နိုင်ငံရေးလောကမှာ သြဇာညောင်းတဲ့ လွှတ်တော် အမတ်ခေါင်းဆောင်တွေ၊ အမေရိကန်အစိုးရတာဝန်ရှိသူတွေလဲ တက်ရောက် မိန့်ခွန်းပြောခဲ့ကြပါတယ်။

ဒီပွဲကို ကိုယ်တိုင်တက်ရောက် သတင်းယူခဲ့တဲ့ VOA ဝိုင်းတော်သူ မစုမြတ်မွန်က အပြည့်အစုံ တင်ပြပါမယ်။

မြန်မာ့ဒီမိုကရေစီရေးလှုပ်ရှားမှုမှာ ကမ္ဘာကျော်တဲ့ ဒေါ်အောင်ဆန်းစုကြည်အပြင် လူမသိသူမသိ ကိုယ်ကျိုးစွန့် အနစ်နာခံသူတွေအားလုံးကို ဂုဏ်ပြုတဲ့အနေနဲ့  NED က သူ့ရဲ့ ၂၀၁၂ ခုနှစ် ဒီမိုကရေစီဆု ကို မြန်မာနိုင်ငံ ဒီမိုကရေစီရေး လှုပ်ရှားမှုကို ပေးတာဖြစ်ပါတယ်။

Washington မြို့တော်က အမေရိကန် Congress လွှတ်တော် အဆောက်အဦးမှာ ပြုလုပ်တဲ့ ဆုပေးပွဲ အခမ်းအနားမှာ မြန်မာ့ဒီမိုကရေစီရေး လှုပ်ရှားမှုတွေကို တထောင့် တနေရာကနေ ကိုယ်စားပြုနေကြတဲ့ ရှမ်းတိုင်းသားများဒီမိုကရေစီအဖွဲ့ချုပ် ဥက္ကဌ ဦးခွန်ထွန်းဦး၊ ပရဟိတလုပ်ငန်းတွေလုပ်နေတဲ့ ကိုကျော်သူ၊ ထိုင်းမြန်မာနယ်စပ်မှာ ကျန်းမာရေး အကူအညီပေးနေတဲ့ Dr. စင်သီယာမောင်နဲ့ အမေရိကန်အခြေစိုက် မြန်မာ့အရေးလှုပ်ရှားတဲ့ US Campaign for Burma အဖွဲ့ ညွှန်ကြားရေးမှုး ကိုအောင်ဒင်တို့က ဆုကို လက်ခံယူခဲ့ကြပါတယ်။

၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်ကိုလဲ ဆုယူဖို့ ဖိတ်ကြားခဲ့ပေမဲ့ အကြောင်းအမျိုးမျိုးကြောင့် သူကတော့ ဆုပေးပွဲကို မတက်နိုင်ခဲ့ပါဘူး။ မြန်မာနိုင်ငံက ဒီမိုကရေစီရေး လှုပ်ရှားမှုတွေဟာ စိတ်ပျက်စရာ အခြေအနေတွေကို ရင်ဆိုင်ခဲ့ကြရတဲ့ မြန်မာပြည်သူတွေအတွက် စစ်မှန်တဲ့ မျှော်လင့်ချက်ကို ပေးခဲ့တာဖြစ်တယ်လို့ NED အဖွဲ့အကြီးအကဲ Carl Gershman  က ခုလို ပြောခဲ့ပါတယ်။

လွတ်လပ်မှု၊ ဂုဏ်သိက္ခာရှိမှုနဲ့ ဒီမိုကရေစီစနစ်ဆီ ပြောင်းလဲစေချင်တဲ့ မြန်မာပြည်သူတွေရဲ့ ဆန္ဒက ၁၉၈၈ ခုနှစ်ကတည်းကစလို့ ယိမ်းယိုင်ခြင်း မရှိခဲ့ဘူးလို့ ပြောသွားတာဖြစ်ပါတယ်။

NED အဖွဲ့ဟာ မြန်မာ့ဒီမိုကရေစီရေး ဆောင်ရွက်နေတဲ့ အဖွဲ့ပေါင်း ၆၀ လောက်ကို အထောက်အပံ့ ပေးနေတဲ့ အဖွဲ့ဖြစ်ပါတယ်။ NED အဖွဲ့ရဲ့ နှစ်ပါတ်လည် ဒီမိုကရေစီဆုကို မြန်မာနိုင်ငံက အခုမှ ပထမဆုံး ရရှိတာဖြစ်ပါတယ်။

အခုလို မြန်မာ့ဒီမိုကရေစီရေး ကြိုးပမ်းလှုပ်ရှားမှုကို အသိအမှတ်ပြုဆုပေးတဲ့အတွက် စစ်မှန်တဲ့ ဒီမိုကရေစီနိုင်ငံတခုဖြစ်လာဖို့ ဆောင်ရွက်မှုတွေမှာ တနည်းတလမ်းကနေ အထောက်အပံ့ပေးရာရောက်လိမ့်မယ်လို့ ဆုကို လက်ခံယူရတဲ့ ဦးခွန်ထွန်းဦး၊ ဒေါက်တာစင်သီယာမောင်နဲ့ ကိုကျော်သူတို့က ပြောခဲ့ကြပါတယ်။

ဦးခွန်ထွန်းဦး-“ ဆုရတာ ကျနော်အတွက် ရတာမဟုတ်ပါဘူး။ မြန်မာနိုင်ငံမှာ ကျန်ခဲ့တဲ့ တိုင်းရင်းသားတွေအတွက် ကျနော်ရတာပါ။ သူတို့ကိုယ်စား ကျနော်လာယူတာပါ။ မြန်မာနိုင်ငံမှာ ကျန်နေတဲ့ တိုင်းရင်းသားတွေအတွက်လည်း အထောက်အပံ့ လည်းဖြစ်မယ်။ ဒီမိုကရေစီကလည်း သူတို့အတွက် ပံ့ပိုးရလည်းရမယ်လို့ ကျနော်ယုံကြည်ပါတယ်။”

ဒေါက်တာစင်သီယာမောင်-“လက်ရှိပြောင်းလဲမှုထဲမှာ ကျမတို့ ထပ်ပြီး ဆောင်ရွက်စရာတွေပေါ့။ အထူးသဖြင့်  ငြိမ်းချမ်းရေးတည်ဆောက်မူဖြစ်စဉ်မှာပေါ့နော်။ လူမူအဖွဲ့အစည်းတွေရော၊ တိုင်းရင်းသားတွေရော ပါလာဖို့ဆိုတာကို ကျမတို့ ပိုပြီးတော့ မျှော်လင့်ပါတယ်။”

ဦးကျော်သူ- “ဒီဆုရတဲ့အတွက် ကျနော်တို့ လူမူရေးသမားတွေအတွက်ကတော့ ခွန်အားတခုဖြစ်တာပေါ့လေ။ အားဆေးတခွက်သောက်ရသလိုဖြစ်ပါတယ်။ ပံ့ပိုးမူကတော့ အတိုင်းအတာနဲ့ပြောရရင်တော့ ပြောလို့မရဘူးပေါ့လေ။ ကိုယ့်ဘက်မှာ ရပ်တည်မူတစ်ခု မားမားမတ်မတ်ရပ်တည်ပေးမယ့် နိုင်ငံတနိုင်ငံ အဖွဲ့အစည်းတဖွဲ့ ရှိလာပြီဆိုတာကို ကျနော်အတွက်ကတော့ ခွန်အားဖြစ်တာပေါ့။”

ကြာသပတေးနေ့က လုပ်ခဲ့တဲ့ ဆုပေးပွဲ အခမ်းအနားကို အမေရိကန်ပြည်ထောင်စု မှာ ရောက်နေတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကလဲ တက်ရောက်ပြီး၊ ဆုလက်ခံယူသူတွေနဲ့ ပါတ်သက်တဲ့ ဂုဏ်ပြုစကား ကို အခုလို ပြောကြားခဲ့ပါတယ်။

“ကျမတို့ မြန်မာနိုင်ငံမှာ လူအများအတွက် ကိုယ့်တဦးတည်း ကြီးပွါးချမ်းသာမှုကို စွန့်လွှတ် စတေးချင်တဲ့ အမျိုးသား အမျိုးသမီးတွေ အမြောက်အများ ရှိနေတယ် ဆိုတာ သိရလို့ ကျမအနေနဲ့ အထူးပဲ သက်တောင့်သက်သာ ဖြစ်ရပါတယ်။ ကျန်တဲ့ ပြည်သူတွေ ဘ၀လွတ်လပ်မှု ရှိရေးအတွက် ဆောင်ရွက်နေကြတဲ့ သူတွေပါ။ ဒီလိုလူတွေ ရှိနေတဲ့ အတွက် ကျမတို့ဟာ ရှေ့ခရီးဆက်နိုင်ကြတာ ဖြစ်ပြီး ပျော်ရွှင်တဲ့ အနာဂါတ် တည်ဆောက်နိုင်မယ်လို့ ယုံကြည်မှု ပြည့်ဝလာရတာလည်း ဖြစ်ပါတယ်။”

“အောင်မြင်မှု ရချင်ရင် အတူတကွ ပူးပေါင်း လုပ်ကိုင်ကြရမယ် ဆိုတာ အတိတ်က ဖြစ်ရပ်တွေက ပြသခဲ့ပါပြီ။ အခုအခါ ကျမတို့ဟာ အနာဂါတ် ခရီးကို လျှောက်လှမ်းနေကြပါပြီ။  အတူတကွ လက်တွဲ လုပ်ကြရမှာပါ။ တခါတခါမှာ တဦးတယောက်စီသာ ဒုက္ခတွေ ခံနေကြပြီး အတူတကွ ပူးတွဲပြီး ပြဿနာကို ကျော်လွှားဖို့ ခက်ခဲနေတတ် ကြပါတယ်။

အခုအချိန်မှာတော့ ကျမတို့ ဘ၀မှာ အခက်အခဲဆုံး ခရီးကို လက်ချင်းချိတ်ပြီး ကျော်ဖြတ်ကြရမယ့် အချိန် ရောက်လာပါပြီ။  ကျမတို့ဟာ အတိတ်ရဲ့ သင်ခန်းစာကို ရယူပြီး ငြိမ်းချမ်း စည်းလုံးညီညွတ်တဲ့ လွတ်လပ်မှုနဲ့  ဒီမိုကရေစီ ထွန်းကားသော မြန်မာနိုင်ငံကို တည်ဆောက် နိုင်ကြမှာ ဖြစ်တယ်လို့ ကျမယုံကြည်ပါတယ်။ ကျေးဇူးတင်ပါတယ်။”

အမေရိကန် ဒီမိုကရေစီရဲ့ သင်္ကေတဖြစ်တဲ့ Congress လွှတ်တော် အဆောက်အဦးမှာ ပြုလုပ်တဲ့ မြန်မာ့ဒီမိုကရေစီရေးလှုပ်ရှားမှုအတွက် ဆုပေးပွဲကို အမေရိကန်အစိုးရ ကိုယ်စား၊ အရပ်ဖက် လုံခြုံရေး၊ ဒီမိုကရေစီနဲ့ လူ့အခွင့်အရေးဆိုင်ရာ လက်ထောက် ဝန်ကြီး María Otero က တက်ရောက် ဂုဏ်ပြုစကားပြောခဲ့သလို ဒီပွဲကို မြန်မာ့ဒီမိုကရေစီရေးကို အစဉ်တစိုက် အားပေးခဲ့တဲ့ အမေရိကန် နိုင်ငံခြားရေးဝန်ကြီးဟောင်း Madeleine Albright လဲ တက်ရောက်ပါတယ်။

အမေရိကန်နိုင်ငံရေးမှာ သြဇာညောင်းတဲ့ အထင်ကရ လွှတ်တော်အမတ်တွေဖြစ်ကြတဲ့ Jon McCain, Joseph Crowley, Nancy Pelosi စတဲ့ လွှတ်တော်အမတ်တွေကလဲ တက်ရောက်ပြီးတော့ မိန့်ခွန်းစကားတွေ ပြောခဲ့ကြပါတယ်။

“ဒီကနေ့ ဂုဏ်ပြုကြတဲ့သူတွေလိုမျိုး မြန်မာ့နိုင်ငံမှာရှိနေသရွှေ့ ရက်စက်မှုတွေကို တရားမျှတမှုက အနိုင်ရမယ်၊ အာဏာရှင်တွေကို ဒီမိုကရေစီက အနိုင်ရမယ်၊ အမုန်းတရားတွေကို မေတ္တာတရားက အနိုင်ရမယ်လို့ ယုံကြည်တဲ့အကြောင်းကို လွှတ်တော်အမတ် ဂျွန်မက်ကိန်းက ပြောသွားကြပါတယ်။"
အမေရိကန် Congress လွှတ်တော်ထဲမှာ ကျင်းပတဲ့ NED ဆုပေးပွဲကို မြန်မာလူမျိုးတွေလဲ အများအပြားလာရောက် အားပေးခဲ့ကြပါတယ်။

မြန်မာ့ဒီမိုကရေစီလူပ်ရှားမူအတွက် ၂၀၁၂ ခုနှစ်အတွက် Democracy ဆုပေးပွဲမှာပဲ အမျိုးသား ဒီမိုကရေစီအဖွဲ့ချုပ် NLD ပါတီကို ၂၀၀၀ ခုနှစ်တုန်းက NED ကပဲ ပေးထားတဲ့ ၁၉၉၀ ရွေးကောက်ပွဲအနိုင်ရ ၁၀ နှစ်ပြည့် ဂုဏ်ပြုဆု ရုပ်တုကို ဒေါ်အောင်ဆန်းစုကြည်က လက်ခံယူခဲ့ပါတယ်။

စုမြတ်မွန် - ဗွီအိုအေ

Pussy Riot တီးဝိုင်းအဖွဲ့ဝင် ပြန်လွှတ်ပေးဖို့ ဒေါ်အောင်ဆန်းစုကြည် တိုက်တွန်း


ရုရှနိုင်ငံမှာ အစိုးရက ဖမ်းဆီးထားတဲ့ Pussy Riot ခေါ် နာမည်ကျော် အမျိုးသမီး ခေတ်ပေါ်ဂီတ တီးဝိုင်းအဖွဲ့ဝင်တွေကို ပြန်လွှတ်ပေးဖို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က တိုက်တွန်းလိုက်ပါတယ်။
နယူးယောက်မြို့အခြေစိုက် နိုင်ငံတကာ လွတ်ငြိမ်းချမ်းသာခွင့်အဖွဲ့ (Amnesty International) က ကြာသပတေးနေ့မှာ ကျင်းပခဲ့တဲ့ ဂုဏ်ပြုပွဲမှာ Pussy Riot အဖွဲ့ဝင်တစ်ယောက်ရဲ့ မိသားစုဝင်တွေက ဒေါ်အောင်ဆန်းစုကြည်ကို ဂုဏ်ပြုပန်းစည်း ပေးအပ်ခဲ့ပါတယ်။
အဲဒီနောက် Pussy Riot အဖွဲ့နဲ့ ပတ်သက်တဲ့ မေးခွန်းကို ဖြေကြားခဲ့ရာမှာ - ဘယ်သူမဆို ကိုယ်ဆိုချင်တဲ့သီချင်း၊ ဘာသီချင်းပဲဖြစ်ဖြစ် သီဆိုခွင့်ရှိပါတယ်။ ဒါကို တားဆီး ပိတ်ပင်စရာ အကြောင်းမရှိပါဘူး။ အဲ သီချင်း အဆိုမကောင်းရင်တော့ တစ်မျိုးပေါ့ လို့ ဒေါ်အောင်ဆန်းစုကြည်က ဟာသစွက်ပြီး ပြောဆိုခဲ့ပါတယ်။
ရုရှနိုင်ငံမှာ ၂၀၁၁ ခုနှစ်က စတင်တည်ထောင်ခဲ့တဲ့ Pussy Riot အမျိုးသမီး ပန့်ရော့ခ်တီးဝိုင်းဟာ ရုရှ နိုင်ငံရေးလောကအပေါ် သရော်ဝေဖန်တဲ့ သီချင်းတွေ၊ ပြကွက်တွေ သီဆိုတင်ဆက်တဲ့ တီးဝိုင်းဖြစ်ပါတယ်။
Pussy Riot အဖွဲ့ဟာ ဘတ်စ်ကား ခေါင်မိုးပေါ်၊ ငြမ်းစင်ပေါ် စတဲ့ အများမထင်မှတ်တဲ့ နေရာတွေ၊ မော်စကို ရင်ပြင်နီလို ပွဲကျင်းပခွင့် မရှိတဲ့နေရာတွေမှာ ကြိုတင်ကြေညာမထားဘဲ ရုတ်တရက် သီဆိုပြသလေ့ ရှိပါတယ်။
ပြီးခဲ့တဲ့ သြဂုတ်လက မော်စကိုမြို့မှာ ထင်ရှားတဲ့ ခရစ်ယာန် ဘုရားကျောင်း တစ်ခုအတွင်း ၀င်ရောက်ပြီး ရုရှ သမ္မတ Vladimir Putin ကို လှောင်ပြောင်သရော်တဲ့ သီချင်းတစ်ပုဒ် သီဆိုခဲ့ကြတဲ့အတွက် Pussy Riot အဖွဲ့ဝင် သုံးယောက် ဖမ်းဆီးခံခဲ့ရပြီး ရမ်းကားမှုနဲ့ ထောင်ဒဏ် (၂) နှစ်စီ ချမှတ်ခံခဲ့ရပါတယ်။

RFA Burmese


ငြိမ်းချမ်းရေးနေ့ ဆန္ဒဖော်ထုတ်သူများကို အာဏာပိုင်များ ဟန့်တား

ဒီနေ့ကျရောက်တဲ့ အပြည်ပြည်ဆိုင်ရာငြိမ်းချမ်းရေးနေ့မှာ နေပြည်တော် လွှတ်တော်နဲ့ ကာချုပ်ရုံးရှေ့ ငြိမ်းချမ်းရေးလှုပ်ရှားမှုတွေ ပြုလုပ်ဖို့ သွားရောက်မယ့် လူထုကို နယ်မြေ အာဏာပိုင်တွေက လူစုခွဲ ဟန့်တားလိုက်တဲ့အတွက် အစီအစဉ် ပျက်သွားခဲ့ပါတယ်။

ပြည်တွင်းငြိမ်းချမ်းရေးအတွက် ဆောင်ရွက်နေတဲ့ အဖွဲ့အစည်းတွေ တိုင်းရင်းသားတွေနဲ့ ငြိမ်းချမ်းရေး ကို လိုလားတောင့်တနေတဲ့ လူအယောက် ၂၀၀ ကျော်လောက်ဟာ ဒီနေ့ နံနက် ၄ နာရီမှာ ရန်ကုန်မြို့ မြေနီကုန်း ဒဂုံစင်တာကနေ တဆင့် နေပြည်တော်ကို သွားရောက်ဖို့ ရောက် ရှိနေရာကနေ အစီအစဉ်ဖျက်လိုက်ရတာ ဖြစ်ပါတယ်။

ငြိမ်းချမ်းရေးလှုပ်ရှားမှုတွေပြုလုပ်ဖို့ နေပြည်တော် သက်ဆိုင်ရာ အာဏာပိုင်တွေဆီကို ကြိုတင် ခွင့်ပြုချက်တောင်းခံခဲ့ပေမယ့် ခွင့်ပြုချက်မရရှိခဲ့ဘူးလို့ သိရပါတယ်။

အခုစုရပ်ဖြစ်တဲ့ စမ်းချောင်းမြို့နယ် နယ်မြေရဲတပ်ဖွဲ့ကို အကြောင်းကြားထားခြင်း မရှိတဲ့အတွက် အခုလို လာရောက်လူစုခွဲခိုင်းရတာလို့ နယ်မြေတာဝန်ရှိသူက ပြောကြားခဲ့ပါတယ်။

နေပြည်တော်ကို သွားရောက်ဖို့ ပျက်သွားပေမယ့် လူစုကြီးဟာ နံနက် ၆ နာရီမှာ ငြိမ်းချမ်းရေး လှုပ်ရှားမှုအဖြစ် ဆူးလေဘုရားကို လမ်းလျှောက်သွားဖို့ ထပ်မံကြိုစားပေမယ့် နယ်မြေ အာဏာပိုင်တွေရဲ ဟန့်တားပိတ်ပင်လိုက် မှုကြောင့် ရွှေတိဂုံဘုရား အနောက်ဘက်မုခ် အနီး ပြည်လမ်းပေါ်က မြေနီကုန်းမှတ်တိုင်မှာ ပိတ်မိနေကြပါတယ်။

“သူတို့က ငြိမ်းချမ်းရေးကို မလိုလားဘူး။ သမ္မတရဲ့ ငြိမ်းချမ်းရေးဖြစ်စဉ် ကြေညာချက်တွေ ရှိပြီးပြီ။ ငြိမ်းချမ်းရေးကို ကြေညာပြီးမှ ငြိမ်းချမ်းရေးကို တကယ် မလိုလားဘူးဆိုတာကို သက်သေဖြစ်သွားတာပေါ့။”

“ဒီမိုကရေစီနိုင်ငံတကယ်စစ်မှန်တယ်ဆိုရင် ပြည်သူလူထုကို ကာကွယ်ပေးရမယ်။ ပြည်သူတွေရဲ့ လိုအင်ဆန္ဒအတိုင်း လိုက်ထိန်းသိမ်းပေးရမယ့် ဒါပဲတာဝန်ရှိတယ်။”

ပိတ်မိနေတဲ့ လူအုပ်စုကြီးဟာ မနက် ၁၀ နာရီမှာစတင်မယ့် ဆူးလေ အင်းလျားကန်ဘောင် ချီတက်လမ်းလျှောက်ပွဲမှာ သွားရောက်ပူးပေါင်းဖို့ အလျှိုလျှိုထွက်ခွာသွားခဲ့ကြပြီး ကချင်တိုင်းရင်းသားတွေဟာ ရွှေတိဂုံဘုရားအနောက်ဘက်မုခ် ပြည်သူ့ရင်ပြင်မှာ ငြိမ်းချမ်းရေးသီချင်းကို စုပေါင်းသီဆိုဆန္ဒဖော် ထုတ်ပြသခဲ့ကြပါတယ်။ ဒီ ငြိမ်းချမ်းရေးသီချင်းဆိုတဲ့ လူစုကိုလည်း အာဏာပိုင်တွေလူစုခွဲပေးဖို့ လာရောက်ဖိအားပေးခဲ့ကြပါတယ်။

by အောင်စိုးထိုက် - ဒီဗွီဘီ


လက်ပံတောင်းတောင် ကြေးနီစီမံကိန်း ဒေသခံများ ထပ်မံဆန္ဒပြ

၂၀၁၂ ခုနှစ် စက်တင်ဘာလ ၂၀ရက်က လက်ပံတောင်းတောင် ကြေးနီ စီမံကိန်းလုပ်ငန်း ဆက်လက် လုပ်ဆောင်နေသည့် နေရာကို ဒေသခံများ သွားရောက် တားမြစ်ဆန္ဒပြနေစဉ်။RFA
စစ်ကိုင်းတိုင်း၊ မုံရွာခရိုင်၊ လက်ပံတောင်းတောင် ကြေးနီ စီမံကိန်းလုပ်ငန်း ဆက်လက် လုပ်ဆောင်နေတဲ့ နေရာကို ကျေးရွာ (၁၀) ရွာက ဒေသခံ ၁,၀၀၀ နီးပါးလောက် ဒီကနေ့ သွားရောက်ပြီး တားမြစ်ဆန္ဒပြခဲ့ကြပါတယ်။

လယ်မြေသိမ်းခံထားရတဲ့ နေရာတွေမှာ လယ်သိမ်းခံ တောင်သူတွေက နှမ်းသီးနှံတွေ စိုက်ပျိုးနေတဲ့အတွက် ဆက်လက် မစိုက်ပျိုးနိုင်အောင် အဲဒီလယ်မြေတွေ အတွင်းကို ကုမ္ပဏီဘက်က ကျောက်တွေလာပုံတဲ့အတွက် ဒေသခံတောင်သူတွေက သွားရောက် တားမြစ်ကြတာ ဖြစ်တယ်လို့ ဆန္ဒပြ ဒေသခံတောင်သူ တစ်ဦးက RFA ကို အခုလို ပြောပြပါတယ်။

"တားတဲ့အခါကျတော့ မြို့နယ်အုပ်ချုပ်ရေးမှူးကိုယ်တိုင် ဆင်းလာပါတယ်။ သူ့ရဲ့နောက်က စစ်သားတွေနဲ့ အတူပေါ့ဗျာ။ သေနတ်တွေနဲ့လည်း ချိန်ထားတယ်။ သူတို့က ဒီနေရာတွေကို အဆောက်အဦးဆောက်မှာ ဖြစ်တဲ့အတွက် ယာမြေတွေကို ခုတ်ထွင် ပေးတဲ့ လယ်ထွန်စက်တွေကိုလည်း သူတို့သိမ်းမယ်လို့ ပြောပါတယ်။ ကျွန်တော်တို့က ဒီတစ်နှစ်မှာ တစ်ရက်ပဲ တန်ဖိုးထားရတာ။ အခုဆိုရင် ကြဲလို့မရဘူး ဖြစ်နေတယ်။ အခုက ခြိမ်းခြောက်မှုနဲ့ အဲဒီလို အာဏာတွေပြနေတဲ့ အခါကျတော့ ကျွန်တော်တို့ ဘာမှ လုပ်စားလို့ မရတော့ဘူးဗျ။ ကျွန်တော်တို့က တွေ့ချင်တယ်။ ဆွေးနွေးမှုကို လာပြီးတော့ ဆွေးနွေးမှုလည်း မပြုပါဘူး။ ကျွန်တော်တို့နဲ့ မနီးမဝေးမှာ စခန်းထိုင်ထားတာ ၃ ခု ရှိတယ်ဗျ"

ဒီကနေ့ ဆန္ဒပြတားမြစ်တဲ့ ကျေးရွာတွေဟာ စီမံကိန်း အကောင်အထည်ဖော်ဖို့ လယ်မြေ သိမ်းယူခံထားရတဲ့ ဆည်တဲ၊ မိုးကြိုးပြင်၊ အလယ်ရွာ စတဲ့ ကျေးရွာတွေဖြစ်ပြီး အဲဒီ လက်ပံတောင်းတောင် ကြေးနီ စီမံကိန်း ရပ်ဆိုင်းဖို့ ဒေသခံတောင်သူတွေမှာ နည်းလမ်းအမျိုးမျိုးနဲ့ ဆန္ဒပြတောင်းဆိုမှုတွေ လုပ်ပေမယ့် အခုအချိန်ထိ ကြေးနီစီမံကိန်းကို လုပ်ကိုင်နေဆဲပဲလို့ သိရပါတယ်။

အဲဒီ ကြေးနီစီမံကိန်းကို စစ်တပ်ပိုင် ဦးပိုင်ကုမ္ပဏီနဲ့ မြန်မာ-၀မ်ပေါင် တရုတ်ကုမ္ပဏီတို့ ဖက်စပ် လုပ်ကိုင်နေတာဖြစ်ပြီး စီမံကိန်းတ၀ိုက်က ကျေးရွာ ၂၆ ရွာက လယ်မြေဧက ၇,၈၀၀ ကျော်ကို ၂၀၁၀ ခုနှစ်ကစပြီး အဓမ္မ သိမ်းယူခံထားရပါတယ်။

သြဂုတ်လ နောက်ဆုံးပတ်ကစလို့ လယ်သိမ်းခံရတဲ့ ဒေသခံ တောင်သူတွေက အဲဒီ စီမံကိန်းကို တားဆီးဖို့ လယ်သိမ်းတိုက်ပွဲကို နေ့စဉ်ရက်ဆက် ဆင်နွှဲခဲ့ကြပါတယ်။ ဒီနေ့ ဆန္ဒပြမှု နောက်ဆုံး အခြေအနေကတော့ ဒေသခံတွေက ငြိမ်းငြိမ်းချမ်းချမ်းနဲ့ လူစုခွဲလိုက်တယ်လို့ သိရပါတယ်။

RFA Burmese

စက်တင်ဘာလ ၂၀ ရက်နေ့ ထုတ် 7Day News ဂျာနယ်

စက်တင်ဘာလ ၂၀ ရက်နေ့ ထုတ် 7Day News ဂျာနယ် အတွဲ ၁၁၊ အမှတ် ၂၈

ဂျာနယ် ဖတ်ရန် ဒီနေရာကို နှိပ်ပါ




ဒေါ်အောင်ဆန်းစုကြည်နဲ့ ဝါရှင်တန်ဒီစီ မြို့တော် တဝိုက်က မြန်မာ မိသားစုတွေ တွေ့ ဆုံပွဲ (ရုပ်သံ)


မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ ဝါရှင်တန်ဒီစီ မြို့တော် တဝိုက်က မြန်မာ မိသားစုတွေဟာ ဝါရှင်တန် ဒီစီမှာ ရှိတဲ့ အမေရိကန်တက္ကသိုလ်မှာ အမေရိကန်စံတော်ချိန် ၉ နာရီ ကနေ ၁၀ နာရီခွဲအထိ မိနစ် ၉၀ ကြာလောက် တွေ့ဆုံခဲ့တာ ဖြစ်ပါတယ်။----

ဆွေးနွေးပွဲ ရုပ်သံ ကြည့်ရှုရန် ဒီနေရာကို နှိပ်ပါ


ပြည်ပရောက် မြန်မာတွေ ညီညွတ်ဖို့ ဒေါ်အောင်ဆန်းစုကြည် တိုက်တွန်း

မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည် ကြ ပည်ပရောက် မြန်မာတွေ ညီညွတ်ကြဖို့  ၀ါရှင်တန် ဒီစီ  မြန်မာ မိသားစုများ တွေဆုံပွဲမှာ တိုက်တွန်း ပြောကြားလိုက်ပါတယ်။

မြန်မာမိသားစုတွေ မေးမြန်းထားတဲ့ မေးခွန်း အများစုမှာတော့ တရားဥပဒေစိုးမိုးရေးနဲ့ ပါတ်သတ်တဲ့
မေးခွန်း အများဖြစ်နေတာတွေ့ ရပါတယ်။ မေးခွန်းတွေ အားလုံးကို ဖြေကြားသလောက်ဖြစ်သွားပြီ
မကြာခင် မိနစ်ပိုင်း အတွင်းမှာ တွေ့ ဆုံပွဲ အောင်မြင်စွာ ပြီးဆုံးတော့မှာပါ။

ကျမတို့ နိုင်ငံကို ပြန်လည် ဆောက်တည်တဲ့ နေရာမှာ တက်နိုင်သမျှ ကူညီကြပါ။ ညီညွတ်ကြပါလို့ ဒေါ်အောင်ဆန်းစုကြည် က တိုက်တွန်း ပြောကြားခဲ့ပြီး အခုအချိန်မှာ တွေ့ ဆုံပွဲ အခမ်းအနား အောင်မြင်စွာ ပြီးဆုံးသွားပြီ ဖြစ်ပါတယ်။


ဒေါ်အောင်ဆန်းစုကြည် နှင့် မြန်မာမိသားစုများ တွေ့ ဆုံပွဲ (ဓါတ်ပုံ)

မြန်မာ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဟာ အခုဆိုရင် အမေရိကန် နိုင်ငံ ၀ါရှင်တန် ဒီစီ မြို့ ဧရိယာမှာ ရှိတဲ့ မြန်မာမိသားစုတွေနဲ့ တွေ့ ဆုံပွဲမှ နှုတ်ခွန်း စကားပြောပြီ သွားပြီ ဖြစ်ပါတယ်။။

အခုအခါမှာတော့ မြန်မာမိသားစုတွေရဲ့ မေးခွန်းတွေ ပြန်လည် ဖြေကြားပေးနေပါတယ်။







ဒေါ်အောင်ဆန်းစုကြည် နှင့် မြန်မာမိသားစုများ တွေဆုံ အကြို မြင်ကွင်း (ဓါတ်ပုံ )




Myanmar Positive Group (National PLHIV Network) ၏ (၆)ကြိမ်မြောက် National PLHIV Forum အောင်မြင်စွာကျင်းပပြီးစီး

Myanmar Positive Group (National PLHIV Network) မှ ဦးဆောင်၍ (၆)ကြိမ်မြောက် National PLHIV Forum ကို ၂၀၁၂ ခုနှစ်၊ စက်တင်ဘာလ (၁၅)ရက်နေ့မှ (၁၆)ရက်နေ့ထိ ရန်ကုန်တိုင်းဒေသကြီး၊ ဗဟန်းမြို့နယ်ရှိ Excel Treasurer Tower တွင်ကျင်းပခဲ့ရာ အဆိုပါအခမ်းအနားသို့ အမျိုးသား ခုခံကျ/ကာလသားတိုက်ဖျက်ရေး စီမံချက်မှ စီမံချက်မန်နေဂျာ ဒေါက်တာဒေါ်ခင်ဥမ္မာစံအပါအ၀င် ကျန်းမာရေးဝန်ကြီးဌာနမှ တာဝန်ရှိသူများ၊ UNAIDS မှ Country Director Mr.Eammon Murphy နှင့် UN, INGO အဖွဲ့အစည်းများမှ တာဝန်ရှိသူများ၊ MPG နှင့်ကွန်ရက်ချိတ်ဆက်ထားသော တိုင်းဒေသကြီးနှင့်ပြည်နယ် (၁၄) ခုမှ အိပ်(ခ်ျ)အိုင်ဗီပိုး ဖြင့် အသက်ရှင်နေသူ ကိုယ်စားလှယ်ပေါင်း (၁၉၇)ဦးအပါအ၀င် စုစုပေါင်း (၂၆၃) ဦးတက်ရောက်ခဲ့ကြပါသည်။

အခမ်းအနားကို နှစ်ရက်တိုင်တိုင်ကျင်းပခဲ့ပြီး နောက်ဆုံးနေ့တွင် တက်ရောက်လာကြသူများအားလုံးမှ လက်မှတ်ရေးထိုးကာ မြန်မာနိုင်ငံရှိ အိပ်(ခ်ျ)အိုင်ဗီပိုးရှိသူများအတွက် အဓိကလိုအပ်ချက် (၅)ချက်ကို တောင်းဆိုခဲ့ကြပါသည်။ အဆိုပါတောင်းဆိုချက်များကို တာဝန်ရှိသော ဌာနဆိုင်ရာများ၊ အဖွဲ့အစည်းများ၊ အလှူရှင်များသို့တင်ပြတောင်းဆိုသွားမည်ဖြစ်ကြောင်းသိရှိရသည်။

အပြည့်အစုံ ဖတ်ရန် ဒီနေရာကို နှိပ်ပါ


စကားပြောခွင့် ရှိတယ်ဆိုရင် ကျနော်တို့ လက်နက်ကိုင်စရာ အကြောင်း မရှိပါဘူး

“တကျွန်းစံ၏ အပြန်လမ်း” တနင်္လာနေ့က လွတ်ငြိမ်းချမ်းသာခွင့်ဖြင့် ပြန်လည် လွတ်မြောက်လာသည့် KIA အထူးကွန်မန်ဒို တပ်ဖွဲ့မှူး လဖိုင်ဇော်ဆိုင်း အား ၂ဝ၁၂ ခုနှစ်၊ စက်တင်ဘာလ ၁၉ ရက်နေ့က သုခ စေတနာ အခမဲ့ဆေးခန်းတွင် ကျန်းမာရေး စစ်ဆေးပြီးနောက် တွေ့ရစဉ်။ (ဓာတ်ပုံ - ဘိုဘို၊ မဇ္ဈိမ)
(တိုင်းမှူးအား လုပ်ကြံခဲ့သူ KIA မြို့ပြကွန်မန်ဒို လဖိုင်ဇော်ဆိုင်း နှင့် အင်တာဗျူး)

လွန်ခဲ့သည့် ၁၉၈၅ ခုနှစ်က မြစ်ကြီးနားမြိ့ အခြေစိုက် မြောက်ပိုင်းတိုင်း စစ်ဌာနချုပ် (မပခ) တိုင်းမှူး ဗိုလ်မှူးချုပ် လဇွမ် ခါန်ဖန် ဂေါက်ကွင်းမှ အပြန်တွင် ယာဉ်တန်းအား ကချင်လွတ်လပ်ရေးတပ် KIA ကွန်မန်ဒို အထူးတပ်ဖွဲ့ဝင် လေးဦးက စီးနင်း တိုက်ခိုက်မှု ဖြစ်ပွားခဲ့သည်။

ထိုတိုက်ခိုက်မှုတွင် မပခ တိုင်းမှူး လဇွမ် ခွန်ဖန် နှင့် ကိုယ်ရေးအရာရှိတို့ ကျဆုံးခဲ့ရသည်။ ဗိုလ်မှူးချုပ် လဇွမ်ခွန်ဖန်မှာ အဆိုတော် L ခွန်းရီ၏ ဖခင်ဖြစ်သည်။

ထိုလုပ်ကြံတိုက်ခိုက်မှုတွင် ဖမ်းဆီးခံခဲ့ရသည့် KIA ကွန်မန်ဒို အထူးတပ်ဖွဲ့မှူး လဖိုင် ဇော်ဆိုင်း မှာ သေဒဏ်ချ မှတ်ခံခဲ့ရသည်။

အကျဉ်းထောင်တွင်းတွင် ၂၇ နှစ်နီးပါး ကျခံခဲ့ရပြီးနောက် သမ္မတ၏ လွတ်ငြိမ်း ချမ်းသာခွင့်ဖြင့် တနင်္လာနေ့က
မြင်းခြံထောင်မှ ပြန်လည်လွတ်မြောက်လာခဲ့သော အသက် ၄၉ နှစ် အရွယ်ရှိ ဦးလဖိုင်ဇော်ဆိုင်း ကို ထိုစဉ်က အဖြစ်အပျက်များနှင့် လက်ရှိအခြေအနေအပေါ် သဘောထားများကို သိရှိနိုင်ရန်အတွက် မဇ္ဈိမ သတင်းထောက် ဖနိဒါ က ဆက်သွယ်မေးမြန်းထားသည်။


လွတ်မြောက်လာပြီး ကျန်းမာရေး အခြေအနေကော။

ဖြေ။   ။ ဘုရားသခင်ရဲ့ ကျေးဇူးတော်ကြောင့် ကျနော် ခုချိန်ထိ ကျန်းမာရေး ကောင်းပါတယ်။

ဘာကြောင့် ဖမ်းဆီးခံရတာလဲ။

ဖြေ။   ။ တိုင်းမှူး လဇွမ်ခွန်ဖန်ကို ကျနော် ပစ်သတ်ခဲ့တဲ့ အမှုကိစ္စကြောင့် ဖမ်းဆီးခံခဲ့ရတာပါ။ ဖြစ်တာက ၁၉၈၄ ခုနှစ် ကတည်းက သူတို့ အစိုးရရဲ့ မြောက်ပိုင်း ကွန်မန်ဒို ဆိုပြီး ပါဂျောင်၊ နဖော့၊ ဂျာပူ၊ ဂန်ဒေါင်ယန် တွေမှာ လေယာဉ်နဲ့ ပစ်ခတ်တယ်။ အဲဒီအချိန်မှာပဲ ကျနော်တို့ ဗဟိုဌာနချုပ်ကို အစိုးရတပ် အားနဲ့အင်နဲ့ ထိုးစစ် ဆင်ထားတယ်။ နောက်ပြီး
မြောက်ပိုင်း ကွန်မန်ဒိုတွေကနေ ကျေးရွာတွေမှာ ဓါးမြတိုက်၊ သူတို့ လုပ်ချင်တာတွေ လုပ်တယ်။ ဒါကြောင့် သူတို့က ကျနော်တို့ နယ်မြေတွေမှာ လုပ်ချင်တာလုပ်နေလို့ သူတို့ကို ကျနော်တို့ ပြန်တိုက်တဲ့ သဘောပဲ။

အဲဒီအချိန်မှာ KIA ဥက္ကဋ္ဌ ဗိုလ်ချုပ်ဇော်မိုင် ဖွဲ့ထားတဲ့ SUG ဆိုတဲ့ Special Urban Guerilla (မြို့ပြ အထူးပြောက်ကျား တပ်)ဆိုတာ ရှိတယ်။ ၁၉၈၅ ခုနှစ်မှာ မြစ်ကြီးနား မြောက်ပိုင်းတိုင်း စစ်ဌာနချုပ်မှာ ကျနော်တို့ ဝင်စီးတိုက်ခိုက်တာ။ အဲဒီမှာ သုံးပွင့် တဦးလည်း သေတယ်။ အားလုံး လက်နက် ထိမှန်တာ ငါးဦးလောက် ရှိတယ်။ မြောက်ပိုင်းတိုင်းမှူး လဇွမ် ခွန်ဖန်ပါတယ်။ ဒု-တိုင်းမှူး ကျော်သန်းပါတယ်။ တခြားလူတွေ နာမည် မမှတ်မိတော့ဘူး။

မြောက်ပိုင်းတိုင်းမှူး လဇွမ် ခွန်ဖန် ကလည်း ကချင်လူမျိုးတဦးပဲနော်။

ဖြေ။   ။ ကျနော်က ကချင်အချင်းချင်းမို့လို့ ပစ်တာမဟုတ်ဘူး။ သူက အစိုးရဘက်က စစ်ဗိုလ်ဖြစ်လို့ပဲ။ သူ့သား ဦးထွယ်ဝါနဲ့ ကျနော် မန္တလေးထောင်မှာ ဆုံတယ်။ သူ့သားကလည်း ကျနော့်အပေါ် နားလည်တယ်။ ကျနော်တို့
နှစ်ယောက်ကြားမှာ အငြိုးကြီးတွေ မရှိဘူး။ တိုင်းမှူး ခွန်ဖန်က အဲဒီအချိန်မှာ မဆလ စစ်ဗိုလ်ကြီးပဲ။ ဗမာ၊ ကချင် ဆိုပြီး ခွဲခြားလို့ မဟုတ်ဘူး။ ကျနော်တို့ နယ်မြေမှာ လာတိုက်နေတဲ့လူတွေကို ကျနော်တို့ဘက်က ပြန်ပြီး တိုက်ခိုက်တဲ့ သဘောပါပဲ။

ဦးဇော်ဆိုင်းတို့ဘက်က ဘယ်နှစ်ဦး ပါဝင်တိုက်ခိုက်တာလဲ။

ဖြေ။   ။ ကျနော်တို့ လေးယောက်ပါပဲ။ ကျနော်တို့ဘက်က
မြောက်ပိုင်းကွန်မန်ဒိုတွေကနေ ကျေးရွာတွေမှာ ဓါးမြတိုက်၊ သူတို့ လုပ်ချင်တာတွေ လုပ်တယ်။ ဒါကြောင့် သူတို့က ကျနော်တို့ နယ်မြေတွေမှာ လုပ်ချင်တာလုပ်နေလို့ သူတို့ကို ကျနော်တို့
ပြန်တိုက်တဲ့ သဘောပဲ။

ပြောမယ်ဆိုရင် operation (စစ်ဆင်ရေး) ဝင်တာပဲ။ သူတို့ ဘက်က ပြောရင်တော့ လုပ်ကြံတယ်လို့ ပြောမှာပေါ့။ ကျနော်တို့ ပြောမယ်ဆိုရင် စီးနင်းတိုက်ခိုက်တာပါ။ တိုင်းမှူး
တို့က ကားသုံးစီးနဲ့ ဂေါက်ရိုက်ပြီး တိုင်းဌာနချုပ် အပြန် လမ်းမှာ စောင့်ပစ်လိုက်တာ။ ရှေ့ကားက escort
(အစောင့်အကြပ်)၊ အလယ်ကားက တိုင်းမှူး၊
နောက်ဆုံးကားက ဒု-တိုင်းမှူးပါတာ။

ကျနော်တို့က အရပ်သား ဈေးသည် ပုံစံဟန်ဆောင်တယ်။ မြို့လယ်မှာ ဖြစ်လို့ ကျနော်တို့ အရပ်ဝတ်နဲ့ လှမ်းပစ်လိုက် တာ။ ပုဆိုးက ကချင်ပုဆိုးဝတ်ထားတယ်။ခြင်းတောင်းထဲမှာ AK 22 သေနတ် ဖွက်ထားတယ်။ ယဉ်တန်းလာမယ့်
နေရာမှာ ညနေ မိုးချုပ်ခါနီး ၆ နာရီ ၃ မိနစ်ချိန်မှာ အဲဒီကားလမ်းကို ကျနော်တို့ တက်လာတာ မမြင်နိုင်တဲ့အချိန် သူတို့ ရောက်ခါနီးမှာ အဲဒီနေရာမှာ အသင့်နေရာယူထားပြီ။

အဲဒီကားလမ်းနဘေးမှာ မီးကင်းရှိတယ်။ မီးကင်းကနေ တချို့ထွက်လာတယ်။ တချို့က ကုက္ကိူပင် အနောက်ကနေ ထွက်လာပြီး ပထမဆုံး ပစ်လိုက်တာ။ နောက်တော့ အချင်းချင်း ပစ်ခတ်ကြတယ်။ တကယ့် Profesional လိုတော့ မဟုတ်ဘူး။ လိုအပ်ချက်ကြောင့် ကိုယ်တတ်နိုင်သလောက် လုပ်တဲ့သဘောပါ။

ကျနော်တို့ထဲက သုံးယောက်က လွတ်မြောက်သွားတယ်။ ကျနော်က ကျနော့် သူငယ်ချင်းကို ပြန်လိုက်ရှာရင်း ဖမ်းခံရ တာ။ ကျနော်တို့ အချင်းချင်း ပြန်ရှာတဲ့အချိန်မှာ ဖမ်းဆီးခံရတာပါ။ ကျနော်က အဲဒီအချိန် အသက် ၂၂ နှစ်ပါ။ ၁ဝ တန်း အပြင်ဖြေနေရင်း တာဝန်ထမ်းဆောင် အလုပ်လုပ်နေတယ်။ ကျနော်တို့ ကချင်တွေက အဲဒီအချိန် ကတည်း ကနေ ဒီနေ့ထိ ဘယ်သူပဲဖြစ်ဖြစ် ကိုယ်တတ်နိုင်တဲ့လုပ်ငန်းကို ထမ်းဆောင်နေကြတာပဲ။

ဘယ်လို ပုဒ်မတွေနဲ့ ကျခံရတာလဲ။

ဖြေ။   ။ ပုဒ်မကတော့ ၁၇(၁)၊ ၁၇(၂)၊ ၁၉(စ)၊ ၃ဝ၂ အပိုဒ် ၁/၃၄ တွေနဲ့ သေဒဏ်နဲ့ ၂၄ နှစ် ကျခံရတာပါ။ အဲဒီ
နောက် ၄/၈၉ အရ တသက်တကျွန်း ပြောင်းလိုက်တယ်။ အကျဉ်း ထောင်ထဲမှာ ၂၆ နှစ်နဲ့ ၁ဝ လ နေခဲ့တယ်။ လာမယ့် အောက်တိုဘာလ ၁၆ ရက်နေ့မှာ ၂၇ နှစ် ပြည့်မယ်။

ကိုဇော်ဆိုင်းအနေနဲ့ တကယ်ပဲ အပြစ်ရှိတယ်လို့ ယူဆလား။

ဖြေ။   ။ ကျနော်အနေနဲ့တော့ အပြစ်မရှိဘူးလို့ ထင်ပါတယ်။ ကျနော်တို့ ပြည်နယ်မှာ ဖြစ်ခဲ့တာတွေကတော့
တောက်လျှောက် ဖြစ်နေတာပဲ။ အခုလည်း ဖြစ်နေသလိုပါပဲ။ ပြည်နယ်ရဲ့ အရေးပေါ့ဗျာ။ ပြည်တွင်းစစ် ဖြစ်ရတဲ့ အကြောင်းအရင်းက ၁၉၄၇ ဗိုလ်ချုပ်အောင်ဆန်းနဲ့ ချုပ်ဆိုခဲ့တဲ့ နောက်ပိုင်း၊ လွတ်လပ်ရေးရတဲ့ နောက်ပိုင်းမှာ ကျနော်တို့ရဲ့ ဆုံးရှုံးတဲ့ အခွင့်အရေး ပတ်သက်လို့ စကားပြောခွင့် ရမလာတဲ့အခါကျတော့ လက်နက်ကိုင်ပြီးမှ
တော်လှန်ခဲ့ရတဲ့အကြောင်းတွေ ရှိပါတယ်။ အဲတော့ စကားပြောခွင့် ရှိတယ်ဆိုရင် ကျနော်တို့ လက်နက်ကိုင်စရာ အကြောင်း မရှိပါဘူး။ လွတ်လပ်စွာ ထုတ်ဖော်ခွင့် မရတဲ့အခါမှာ လက်နက်ကိုင်တာတွေ ဖြစ်တတ်တယ်။ ဒါကြောင့် ကျနော့်အနေနဲ့ကတော့ အပြစ်ရှိတယ်လို့ မထင်ပါဘူး။

အမှန်တကယ် မြောက်ပိုင်း တိုင်းမှူးကို ပစ်သတ်ခဲ့
ကျနော်တို့ရဲ့ ဆုံးရှုံးတဲ့ အခွင့်အရေး ပတ်သက် လို့ စကားပြောခွင့် ရမလာတဲ့အခါကျတော့ လက်နက်ကိုင်ပြီးမှ တော်လှန်ခဲ့ရတဲ့ အကြောင်းတွေ ရှိပါတယ်။ စကားပြောခွင့် ရှိတယ်ဆိုရင် ကျနော်တို့ လက်နက်ကိုင်စရာ အကြောင်း မရှိပါဘူး။ လွတ်လပ်စွာ ထုတ်ဖော် ခွင့် မရတဲ့အခါမှာ လက်နက်ကိုင်တာတွေ
ဖြစ်တတ်တယ်။

တာလား။

ဖြေ။     ။ တကယ်ဖြစ်ခဲ့လို့လဲ တကယ့် ကျနော်ပစ်ခဲ့
တယ်လို့ ကျနော် ဝန်ခံခဲ့ပြီးပါပြီ။ တကယ်ပစ်ခဲ့တာပါ။

၂၆ နှစ်ကျော် အကျဉ်းထောင်မှာ နေခဲ့ရပြီးနောက်
ပြန်လွတ် လာတော့ ဦးဇော်ဆိုင်း အနေနဲ့ ဘယ်လို ခံစားရလဲ။

ဖြေ။   ။ သိပ်ထူးခြားမှုတော့ မရှိပါဘူး။ ဘာဖြစ်လို့လဲဆိုတော့ သာမန်အကျဉ်းသားတွေလို လျှော့ရက် ခံစားခွင့် ရမယ်ဆိုရင် ကျနော်တို့က လွန်ခဲ့တဲ့ ၁ဝ နှစ်လောက်ကတည်းက လွှတ်ပေးလို့ ရပါတယ်။ ခုတော့ ကျနော်တို့ နိုင်ငံရေး သမားတွေအနေနဲ့ ခုမှ လွတ်လာရတဲ့ အနေအထားမျိုးပါ။ သာမန်ဆိုရင်တောင်မှ လွတ်ရမယ့် အနေအထားကို
ရောက်နေပါပြီ။

ဦးဇော်ဆိုင်းအနေနဲ့ ခု ဘာတွေ ဆက်လုပ်မှာလဲ။

ဖြေ။   ။ လောလောဆယ်ကတော့ ပြည်တွင်းစစ် ဖြစ်နေတဲ့ကိစ္စ ငြိမ်းချမ်းရေး ရဖို့အတွက် ကျနော် ဒီမှာ ရန်ကုန်ဆင်း လာတာလည်း အဲဒါပါပဲ။ အဖြေတခုတော့ ကျနော် ကြိုးစားနေတဲ့ အကြောင်းပါပဲ။ နောက်ပြီးတော့ ကျနော်တို့
ပြည်နယ်မှာ စစ်ပြေး ဒုက္ခသည်တွေနဲ့ ပတ်သက်ပြီးတော့မှာ ဒီမှာ ရှိနေတဲ့ ကျနော့်မိတ်ဆွေတွေကို အကြံဉာဏ် လာတောင်းတာလည်း ဖြစ်တယ်။ နောက် တကယ်ခံစားနေရတဲ့ ကျနော်တို့ ဒေသ အကြောင်းကို အခု စကားပြောလို့ ရတဲ့ခေတ်မှာ ပြောဆိုချင်နေတဲ့ အဓိက ရည်ရွယ်ချက်ပါ။ ကျနော်တို့ တကယ် ငြိမ်းချမ်းရေး လိုချင်ပါတယ်။

KIA မှာ ဆက်ပြီး အမှုထမ်းဆောင်မှာလားရှင်။

ဖြေ။   ။ အဲဒီသဘောထားက ကျနော့်မှာ ဘာမှ မရှိသေးပါဘူး။

KIA မှာ အရင်က ဘာတာဝန်ယူခဲ့လဲ။

ဖြေ။   ။ ဗဟိုက ဖွဲ့စည်းထားတဲ့ အထူးကွန်မန်ဒိုအဖွဲ့မှာ အထူးကွန်မန်ဒိုအနေနဲ့ မြို့မှာ တိုက်ရတဲ့ သဘောပါပဲ။

KIA အထူးကွန်မန်ဒိုတဦး ဖြစ်ခဲ့တော့ ဘယ်လို တိုက်ပွဲတွေမှာ ပါဝင်ခဲ့တာလဲ။

ဖြေ။   ။ တိုက်ပွဲအတွေ့အကြုံကတော့ ဒီမြစ်ကြီးနားမြို့ပေါ် အစိုးရ ၃၇ တပ်စခန်းအဝင် မိုင်ဒေးကွေ့မှာ ဖြစ်တဲ့ တိုက်ပွဲက ပထမဦးဆုံးပေါ့ဗျာ။

အဲဒီအချိန်တုန်းက ကိုဇော်ဆိုင်းနဲ့အတူ တခြား ဘယ်သူတွေ ဖမ်းဆီးခံခဲ့ရလဲ။

ဖြေ။   ။ ကျနော် တဦးထဲပါ။ ကျနော့် အမှုတွဲတွေကတော့ ကျနော့်ကျောင်းနေဘက် သူငယ်ချင်းတွေ၊ အသိမိတ်ဆွေ
တွေပါပဲ။

သူတို့တွေရော လွတ်မြောက်လာပြီလား။

ဖြေ။   ။ သူတို့တွေက ၁၇(၁)နဲ့ ဖမ်းတယ်။ နှစ်နှစ်နဲ့ ၁ဝ လလောက် ကျခံပြီးတော့ ပြန်လွတ်သွားကြပါပြီ။

ထောင် ဘယ်နှစ်ခုလောက် ပြောင်းရွှေ့ခဲ့ရလဲ။
၁၉၉ဝနဲ့ ၂ဝဝဝ ခုနှစ်ကြားမှာတော့ တော်
တော်ခက်ခဲတယ်။ အဲဒီတုန်းက အာဏာပိုင်
တွေရဲ့ အမျိုးမျိုး ဖိနှိပ်ညှဉ်းပန်းမှုကို ခံခဲ့ရပါ တယ်။ အထူးခြားဆုံးက NLD ကို အာဏာမလွှဲ ဘဲနဲ့ စစ်တပ်က ဆက်ကိုင်တဲ့နောက်ပိုင်းမှာ ကျနော်တို့ ထောင်ထဲမှာ နေရထိုင်ရတာ ခက်ခဲလာတယ်။


ဖြေ။   ။ မြစ်ကြီးနားထောင်၊ တရားစီရင်တာ မန္တလေးထောင်
နဲ့ ခု မြင်းခြံထောင်တွေ ဖြစ်ပါတယ်။

မြင်းခြံထောင်က ထူးခြားတဲ့ အခက်အခဲ၊ ထောင်တွင်း အတွေ့အကြုံတွေ ပြောပြပေးပါလား။

ဖြေ။   ။ ၁၉၉ဝနဲ့ ၂ဝဝဝ ခုနှစ်ကြားမှာတော့ တော်တော်
ခက်ခဲတယ်။ အဲဒီတုန်းက အာဏာပိုင်တွေရဲ့ အမျိုးမျိုး ဖိနှိပ် ညှဉ်းပန်းမှုကို ခံခဲ့ရပါတယ်။ အထူးခြားဆုံးက NLD ကို အာဏာမလွှဲဘဲနဲ့ စစ်တပ်က ဆက်ကိုင်တဲ့ နောက်ပိုင်းမှာ ကျနော်တို့ ထောင်ထဲမှာ နေရထိုင်ရတာ ခက်ခဲလာတယ်။
ပြောမယ်ဆိုရင် အများကြီးပေါ့ဗျာ။ အထူးသဖြင့် ရက်ထူး ရက်မြတ်တွေဖြစ်တဲ့ ခရစ္စမတ်ရက်၊ နှစ်သစ်ကူး၊ အာဇာနည်
နေ့၊ လွတ်လပ်ရေးနေ့တွေမှာ ကျနော်တို့ တတိုက်လုံးကို ရိုက်နှိက်ညှဉ်းဆဲခံရတာတွေ ရှိတယ်။

ထောင်ထဲမှာရှိနေတုန်း ထောင်ဝင်စာရော ပုံမှန်ရခဲ့လား။

ဖြေ။   ။ ရခဲ့ပါတယ်။ ဒါပေမယ့် တနှစ်မှာ တကြိမ်ပေါ့ဗျာ။



ဖနိဒါ - ချင်းမိုင်(မဇ္စျိမ)

အခွင့်အရေးနှင့်ထိန်းချုပ်မှုပါဝင်သည့် လိင်လုပ်သားဆိုင်ရာ ဥပဒေပြင်ဆင်ပြဋ္ဌာန်းရန်လို

မြန်မာ လိင်လုပ်သားများ အတွက် အခွင့်အရေးနှင့် ထိန်းချုပ်မှုများ ပါဝင်သည့် လိင်လုပ်သား ဆိုင်ရာဥပဒေများအား   ပြင်ဆင်ပြဋ္ဌာန်းရန် လိုအပ်လျက်ရှိကြောင်း လိင်လုပ်သားများ အရေးဆောင်ရွက်ပေးနေ သူများထံက သိရှိရသည်။

လိင်လုပ်သားများအား အခွင့်အရေးနှင့် ထိန်းချုပ်မှုများ ပေးလိုက်ပါက HIV / AIDS ပြဿနာများမှာ လျော့နည်းသွားနိုင်ပြီး၊ လျှို့လျှို့ဝှက်ဝှက်ဖြင့် လိင်အလုပ်သမားများ လုပ်ဆောင်နေလျှင် တိုင်းပြည် အတွက်ဆိုးရွား သည့် အခြေအနေများ   ဖြစ်ပေါ်နိုင်ကြောင်းကိုလည်း သိရသည်။

“ဒီ sex worker တွေနဲ့ပတ်သက်လို့ အခွင့်အရေးတွေပေးသင့်သလို့ တဖက်ကလည်း စည်းကမ်းတွေ ချသင့်တယ်လို့ထင်တယ့် အခုဆိုလို့ရှိရင် အမမြင်ရသလောက်ကတော့ ဒီ sex worker တွေနဲ့ပတ်သက်လို့ ဘာအခွင့်အရေးမှ မရှိဘူးပေါ့နော်   ပြောရမယ်ဆိုလို့ရှိရင် အနီးစပ်ဆုံးထိုင်းနိုင်ငံမှာတောင်မှ ဒီ sexworker တွေနဲ့ပတ်သက်လို့ အခွင့်အရေးတွေ ပေးထားတယ် တဖက်ကလည်း ထိန်းချုပ်ထားတာတွေရှိတယ် ” ဟု မင်္ဂလာတောင်ညွှန့်၊ ဒီချုပ်ပါတီမှ ပြည်သူ့လွှတ်တော်ကိုယ်စားလှယ်   ဒေါ်ဖြူဖြူသင်းမှပြောဆိုခဲ့သည်။

ထိုကဲ့သို့ တရားဝင်လုပ်ကိုင်ခွင့်များချမပေးဘဲ ယဉ်ကျေးမှုအား ဖက်တွယ်ထားလျှင်လည်း တိုင်းပြည်သည်ရောဂါများဖြင့် အခက်အခဲတွေ့လာနိုင်ကြောင်း ပြည်သူ့လွှတ်တော်ကိုယ်စားလှယ် ဒေါ်ဖြူဖြူသင်းက ဆက်ပြောသည်။

 လိင်လုပ်သားတွေပပျောက်ရေးအတွက် နိုင်ငံတော်မှ ၁၉၄၉ ခုနှစ်တွင် ပြည့်တန်ဆာနှိပ်ကွပ်ရေးအက်ဥပဒေ အားပြဌာန်းခဲ့ပြီး ၊ လိင်လုပ်သားများအား တစ်နှစ်ထက် မပိုသည့်ထောင်ဒဏ်ချမှတ်နိုင်ပြီးယခုအချိန်တွင် သုံးနှစ်ထက်မပိုသော   ထောင်ဒဏ်အဖြစ် နိုင်ငံတော်ငြိမ်ဝပ်ပိပြားမှုအစိုးရတက်ပြီးချိန်၌ ပြောင်းလဲသတ်မှတ်ခဲ့သည်။

“ဥပဒေပိုင်းတွေ ဘာတွေကိုလည်း သေချာလုပ်သင့်တယ်လို့ ထင်တယ်၊ အမတို့ကစိုးရိမ်တာပေါ့နော် တရားဝင်လုပ်ခွင့်လည်း   တောင်းချင်တယ်၊ အဲ့ဒီမှာ ပြဿနာရှိပြန်တယ် အမတို့က ယဉ်ကျေးမှုအရပေးမှာလား မပေးဘူး လား  ပိုသတိထားပြီး အမတို့အတွက် ပိုကျပ်သွားမလား ဘာလားကိုလည်း ကြောက်နေရတယ်” ဟု မြန်မာနိုင်ငံလိင်လုပ်သားများ ကွန်ယက်မှ ဥက္ကဌ ဒေါ်နှင်းနှင်းယု က ပြောသည်။

အဆိုပါလိင်လုပ်သားများကွန်ဆက်မှ  မြို့ပေါင်း(၁၃)မြို့နှင့်ဆက်သွယ်ထားပြီး၊ အမျိုးသမီးလိင်လုပ်သားအဖွဲ့ဝင်ဦးရေ (၇၀၀)၀န်းကျင်ရှိကြောင်း သိရသည်။

လိင်လုပ်သားများအနေဖြင့်လည်း လူသားများဖြစ်သဖြင့် ၎င်းတို့အား လူ့အခွင့်အရေးများအပြည့်အ၀ပေးစေချင်ကြောင်း ကိုလည်း ပြောကြားခဲ့သည်။

“ကျွန်မတို့ဆိုရင် ကိုယ်ရှာတာက ကိုယ့်အတွက်မဟုတ်ဘဲ ရဲတွေအတွက်ဖြစ်နေတယ်၊ နေ့တိုင်းဒီနေရာကိုရောက်ရင် ရင်တထိတ်ထိတ်နဲ့ ဘုရားတပြီးလာနေရတယ်” ဟု ရန်ကုန်မြို့တွင်းမှ အသက် ၂၅ နှစ်ဝန်းကျင်လိင်အလုပ်သများတစ်ဦးက လက်ရှိ၎င်းတို့ကြုံတွေ့နေ ရသည့် အဖြစ်အပျက်အား ရှင်းပြသည်။

အဆိုပါ လိင်အလုပ်သမားများအတွက်ပြဌာန်းထားသော ၁၉၄၉ ခုနှစ်  ပြည့်တန်ဆာနှိပ်ကွပ်ရေးအက်ဥပဒေအား ပြောင်းလဲရန် အတွက်မူ လွှတ်တော်အတွင်းတွင် အမျိုးသမီး အရေအတွက် နည်းပါးနေခြင်းကြောင့်မြန်မာနိုင်ငံတွင်း၌ ငြိမ်းငြိမ်းချမ်းချမ်းဖြစ်သွား ပါက ဆွေးနွေးနိုင်မည်ဖြစ်ကြောင်း အင်ဂျန်းယန် ပြည်သူ့ လွှတ်တော်ကိုယ်စားလှယ် ဒေါ်ဒွဲဘူက ဆိုသည်။

ကောင်းမြတ်ဖြိုး ( မြစ်မခ )
by Myit Makha Mediagroup


ဒေါ်အောင်ဆန်းစုကြည် အမေရိကန်လွှတ်တော်မှာ ဂုဏ်ပြုဆုလက်ခံ

ဒေါ်အောင်ဆန်းစုကြည်ဟာ အမေရိကန်ကွန်ဂရက်စ်လွှတ်တော်က အရပ်သားတွေကို ဂုဏ်ပြုပေး အပ်တဲ့ ဆုတွေထဲမှာ အမြင့်ဆုံးဖြစ်တဲ့ Congressional Gold Medal ဆုကို   ဗုဒ္ဓဟူးနေ့တုန်းက လက်ခံရယူခဲ့ပါတယ်။ Capitol Hill လွှတ်တော် အဆောက်အအုံမှာလုပ်ခဲ့တဲ့ ဆုပေးပွဲအခမ်းအနား ကို အမေရိကန်ပြည်ထောင်စုရဲ့ ထိပ်တန်းလွှတ်တော်အမတ်တွေအပြင် အမေရိကန်နိုင်ငံခြားရေး ဝန်ကြီး ဟီလာရီကလင်တန် သမ္မတဟောင်းကတော် လော်ရာဘုရ်ှတို့ကလည်း တက်ရောက်ပြီးတော့ ချီးကျူးဂုဏ်ပြုစကားတွေကို ပြောခဲ့ကြပါတယ်။ ဒီ ကွန်ဂရက်စ် လွှတ်တော် အကြောင်း အပြည့်အစုံကိုတော့ ကိုယ်တိုင်တက်ရောက် သတင်းယူခဲ့တဲ့ ကိုသိန်းထိုက်ဦးက တင်ပြပေး ထားပါတယ်။

မြန်မာနိုင်ငံ ဒီမိုကရေစီနိုင်ငံ ထူထောင်ရေးလုပ်ငန်းစဉ်တွေဟာ သမ္မတဦးသိန်းစိန် ဦးဆောင် တဲ့ပြုပြင်ပြောင်းလဲရေး လုပ်ငန်းစဉ်တွေကြောင့်ဆိုပြီး အခမ်းအနားမှာ ဒေါ်အောင်ဆန်းစုကြည်က ချီးကျူး ပြောဆိုသွားပါတယ်။

တချိန်တည်းမှာ ပြုပြင်ပြောင်းလဲရေးနဲ့ အမျိုးသားရင်ကြားစေ့ရေးလုပ်ငန်းတွေ အခက်အခဲတွေ အများကြီး ရှိနေသေး တယ်လို့လည်း သူက ဆိုပါတယ်။

ကွန်ဂရက်စ်လွှတ်တော်ရဲ့ရွှေတံဆိပ်ဆုပေးပွဲအခမ်းအနားမှာ အမေရိကန် နိုင်ငံခြား ရေးဝန်ကြီး ဟီလာရီကလင်တန်၊ အောက်လွှတ်တော်သဘာပတိ John Bohner၊ ရီပတ်ဗလစ်ကန် ဆီးနိတ် လွှတ်တော် အမတ် John McCain၊ ဒီမိုကရက် အထက်လွှတ်တော်အမတ် Dinne Feinstein၊ သမ္မတကတော်ဟောင်း Laura Bush နဲ့  ဒီဆုကို ချီးမြှင့်ဖို့ အဆိုပြုခဲ့တဲ့ ရီပတ်ဗလစ် ကန် ခေါင်းဆောင် အထက်လွှတ်တော် Mitch McConnell တို့ ဒေါ်အောင် ဆန်းစုကြည်နဲ့အတူ စဉ်မြင့်ပေါ်မှာ ရှိခဲ့ပါတယ်။

မြန်မာ့အရေးကို အမေရိကန်ပြည်ထောင်စု လွှတ်တော်အတွင်းမှာ ပါတီကြီးနှစ်ခုလုံး က ခေါင်းဆောင်တွေ ထောက်ခံတယ် ဆိုတာ ပြသလိုက်တဲ့ အခမ်းအနားလည်း ဖြစ်နေပါတယ်။
ဒီအခမ်းအနားမှာ မြန်မာအစိုးရ သမ္မတရုံးဝန်ကြီး ဦးအောင်မင်းနဲ့ အမေရိကန်ဆိုင်ရာ အမေရိကန် သံအမတ်ကြီး ဦးသန်းဆွေတို့လည်း တက်ရောက်ခဲ့တဲ့ အတွက် ဒေါ်အောင်ဆန်းစုကြည် ကိုယ်တိုင် က မြန်မာ့နိုင်ငံရေးပြုပြင်ပြောင်းလဲမှုနဲ့ အမျိုးသားရင်ကြားစေ့ရေး အနာဂတ်အတွက် အထူးတလည် အားတက်မိကြောင်း ပြောကြားခဲ့ပါတယ်။

အမေရိကန် နိုင်ငံခြားရေး ၀န်ကြီး ကလင်တန်ကလည်း ဒါကို ကြိုဆိုခဲ့ပါတယ်။

နိုင်ငံခြားရေး ၀န်ကြီး ဟီလာရီကလင်က  အခမ်းအနား တက်ရောက်လာတဲ့ ၀န်ကြီးချုပ်ရုံးဝန်ကြီး ဦးအောင်မင်းနဲ့ မြန်မာသံအမတ်ကြီးတို့ကို ကြိုဆို တဲ့အကြောင်း ပြောဆိုသွားပါတယ်။

ဒေါ်အောင်ဆန်းစုကြည်ဟာ ဒီမိုကရေစီနဲ့ လွှတ်တော်ခေါင်းဆောင် တယောက်အဖြစ်နဲ့သာမကပဲ အခုလို အမေရိကန်ပြည် ထောင်စု ဒီမိုကရေစီရဲ့ ဗဟို လွှတ်တော်အဆောက်အအုံကြီးရဲ့ ပေါင်းမိုး ခမ်းမဆောင်မှာ ဒီလို အခမ်းအနား တက်ရောက်လာနိုင်တာကို သူ့အနေနဲ့ မယုံနိုင်လောက်အောင် ဝမ်းသာမိတဲ့အကြောင်း ဟီလာရီကလင်တန်က  ပြောဆိုသွားပါတယ်။

ကွန်ဂရက်စ်လွှတ်တော်က ချီးမြှင့်တဲ့ဆုကိုတော့ အောက်လွှတ်တော် သဘာပတိ John Bohner ကိုယ်တိုင်  ပေးအပ်ခဲ့တာဖြစ်ပါတယ်။

မြန်မာ့အရေးကို တစိုက်မတ်မတ် အားပေးထောက်ခံခဲ့တဲ့ နယူးယောက်မြို့နယ်က ဒီမိုက ရက် အောက်လွှတ်တော်အမတ် Joseph Crowley က လွန်ခဲ့တဲ့နှစ်နှစ်အတွင်း မြန်မာနိုင်ငံမှာ တိုးတက်ဖြစ်ထွန်းမှုတွေ အများကြီးတွေ့ရတဲ့အကြောင်း၊ ဒီလို အပြောင်းအလဲတွေပေါ် လာအောင် ဆောင်ရွက်နိုင်ခဲ့တဲ့သူတွေကို ချီးကျူးရမှာဖြစ်ပြီး အဲဒီအထဲမှာ လက်ရှိ အစိုးရ ခေါင်းဆောင်တွေကိုလည်း ထည့်သွင်းရမှာဖြစ်တယ်လို့ ထည့်သွင်း ပြောဆိုသွားပါတယ်။

မြန်မာနိုင်ငံသားတွေပေးဆပ်အနစ်နာခံခဲ့တဲ့ ဒီမိုကရေစီနဲ့ လူ့အခွင့်အရေး အတွက် ပြုပြင်ပြောင်း လဲရေးလုပ်ငန်းတွေ မပြီးပြတ်သေးတာမို့လို့ လည်း ရှေ့ဆက်မျက်ခြေမပြတ်စောင့်ကြည့်ဖို့ လိုမယ် ဆိုပြီး အောက်လွှတ်တော်အမတ် ဂျိုးဇက် ခရော်လီက ပြောပါတယ်။

အရီဇိုးနားပြည်နယ်အထက်လွှတ်တော်အမတ် ဂျွန်မက်ကိန်းက မြန်မာပြည်သူတွေအတွက် ဂုဏ်သိ က္ခာ၊ တရားမျှတမှုနဲ့ မျှော်လင့်ချက်တွေပေးနိုင်ဖို့ အနစ်နာခံစွန့်လွှတ်ခဲ့တဲ့ စံနမူနာထားရမယ့် သူ့ရဲ့ သူရဲကောင်း တစ်ယောက်အဖြစ် ဒေါ်အောင်ဆန်းစုကြည်ကို ချီးကျူးပြောဆိုသွားခဲ့ပါတယ်။

သမ္မတဟောင်းကတော် လော်ရာဘွတ်ရ်ှကတော့ - ဒီနေ့ဟာ မြန်မာပြည်ရဲ့မိခင်လို့ ပြောရမယ့် အမျိုးသမီးတစ်ယောက် ကို ဂုဏ်ပြုတဲ့နေ့ပါ ဆိုပြီး အခမ်းအနားမှာ ပြောဆိုသွားပါတယ်။

မြန်မာပြည်ရဲ့ ပြုပြင်ပြောင်းလဲရေးနဲ့ ပြန်လည်သင့်မြတ်ရေးလုပ်ငန်းတွေ ရှေ့ဆက်လုပ်ကိုင်နိုင်ရေးအတွက် ဒေါ်အောင်ဆန်းစုကြည်ရဲ့ ရဲစွမ်းသတ္တိ၊ အမြော်အမြင် နဲ့ ဦးဆောင်မှုတွေ လိုအပ်တဲ့အကြောင်းကိုလည်း သမ္မတဟောင်း ကတော် လောရာဘွတ်ရ်ှက ပြောဆိုပါတယ်။ ဒေါ်အောင်ဆန်းစုကြည်ကတော့ ဆုပေးပွဲမှာ အခုလို မိန့်ခွန်းပြောဆိုသွားပါတယ်။

“ ဒီနေ့ ကျမကို ဂုဏ်ပြုချီးမြှင့်လိုက်တဲ့ဆုဟာ ကျမတို့ပြည်သူတွေရဲ့ ဒီမိုကရေစီရေး မျှော်မှန်းမှုတွေကို အမေရိကန်ပြည် ထောင်စု လွှတ်တော်က ထာဝရရှေ့တန်းကနေပြီးတော့  မားမားမတ်မတ် ထောက် ခံသွားမယ်ဆိုတာကို ပြသလိုက်တာပါပဲ ။ အဲဒီတော့ အမေရိကန်ပြည်သူတွေနဲ့ အတူ ကွန်ဂရက် လွှတ်တော်ရဲ့ ကိုယ်စားလှယ်တော်ကြီးတွေအားလုံးကို ကျမအသည်းနှလုံး ထဲက နှစ်နှစ် ကာကာ ကျေးဇူးတင်ကြောင်းပြောပါရစေ။ လွတ်လပ်မှုနဲ့ မျှတမှုဆိုတာကို လက်လှမ်းမမှီ ခဲ့တဲ့ ကျမတို့ဘ၀ အမှောင်ကျနေတဲ့ နှစ်ကာလတွေမှာ ကျမတို့အတွက် မေတ္တာထား ဆောင်ရွက်ပေး ခဲ့တာတွေကို ကျေးဇူးတင်ပါတယ်။

“ကျမတို့နိုင်ငံကို ငြိမ်းချမ်းသာယာဝပြောပြီး အခြေခံလူ့အခွင့်အရေးစောင့်ရှောက်နိုင်မယ့် တရား ဥပဒေ စိုးမိုးမယ့် နိုင်ငံတော်တခုဖြစ်စေရေး ထူထောင်သွားကြမယ့် ကျမတို့ရဲ့ ရှေ့လုပ်ငန်းစဉ်မှာ တစိုက်မတ်မတ်ကူညီသွားကြမယ့် မိတ်ဆွေရင်းချာတွေကြားမှာ ကျမ အခုရောက်နေတာပါ။

“ကျမတို့ရဲ့ ဒီနိုင်ငံတော် ထူထောင်ရေးလုပ်ငန်းစဉ်တွေဟာ သမ္မတကြီး ဦးသိန်းစိန်ဦးဆောင်နေ တဲ့ ပြုပြင်ပြောင်းလဲရေး လုပ်ငန်းစဉ်တွေကြောင့် ဖြစ်ပေါ်လာတာပါ။ သမ္မတကြီးနဲ့ အတူ အခု သက်တမ်းနုနယ်သေးပေမယ့် အလျှင်အမြန် ရင့်ကျက်လာကြပြီဖြစ်တဲ့ ပြည်ထောင်စုလွှတ်တော် ၊ ဒါ့အပြင် ဒီမိုကရေစီတန်ဖိုးတွေကို တစိုက်မတ်မတ်တန်ဖိုးထားကြတဲ့ လူထုကြီးတရပ်လုံးဟာ ကျမတို့ လိုလားသလို ခေတ်သစ်ကမ္ဘာကြီးထဲမှာ ကျမတို့နိုင်ငံတော်ကို နေရာမှန်ရစေဖို့အတွက် အင်အားအပြည်နဲ့ ရှေ့တိုးဆောင်ရွက်သွားစေနိုင်မှာဖြစ်ပါတယ်။”

ဒေါ်အောင်ဆန်းစုကြည်ဟာ ညနေပိုင်းမှာတော့ သမ္မတအိမ်ဖြူတော်ကိုသွားပြီး သမ္မတအိုဘားမား နဲ့တွေ့ဆုံပါတယ်။ ဒါပေမဲ့လည်း တွေ့ဆုံပွဲနဲ့ပတ်သက်လို့တော့ သတင်းဌာနတွေကို ပြော ဆိုခြင်းတော့မရှိပါဘူး။ အိမ်ဖြူတော် ပြောရေး ဆိုခွင့်ရှိသူ ဂျေးကာနီကတော့ တရားမျှတပြီး ပွင့်လင်းမှုရှိတဲ့ ဒီမိုကရေစီအစိုးရပေါ်ထွန်းရေးအတွက် ဒေါ်အောင်ဆန်း စုကြည်နဲ့ မြန်မာပြည်သူတွေ ရဲ့ လှုပ်ရှားမှုအပေါ် အမေရိကန်ပြည်ထောင်စုက ကာလရှည်ကြာထောက်ခံလာမှုတွေကို ထပ်မံ အတည်ပြုနိုင်မယ့် အခွင့်အရေးတစ်ရပ်ဖြစ်တယ်ဆိုပြီး ပြောဆိုထားပါတယ်ခင်ဗျာ။

ကိုသိန်းထိုက်ဦး (ဗွီအိုအေ မြန်မာဌာန)

စက်တင်ဘာ ၂၀ ရက်နေ့ထုတ် Venus News Weekly အတွဲ ၄ အမှတ် ၉

စက်တင်ဘာ ၂၀ ရက်နေ့ထုတ်  Venus News Weekly အတွဲ ၄ အမှတ် ၉

ဂျာနယ် ဖတ်ရှုရန် ဒီနေရာကို နှိပ်ပါ


စက်တင်ဘာ ၂၀ ရက်နေ့ထုတ် Bi Weekly Eleven News Journal

စက်တင်ဘာ ၂၀ ရက်နေ့ထုတ် Bi Weekly Eleven News Journal အတွဲ ၆ အမှတ် ၅ အမှတ် ၂၅

ဂျာနယ် ဖတ်ရှုရန် ဒီနေရာကို နှိပ်ပါ




အမေရိကန် - မြန်မာဆက်ဆံရေးအပေါ် ဒေါ်စုသဘောထား (ရုပ်သံ)

Asia Society နဲ့ United States Institute of Peace (USIP) တို့ ပူးတွဲ ကျင်းပတဲ့ မြန်မာနိုင်ငံ အသွင် ကူးပြောင်းရေး ဆွေးနွေးပွဲမှာ ဒေါ်အောင်ဆန်း စုကြည်က အမေရိကန် ပြည်ထောင်စု အနေနဲ့ မြန်မာ့ ဒီမိုကရေစီ အခြေခံ အဆောက် အအုံ တည်ဆောက်ရေးမှာ အကူအညီတွေ အများကြီး ပေးနိုင်ပါတယ်လို့ ပြောဆိုသွားပါတယ်။

ရုပ်သံ ကြည့်ရှုရန် ဒီနေရာကို နှိပ်ပါ





သမ္မတဦးသိန်းစိန် အမေရိကန်ရဲ့တားမြစ်စာရင်းက ပယ်ဖျက်

အမေရိကန် ပြည်ထောင် စုကို ရှေ့သီတင်း ပတ်ထဲ ရောက်လာဖို့ ရှိနေတဲ့ မြန်မာ သမ္မတ ဦးသိန်းစိန် အပါ အ၀င် အစိုးရ တာဝန်ရှိသူ တချို့အပေါ် ပိတ်ပင် တားမြစ် ထားတာကို အမေရိကန် ဘဏ္ဍာရေး ၀န်ကြီးဌာန က ဖယ်ရှားပေးလိုက်ပါတယ်။

အစိုးရအဖွဲ့ အကြီး အကဲဖြစ်သူ သမ္မတ ဦးသိန်းစိန်၊ ပြည်သူ့ လွှတ်တော် ဥက္ကဋ္ဌ သူရဦးရွှေမန်းတို့ အပေါ် ကန့်သတ် ပိတ်ပင်ရမယ့် အထူး ပုဂ္ဂိုလ်တွေ အဖြစ် စာရင်း သွင်းထားရာက ပယ်ဖျက်ပေးလိုက်တဲ့ အကြောင်း အမေရိကန် ဘဏ္ဍာရေးဝန်ကြီး ဌာနက ဗုဒ္ဓဟူးနေ့မှာ ကြေညာချက် ထုတ်ပြန်ခဲ့တာပါ။

အမေရိကန် ပြည်ထောင် စု နယူးယောက် ကုလသမဂ္ဂ အထွေထွေ ညီလာခံ တက်ရောက်ဖို့ သမ္မတ ဦးသိန်းစိန် ရောက် လာချိန်မှာပဲ ကြေညာချက် ထွက်ပေါ်လာတာ ဖြစ်ပါတယ်။ မြန်မာနိုင်ငံက အပြောင်းအလဲတွေအပေါ် တုံ့ပြန်တဲ့ အနေနဲ့ အရေးယူ ဒဏ်ခတ်မှုတွေကို ဖယ်ရှားပေးဖို့ ကတိပြုထားတဲ့ အမေရိကန်ကတော့ ပြီးခဲ့တဲ့ ဇူလိုင်လထဲမှာပဲ အမေရိကန် လုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံ မှုတွေ လုပ်ကိုင်ခွင့် ပြုခဲ့တာပါ။

ဗွီအိုအေ (မြန်မာဌာန)


ဒေါ်အောင်ဆန်းစုကြည် သမ္မတအိုဘားမားနဲ့တွေ့ဆုံ

အမေရိကန်မှာ သီတင်း သုံးပတ်နီးပါးကြာ ရောက်နေတဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ သမ္မတ ဘရက်ခ် အိုဘားမားတို့ တွေ့ဆုံခဲ့ပါတယ်။

အမေရိကန် ပြည်ထောင်စုမှာ သီတင်း ၃ ပတ် နီးပါးကြာ ခရီးစဉ်အဖြစ် ရောက်ရှိနေတဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ ဗုဒ္ဓဟူးနေ့မှာတော့ သမ္မတ ဘရက်ခ် အိုဘားမားနဲ့ တွေ့ဆုံခဲ့ပါတယ်။ တွေ့ဆုံမှု အသေးစိတ်နဲ့ ပတ်သက်လို့တော့ တစုံတရာ ထုတ်ပြန်ခဲ့တာမျိုး မရှိပါဘူး။

အိမ်ဖြူတော် ပြောခွင့်ရသူ Jay Carney ကတော့ မြန်မာနိုင်ငံမှာ တရားမျှတပြီး ပွင့်လင်းမြင်သာမှု ရှိတဲ့ ဒီမိုကရေစီ အစိုးရတရပ် ပေါ်ထွန်းရေးအတွက် ဒေါ်အောင်ဆန်းစုကြည် နဲ့ မြန်မာလူထုရဲ့ လှုပ်ရှားမှုတွေ အပေါ် အမေရိကန် ပြည်ထောင်စုက နှစ်ပေါင်းများစွာ အားပေး ထောက်ခံမှုတွေကို ထပ်မံ အတည်ပြု ပေးနိုင်မယ့် အခွင့် အလမ်း တရပ်အဖြစ် ရည်ညွန်း ပြောဆိုသွားပါတယ်။

ဗုဒ္ဓဟူးနေ့ အစောပိုင်းမှာတော့  မြန်မာနိုင်ငံမှာ ဒီမိုကရေစီရေးအတွက် စွမ်းစွမ်းတမံ ကြိုးပမ်းမှုတွေ အတွက် ချီးမြှင့်တဲ့ အမေရိကန် ကွန်ဂရက် လွှတ်တော်ရဲ့ ဂုဏ်ပြုဆုကို ၀ါရှင်တန်ဒီစီ ဒေသစံတော်ချိန် မွန်းလွဲပိုင်းမှာ ဒေါ်အောင်ဆန်းစုကြည် လက်ခံရယူပါတယ်။ စစ်အစိုးရ လက်ထက် နေအိမ် အကျယ်ချုပ် နဲ့ ဖမ်းဆီးခံထားရချိန် ၂၀၀၈ ခုနှစ်မှာတုန်းက ချီးမြှင့်ထားတဲ့ ကွန်ဂရက် လွှတ်တော်ရဲ့ အရပ်သားတွေ ကို ပေးအပ်တဲ့ အမြင့်ဆုံး ရွှေတံဆိပ်ဆုကို လက်ခံရယူခဲ့တာပါ။

ဆုလက်ခံ ရယူချိန်မှာတော့ မြန်မာနိုင်ငံက ဒီမိုကရေစီရေး လှုပ်ရှားမှုတွေကို နှစ်ပေါင်းများစွာ အားပေး ခဲ့တဲ့အပေါ် ဒေါ်အောင်ဆန်းစုကြည် က ကျေးဇူးတင်စကား ပြောဆိုသွားခဲ့သလို မြန်မာနိုင်ငံမှာ လွတ်လပ်ခွင့်နဲ့ ဒီမိုကရေစီရေးအတွက် ပန်းတိုင်ကို မရောက်သေးတဲ့ အကြောင်းကိုလည်း ပြော ဆိုသွားပါတယ်။

ဗွီအိုအေ (မြန်မာဌာန)

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ အမေရိကန်သမ္မတအိုဘားမားတို့ သမ္မတအိမ်ဖြူတော်မှာ တွေ့ဆုံစဉ်။ (၀၉-၁၉-၁၂။)


မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် RFA ရုံးချုပ်ကို လာရောက်လည်ပတ်စဉ် (ရုပ်သံ)

အမေရိကန် ပြည်ထောင်စုကို ရောက်ရှိနေတဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဟာ ဝါရှင်တန် ဒီစီမြို့တော်မှာ ရှိတဲ့ လွတ်လပ်တဲ့ အာရှအသံ၊ RFA ရုံးချုပ်ကို စက်တင်ဘာလ ၁၈ ရက်နေ့ မနေ့က လာရောက် လည်ပတ်ခဲ့ပါတယ်။ အပြည့်အစုံကို မခက်မာက တင်ပြပေးမှာပါ။

ရုပ်သံ ကြည့်ရှုရန် ဒီနေရာကို နှိပ်ပါ



ဒေါ်အောင်ဆန်း စုကြည်အား ဂုဏ်ထူးဆောင် ရွှေတံဆိပ် ဆုပေးအပ်ပွဲ အခမ်းအနား (ရုပ်သံ)

မြန်မာ ဒီမိုကရေစီ ခေါင်းဆောင် ဒေါ်အောင်ဆန်း စုကြည်အား အမေရိကန် ကွန်ဂရက်စ် လွှတ်တော်က ဂုဏ်ထူးဆောင် ရွှေတံဆိပ် ဆုပေးအပ်ပွဲ အခမ်းအနား (ရုပ်သံ)

ရုပ်သံ ကြည့်ရှုရန် ဒီနေရာကို နှိပ်ပါ





ဒေါ်အောင်ဆန်း စုကြည် အမေရိကန် ပါတီကြီးနှစ်ခုမှ ခေါင်းဆောင်များနှင့် တွေ့ ဆုံ (ရုပ်သံ)

မြန်မာ ဒီမိုကရေစီ ခေါင်းဆောင် ဒေါ်အောင်ဆန်း စုကြည်အား ကွန်ဂရက်လွှတ်တော် မှာ ရီပါပလစ်ကန် ပါတီ ခေါင်းဆောင် များနှင့် ဒီမိုကတစ်ပါတီ ခေါင်းဆောင်များ ကြိုဆိုတွေ့ ဆုံ။ (ရုပ်သံ)

ရုပ်သံ ကြည့်ရှုရန် ဒီနေရာကို နှိပ်ပါ

မြန်မာဒီမိုကရေစီ ခေါင်းဆောင်နှင့် အမေရိကန် ပါတီခေါင်းဆောင်များ

စက်တင်ဘာလ ၂၀ ရက်နေ့ ထုတ် Hot News Weekly

စက်တင်ဘာလ ၂၀ ရက်နေ့ ထုတ် Hot News Weekly

ဂျာနယ်ဖတ်ရှုရန် ဒီနေရာကို နှိပ်ပါ


စက်တင်ဘာ(၁၉) ထုတ် SHADE ဂျာနယ်၊ အတွဲ(၆)၊အမှတ်(၃၄)၊

စက်တင်ဘာ(၁၉) ထုတ် SHADE ဂျာနယ်၊ အတွဲ(၆)၊အမှတ်(၃၄)၊

ဂျာနယ် ဖတ်ရန် ဒီနေရာကို နှိပ်ပါ


အန္တရယ်ရှိ အဆိပ်ပန်းများ

တောင်ကြီးမြို့ပို့ဆောင်ရေးစီးမံကိန်းဦးစီဌာန ညွှန်ကြားရေးမှူးဦးဇော်ဝင်းနိုင်မှ ရှမ်းပြည်နယ် အစိုးရအဖွဲ့၏
၃၁.၈.၂၀၁၂ ရက်စွဲပါစာအမှတ်(၇၇၃၂)/၃-၅၀၇/အစရ(ရှမ်း)ဖြင့် ညွှန်ကြားချက်အရ ၆.၉.၂၀၁၂ တွင်အစည်းအဝေး ကျင်းပပြုလုပ်ခဲ့ပါသည်။

ယင်အစည်းအဝေးတွင် ဟဲဟိုးမြို့ ပန်းဇုန်ဥက္ကဌ ဦးဘိုးကင်းမှ ဟဲဟိုးဒေသထွက်ရှိသော ပန်းများမှာ ဈေးကွက်သို့မတင်ပို့မီရှေ့ရက် အထိ ပိုးသတ်ဆေး၊ မှိုသတ်ဆေး များဖြန်းထားရကြောင်း အန္တရာယ်ကြီးမားကြောင်း တင်ပြဆွေးနွေးခဲ့ပါသည်။

ထိုကြောင့် လူတို့ကိုဆိုးကျိုးများစွာ ပေးနိုင်သော ပိုးသတ်ဆေး မှိုသတ်ဆေးတို့၏ အန္တရာယ်ဆိုးမှ ကင်းဝေးနိုင်ရန် ဟဲဟိုးဒေသမှထွက်ရှိသည့် ပန်းများနှင့် ဆက်စပ်သူမှန်သမျှ (ပန်းဒိုင်ဖွင့်ရောင်း/၀ယ်သူများ၊ သယ်ယူပို့ဆောင်သူ များ၊၀ယ်ယူသုံးစွဲသူများ)သည် ဟဲဟိုးဒေသထွက်ပန်းများပေါ်တွင် အလွန်အကျွံပိုမို သုံးစွဲပက်ဖြန်းထားသောဓာတု ဆေးများ၏ ဆိုးကျိုးကြောင့် အသက်တိုခြင်း၊ အနာရောဂါမျာဖြစ်ခြင်း၊ ကလေးငယ်များ ကိုယ်အင်္ဂါချို့တဲ့ခြင်းလူစဉ် မမှီခြင်း၊ပညာရည် နိမ့်ပါးခြင်းစသည့် လူမျိုးတုံးစေမည့် အန္တရယ်ရှိ အဆိပ်ပန်းများအား သတိထားစေချင်ပါကြောင်း ဆွေးနွေးပြောဆို ခဲ့ကြ ကြောင်း Myanmar News Now မှ သတင်းရရှိပါသည်။




လစဉ်လခယူ၍သင်ကြားနေကြသော ကျောင်းကျူရှင်များ

ရန်ကုန်တိုင်း ရွှေပြည်သာမြို့ နယ်ရှိ အစိုးရအခြေခံပညာ မူလတန်းလွန်ကျောင်း၊ အမှတ်(၂၈)တွင် နေ့စဉ်ကျောင်းတွင်း စာသင်ချိန်၊ နံနက် (၉း၃၀)မှ ညနေကျောင်း ဆင်းချိန် (၃း၀၀)ပြီး နောက်တွင် ကျောင်းတွင်းတွင်၊ ကျောင်းအချိန်ပို သင်ကြားခြင်းဟု့ သတ်မှတ်၍ မူလတန်းအဆင့်မှ အလယ်တန်းအဆင့်အထိ မည်သည့် ကျောင်းသားကိုမဆို ကျောင်းသား တစ်ဦးလျှင် တစ်လလျှင် (၅၀၀၀) ကျပ်ဖြင့် တစ်နာရီခန့်မျှ၊နေ့စဉ် သင်ကြားလျှက်ရှိ ကြောင်း ကျောင်းသားမိဘ တဦးက Myanmar News Now ကို ပြောပါသည်။

အခြေခံပညာရေး ၀န်ကြီးဌာနမှ သတ်မှတ်ထားသည်မှာ၊ မူလတန်းအဆင့်အား အခမဲ့ပညာရေးစနစ် ဖြစ်သည်ဟု့ဆိုသော်လည်း  ရွှေပြည်သာမြို့နယ်ရှိ ထို အမှတ်(၂၈) မူလတန်းကျောင်းနှင့်၊ အခြားသော
မူလတန်းကျောင်းများ၊ အထက်တန်းကျောင်းများဖြစ်သည့် အခြေခံပညာ အထက်တန်းကျောင်း၊ အမှတ်(၁)နှင့် အခြေခံပညာ မူလတန်းကျောင်း အမှတ်(၁၆)တို့တွင်လည်း  ပုံမှန်ကျောင်းဆင်းချိန် အပြီး နောက်တွင်ကျောင်းတွင်းတွင် ဆက်လက်၍ လစဉ်လခများဖြင့် ကျောင်းကျူရှင်ဟု သတ်မှတ်၍ သင်ကြားလျှက်ရှိ ကြပါသည်။

ထိုကျောင်းကျူရှင်များတွင် တက်ရောက်သော ကျောင်းသားများကိုသာ လစဉ်စစ်ဆေးသော လပတ် စာမေးပွဲများနှင့် နှစ်ဝက်စာမေးပွဲများ၏ မေးခွန်းများကို အတိအကျ ထုတ်ပေးပြီး ၊တစ်လလျှင် ငါးထောင် ဖြင့် လခပေး၇သော ထိုကျောင်းကျူရှင်သို့ မတက်ရောက်နိင်ကြသော၊ ချို့တဲ့နွမ်းပါးကြသည့် ကျောင်းသား များမှာမူ၊ မည်သည့်စာမေးပွဲ မေးခွန်းမျှမရရှာပဲ၊ စာမေးပွဲဖြေဆိုရာတွင်၊ ကျောင်း ကျူရှင် တက်ရောက်ကြသော၊ ကျောင်းသားများနှင့် အလွန်ပင်ကွာခြားနစ်နာကြရပါသည်ဟု ကျောင်းသားမိဘ တဦးက ပြောပြပါသည်။

သို့ပါ၍ အခြေခံပညာရေးဝန်ကြီးဌာနမှ ထုတ်ပြန်ထားသည့်အတိုင်း၊ စာသင်ကျောင်း အတွင်းတွင်၊ ကျောင်းသားများထံမှ့ လခယူ၍ သင်ကြားနေကြခြင်းကို ထိရောက်စွာ တားမြစ်အရေးယူသင့်ပါကြောင်း ကျောင်းသားမိဘများကို Myanmar News Now ကို ပြောဆိုပါသည်။


အမေရိကန်နိုင်ငံခြားရေးဝန်ကြီး၏ ဒေါ်အောင်ဆန်းစုကြည်နှင့် တွေ့ဆုံပွဲအဖွင့်မိန့်ခွန်း

အခုလို ထူးခြားပြီး အထူးသဖြင့် အခွင့်အလမ်းရှိတဲ့ အခြေအနေတစ်ရပ်မှာ (USIP-U. S. Institute of Peace) မှာ ပြန်လာတွေ့ရတဲ့အတွက် အံ့သြ၀မ်းသာစရာဖြစ်ပါတယ်။

 USIP ကိုရော ဥက္ကဋ္ဌအဖြစ် ဆောင်ရွက်လာတဲ့ ဂျင်မ်မာရှယ်ကိုရော ကျေးဇူးတင်ချင်ပါတယ်။ ရှင်နဲ့အတူ ဆက်လက် လက်တွဲလုပ်ဆောင်ဖို့ ကျွန်မတို့ အသေအချာ ရှုမြင်ထားပါတယ်။

Asia Society နဲ့ ဟင်နရီရက်တာ ပြီးတော့ ၁၉၅၀ နှစ်များက စတင်ပြီး အချိန်ရဲ့ စမ်းသပ်မှုဒဏ်ကို ခံပြီး တစ်လျှောက်လုံး ရပ်တည်လာတဲ့သူအားလုံးကိုလည်း ကျွန်မ ကျေးဇူးတင်ချင်ပါတယ်။

ရှင်တို့နဲ့ တွဲအလုပ်လုပ်ရတာ ကျွန်မတို့ အရမ်းကျေနပ်ဝမ်းသာမိရပါတယ်။

အခုဆိုရင် ဒီလို စုဝေးမှုရဲ့ ရည်ရွယ်ရင်းက စိတ်လှုပ်ရှားစရာတစ်ခုပါပဲ။ အကြောင်းကတော့ ကျွန်မတို့ဟာ ဒီမှာ ဒီမိုကရေစီနဲ့ လွတ်လပ်မှုအတွက် တိုက်ပွဲဝင်ခဲ့မှုကို

ကိုယ်စားပြုတဲ့၊ လူ့အခွင့်အရေးနဲ့ အခွင့်အလမ်းအတွက် ကိုယ်စားပြုတဲ့၊ သူ့တိုင်းပြည်မှာသာမက ကမ္ဘာတစ်ဝန်းမှာပါ ဒါတွေကို ကိုယ်စားပြုထားတဲ့ တစ်စုံတစ်ဦးနဲ့

တွေ့ခွင့်ရနေပါပြီ။ ဒါကြောင့် ဒေါ်အောင်ဆန်းစုကြည်ကို ၀ါရှင်တန်မှာ တိုင်းပြည်တစ်ပြည်ရဲ့ လွတ်လပ်ပြီး စွမ်းအားကြီးတဲ့ ခေါင်းဆောင်တစ်ဦးအဖြစ် ကမ္ဘာကြီးကို တိုင်းပြည်အတွက် နည်းလမ်းပေါင်းစုံနဲ့ ဖွင့်လှစ်ပေးနေတဲ့သူတစ်ဦးအဖြစ် ကျွန်မတို့ ပြန်တွေ့ရတာ ၀မ်းသာစရာပါ။

ပြီးခဲ့တဲ့ နွေရာသီက သမ္မတအိုဘားမားက ပြောခဲ့တဲ့ တိုးတက်မှုရဲ့ အလင်းရောင်များဟာလည်း အဲဒီကစလို့ ကြီးထွားအားကောင်းလာခဲ့ပါပြီ။ (မြန်မာမှာ) ယုံကြည်ချက်ကြောင့် အကျဉ်းကျခံရသူများ ရာပေါင်းများစွာဟာ ယမန်နှစ်က ပြန်လွှတ်ပေးခံခဲ့ရသလို ဒီတစ်ပတ်အတွင်းမှာလည်း တချို့ လွှတ်ပေးခံခဲ့ရပါတယ်။ အတိုက်အခံပါတီတွေလည်း

 တရားဝင်ဖြစ်လာခဲ့ပြီး ၄င်းတို့ရဲ့ အဖွဲ့ဝင်တွေလည်း ပါလီမန်ထဲမှာ အမတ်နေရာတွေ ရရှိခဲ့ပါပြီ။ မီဒီယာအပေါ် ကန့်သတ်ချက်တွေ၊ လွတ်လပ်စွာစုရုံးမှုအပေါ် ကန့်သတ်ချက်တွေကိုလည်း ဖြေလျှော့ပေးခဲ့ပါပြီ။ အလုပ်သမားတွေအတွက် သမဂ္ဂတွေ ဖွဲ့စည်းခွင့် ရရှိရေးတွေကို အကောင်အထည်ပေါ်စေမယ့် ဥပဒေတွေလည်း ကျွန်မတို့ မြင်တွေ့ခဲ့ရပြီးပါပြီ။ ပြီးတော့ မြန်မာအစိုးရဟာ အချို့သော ကာလရှည်ဖြစ်ပွားနေတဲ့ လူမျိုးစုပဋိပက္ခတွေမှာလည်း အပစ်အခတ်ရပ်စဲရေးတွေ ရရှိထားခဲ့ပါတယ်။



ဒေါ်အောင်ဆန်းစုကြည်ရဲ့ သတ္တိနဲ့ ကိုယ်ကျင့်တရားဆိုင်ရာ ခေါင်းဆောင်မှုဟာ နေအိမ်အကျယ်ချုပ်နဲ့ ပြစ်ဒဏ်ကာလတွေတစ်လျှောက်မှာ ဘယ်တော့မှ မယိမ်းယိုင်ခဲ့ပါဘူး။ သူမနဲ့ အခြားသော အတိုက်အခံခေါင်းဆောင်တွေဟာ အခုဆိုရင် သမ္မတဦးသိန်းစိန်နဲ့ အစိုးရသစ်နဲ့အတူ ပူးပေါင်းပြီး အဲဒီ့အပြောင်းအလဲတွေကို မောင်းနှင်ဖို့ လိုအပ်နေတဲ့ သတ္တိရှိတဲ့ခြေလှမ်းတွေကို စတင်လှမ်းနေပါပြီ။

ကျွန်မဟာ (မြန်မာ)သမ္မတကြီးနဲ့ နေပြည်တော်မှာ တစ်ကြိမ်၊ ဒီနွေရာသီမှာ ကမ္ဘောဒီးယားမှာ တစ်ကြိမ် တွေ့ခဲ့ဖူးပါတယ်။ လာမယ့်အပတ်မှာ ကုလသမဂ္ဂ အထွေထွေညီလာခံကို နယူးယောက်မှာ လာတက်မယ့် သူကို ကျွန်မ ကြိုဆိုသွားရမှာပါ။ ဒီမနက်ခင်းမှာပဲ ကျွန်မဟာ နိုင်ငံခြားရေးဝန်ကြီးဌာနမှာ ဒေါ်အောင်ဆန်းစုကြည်နဲ့ တွေ့ဆုံခဲ့ပြီး၊ ဆက်လုပ်ရမယ့်အလုပ်တွေအကြောင်း ဆွေးနွေးခွင့်ရခဲ့ပါတယ်။ လုပ်စရာတွေလည်း အများကြီးပါ။

ဒီတစ်ကြိမ်မှာ သူမ အလည်အပတ်လာရောက်ခဲ့ခြင်းရဲ့ အရေးပါတဲ့ အကြောင်းရင်းတွေထဲက တစ်ခုကတော့ ရှေ့ဆက် လုပ်စရာတွေ ဘယ်လောက်များများ ရှိတယ်ဆိုတာ ကျွန်မတို့ကို သတိပေးဖို့လို့ ထင်ပါတယ်။ အဲဒီ့ကိစ္စတွေကတော့ ဒီမိုကရက်တစ် အဆောက်အအုံ၊ အဖွဲ့အစည်းတွေအတွင်း ဥပဒေစိုးမိုးမှု အားကောင်းရေးကနေ၊ ရခိုင်ပြည်နယ်နဲ့ တိုင်းရင်းသားလူမျိုးစု ပဋိပက္ခဖြစ်ရာ နေရာတွေက ရင်ဆိုင်နေရတဲ့ စိန်ခေါ်မှုတွေအကြောင်းအထိ ပါဝင်ပါတယ်။

မြန်မာအစိုးရနဲ့ အတိုက်အခံတို့ဟာ တိုင်းပြည်ကို ညီညွတ်အောင် အလုပ်အတူဆက်လုပ်ဖို့၊ အတိတ်က ဒဏ်ရာတွေကို ကုသဖို့၊ ပြုပြင်ပြောင်းလဲရေးတွေကို ရှေ့ဆက်သယ်ဆောင်သွားဖို့ လိုအပ်နေပါတယ်။

 ဒါဟာ နောက်ပြန်လဲမကျသွားဖို့ စောင့်ကြည့်ရမယ့် အဓိကသော့ချက်လည်းဖြစ်ပါတယ်။ ဘာ့ကြောင့်လဲဆိုတော့ အခွင့်အရေးရရင် တိုင်းပြည်ကို လမ်းကြောင်းမှားထဲ ဆွဲခေါ်သွားနိုင်တဲ့ အင်အားစုတွေ ရှိနေလို့ပါ။

ဒါ့ကြောင့် နိုင်ငံခြားရေးဌာနနဲ့ အိုဘားမားအစိုးရအဖွဲ့တွင်းက ကျွန်မတို့ဟာ ပြုပြင်ပြောင်းလဲရေးဖြစ်စဉ် ဆက်ဖြစ်နေရမယ်လို့ ပြောရာမှာ ပထမဆုံး ဖြစ်နေတာပါ။ နိုင်ငံရေးအကျဉ်းသားတချို့လည်း

ထိန်းသိမ်းခံနေရဆဲပါ။ ဆက်လက်ဖြစ်ပေါ်နေတဲ့ တိုင်းရင်းသားရေးနဲ့ ဂိုဏ်းဂဏကွဲ အကြမ်းဖက်မှုတွေကလည်း ကြာရှည်ခံမယ့် ငြိမ်းချမ်းရေး၊ တည်ငြိမ်မှုနဲ့ အမျိုးသားပြန်လည်

စည်းလုံးညီညွတ်ရေးကို ဦးတည်တဲ့ တိုးတက်မှုတွေကို ဆက်လက်ဖျက်ဆီးနေပါတယ်။ မြောက်ကိုရီးယားနဲ့ စစ်ရေးအရ ဆက်ဆံမှုတချို့လည်း ရှိနေပါသေးတယ်။

 ဒါ့ကြောင့် ဥပဒေစိုးမိုးမှု၊ ပွင့်လင်းမြင်သာမှု တိုးမြှင့်ရေး၊ အခြေခံဥပဒေဆိုင်ရာ စိန်ခေါ်မှုတွေကို ဖြေရှင်းရေးအတွက် နောက်ထပ် ပြုပြင်ပြောင်းလဲမှုတွေကို လိုအပ်နေပါတယ်။

ဒါပေမဲ့ အမေရိကန်ပြည်ထောင်စုဟာ မြန်မာပြည်သူတွေနဲ့ အစိုးရနဲ့အတူ ဆက်လက်ရပ်တည်အားပေးပြီး၊ တိုးတက်ဖို့ လိုနေသေးပေမယ့် စတင်ခဲ့ပြီဖြစ်တဲ့ ဒီအပြောင်းအလဲကို ထောက်ခံနေတာပါ။ ကျွန်မတို့ဟာ (နှစ်နိုင်ငံ)သံတမန်တွေ လဲလှယ်ခန့်ထားဖို့၊ စီးပွားရေးပိတ်ဆို့မှုတချို့ ဖြေလျှော့ဖို့၊ အမေရိကန်ကုမ္ပဏီတွေအတွက် နိုင်ငံတွင်းမှာ ရင်းနှီးမြှုပ်နှံရေး လမ်းဖောက်ပေးဖို့ ခြေလှမ်းတွေ စခဲ့ပါတယ်။

မြန်မာနိုင်ငံသစ်အတွက် ကျွန်မတို့ရဲ့ ပထမဆုံးသော သံအမတ်ကြီး ဒဲရက်မစ်ချယ်ဟာလည်း ဒီနေ့မှာ ဒီမှာ ကျွန်မတို့နဲ့အတူ ရှိနေပါတယ်။ သူရယ်၊ လက်ထောက် နိုင်ငံခြားရေးဝန်ကြီး ကတ်ကမ်းဘဲဦးဆောင်တဲ့ အဖွဲ့တို့ဟာ မြန်မာပြည်တွင်းက မဲဆန္ဒနယ်အသီးသီးက ကိုယ်စားလှယ်တွေနဲ့ အဆက်မပြတ် ဆက်ဆံမှုသာမက တွေ့ဆုံညှိနှိုင်းမှုတွေလည်း လုပ်နေပါတယ်။ ဒါမှသာ ကျွန်မတို့ဟာ လိုအပ်တဲ့ သင့်တော်တဲ့ ကူညီအားပေးမှုတွေ ဖန်တီးပေးနိုင်မှာပါ။

ပြီးခဲ့တဲ့ ဒီဇင်ဘာလက ကျွန်မဟာ ဒေါ်စုကို တစ်ချိန်က အကျဉ်းထောင်ဖြစ်ခဲ့ဖူးတဲ့ သူ့ရဲ့အိမ်မှာ တွေ့ဆုံဖို့ သွားရောက်ခဲ့ပြီး၊ ကန့်ကွက်ဆန့်ကျင်မှုမှသည် နိုင်ငံရေးအထိ သင်္ကေတတစ်ခုမှသည် တိုင်းပြုပြည်ပြု အမျိုးသမီးတစ်ဦးအဖြစ်အထိ အကြောင်းအရာတွေအများကြီး ဆွေးနွေးဖြစ်ခဲ့ပါတယ်။ အဲဒါဟာ အခုအခါမှာ သူမရဲ့တိုင်းပြည်က သူမထံမှ လိုအပ်နေတဲ့အရာဖြစ်ပါတယ်။ အဲဒါဟာ အခုအခါမှာ သူမရဲ့ကာလဟာ ဘယ်လောက်ခက်ခဲနိုင်တယ်ဆိုတာ ကျွန်မ နည်းနည်းပဲ သိပါတယ်။ ဒီကိစ္စက
 ဝေဖန်ရေးအမျိုးအစားသစ် တစ်ရပ်လုံး၊ တိုက်ခိုက်မှုတစ်ရပ်ကိုတောင် ဖြစ်လာစေပါတယ်။ လက်တွေ့ကျတဲ့ သဘောတူညီမှုနဲ့ မဟာမိတ်ဖွဲ့မှု တစ်မျိုးကိုလည်းလိုအပ်ပါတယ်။ ဒါဟာ နိုင်ငံရေးရဲ့ အသက်သွေးကြောဖြစ်ပြီး၊ သူမ (နိုင်ငံရေးဖြစ်စဉ်) ပြင်ပမှာရှိစဉ် သူမကို ယုံကြည်ထောက်ခံကြတဲ့ အစဉ်အလာစွဲရှိသူတွေကိုတောင် စိတ်အနှောင့်အယှက် ဖြစ်ကောင်းဖြစ်စေပါမယ်။

ဒါပေမဲ့ နေအိမ်အကျယ်ချုပ်က ထွက်လာပြီး နိုင်ငံရေးနယ်ပယ်ထဲကို ဒေါ်စုဝင်လာပြီး နောက်လများအတွင်းမှာပဲ သူမဟာ ကိုယ့်ကိုယ်ကိုယ် သဘာဝကျကျ၊ ခက်ခက်ခဲခဲ စည်းရုံးလှုံ့ဆော်ရင်း၊ ဥပဒေပြုမှုတွေ ကောင်းစွာလုပ်ဆောင်ရင်း၊ တိုင်းပြည်ကို ရှေ့သို့တိုးတက်စေဖို့ အခုရော မနက်ဖြန်ရော မနက်ဖြန်ပြီး နောက်နေ့မှာ ဘာလုပ်နိုင်တယ်ဆိုတာကို အာရုံစူးစိုက်လုပ်ကိုင်နေရင်း သက်သေပြခဲ့ပါတယ်။

ဒါကြောင့် ဒီနေ့လယ်မှာ ရှင်တို့ဟာ ထူးခြားတဲ့အခွင့်အလမ်းတစ်ရပ်ကို နောက်လာမယ့်နေ့တွေမှာ အခြားအမေရိကန်ပရိသတ်များစွာ ကြုံရမယ့်အတိုင်း ကြုံတွေ့နေရပြီလို့ ကျွန်မထင်ပါတယ်။ ကံမကောင်းစွာဘဲ ကျွန်မကတော့ နိုင်ငံခြားရေးဌာနကို ပြန်လည်ထွက်ခွာရပါတော့မယ်။ ဒါပေမဲ့ အခုအချိန်မှာ နိုဗယ်လ်ဆုရှင်တစ်ဦးအနေနဲ့သာမက လူသန်းပေါင်းများစွာရဲ့ သူရဲကောင်းဖြစ်သူ၊ အလုပ်များတဲ့ ပါလီမန်အမတ်တစ်ဦးအဖြစ် သာမက၊ နိုင်ငံရေးပါတီတစ်ရပ်ရဲ့ ခေါင်းဆောင်ဖြစ်တဲ့ ဒေါ်စုလို ပုဂ္ဂိုလ်မျိုးကို ရှင်တို့နဲ့မိတ်ဆက်ပေးခွင့်ရတဲ့အတွက် အထူးပဲဝမ်းမြောက်မှု ဖြစ်ရပါတယ်။

ဒါ့ကြောင့် ကျေးဇူးပြုပြီး ဒေါ်အောင်ဆန်းစုကြည်ကို ကြိုဆိုကြပါစို့။

(လက်ခုပ်သံများ)

by 7Day News Journal

ဖားကန့်စစ်ဗျူဟာမှူးနဲ့ KIA တပ်ရင်းမှူး တို့ကို ကိုမင်းကိုနိုင်ခေါင်းဆောင်တဲ့ ၈၈မျိုးဆက်ကျောင်းသားများက သီးခြားစီတွေ့ဆုံ

ကချင်ပြည်နယ် ဖားကန့်ကျောက်စိမ်းတွင်းဒေသကို ငြိမ်းချမ်းရေးခရီးစဉ် အဖြစ် ဒီလ ၁၆ ရက်နေ့က ၁၈ရက်နေ့အထိ ရောက်ရှိခဲ့တဲ့ ကိုမင်းကိုနိုင်
ခေါင်းဆောင်တဲ့ ၈၈မျိုးဆက် ကျောင်းသား ခေါင်းဆောင်တွေဟာ ဖားကန့်ဒေသ စစ်ဗျူဟာမှူးနဲ့ KIAတပ်ရင်းမှူး တို့ကို သီးခြားစီ
နှုတ်ဆက်တွေ့ဆုံခဲ့ပြီး လတ်တလောဖြစ်ပေါ်နေတဲ့ ဖားကန့်ဒေသ
အခြေအနေတွေကို ဆွေးနွေးခဲ့တယ်လို့ သိရပါတယ်။

တိုင်းရင်းသားညီအစ်ကို အချင်းချင်းကြားထဲမှာ မတိုက်ချင်ဘဲတိုက်နေရတဲ့ စစ်ပွဲတွေ အမြန်ဆုံး
ရပ်စဲနိုင်ဖို့ ဆွေးနွေးခဲ့ပြီး ငြိမ်းချမ်းရေးအတွက်
အလားအလာကောင်းတွေ ရှိတယ်လို့ ၈၈မျိုးဆက်ကျောင်းသား
ခေါင်းဆောင် ကိုဋ္ဌေးကြွယ်က ဖားကန့်ခရီးစဉ်နဲ့ပတ်သက်ပြီး မနေ့ည
၁၀နာရီအချိန် မိုးကောင်းမြို့ ရွာသစ်ရပ်ကွက်ရှိ ဒေသခံ တဦးနေအိမ်မှာပြုလုပ်တဲ့ မီဒီယာနဲ့တွေ့ဆုံပွဲမှာ ပြောဆိုပါတယ်။

ကိုမင်းကိုနိုင်ခေါင်းဆောင်တဲ့ ၈၈မျိုးဆက်ကျောင်းသားတွေဟာ ဖားကန့်ဒေသငြိမ်းချမ်းရေး ခရီးစဉ်အဖြစ် ရောက်ရှိနေချိန် အခုလ ၁၇ရက်နေ့ ညနေ ၆နာရီအချိန်က ဖားကန့်ဒေသအမှတ် ၂ ယာယီစစ်ဗျူဟာမှူး ဒုတိယဗိုလ်မှူးကြီး သန်းဋ္ဌေးနဲ့တွေဆုံခဲ့ပြီး
နောက်တစ်နေ့မနက် ၈နာရီခွဲမှာဖားကန့်မြို့နယ် ကံဆီးအခြေစိုက် ကချင်
လွတ်မြောက်ရေးတပ်မတော် (KIA ) တပ်ရင်း၆ ရဲ့တပ်ရင်းမှူး အင်ခွန်ဇော်ဒွဲနဲ့တွေ့ဆုံခဲ့တယ်လို့ သိရပါတယ်။

ကိုမင်းကိုနိုင်ခေါင်းဆောင်တဲ့၈၈မျိုးဆက်ကျောင်းသားတွေဟာ့ဖားကန့်ငြိမ်းချမ်းရေး ခရီးစဉ်အတွင်း ဘာသာရေးခေါင်းဆောင်တွေ၊မြို့မိမြို့ဖတွေ၊
ဒေသခံပြည်သူတွေနဲ့ အတူ ကချင်ပြည်နယ်ငြိမ်းချမ်းရေးအတွက် စုပေါင်းလက်မှတ်ရေထိုးခဲ့တာ ဒီကနေ့ဆိုရင် လက်မှတ်ရေးထိုးသူ ၁သောင်းကျော်ရှိပြီလို့ သိရပါတယ်။


RFA Burmese

(Photo: 88 Generation Students Group-)

တပ်မတော်ပါသရွေ့ ဒီမိုကရေစီ ပြောင်းလဲရေး နောက်ကြာင်း ပြန်မလှည့်နိုင်

မြန်မာနိုင်ငံမှာ ဒီမိုကရေစီရေး ပြုပြင်ပြောင်းလဲမှု လုပ်ငန်းစဉ်တွေကို တပ်မတော်က အပြည့် အ၀ ထောက်ခံပံ့ပိုးပေးနေသမျှ ကာလပတ်လုံး မြန်မာနိုင်ငံရဲ့ အနာဂတ် ဒီမိုကရေစီရဲ့ လမ်းကြောင်း ဟာ နောက်ကြောင်းပြန်ပြီး လှည့်စရာ အကြောင်းမရှိဘူးလို့ ဒေါ်အောင်ဆန်းစုကြည်က စက်တင်ဘာ (၁၈) ရက်နေ့ ဗွီအို အေ အင်္ဂလိပ်ပိုင်း အစီအစဉ်နဲ့ တွေ့ဆုံမေးမြန်း ခန်းမှာ ပြောကြားခဲ့ပါတယ်။

အရင်စစ်အစိုးရက ရေးဆွဲခဲ့တဲ့ ၂၀၀၈ ခုနှစ် ဖွဲ့စည်းအုပ်ချုပ်ပုံ အခြေခံဥပဒေထဲမှာ သူ့ကို စိတ်ဒုက္ခ အပေးဆုံးကိစ္စဟာ လိုအပ်လာရင် တပ်မတော်က အစိုးရအဖွဲ့ကို ထိန်းချုပ်နိုင်ခွင့်ပြုထားတဲ့ အချက်ဖြစ် တယ်လို့လည်း ဒေါ်အောင်ဆန်းစုကြည်က ပြောပါတယ်။ အခုအခါမှာ အမေရိကန်ပြည်ထောင် စုက မြန်မာနိုင်ငံအပေါ် ကုန်သွယ်ရေးအရ အရေးယူပိတ်ဆို့ ဒဏ်ခတ်ထားတာတွေကို ရုပ်သိမ်းပေးဖို့ သူ့အနေနဲ့ ထောက်ခံတယ်လို့လည်း ပြောပါတယ်။

ဒါဟာ ရုပ်သိမ်းပေးဖို့ အချိန်ကျလာတာဖြစ်ပြီး လိုအပ်နေတဲ့အချိန်ကာလတုန်းက ဒီလို အရေးယူပိတ်ဆို့ ဒဏ်ခတ်မှုတွေ ချမှတ်ပြီး ဒီမိုကရေစီအရေး တွန်းအားပေးခဲ့တဲ့ အမေရိကန်အစိုးရအနေနဲ့ မြန်မာ့ အရေး ကို အဘက်ဘက်က ထောက်ခံအားပေးကြတဲ့ အမေရိကန်ပြည်သူ လူထုကို ကျေးဇူး တင်ကြောင်း ပြောကြားခဲ့ပါတယ်။

ကမ္ဘာပေါ်မှာ ယုံကြည်ချက်ကြောင့် ဒေါ်အောင်ဆန်းစုကြည် ကြုံတွေ့ ခဲ့ရသလို ကြုံနေရသူတွေအတွက် အားပေးစကားလည်း ပြောကြားခဲ့ပြီး မျှော်လင့်ချက်တွေက ဘယ်တော့မှ မစွန့်လွှတ်ဖို့နဲ့၊ မျှော်လင့်ရုံ မျှော်လင့်နေတာ မဟုတ်ဘဲ ကြိုးစားအားထုတ် အလုပ်လုပ်မှုနဲ့ အခြေအနေအကြပ်အတည်းတွေကို ရင်ဆိုင်ကျော်လွှား သွားကြဖို့၊ ထည့်သွင်းပြောဆိုသွားခဲ့ပါတယ်။

ဗွီအိုအေ (မြန်မာဌာန)

ဗွီအိုအေ အင်္ဂလိပ်ပိုင်းအစီအစဉ်နှင့် တွေ့ဆုံမေးမြန်းနေစဉ်။ စက်တင်ဘာလ ၁၈ ရက်၊ ၂၀၁၂။

ကလေးငယ် ဖမ်းခေါ်သူကို ရဲစခန်းတွင် အမှုဖွင့်ထား

ရန်ကုန်တိုင်းဒေသကြီးတွင် တစ်နှစ်လျှင် လူပျောက်မှု (၃၀၀) မှ (၄၀၀) ကြားရှိနေပြီး တစ်နိုင်ငံလုံးတွင် အများဆုံးဖြစ်နေ

ရန်ကုန်၊စက်တင်ဘာ-၁၆

မြောက်ဥက္ကလာပမြို့နယ်(၅) ရပ်ကွက်တွင် နေထိုင်သော အသက်ခုနစ်နှစ်အရွယ် မိန်းကလေးငယ်တစ်ဦးအား စက်တင်ဘာလ ၂ ရက်က လိမ်လည်၍ ဖမ်းဆီးခေါ်ဆောင်သွားသူတစ်ဦးကို မိဘများက ရဲစခန်းတွင် အမှုဖွင့်ထားသည်။

အသက်ခုနစ်နှစ်အရွယ် မဇူလိုင်မိုးကျော်

သည် ထိုနေ့မွန်းလွဲ ၂ နာရီခွဲဝန်းကျင်က တစ်ဦးတည်းဆော့ကစားနေစဉ် အသက် ၂၅ နှစ်အရွယ် ရန်နိုင်(ခ)လှဝင်းက မုန့်ဝယ်ကျွေးမည်ဟုပြောကာ ၎င်း၏ချိုင်းကြားအောက်ညှပ်၍ ဖမ်းခေါ်သွားသည်။ ကလေးက ကျောက်ရေတွင်း ဘူတာအနီးအရောက် သတိဝင်လာပြီး ၎င်းနှင့်အတူလိုက်ရန် ငြင်းဆန်နေရာ အနီးနားရှိလူများက မသင်္ကာ၍ မေးမြန်းစဉ် ထိုသူထွက်ပြေးခဲ့ရာမှ ဖမ်းမိခဲ့ကြောင်း သတင်းရရှိသည်။

“ကလေးက သွားရင်းနဲ့ ချော်လဲတော့ ပြန်မယ်ပြန်မယ် ပြောတာနဲ့ သူက ကလေးကို မျက် နှာနဲ့ နားအုံကို ရိုက်တယ်။ ကလေးကိုရိုက်တာ ကန်စွန်းခင်းက လူတွေကမြင်ပြီး မသင်္ကာတာနဲ့ မေးတော့မှ သူက ကလေးထားပြီး ထွက်ပြေးသွားတာ”ဟု ကလေးမိခင်မ၀င်းမာက ပြောသည်။ မြောက်ဥက္ကလာပ မြို့နယ်အ တွင်း အသက် ၁၃ နှစ်အောက် ကလေးပျောက်မှုတွင် မဇူလိုင်မိုးကျော် အပါအ၀င် ပြီးခဲ့သည့်တစ်လကျော်အတွင်း လေးဦး ပျောက်ဆုံးခဲ့ကာ မဇူလိုင်မိုး
ကျော်နှင့် တစ်ဦးကို ပြန်လည်တွေ့ရှိခဲ့သော်လည်း ကျန်နှစ်ဦးမှာ ယခုအချိန်ထိ ရှာတွေ့ခြင်းမရှိသေးချေ။

ပျောက်ဆုံးနေဆဲ မြောက် ဥက္ကလာပမြို့နယ် ဝေဘာဂီမြို့ သစ် (၈) ရပ်ကွက်မှ အသက် လေးနှစ်အရွယ် မမေသူခိုင်သည် ၂၀၁၂ ခုနှစ် ဇူလိုင်လ ၃၁ ည ၉ နာရီအချိန်၌ မုန့်ဝယ်ရာမှ ပြန်လာသောသူမအား လမ်းတွင် အမျိုးသားတစ်ဦးက စက်ဘီးအနောက်မှ တင်ခေါ်သွားခဲ့ရာမှ ပျောက်ဆုံးခဲ့ခြင်းဖြစ်ကြောင်း သတင်းရရှိသည်။

“အဲဒီလို အချိန်မှာ ကလေးကို ဘယ်သူမှ မုန့်ဖိုးမပေးဘူး။ မုန့်ဖိုးဘယ်သူပေးမှန်းမသိဘူး။ သူ့ဘာသာသူ မုန့်သွားဝယ်စားတာ။ ကလေးက တော်ရုံတန်ရုံ ဘယ်သူမှ ခေါ်လို့မရဘူး။ ကလေးနဲ့ပတ်သက်ပြီး ဒီလောက်ရှာတာ ဘာသဲလွန်စမှ မရသေးဘူး”ဟု မေသူခိုင်၏မိခင် မကေခိုင်က ပြောကြားသည်။

မြောက်ဥက္ကလာပမြို့နယ် နွယ်သာကီ ၅ လမ်းမှ အသက် ၁၂ နှစ်အရွယ် မအေးမာလာလွင်သည် ၂၀၁၂ ဇူလိုင် ၂၈ ရက်နံနက် ၇ နာရီခန့်က သူမတစ်ဦးတည်း
အဘွားဖြစ်သူ သီလရှင် ဒေါ်ဓမ္မစာရီနေထိုင်သော သီလရှင်ကျောင်းသို့သွားပြီး အပြန်တွင်ပျောက်ဆုံးသွားကြောင်း သတင်းရရှိသည်။ “အဘွားတို့ရှာနေတာ နှံ့နေပြီ။ နယ်တစ်ခွင်မှာကော ဆေးရုံတွေ၊ ဈေးတွေအစုံရှာတယ်။ မတွေ့ဘူး။ ဘုရားပွဲတွေမှာလည်း ရှာမယ်”ဟု အဘွားဖြစ်သူ ဒေါ်ဓမ္မစာရီကပြောသည်။ မေသူခိုင်နှင့် အေးမာလာတို့၏ မိဘများမှာ သက်ဆိုင်ရာရဲစခန်းများသို့ လူပျောက်တိုင်ကြားထားသော်လည်း ပျောက်ဆုံးနေဆဲဖြစ်သည်။

ရန်ကုန်တိုင်းဒေသကြီးအတွင်း တစ်နှစ်လျှင် လူပျောက်မှုအမှုပေါင်း ၃၀၀ မှ ၄၀၀ ကြားရှိ ကာ အများစု ပျောက်ဆုံးသည့် အရွယ်များမှာ အသက် ၁၄ နှစ်မှ ၁၈ နှစ်ကြားဖြစ်သည်။ လူပျောက်မှုများသည် များသောအားဖြင့် ပြန်လည်တွေ့ရှိကြပြီး မတွေ့ဘဲ ကျန်ရှိနေသေးသည့် အရေအတွက်မှာ ဆယ်ဂဏန်းမျှရှိ သည်ဟု ဆိုသည်။

“လူတွေကထင်တဲ့ တို့ဆေးဆိုတာ လုံးဝမရှိဘူး။ အစားအသောက်ထဲမှာသာ တစ်ခုခုထည့်ပြီး လုပ်လို့ရမယ်။ တို့ဆေးဆိုတာတော့ မရှိပါဘူး”ဟု ရန်ကုန်တိုင်း ရဲတပ်ဖွဲ့မှူးရုံးမှ ရဲအရာရှိတစ်ဦးက ဆိုသည်။ ပျောက်ဆုံးမှုဖြစ်စဉ်အများစုမှာ အိမ်ဖော်အလုပ်လုပ်ရာမှ ထွက်ပြေး၍သော်လည်းကောင်း၊ ယောက်ျားနောက် လိုက်၍သော်လည်းကောင်း ဖြစ်ပွားမှုအများဆုံး ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သတင်းရရှိသည်။

လက်ရှိ လူပျောက်မှုများတွင် သက်ဆိုင်ရာဌာနမှ အကူအညီထက် မိမိတို့ကိုယ်တိုင်ရှာဖွေ၍သော်လည်းကောင်း၊ လူပျောက်ကြေညာခြင်းဖြင့် လည်းကောင်း ရှာဖွေတွေ့ရှိမှုအများ ဆုံးဖြစ်ကြောင်း ပျောက်ဆုံးသူမိသားစုများက ပြောသည်။

တာမွေမြို့နယ်တွင်း နေထိုင်သူအသက် ၁၃ နှစ်အရွယ် မောင်ဝေယံထွဋ်သည်လည်း ၂၀၁၁ ဒီဇင်ဘာလ ၃ ရက်က လူထုလမ်းလျှောက်ပွဲသို့ အတန်းပိုင် ဆရာမနှင့်အတူ လိုက်သွားခဲ့ပြီးနောက် အပြန်တွင် ကျောင်းနှင့်အိမ် လမ်းခရီးတွင် ပျောက်ဆုံးနေရာ ကိုးလခန့်ရှိပြီဖြစ်သော်လည်း ယခုအချိန်ထိ ပြန်
မတွေ့သေးပေ။ “ဦးတို့ ရှာတယ်။ စုံနေပြီ။ ဈေးတွေရော၊ သန်လျင်က လူငယ်စခန်းတို့၊ ငှက်အော်စမ်းတို့လည်း သွားခဲ့ပြီးပြီ။ နောက်ပြီး အသက်မပြည့်ဘဲ ကလေးစစ်သား ၄၀ ကျော် နုတ်ထွက်ခွင့်ပေးတုန်းကပါမလားဆိုပြီး သွားကြည့်တယ်။ မတွေ့ဘူး”ဟု အဘိုးဖြစ်သူ ဦးကျော်ဟိုးက ပြောသည်။

ဆက်လက်၍ အဘွားဖြစ်သူကလည်း “သက်ဆိုင်ရာ ရဲစခန်းတွေကိုလည်း အကြောင်းကြား ထားတာ ဘာသတင်းမှ မထူးသေးဘူး။လူကုန်ကူးအဖွဲ့ကိုလည်း အကြောင်းကြားတယ်။ ရှာပေးမယ် ပြောတယ်။ ဘာမှလုပ်ပေးတာတော့မတွေ့သေးဘူး”ဟု ဆိုသည်။ အခြားမြို့များထက် ရန်ကုန်မြို့သည် လူပျောက်မှု အများဆုံးဖြစ်ပွားမှုရှိပြီး တစ်လလျှင် လူ ၈၀ ကျော်၊ ၁၀၀ နီးပါးခန့် ပျောက်ဆုံးလေ့ရှိကြောင်း သတင်းရရှိသည်။

နိုင်ငံပိုင်သတင်းစာ၌ ဖော်ပြသော အသက် ၁၈ နှစ်အောက် လူပျောက်ကြော်ငြာရှင်များကို 7Day News ဂျာနယ်မှ စုံစမ်းမေးမြန်းရာ၌ လူပျောက်မှု ၁၄ ခုအနက် ၅ မှုမှာ ရှာဖွေမတွေ့သေးဘဲ ပျောက်ဆုံးလျက်ရှိကြောင်း သတင်းရရှိသည်။
7Day News Journal
 

ပိတ်ဆို့ တားဆီးမှုများ ဖြေလျှော့ပေးရေးကို ထောက် ခံကြောင်း ဒေါ်အောင်ဆန်း စုကြည် ပြောကြား

ဝါရှင်တန်၊စက်တင်ဘာ-၁၉

မြန်မာနိုင်ငံ အပေါ် အမေရိကန်၏ စီးပွားရေး ပိတ်ဆို့ တားဆီးများ ဖြေလျှော့ ပေးရေးကို
 ထောက်ခံကြောင်း ပြောကြားရင်း မြန်မာ့ ဒီမိုကရေစီ အရေး ခေါင်းဆောင် ဒေါ်အောင်ဆန်း စုကြည် က
 ၄င်း၏ အထင်ကရ အမေရိကန်နိုင်ငံ ခရီးစဉ်ကို စတင်လိုက်သည်။

ဒီမိုကရက်တစ် ပြုပြင်ပြောင်းလဲမှုများ လုပ်ဆောင်ခဲ့သော မြန်မာသမ္မတ ဦးသိန်းစိန်ကိုလည်း ဒေါ်အောင်ဆန်းစုကြည်က ချီးကျူးပြောဆိုခဲ့သည်။ သို့သော် ဆယ်စုနှစ်ငါးခုခန့် စစ်အုပ်ချုပ်ရေးအောက် နေခဲ့ရသော မြန်မာနိုင်ငံအနေဖြင့် ရှေ့ဆက်၍အများကြီး လျှောက်လှမ်းရဦးမည်ဟုလည်း သတိပေးပြောကြားသည်။

နိုဗယ်ဆုရှင် ဒေါ်အောင်ဆန်းစုကြည်သည် ၁၇ ရက်ကြာမြင့်မည့် ၄င်း၏ ခရီးစဉ်အစမှာပင် အမေရိကန် နိုင်ငံခြားရေးဝန်ကြီး မစ္စက်ဟီလာရီ ကလင်တန်နှင့် နိုင်ငံခြားရေး ၀န်ကြီးဌာနတွင် တွေ့ဆုံဆွေးနွေးခဲ့သည်။ ယခင် ရက်သတ္တပတ်အတွင်း နိုင်ငံရေးအကျဉ်းသား ၉၀ ကို လွှတ်ပေးခဲ့ခြင်း အပါအ၀င် မြန်မာနိုင်ငံ၏ ပြုပြင်ပြောင်းလဲမှု များအပေါ် တုံ့ပြန်၍ မြန်မာနိုင်ငံမှ ကုန်ပစ္စည်း တင်သွင်းမှု ပိတ်ပင်ထားခြင်းကို ဖြေလျှော့ပေးရေး အိုဘားမားအစိုးရက စဉ်းစားနေစဉ်အတွင်း ဒေါ်အောင်ဆန်းစုကြည်၏ ခရီးစဉ်ဖြစ်ပေါ်လာခြင်းဖြစ်သည်။

ဒေါ်အောင်ဆန်းစုကြည်သည် ၄င်း၏ ခရီးစဉ်အတွင်း အမေရိကန် ကွန်ဂရက်၏ အမြင့်ဆုံးဆုကို လက်ခံရယူမည်ဖြစ်သည်။

"ပိတ်ဆို့တားဆီးမှုတွေ ဖြေလျှော့ပေးဖို့ရာ ကျွန်မ တကယ်ပဲ ထောက်ခံပါတယ်။ ဘာဖြစ်လို့လဲဆိုတော့ ကျွန်မတို့ နိုင်ငံသားတွေဟာ သူတို့ရဲ့ အန္တိမပန်းတိုင်အတွက် စတင် တာဝန်ယူရမှာမို့ ဖြစ်ပါတယ်"ဟု အမေရိကန်ငြိမ်းချမ်းရေး အင်စတီကျုဒ်တွင် ဒေါ်အောင်ဆန်းစုကြည်က ပြောကြားသည်။ "ဒီမိုကရေစီ အရှိန်ကို ဆက်လက်ထိန်းသိမ်းနိုင်ဖို့ရာ အမေရိကန်ရဲ့ ပိတ်ဆို့တားဆီးမှုတွေအပေါ် ကျွန်မတို့ မှေးမနေသင့်ပါဘူး။ ကျွန်မတို့ ကိုယ့်ဘာသာကိုယ် လုပ်ဆောင်ကြရပါမယ်"ဟု ၄င်းကဆက်ပြောသည်။

မစ္စက်ကလင်တန်၏ မှတ်ချက်စကားများတွင် ကုန်သွယ်ရေး ပိတ်ဆို့တားဆီးမှုများအကြောင်း တိုက်ရိုက်မပြောကြားသော်လည်း ဒေါ်အောင်ဆန်းစုကြည်၏ ထောက်ခံမှုကြောင့် အိုဘားမားအစိုးရ၏ မြန်မာနိုင်ငံအပေါ် ပိတ်ဆို့တားဆီးမှုများ ဖြေလျှော့ပေးရေး အလားအလာကို မြင့်တက်လာစေသည်ဟု ပြောကြားသည်။ အကယ်၍ ယင်းသို့ ဖြေလျှော့မှု ဖြစ်ပေါ်လာမည်ဆိုပါက လာမည့် ရက်သတ္တပတ်အတွင်း ကုလသမဂ္ဂ၏ အထွေထွေညီလာခံသို့ မြန်မာနိုင်ငံသမ္မတ ဦးသိန်းစိန် လာရောက်တက်ရောက်စဉ်အတွင်း ဖြစ်နိုင်ကြောင်း ၀ါရှင်တန်ပို့စ်သတင်းက ဖော်ပြသည်။

ကိုးကား - Washinton Post

7Day News Journal

တရုတ်ဖရဲစိုက်သူများကို မြေငှားရမ်းပြီးနောက်ဝယ်

တရုတ်လယ်သမားများကို မြေငှား၍ ဖရဲစိုက်ခွင့်ပြုပြီးနောက် မြေဆီလွှာထိခိုက်မှုကြောင့် စိုက်ပျိုးရန် ခက်ခဲလာမှုကို ယခုအထိ သူတို့ မဖြေရှင်းနိုင်သေးပါ။

“တရုတ်တွေကိုငှားပြီး နောက်နှစ်တစ်ရွာလုံး အထွက်လျော့တာပဲ”ဟု ဖရဲစိုက်ပျိုးရန် မြေငှားရမ်းခဲ့သော မိတ္ထီလာမြို့နယ် ကွက်ငယ်အုပ်စု ဒဟတ္တန်းကျေးရွာရှိ မြေပိုင်ရှင် မမိုးနိုင်က သူ
မတို့ ကြုံတွေ့ခဲ့ပုံကို ပြန်လည်ပြောပြသည်။

လွန်ခဲ့သော သုံးနှစ်ခန့်က မမိုးနိုင်သည် တရုတ်ဖရဲစိုက် တောင်သူများကို မြေငှားရမ်းခဲ့သော ပိုင်ရှင်များထဲမှ တစ်ဦးဖြစ်သည်။ သူမလိုပင် မိတ္ထီလာမြို့နယ်အတွင်း တရုတ်ဖရဲစိုက်သူများ တစ်နှစ်စိုက်ပျိုးပြီးနောက် မြေဆီလွှာအရည်အသွေးများ ကျဆင်းလာသည်ဟု ဒေသခံများက ပြောသည်။

မိတ္ထီလာမြို့နယ်တွင်းတွင် ဖရဲစိုက်ပျိုးရန် ငှားရမ်းထားသော မြေဧကသည် ဧက ၅၀၀ မှ ၁၀၀၀ အတွင်း ရှိနိုင်သည်ဟု ဒေသခံများက ခန့်မှန်းသည်။ စိုက်ပျိုးရာတွင် ဓာတ်မြေသြဇာ အလွန်အကျွံအသုံးပြုခြင်း ရေငန်များ ရေသွင်းစိုက်ပျိုးခြင်းနှင့် မြေအောက်ရေအငန်ဓာတ်များ၊ ရာသီဥတုပူပြင်းမှုကြောင့် ဆားငန်များ တက်လာခြင်းတို့ကြောင့် စိုက်ခင်းများ ဆားပေါက်ခြင်းနှင့် ဆပ်ပြာမြေများ ဖြစ်ကုန်သည့် နေရာများမှာ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီးတို့တွင် မြေဟက်တာ တစ်သန်းကျော်ရှိကြောင်း မြေအသုံးချဦးစီးဌာနမှ တာဝန်ရှိသူတစ်ဦးက ပြောသည်။

ဖရဲစိုက်ဘောင်နေရာတွင် မြေဆီလွှာ သိပ်သည်းကျစ်လျစ်ပြီး ထွန်ယက်သောအခါ တစ်နှစ်သီးနှံကောင်းပြီး နောက်နှစ်များတွင် တရုတ်ဖရဲစိုက် တောင်သူများကဲ့သို့ ဓာတ်မြေသြဇာ အသုံးမပြုနိုင်ပါက သီးနှံအထွက် တဖြည်းဖြည်း လျော့လာကြောင်း ဒဟတ္တန်းကျေးရွာမှ မြေခြောက်ဧက ငှားရမ်းခဲ့ဖူးသူ ဦးမြင့်မောင်ကပြောသည်။

“နည်းပညာနဲ့အရင်းအနှီး မတတ်နိုင်လို့သာ ငှားလိုက်ရတာ။ မလုပ်နိုင်လို့ ငှားလိုက်ရတာ၊ မငှားချင်ဘူး။ ကြာရင် မြေနာတာကတော့ နာမှာပဲ”ဟု မြေငှားခဲ့သော ဦးမြင့်မောင်ကပြောသည်။

စိုက်ပျိုးပြီးကျန်ခဲ့သော ဆွေးမြည့်ရန်ခက်ခဲသည့် အမည်းရောင် ပလပ်စတစ်အိတ်ခွံများက ထွန်များနှင့် ငြိခြင်းကြောင့် ထွန်ယက်ရာတွင် အခက်အခဲဖြစ်စေပြီး ပလတ်စတစ်ကောက်ချိန်ပေးရ၍ အချိန်ကြာသလို အလုပ်သမားခများလည်း ခါတိုင်းနှစ်များထက် ပိုမိုကုန်ကျခဲ့သည်။

ထို့ပြင် သီးနှံစိုက်စဉ်တွင် ပေါင်းများလည်း ထူပြောလာကာ သီးနှံအထွက် လျော့လာကြောင်း တောင်သူများက ပြောသည်။

သီးနှံအထွက် လျော့သည့်အတွက် တရုတ်များကို ငှားရမ်းလိုက်ခြင်းက သူမအဖို့ အရှုံးပေါ်ခဲ့သည်။ ဖရဲတစ်ရာသီ ၅ လလောက်စာအတွက် တစ်ဧကကို တစ်သိန်းနှုန်းဖြင့် ငှားခဲ့ခြင်းက သူမအဖို့ နောက်နှစ် စိုက်ပျိုးရာသီကို ပြန်လည်စိုက်ပျိုးရန် ထွန်ကျင်းခသာ ရရှိခဲ့သည်ဟု သူမကဆိုသည်။ ဖရဲစိုက်ပျိုးပြီးနောက်တွင် တစ်ဧကကို နှမ်းရှစ်တင်းလောက် ပုံမှန်ထွက်နေသော သူမစိုက်ခင်း၌ နှစ်တင်းလောက်သာ ထွက်တော့သည်ဟု မမိုးနိုင်ကပြောသည်။

ဒဟတ္တတန်းရွာသားများက အထွက်လျော့၍ ထပ်မံမငှားကြသော်လည်း အချို့ဒေသများတွင်မူ ဖရဲစိုက်ပြီး နောက်ရာသီတွင် သီးနှံများစိုက်ပျိုးပါက ယခင်ထက် အထွက်နှုန်းတိုးသည်များလည်းရှိကြောင်း ဒေသခံများကပြောသည်။

တရုတ်ဖရဲစိုက်သူ၏ ယာတဲအနီးတွင် ပိုးသတ်ဆေးများဖြင့် ရောသမမွှေကာ ပလတ်စတစ်အိတ်များ ဖုံးအုပ်ထားသည့် သွင်းအားစုများ စုပုံထားသည်။ စိုက်ပျိုးချိန် လေးလခန့်ကြာမည့်အတွက် လိုအပ်သော ဓာတ်မြေသြဇာ သွင်းအားစုအိတ်များဖြင့် တရုတ်စာလုံးပါ ဓာတ်မြေသြဇာအိတ်များကို သူနေထိုင်သည့် တဲအိမ်တွင် စီရီကာ စုပုံထပ်ထားသည်။ ထွက်ရှိလာသော ဓာတုအနံ့များက တောင်သူဦးမြင့်မောင်၏ တဲအိမ်တစ်ခုလုံး ပြန့်လွင့်နေသည်။

တရုတ်လူမျိုး ဖရဲစိုက်သူတစ်ဦးက သူတို့စိုက်ပျိုးပုံစံမှာ မြေဆီလွှာကို အန္တရာယ်မပေးနိုင်ဟု ခေါင်းခါလက်ခါပြီး ခြေဟန်လက်ဟန်ဖြင့် ပြောသည်။

မည်သို့ပင်ပြောသော်လည်း တရုတ်ဖရဲစိုက်တောင်သူများ ဓာတ်မြေသြဇာ ပိုးသတ်ဆေး အသုံးပြုပုံ အသုံးပြုနည်းများမှာ ဒေသသုံးစွဲပုံနှင့် မတူညီဘဲ များပြားပြီး ဓာတ်ကြွင်းများ နောက်တစ်နှစ်အထိ ကျန်ရှိနေသည်ကို သာဓကများက သက်သေပြလျက်ရှိသည်။ ၎င်းနေထိုင်သော တရုတ်နိုင်ငံ ဟိုင်နမ်ကျွန်းတွင် သုံးနှစ်ထိ မြေလပ်ပြီးမှသာ စိုက်ပျိုးနိုင်ကြောင်းလည်း ၎င်းကဆက်ပြောသည်။ မြေလပ်ရာတွင် ရေသွင်း၍ မြေဆီလွှာကို နှပ်ထားလေ့ရှိကြောင်းလည်း ယင်းက ရှင်းပြခဲ့သည်။

တရုတ်ဖရဲစိုက်ခင်းများတွင် မစိုက်ပျိုးခင် ဓာတ်မြေသြဇာ အဆင့်ဆင့်သုံးစွဲပုံကို ရှင်းပြသူများက ဓာတ်မြေသြဇာနှင့် ရွက်ဖျန်းဆေး၊ ပိုးသတ်ဆေးကို မိမိတို့ ဒေသများထက် များပြားစွာ သုံးစွဲကြောင်း မှတ်ချက်ပေးသည်။

“တရုတ်စာနဲ့ ဓာတ်မြေသြဇာတွေပဲ။ မသိဘူး။ ကီမီရာသုံးတယ်။ ထုံးသုံးတယ်။ ပိုတက်သုံးတယ်။ နွားနီမှုန့်သုံးတယ်။ ပထမတော့ အာမိုကိုသုံးတယ်။ စိုက်တော့မယ်မြေပေါ်မှာ အိတ်မအုပ်ခင် အာမို နောက်ချေးနဲ့ ထုံးသုံးတယ်။ ပိုတက်သုံးတယ်။ နွားနီသုံးတယ်။ ရောပြီးထည့်လိုက်တယ်။ နွားတွေကို လာကိုမစားခိုင်းဘူး။ ဘယ်လောက်ပြင်းလည်း မပြင်းလည်းတော့ မသိဘူး။ ဖရဲဘောင်ပြီးသွားရင် မြေကြီးဘောင်က ကျပ်ခဲကြီးဖြစ်တာပေါ့”ဟု အလုပ်သမားခေါင်းဆောင်တစ်ဦးက ပြောသည်။

ပိုးသတ်ဆေးနယ်ထားသော အစာများကို စားသောက်သော ခွေးများ သေဆုံးခဲ့သည်ဟု ကျေးရွာဒေသခံများနှင့် အလုပ်သမားများက ပြောကြားသည်။

“ဆေးကပြင်းတယ်။ အကောင်မှန်သမျှ အကုန်သေပဲ။ ဒီနားတစ်ဝိုက် ခွေးတွေသေတာ အကောင်သုံးဆယ်လောက်ရှိပြီ”ဟု မြင်းခြံမြို့မှ နယ်လှည့်ဖရဲစိုက်ခင်းများတွင် အလုပ်လုပ်ကိုင်သူ သုံးနှစ်အတွေ့အကြုံရှိ အလုပ်သမားတစ်ဦးက ပြောသည်။

ပိုးသတ်ဆေး အလွန်အကျွံ အသုံးပြုခြင်း ကာလရှည်လာပါက မြေဆီလွှာအကျိုးပြုသည့် ပိုးကောင်များ သေဆုံးပြီး မြေဆီလွှာပြုန်းတီးနိုင်သည့် အခြေအနေ ရှိသည်ဟု စိုက်ပျိုးရေးသုတေသနဦးစီးဌာနမှ တာဝန်ရှိသူတစ်ဦးက ပြောသည်။

သက်ဆိုင်ရာ မြို့နယ်ဦးစီးမှူးရုံးနှင့် မြေစာရင်းဌာနတို့က တရုတ်ဖရဲစိုက်သူများ၏ ဖရဲစိုက်ခင်း မည်မျှရှိသည်ဟု မပြောကြားသော်လည်း တရုတ်ဖရဲစိုက်သူတစ်ဦးလျှင် တစ်ရာသီ ဧက ၃၀ နှင့် ၅၀ ကြားရှိပြီး မိတ္ထီလာမြို့တွင် ဧကထောင်ချီရှိမည်ဟု အငှားလုပ်ကိုင်သူတစ်ဦးက ပြောသည်။

တရုတ်မြေ ငှားရမ်းသူများက မန္တလေးတိုင်းဒေသကြီး၊ စစ်ကိုင်းတိုင်းဒေသကြီးနှင့် မကွေးတိုင်းဒေသကြီးရှိ ဒေသခံများ၏ ကျေးရွာယာမြေများကို နွေရာသီတွင် ငှားရမ်းလေ့ရှိသည်။ ကျောက်ဆည်မြို့ အခြေစိုက်ကုမ္ပဏီများမှတစ်ဆင့် ဒေသခံအာဏာပိုင် အဖွဲ့အစည်းများနှင့် သစ်သီးဝလံအသင်းတို့၏ ခွင့်ပြုချက်ရယူပြီး မြေငှားရမ်းလုပ်ကိုင်ကြသည်။

တစ်ချိန်က မိုးမျှော်ပြီး နှမ်းစိုက်၊ ခရမ်းချဉ်သီးစိုက်ပျိုးကာ အသက်မွေးကြသော တောင်သူယာကွက်များတွင် ဧကငါးဆယ်နှင့် ခြောက်ဆယ်ရှိသော ပလတ်စတစ်အမည်းအုပ်ထားသည့် ဖရဲစိုက်ပျိုးဘောင်များကို တစ်မျှော်တစ်ခေါ်ကြီး တွေ့ရသည်။

အထက်ပါ တရုတ်ဖရဲစိုက် တောင်သူများ ဖရဲစိုက်ပျိုးပြီး နောက်တစ်နှစ်တွင် တောင်သူများ ဓာတ်မြေသြဇာ မသုံးဘဲ သီးနှံအောင်မြင်သော်လည်း နောင်နှစ်ဆက်တိုက် စိုက်ပျိုးပါက မူရင်းစိုက်ပျိုးသည့်နှမ်းများ မဖြစ်ထွန်းကြောင်း ဒေသခံစိုက်ပျိုးတောင်သူများက ပြောသည်။

တရုတ်ဖရဲစိုက်သူများကို ပြည်တွင်းရှိ တရားဝင် မှတ်ပုံတင်ထားသော ပိုးသတ်ဆေး ဓာတ်မြေသြဇာများကို အသုံးပြုရန် ခွင့်ပြုစဉ် ပြောကြားခဲ့သော်လည်း အမှန်တကယ် သုံး၊ မသုံးကို စစ်ဆေးခြင်းမရှိဟု မိတ္ထီလာမြို့နယ်မှ စိုက်ပျိုးရေးဦးစီးမှူးက ပြောသည်။

ယာတစ်ကွက်တိုင်းတွင် အ၀ီစိတွင်းများ တူးဖော်ထားပြီး ယင်းရေများကို သဲအိတ်များ စီထပ်ထားသည့် တာလပတ်ကန်တွင် အမျိုးအမည်သိခွင့်မပေးသော ဆေးကိုခတ်ပြီး အရွက်ပေါ်ဖျန်းသည်ဟု နယ်လှည့်စိုက်ပျိုးရေးလုပ်ကိုင်သူ ၂ နှစ် အတွေ့အကြုံရှိ အမျိုးသမီးတစ်ဦးက ပြောပြသည်။

“ဓာတ်မြေသြဇာကို အဲဒီလောက် မြင့်တဲ့ဟာတွေ သုံးတာများရင် မြေဆီလွှာဓာတ်ကို ကြာရင်ဆုံးရှုံးမယ်။ သုံးစွဲတဲ့ပစ္စည်းတွေ မြင့်လေ၊ အပင်အားကောင်းလေဆိုတော့ အပင်ရဲ့ စုပ်ယူနိုင်စွမ်းတွေ မြင့်တယ်။ ဒီတော့ မြေဆီလွှာထဲက ဓာတ်တွေပါ ကြာရင်ပျက်စီးမှာပဲ”ဟု ဓာတ်မြေသြဇာ ဖြန့်ဖြူးရောင်းချနေသော လုပ်ငန်းရှင် ဦးမျိုးဇော်ကပြောသည်။

မြေဆီလွှာပေါ်တွင် ဓာတ်မြေသြဇာ သုံးစွဲမှုများခြင်း၊ ပိုးသတ်ဆေး သုံးစွဲမှုများခြင်းများ ဖြစ်လာပါက မြေဆီလွှာဆုံးရှုံးနိုင်သည့်အတွက် စိုက်ပျိုးမှုများ
မပြုလုပ်မီကပင် မြေငှားထားသော တောင်သူများကို ပြောပြသင့်ကြောင်း ရုက္ခဗေဒပါမောက္ခတစ်ဦးက ပြောသည်။

“သွင်းအားစုများတော့ မြေဆီလွှာအက်ဆစ်ဓာတ်ပေါက်တာတို့၊ Removel တို့၊ Up Grade တို့ ဖြစ်နိုင်တယ်။ သီးနှံတစ်မျိုးတည်း ဆက်တိုက်စိုက်ရင်လည်း အထွက်လျော့တာတွေ ဖြစ်နိုင်တယ်။ သီးနှံပြောင်းစိုက်ဖို့လိုတဲ့ သဘောပေါ့။ ဒါတွေက ဆေးဝါးတွေ၊ ရာသီဥတုဒဏ်၊ မြေဆီလွှာ ပြောင်းလဲမှုတွေလည်းရှိတော့ သေချာစစ်ဆေးပြီးမှ စိုက်သင့်တယ်”ဟု လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနမှ မြေဆီလွှာပညာရှင်တစ်ဦးကလည်း ပြောသည်။

ယင်းမြေပေါ်တွင် နှစ်နှစ်လောက် မည်သည့်သီးနှံမျှ မစိုက်ပျိုးဘဲထားပါက ယခင်နှုန်းများအတိုင်း အထွက်နှုန်း ပြန်လည်ကောင်းလာနိုင်ကြောင်း အလုပ်သမားခေါင်းဆောင်က ပြောသည်။

ယင်းစိုက်ခင်းများကို ငှားရမ်းရာတွင် မြန်မာကုမ္ပဏီအမည် ခွာညိုကုမ္ပဏီအမည်ဖြင့် ငှားရမ်းသည်။

ဒေသခံများက တရုတ်စိုက်ခင်းများဟု ခေါ်နေသောကြောင့် ကုမ္ပဏီကို မေးမြန်းရာတွင် “ကျွန်တော်တို့ ကုမ္ပဏီက တရုတ်လူမျိုးတွေပိုင်တာ မဟုတ်ဘူး။ သူတို့နဲ့ ရှယ်ယာလုပ်တာလည်း မဟုတ်ဘူး။ တရုတ်က ကျွမ်းကျင်တဲ့ ပညာရှင်တွေနဲ့ မျိုးကိုပဲယူပြီး စိုက်တာ”ဟု ခွာညိုကုမ္ပဏီမှ ဦးကျော်မောင်ကပြောသည်။

သို့သော် မြေကို တစ်နှစ်ခြား နှစ်နှစ်ခြားစနစ်ဖြင့် လာရောက် ငှားရမ်းနေသောကြောင့် နောက်နှစ်များတွင် မြေပျက်စီးမှုများ ဖြစ်လာနိုင်သည်ကို ဒေသခံမြေပိုင်ရှင် အများစုက မသိကြပေ။

မြေဆီလွှာပျက်စီးပြီး သီးနှံအထွက် လျော့ကျခဲ့သော မမိုးနိုင်က ယခုအချိန်တွင် နောင်တရလျက်ရှိပြီး တရုတ်စကားပြောသော ဖရဲစိုက်ပျိုးသူများ မြေငှားရမ်းလာပါက ဘယ်တော့မှ ငှားရမ်းတော့မည်မဟုတ်ဟု ဆိုသည်။
 
ရေးသားသူ- သိမ့်သိမ့်စိုး၊ အိဖြူမွန်
 7Day News Journal
 

ဒေါ်စုနဲ့ ဗွီအိုအေ သီးသန့်တွေ့ဆုံ မေးမြန်းခန်း

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ အမေရိကန်အသံ ရုံးချုပ်ကို အင်္ဂါနေ့က လာရောက်ပြီးတော့ ဗွီအိုအေ (မြန်မာပိုင်း) မိသားစုတွေနဲ့ တရင်းတနှီးတွေ့ဆုံပြီးတော့ သြဝါဒ စကားတွေလည်း ပြောဆိုခဲ့ပါတယ်။ နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို ဗွီအိုအေ (မြန်မာပိုင်း) အကြီးတန်း အယ်ဒီတာ ဦးကျော်ဇံသာက သီးသန့် တွေ့ဆုံမေးမြန်းခွင့်လည်း ရခဲ့ပါတယ်။ ဒီတွေ့ဆုံမေးမြန်းခန်းကို အပြည့်အစုံတင်ပြပေးထားပါတယ်။

ဦးကျော်ဇံသာ။           ။ ဒေါ်အောင်ဆန်းစုကြည်ခင်ဗျား။ အခုလို ကျန်းကျန်းမာမာတွေ့ရလို့ အထူး ဝမ်းသာပါတယ်။ ကျနော်တို့ ဗွီအိုအေကို တွေ့ဆုံမေးမြန်းခွင့် ပေးတဲ့အတွက်လည်း အထူး ကျေးဇူး တင်ပါတယ်။ ပထမဦးဆုံးမေးချင်တဲ့မေးခွန်းကတော့ လူတိုင်းစိတ်ဝင်စားတဲ့ မြန်မာနိုင်ငံ ပြုပြင် ပြောင်းလဲရေးနဲ့ ပတ်သက်တဲ့မေးခွန်းပါ။ ပြုပြင်ပြောင်းလဲရေးဆိုတာ အသံသာ ကြားနေရတယ်။ တကယ်တန်း ပြောင်းလဲသွားတာ ဘာမှ မတွေ့ရသေးဘူးလို့ လူတွေက ပြောကြပါတယ်။
တချို့ကလည်း စာနယ်ဇင်း လွတ်လပ်မှုတွေ နည်းနည်းပါးပါး ရှိလာတယ်၊ လူတွေ ပြောရဲဆိုရဲ ရှိလာတယ် ဆိုပြီးတော့လည်း ပြောကြပါတယ်။ ..ဆိုတော့ ဒီ ပြုပြင်ပြောင်းလဲမှု အခြေအနေနဲ့ ပတ်သက်ပြီးတော့ ဒေါ်အောင်ဆန်းစုကြည်ရဲ့ သဘောထားကို ကြားပါရစေခင်ဗျ။

ဒေါ်အောင်ဆန်းစုကြည်။         ။ ပြုပြင်ပြောင်းလဲရေး လုံးဝ မရှိဘူးဆိုတာ မဟုတ်ပါဘူး။ ပြုပြင်ပြောင်း လဲရေး ရှိပါတယ်။ ဒါပေမဲ့လည်း ပြည်သူတွေအတွက် အများကြီးတော့ ထပ်ပြီးတော့ လိုသေးတာပေါ့ နော်။ ကျမတို့နိုင်ငံဟာ တကယ်ပဲ ဒီမိုကရေစီနိုင်ငံတခုဖြစ်ဖို့၊ ဒီမိုကရေစီ လူ့အဖွဲ့အစည်းတခု ဖြစ်ဖို့ ဆိုလို့ ရှိရင်တော့ ထပ်လုပ်စရာတွေ ရှိသေးတာပေါ့။ ဒါပေမဲ့ ပြုပြင်ပြောင်းလဲရေး လုံးဝမရှိဘူး ဆိုတာတော့ မဟုတ်ပါဘူး။ ဒါတော့ နည်းနည်း တဘက်စောင်းနင်းအမြင်လို့ ကျမ ထင်ပါတယ်။

ဦးကျော်ဇံသာ။           ။ ပြည်သူလူထုထဲကို ပြုပြင်ပြောင်းလဲရေး ရောက်လာဖို့အတွက် အဓိက ဘာတွေလုပ်ဖို့ လိုနေပါလဲခင်ဗျ။ လောလောဆယ်မှာ။

ဒေါ်အောင်ဆန်းစုကြည်။         ။ လိုတာတွေကတော့ အများကြီးပဲ၊ အဓိက ကတော့ ကျမတို့ ပြည်သူ တွေက ဆင်းရဲနေတဲ့အခြေအနေကို ပိုပြီးတော့ ကောင်းလာအောင် လုပ်ရမယ်။ လက်တွေ့ကျကျ ပြောရမယ်ဆိုလို့ရှိရင် ကျမရဲ့ ကော့မှူးမြို့နယ်မှာ ဆင်းပြီး လေ့လာတဲ့အခါကျတော့ သိပ်ပြီး အရေးကြီးနေတာ ဘာလဲဆိုတော့ လမ်းပန်းဆက်သွယ်ရေးရယ်၊ အလုပ်ရရှိရေးရယ်၊ ရေရရှိရေး- ရေရရှိရေးတောင်မှ ကျမတို့နိုင်ငံအနေနဲ့က နေရာအတော်များများမှာ အခက်အခဲတခုပါပဲ။ နောက်ပြီးတော့ ကျန်းမာရေး၊ ပညာရေးပေါ့။

ဦးကျော်ဇံသာ။           ။ နောက်တခါ- ဥပဒေပြု အာဏာပိုင်အဖွဲ့ဖြစ်တဲ့ လွှတ်တော်ပေါ့ခင်ဗျာ။ အစ တုန်းကတော့ ruber stamp လို့ အင်္ဂလိပ်လို ပြောကြတယ်။ လက်ညှိုးထောင်၊ ခေါင်းငြိမ့် ပါလီမန်သာ ဖြစ်တယ်၊ အခု အဲဒီထက် တိုးတက်မယ့် အရိပ်အယောင် နည်းနည်းများ တွေ့လာရပါပြီလား။ တလောတုန်းက သူတို့က ဖွဲ့စည်းပုံ ခုံရုံးကို သူတို့ရဲ့ဆန္ဒနဲ့ ဖယ်ရှားနိုင်ခဲ့တယ်ဆိုတော့ - ဒါပေမဲ့လည်း တချို့က Executive နဲ့ ရဲ့ legislature နဲ့ ပုဂ္ဂိုလ်ရေး ပြိုင်ဆိုင်မှုသာ ဖြစ်တယ်လို့လည်း သုံးသပ်ကြပါတယ်။

ဒေါ်အောင်ဆန်းစုကြည်။         ။ ကျမတော့ ဒီလိုလို့ မထင်ပါဘူး။ ဒါဟာ ဖွဲ့စည်းပုံအခြေခံဥပဒေအရ လုပ်ပိုင်ခွင့်နဲ့ ဆိုင်တဲ့ဟာပဲ။ ဒါလည်း ပြောတဲ့မိန့်ခွန်းတွေကို ဦးကျော်ဇံသာ သေသေချာချာ နားထောင်ကြည့်မယ်ဆိုရင် ဥပဒေပိုင်းဆိုင်ရာ ကျမတို့ အမျိုးသား ဒီမိုကရေစီအဖွဲ့ချုပ် ကိုယ်စားလှယ်တွေကလည်း ဝင်ပြီးတော့ ပြောတာရှိပါတယ်။ ဥပဒေကြောင်းအရ ဘယ်လို ဘယ်လို ဖြစ်ခဲ့တယ်ဆိုတာကို။ အဲဒီတော့ လက်ညှိုးထောင် ခေါင်းငြိမ့်ဆိုတာကတော့ ဘယ်ဟုတ်နိုင်မလဲ။ ဘာဖြစ်လို့လဲ ဆိုတော့ ကျမတို့ NLD ရှိနေတယ်လေ။ ကျမတို့က လက်ညှိုးထောင်၊ ခေါင်းငြိမ့်မှ မလုပ်ဘဲ။ အဲလိုမလုပ်တဲ့ တခြား ကိုယ်စားလှယ်တွေလည်း ရှိပါတယ်။

ဦးကျော်ဇံသာ။           ။ ဆိုတော့ အုပ်ချုပ်ရေး အကြီးအကဲတန်းပေါ့လေ။ လွှတ်တော် ဥက္ကဋ္ဌနဲ့ ပြိုင်ဆိုင်မှု ရှိတယ်ဆိုတာကရော အလားအလာ ကောင်းပါသလား။ နိုင်ငံတခုရဲ့ နိုင်ငံရေးစံနစ်အတွက် healthy ဖြစ်ပါသလား။

ဒေါ်အောင်ဆန်းစုကြည်။         ။ ဒီဟာကတော့ ပုဂ္ဂိုလ်ရေးအမြင်နဲ့ ဝိုင်းမြင်တာ မကောင်းပါဘူး။ တကယ်ဆိုလို့ရှိရင် ဒီလို အုပ်ချုပ်ရေးပိုင်းဆိုင်ရာနဲ့ ဥပဒေပြုပိုင်းဆိုင်ရာကြားထဲမှာ ပြောရတာ၊ ဆိုရတာ ငြင်းရတာ၊ ခုန်ရတာ ဖြစ်တယ်ဆိုတာ - ဒါ ဒီမိုကရေစီနိုင်ငံတွေမှာ ဖြစ်လေ့ဖြစ်ထ ရှိတာပဲ။ အခု ဒီ အမေရိကန် ပြည်ထောင်စုမှာတောင်မှ ဘတ်ဂျက်နဲ့ပတ်သက်လို့ အုပ်ချုပ်ပိုင်းဆိုင်ရာနဲ့ ဥပဒေပြုပိုင်း ဆိုင်ရာမှာ ငြင်းကြ၊ ခုန်ကြနဲ့ တချိန်တခါတုန်းက ဆိုလို့ရှိရင် ဝန်ထမ်းတွေတောင်မှ လခမပေးတာအထိ ဖြစ်သွားတယ်မို့လား။ ..ဆိုတော့ အဲဒါမျိုးကတော့ ဖြစ်လေ့ဖြစ်ထပဲ။ တခုတော့ ရှိတာပေါ့၊ ကျမတို့နိုင်ငံအတွက် ဒီမိုကရေစီ လုပ်ပုံလုပ်နည်းတွေက သိပ်ပြီးတော့ စိမ်းနေသေးတဲ့ အခါကျတော့ ဒီဟာတွေကို အစိုးရိမ်လွန်တဲ့ဟာတွေလည်း ရှိတယ်။ နောက်ပြီးတော့ ဘေးကလည်း ဝိုင်းပြီးတော့ ပုဂ္ဂိုလ်ရေးပြဿနာလို့ ဖြစ်ပေါ်အောင်လို့ မြင်ကြလို့ပဲလား၊ အဲလိုဖြစ်အောင်လို့ တိုက်တွန်းကြလို့ပဲလား။ ဒါမျိုးလေးတွေကတော့ ရှိတာပေါ့။

ဦးကျော်ဇံသာ။           ။ နောက်တခုက ဒေါ်အောင်ဆန်းစုကြည် ရွေးကောက်ပွဲဝင်တုန်းက အဓိက ရည်ရွယ်ချက်သုံးခုဖြစ်တဲ့ ဖွဲ့စည်းပုံကို ပြင်မယ်၊ စစ်တပ်ရဲ့ပါဝင်မှုကို တဖြည်းဖြည်း ဖယ်ရှားနိုင်အောင် ကြိုးစားမယ်၊ နောက်ပြီးတော့ ပြည်တွင်း ငြိမ်းချမ်းရေးရနိုင်အောင် ကြိုးစားမယ်ဆိုတာ၊ အဲဒီ ကိစ္စတွေကို ဆောင်ရွက်နိုင်အောင် ကြိုးစားဖို့ ကိစ္စရော အတော် ခရီးဝေးပါ သေးသလား။

ဒေါ်အောင်ဆန်းစုကြည်။         ။ ကျမတို့ နည်းနည်း ပြန်ပြင်ရမယ်။ ကျမတို့ ပထမဦးဆုံးက တရား ဥပဒေစိုးမိုးရေးလို့ ပြောပါတယ်။ နောက်ပြီးတော့မှ ပြည်တွင်း ငြိမ်းချမ်းရေး၊ ပြီးတော့ ဖွဲ့စည်းပုံ အခြေခံ ဥပဒေ စိုးမိုးရေး။ အဲဒီမှာ ကျမတို့က အဓိက က ဖွဲ့စည်းပုံအခြေခံဥပဒေ စိုးမိုးရေး - ပြုပြင်ရေးပေါ့နော်။ ပြုပြင်ရေးမှာ တပ်ကို ဖယ်ရှားမယ်ဆိုတာဟာ အဓိက မဟုတ်ပါဘူး။ ဖွဲ့စည်းပုံ အခြေခံဥပဒေဟာ ဒီမိုကရေစီ စံနှုန်း စံထားတွေနဲ့ ကိုက်ညီအောင်လုပ်ဖို့ ပါပဲ။ အဲလို လုပ်တဲ့နေရာ မှာ ကျမတို့ဟာ တပ်မတော်နဲ့ ပူးပေါင်း ဆောင်ရွက်သွားချင်တယ်ဆိုတာကို ရှင်းရှင်းလင်းလင်း ပြော ထားပြီးပါပြီ။ ပြောထားပြီးသား ဖြစ်ပါတယ်။

ဦးကျော်ဇံသာ။           ။ ..ဆိုတော့ အဲဒီဟာတွေကို ဆောင်ရွက်ဖို့ အလားအလာ-တရားဥပဒေ စိုးမိုးရေး ဆောင်ရွက်မယ့်ကိစ္စတို့၊ ငြိမ်းချမ်းရေးကိစ္စတို့ရော တော်တော်လေး ခရီးရောက်ပါပြီလား။

ဒေါ်အောင်ဆန်းစုကြည်။         ။ တရားဥပဒေစိုးမိုးရေးကို ကျမတို့ ပထမထားတဲ့ အကြောင်းရင်းက ဘာလဲဆိုတော့ တရားဥပဒေမရှိဘဲနဲ့ ပြည်တွင်း ငြိမ်းချမ်းရေးဆိုတာ မဖြစ်နိုင်ဘူးလို့ ယူဆလို့ ပါ။ ပြည်တွင်း ငြိမ်းချမ်းရေးကို တန်ဖိုး မထားလို့ မဟုတ်ပါဘူး။ အဲဒီတော့ တရားဥပဒေစိုးမိုးရေး ရရှိဖို့ ဆိုတော့ အခု ကျမက တရားဥပဒေစိုးမိုးရေး ကော်မီတီဥက္ကဋ္ဌဆိုတော့ ဒါ- အလားအလာကောင်း တယ်လို့ ပြောရမှာပေါ့။

ဦးကျော်ဇံသာ။           ။ နောက်တခုက ဒီနေ့ နေ့လည်က ဒေါ်အောင်ဆန်းစုကြည် ပြောတာလည်း ကြားလိုက်ရပါတယ်။ ဒေါ်အောင်ဆန်းစုကြည်တို့ဟာ အစိုးရမဟုတ်ဘူး။ အစိုးရလိုအပ်တဲ့ အကူအညီကို ငြိမ်းချမ်းရေးအတွက် ဆောင်ရွက်ပေးမယ်ဆိုတာ ဒီနေ့ ပြောသွားပါတယ်။ တိုင်းရင်းသားတွေ အတော် များများက ဒေါ်အောင်ဆန်းစုကြည်ပါဝင်ပြီး စေ့စပ်ပေးရင် ပိုပြီးတော့ ခရီးရောက်မယ်၊ သူတို့ရဲ့ တိုင်းရင်းသားပြဿနာဖြေရှင်းရေးမှာ တကယ်ပဲ ယုံကြည်ကြပါတယ်။ အဲဒီတော့ ဒေါ်အောင်ဆန်း စုကြည်ရဲ့ သဘောထားကော ဘယ်လိုများ ရှိပါသလဲ။ အဲဒီကိစ္စမှာ ဝင်ရောက် ဖြေရှင်းပေးနိုင်မယ့် အခြေအနေရှိပါသလား။

ဒေါ်အောင်ဆန်းစုကြည်။         ။ ကျမကလည်း လုပ်ပေးနိုင်သမျှ လုပ်ပေးချင်တာပဲ။ ဒါပေမဲ့ ဒီဟာ- ဟာ တိုင်းရင်းသားတွေနဲ့ အစိုးရကြားမှာ ဆုံးဖြတ်ရမယ့်ကိစ္စဖြစ်တယ်။ မနက်ကလည်း ကျမ ပြောခဲ့ ပါတယ်။ ကျမတို့အနေနဲ့ ဒီလို အခြေအနေမှာ နိုင်ငံရေးအမြတ် မထုတ်ချင်ဘူး။ အရေးကြီးတာက ကျမတို့ နိုင်ငံမှာ ပြည်တွင်းငြိမ်းချမ်းရေး ရဖို့၊ ဒီလို ပြည်တွင်း ငြိမ်းချမ်းရေးရဖို့ ကျမတို့ တကယ်ကို ကူညီနိုင်ဖို့ ဆိုလို့ရှိရင် တိုင်းရင်းသားတွေရော၊ အစိုးရဘက်ကရော လိုလားရမယ်။ အဲဒါမှ ကျမတို့က ဝင်ပြီးတော့ ကူညီနိုင်မှာ။

ကျမတို့အဖွဲ့ နိုင်ငံရေးအမြတ်ထုတ်ဖို့ ကျမတို့သာ လုပ်ပေးမှဖြစ်မယ်ဆိုတဲ့သဘောနဲ့ ကျမတို့ မလုပ်ချင် ဘူး။ နောက်ပြီးတော့လည်း တကယ်ပဲ ကြိုးပမ်းမှုတွေရှိနေလို့ရှိရင် အဲဒီကြိုးပမ်းမှုတွေကို ထိခိုက်တဲ့ အလုပ်မျိုးလည်း ကျမတို့ မလုပ်ချင်ဘူး။ ဒါပေမဲ့ အချိန်မရွေး အဆင်သင့်ပဲ၊ ကျမတို့ကို သုံးချင်တယ် ဆိုရင် သုံးပါ။ ဒါပေမဲ့ နိုင်ငံအတွက်သုံးတယ်ဆိုတာ လိုလိုချင်ချင်နဲ့ လက်ခံရမယ့် ကိစ္စပါ။

ဦးကျော်ဇံသာ။           ။ သမ္မတဦးသိန်းစိန် အပါအဝင် အစိုးရအဖွဲ့ဝင်တွေက အစတုန်းက ပြော တာက တိုင်းရင်းသားပြဿနာ ဖြေရှင်းရေးအတွက် တွေ့ဆုံဆွေးနွေးမယ့်ရင်ပြင်ဟာ လွှတ်တော်ဖြစ် တယ်၊ လွှတ်တော်ကတဆင့်သာ ဆွေးနွေးနိုင်မယ်လို့ ကြားရပါတယ်။ တိုင်းရင်းသားတွေကတော့ အဲလို မဟုတ်ဘဲနဲ့ မျက်နှာစုံညီတွေ့ချင်တယ်၊ သုံးပွင့်ဆိုင်တွေ့ချင်တယ်၊ ဒုတိယပင်လုံဆိုပြီးတော့ အသံထွက် လာပါတယ်။ ဆိုတော့ ဘယ်လမ်းဟာ ပိုပြီးမှန်ကန်မယ်၊ လွှတ်တော်မှာ ဖြေရှင်းနိုင်မယ့် အလားအလာ ရော ရှိပါသလား။

ဒေါ်အောင်ဆန်းစုကြည်။         ။ အဲဒီဟာက လွှတ်တော်ထဲမှာ တိုင်းရင်းသားကိုယ်စားလှယ်တွေ အများကြီးရှိပါတယ်။ လွှတ်တော်ထဲမှာ တိုင်းရင်းသားကိုယ်စားလှယ်တွေနဲ့ တိုင်းရင်းသား ကိစ္စတွေ ကို ဆွေးနွေးတာတွေ၊ ဘာတွေလည်း ရှိလည်း ရှိခဲ့ပါတယ်။ တင်လည်းတင်ပြတာတွေလည်း ရှိပါ တယ်။ လွှတ်တော်ထဲမှာတော့ လွှတ်တော်နည်း လွှတ်တော်ဟန်နဲ့ တိုင်းရင်းသား ကိစ္စတွေကို ကိုင်တွယ် နေပါတယ်။ ဒါပေမဲ့ ခုနက ပြောသလိုပေ့ါနော်။ တချို့က အုပ်ချုပ်ရေးဘက်ကနေပြီးတော့ လွှတ်တော် အတွင်းမှာသာ ဖြေရှင်းရမယ်ပြောတယ်။ ဒါပေမဲ့ တိုင်းရင်းသားတွေက အပြင်မှာ စပြီးဖြေရှင်းရမယ်-စသဖြင့်- အဲဒါမျိုးတွေကျတော့ ညှိယူရမယ်။ အပေးအယူလုပ်ရမယ်။

ကျမ ခဏခဏပြောပါတယ်။ ကျမတို့ မြန်မာနိုင်ငံရေးမှာဆိုလို့ရှိရင် negociated compromise ပေါ့နော်။ ညှိနှိုင်းဆွေးနွေးပြီးတော့ အပေးအယူ အလျှော့အတင်းလုပ်တဲ့ ယဉ်ကျေးမှု က အင်မတန်မှ အားနည်း တယ်။ အဲဒီယဉ်ကျေးမှုကို တည်ဆောက်ရမယ်။ ပဋိပက္ခဖြစ်နေတဲ့ အဖွဲ့ အစည်းတွေ၊ ပုဂ္ဂိုလ်တွေ ဆိုလို့ ရှိရင် နှစ်ဘက်လုံးက နားလည်ရမှာက ကိုယ်လိုချင်တာ ၁၀၀% ရမှ လုပ်မယ် ဆိုလို့ရှိရင် မဖြစ်နိုင်ဘူး။ အပေးအယူလုပ်ရမယ်။ အပေးအယူလုပ်ဖို့ ပထမဦးဆုံး ဆွေးနွေး ညှိနှိုင်းရမယ်၊ တိုင်ပင်ရမယ်။ အဲဒီပုံစံနဲ့ပဲ သွားရမှာပဲ။ ဒါ ဒီမိုကရေစီပဲ။

ဦးကျော်ဇံသာ။           ။ နောက်တခုက အခု အမေရိကန်ပြည်ထောင်စုကိုလာတဲ့ ရည်ရွယ်ချက်မှာ အမေရိကန်ပြည်သူတွေ၊ အမေရိကန်အစိုးရကို ဒေါ်အောင်ဆန်းစုကြည်အနေနဲ့ ပေးချင်တဲ့၊ ပြော ချင်တဲ့ message စကားက ဘာပါလဲခင်ဗျ။

ဒေါ်အောင်ဆန်းစုကြည်။         ။ အဓိကပြောချင်တဲ့စကားကတော့ ကျမတို့ဟာ ဒီမိုကရေစီ အပြည့် အဝတော့ မရသေးဘူး။ ကျမတို့ဟာ ဒီမိုကရေစီလမ်းကို စပြီးတော့ လျှောက်နေပြီ။ ကျမတို့ နိုင်ငံဟာ တကယ့်ကို ဒီမိုကရေစီကို အခြေခံတဲ့ လူ့အဖွဲ့အစည်းတခု ဖြစ်ချင်လို့ရှိရင် ဒီမိုကရေစီ အဆောက် အအုံနဲ့ ခိုင်မာချင်လို့ရှိရင် လုပ်စရာတွေ အများကြီးရှိသေးတယ်။ အဲဒီတော့ အဲဒီလုပ်ငန်း တွေမှာ အမေရိကန်ပြည်ထောင်စုက မိတ်ဆွေကောင်းတဦးအနေနဲ့ ကျမတို့နဲ့  ဝိုင်းဝန်းပြီးတော့ ဆောင် ရွက်တာကို လိုလားတယ်။ နောက်တခုကလည်း ကျမတို့ လျှောက်ခဲ့ရတဲ့ ကြမ်းတမ်းတဲ့ ဒီမိုကရေစီ လှုပ်ရှားရေးခရီးမှာ ကျမတို့ ဒီမိုကရေစီအတွက် လှုပ်ရှားခဲ့တဲ့ အဖွဲ့အစည်းတွေကို ကူညီပေးခဲ့တဲ့ အတွက်၊ ထောက်ခံပေးခဲ့တဲ့အတွက်လည်း အမေရိကန်ပြည်ထောင်စု အစိုးရရော၊ ပြည် သူတွေရော ကျေးဇူးတင်တယ်ဆိုတာ ကျမ လာပြောဖို့ ဖြစ်ပါတယ်။

ဦးကျော်ဇံသာ။           ။ အမေရိကန်ပြည်ထောင်စုက မြန်မာနိုင်ငံမှာ လာပြီး ရင်းနှီးမြှုပ်နှံချင် တယ်၊ မြန်မာနိုင်ငံနဲ့သင့်မြတ်အောင် ဆက်ဆံချင်တယ်ဆိုတဲ့ ဆန္ဒဟာ သူတို့နိုင်ငံရဲ့ အကျိုးစီးပွား အတွက် အဓိကအားဖြင့် တရုတ်ကို ကာကွယ်ချင်လို့ဆိုပြီးတော့ သုံးသပ်တာတွေ ရှိတာပေါ့လေ။… ဆိုတော့ သူတို့ဆန္ဒနဲ့များ သိပ်ပြီးတော့ ဆန္ဒစောနေကြသလား၊ အဲဒါကြောင့်များ ဒေါ်အောင်ဆန်း စုကြည်က သိပ်ပြီးတော့ ဆန္ဒမစောကြပါနဲ့လို့ တောင်းနေရသလားဆိုတာ စဉ်းစားမိပါတယ်။

ဒေါ်အောင်ဆန်းစုကြည်။         ။ ဘယ်လိုပဲပြောပြောပေါ့နော်။ ကျမတို့နိုင်ငံရဲ့အနေ အထား- နိုင်ငံ နှစ်နိုင်ငံရဲ့ ဆက်ဆံရေးဆိုတာဟာ Geo Politics ပေါ့နော်။ ပထဝီနိုင်ငံရေးကလည်း ဘယ်လိုမှ လွတ်ကင်းလို့ မရဘူး။ နောက်ပြီး အရင်အစဉ်အလာတွေကလည်း လွတ်ကင်းလို့မရဘူး။ အဲဒီအခါ ကျတော့ ကျမတို့ မြန်မာနိုင်ငံဟာ အိန္ဒိယနဲ့ တရုတ်နဲ့ နောက်- အရှေ့တောင် အာရှကြားမှာ ရှိတဲ့ နိုင်ငံဖြစ်နေတယ်။ အဲဒီလို ဆက်ဆံနေရတဲ့နိုင်ငံမှာ ပတ်ဝန်းကျင်က အင်အားကြီးတဲ့ နိုင်ငံတွေ ရဲ့ အနေအထားကို ထည့်တွက်တယ်ဆိုတာ ဒါ သဘာဝကျပါတယ်။ ဒီလို တရုတ်နိုင်ငံရဲ့ အနေအထား ကို ထည့်မတွက်ဘဲနဲ့ မြန်မာနိုင်ငံနဲ့ဆက်ဆံရမယ်ဆိုရင်တော့ အဲလိုတောင်းဆိုခြင်းဟာ ဘယ်လိုမှ သဘာဝ မကျပါဘူး။ ဒါပေမဲ့ အဲဒီဟာကို ထည့်တွက်လို့ ကျမတို့ကို ထိခိုက်စေတယ်လို့လည်း သုံးသပ်စရာ အကြောင်းမရှိပါဘူး။

ကျမတို့ကိုယ်တိုင်ကလည်း ကျမတို့ရဲ့ အိမ်နီးနားချင်းနိုင်ငံတွေနဲ့ အဆင်ပြေစေချင်တယ်။ အ ဆင်ပြေပြေလည်း နေချင်တယ်။ ဒီတော့ အမေရိကန်ပြည်ထောင်စုအနေနဲ့လည်း တရုတ်ပြည်ထောင်စုနိုင်ငံတို့၊ အိန္ဒိယနိုင်ငံတို့နဲ့ အဆင်ပြေပြီးတော့ ကောင်းကောင်းမွန်မွန်ဆက်ဆံရေး တည်ဆောက်ချင်တယ်လို့ ယုံကြည်တယ်။

အဲဒါကြောင့်မို့လို့ ကျမတို့က အားလုံးအတွက် အကျိုးရှိမယ့် နိုင်ငံရေးမူတွေကို ချမှတ်ပြီးတော့ သွားရမှာ ပဲ။ ဟိုလူနဲ့တည့်လို့၊ ဒီလူနဲ့မတည့်လို့ - ဒါမျိုးဟာ အင်မတန်မှ သေးသိမ်တဲ့အမြင်တွေပဲလို့ ကျမ ထင်ပါတယ်။

ဦးကျော်ဇံသာ။           ။ ကျနော် နောက်ဆုံးတခု မေးခွင့်ပြုပါ။ အဲဒါက ရခိုင်ပြည်နယ်မှာ ဖြစ်ခဲ့တဲ့ Communal Violence လူအုပ်စုချင်း အကြမ်းဖက် ပဋိပက္ခတွေ ဖြစ်ခဲ့တာနဲ့ပတ်သက်ပြီးတော့ လူ့အခွင့်အရေး အဖွဲ့ဆိုတဲ့ အဖွဲ့ တချို့က ဒေါ်အောင်ဆန်းစုကြည်ကို ဝေဖန်ကြပါတယ်။ ဒီကိစ္စမှာ ဒေါ်အောင်ဆန်းစုကြည် တက်တက်ကြွကြွ မပြောပါလားဆိုပြီး။

ဒေါ်အောင်ဆန်းစုကြည်။         ။ တက်တက်ကြွကြွ မပြောပါလား- ဆိုတာက ဘာကို အခြေခံပြီး ပြော တာလဲတော့ မသိဘူးပေါ့နော်။ ကျမဆိုလို့ရှိရင် ပရော်ဖက်ဆာ ကင်တားနားနဲ့လည်း တွေ့ခဲ့တယ်။ ဟိုတလောဆိုရင်လည်း တူရကီနိုင်ငံရေးဝန်ကြီးနဲ့တွေ့တယ်။ ဒီကိစ္စတွေကို သေသေချာ ချာ ဆွေးနွေးကြတယ်။ လူ့အခွင့်အရေး ဘယ်လောက်အရေးကြီးတယ်ဆိုတာ ပြောတယ်။ ကျမတို့ရဲ့မူက လူ့အခွင့်အရေးနဲ့ တရားဥပဒေစိုးမိုးရေးဆိုတာ ခွဲခြားလို့ မရဘူး။
လူ့အခွင့်အရေး ကြေညာစာတမ်း နိဒါန်းမှာကို ပါပြီးသား၊

လူ့အခွင့်အရေးကို တရားဥပဒေစိုးမိုးခြင်းနဲ့ ကာကွယ်ရမယ်၊ စောင့်ရှောက်ရမယ်ဆိုတာ ပါပြီးသားပဲ။ ဒါပေမဲ့ ကျမတို့ကနေပြီးတော့ အခုအချိန်ခါမှာ ငြိမ်းချမ်းရေးရအောင်လို့ ပဋိက္ခတွေငြိမ်းအောင်လို့ လုပ်နေတာဟာ အစိုးရအဖွဲ့အစည်းက လုပ်နေတာ။ အုပ်ချုပ်ရေးအဖွဲ့က လုပ်နေတာ။ အဲဒီ အုပ်ချုပ်ရေးအဖွဲ့က လုပ်နေတဲ့ကိစ္စတွေကိုလည်း ကျမတို့က ထိခိုက်အောင်မလုပ်ချင်ဘူး။ တကယ်ပဲ တခုခုလုပ်နိုင်လို့ရှိလို့ရှိရင် ကျမတို့ လုပ်ပေးမယ်။ ဒါပေမဲ့ ကိုယ်က မလုပ်နိုင်ဘဲနဲ့ သက်သက်ဝေဖန်တဲ့ အလုပ်တွေလည်း ကျမတို့ မလုပ်ချင်ဘူး။ နောက်ပြီးတော့လည်း တဘက်နဲ့ တဘက် ပဋိပက္ခ ပိုပြီးတော့ ကြီးပွားစေမဲ့  အမျက် မုန်းတီးမှုတွေ ပိုပြီးတော့ ထောင်လွှားစေမယ့် အပြောတွေလည်း ကျမတို့ မပြောချင်ဘူး။

ဒီလို မပြောလို့ ဘက်လိုက်ပြီးတော့ မပြောလို့ ကျမတို့ကို မကျေနပ်ဘူးဆိုရင်တော့လည်း ကျမတို့ ခံရမှာပဲ။ ကျမ လန်ဒန်မှာတုန်းကပေါ့နော်။ အဲဒါကတော့ ကချင်ပြည်နယ်မှာ ဖြစ်နေတဲ့ကိစ္စနဲ့ ပတ်သက်လို့ပါ။ ကချင်လူငယ်တယောက်က ကျမကို ထပြီးတော့ ဝေဖန်ပါတယ်။ ကျမက ဘာဖြစ်လို့ တပ်ကို Condemnation ပေါ့နော်။ သူက အဲဒီလိုသုံးတယ်။ ဘာဖြစ်လို့ မရှုတ်ချသလဲပေါ့နော်။

ကျမက ပြောတယ်။ ကျမတို့က Condemnation အလုပ် လုပ်ချင်တာ မဟုတ်ဘူး။ Reconciliation အလုပ်ကို လုပ်ချင်တာ။ ပြန်လည်ရင်ကြားစေ့ရေး အလုပ်ကို လုပ်ချင်တာ။ ဘယ်သူ့ကိုမှ ရှုတ် ချပြီးတော့ တိုက်ခိုက်တဲ့အလုပ်ကို လုပ်ချင်တာ မဟုတ်ဘူး။ ဒီလိုလုပ်ခြင်းအားဖြင့် ပြန်လည် ရင်ကြားစေ့ရေးဆိုတာ မဖြစ်နိုင်ဘူး။ ဒီအတိုင်းပဲ ကျမတို့ကနေ နှစ်ဘက်စလုံးကို ကြည့်တဲ့နေရာမှာ လူ့အခွင့်အရေးနဲ့ တရားဥပဒေစိုးမိုးရေးကို အခြေခံပြီးတော့ ကျမတို့ကြည့်မယ်။

ဘယ်ဘက်ကိုမှ ကိုယ့်ရဲ့ နိုင်ငံရေးအကျိုးအမြတ်ထွက်ရေးအတွက် ဘက်လိုက်ပြီးတော့ ပြောတာမျိုး ကျမတို့ မလုပ်ဘူး။ ဒီလို ဘက်လိုက်ပြီး ပြောတာဟာ ပဋိပက္ခတွေကို ပြေငြိမ်းသွားစေမှာ မဟုတ် ဘူး။ နောက်ပြီးတော့လည်း အခု အုပ်ချုပ်ရေးဘက်ကနေ ကြိုးစားနေတဲ့ ကိစ္စတွေကိုလည်း မပြီးမြောက်သေးခင်ကို ကျမတို့အနေနဲ့ ပျက်စီးအောင်လို့၊ အခက်အခဲဖြစ်အောင်လို့ လုပ်ဖို့ ကျမတို့ ရည်ရွယ်ချက် မရှိဘူး။ ကျမတို့ ဘာလုပ်ပေးနိုင်တာရှိလဲ။ လုပ်ပေးနိုင်တာရှိရင် ကျမတို့ လုပ်ပေးမယ်။ ဒုက္ခသည်တွေကို ကျမတို့ တတ်နိုင်သမျှ ကူညီပါတယ်။ NLD က သိတဲ့အတိုင်းပဲ။ သိပ်ပြီး ချမ်းသာတဲ့ အဖွဲ့အစည်းတော့ မဟုတ်ပါဘူး။ ဒါပေမဲ့ ဒုက္ခသည်တွေကို တတ်နိုင်သမျှ ကျမတို့ အကူ အညီတွေ ပေးတယ်။ ဟိုဘက် ဒီဘက် မခွဲခြားဘဲနဲ့ ကျမတို့ အကူအညီပေးတယ်။ ကျမတို့ရဲ့ အကူ အညီ ကို အုပ်ချုပ်ရေးဘက်ကပဲ တောင်းတောင်း၊ တခြား အကူအညီတောင်းနိုင်ဘက်က တောင်းလို့ ကျမတို့မှာ ပေးနိုင်တဲ့အနေအထားမှာရှိရင်တော့ ကျမတို့က အဆင်သင့်ပါပဲ။

ဦးကျော်ဇံသာ (ဗွီအိုအေ)

နောက်ဆုံးရ သတင်း အပုဒ် (၅၀)

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
 

30 Days Stats

Sponsors

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

တစ်ပတ်အတွင်း စိတ်ဝင်စားဖွယ်ရာ သတင်းများ

ကျန်းမာရေးနှင့် ဖျော်ဖြေရေး

အင်္ဂလိပ်သတင်းများ