မန်း/စည်ပင်အတွင်းရေးမှူးသား ထိုးကြိတ်မှု ဖြစ်ရပ်မှန်

သစ်ထူးလွင်မှာတင်ထားတဲ့ သတင်းနဲ့ပတ်သတ်ပြီး အားလုံးကလဲသိချင်ကြမယ်ထင်တဲ့ အမှန်တကယ်ဖြစ်ခဲ့တဲ့အကြောင်းအရာတစ်ခုကိုပြောပြချင်ပါတယ်။

ဖြစ်ပုံကတော့ဒီလိုပါ။ အရိုက်ခံ၊အထိုးခံရတယ်ဆိုတဲ့ မထွယ်အောင် ရဲ့ညီမ မနူးနူးသော်ဆိုတာ မန်းစည်ပင်အတွင်းရေးမှူးရဲ့သား ချိုဌေးမောင်ရဲ့ ရည်းစားပါ။ ၃၁-၃-၂၀၁၂ နေ့ က မထွယ်အောင်နဲ့ညီမဖြစ်သူမနူးနူးသော်တို့စကားများ ကြပါတယ်။
စကားများရင်းကနေလက်ပါ ပါလာကြပြီး မထွယ်အောင်ကနေမနူးနူးသော်ကို ဆံပင်ဆွဲပါးရိုက်ပါတယ်။

အဲတာကိုမနူးနူးသော်ကမကျေနပ်လို့ ရည်းစားဖြစ်သူ ချိုဌေးမောင်ကိုဖုန်းဆက်ပြီးတိုင်ပါတယ်။အဲဒီမှာ ချိုဌေးမောင်က မထွယ်အောင်နဲ့ မနူးနူးသော် တို့ငှားနေတဲ့အိမ်ကိုရောက်လာပြီး မနူးနူးသော်နဲ့တွေ့ပါတယ်။ပြီးတော့အိမ်ထဲကပြန်အထွက် အပေါက်ဝရောက်တဲ့အချိန်မှာ မထွယ်အောင်နဲ့ ချိုဌေးမောင်တို့အပြန်အလှန်စကားများ ဆဲဆိုကြပြီး တစ်ယောက်နဲ့တစ်ယောက် လုံးထွေးသတ်ပုတ်ကြပါတယ်။

ချိုဌေးမောင်ကမထွယ်အောင်ကို လက်သီးနဲ့ထိုးသလို မထွယ်အောင်ကလည်း ချိုဌေးမောင်ရဲ့အင်္ကျီကိုဆွဲပြီး ဖိနပ်နဲ့ပါးရိုက်ပါတယ်။နောက်တော့ဘေးကလူတွေဝင်ဆွဲတာနဲ့ရန်ပွဲပြီးသွားပြီး တစ်ဖက်နဲ့တစ်ဖက်  အမှတ်(၉)ရဲစခန်းမှာ အပြန်အလှန် အပြန်အလှန် တရားစွဲကြပါတယ်။ဒီနေရာမှာသိစေချင်တာက ချိုဌေးမောင်ဘက်ကနေ အမှုဖွင့်ရာမှာသက်သေအဖြစ်နဲ့ လိုက်ပါတိုင်ကြားခဲ့တာက မထွယ်အောင်ရဲ့ ညီမ အရင်းဖြစ်တဲ့ မနူးနူးသော်ပါ။

တစ်ဖက်နဲ့တစ်ဖက် အပြန်အလှန်အမှုဖွင့်တဲ့အတွက် နှစ်ဘက်စလုံးတရားလိုနဲ့ တရားခံတွေပါပဲ။အဲတာကြောင့်နှစ်ဖက်စလုံးကို ရဲတွေကအမှုနဲ့စစ်ဆေးပြီးနှစ်ဖက်စလုံးကို အာမခံနဲ့ လွှတ်ပေးပြီး အမှုကိုတရားစွဲတင်ဖို့ဆက်လက်ဆောင်ရွက်နေပါတယ်။သူတို့တွေဖြစ်တဲ့အမှုကလည်း အာမခံပေးရမယ့်အမှုဖြစ်တဲ့အတွက် အမှုအတောအတွင်းမှာ နှစ်ဖက်စလုံးကိုအာမခံနဲ့ လွှတ်ထားတာပါ။

            ဒီဖြစ်စဉ်ကိုပြန်ပြီးသုံးသပ်ရမယ်ဆိုရင် ဒီအမှုမှာ လူတင်ပါလို့နွားကျားကိုက်တယ် ဆိုတဲ့စကားပုံလို မနူးနူးသော်က ဖုန်းဆက်ပြီးရည်းစားကိုတိုင်တဲ့အတွက် ချိုဌေးမောင်က ညီအစ်မ နှစ်ယောက်ကြားမှာဝင်ပြီး သူရဲကောင်း လုပ်တာပါ။နှစ်ဖက်စလုံးကလဲ ဒေါသကိုရှေ့ထားပြီးဖြေရှင်းကြတဲ့အတွက် ဒီလိုအမှုအခင်းတွေ ဖြစ်ကုန်တာပါ။မထွယ်အောင်ပြောသလို အကျီရင်ဘတ်ကိုဆွဲပြီး ထိုးကြိတ်ရိုက်နှက်တာမှန်ပေမယ့် ဘာအကြောင်းမှ မရှိဘဲလုပ်တယ် ဆိုတာကတော့ မဖြစ်နိုင်ဘူးဆိုတာ လူတိုင်းလဲတွေးမိမှာပါ။ချိုဌေးမောင်ဘက်က မိန်းကလေးတစ်ဦးကို ရိုင်းစိုင်းစွာ ထိုးကြိတ်ရိုက်နှက်ခဲ့သလို မထွယ်အောင်ကလည်း ပြန်ပြီးလက်တုန့်ပြန်ခဲ့ပါတယ်။

ကျွန်တော့်အမြင်ကတော့ ချိတ် ချိတ်ချင်းမို့ညှိကြတာပါ။မထွယ်အောင်ပြောသလို အကြောင်းမဲ့သက်သက်ဝင်ရိုက်တယ်ဆိုရင်ရပ်ကွက်ကလဲ ဒီအတိုင်းကြည့်နေမှာ မဟုတ်ပါဘူး။ နောက်ပြီး မထွယ်အောင်ပြောသလို အထက်က ဖိအားပေးလို့ အမှုမှန်ပေါ်ရေးအတွက် အနှောက်အယှက် အဟန့်အတားဖြစ်တယ်ဆိုတာ ကလည်း အခြေအမြစ် မရှိဘူးလို့ထင်ပါတယ်။ဒီအမှုဟာ ဆားပုလင်းနှင်းမောင်တို့ ၊ စုံထောက်ကြီးရှားလော့ဟုမ်း တို့ ၀င်စစ်ရလောက်မယ့် လျှို့ဝှက်နက်နဲတဲ့အမှုလည်းမဟုတ်ပါဘူး။ဒီဖြစ်ရပ်ကိုအကုန်မြင်တဲ့ သက်သေတွေလည်း ရှိပါတယ်။

မထွယ်အောင်က ရဲစခန်းကိုသွားမေးတော့ ဘယ်ရဲအရာရှိက အဲလိုပြောလိုက်တာလဲ။ဘယ်နေ့ကပြော လိုက်တာလဲ ။ တကယ်သွားမေးတာရောဟုတ်ရဲ့လား။ကိုယ့်စကားကိုယ် ဘယ်လောက်အထိတာဝန်ယူနိုင်သလဲ။ဒီလိုပြောနေလို့ကျွန်တော့်ကိုလည်း ဓားခုတ်ရာလက်ဝင်လျှိုတယ်မထင်ပါနဲ့။ကျွန်တော်ဘယ်ဘက်နဲ့မှ အမျိုးမ တော်ပါဘူး။

မထွယ်အောင် ထိုးကြိတ်ရိုက်နှက်ခံရတာမှန်ပါတယ်။ဒါပေမယ့် သူပြောသလို အကြောင်းမဲ့တော့မဟုတ်ပါဘူး။ သူပြောသလို ထိရောက်မှန်ကန်စွာအရေးယူပေးရန်နှင့်အများပြည်သူသိစေရန် ဆိုတဲ့နေရာမှာ သူကိုယ်တိုင်ကလည်း အများပြည်သူကို ပွင့်ပွင်းလင်းလင်း ရိုးရိုးသားသား ပြောပြဖို့လိုပါမယ်။ ချိုဌေးမောင်ကို အာမခံနဲ့လွှတ်ထားသလို မထွယ်အောင်ကိုလည်း အာမခံနဲ့ လွှတ်ပေးထားတာပါ။ငါ့စကား နွားရ ဆိုတဲ့ပုံမျိုးနဲ့ ပြည်သူကို အမှန်အတိုင်းမပြောဘဲ ရေးချင်ရာရေးလို့ပြီးရောလား။ဒီအမှုမှာ ချိုဌေးမောင် အပြစ်ရှိသလို မထွယ်အောင်မှာလဲအပြစ်ရှိပါတယ်။မထွယ်အောင်ဘက်ကလည်း  ရိုးသားမှုရှိစေချင်ပါတယ်။နှစ်ဦးနှစ်ဖက်စလုံး တရားရုံးမှာဥပဒေအတိုင်း ရင်ဆိုင်ရမှာပါ။တရားကိုနတ်စောင့်ပါတယ်။

အဖြစ်မှန်သိရှိသူတဦး ရေးသားပေးပို့ ထားတာပါ
Myanmar News Now

သစ်ထူးလွင် 5/19/2012 08:40:00 PM

ပြည်သူ့လွှတ်တော်ဥက္ကဌ သူရဦးရွှေမန်း လန်ဒန်ရောက်

ပြည်သူ့လွှတ်တော်ဥက္ကဌ သူရဦးရွှေမန်း နဲ့ ဘီဘီစီ မေးမြန်းခန်း

ဉရောပ နိုင်ငံတွေရှိ အနောက်တိုင်း ပါလီမန် တွေ လေ့လာရအောင် လန်ဒန်မြို့ကို ရောက်လာတဲ့ ပြည်သူ့လွှတ်တော်ဥက္ကဌ  သူရ ဦးရွှေမန်း က ဘီဘီစီ မြန်မာ ဌာန ကိုသီးသန့် တွေ့ဆုံ မေးမြန်းခွင့် ပေးရာမှာ အနောက်တိုင်း ပါလီမန် တွေနဲ့ မြန်မာ နိုင်ငံက ပြည်သူ့လွှတ်တော် ကို နှိုင်းယှဉ် ပြတဲ့ အချက်တွေ ရှင်းပြ သွားပါတယ်။

ပါလီမန် ရဲ့ အခန်းကဏ္ဍ ဟာ အရေးကြီးတဲ့ အတွက် အခုလို အနောက်တိုင်း ပါလီမန် တွေ လေ့လာခွင့် ရတဲ့ အခါမှာ ပြည်သူ့လွှတ်တော် လုပ်ငန်းမှာ ပိုမို အဆင်ပြေမယ့် သင်ခန်းစာတွေ၊ ဗဟုသုတတွေ ရခဲ့လို့ မြန်မာနိုင်ငံ အတွက် အကျိုးများစွာ ရှိကြောင်း ဘီဘီစီ ကို ပြောပြပါတယ်။

သင်ခန်းစာ ဆိုတဲ့ နေရာမှာ ဉရောပ နိုင်ငံတွေရဲ့ ပါလီမန် စနစ် တည်ဆောက်ရာမှာလည်း ကောင်းမွန်အောင်၊ ပြည့်စုံအောင် လုပ်ထားတဲ့ ကြားက လိုအပ်ချက်တွေ၊ အခက်အခဲ တွေ ရှိကြောင်း သက်ဆိုင်ရာ နိုင်ငံတွေ က ထုတ်ဖေါ်ပြောကြပုံ လည်း သူရ ဦးရွှေမန်း က ဘီဘီစီ ကို ပြောပါတယ်။

ဒါကြောင့်မို့ အရင်က ယူဆချက် တွေ အရ အနောက်တိုင်း ပါလီမန် တွေ အပေါ် ခန့်မှန်းချက် နဲ့ ကွာခြားချက် ဟာ သိပ်မကွာပဲ လုပ်နည်း ကိုင်နည်း ကွာတာသာ ရှိပုံလည်း ရှင်းပြပါတယ်။ဒါပေမယ့် မြန်မာနိုင်ငံမှာ လူထုကိုယ်စားပြုတဲ့ ပါလီမန် ဖြစ်လာဖို့ ကတော့ အချိန် စောသေးကြောင်း၊ မြန်မာ့ ဖွဲ့စည်းပုံ အခြေခံ ဉပဒေကို ၂ဝဝဂ ခုနှစ်က စတင် အသက်သွင်းပြီး၊ ၂ဝ၁၁ ခု နှစ် ကမှ လက်တွေ့ကျင့်သုံးတဲ့ အတွက် အချိန်ယူရဉီးမယ်၊ တွေ့ရှိချက်တွေ အပေါ် မူတည်ပြီး သက်ဆိုင်ရာ ပါလီမန် နဲ့ ပြည်သူ ရဲ့ အဆုံးအဖြတ် အပေါ် မူတည်ကြောင်း၊ အခြေခံ ဉပဒေ ကို ပြင်ဆင်ဖို့ ပြဌာန်းထားတဲ့ ဉပဒေ တွေလည်း ရှိပြီးသားမို့ ကျိုးကြောင်းညီညွတ်ရင် ပြင်ဆင်နိုင်တဲ့ အနေအထား ရှိပါတယ် လို့လည်း ဘီဘီစီ ကို သူရ ဦးရွှေမန်း က ပြောပါတယ်။

NLD နဲ့ ပူးပေါင်း ဆောင်ရွက်ရေး အပိုင်းမှာလည်း လွှတ်တော်ထဲမှာ ပါတီစွဲ၊ ဝါဒစွဲ၊ ဒေသစွဲ၊ လူမျိုးစွဲ၊ ကိုးကွယ်တဲ့ အယူဝါဒ ကို အဓိက မထားပဲ နိုင်ငံ အတွက် အကျိုးများ မယ့် လုပ်ငန်းတွေ အဓိက ထားကြမယ် လို့ ယုံကြည် ကြောင်း ပြောပါတယ်။တပ်မတော်သားတွေ ပါလီမန်ထဲ မပါဝင်ရမယ့် အချိန်ကို ပြောဖို့တော့ စောသေးကြောင်း ၊ စစ်တပ်ထဲမှာလည်း ဒီမိုကရေစီ အပြည့်အဝ ရှိကြောင်းတွေ ဘီဘီစီ ကို သူရ ဦးရွှေမန်း က ပြောပါတယ်။
ဘီဘီစီ

သစ်ထူးလွင် 5/19/2012 08:14:00 PM

မင်္ဂလာဒုံ ADK အထည်ချုပ် လုပ်သားများ အခွင့်အရေး တောင်းဆို

ရန်ကုန်၊ မေ ၁၉

လုပ်ခလစာ ပြသနာဖြင့် ဆန္ဒပြမှုများ ဆက်တိုက် ဖြစ်ပေါ်နေသော ရန်ကုန်မြို့တော် မင်္ဂလာဒုံ စက်မှုဇုန်ရှိ A Dream of Kindness အထည်ချုပ် စက်ရုံတွင် လုပ်ခလစာ တိုးမြင့်ပေးရန်၊ အလုပ်သမား အခွင့်အရေးများ တောင်းဆိုနေကြကြောင်း အဆိုပါစက်ရုံ အလုပ်သမားများက ပြောကြားသည်။

အနိမ့်ဆုံးလစာ ရှစ်သောင်းကျော် ရရှိရန် တောင်းဆိုသွားမည် ဖြစ်ကြောင်း ၎င်းတို့က ဆိုသည်။

အလုပ်သမားများ လုပ်ခလစာ တိုးမြင့်ပေးရန်၊ အများပြည်သူ အလုပ်ပိတ်ရက် အစိုးရ ရုံးပိတ်ရက် များတွင် အလုပ်ပိတ်ပေးရန်၊ All Night (ညလုံးပေါက်) အလုပ်ကို အလုပ်သမား ဆန္ဒပါမှသာ လုပ်ကိုင်စေရန်၊ လုပ်ငန်းခွင် သာယာမှု ရှိစေရန်၊ အလုပ်သမား သမဂ္ဂ ဖွဲ့စည်းခွင့် ရရန် စသည့် အချက်များ အပါအဝင် အချက်များစွာကို တောင်းဆိုထားကြောင်း ယင်းအလုပ်သမားများက ပြောကြားသည်။

အလုပ်သမားများ လစာ တစ်လလျှင် ရက်မှန်ကြေး၊ အချိန်ပိုကြေး၊ Bonous (ဆုကြေး) အပါအဝင် စုစုပေါင်း ကျပ်လေးသောင်းကျော် ဝန်းကျင်မှ ကျပ်ခြောက်သောင်း ဝန်းကျင် အထိသာ ရရှိနေသဖြင့် စားဝတ်နေရေး အဆင်မပြေသဖြင့် ယင်းသို့ တောင်းဆိုခြင်း ဖြစ်ကြောင်း ၎င်းတို့က ပြောကြားသည်။

“လစာထုတ်ရင် အိမ်ပို့နိုင်ဖို့က ဝေးသေး။ အကြွေးတောင် မဆပ်နိုင်ဘူး” ဟု အလုပ်သမား တစ်ဦးဖြစ်သူ ဦးနိုင်ထွန်းလင်းက ရှင်းပြသည်။

ယင်းပြဿနာကို မင်္ဂလာဒုံမြို့နယ် အလုပ်သမား ကြီးကြပ်ရေးရုံးကို တင်ပြတောင်းဆိုခဲ့ သော်လည်း မေလ ၁၇ ရက်နေ့တွင် မြို့နယ်ဝါဏိဇ္ဇ ပဋိပက္ခ ကော်မတီကို လွှဲပြောင်းလိုက်ပြီ ဖြစ်ကြောင်း ယင်းအလုပ်သမားများက ဆိုသည်။

အထက်ပါ ကိစ္စရပ်များနှင့် ပတ်သက်၍ A Dream of Kindness အထည်ချုပ် စက်ရုံကို ဖုန်းဆက်သွယ်သော်လည်း အဆက်သွယ် မရရှိသေးပေ။

အဆိုပါ စက်ရုံသည် မင်္ဂလာဒုံ ဥယျာဉ်မြို့တော်တွင် တည်ရှိပြီး စက်ရုံ အလုပ်သမား ၃၀၀၀ ကျော် ရှိကြောင်း အလုပ်သမားများထံမှ သိရသည်။

ရန်ကုန်မြို့တော် စက်မှုဇုန်များတွင် မေလ လဝက်အတွင်း စက်ရုံ ၁၀ ရုံကျော်တွင် ဆန္ဒပြမှု အကြိမ်ကြိမ် ဖြစ်ပွားလျှက် ရှိသည်။
The Voice Weekly

သစ်ထူးလွင် 5/19/2012 08:03:00 PM

ဗိုလ်ချုပ်မှုးကြီးရဟတ်ယာဥရပ်ရန်အသုံးပြုခံခဲ့ရသည့် လယ်ယာမြေများလျော်ကြေးမရသေး

မန္တလေး မေ(၁၉)ရက်
မန္တလေးတိုင်းဒေသကြီး ကျောက်ဆည်မြို့နယ် မင်းစုကျေးရွာတွင် ၂၀၁၀ ခုနှစ်ဧပြီလက ဗိုလ်ချုပ်မှူးကြီးသန်းရွှေလာရောက်စဉ် ရဟတ်ယာဉ်ရပ်နားရန် ခေတ္တအသုံးပြုခဲ့သာ လယ်ယာမြေ ၀.၄၃ဧက အတွက် လျော်ကြေးမရရှိသေးကြောင်း သတင်းရရှိသည်။
“ ရပ်ကွက်က လူကြီးတွေက ခဏပါဆိုလို့ ပေးဌားလိုက်တာ။ ဗိုလ်ချုပ်မှူးကြီးလာပြီးသွားတော့လည်း မြေကိုပြန်မပေးဘူး။ ဒါနဲ့ ညှိုနှိုင်းပေးဖို့တောင်းဆိုတော့ ၂၀၁၁ခုနှစ် တစ်လပိုင်း လေးရက်နေ့မှာ စက်ရုံမှူးတို့ ရပ်ကွက်ဥက္ကဌတို့ ရပ်မိရပ်ဖတွေက ညှိုနှိုင်းပေးပြီး လျော်ကြေးငွေ ဆယ့်တစ်သိန်း( ၁၁သိန်း)ကို စက်ရုံမှူးကနေ ရရှိအောင်ဆောင်ရွက်ပေးရန် ဆိုပြီး ဆုံးဖြတ်လိုက်ကြတယ်။ ဒါပေမယ့် ခု တစ်နှစ်ခွဲလောက်ရှိလာတာတောင် လျော်ကြေးမရသေးပါဘူး”ဟု အဆိုပါ လယ်ယာမြေပိုင်ရှင်ဖြစ်သူ ဦးဝင်းမြင့်၏ သမီး မခင်မျိုးဦးက ပြောသည်။ ဗိုလ်ချုပ်မှူးကြီးသန်းရွှေ(ငြိမ်း)သည် ထိုအချိန်က ကျောက်ဆည်မြို့နယ် မင်းစုကျေးရွာတွင်ရှိသော ဆေးဝါးစက်ရုံ၊ ကြွေရည်သုတ်စက်ရုံ တို့ထံ ရဟတ်ယာဉ်ဖြင့် လာရောက်လျှင် ဆင်းသက်ရန်အတွက် အဆိုပါကျေးရွာတွင် ရှိသော စက်ရုံအနီးနားရှိ လယ်မြေကွက်ကို ခေတ္တအသုံးပြုခဲ့ခြင်းဖြစ်သည်ဟု ဒေသခံတစ်ဦးက ပြော သည်။

 7Day News Journal

သစ်ထူးလွင် 5/19/2012 07:48:00 PM

မနန်းဝိုးဖန်၏ ဂျပန်နိုင်ငံသားခင်ပွန်းကို စသုံးလုံးမှ ဖမ်းဆီး

မေလ ၁၉ ရက်၊ ၂၀၁၂ ခုနှစ်
ကျော်စိုးလင်း-အိမ့်ခိုင်ဦး (YPI)

လွန်ခဲ့သည့် မတ်လ ၂၄ ရက်နေ့က စသုံးလုံးရုံး ငါးထပ်မှ ပြုတ်ကျသေဆုံးခဲ့ရသည့် မနန်းဝိုးဖန်၏ ခင်ပွန်း ဂျပန်နိုင်ငံသား မစ္စတာနာမာဆဲကို ၁၉၅၀ ခုနှစ်အရေးပေါ် အက်ဥပဒေပုဒ်မ ၅ (ဇ) ဖြင့် စွဲဆိုကာ ဖမ်းဆီးလိုက်သည်ဟု သိရှိရသည်။

၎င်း ဂျပန်နိုင်ငံသားနှင့် အတူ အိမ်ခြံမြေ ပွဲစားလုပ်ပေးသူ ဦးသိန်းနိုင်၊ ယူနတီ အိမ်ခြံမြေကုမ္ပဏီမှ ၀န်ထမ်း အချို့တို့ကို မေလ ၁၇ ရက်နေ့က လှိုင်သာယာမြို့နယ် တရားရုံးတွင် ယင်းပုဒ်မ ၅ (ဇ) ဖြင့် ရီမန် တပတ်ယူကာ ဖမ်းဆီးခဲ့ခြင်း ဖြစ်သည်ဟု စုံစမ်းသိရှိရသည်။ စသုံးလုံးဘက်မှ ရီမန် အများဆုံး ၂ ပတ် (၂၈ ရက်) ယူခွင့်ရှိသဖြင့် ယင်းကာလအတွင်း အမှုတည်ဆောက်ကာ ရုံးတင်စွဲဆိုသွားမည်ဟုလည်း သိရသည်။

မနန်းဝိုးဖန် ၏ ခင်ပွန်းကို လိုက်လံကူညီနေပေးလျှက်ရှိသူ အမျိုးသား လွှတ်တော် ကိုယ်စားလှယ် ဦးဖုန်းမြင့်အောင်က ` အခုစွဲဆိုချက်ကို နေပြည်တော် ပြည်ထောင်စုရှေ့နေချုပ်ရုံးက  ပုဒ်မတပ်ပေးခဲ့တာ၊ မေလ ၁၄ ရက်နေ့က မစ္စတာ နာမာဆဲနဲ့ ကျွန်တော်တို့ နေပြည်တော်မှာ ပြည်ထဲရေးရုံးနဲ့ ပြည်ထောင်စုရှေ့နေချုပ်ရုံးကို သွားခဲ့သေးတယ်´ ဟု YPI သို့ပြောသည်။

သွားရောက်တွေ့ဆုံသည့် ကိစ္စမှာ မေလ ၃ ရက်နေ့က  မစ္စတာ နာမာဆဲ ဂျပန်နိုင်ငံသို့ ပြန်မည်ပြုစဉ် လေဆိပ် လူဝင်မှုကြီးကြပ်ရေးမှ တားဆီးထားခဲ့ရာ တားဆီးထားသည့် အကြောင်းရင်းကို မေလ ၁၃ ရက်နေ့တွင် ရန်ကုန် စသုံးလုံးနှင့် လ၀ကတို့တွင် မေးမြန်းရာ ၎င်းတို့က နေပြည်တော်သို့ မေးရန်ညွှန်လိုက်သဖြင့် ၎င်းနှင့် မစ္စတာ နာမာဆဲတို့ နေပြည်တော်သို့ မေးမြန်းဖို့ သွားရောက်ခဲ့ကြခြင်းဖြစ်သည်ဟု ပြောသည်။

စသုံးလုံး ဘက်မှ ယခုပုဒ်မဖြင့်စွဲဆိုသည့် အဓိက အချက်မှာ မစ္စတာ နာမာဆဲက ၎င်းပိုင်ငွေကြေးကို ဂျပန်နိုင်ငံမှ မနန်းဝိုးဖန်သို့ တရားမ၀င်နည်းလမ်းဖြင့် ပေးအပ်ပြီး အိမ်ခြံမြေများ ၀ယ်ယူခဲ့သည့် အပေါ် နိုင်ငံစီးပွားရေး ထိခိုက်စေသည် ဆိုသည့် စွဲဆိုချက်ဖြင့် ဖမ်းဆီးလိုက်ခြင်းဖြစ်သည်။

ယခုကဲ့သို့ စသုံးလုံးမှ မနန်းဝိုးဖန်၏ ခင်ပွန်းအပါအ၀င် အိမ်ခြံမြေ အကျိုးဆောင်များကို ဖမ်းဆီးခြင်းမှာ မနန်းဝိုးဖန် စသုံးလုံး ရုံး ငါးထပ်မှ ပြုတ်ကျ သေဆုံးခဲ့သည့်အဖြစ်အပျက်အပေါ် လူသိရှင်ကြား သတင်းစာရှင်းလင်းပွဲ ပြုလုပ်ခြင်း၊ မိသားစုဝင်များက စသုံးလုံးအား တရားစွဲဆိုနိုင်မည့် အချက်အလက်စုဆောင်း ပြင်ဆင်လျှက်ရှိသည်ကို လက်တုံ့ပြန်ခြင်းဖြစ်နိုင်သည်ဟု ရန်ကုန်မြို့ ရှေ့နေအသိုင်းအ၀ိုင်းမှ ဝေဖန် ပြောဆိုလျှက်ရှိသည်။

မတ်လ ၂၈ ရက်နေ့က မနန်းဝိုးဖန်၏ ခင်ပွန်းဖြစ်သူနှင့် ဖခင်၊ ရှေ့နေ ဒေါ်အိအိအောင်တို့ သတင်းစာရှင်းလင်းပွဲ ပြုလုပ်စဉ် တွေ့မြင်ရသည့် မစ္စတာ နာမာဆဲ (၀ဲဘက်တွင် ထိုင်နေသူ) ၊

ယခုလောလောဆယ်တွင် မနန်းဝိုးဖန် သေဆုံးရသည့် အဖြစ်အပျက်အတွက် ကျောက်တံတား ရဲစခန်းမှ တရားလိုပြုလုပ်ကာ သေမှုသေခင်းပြစ်မှုဖြင့် စတင်စစ်ဆေး နေပြီဖြစ်သကဲ့သို့ မနန်းဝိုးဖန်သေဆုံးရသည့် အဖြစ်အပျက်အတွက် ၎င်း၏ ဖခင်ဖြစ်သူက စသုံးလုံး အဖွဲ့မှ တာဝန်ရှိသူများကို တရားစွဲဆိုရန် ရှေ့နေငှားကာ ပြင်ဆင်နေစဉ် ယခုကဲ့သို့ စသုံးလုံးဖက်မှ မနန်းဝိုးဖန်ခင်ပွန်းဖြစ်သူကို ပုဒ်မတပ်ဖမ်းဆီး လိုက်ခြင်းဖြစ်သည်ဟု ဦးဖုန်းမြင့်အောင်က ပြောသည်။

ဂျပန်နိုင်ငံသံရုံးမှ ၎င်းတို့ နိုင်ငံသား ဖြစ်သူအား တွေ့ခွင့်ရရှိရေးအတွက် ကြိုးစားလျှက်ရှိပြီး ယခုလောလောဆယ် မစ္စတာနာမာဆဲကို အင်းစိန်ထောင်တွင် ချုပ်နှောင်ထားရှိသည်ဟု စုံစမ်းသိရှိရသည်။

မနန်းဝိုးဖန် မတ်လ ၂၄ ရက်နေ့ သေဆုံးရသည့် အမှုကိစ္စကို တရားဝင်ခုံရုံးဖွဲ့စစ်ဆေးလျှက်ရှိသည်ဟု မတ်လ ကုန်ပိုင်းတွင် ရန်ကုန်တိုင်း အစိုးရအဖွဲ့မှ ဗိုလ်မှူးကြီး တင်ဝင်းက ပြည်တွင်း အပတ်စဉ် ဂျာနယ်တစောင်သို့ ပြောကြားခဲ့သည်။                ။

စသုံးလုံး မှ ၄ ရက်ကြာ ခေါ်ယူစစ်ဆေးနေစဉ် ငါးထပ်ပေါ်မှ ပြုတ်ကျသေဆုံးခဲ့ရသူ မနန်းဝိုးဖန် ၊ ယင်းအမှုကို ကျောက်တံတား ရဲစခန်းမှ တရားလိုပြုလုပ် စစ်ဆေးနေသည်ဟု သိရှိရသည်။

သစ်ထူးလွင် 5/19/2012 07:30:00 PM

ပြည်ပရောက် မြန်မာနိုင်ငံသားတွေအတွက် မြန်မာသံရုံး တံခါးဖွင့်ထား

ဓာတ်ပုံ Kyae Mon

မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ကို နယူးယောက်မြို့ရှိ မြန်မာသံရုံးတွင် ဒေါ်ခင်စိုးဝင်း(ဗွီအိုအေ-မြန်မာဌာန) မှ သီးသန့်တွေ့ဆုံမေးမြန်းစဉ်။ (မေလ ၁၈ ရက်၊ ၂၀၁၂။)

အမေရိကန်ပြည်ထောင်စုက မြန်မာနိုင်ငံနဲ့ သံအမတ်ကြီးအဆင့် ပြန်လည်ဆက်ဆံပြီး ပိတ်ဆို့ မှုတွေ လျှော့ပေါ့ပေးခြင်းအားဖြင့် မြန်မာလူထုအတွက် အခွင့်အလမ်းကောင်းတွေ ပေါ်လာနိုင်မယ် လို့ မျှော်လင့်သလို နိုင်ငံတကာ အသိုင်းအ၀ိုင်း အထူးသဖြင့် အနောက်နိုင်ငံတွေက မြန်မာနိုင်ငံရဲ့ အပြောင်း အလဲကို ပိုမိုအသိမှတ်ပြု နားလည်သဘောပေါက်လာမှာဖြစ်လို့ အရေးပါကြောင်း မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်က ပြောဆိုလိုက်ပါတယ်။ ပြည်ပရောက် မြန်မာနိုင်ငံသားတွေ ပြည်တော်ပြန်ရေး အဆင်ပြေအောင် သံရုံးအသီးသီးကို ညွှန်ကြားထားကြောင်းလည်း ပြောပါတယ်။ နယူးယောက်မြို့ ကုလသမ္မဂဆိုင်ရာ မြန်မာအမြဲတန်း ကိုယ်စားလှယ်အဖွဲ့ရုံးမှာ နိုင်ငံခြားရေးဝန်ကြီး ဦးဝဏ္ဏမောင်လွင်ကို ဗွီအိုအေ မြန်မာဌာနရဲ့အယ်ဒီတာအဖွဲ့ဝင်တဦးဖြစ်တဲ့ ဒေါ်ခင်စိုးဝင်းက သီးသန့်တွေ့ဆုံ မေးမြန်းထားပါတယ်။
ဒေါ်ခင်စိုးဝင်း ။ ။ မြန်မာနိုင်ငံရဲ့ ပြုပြင်ပြောင်းလဲမှုတွေကို အသိအမှတ်ပြုပြီးတော့ EU ဥရောပ သမ္မဂ တို့၊ နောက် အမေရိကန် ပြည်ထောင်စုတို့ကနေပြီးတော့ အရင်တုန်းက တားဆီးပိတ်ဆို့ထားတာတွေ ကို ဖြေလျှော့ပေးပါတယ်။ တချို့ဆိုလို့ရှိရင် EU ဥရောပသမ္မဂဆိုလို့ရှိရင် လုံးဝ ရုပ်သိမ်းပေးလိုက်တဲ့ သဘော ရှိပါတယ်။ အမေရိကန်ပြည်ထောင်စုအနေနဲ့ကတော့ ယာယီဆိုင်းငံ့တဲ့သဘော ဖြစ်ချင်လည်း ဖြစ်မယ်၊ အဲဒီအခါကျတော့ အမေရိကန်နဲ့ မြန်မာနိုင်ငံရဲ့ဆက်ဆံရေးက ဒီလိုမျိုး တိုးတက်ကောင်းမွန် လာ တာ မြန်မာနိုင်ငံရဲ့ အခြေအနေနဲ့ပတ်သက်ပြီး ဘယ်လောက်အထိ အရေးပါတယ်လို့များ ယူဆပါသလဲရှင့်။
ဦးဝဏ္ဏမောင်လွင် ။     ။“နိုင်ငံတော်ရဲ့ နိုင်ငံရေးစနစ်၊ စီးပွားရေးစနစ် အသွင်ကူးပြောင်းမှုတွေကို အား တက်သရော ပြုပြင်ပြောင်းလဲမှုတွေ အရှိန်အဟုန်နဲ့လုပ်လာတဲ့အခါမှာ ဒီနိုင်ငံကြီးတွေ က နေပြီးတော့ မြန်မာနိုင်ငံရဲ့ ဖြစ်ပေါ်တိုးတက်မှုတွေကို သူတို့အနေနဲ့ အလွန်ပဲ ချီးကျူးတယ်၊ အသိ အမှတ်ပြုတယ်။ ဘာ့ကြောင့်လဲ၊ သူတို့မျှော်လင့်ထားတဲ့ ခြေလှမ်းတွေထက် ပိုပြီးတော့ ကျနော်တို့ က မြန်ဆန်စွာနဲ့ နိုင်ငံတော်ရဲ့ ပြုပြင်ပြောင်းလဲမှုကဏ္ဍကို- အထူးသဖြင့်တော့ ပြည်သူလူထုရဲ့ ဆန္ဒဖြစ်တဲ့ ပါတီစုံ ဒီမို ကရေစီစနစ်ကို နိုင်ငံရေးအရလည်း လက်တွေ့ တည်ဆောက်တယ်။ လူတွေရဲ့ လူမှုစီးပွားရေးဘဝ ဖွံ့ဖြိုးတိုးတက်ဖို့အတွက်ကိုလည်း ကျနော်တို့က အားတက် သရော၊ နေ့စဉ်နဲ့ အမျှ ဆောင်ရွက်နေ တာ ဖြစ်တဲ့အတွက်ကြောင့်မို့လို့ ဒီ နိုင်ငံကြီးတွေကလည်းပဲ အသိအမှတ်ပြုလာခဲ့ပြီးတော့ မြန်မာနိုင်ငံနဲ့ ဆက်ဆံရေး သူတို့ဘက်ကလည်းပဲ ဖြေလျှော့မှုတွေ လုပ်လာတယ်။
ဒီလို လုပ်တဲ့အတွက်ကြောင့် ပြည်သူလူထုရဲ့ လူမှုစီးပွားရေးဘဝ ဖွံ့ဖြိုးတိုးတက်ရေးမှာ အထူးသဖြင့် စီးပွားရေးပိုင်းမှာ ပိုပြီးတော့ တိုးတက်ဖို့၊ လျှင်မြန်ဖို့ ဖြစ်လာမယ်။ ကျနော်တို့နိုင်ငံရဲ့ ဖွံ့ဖြိုးတိုးတက်ရေး လုပ်ငန်း စီမံချက်တွေမှာလည်းပဲ ပိုပြီးတော့ အရှိန်အဟုန်ရလာမယ်။ ဒါဆိုရင် လူတွေရဲ့ လူမှုစီးပွားရေး ဘဝ တိုးတက်ဖို့အတွက်ကို တဘက်တလမ်းကနေပြီးတော့ အထောက်အကူ ပြုပေးလာမယ့် အနေ အထားတွေ ရှိပါတယ်။ ဒါကြောင့်မို့လို့ နိုင်ငံတော်အနေနဲ့ကတော့ နိုင်ငံအားလုံးနဲ့ ချစ်ကြည်ရင်းနှီးစွာ ဆက်ဆံရေးကို ဆက်လက် ထိန်းသိမ်းပြီးတော့ မိမိအပေါ်မှာ ပြန်လည်ရင်းနှီးလာအောင်၊ နွေးထွေးလာအောင် လက်ကမ်း လာတဲ့ နိုင်ငံကြီးတွေနဲ့လည်းပဲ ကျနော်တို့အနေနဲ့ နွေးထွေးတဲ့ ဆက်ဆံရေးတွေကို ထူထောင်သွားပြီးတော့ အဓိက-ကတော့ ကျနော်တို့ပြည်သူတွေရဲ့ အလုပ်အကိုင် အခွင့်အလမ်းတွေ ရရှိလာဖို့၊ စီးပွားရေးဘဝတွေ၊ လူနေမှုအဆင့်အတန်းတွေ ပိုပြီး မြင့်မားလာဖို့ အတွက် ဒီလို နိုင်ငံအများအပြားနဲ့ ပူးပေါင်းဆောင်ရွက် တာတွေဟာ လိုအပ်နေတဲ့အချိန် ဖြစ်ပါတယ်။
ဒါကြောင့်မို့လို့ အခုအချိန်မှာ နိုင်ငံကြီးတွေနဲ့ဆက်ဆံရေး တိုးတက်လာတာဟာ နိုင်ငံတော်အတွက် အားရ ဖို့ ကောင်းတယ်၊ အထူးသဖြင့် ပြည်သူလူထုရဲ့ အခွင့်အလမ်းတွေ ပိုပိုပြီးတော့ ရလာမယ်။ လုပ်ငန်း ကိုင် ငန်းတွေလည်း တိုးတက်လာမယ်။
တခါ ကျနော်တို့လိုချင်တဲ့ လယ်ယာကို အခြေခံတဲ့ စက်မှုနိုင်ငံအဖြစ် ပြောင်းလဲဖို့မှာလည်း ကျနော်တို့ အတွက် အထောက်အကူ ဖြစ်လာမယ်၊ ဒီလို တိုးတက်မှု အခြေအနေတွေ ဟာ နိုင်ငံတော် အတွက်၊ ပြည်သူ လူထုအတွက် ကောင်းတဲ့အခွင့်အလမ်းတွေ ပေါ်ပေါက်လာလိမ့်မယ်လို့ မျှော်လင့်လို့ ရပါတယ်။”
ဒေါ်ခင်စိုးဝင်း ။ ။ အဲဒီတော့- အခု အမေရိကန်ပြည်ထောင်စုကနေပြီးတော့ အမေရိကန် ကုမ္ပဏီကြီး တွေကို ရင်းနှီးမြှုပ်နှံကြပါလို့ ဝန်ကြီး ဟီလာရီကလင်တန်ကလည်း တိုက်တွန်းသွားတာ ကြားရပါ တယ်။ ပြီးတော့ အမေရိကန်နိုင်ငံရဲ့ ရင်းနှီးမြှုပ်နှံမှုတွေများ ဘယ်လိုမျိုး လာပြီး မြှုပ်နှံမယ့် အလားအလာရော ရှိတယ်လို့ ယူဆလို့ရပါသလဲရှင့်။
ဦးဝဏ္ဏမောင်လွင် ။     ။ “ကျနော်တို့အနေနဲ့ကတော့ နိုင်ငံတကာ ရင်းနှီးမြှုပ်နှံမှုတွေကို ဖိတ်ခေါ်နေပါ တယ်။ မြန်မာနိုင်ငံရဲ့ သဘာဝအရင်းအမြစ် သယံဇာတတွေ ပေါကြွယ်ဝမှုကလည်း ကမ္ဘာသိဖြစ်နေ တယ်။ အဲဒီအတွက်ကြောင့်မို့လို့ မြန်မာ့ရင်းနှီးမြှုပ်နှံမှု ကော်မရှင်ကလည်းပဲ ရင်းနှီးမြှုပ်နှံမှုဆိုင်ရာ နည်းဥပဒေတွေနဲ့ ပတ်သက်ပြီးတော့လည်း ပြုပြင်ပြောင်းလဲမှုတွေ ဆောင်ရွက်ပေးပြီးတော့ နိုင်ငံတကာကနေ ရင်းနှီးမြှုပ်နှံမှုတွေ လာရောက်လုပ်ကိုင်နိုင်တဲ့ အခြေအနေကောင်းတွေ ရရှိအောင် ဖန်တီးပေးနေတဲ့ အနေအထားရှိပါတယ်။ ဒါကြောင့်မို့လို့ ဌာနပေါင်းစုံ၊ ဘက်ပေါင်းစုံမှာ သူတို့စိတ်ဝင်စား ရင် စိတ်ဝင်စားတဲ့အခန်းကဏ္ဍတွေမှာ လာရောက်ရင်းနှီးမြှုပ်နှံဖို့ အခွင့်အလမ်းတွေ ရရှိလာမှာ ဖြစ်ပါတယ်။”
ဒေါ်ခင်စိုးဝင်း ။ ။ ဟုတ်ကဲ့- အထူးသဖြင့် အမေရိကန် ကုမ္ပဏီ၊ ဥပမာ -ရေနံကုမ္ပဏီမျိုးတွေလိုပေါ့နော်။ သူတို့အနေနဲ့ စိတ်ဝင်စားတယ်လို့ရော ကြားမိပါလားရှင့်။
ဦးဝဏ္ဏမောင်လွင် ။     ။ “ကျနော်တို့အနေနဲ့ကတော့ စီးပွားရေးကဏ္ဍပိုင်းမှာ ဘက်ပေါင်းစုံ က၊ နိုင်ငံ ပေါင်းစုံက လာရောက်ပြီးတော့ ကမ်းလှမ်းနေတဲ့ အနေအထားရှိပါတယ်။ မနေ့က ဝန်ကြီး ကလင်တန် ပြောသွားတဲ့အထဲမှာလည်း သူတို့အနေနဲ့ ရေနံနဲ့သဘာဝဓာတ်ငွေ့ပိုင်းဆိုင်ရာ ကဏ္ဍတွေ၊ သတ္ထု တွင်း ပိုင်းဆိုင်ရာ ကဏ္ဍတွေမှာ သူတို့အနေနဲ့ စိတ်ဝင်စားမှု ရှိတယ်၊ ရင်းနှီး မြှုပ်နှံမှုတွေ လုပ်ကိုင်မယ့် အလား အလာတွေရှိတယ်လို့ ထည့်သွင်းပြောကြားသွားတာလည်း ရှိပါတယ်။
အဲဒီတော့ ကျနော်တို့ဘက်ကလည်း ချမှတ်ထားတဲ့ မူဝါဒတွေနဲ့အညီ ရင်းနှီးမြှုပ်နှံမှု ကော်မရှင်နဲ့ သက်ဆိုင်ရာဝန်ကြီးဌာနတွေနဲ့ ဆက်လက်ပြီးတော့ ထိတွေ့သွားမယ် ဆိုရင်တော့လည်း လုပ်ငန်း ကိုင်ငန်းတွေ ရှေ့မှာ ပေါ်ပေါက်လာစရာတွေရှိမယ်လို့ မျှော်လင့်လို့ရပါတယ်။ ”
ဒေါ်ခင်စိုးဝင်း ။ ။ အခု နိုင်ငံတော် သမ္မတကြီးက ဒုတိယ အကြိမ်ထပ်ပြီး ပြောတာ- ပြည်ပရောက် မြန်မာနိုင်ငံ သားတွေ မြန်မာနိုင်ငံကို ပြန်လာကြပါ၊ မြန်မာနိုင်ငံရဲ့ ဖွံ့ဖြိုးတိုးတက်မှုလုပ်ငန်းတွေကို ဝိုင်းဝန်းကူညီနိုင်ကြပါ တယ် ဆိုပြီး ဖိတ်ခေါ်ထားတာရှိပါတယ်။ ဝန်ကြီးတို့အနေနဲ့ သီးခြားပေါ့နော်- သက်ဆိုင်ရာ သံရုံးအသီးသီးကို ဘာတွေများ ညွှန်ကြားထားတာ ရှိပါသလဲ ရှင့်။ ပြည်ပရောက် မြန်မာနိုင်ငံ သားတွေ မြန်မာပြည်ပြန်တဲ့ အခါ မှာပေါ့လေ အဆင်ပြေချောမွေ့အောင် ဆိုပြီးတော့-
ဦးဝဏ္ဏမောင်လွင် ။     ။ “ပြည်ပရောက် မြန်မာနိုင်ငံသားတွေရဲ့ အဆင်ပြေ ချောမွေ့ရေးနဲ့ ပတ်သက် ရင်တော့ နိုင်ငံခြားရေးဝန်ကြီးဌာန သံရုံးများ- အဖွဲ့ရုံးများရဲ့ တာဝန်ဝတ္တရားထဲ မှာ ပြည်ပရောက် မြန်မာ နိုင်ငံ သားတွေရဲ့ အကျိုးစီးပွားကို ကူညီဆောင်ရွက်ပေးဖို့၊ ကာကွယ်ပေးဖို့ ဆိုတာကို တာဝန်တရပ် ပြဌာန်းထား ပါတယ်။ ဒီဟာနဲ့အညီလည်း သံရုံးတွေက ဆောင်ရွက်ပေးနေ တာ ဖြစ်ပါတယ်။ ပြည်ပမှာ ရောက်နေကြတဲ့ အထဲမှာ မိမိရဲ့ အသက်မွေးဝမ်းကျောင်းမှုအရကြောင့်ဖြစ်စေ၊ ရေကြည်ရာ၊ မြက်နုရာ မိမိဘဝ တိုးတက်ရာ တိုးတက်ကြောင့်မို့ဖြစ်စေ ပြည်ပကို ရောက်နေတဲ့ နိုင်ငံသူ နိုင်ငံသားတွေ အတွက်တော့ သံရုံးက အမြဲတမ်း တံခါးဖွင့်ထားပါတယ်။ အကူအညီပေးဖို့လည်း အဆင်သင့် ဖြစ်ပါတယ်။
သူတို့အနေနဲ့ မြန်မာနိုင်ငံကို ပြန်ပြီးတော့ အကျိုးရှိမယ့်လုပ်ငန်းတွေ လုပ်ချင်တယ် ဆိုလို့ရှိရင်လည်း သူတို့ရဲ့ တတ်ကျွမ်းထားတဲ့ အသိပညာ၊ အတတ်ပညာတွေ၊ သူတို့နဲ့ ဆက်စပ်ပြီးတော့ ရရှိလာမယ့် နည်း ပညာတွေအပေါ် မူတည်ပြီးတော့ ရင်းနှီးမြှုပ်နှံမှု လုပ်ငန်းမှာပဲဖြစ်ဖြစ်၊ ဖွံ့ဖြိုးရေးလုပ်ငန်းမှာပဲဖြစ်ဖြစ် ပါဝင်ဖို့ အမြဲ ဖိတ်ခေါ်နေပါတယ်။
“တပိုင်းကတော့ ဥပဒေနဲ့ မညီညွတ်ဘဲနဲ့ ဥပဒေဘောင်ပြင်ပ ရောက်နေတဲ့သူတွေနဲ့ ပတ်သက်ပြီး တော့လည်း ပဲ သူတို့အနေနဲ့ သီးခြား မြန်မာနိုင်ငံနဲ့ပတ်သက်ပြီးတော့ ထိတွေ့လိုတယ်၊ ပြန်လည်ပြီးတော့ နိုင်ငံသားကောင်း တယောက်အနေနဲ့ ပြန်လည် ဆောင်ရွက်ချင်တဲ့ ဆန္ဒတွေ ရှိတယ်ဆိုရင် တဦးချင်းအနေနဲ့ မိမိဆန္ဒကို ထုတ်ဖော်ပြီးတဲ့အခါမှာ ဆက်သွယ်လာလို့ ရှိရင် ကျနော်တို့အနေနဲ့ တဦးချင်း တဦးချင်း case by case စဉ်းစားပြီးတော့ ဆောင်ရွက်ပေး သွားမယ့် အနေအထားလည်း ရှိပါတယ်။ ဆောင်ရွက် လည်း ဆောင်ရွက်ပေးနေတယ်။ ဒါကတော့ ပြည်ပရောက်နိုင်ငံသားတွေ အားလုံးအတွက် ဖြစ်ပါတယ်။
“အဲဒီတော့ နိုင်ငံတော်ရဲ့ တည်ဆဲ ဥပဒေတွေကို ချိုးဖောက်ထားတဲ့ သူတွေ အနေနဲ့ကတော့ မိမိတို့ရဲ့ ချိုးဖောက် ထားတဲ့ ဥပဒေ၊ ပုဒ်မ အနေအထားတွေပေါ်မှာ မူတည်ပြီးတော့ ဒီကိစ္စရပ်တွေနဲ့အပေါ်မှာ မူတည်ပြီး မိမိရဲ့ဆန္ဒကို ကိုယ်တိုင်ကိုယ်ကျ ဖော်ပြပြီးတော့ လျှောက်ထားလာကြမယ် ဆိုလို့ရှိရင်တော့လည်း ကျနော်တို့ အနေနဲ့ ဆင့်ကဲ ဆင့်ကဲ ဆက်လက် တင်ပြပေးသွားဖို့ ရှိပါတယ်။”
ဒေါ်ခင်စိုးဝင်း ။ ။ ကျေးဇူးအများကြီးတင်ပါတယ် ဝန်ကြီး။
By ဒေါ်ခင်စိုးဝင်း (VOA)

သစ်ထူးလွင် 5/19/2012 12:14:00 PM

ရွှေနံသာ တောင်သူလယ်သမားတွေ ကုမ္ပဏီထောင်

မင်္ဂလာဒုံမြို့နယ် ရွှေနံသာကျေးရွာက တောင်သူလယ်သမားတွေက မိမိတို့လယ်ယာတွေကို စက်မှုလယ်ယာအဆင့် ကုန်ထုတ်လုပ်မှုဖြစ်ပေါ်ရေး
အတွက် နေပြည်တော်မှာ မနေ့က ကုမ္ပဏီ မှတ်ပုံတင်ခဲ့ကြတယ်လို့ သိရပါတယ်။

လယ်သမားကိုယ်စားလှယ် (၉) ဦးနဲ့ သူတို့ကို အကူအညီပေးနေတဲ့ မတူကွဲပြားခြင်းနဲ့ ငြိမ်းချမ်းရေးပါတီဝင် ၂ ဦးတို့က နေပြည်တော်ရုံး အမှတ်(၃၂)မှာ သွားရောက်ပြီး ရွှေဝါစုပေါင်းညီညာ ဆိုတဲ့ အမည်နဲ့ ကုမ္ပဏီ မှတ်ပုံတင်ခဲ့ကြတယ်လို့ သိရပါတယ်။

ဒီလို တောင်သူလယ်သမားတွေ ကိုယ်ပိုင်ကုမ္ပဏီထောင်ရတဲ့ ရည်ရွယ်ချက်နဲ့ ပတ်သက်လို့ မတူကွဲပြားခြင်းနဲ့ ငြိမ်းချမ်းရေးပါတီဥက္ကဋ္ဌ ဦးနေမျိုးဝေက အခုလို ရှင်းပြပါတယ်။

“ကုမ္ပဏီထောင်ဖို့က ကျနော်တို့က စက်မှုလယ်ယာကိုပြောင်းရမယ်၊ ဘာဖြစ်လို့လဲဆိုတော့ မြန်မာနိုင်ငံမှာ အဲဒီလိုမျိုး စက်မှုလယ်ယာ ပုံစံမျိုး မပြောင်းဘူး ဆိုလိှု့ရှိရင် အစိုးရရဲ့ ပေါ်လစီပိုင်းဆိုင်ရာ မျက်နှာသာပေးမှု မရတော့ဘူး၊ ဆိုလိုတာက အခု ဇေကမ္ဘာကုမဏီနဲ့ ကျနော်တို့က လယ်ယာလုပ်ပိုင်ခွင့် အငြင်းပွားဆဲ ဖြစ်နေတဲ့အချိန်မှာ ဇေကမ္ဘာကုမဏီက သူက စက်မှုလယ်ယာနဲ့ နိုင်ငံဖွံ့ဖြိုးတိုးတက်အောင် လုပ်မယ်ဆိုတဲ့ မက်ဆေ့စ်မျိုးနဲ့ အစိုးရဆီက လုပ်ပိုင်ခွင့်ကို ယူဖို့ သူကကြိုးစားနေတယ်။

တောင်သူလယ်သမားတွေ ဘုစုခရုလေးတွေ မလုပ်နိုင်ဘူးဆိုတဲ့ အယူအဆမျိုး။ အဲဒီတော့ ကျနော်တို့က တောင်သူလယ်သမားတွေ အနေနဲ့လည်း ဒီလို Machine Farm ကြီးကိုအောင်မြင်အောင် လုပ်နိုင်တယ်ဆိုတာ သက်သေပြဖို့လိုလာပြီ။ အဲဒီတော့ တောင်သူလယ်သမားတွေရဲ့ စုပေါင်းအားနဲ့ ကျနော်တို့က စနစ်ကျတဲ့ စက်မှု လယ်ယာကြီးကိုဖြစ်အောင် လုပ်မယ်”

ကုမ္ပဏီစည်းမျဉ်း သတ်မှတ်ချက်အရ တောင်သူလယ်သမား(၇)ဦးကို ဒါရိုက်တာအဖွဲ့ဝင် အနေနဲ့ တင်သွင်းခဲ့ပြီး ကျန်တဲ့လယ်သမားတွေကတော့ အစုရှယ်ယာဝင်တွေ အနေနဲ့ ပါဝင်တယ်လို့လည်း သိရပါတယ်။

နေပြည်တော်ကို လိုက်ပါသွားတဲ့ ရွှေနံသာကျေးရွာက လယ်သမားကြီး ဦးကျော်စိန်ကတော့ သူတို့လယ်သမားတွေအားလုံး ကိုယ်ပိုင်
ကုမဏီထောင်ဖို့ သဘောတူ လုပ်ဆောင်တာ ဖြစ်တယ်လို့ပြောပါတယ်။

“လယ်သမားတွေစုပေါင်းပြီးတော့ လယ်ယာကို စက်မှုလယ်ယာအဖြစ်နဲ့ ကုမဏီထောင်မယ်လို့ အားလုံးသဘောတူ ထားတာပေါ့။ အခုလယ်သမားတွေအားလုံး။”

ဒီကုမ္ပဏီအနေနဲ့ စပါးစိုက်ပျိုးထုတ်လုပ်တာ၊ တိရိစ္ဆာန်မွေးမြူတာ၊ စက်မှုထုတ်ကုန်များ ထုတ်လုပ်တာ၊ ဆန်စက်ထောင်တာ စတာတွေကို
ပြုလုပ်သွားမှာ ဖြစ်တယ်လို့ သိရပြီး စက်ပစ္စည်း ယန္တယားတွေ အကူအညီပေးမယ့်သူတွေလည်း အဆင်သင့်ရှိနေပြီလို့ သိရပါတယ်။
RFA-Burmese

သစ်ထူးလွင် 5/19/2012 12:00:00 PM

ရန်ကုန်မြို့လူထု ၆ နာရီ တစ်ကြိမ် အလှည့်ကျ မီးရမည်

230 KV မဟာ ဓါတ်အားလိုင်းအားတွေ့ ရစဉ်(ဓါတ်ပုံ-Google Images)

ရန်ကုန် ၊ မေ ၁၉
ရှမ်းပြည်နယ်မြောက်ပိုင်း လာရှိုးမြို့နှင့် မိုင် ၃၀ ခန့် အကွာ ရွှေလီနှင့် မန်ဆန် ကြားရှိ 230 KV မဟာ ဓါတ်အားလိုင်း အား ယနေ့နံနက် ၂ နာရီ ၄၇ မိနစ် ခန့်တွင် ဖေါက်ခွဲ ဖျက်ဆီး ခြင်းခံရသည့်အတွက် မေလ ၂၁ရက် နေ့မှ စတင်ကာ ရန်ကုန်စက်မှုဇုံများအား လျှပ်စစ်ဓါတ်အား ဖြတ်တောက်၍ ရန်ကုန်မြို့တော်အတွင်းရှိ မြို့နယ် များအား ၆နာရီ တစ်ကြိမ် အလှည့်ကျ စနစ်ဖြင့် လျှပ်စစ်ဓါတ်အား ပေးသွားမည်ဖြစ်ကြောင်း ရန်ကုန်မြို့တော် လျှပ်စစ်ဓါတ်အားပေးရေးအဖွဲ့က ယနေ့နံနက်တွင်ပြုလုပ်သော အရေးပေါ် သတင်းမီဒီယာများနှင့် တွေ့ဆုံပွဲ ၌ ပြောပြခဲ့သည်။

ပြီးခဲ့သည် ၂၀၁၁ ခုနှစ် ဇွန်လ အတွင်းကလည်း ရွှေလီ ရေအား လျှပ်စစ် စီမံကိန်း မန်ဆန် ဓါတ်အားပေးစက်ရုံခွဲ ၏ ခြံစည်းရိုးအနီးတွင် ဗုံးပေါက်ကွဲ မှု ဖြစ်ပွားခဲ့သည်။

The Voice Weekly

သစ်ထူးလွင် 5/19/2012 11:55:00 AM

နတ်မောက်မြို့ နယ်မှာ လေပြင်မုန်တိုင်းကြောင့် အပျက်အစီးများပြီး လူတဦးသေဆုံး

မကွေးတိုင်း နတ်မောက်မြို့ နယ်တွင် ၂၀၁၂ မေလ (၁၅)ရက်နေ့ က လေပြင်းမုန်တိုင်း
ညနေ ၃ နာရီ ၃၀ မီနစ်ခန့် က တိုက်ခတ်ခဲ့ပါသည်။

လေပြင်းဒဏ်ကြောင့် စိုင်းကောင်းကျေးရွာ၊ သာယာအေးကျေးရွာ၊ ရွာသစ်ရွာ၊ နဘူးကွဲရွာ
ကံလှရွာ၊ သရက်ချောင်းရွာ၊ ကွင်းကြီးရွာ၊ သီးချောင်းရွာများမှ အဆောက်အဦးများပြိုကျ၍
အမိုးများကွာကျခဲ့ပါသည်။

အိမ်ခြေ(၅၈)ပျက်စီးပြီး ခန့် မှန်တန်းဖိုးကျပ်(၉၃)သိန်းကျော်ဖိုးခန့် ပျက်စီးခဲ့သည်ဟု
သိရပါသည်။ ဒေသခံရွာသားများကတော့ ဒီထက်ပိုနိုင်သည်ဟု ပြောပါသည်။

စန်းကန်၊ ကွင်းကြီးနှင့် သီးချောင်းရွာများရှိ အ.မ.က ကျောင်းများနှင့် စိုင်းကောင်းရွာ
ရှိ အ.လ.က ကျောင်းများလဲ ပျက်စီးခဲ့ပါသည်။

အဆိုပါလေပြင်မုန်တိုင်းကြောင့် ထိန်ပင်ကုန်းတဲတိုက်မှ ဒေါ်ကြင်အေး အသက်(၆၂)
သေဆုံးခဲ့ကြောင်း နတ်မောက်မြို့ မှ  ဒေါက်တာခင်မောင်အေး က သတင်းပေး
ပို့ ထားပါသည်။

Myanmar News Now

လေပြင်မုန်တိုင်း ဒဏ်ကြောင့် နတ်မောက်မြို့ နယ်မှ အပျက်အစီးများကိုတွေ့ ရစဉ်

သစ်ထူးလွင် 5/19/2012 11:05:00 AM

ဝန်ထမ်းဟောင်းမိသားစုများ၏ ဒုက္ခ

"ရန်ကုန်တိုင်းဒေသကြီး ရန်ကုန်တောင်ပိုင်းခရိုင် သန်လျင်မြို့  ဆောက်လုပ်ရေး
ဝန်ကြီးဌာန ဒေသအဖွဲ့  (၇) မှ ၀န်ထမ်းမိသားစုများနှင့် အငြိမ်းစားဝန်ထမ်းများဧ။်
 သောကများ"

ဆောက်လုပ်ရေးဝန်းအတွင်မှ အငြိမ်းစားဝန်ထမ်းများနှင့် သေဆုံးသူဝန်ထမ်းများဧ။်
ကျန်ရစ်သူမိသားစုများကို မြို့ နယ်အင်ဂျင်နီယာမှူး ဒေါ်ခင်မြင့် (ACE)့ဧ။်အမိန့်ဖြင့်
ဝန်ထမ်းလိုင်းခန်းမှရက်အနည်းငယ်အတွင်း အတင်းခြိမ်းခြောက်ပြောင်းခိုင်းနေပါသည်။

ပြောင်းရွှေ့ မပေးပါက ၀န်ထမ်းမိသားစုများကို တရားစွဲကာထောင်ချမည်ဟုလဲပြောပါသည်။
ဝန်ထမ်းမိသားစုများမှာ ရုတ်တရက် အိမ်ငှါးရန်မလွယ်ကူခြင်း နှစ်ပေါင်းများစွာလုပ်ကိုင်
လာခဲ့သော်လဲ လစာငွေနည်းပါးသောကြောင့် ကိုယ်ပိုင်အိုးအိမ်မရှိခြင်းတို့ကြောင့်
များစွာအခက်ခဲဖြစ်ရပါသည်။

ထို့အပြင်ဝန်ထမ်းလိုင်းခန်းဟုဆိုရာတွင်လည်း ၀န်ထမ်းများမရှိမဲ့ရှိမဲ့များနှင့်ကိုယ်ပိုင်
ဆောက်လုပ်ကာနေထိုင်ခြင်းဖြစ်ပါသည်။

ယခုပြောင်းရွှေ့ ရာတွင်လည်းထိုအိမ်များကို ထားခဲ့ရမည်ဟုလည်း မတရားသဖြင့် ပြောဆိုထားပါသည်။ လက်ရှိတာဝန်ထမ်းဆောင်နေသောဝန်ထမ်းများမှလွဲလျင်
ကျန်မိသားစုဝင်များမှာ ရေဖြတ်ခြင်း မီးဖြတ်ခြင်းများခံခဲ့ရပါသည်။

ထို့ကြောင့်ကိုယ်ထူကိုယ်ထ ရေစက်များဖြင့်ရေပြသနာကိုဖြေရှင်းရပါသည်။
မီးပြန်ပေးသော်လည်း မီတာခကို တစ်လလျင် ၇၀၀၀ (ခုနှစ်ထောင်)နှင့် ၁၀၀၀၀
(တစ်သောင်း)ကြားပေးဆောင်နေကြရပါသည်။

ထိုကဲ့သို့များပြားစွာပေးနေရခြင်းမှာ ရုံးများမှသုံးသောမီတာခကို ပါပေးဆောင်နေ
ရခြင်းဖြစ်သည်ဟုသိရပါသည်။ ပြောင်းရွှေ့ ရမည့်အချိန်ကို 20,5,2012 ဟုသတ်မှတ်ထားသောကြောင့်ဝန်ထမ်းများမှာများစွာဒုက္ခေ၇ာက်ကြရပါသည်။

၎င်းဝန်းအတွင်းတွင် နှစ်ပေါင်းများစွာနေထိုင်လာသောနေထိုင်လာသောဝန်ထမ်း
မိသားစုဝင်တစ်ဦးက သူတို့မှာဘာမှပိုင်ဆိုင်မှူ့ မရှိသဖြင့်များစွာအခက်ခဲဖြစ်ကြောင်း ဒီဆောက်လုပ်ရေးဝန်ထမ်းမိသားစုများနေထိုင်ရာဝန်းသည်လဲ ဟိုးယခင်ကအလှူရှင်
တစ်ဦးမှ ၀န်ထမ်းများအဆင်ပြေပြေနေနိုင်ရန်လှူဒါန်းထားကြောင်း ပြောင်းရွှေ့ ရ
မည့်ရက်ကို နောက်ဆုတ်ပေးရန်တောင်းဆိုသော်လဲ ACE ကလုံးဝနောက်ဆုတ်မ
ပေးကြောင်း မေလ၂၀ ရက်နေ့အပြီးပြောင်းရင်ပြောင်း မပြောင်းရင် တရားစွဲ အမှူ့ ဖွင့်မည်
ဆိုသောကြောင့် ထိုဝန်အတွင်းမှ မိသားစုဝင်များစွာ သောကရောက်နေကြောင်း
 နိုင်ငံတော်အတွက်နှစ်ပေါင်းများစွာ အလုပ်လုပ်ပေးပြီး ဘာမှပိုင်ဆိုင်မှူ့ မရှိခဲ့သော
အောက်ခြေအငြိမ်းစားဝန်ထမ်းများ အစိုးရ၀န်ထမ်းလုပ်ရင်း အသက်ဆုံးရှူံးခဲ့ရသော
ဝန်ထမ်းမိသားစုများဧ။်နောက်ဆုံးဇာတ်သိမ်းသည် တရားရုံးမှာအမှူ့ ရင်ဆိုင်ကာ
 ထောင်ကျမည့်ကိန်းဆိုက်နေပါသည်။ ထို့ကြောင့် ဒီအဖြစ်ကို သက်ဆိုင်ရာဝန်ကြီး
များနှင့် အများပြည်သူသိရှိအောင်တင်ပြလိုက်ပါသည်။

သန်လျင်မြို့ ဆောက်လုပ်ရေးဝန်းမှ ၀န်ထမ်းဟောင်းမိသားစုများ

သစ်ထူးလွင် 5/19/2012 08:55:00 AM

သင်္ဃန်းကျွန်းမြို့နယ်၊ သုဝဏ္ဏမြို့ မီးလောင်ကျွမ်းမှု နောက်ဆက်တွဲ

မီးလောင်မှု မြင်ကွင်း (ဗွီဒီယို)

၂၀၁၂ မေလ ၁၈ ရက်နေ့  ညနေ ၃ နာရီ ၃၀ မီနစ်ခန့် မှာ 
သင်္ဃန်းကျွန်းမြိုနယ် သုဝဏ္ဏ ၂၄ ရပ်ကွက် သံသုမာလမ်းမပေါ်မှ ပန်းခြံအိမ်ရာ
သုံးထပ်တိုက်တန်းရှိ အပေါ်ဆုံးထပ်မှာ မီးလောင်းကျွမ်းမှု ဖြစ်ပွါးခဲ့ပါသည်။

အဆိုပါအခန်းမှာ  ငွေဝသုန်ကူးသန်းရောင်းဝယ်ရေးကုမ္ပဏီလီမီတက်  ၏
အမွှေးတိုင်နှင့်  ဖယောင်းတိုင်များသိုလှောင်ထားသည့် အခန်းဖြစ်ပါသည်။

မီးလောင်းမှုကို  မီးသတ်ကား(၃၅)စီးနှင့် မီးသတ်အင်အား ၅၀ ကျော်တို့က
ဝိုင်းဝန်းမီးငြိမ်း သတ်ခဲ့ရာ  ၄း၁၅ မိနစ် လောက်မှာ မီးကိုထိမ်းသိမ်းနိုင်ခဲ့ပါသည်။

မီးသတ်အဖွဲ့ မှ အခြား အဆောက်အဦးများ ကို မပြန့်ပွားစေရေးကို ဦးစားပေး
 လုပ်ဆောင်ခြင်းကြောင့် အဆိုပါ စတင်လောင်ကျွမ်းသည့် အဆောက်အဦးတစ်ခု
တည်းသာ လောင်ကျွမ်းခဲ့ပြီး ထိခိုက်ဒဏ်ရာရရှိမှု မရှိကြောင်း ဒေသခံများပြောပြ
ချက်အရ သိရပါသည်။

Myanmar News Now

သစ်ထူးလွင် 5/19/2012 07:47:00 AM

ဆော - ကန်စွန်းမ - ဆိပ်ဖြူ လမ်းပိုင်းမှာ အာဏာပိုင်တွေနဲ့ ပေါင်းပြီး သစ်ခိုးထုတ်နေ

ဆော - ကန်စွန်းမ - ဆိပ်ဖြူ လမ်းပိုင်းမှာ ၀ါးနှင့်ဖုံးလာတဲ့ သစ်ကား

မကွေးတိုင်း ဆော - ကန်စွန်းမ - ဆိပ်ဖြူ လမ်းပိုင်းမှာ ဒေသခံပြည်သူတွေ မိုးရာသီ
အတွက် အိမ်ဆောက်ခြင်း နေအိမ်ပြုပြင်ခြင်းများ အတွက် လိုအပ်တဲ့ သစ်/၀ါး တွေကို
ခုတ်ရာမှာ သက်ဆိုင်ရာအာဏာပိုင်တွေက ဖမ်းဆီးတားဆီးတာတွေ လုပ်နေပါတယ်။

အဆိုပါ လမ်းပိုင်းမှာ သက်ဆိုင်ရာအာဏာပိုင်တွေက သစ်တောဝန်ထမ်းတွေနှင့်
ပေါင်းပြီး သစ်များခိုးထုတ်မှုများပြုလုပ်နေကြတာတော့ကြာပြီး ဖြစ်ပါတယ်။

တစ်ချို့ကတော့ အရာရှိတွေနှင့်ပေါင်းပြီး သစ်စက်တွေထောင်ပြီး သစ်တွေခွဲ ပြီး
ခွဲသားတွေကို ချောက်မြို့ သို့  ခိုးထုတ်ရောင်းချနေကြောင်း ခိုးထုတ်လာတဲ့
သစ်ခွဲသား ကားနှင့် သစ်လုံးကား ခေါင်းချင်းဆိုင်ပြီး ဒရိုင်ဘာတွေ စကားပြောနေ
တာကို ကိုယ်တိုင်ကြားသိလာတဲ့ ဒေသခံတဦးက Myanmar News Now
ကိုပြောပြပါတယ်။

တစ်ချို့တွေကတော့ ၀ါးကားအမည်ခံပြီး သစ်လုံးတွေ ခွဲသားတွေကို ၀ါးနှင့်ဖုံးပြီး
ခိုးထုတ်နေကြကြောင်း ဒေသအာဏာပိုင်တွေကလည်း ဝေစားမျှစားနေကြတယ်
လို့ ဒေသခံများပြောပြချက်အရသိရပါတယ်။
Myanmar News Now

သစ်ထူးလွင် 5/19/2012 07:16:00 AM

မုံရွာသစ်ပါးလွှာစက်ရုံ အလုပ်သမားများ ဆန္ဒပြ

မုံရွာမြို့အတွက် အိုးဘိုတောင် ရပ်ကွက် အိန္ဒိယနှင့်ဖက်စပ် လုပ်ကိုင်လျှက် ရှိသည့် သစ်ပါးလွှာစက်ရုံရှိ အလုပ်သမားများသည်  မေလ(၁၆)ရက်နေ့ ည မှ စတင်ပြီး လုပ်ခ လစာ တိုးမြှင့်ပေးရန်နှင့် အချိန်ပို အလုပ်ချိန်လျှော့ချပေး ရန် တောင်းဆို ဆန္ဒပြုမှုပြုခဲ့ကြကြောင်း သိရသည်။

ဆန္ဒပြမှုအား ယနေ့ နေ့လယ်ပိုင်းတွင် ရပ်နားထားခဲ့ပြီး တောင်းဆိုမှုများ အား ညှိနှိုင်းဆောင်ရွက်သွားမည်ဖြစ် ကြောင်း ရက်သတ္တပတ် တစ်ပတ် အကြာတွင် ဆန္ဒပြမှုကို ထပ်မံ ပြုလုပ်သွားမည်ဖြစ်ကြောင်း ပေါ်ပြူလာဂျာနယ် (Facebook) စာမျက်နှာ်မှာ
ဖော်ပြထားပါသည်။

သစ်ထူးလွင် 5/19/2012 06:59:00 AM

မြေယာကိစ္စတွင် ရင်းနှီးမြုပ်နှံသူနှင့် တိုက်ရိုက်စကားပြောခွင့် ထားဝယ်ဒေသခံများ တောင်းဆို

ထားဝယ်ဒေသခံများ၏ တောင်းဆို ချက်မူရင်း (Myanmar News Now)
ထားဝယ်၊ ၁၈၊ ၅၊ ၂၀၁၂-(YPI)

ထားဝယ်စီမံကိန်းဧရိယာအတွင်း မြေယာလျော်ကြေးပေးအပ်မှုနှင့် ပက်သက်၍ ဒေသခံများ စုပေါင်း လက်မှတ်ရေးထိုး တောင်းဆိုမှုတစ်ခုပြုလုပ်ခဲ့ကြောင်း ဒေသခံလူမှုရေး လှုပ်ရှားတက်ကြွသူတစ်ဦး ဖြစ်သည့် ကိုလေးလွင်က ပြောသည်။

နဘုလယ်ဒေသ၊ ထိန်ကြီးကျေးရွာတွင် ပြုလုပ်ခဲ့သော အဆိုပါ တွေ့ဆုံပွဲတွင် တောင်းဆိုချက် (၄) ချက်နှင့် အတူ ဒေသခံ ၂၀၀ ကျော်က လက်မှတ်ရေးထိုးကာ ၈၈ ကျောင်းသားခေါင်းဆောင်များမှ တဆင့် နိုင်ငံတော်သမ္မတကြီး နှင့် သတင်းမီဒီယာများသို့ ပန်ကြားလွှာပေးပို့ခြင်းဖြစ်သည်ဟု ၎င်းကရှင်းပြသည်။

 “ရွာသားတွေက မြေကိစ္စတွေနဲ့ ပက်သက်ပြီး လာလုပ်တဲ့ ကုမ္ပဏီနဲ့ တိုက်ရိုက်စကားပြောရတာမျိုးကိုပဲ လိုချင်တယ်“ ဟု ကိုလေးလွင်က ဆိုသည်။

ထိုပန်ကြားလွှာတွင် ပြည်သူ့ဝန်ထမ်းများက ရုံးခန်းသို့ခေါ်၍ ဈေးဆစ်ပေးခြင်းများ မပြုလုပ်ပါရန်၊ ဒေသခံများပိုင် မြေယာများနှင့် ပက်သက်၍ ရေရှည်ရင်းနှီးမြုပ်နှံခွင့်ရှိစေရန် မြေယာမှတ်ပုံတင်မှသည် အစုရှယ်ယာ လက်မှတ်များအထိ အသိအမှတ်ပြုပေးပါရန် နှင့် မိမိတို့မှာ ဖွံ့ဖြိုးမှုနှင့် စီးပွားရေးဇုန် စီမံကိန်းကို ဆန့်ကျင်သူများ မဟုတ်ကြောင်း ဖော်ပြပါရှိသည်။

“ ရွာသားတွေအနေနဲ့ နောက်ပိုင်းမှာလဲ အကျိုးခံစားခွင့်တွေလဲရှိရမှာပေါ့။ “ ဟု ကိုလေးလွင်ကဆိုသည်။

သိမ်းဆည်းမည့် မြေယာကိစ္စများနှင့် ပက်သက်၍ စီမံကိန်းတာဝန်ရှိသူများနှင့် တွေ့ဆုံစကားပြောရာတွင် အာဏာပိုင်များနှင့် မြေယာကိစ္စတရားရင်ဆိုင်ရပါက ထောင်ဒဏ် (၁) နှစ်မှ (၂) နှစ်အထိကျခံရနိုင်သည့် ဥပဒေရှိကြောင်း၊ ငွေဒဏ်ဆိုပါက ဒဏ်ငွေ (၃) သိန်းမှ (၅) သိန်းအထိ ကျခံရနိုင်ကြောင်းစသည်ဖြင့် ခြိမ်းခြောက်သည့် သဘောပါသောစကားများပြောသည်ဟု ဘ၀ါကျေးရွာမှ မြေပိုင်ရှင်ရွာသားတစ်ဦးက ပြောကြားသည်။

“ ထိထိရောက်ရောက်မလုပ်ပေးဘူး၊ ချိန်းတဲ့ ရက်လဲ မမှန်ဘူး “ ဟု ၎င်းက ဆက်လက်ပြောကြားသည်။

ထားဝယ်အထူးစီပွားရေးဇုန်စီမံကိန်းအား ထိုင်းနိုင်ငံအခြေစိုက် အီတာလျံထိုင်း ဖွံ့ဖြိုးရေးကုမ္ပဏီနှင့် မက်(စ) မြန်မာကုမ္ပဏီတို့ ပူးပေါင်းကာ Dawei Development Co.ltd ဟုဖွဲ့စည်းပြီး တာဝန်ယူ အကောင် အထည်ဖော်နေခြင်းဖြစ်သည်။

ကန်ဒေါ်လာ ၈ ဘီလျံကျော် ရင်းနှီးမြှုပ်နှံမည့် ထားဝယ်အထူးစီးပွားရေးဇုန် စီမံကိန်းမှာ ထိုင်းနိုင်ငံရှိ အကြီးဆုံးစက်မှုဇုန် မဲတာပေါ့ထက် ၁၀ ဆခန့် ပိုမိုကြီးမားမည်ဖြစ်ပြီး ထိုင်းနိုင်ငံသို့ ဆက်သွယ်မည့် (၈) လမ်းသွားလမ်းမ၊ ရေနံဓါတုစက်ရုံများပါဝင်သည်။
 
တောင်းဆိုချက်အတွက် လက်မှတ်ရေးထိုး နေစဉ်၊ (သတင်းဓါတ်ပုံ-YPI)

သစ်ထူးလွင် 5/19/2012 06:24:00 AM

မန္တလေးတိုင်း ရဲတပ်ဖွဲ့ဝင်များ ဆက်ကြေးမကောက်ခံရန် ညွှန်ကြား

ဓါတ်ပုံ (Google Images)

မေလ ၁၈ ရက်၊ ၂၀၁၂ ခုနှစ် -

ကျော်သူရမျိုး ( YPI )
မန္တလေးတိုင်းအတွင်းရှိ မြို့တွင်း၊ မြို့ပြင်လမ်း၊ တံတားနှင့် စစ်ဆေးရေးဂိတ်များတွင် ရဲတပ်ဖွဲ့ဝင်များက ဆက်ကြေး (ငွေကြေး) ကောက်ခံပါက ပြည်သူများအနေဖြင့် သက်ဆိုင်ရာ ရဲတပ်ဖွဲ့မှူးရုံးသို့ ဆက်သွယ် တိုင်ကြားနိုင်ကြောင်း မန္တလေးတိုင်း ရဲတပ်ဖွဲ့မှ အမည်မဖေါ်လိုသူ ရဲအရာရှိတဦးက ပြောသည်။

“တိုင်းဒေသကြီး (မန္တလေး) ၀န်ကြီးချုပ်က တိုင်းရဲတပ်ဖွဲ့မှူးကို ခေါ်ယူတွေ့ဆုံပြီး ညွန်ကြားခဲ့တာပါဟု” ၎င်း ရဲအရာရှိက ပြောသည်။

ယခုညွှန်ကြားချက်တွင် အောက်ခြေအဆင့်ဆင့်ရှိ ရဲတပ်ဖွဲ့ဝင်များအနေနှင့် ဆက်ကြေးကောက်ခံခြင်း မပြုရန်သာမက ရဲအရေးပိုင်အမှုများတိုင်ကြားပါက ပညာပြခြင်း၊ ညစ်ပတ်ပြီး ဆောင်ရွက်ခြင်းနှင့် ပြည်သူလူထုနှင့်ဆက်ဆံပါက မချေမငံဆက်ဆံခြင်း မပြုရန်ကိုလည်း သက်ဆိုင်ရာတာဝန်ရှိသူ ဆင့်ဆင့်ကကြပ်မတ် ဆောင်ရွက် သွားရမည်ဖြစ်ကြောင်း ရဲအရာရှိများထံမှ သိရသည်။

“မနှစ်က  public (အများနှင့်ဆိုင်သည့်) ဧရိယာမှာ သတင်းဓါတ်ပုံရိုက်တာကို ရဲတွေက လိုက်ဖမ်းတယ်။ အချုပ်ကားနှင့် ရဲစခန်းကိုပို့ပြီး စခန်းရောက်တော့ အရာရှိတစ်ယောက်က ထောင်ချလို့ရတယ်ဆိုပြီး ရင့်ရင့်သီးသီးနဲ့ ခြိမ်းခြောက်တာခံခဲ့ရဖူးတယ်” ဟု ကိုယ်တိုင်ကြုံတွေ့ ခဲ့ရသည့် မြနန္ဒာဂျာနယ်မှ တာဝန်ခံအယ်ဒီတာ ကိုမင်းဒင်ကပြောသည်။

မန္တလေးမြို့ဝင်ထွက်ပေါက်များရှိ စစ်ဆေးရေးဂိတ်များဖြစ်သည့်  (၁၆) မိုင် စစ်ဆေးရေးဂိတ်၊ ရွေကျင်စစ်ဆေးရေးဂိတ်၊ မြစ်ငယ် ပူးပေါင်း စစ်ဆေးရေးဂိတ်၊ ရတနာပုံတံတားနှင့် စစ်ကိုင်းတံတား စစ်ဆေးရေးဂိတ် များတွင်ရဲတပ်ဖွဲ့ဝင်များအနေနှင့် ပြည်သူများကို မချေမငံဆက်ဆံခြင်းနှင့် ငွေကြေးတစုံတရာ တောင်းခံခြင်း ပြုလုပ်ပါက ဆက်သွယ်တိုင်ကြားနိုင်မည့် ဖုန်းနံပါတ်ဆိုင်းဘုတ်များကို ချိတ်ဆွဲဖို့ ညွှန်ကြားထားကြောင်းလည်း မြို့နယ်ရဲတပ်ဖွဲ့ ရုံးမှ ပြောဆိုချက်အရ သိရသည်။

 အဆိုပါစစ်ဆေးရေးဂိတ်များတွင်သာမက မန္တလေးတိုင်းအတွင်းရှိ မြို့အသီးသီးများ၏ မြို့ဝင်၊ ထွက် စစ်ဆေးရေးဂိတ်များတွင်လည်း ဆက်ကြေး(ငွေကြေး) ကောက်ခံပါကတိုင်ကြားနိုင်မည့် သက်ဆိုင်ရာရဲတပ်ဖွဲ့မှူးရုံး ဖုန်းနံပါတ်ဆိုင်းဘုတ်များ ချိတ်ဆွဲသွားမည်ဖြစ်ကြောင်း မန္တလေးတိုင်းရဲတပ်ဖွဲ့ထံမှသိရသည်။

ယင်းစစ်ဆေးရေးဂိတ်များတွင် ရိုင်းပြစွာဆက်ဆံခြင်း၊ ငွေတောင်းခံခြင်းတို့ ရှိပါက မန္တလေးတိုင်းဒေသကြီး ရဲတပ်ဖွဲ့မှူးရုံး ၀၂-၃၆၉၈၂ ၊ ခရိုင်ရဲတပ်ဖွဲ့မှူးရုံး ၀၂-၃၆၇၇၈၊ အမရပူရ ရဲတပ်ဖွဲ့မှူးရုံး ၀၂-၇၀၅၈၈၊ ပုသိမ်ကြီးရဲတပ်ဖွဲ့မှူးရုံး ၀၂-၅၇၉၀၅ တို့ ဖြစ်သည်ဟု သိရသည်။

“ရဲတွေကို တိုင်ကြားနိုင်မဲ့ ဖုန်းနံပါတ် ဆိုင်းဘုတ် ချိတ်ဆွဲမယ်ဆိုတာ ရှားပါးဖြစ်စဉ်ပါ။ မတရားခံရတဲ့ ပြည်သူတွေအနေနဲ့ တိုင်ကြားချိန်မှာ နံမည်၊ ရာထူး၊ ဖြစ်စဉ်အပြည့်အစုံနဲ့ တိုင်ကြားရင် ပိုမိုထိရောက် ပါတယ်”ဟု အငြိမ်းစားရဲအရာရှိတစ်ဦးကပြောသည်။       ။

Yangon Press International

သစ်ထူးလွင် 5/19/2012 06:22:00 AM

ပတ္တမြားမြို့သစ်တွင် ရဲတပ်ဖွဲ့ဝင်များနှင့် ရပ်ကွက် ခိုက်ရန်ဖြစ်မှု အပြန်အလှန် စွပ်စွဲ

ရန်ကုန်၊ မေ ၁၇
တပ်မတော် တပ်ရင်း တပ်ဖွဲ့များနှင့် ရဲတပ်ရင်းများ တည်ရှိရာ မင်္ဂလာဒုံမြို့နယ် ပတ္တမြားမြို့သစ်တွင် မေလ ၁၆ ရက်နေ့ညက အဆိုပါ ရပ်ကွက်ရှိ လက်ဘက်ရည်ဆိုင်တွင် ထိုင်နေသူများကို အမှတ် ၈ ရဲတပ်ရင်းမှ တပ်ဖွဲ့ဝင်များက ဝင်ရောက် ရိုက်နှက်ကာ ရပ်ကွက်ကို ခြိမ်းခြောက် ပြောကြားခဲ့သည်ဟု ရပ်ကွက်လူထုက ဆိုပြီး ယင်းရဲတပ်ရင်းမှ အရာရှိကမူ ရပ်ကွက်၏ ရန်စမှု သာဖြစ်ကြောင်း အပြန်အလှန် စွပ်စွဲ ပြောဆိုသည်။

အချင်း ဖြစ်ပွားသည့်နေ့ နေ့လည်ပိုင်းက ယင်းရပ်ကွက် စိန်သပြေ လမ်းပေါ်တွင် ရပ်ကွက်မှ လူငယ်နှစ်ဦးနှင့် အမှတ် ၈ ရဲတပ်ရင်းမှ တပ်ဖွဲ့ဝင်နှစ်ဦးတို့ အချင်းများ ခဲ့သည်ကို အငြိုးထား၍ ည ၇ နာရီ မိနစ် ၃၀ ခန့် မီးပျက် နေချိန်၌ အောင်စည်တော် လက်ဘက်ရည်ဆိုင်တွင် ထိုင်နေသူများကို အရပ်ဝတ် ရဲတပ်ဖွဲ့ဝင်ငါးဦးက ရာဘာတုတ်များဖြင့် ဝင်ရောက် ရိုက်နှက်ခဲ့ကြောင်း၊ ရပ်ကွက်အတွင်း၌ ဖြန့်ကြက်ထားသူ ရဲတပ်ဖွဲ့ဝင် ၇၀ ဦးခန့်ရှိပြီး အရိုက်ခံရသူ ရပ်ကွက်မှ ခုနစ်ဦးခန့် ရှိကြောင်း ယင်းဖြစ်ရပ်ကို တွေ့ရှိခဲ့သူ ဦးလှထွေးက ပြောကြားသည်။

"သတ္တိရှိတဲ့ကောင် ထွက်ခဲ့။ တစ်ရွာလုံး မီးရှို့မယ်"ဟု ရဲတပ်ဖွဲ့ဝင်များက ရပ်ကွက်ကို ခြိမ်းခြောက် ပြောဆိုမှုများ ကြောင့် အိမ်အတွင်းသို့ ၀င်ရောက်နေရကြောင်း စိန်သပြေလမ်း၌ နေထိုင်သူ ဦးကျော်မျိုးက ၎င်းကြားခဲ့ရသည်ကို ပြန်လည် ပြောဆိုသည်။
"လမ်းတစ်လျှောက် တွေ့သမျှ ရိုက်နှက် သွားတယ်။ ရေအိုးတွေခွဲ၊ ဆိုင်တံခါးတွေကို ခဲနဲ့ထုသွားတယ်"
ဟု ကွန်ပျူတာဆိုင် ဖွင့်လှစ်ထားသူ အသက် ၁၈ နှစ်ခန့်ရှိ ကိုစိုးမိုးက ဆိုသည်။

"ရဲတွေက အဲလို အကြမ်းဖက်ရင် ကျွန်တော်တို့က ဘယ်သူ့သွား အားကိုးရမှာလဲ"
ဟု ဦးလှထွေးက ပြောဆိုသည်။

အမှတ် ၈ ရဲတပ်ရင်းမှ ရဲအရာရှိ တစ်ဦးကမူ လက်ဘက်ရည်ဆိုင်တွင် သာမန် ခိုက်ရန် ဖြစ်ပွားခြင်းသာ ဖြစ်ပြီး ရဲတပ်ဖွဲ့ဝင်များက ရပ်ကွက်ကို ခြိမ်းခြောက်ခြင်း မဟုတ်ကြောင်း၊ ယင်းဖြစ်ရပ်တွင် ပါဝင် ပတ်သက်ခဲ့သော တပ်ဖွဲ့ဝင်များကို လည်း စုံစမ်း စစ်ဆေးမှုများ ပြုလုပ်နေကြောင်း The Voice Weekly ၏ သွားရောက် တွေ့ဆုံ မေးမြန်းမှုကို ပြန်လည် ဖြေကြားသည်။

ယင်းဖြစ်ရပ်အပြီး မေလ ၁၇ ရက်နံနက် ၁ နာရီဝန်းကျင်တွင် ၎င်းတို့တပ်ဖွဲ့မှ အရာခံဗိုလ်တစ်ဦး၏ သားကို ရပ်ကွက်က မှားယွင်း ရိုက်နှက်မှုကြောင့် မင်္ဂလာဒုံ တပ်မတော်ဆေးရုံသို့ တင်ပို့ထားရကြောင်း ၎င်းက တုန့်ပြန် ပြောကြားသည်။

"ကျွန်တော်တို့ တပ်ဖွဲ့ဝင်တွေက ပြဿနာဖြစ်ရင် မှားလည်း အရေးယူ ခံရမယ်။ မှန်လည်း အရေးယူ ခံရမယ်။ အရပ်သားက မှားမှ အရေးယူ ခံရတာ"ဟု ၎င်းတို့ ရဲတပ်ဖွဲ့ဝင်များ ဖြစ်ပွားခဲ့သည့် ဖြစ်ရပ်အပေါ် ရှင်းပြသည်။
The Voice Weekly

သစ်ထူးလွင် 5/19/2012 06:14:00 AM

လှိုင်သာယာ အလုပ်ရှင် အလုပ်သမား ပဋိပက္ခမှု ပြင်းထန်

ရန်ကုန်၊ မေ ၁၈

လုပ်ခလစာ တိုးမြှင့်ပေးရန် ဆန္ဒပြမှုများ ဆက်တိုက်ဖြစ်ပွါးနေသော လှိုင်သာယာမြို့နယ် စက်မှုဇုန် စက်ရုံများတွင် အလုပ်ရှင် အလုပ်သမားများ ညှိနှိုင်းမှု အဆင်မပြေသဖြင့် အလုပ်ရှင် အလုပ်သမား ပဋိပက္ခမှု များ ပြင်းထန်လာကြောင်း အဆိုပါစက်မှုဇုန် အတွင်းမှ စုံစမ်း သိရှိရသည်။

“သဘောတူ စာချုပ်ကို အသိအမှတ် မပြုဘူး။ လုပ်ချင်သလို လုပ်လို့ အလုပ်ရှင်က ပြောတယ်။ အဲဒါကြောင့် အလုပ်သမားတွေက မှန်တွေ ရိုက်ခွဲတဲ့အထိ ပြင်းထန်သွားတယ် “ ဟု Hi- Mo ဆံပင်တု စက်ရုံက အလုပ်သမားတစ်ဦးက ပြောကြားသည်။

ဆန္ဒပြမှု ပြင်းထန်သွားလာသဖြင့် အရပ်ဝတ် ၀တ်ဆင်ထားသာ လူတစ်စု စက်ရုံ အပြင်က ၀ိုင်းရံ ခြိမ်းခြောက်ပြီး အလုပ်သမားများကို စက်ရုံထဲတွင် ပိတ်လှောင်ထားကြောင်း၊ လျှပ်စစ်မီးများ ကိုလည်း ဖြတ်တောက် ထားသည်ထိ အလုပ်ရှင် အလုပ်သမား ပဋိပက္ခမှု ပြင်းထန်လာကြောင်း Hi- Mo စက်ရုံက အလုပ်သမားများက ဆိုသည်။

အလုပ်ရှင်၊ အလုပ်သမား၊ အလုပ်သမား ၀န်ကြီးဌာန တာဝန်ရှိသူများ သုံးပွင့်ဆိုင် ညှိနှိုင်းပြီး သဘောတူညီထားသော စာချုပ်ကို အလုပ်ရှင် ဘက်က ဖောက်ဖျက်သဖြင့် အလုပ်သမား ဆန္ဒပြမှု ယင်းကဲ့သို့ ပြင်းထန် စွာ ဖြစ်ပွားခဲ့ရခြင်း ဖြစ်ကြောင်း မေလ ၁၀ရက်နေ့တွင် သဘောတူ လက်မှတ် ရေးထိုးထားသော ဆံပင်တု စက်ရုံက အလုပ်သမား များက ပြောကြားသည်။

အလုပ်သမားများ၏ လုပ်ခလစာ တိုးမြှင့်ပေးရန်နှင့် အလုပ်သမား အခွင့်အရေးများအတွက် တောင်းဆိုမှုတို့ကို အလုပ်ရှင်ဘက်က သဘောမတူ သဖြင့် ဆန္ဒပြမှုများ ပြင်းထန် လာခြင်းဖြစ်ကြောင်း အလုပ်သမားများက ပြောကြားသည်။

Hi- Mo ဆံပင်တု စက်ရုံ အပါအ၀င် ပုလဲ၊ စံပယ်ပွင့်၊ နေမင်းအောင်၊ Yk စသည့် အထည်ချုပ် စက်ရုံများက ဆန္ဒပြ အလုပ်သမားများ နောက်ထပ် သုံးရပ်အထိ အလုပ်မဆင်းဘဲ တောင်းဆို ဆန္ဒပြနေပါက အလုပ်ထုတ် မည်ဟု အလုပ်ရှင်များက စာထုတ်ကာ ခြိမ်းခြောက်ထားကြောင်း အလုပ်သမားများနှင့် အလုပ်သမား အရေးဆောင်ရွက်သူများက ဆိုသည်။

မြန်မာနိုင်ငံတွင် အနိမ့်ဆုံး လုပ်ခလစာ ဥပဒေ ပြဌာန်းထားခြင်း မရှိသဖြင့် အလုပ်သမားသည် အလုပ်ရှင်များ၏ ကြည်ဖြူသလောက်ကို လုပ်အားခ ရရှိနေကြသဖြင့် ယင်းကဲ့သို့ ဆန္ဒပြ တောင်းဆိုမှု များ ဖြစ်ပေါ်နေရခြင်း ဖြစ်ကြောင်း အလုပ်သမား အရေး ဆောင်ရွက်သူများက သုံးသပ်သည်။

အလုပ်ရှင် အလုပ်သမား အငြင်းပွါးမှုတွင် ခုံသမာဓိအဖွဲ့၏ ဆုံးဖြတ်ချက်ကို နှစ်ဦးနှစ်ဘက် သဘောတူလျှင် ယင်းဆုံးဖြတ်ချက်သည် ချမှတ်သည့် နေ့မှစ၍ အတည်ဖြစ်ကြောင်း၊ မည်သူမဆို ခုံသမာဓိ သို့မဟုတ် ညှိနှိုင်း ခုံကောင်စီ၏ ဆုံးဖြတ်ချက် သို့မဟုတ် စုပေါင်း သဘောတူညီချက် တစ်ခုခု အကျိုးသက်ရောက်မှုရှိစဉ် ကာလအတွင်း အဆိုပါ ဆုံးဖြတ်ချက် သို့မဟုတ် သဘောတူညီချက်ကို ပြန်လည်ပြင်ဆင်ရန် အလုပ်ပိတ်ခြင်း သို့မဟုတ် သပိတ်မှောက်ခြင်း မပြုရကြောင်း မတ်လ ၂၈ရက်နေ့တွင် ထုတ်ပြန်ထားသော အလုပ်သမားရေးရာ အငြင်းပွါးမှု ဖြေရှင်းရေး ဥပဒေတွင် ဖော်ပြထားသည်။

ရန်ကုန်မြို့တော်ရှိ စက်မှုဇုန်များအတွင်း မေလ ၁ ရက်မှ မေလ ၁၆ရက်နေ့အထိ စက်ရုံ ၁၀ ရုံကျော်တွင် အလုပ်သမား ဆန္ဒပြမှုများ အကြိမ်ကြိမ်ဖြစ်ပွါးခဲ့ကြောင်း အလုပ်သမားဝန်ကြီးဌာနထံမှ သိရှိရသည်။
The Voice Weekly

သစ်ထူးလွင် 5/19/2012 06:07:00 AM

မြန်မာ့ ခရိုနီတွေကို လက်တွဲခေါ် သင့်သလား

ခရိုနီတွေဟာလည်း တိုင်းပြည်ကို ချစ်တဲ့သူတွေ ဖြစ်တယ်လို့ ဦးမြင့်ပြော

သမ္မတ ဦးသိန်းစိန်ရဲ့ စီးပွားရေး အကြံပေး ဒေါက်တာ ဦးမြင့်က တိုင်းပြည်ရဲ့ စီးပွားရေး ကို အာဏာပိုင်တွေနဲ့ ပေါင်းပြီး ကြိုးကိုင် ချယ်လှယ်ထားသူ ခရိုနီတွေဟာလည်း တိုင်းပြည်ကို ချစ်တဲ့သူတွေ ဖြစ်လို့ သူတို့ကို စနစ်တကျ လက်တွဲခေါ်ယူဖို့ လိုတယ်လို့ ပြောကြား လိုက်တဲ့အပေါ် ဝေဖန်မှုတွေ ရှိခဲ့ပါတယ်။

စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနက ရန်ကုန်မြို့မှာ ပြုလုပ်တဲ့ အစည်းအဝေး တခုမှာ ဦးမြင့်က အခုလို ပြောကြားသွားတာ ဖြစ်ပါတယ်။ဒေါ်အောင်ဆန်းစုကြည် ကိုယ်တိုင်လည်း သဘောတူ လက်ခံပါတယ်လို့ ဆိုတဲ့ ဦးမြင့်ရဲ့ အခုလို ပြောကြားချက်အပေါ်၊ စာရေးဆရာနဲ့ စီးပွားရေး ပညာရပ် ကျွမ်းကျင်သူ ဦးဟန်ထွန်း (အခွန်)ကတော့ အဲဒီ ခရိုနီစီးပွားရေးသမားတွေ တိုင်းပြည်ချစ်တယ်ဆိုရင် အများကြီး လုပ်မပြစရာမလိုပဲ အခွန်ပဲ မှန်ကန်အောင် ပေးပါဦးလို့ ဝေဖန် ထောက်ပြလိုက်တာ ဖြစ်ပါတယ်။

ဒီခရိုနီ လူအနည်းစုရဲ့ လက်ထဲမှာပဲ တိုင်းပြည်စီးပွားရေးကို ထားမယ်ဆိုရင် ကောင်းကျိုး ထက် ဆိုးကျိုးက ပိုများပြီး တိုင်းပြည်အတွက် အန္တာရာယ်ရှိကြောင်း ဦးဟန်ထွန်းက ဘီဘီစီကို ပြောပါတယ်။

မြန်မာနိုင်ငံမှာ အလွန်တရာမှာ ချမ်းသာတဲ့ လူပေါင်း နှစ်ဆယ် အစိတ်ကျော်လောက် ရှိကြောင်း၊ အဲဒီသူတွေဟာ တိုင်းပြည်မှာ ထုတ်လုပ်မှု လုပ်ငန်းတွေကို လုပ်နေတာ မဟုတ်ဘဲ အခွင့်အရေးပေါ်မှာ ရောင်းစားနေကြတာ ဖြစ်တယ်လို့ ဦးဟန်ထွန်းက ထောက်ပြပါတယ်။တောင်ကိုရီးယားမှာ ဆိုရင် ခရိုနီတွေရဲ့ လက်ဝါးကြီးအုပ် ချယ်လှယ်မှုကြောင့် တိုင်းပြည် စီးပွားရေး ပျက်ဆီးသွားခဲ့ရတဲ့ သာဓကတွေ ရှိခဲ့တယ်လို့ သူက ဆက်ပြောပါတယ်။

ဘီဘီစီ မြန်မာပိုင်း

သစ်ထူးလွင် 5/19/2012 05:37:00 AM

မြန်မာနိုင်ငံအတွက် ကုလသမဂ္ဂရဲ့ စီမံကိန်းမူကြမ်း ရှင်းလင်းပွဲ ဒေါ်အောင်ဆန်းစုကြည် တက်ရောက်

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ ရန်ကုန်မြို့ ကုလသမဂ္ဂရုံးမှာ ဒီကနေ့မနက် ကျင်းပတဲ့ မြန်မာနိုင်ငံအတွက် ကုလသမဂ္ဂရဲ့ စီမံကိန်းမူကြမ်း ရှင်းလင်းဆွေးနွေးပွဲကို တက်ရောက်ခဲ့ပါတယ်။

Photo courtesy of Wikipedia

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်

ဒေသဆိုင်ရာ ကုလသမဂ္ဂရုံးတာဝန်ခံနဲ့ ဌာနေကိုယ်စားလှယ်တို့က မြန်မာနိုင်ငံအတွက် ကုလသမဂ္ဂ ဖွံ့ဖြိုးရေးအစီအစဉ်အဖွဲ့ UNDP က ဆောင်ရွက်ချက်တွေနဲ့ ရှေ့လုပ်ငန်းစဉ်တွေကို ဒေါ်အောင်ဆန်းစုကြည်နဲ့ ဆွေးနွေးခဲ့တယ်လို့ NLD ဗဟိုအလုပ်အမှုဆောင် အဖွဲ့ဝင် ဦးဟံသာမြင့်က ပြောပါတယ်။

"UNDP ရုံးက ဒီရီဂျင်အတွက် တာဝန်ခံပေါ့နော်။ သူရယ် resident coordinator ရယ်၊ ဗမာပြည်အတွက် country programme ကိုရှင်းပြတာပါ။ အဲတာ Draft country programme ပဲဖြစ်ပါတယ်။ ဒေါ်အောင်ဆန်းစုကြည်ရဲ့ ဝေဖန်ချက်ကို ယူတာပါ။ ဒါကိုပဲ သူတင်ပြပါတယ်။ သူတို့ရဲ့ဘာကိုတင်ပြသလဲဆိုတာ သူတို့က အတည်မပြုရသေးတော့ အန်ကယ်တို့လည်း ပြောလို့မရပါဘူး"

မြန်မာနိုင်ငံမှာ ဆင်းရဲမွဲတေမှု ပပျောက်ရေးအတွက် အသေးစားချေးငွေလုပ်ငန်းတွေ၊ သဘာဝဘေးဒဏ် ကာကွယ်ရေးနဲ့ ကူညီစောင့်ရှောက်ရေး ကဏ္ဍတွေ၊ ဖွံ့ ဖြိုးတိုးတက်ရေး ကဏ္ဍတွေအတွက် ကုလသမဂ္ဂ ဖွံ့ဖြိုးရေးအစီအစဉ်အဖွဲ့ က လုပ်ဆောင်နေမှုတွေကို ရှင်းလင်းတင်ပြပြီး ဒေါ်အောင်ဆန်းစုကြည်ရဲ့ အမြင်သဘောထားတွေကို ဆွေးနွေးမေးမြန်းခဲ့တယ်လို့ သိရပါတယ်။
RFA-Burmese

သစ်ထူးလွင် 5/19/2012 05:30:00 AM

မေလ ၁၇ ရက်နေ့ ထုတ် 7Day News ဂျာနယ် အတွဲ ၁၁၊ အမှတ် ၁၀

7Day News
မေလ ၁၇ ရက်နေ့ ထုတ် 7Day News ဂျာနယ် အတွဲ ၁၁၊ အမှတ် ၁၀

သစ်ထူးလွင် 5/19/2012 05:28:00 AM

သုဝဏ္ဏမြို့နယ်မှာ တိုက်ခန်း မီးလောင်နေ

ယနေ့ ညနေ သုဝဏ္ဏမြို့နယ်မှာ တိုက်ခန်း မီးလောင်နေစဉ် (ဓါတ်ပုံ-ကိုမင်း)

ယနေ့ ၁၈.၅.၂၀၁၂ ညနေ
ရန်ကုန်တိုင်း သုဝဏ္ဏမြီု့ နယ် သံသုမာလမ်းမကြီးပေါ် စုပေါင်းနှင့် ရေနံသာကြား ပန်းခြံဘက်ခြမ်းရှိ တိုက်ခန်းအပေါ်ဆုံးထပ် တွင် ယနေ့ ညနေ ၃ နာရီ ၃၀ မိနစ်ခန့် မှာ မီးလောင်နေသည်ကို တွေ.ခဲ့ရပါသည်။

မီးသတ်ကားများလာရောက် ငြိမ်းသတ်နေပါသည်။
ကား auction showroom နှင့် ပညာနန်းတော် ကျူရှင် ဘေးတိုက်ဖြစ်ပါသည်။

Myanmar News Now

သစ်ထူးလွင် 5/18/2012 05:16:00 PM

အ.လ. က (၁) သင်္ဃန်းကျွန်းမှာ အလှူငွေကောက်ခံနေ

ယခုနှစ် မှာ နိုင်ငံတော် အစိုးရ မှ ကျောင်းအပ်နှံရေး ကာလကို မေ လ ၂၅ ရက်နေ့ မှသာ စတင်စေဖို့ အမိန့် ထုတ်ထားသော်လည်း  မေလဆန်းတွင်ပင် ကျောင်းအပ်လက်ခံ၍ အလှုငွေများကောက်ခံနေပါတယ်။ ယခု ၂၀၁၁-၂၀၁၂ ပညာသင်နှစ်တွင် မေ ၇ ရက်မှစ၍ မေလ ၁၅ ရက်နေ့ ထိ နံနက် ၉ နာရီ မှ ၁၂ နာရီထိ ဆရာ ဆရာမ များကိုအမိန့် ပေးခေါ်ယူ၍ အလှုငွေ ကောက်ခံစေခြင်း ၊ ယခုကျင့်သုံးနေသော ပညာရေးစနစ် အရ အခမဲ့ ပညာရေးဖြစ်သည့် သူငယ်တန်း မှ စတုတ္ထတန်း ကျောင်းသား ကျောင်းသူများထံမှ မှ အလှုငွေ သတ်သတ် ကောက်ယူခြင်း နှင့် စာအုပ်ရောင်းခြင်း ၊ ကျောင်းသားအသစ်များ (A) ခန်းလိုချင်လျှင် ငွေ ၁ သောင်းအထိ အခကြေးငွေ ရယူခြင်း တို့ ဖြင့် ပညာရေး ကို ခုတုံးလုံး၍ ကိုယ်ကျိုးစီးပွားရှာနေပါသည်။

ကျောင်းသားသစ်များလက်ခံခြင်းအပါအဝင် မူလတန်းအဆင့်ကျောင်း အပ်နှံရာ၌ ငွေကြေးတောင်းခံပါက ထိရောက်သည့် အရေးယူမှု များပြုလုပ် သွားမည်ဟု ပညာရေးဝန်ကြီးဌာန ဒုတိယဝန်ကြီးဦးအေးကြူက ''ယူ ရင်၊ သူ့လမ်း၊ သူရွေးတာမျိုးဖြစ် သွားမှာပေါ့'' ဟု ပြောကြားထားသော်လည်း ယခုလို သတ်မှတ်ချိန်ထက် စောပြီး ကျောင်းအပ်လက်ခံကာ အလှုငွေ များကောက်ခံလျက်ရှိပါတယ်။
ကျောင်းအတွင်း ကျူရှင် မသင်သော ဆရာ ဆရာမ အများစုရှိသော်လည်း ကျောင်းအုပ်ဆရာမကြီး ရဲ့ ကိုယ်ကျိူးစီးပွားရှာမှုကြောင့် ကျူရှင် မသင်သော ဆရာ ဆရာများ နာမည်ပျက်ရခြင်း နှင့် ဆရာ ဆရာမများအကြား စိတ်ဝမ်းကွဲစေမှုတို့ ကိုဖြစ်နေစေသဖြင့် တာဝန်ရှိသူများ အမြန် ဖြေရှင်းပေးပါရန် တောင်းဆိုလိုက်ရပါသည်။

အ.လ.က (၁) သင်္ဃန်းကျွန်း မှာ ကျောင်းအုပ်ဆရာမကြီး တရားမ၀င် ကောက်ခံနေသည့် အလှုငွေများ

၁။ ၈ တန်းသင်ယူပြီးမြောက်ခြင်းလက်မှတ်
   ကျောင်းထွက်လက်မှတ် ၊ အရည်အချင်း လက်မှတ် =၅၀၀၀

၂။  အတန်းတက်ခွင့်လက်မှတ် သူငယ်တန်းမှ အဋ္ဌမတန်းထိ = ၅၀၀


အ.လ.က (၁) သင်္ဃန်းကျွန်း ရှိ ကျောင်းသား မိဘများ

သစ်ထူးလွင် 5/18/2012 05:04:00 PM

ဆန္ဒပြနေတဲ့ စက်ရုံ တွေ က အလုပ်သမားတွေ အလုပ်ရှင် နဲ့  ညှိနိုင်းလို့ မရသေး (ရုပ်/သံ)

 လှိုင်သာယာစက်မှုဇုံ က လုပ်ခတိုးပေးဖို့ အလုပ်မဆင်းဘဲ ဆန္ဒပြနေတဲ့ စက်ရုံ တွေ က အလုပ်သမားတွေ အလုပ်ရှင် နဲ့  ညှိနိုင်းလို့ မရသေးဘဲ ဆက်လက်ဆနပြနေကြပါတယ်။ ကိုသက် (ဒီဗွီဘီ)

သစ်ထူးလွင် 5/18/2012 04:45:00 PM

ကျေးရွာအုပ်ချူပ်ရေးမှူး ငွေကြေးအလွဲသုံးစားလုပ်မှုကို တိုင်ကြားသည့်သူများ အရေးယူခံနေရ

မိတ္ထီလာခရိုင် ၀မ်းတွင်းမြို့နယ် ပင်းတလဲကျေးရွာအုပ်ချူပ်ရေးမှူးမှ ငွေအလွဲသုံးစားလုပ်မှုများနှင့် စာကြည့်တိုက်ငွေများ စာရင်းမရှင်းသည့်အတွက် ကျေးရွာလူထုကိုယ်စား တိုင်ကြားသူ ၁၄ ဦးအား ၀မ်းတွင်းမြို့နယ်တရားရုံးက ပြစ်မှုဆိုင်ရာ ဥပဒေပုဒ်မ ၁၈၂ အရ အရေးယူခံနေရကြောင်းသိရသည်။

ဖြစ်ပွားပုံမှာ မိတ္ထီလာခရိုင် ၀မ်းတွင်းမြို့နယ် ပင်းတလဲကျေးရွာအုပ်ချူပ်ရေးမှူးသည် ကျေးရွာကိစ္စရပ်များတွင် ငွေစာရင်းမရှင်းလင်းသည့် ကိစ္စရပ်များအတွက် ရွာခံ ၁၄ ဦးတို့က ၀မ်းတွင်းမြို့နယ် အုပ်ချူပ်ရေးမှူးနှင့် မိတ္ထီလာခရိုင်အုပ်ချူပ်ရေးမှူးထံ ၂၀၁၁ ခု၊ ဒီဇင်ဘာလ ကတည်းက အဆင့်ဆင့်တင်ပြတိုင်ကြားခဲ့ကြသည်။

ထိုကဲ့သို့ ကျေးရွာလူထုကိုယ်စား ၁၄ ဦးတို့က ပင်းတလဲကျေးရွာအုပ်ချူပ်ရေးမှူးငွေကြေးအလွဲသုံးစားလုပ်မှုကို မြို့နယ်အုပ်ချူပ်ရေးမှူးနှင့် ခရိုင်အုပ်ချူပ်ရေးမှူးထံတင်ပြချက်အရ မြို့နယ်အုပ်ချူပ်ရေးမှူးနှင့် ခရိုင်အုပ်ချူပ်ရေးမှူးတို့က ကော်မတီများဖွဲ့စည်း၍ သုံးကြိမ်စစ်ဆေးပြီး ယနေ့အထိ အရေးယူအပြစ်ပေးခြင်းမရှိခဲ့သော်လည်း ကျေးရွာလူထုကိုယ်စား တိုင်ကြားသူ ၁၄ ဦးအား မေလ ၈ ရက်က ၀မ်းတွင်းမြို့နယ်တရားရုံးမှ ပြစ်မှု ၁၈၈၊ ပြစ်မှုဆိုင်ရာပုဒ်မ ၁၈၂ အရ ၀မ်းတွင်းမြို့နယ်တရားရုံးသို့ မေလ ၁၄ ရက်တွင် ကြားနာစစ်ဆေး၇န် ဒေါ်မိမိထွေး (တ ၂၅၆၅) တွဲဖက်မြို့နယ်တရားသူကြီး(အထူးရာဇ၀တ်အာဏာရ) ၀မ်းတွင်းမြို့နယ် တရားရုံးက ဆင့်စာထုတ်ထားကြောင်းသိရသည်။

ဒီမိုကရေစီခေတ်ဦးကာလတွင် ကျေးရွာအုပ်ချူပ်ရေးမှူး၏ ငွေအလွဲသုံးစားလုပ်မှုကို ကျေးရွာလူထုက မခံမရပ်နိုင်၍ အ ထက်အဆင့်ဆင့်သို့တိုင်ကြားခဲ့သော်လည်း ထိရောက်စွာ အပြစ်ပေးအရေးယူခြင်းမရှိုဘဲ တိုင်ကြားသူ ၁၄ ဦးအားတရားစွဲဆိုထားသဖြင့် ကြားရသူအပေါင်းက အံ့သြနေကြပြီး ယခုအမှုအား တရားရုံးက မည်ကဲ့သို့ စီရင်ဆုံးဖြတ်မည်ကို ၀မ်းတွင်းတစ်မြို့နယ်လုံးက စိတ်ပါဝင်စားစွာစောင့်မျှော်လျက်ရှိကြောင်းသိရသည်။
ကိုသန့်စင်(မိတ္ထီလာ)
မြန်မာပို့ စ်

သစ်ထူးလွင် 5/18/2012 04:23:00 PM

နိုင်ငံတော်သမ္မတကြီး စင်္ကာပူတွင် အရေးပေါ် ဆေးကုသမှု ခံယူနေဆိုသော သတင်း သမ္မတရုံး ငြင်းဆို

ရန်ကုန် မေ ၁၇

နှလုံးခုန် ထိန်းညှိစက် ထည့်သွင်း ထားရသော အသက် ၆၇ နှစ် အရွယ်ရှိ နိုင်ငံတော် သမ္မတကြီး ဦးသိန်းစိန် ရုတ်တရက် မူးလဲသဖြင့် စင်္ကာပူနိုင်ငံသို့ ပို့ဆောင်၍ ဆေးကုသမှု ခံယူနေရသည် ဆိုသော သတင်းများမှာ မှန်ကန်မှု မရှိကြောင်း နိုင်ငံတော် သမ္မတရုံး တာဝန်ရှိ ပုဂ္ဂိုလ် တစ်ဦးက ပြောကြားသည်။

ရန်ကုန် မြို့သို့ ရောက်ရှိနေသော နိုင်ငံ သမ္မတ ကြီး ၏ ကျန်းမာရေး နှင့် ပတ်သက်၍ ထွက်ပေါ်နေသော သတင်းများမှာ ကောလဟာ လ များသာဖြစ်၍ ခရီးသွားနေသည့် အချက်များမှ လွဲ၍ ကျန်အချက်များမှာ လုံးဝ မှန်ကန်မှု မရှိကြောင်း၊ မိတ်ဆွေများ ၏ စိုးရိမ် ပူပန်မှုအတွက် ကျေးဇူး အထူးတင် ရှိပါသည် ဟု ၄င်း၏ facebook စာမျက်နှာ တွင်ရေးသားဖော်ပြထားသည်ကို တွေ့ရှိရသည်။

မြန်မာ နိုင်ငံ တွင် ဒီမိုကရေစီ စနစ် ထွန်းကားရေး နှင့် တိုင်းပြည် ဖွံ့ဖြိုး တိုးတက်ရေး အတွက် ပြုပြင်ပြောင်းလဲ ရေး လမ်းကြောင်းကို စတင် အကောင်အထည်ဖော်ပေးခဲ့သည့် နိုင်ငံတော်သမ္မတကြီးမှာ ဆီးလမ်းကြောင်းပိုးဝင် ခြင်းကြောင့် အဖျားဝေဒနာ ခံစားနေရာမှ အားနည်း၍ မူးလဲခြင်းသာ ဖြစ်ပြီး အသက် ၆၀ ကျော် အမျိုးသား များတွင် ဖြစ်လေ့ဖြစ်ထ ရှိသော ရောဂါဖြစ်သဖြင့် စိုးရိမ်ဖွယ်ရာ မရှိပါကြောင်း၊ မနက်ဖြန်တွင် သွားရောက်မည့် ငပုတောခရီးစဉ်ကိုလည်း ဖျက်သိမ်းထားကြောင်း နိုင်ငံတော် သမ္မတကျန်းမာရေး စောင့်ရှောင့်မှု အထူးအဖွဲ့ နှင့် နီးစပ်သူ အထူးကု ဆရာဝန်ကြီး တစ်ဦးက ပြောကြားသည်။

နိုင်ငံတော်သမ္မတ ကြီး၏ ကျန်းမားရေးနှင့် ပတ်သက်သော သတင်းများ ဖော်ပြထားသည့် Facebook စာမျက်နှာ များတွင် နိုင်ငံတော်သမ္မတ ကြီး သက်တော်ရာကျော်ရှည်ပါစေကြောင်း ကိုယ်စိတ်နှလုံး ကျမ်းမာ ချမ်းသာပါစေကြောင်း ရေးသား ခဲ့ကြသည်များကို တွေ့ရှိရသည်။

The Voice Weekly

သစ်ထူးလွင် 5/18/2012 03:40:00 PM

မြန်မာ- အမေရိကန် သံအမတ်များ အဆိုပြုကြေညာ

မြန်မာနိုင်ငံဆိုင်ရာ အမေရိကန်သံအမတ်အဖြစ် မြန်မာဆိုင်ရာ မူဝါဒညှိနှိုင်းရေးမှူး နဲ့ အထူး ကိုယ်စားလှယ် မစ္စတာ Derek Mitchell ကို သမ္မတ အိုဘားမားက တရားဝင် အဆိုပြုလိုက်ပါတယ်။

အလားတူ မြန်မာနိုင်ငံဘက်ကလည်း အမေရိကန်ဆိုင်ရာ မြန်မာသံအမတ်
အဖြစ် လက်ရှိ ကုလသမဂ္ဂ ဆိုင်ရာ အမြဲတန်းမြန်မာသံအမတ်ကြီး ဦးသန်းဆွေ ကို ခန့်အပ်ကြောင်း အမေရိကန် ပြည်ထောင်စု ၀ါရှင်တန်ဒီစီမြို့တော် ကို ချစ်ကြည်ရေးခရီးစဉ်အဖြစ် ရောက်ရှိနေတဲ့
မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်ကလည်း ကြေညာခဲ့ပါတယ်။

နှစ်(၂၀)ကျော်ကြာမြင့်ပြီးတဲ့နောက် သံအမတ်တွေ ခန့်အပ်ဖို့
နှစ်နိုင်ငံလုံးရဲ့ ဆုံးဖြတ် ချက် ဟာ အမေရိကန်နဲ့ မြန်မာ ပုံမှန်သံတမန်
ဆက်ဆံရေးပြန်ဖြစ်လာဖို့အတွက် အရေးကြီးတဲ့ အဆင့် ဖြစ်တယ်လို့ ဦးဝဏ္ဏမောင်လွင် က ပြောကြားခဲ့ပါတယ်။

မစ္စတာ Derek Mitchell ကို မြန်မာနိုင်ငံဆိုင်ရာ အမေရိကန်သံအမတ်အဖြစ် သမ္မတ အိုဘားမား ရဲ့ အဆိုပြု ချက် ကို အမေရိကန်လွှတ်တော် က အတည်ပြုရမှာ ဖြစ်ပါတယ်။

RFA-Burmese

သစ်ထူးလွင် 5/18/2012 08:59:00 AM

ကလောမြို့ အနီး ခရီးသည်တင်ယာဉ် တိမ်းမှောက်မှုကြောင့် ၄ ဦးသေဆုံးပြီး ဒဏ်ရာရသူများပြား

ကလော မရောက်ခင်ဆိုလမ်းတွေက အကွေ့ အကောက်အတော်များတယ်

၂၀၁၂ မေလ ၁၇ ရက်နေ့ ယနေ့ နံနက် ၁၀နာရီ ခန့်က ရှမ်းပြည်တောင်ပိုင်း
 ရပ်စောက်မြို့မှ မန္တလေး သို့ ထွက်ခွာလာတဲ့  ဇာတိမာန်ယာဉ်လိုင်းမှ
 မှန်လုံမော်တော်ယာဉ်ဟာ ကလော မြို့နယ် ၀က်ဖြူရေ နှင့် မကွေ ကြားတွင်
တိမ်းမှောက်မှုဖြစ်ပွားခဲ့ပါတယ်။

ကားဟာဂျွိင့်ပြုတ်ထွက်သွားပြီး ပေ-၁၀၀ ကျော်နက်သောခြောက်ထဲသို့ထိုးကျ
သွားရာ ကားပေါ်လိုက်ပါလာသူ ခရီးသည်(၁၉)ဦးအနက် (၄)ဦးမှာ နေရာတွင်ပင်
ပွဲချင်းပြီးသေဆုံးသွားပြီး ကျန်ခရီးသည်များမှာလည်းဒဏ်ရာပြင်းထံလို့
 တောင်ကြီးမြို့ စ၀်စံထွန်းဆေးရုံကြီးသို့ပို့ဆောင်ပေးခဲ့ရကြောင်း သိရပါတယ်။
Myanmar News Now

သစ်ထူးလွင် 5/18/2012 08:40:00 AM

မြန်မာနိုင်ငံမှာ ရင်းနှီးမြှုပ်နှံမှုသစ်တွေ ခွင့်ပြုလိုက်ကြောင်း အမေရိကန် ကြေညာ

မြန်မာနိုင်ငံအပေါ်ပိတ်ဆို့ အရေးယူထားတဲ့ ငွေကြေး ၀န်ဆောင်မှု လုပ်ငန်းတွေနဲ့ ရင်းနှီးမြှုပ်နှံမှု အသစ်တွေ မလုပ်ဖို့တားမြစ်ထားတွေကို
လျော့ပေါ့ပေးလိုက်ကြောင်း အမေရိကန် သမ္မတ က မနေ့က ကြေညာချက်
ထုတ်ပြန် လိုက်ပါတယ်။

နှစ်နိုင်ငံ စီးပွားရေးဆိုင်ရာ ပူပေါင်းဆက်ဆံရေး လမ်းပွင့်လာတာဟာ မြန်မာ အစိုးရတွင်းက ပြုပြင် ပြောင်းလဲလိုသူတွေ၊ လူထုအခြေပြု အဖွဲ့အစည်းတွေကို အထောက်အကူ ပြုနိုင်ဖို့အတွက် အဓိက အရေးပါကြောင်းလည်း ကြေညာချက်မှာ ဖေါ်ပြပါတယ်။

အခုလို အမေရိကန်နဲ့ မြန်မာနှစ်နိုင်ငံ ဆက်ဆံရေး အခန်းကဏ္ဍသစ် ဖွင့်လှစ်လိုက်တာနဲ့ ပတ်သက်လို့ အမေရိကန် နိုင်ငံခြားရေးဝန်ကြီး ကလင်တန်နဲ့ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင် တို့ ပူးတွဲ သတင်းစာရှင်းလင်းပွဲ မနေ့က ကျင်းပခဲ့ပါတယ်။

အမေရိကန်အစိုးရက မြန်မာနိုင်ငံမှာ ရင်းနှီးမြှုပ်နှံမှုတွေ တားမြစ်
ထားတာကို ဆိုင်းငံ့လိုက်ပေမဲ့ ပြောင်းလဲ တိုးတက်မှုတွေ
နောက်ပြန်လှည့် လာတာမျိုး မရှိအောင်၊ ပိတ်ဆို့မှု ဥပဒေတွေကတော့ ဆက်လက်ထားရှိမှာ ဖြစ်တယ် လို့ မစ္စစ် ကလင်တန်က ပြောပါတယ်။ ဒါ့ပြင် အမေရိကန် ပြည်ထောင်စု အနေနဲ့ မြန်မာနိုင်ငံအတွက် ပြဌာန်းထားတဲ့ ဥပဒေတွေထဲက သင့်တော်တဲ့ အချက်တွေကို ဆက်ပြီးထိန်းထားအုံးမှာ
ဖြစ်ပါတယ်။

ဒါပေမယ့်လည်း စီးပွားရေးနဲ့ ရင်းနှီးမြှုပ်နှံမှု ဆိုင်ရာ အခွင့်အလမ်းတွေကို ချဲ့ထွင်သွားနိုင်ရေး အမြန်ဆုံး ဆောင်ရွက်သွားဖို့ ရည်ရွယ်ထားပါတယ် လို့ နိုင်ငံခြားရေးဝန်ကြီး ကလင်တန် ပြောပါတယ်။

မြန်မာနိုင်ငံအပေါ် ပိတ်ဆို့မှုတွေကို ဆိုင်းငံ့လိုက်ပေမဲ့ အရပ်သား အုပ်ချုပ်ရေးစနစ် အပြည့်အ၀ အကောင်အထည် မဖေါ်နိုင်သေးတာကြောင့် လက်နက်ရောင်းဝယ်တာတွေကိုတော့ ဆက်လက် ပိတ်ပင်ထားဆဲ
ဖြစ်တယ်လို့ မစ္စစ်ကလင်တန်က ပြောပါတယ်။

ဒါ့အပြင် မြောက်ကိုးရီးယားနဲ့ စစ်ရေးအရ ဆက်ဆံမှုတွေကို ရပ်ဆိုင်းမှာဖြစ်တယ်လို့ သမ္မတဦးသိန်းစိန်ရဲ့ ပြောဆိုချက်ကိုလည်း
ကျေနပ်အားရမိတယ်လို့ အမေရိကန် နိုင်ငံခြားရေးဝန်ကြီး ကလင်တန်က သတင်းထောက်တွေကို ပြောကြားခဲ့ပါတယ်။

RFA-Burmese

သစ်ထူးလွင် 5/18/2012 08:35:00 AM

လစာငွေက ဖြတ်တောက်မှုကို ရပ်ပေးပါ (ရဲတပ်ဖွဲ့ ဝင်များ)

ဧရာဝတီတိုင်း ပုသိမ်မြို့နယ်မှာရှိတဲ့ ရဲစခန်းတွေ ရဲကင်းတွေဟာ လကုန်ရက်ကို
 ရောက်မှာကို ကြောက်နေကြပါတယ်။ ဘာလို့လည်းဆိုတော့ လစဉ် အကြောင်း
ပြချက်မရှိ ဖြတ်တောက်ငွေက တလထက်တလ ပိုပိုဆိုးလာပါတယ်။

ပုသိမ်မြို့နယ်မှာ ရဲစခန်းပေါင်း (၈)ခုနဲ့ ရဲကင်းပေါင်း (၄)ခုရှိပါတယ်၊ ရဲစခန်းတစ်ခု
ကိုပျမ်းမျှ (၂)သိန်းနဲ့(၃)သိန်းကြားနဲ့ရဲကင်းတစ်ခုကို ပျမ်းမျှ (၁)သိန်းခွဲဝန်းကျင်
လောက် လစဉ် လစာငွေထဲကနေ အကြောင်းပြချက်မရှိ ဖြတ်တောက်နေတာပါ။

နောက်ပြီးတော့ လစဉ် မဂ္ဂဇင်း၊လဘက်ခြောက်စတာတွေကို မယူမနေရ ပေးပြီး
အဲသည်အတွက်ကိုလည်း လစာကနေ ထပ်ပြီး ဖြတ်တောက်ပြန်ပါတယ်။
ပြက္ခဒိန်ဆိုတာကလည်း တစ်နှစ်ကို သုံးကြိမ်လောက်ရောင်းခိုင်းပါတယ်။
 စောင်ရေတွေ ရာနဲ့ချီပြီးရောင်းခိုင်းတာပါ။ ရောင်းပေးရတဲ့ရဲစခန်းရဲကင်းက
ရောင်းလို့ ကုန်ကုန်မကုန်ကုန် လစာထုတ်တဲ့အချိန်ကိုရောက်ရင် လစာငွေထဲက
နေဖြတ်ယူလိုက်တာပါဘဲ။

နောက်ပြီးတော့ မတန်တဆဈေးနဲ့ မှတ်စုစာအုပ်တွေမယူမနေရ၀ယ်ခိုင်းပြီး
အဲသည်အတွက်ကိုပါ လစာငွေကနေ ထပ်ပြီးဖြတ်ပြန်ပါတယ်။ ဒီကြားထဲကနေ
 မကြာခင်ရက်ထဲက ပြီးသွားတဲ့ လက်ဝှေ့ပွဲအတွက်လည်း လက်မှတ်တွေကို
ရဲတပ်ဖွဲ့ဝင်တွေကို ရောင်းခိုင်းပါသေးတယ်။ ဒီလိုလုပ်ရပ်တွေကို ၀န်ကြီးနဲ့
ရဲချုပ်တို့မှ သိရှိပြီး ရပ်တန်းကရပ်အောင် လုပ်ပေးကြပါတော့။

အခုအချိန်မှာ တရားဥပဒေစိုးမိုးရေးက အရေးကြီးတယ်လို့ အော်နေကြပေမယ့်
အဲသည်တရားဥပဒေစိုးမိုးရေးကို အဓိကတာဝန်ယူနေကြရတဲ့ ရဲတပ်ဖွဲ့ဝင်တွေ
ရဲ့ဘ၀ကိုလည်း ပြန်ကြည့်ပေးကြပါဦး။ နိုင်ငံတော်က ထောက်ပံ့ငွေ(၃)သောင်း
လည်းပေးရော ပေးတဲ့လမှာဘဲ ဖြတ်တောက်ငွေကလည်းတိုးသွားပါတယ်။

နောက်ပြီးတော့ ယူချင်ချင် မယူချင်ချင် ယူရမယ်ဆိုပြီး မတန်တဆဈေးတွေနဲ့
ဈေးရောင်းတာတွေကို ရပ်ပေးပါတော့။ ကြက်ခြေနီပြက္ခဒိန်၊ မီးသတ်ပြက္ခဒိန်၊
ယာဉ်စည်းကမ်းပြက္ခဒိန်၊မဂ္ဂဇင်း၊ဂျာနယ်စတဲ့.....ဟာတွေအမျိုးမျိုးကိုအမိန့်နဲ့
ရောင်းခိုင်းပြီး လစာငွေထဲက ဖြတ်ယူတာတွေရပ်ပေးပါတော့။ ရဲတပ်ဖွဲ့ဝင်တွေက
 အဲဒီလို မတန်တဲ့ဈေးနဲ့ ပြက္ခဒိန်တွေ ၊လဘက်ခြောက်တွေ၊......တွေကိုလိုက်
ရောင်းနေရတာက ပြည်သူတွေအမြင်မှာ တော်တော်ဆိုးပါတယ်။
                                                                                                                                 
 ပုသိမ်-ရဲတပ်ဖွဲ့ဝင်များ

သစ်ထူးလွင် 5/18/2012 07:09:00 AM

ဟင်္သာတမှာ သစ်ကားတစ်စီးတိမ်းမှောက်ပြီး တဦးသေဆုံး တဦးဒဏ်ရာရ

တိမ်းမှောက်သွားတဲ့ သစ်ကား

ဟင်္သာတမြို့၊ လယ်တီကွင်းရပ်၊ အင်္ဂပိုလမ်း မြို့ပတ်လမ်းခွဲ အနီးတွင် (၁၅-၅-၂၀၁၂)
နေ့ ည ၈ နာရီ ခွဲခန့်တွင် ကားနံပါတ် ဒ/၄၅၅ (တီအီး) ကားတစ်စီး ဘော်ဒီခါးစည်း
ပြတ်တောက်ပြီး တိမ်းမှောက်ခဲ့သည့်အတွက် ယာဉ်မောင်းသူ သေဆုံးပြီး တစ်ဦး
ဒါဏ်ရာရရှိခဲ့ပါတယ်။

 အဆိုပါကားတွင် တင်ဆောင်လာသည့် မျောတိုင် များအကြားအောက်ဘက်တွင်
ကျွန်းသစ်(ကပ်တုံးများ) ပါဝင်သည်ဟု ကားတိမ်းမှောက်စဉ် သွားရောက်ကြည့်
ရှုခဲ့သည့်သူများထံမှ သိရှိခဲ့ရပါတယ်။

ယာဉ်တိမ်းမှောက်မှု မဖြစ်ခင်အချိန်တွင် ကိုခင်မောင်မြင့်(ရဲသတင်းပေး)ဟု ဆိုသူမှ
လည်းအဆိုပါ ကားနောက်သို့ ဆိုင်ကယ်ဖြင့်လိုက်ခဲ့ကြောင်း မျက်မြင်များမှ ပြောဆို
ပါတယ်။

သစ်ကားတွေမြို့ ထဲဝင်ချင်ရင် ကိုခင်မောင်မြင့်(ရဲသတင်းပေး)ကိုငွေ(၅၀၀၀၀)သောင်း
ပေးပြီးမှဝင်ရတယ်။ လိုက်လာတာသိလို့ ကြောက်ကြောက်နဲ့ မောင်းရင်းမှောက်တာပါ
ဟု မျက်မြင်သက်သေများက ပြောပါတယ်။

ဟင်္သာတမြို့တွင် ထိုကဲ့သတင်းပေးဆိုသူများမှာ ရဲ၊ SB နှင့် ခရိုင် ဒန အဖွဲ့များမှ
လူတစ်ချို့နှင့် ချိတ်ဆက်ပြီး တရားမ၀င်လုပ်ငန်းလုပ်သူများအား ငွေညှစ်မှုများ
ယခင်ကလည်းလုပ်ခဲ့ဘူးပါတယ်။ ယခု မျောတိုင်သစ်များမှာ ဧရာဝတီမြစ်ကမ်း
 ကမ်းဆယ် (စပါး) ရိုက်လုပ်ငန်းအတွက် သယ်ယူလာရင်း ကားမှောက်မှု
ဖြစ်ပွါးခဲ့တာဖြစ်ပါတယ်။

Myanmar News Now
သေဆုံးဒါဏ်ရာရသူများနှင့် သစ်ကားတိမ်းမှောက်ပုံ မြင်ကွင်း ဓါတ်ပုံများ

သစ်ထူးလွင် 5/18/2012 07:03:00 AM

လစာငွေက ဖြတ်တောက်မှုကို ရပ်ပေးပါ (ပညာရေးဝန်ထမ်းများ)

ဟင်္သာတမြို့ 

ဧရာဝတီတိုင်းဒေသကြီး ဟင်္သာတမြို့ နယ် ပညာရေးမှူးရုံးမှ မူလတန်းပညာရေး
ဝန်ထမ်းတစ်ဦးလျှင် 100%နှုန်းဖြင့် 2010 ဇန်န၀ါရီလမှစပြီး လစဉ် ရုံးထောက်ပံ့ 
ငွေဖြတ်တောက်ခဲ့ ပါတယ်။

မူလတန်းပညာရေးဝန်ထမ်း 2000 ကျော်ရှိပါတယ်။ အငြိမ်းစားယူသွားသော
ရုံးအုပ်စာရေးကြီး၏ ကြွေးကျန် 6 သိန်းကိုလည်းဝန်ထမ်းများထံမှဖြတ်တောက်ခဲ့ 
ပါတယ်။

ရုံးကုန်ကျစရိတ်များဖြစ်သော တယ်လီဖုန်း ကွန်ပြူတာမှတ်တမ်းနှင့် ခရီးစရိတ်များ
လည်းကောက်ခံခဲ့ ပါတယ်။ 2012ဖေဖော်ဝါရီလတွင် မြို့ နယ်ပညာရေးမှူးအသစ်ပြောင်း
မည်ဖြစ်ရွေ့ ရုံးထောက်ပံငွေပုံမှန် 100%အပြင်အခြားဖြတ်တောက်မှူ့ များရပ်တန့် ရန်
စုပေါင်းတင်ပြသော်လည်း 2012ဖေဖော်ဝါရီလတွင် မြို့ နယ်ပညာရေးမှူးအသစ်မှ
တစ်ဦးလျှင်230 နှုန်းကောက်ခံခဲ့ ပါတယ်။ မတ်လတွင်300၊ကောက်ခံသည့် အပြင်
ဧပြီလတွင်700နှုန်းကောက်ခံခဲ့ ပါတယ်။

အဆိုပါ ရုံးထောက်ပံငွေ ကောက်ခံမှုတွေကို ရပ်ဆိုင်းပေးစေလိုကြောင်း ဟင်္သာတ
မြို့ မှ မူလတန်းပညာရေးဝန်ထမ်းများ က Myanmar News Now ကို ပြောဆိုထား
ပါတယ်။

သစ်ထူးလွင် 5/18/2012 06:49:00 AM

ချစ်သုဝေ ( သို့မဟုတ်) မြန်မာ့ အင်ဂျလီနာဂျိုလီ

အဓိက၊ ကလေးသရုပ်ဆောင်များနှင့် ချစ်သူ့ဝေ၊ ရဲတိုက်

ရွေ့ပြောင်းအလုပ်သမားကလေးငယ်များနှင့် မင်းသမီးချစ်သုဝေ။

ထိုင်းနိုင်ငံ၊ တောင်ပိုင်းဖန်ငဒေသဟာ၂၀၀၄ ခုနှစ်လောက်က အရှေ့တောင်အာရှနဲ့ တောင် အာရှနိုင်ငံတော်တော်များများမှ ထောင်သောင်းချီတဲ့၊ လူ့အသက်ပေါင်းများစွာ သေကြေ ပျက်စီး ဆုံးရှုံးစေတဲ့၊ သန်းပေါင်းများစွာသော လူသားမျိုးနွယ်တွေကို အိုးမဲ့အိမ်မဲ့ ဖြစ်စေခဲ့တဲ၊့     ကြမ်းတမ်း ခက်ထရော်လှတဲ့ မှော်သားနဲ့ အတိပြီးနေတဲ့့့့ ။


"၀န်းကျင်တစ်ခုထဲက  မုန်တိုင်းစစ်မြေပြင်။ 

ဒီလှိုင်းတွေရဲ့  ထိုးစစ်ဒေသ၊ 

ဆူနာမီလို ရေအောက် ၀ံပုလွေအန္တရာယ်။ "

ဒီလို ရန်ဆူး ရန်စွယ် ထူပြောလှတဲ့ဒေသမှာ သမုဒရာ ၀မ်းတထွာအတွက် လာရောက် အလုပ်လုပ်ကိုင် ရုန်းကန်နေကြရတဲ့ ထောင်၊သောင်းချီတဲ့ မြန်မာရွေ့ပြောင်းအလုပ်သမားတွေလည်း သဘာဝဘေးဒဏ်တွေရဲ့  သားကောင်တွေ ဘ၀နဲ့ ရုန်းကန်ရှင်သန်နေကြရသလို မိုးလေ၀သရဲ့  အတိုက်စားခံ ဓါးစာခံတွေ ဖြစ်ခဲ့ရတဲ့ ပင်လယ်ကမ်းခြေ ဘ၀စာမျက်နှာများရဲ့ လှိုင်းပုတ်သံတွေပါ။


၂၀၀၄ ဆိုနာမီမတိုင်ခင်က၊ ဒီဒေသမှာ မြန်မာရွေ့ပြောင်းအလုပ်သမားတွေအတွက် ပညာ ရေး၊ ကျန်းမာရေး၊ ဖွံ့ဖြိုးရေး စတဲ့ လုပ်ငန်းတွေကို လုပ်ကိုင်ဆောင်ရွက်နေကြတဲ့ အဖွဲ့အစည်းတွေ မရှိခဲ့ပါဘူး။ ၂၀၀၅ ခုနှစ် အစပိုင်းကစပြီး ယခုအချိန်အထိ လုပ်ကိုင်ဆောင်ရွက်နေတဲ့ အစိုးရ မဟုတ်တဲ့ အဖွဲ့အစည်းတွေများစွာ ပေါ်ပေါက်လာခဲ့ပေမဲ့ အများစုဟာ ခုအချိန်မှာ အကြောင်းအမျိုး မျိုးနဲ့  ဆင်းရဲတွင်းက ထွက်ခွာသွားကျပေမဲ့ ခုအချိန်ထိ မြန်မာရွေ့ပြောင်းအလုပ်သမား ကလေးငယ် တွေရဲ့ပညာရေးကို တစိုက်မတ်မတ် ဆောင်ရွက်နေတဲ့ ထိုင်းနိုင်ငံမှာ တရားဝင် မှတ်ပုံတင်ထားတဲ့ မြန်မာအဖွဲ့အစည်းတစ်ခုကတော့ ပညာရေးနဲ့ ဖွံ့ဖြိုးတိုးတက်ရေးဖောင်ဒေးရှင်း။ 


ဖောင်ဒေးရှင်းရဲ့  လှုပ်ရှားမှုတွေဟာ ထိုင်းနိုင်ငံ၊ ဖန်းငဒေသတွင်းမှာ အလုပ်လုပ်ကိုင် နေ ထိုင် ရှာဖွေစားသောက်နေကြတဲ့ မြန်မာရွေ့ပြောင်းအလုပ်သမားတွေရဲ့ဘဝကို ထင်ဟပ် ပေါ်လွင် စေပြီး မြန်မာ့အခြေခံ လူ့အဖွဲ့အစည်းနဲ့ မျိုးဆက်သစ် လူငယ်တွေရဲ့ ပညာရေးဟာ ကျနော်တို့ လူ့  အဖွဲ့ အစည်းအတွက် ဘယ်လောက်အရေးကြီးတယ်ဆိုတယ်ဆိုတာကို ပညာပေးရုပ်ရှင် ဇာတ်လမ်း တိုတစ်ကားကို ရိုက်ကူးပုံဖော်တဲ့အခါ။   


ဒီရုပ်ရှင်ဇာတ်လမ်းလေးကို မြန်မာနိုင်ငံက နာမည်ကျော်ရုပ်ရှင်ဒါရိုက်တာ မင်းထင်ကိုကိုကြီး က ကြီးကြပ်ရိုက်ကူးပြီး စွယ်စုံရအနုပညာရှင်နိုင်ငံရေးအကျဉ်းသားဟောင်း ကိုဇာဂနာမှလည်း ၀န်းရံ ကူညီပံပိုးပေးခဲ့ပါတယ်။ ရုပ်ရှင်ဇာတ်ကားရဲ့ အဓိကဇာတ်ဆောင်တွေအဖြစ် မြန်မာနိုင်ငံတွင်းမှာ လူမှုရေးလုပ်ငန်းတွေကို တက်တက်ကြွကြွ ဆောင်ရွက်နေကြတဲ့ ရုပ်ရှင်မင်းသားရဲတိုက်နဲ့ အဆို တော် မင်းသမီးချစ်သုဝေတို့ပါ။ သူတို့လေးတွေဟာ အလုပ်တာဝန်တွေများနေတဲ့ကြားက ၊ထိုင်း နိုင်ငံမှာ လာရောက်လုပ်ကိုင် ရုန်းကန် စားသောက်နေကြရတဲ့ မြန်မာရွေ့ပြောင်းအလုပ်သမားတွေရဲ့ သားသမီးလေးတွေရဲ့ ပညာရေးအတွက် အနုပညာကြေးမယူဘဲ၊ အခမဲ့ရိုက်ကူးပေးခဲ့တဲ့ မေတ္တာဒါန ပါ။ ရုပ်ရှင်ဇာတ်ကားအကြောင်းကို လာရောက်သတင်းယူခဲ့တဲ့ VOA အကြီးတန်းသတင်းထောက် Mr.Ron Corben ဟာ ရိုက်ကွင်းမှာ ကိုယ်တိုင်တွေ့ ကြုံခဲ့တဲ့ မင်းသမီးလေးချစ်သုဝေနဲ့  ပတ်သက်ပြီး သူ့ရဲ့အမြင်ကလည်း အံ့သြ၀မ်းသာမှုတွေနဲ့ စိုစွတ်နေပါတယ်။
       
“ ကျနော့်အနေနဲ့ နှစ်ပေါင်းများစွာ သတင်းထောက်လုပ်ခဲ့တဲ့ အတွေ့အကြုံအရ၊ နိုင်ငံတကာ က နိုင်ငံရေး၊ခေါင်းဆောင်တွေ၊ လူ့ အခွင့်အရေးခေါင်းဆောင်တွေ၊ နိုင်ငံတကာရုပ်ရှင်မင်းသား၊ မင်းသမီး၊ အဆိုတော်ပေါင်း မြောက်များစွာကို၊ အင်တာဗျူးလုပ်ခဲ့ဖူးပါတယ်။ မြန်မာမင်းသမီးလေး အဆိုတော်ချစ်သုဝေကို အင်တာဗျူးရတာ ကျနော့်အနေနဲ့  တော်တော့်ကို စိတ်လှုပ်ရှားမိပြီး အားရ ကျေနပ်မှုဖြစ်ခဲ့ပါတယ် ဆိုတဲ့ စကားတွေထဲမှာ ရိုးသားတဲ့သံစဉ်တွေ လွင်နေပါတယ်။    ဆက်ပြီး သူ ပြောပြတာက သူမရဲ့စကားလုံးတွေဟာ သူမရဲ့ရင်ထဲက စီးဆင်းကျလာတာပါ။ ထိုင်းနိုင်ငံတွင်းမှာ နေထိုင်လုပ်ကိုင်စားသောက်နေကြတဲ့ သူမရဲ့ လူမျိုးတွေ နေထိုင်စားသောက် လုပ်ကိုင်နေတာ ကိုယ်တိုင်တွေ့မြင် ခံစားရတော့ သူမအနေနဲ့ ကြေကွဲထိခိုက်ဖြစ်မိပုံရပါတယ်။ ကျနော် လိုက်လံ ကြည့်ရှုခဲ့ဖူးတဲ့ ရိုက်ကွင်းတိုင်းလိုလိုမှာ မြန်မာရွေ့ပြောင်းအလုပ်သမားတွေနဲ့  ရင်းရင်းနှီးနှီး အကျွမ်း တ၀င် စကားပြောဆိုနေတာကို တွေ့ရတတ်သလို အလုပ်သမားတွေရဲ့ ကျန်းမာရေး၊ ပညာရေးကိစ္စ တွေကို မေးမြန်းစူးစမ်းလေ့ရှိပါတယ်။ အလုပ်သမားတွေနဲ့ စကားစမြည်ပြောဆိုပြီးတိုင်း သူမရဲ့ မျက်ဝန်းမှာ မျက်ရည်စတွေ အစဉ်တွဲခို နေတတ်ပါတယ်။ သူ့တို့ လူမျိုးအတွက်၊ ပညာရေး၊ ကျန်းမာ ရေးနဲ့ ဖွံ့ဖြိုးရေးလုပ်ငန်းတွေကိုိအတတ်နိုင်ဆုံး ကူညီဆောင်ရွက် ဖြည့်ဆည်းပေးချင်ပုံရပါတယ်။ ကျနော် သူမကို လေးစားချစ်ခင်စိတ်နဲ့  မြန်မာနိုင်ငံရဲ့ Angelina Jolie ခေါ်လိုက်ပါရစေ။”


မင်းသမီးချစ်သုဝေကို၊ရိုက်ကွင်းတိုင်းမှာ အနီးကပ် အကူအညီပေးနေတဲ့ ပညာရေးနဲ့ ဖွံ့ဖြိုး တိုးတက်ရေးဖောင်ဒေးရှင်းက၊ မချစ်စုလှိုင်ရဲ့  ရင်ထဲက ကျသက်လာတဲ့ စကားလေးတွေကလည်း ချစ်သုဝေဆိုတဲ့ မင်းသမီးလေးရဲ့  စာနာမှုပုံရိပ်လေးတွေကို ထင်ဟပ်စေပါတယ်။  “ တိုင်းခြားနိုင်ငံ ထဲမှာ ပင်ပန်းဆင်းရဲစွာ ရှာဖွေစားသောက်နေကြရတဲ့ မြန်မာအလုပ်သမားတွေရဲ့ အခြေအနေနဲ့ ကျမတို့အဖွဲ့အစည်းရဲ့လုပ်ငန်းတွေကို၊ ရှင်းပြတိုင်း အလုပ်သမားမိသားစုတွေရဲ့ ဘ၀တွေကို ပြောပြ တိုင်း၊ အမချစ်သုဝေယောက် ထိခိုက်ခံစားရပြီး ကြေကြေကွဲကွဲ၊ မျက်ရည်ကျတတ်ပါတယ်။ မြန်မာ နိုင်ငံထဲမှာ အမ ရနေတဲ့ အနုပညာကြေးတွေ၊ ကျော်ကြားတဲ့ရုပ်ရှင်ဇာမ်းလမ်းတွေကို ဥပက္ခောပြု လစ်လျူရှု၊ လက်လွှတ်အဆုံးရှုံးခံ၊ ထိုင်းနိုင်ငံကို လာရောက်ပြီး အဖွဲ့အစည်းအတွက် ကိုယ်ကျိုးတွေ စွန့် ၊ အနစ်နာခံ လာလုပ်ပေးတာပါ။ အခကြေးငွေမယူဘဲ လာရိုက်ပေးရတာ ပိုပြီး ဝမ်းသာတယ်။ ပိုပြီး အဓိပ္ပါယ်ရှိတယ်လို့  ပြောပြတဲ့ အမချစ်သုဝေရဲ့  မွန်မြတ်မှုကို ဘယ်သူ သာဓုမခေါ်ခေါ် ခေါ်ခေါ် မြန်မာရွေ့ ပြောင်းမိသားစုတွေရဲ့ သာဓုခေါ်သံတွေကတော့ ပင်လယ်ပြင်မှာ ပဲ့တင်ထပ်နေမှာ သေချာ လှပါတယ်။” 


“ မြန်မာနိုင်ငံက နိုင်ငံကျော်အနုပညာရှင်တွေ၊ ကျနော်တို့ အဖွဲ့အစည်းကို လာရောက်ပြီး အကူ အညီ ပေးတာ ကျနော်အနေနဲ့ အရမ်းကို ဝမ်းသာဂုဏ်ယူပါတယ်။ သူတို့တတွေကို လူသားဆန်တဲ့ အနုပညာရှင်တွေလို့ မြင်ပါတယ်။ အဓိကအားဖြင့် လူငယ်အနုပညာရှင်တွေ အနေနဲ့ မိမိတို့ ကျွမ်း ကျင်တဲ့ အနုပညာနဲ့ အခြေခံလူတန်းစား ပြည်သူလူထုတွေရဲ့ ပညာရေး၊ ကျန်းမာရေးတွေအတွက် အပင်ပန်း အဆင်းရဲခံ၊ အနစ်နာခံပြီး အနုပညာကြေးငွေ မယူဘဲ လာရောက်ကူညီတာဟာ ကျနော် တို့  အဖွဲ့အစည်းကို ကူညီတယ်ဆိုတာထက် ထိုင်းနိုင်ငံမှာရောက်ရှိနေတဲ့ မြန်မာရွေ့ ပြောင်းအလုပ် သမား မိသားစုတွေရဲ့  ကလေးငယ်တွေ ပညာရေးအတွက် လာရောက်ပြီး အနုပညာနဲ့  အလုပ် အကျွေး ပြုကြတာလို့ ပဲ ထင်မြင်ယုံကြည်မိပါတယ်လို့ ” ပြောပြသွားတဲ့ ဒီရုပ်ရှင်ကားတိုလေးကို ထုတ်လုပ်မဲ့ ပညာရေးနဲ့  ဖွံ့ဖြိုးတိုးတက်ရေးဖောင်ဒေးရှင်းရဲ့ အမှုဆောင်ဒါရိုက်တာ ဦးထူးချစ်ရဲ့  စကားသံတွေထဲမှာလည်း ပီတီရွှန်းဝေနေတဲ့ လှိုဏ်သံတွေ မြည်ဟီးနေရှာပေါ့။


မြန်မာပြည်တွင်းမှာရော ပြည်ပမှာပါ၊ ပညာရေးလုပ်ငန်းတွေ တိုးတက်ဖွံ့ဖြိုးဖို့ဆိုရင် ကျနော် တို့လူ့အဖွဲ့အစည်းမှာ မောင်ရဲတိုက်တို့၊ မချစ်သုဝေတို့လို အောင်မြင်ကျော်ကြားတဲ့ လူငယ် အနုပညာ ရှင်တွေ အများကြီးလိုအပ်ပါတယ်။ မြန်မာ့ အင်ဂျလီနာဂျူလီ လို့  ချစ်သုဝေကို တင်စားခေါ်ဝေါ်ရင်း ရဲတိုက်ကိုလည်း မြန်မာရွေ့ ပြောင်းတို့ ရဲ့စီဇာချားဗစ်လို့ဂုဏ်ပြုလိုက်ပါရစေ။

ရွေ့ ပြောင်းမြန်မာအလုပ်သမားမိသားစုများအတွက် မရွေ့ ပြောင်းသော မေတ္တာ၊ ကရုဏာ၊ စေတနာ များစွာဖြင့်။

မောင်လွမ်းနီ၊ခန့်ဇော် ပူးတွဲရေးသည်။


၁၇၊၀၅၊၂၀၁၂။

(စာကြွင်း။) မင်းသမီးချစ်သုဝေအား ကမ္ဘာကျော်ရုပ်ရှင်မင်းသမီး Angelina Jolie နှင့် တင်စား ဖော်ပြခြင်းမှာ  Angelina Jolie အနေဖြင့် မြန်မာဒုက္ခသည်အရေးနှင့် ကမ္ဘာပေါ်ရှိအဖိနိပ်ခံပြည်သူများအတွက် ပညာရေး၊ ကျန်းမာရေး၊ ဖွံ့ဖြိုးရေးနှင့် လူ့အခွင့်အရေးကိစ္စရပ်များအတွက် စွမ်းစွမ်းတမန် ဆောင်ရွက်နေသည့်အပေါ် ခိုင်းနှိုင်းရေးသာခြင်းဖြစ်ပါသည်။ (စာရေးသူ)
ေ၇ွ ပြောင်းတွေအပေါ် ထား၇ှိတဲ့ မေတ္တာစေတနာ ကရုဏာတရားတွေဟာလည်း ဘယ်တော့မှာ မရွေ့ပြောင်းမှာသေချာ။ မင်းသားလေးမောင်၇ဲတိုက်ကိုလည်း ကမ္ဘာ့ေ၇ွ့ ပြောင်းအလုပ်သမားတွေရဲ့ သူရဲကောင်း မက်စီကိုရွေ့ပြောင်းအလုပ်သမားသူရဲကောင်း Cesar Chavez လို့  တင်စားခြင်းဖြစ်ပါတယ်။

သစ်ထူးလွင် 5/18/2012 06:32:00 AM

သုံးခွမြို့ နယ်တွင် လျှပ်စစ်မီးရရှိရေး ဆန္ဒပြတောင်းဆို

ရန်ကုန်တိုင်း သုံးခွမြို့နယ်တွင် လျှပ်စစ်မီးပြတ်တောက်သဖြင့်သုံးခွလူထုမှလျှပ်စစ်ရုံးရှေ့တွင်
လူအင်အားနှစ်ရာကျော်ခန့်ဖယောင်းတိုင်မီးထွန်းပြီး ငြိမ်းချမ်းစွာဆန္ဒပြတောင်းဆိုကြပါသည်။


မီးရရှိချိန်အလွန်နည်းနေသဖြင့်ဖုန်းဆက်မေးမြန်းသောအခါ ၁၄ ရက်နေ့တွင် မြို့ပြည်သူလူထုမှလက်မှတ်ရေးထိုးဆန္ဒပြုသဖြင့် မီးပေးချိန်တစ်ဝက်ကိုလျှော့ချသည်ဟု
တာဝန်ရှိသူမှပြန်လည်ပြောကြားခဲ့ရာတွင် မြို့နေလူထုမှ ၁၇-၅-၂၀၁၂နေ့ ည၈နာရီကျော်ခန့်
တွင်ဆန္ဒပြတောင်းဆိုခဲ့ကြခြင်းဖြစ်သည်၊


မြို့ နေ ပြည်သူလူထုပေါင်းများစွာ လာရောက်ပူးပေါင်း ခဲ့ သဖြင့် ၁ နာရီခန်
့အကြာတွင် လျှပ်စစ်မီး ပြန်လည်ပေးခဲ့ ကြောင်းသိရပါသည်။


Myanmar News Now

လျှပ်စစ်မီး ရရှိရေး ဆန္ဒပြနေတဲ့ သုံးခွမြို့ ပြည်သူများ

ဖရောင်းတိုင်မီးများထွန်းညှိ ဆန္ဒပြ

လျှပ်စစ်မီးပြတ်တောက်မှုကို ဆန္ဒပြနေကြစဉ်

သုံးခွမြို့ နယ် လျှပ်စစ်ရုံး

သစ်ထူးလွင် 5/18/2012 05:58:00 AM

ဒေါ်အောင်ဆန်းစုကြည် နိုဘယ်လ်ငြိမ်းချမ်းရေးဆု လက်ခံဘို့ နော်ဝေးနိုင်ငံသို့ခရီးထွက်တော့မည်

လာမဲ့ဂျွန်လ(၁၇)ရက်
နော်ဝေးနိုင်ငံမှာကျင်းပမဲ့နိုဘယ်ငြိမ်းချမ်းရေးဆုချီးမြှင့်မဲ့အခမ်းအနားကိုတက်ရောက်နိုင်ဘို့
မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်ဟာဇွန်လ၁၅ရက်မှာနော်ဝေးနိုင်ငံရောက်ရှိ
မှာဖြစ်ကြောင်းနော်ဝေးသံတမန်သတင်းရပ်ကွက်ကတဆင့်စုံစမ်းသိရှိရပါတယ်။

အနှစ်(၂၀)ကျော်အတွင်းပထမဆုံးအကြိမ်ပြည်ပခရီးစဉ်အဖြစ်ဇွန်လ(၁၄)ရက်နေ့မြန်မာနိုင်ငံမှ
စတင်ထွက်ခွါလာမှာဖြစ်ပြီးနော်ဝေးနိုင်ငံမှာ၎ရက်ကြာနေထိုင်ပြီးနောက်အိုင်ယာလန်၊အင်္ဂလန်ကို
ခရီးထပ်ဆက်မယ်လို့သိရပါတယ်။

 “အော်စလိုကို၊ဇွန်လ၁၅ရက်နေ့ရောက်မယ်၊သူနဲ့လိုက်ပါလာတဲ့ NLD
အဖွဲ့ဝင်တချို့နဲ့အတူနော်ဝေးပါလီမန်ကိုလည်းလေ့လာမယ်၊မြန်မာနိုင်ငံသားတွေနဲ့လည်းတွေ့မယ်၊
၁၇ရက်နေ့နိုဘယ်ငြိမ်းချမ်းရေးဆုချီးမြှင့်မဲ့အခမ်းအနားကျင်းပပြီး၊ဆုလက်ခံမဲ့မြို့တော်ခမ်းမရှေ့မှာ
နော်ဝေးပြည်သူတွေနဲ့တွေ့ဆုံတဲ့အခမ်းအနားတခုထပ်လုပ်မဲ့အစီအစဉ်လည်းရှိပါတယ်” လို့အမည်မဖော်လိုတဲ့နော်ဝေးသံတမန်တယောက်ကပြောပါတယ်။

မကြာသေးခင်သီတင်းပတ်ကဘဲ၊နိုင်ငံကူးလက်မှတ်လက်ဝယ်ရရှိပြီဖြစ်တဲ့၊
အမျိုးသားဒီမိုကရေစီအဖွဲ့ချုပ်ဒေါ်အောင်ဆန်းစုကြည်ဟာ ဇွန်လ(၁၈)ရက်နေ့အိုင်ယာလန်ကိုခရီး
ဆက်ပြီး၊သူရဲ့(၆၇)နှစ်မြောက်မွေးနေ့ကိုအင်္ဂလန်နိုင်ငံမှာကျင်းပမှာဖြစ်တယ်လို့သိရပါတယ်။

လွန်ခဲ့တဲ့ ဇွန်လ(၉)ရက်နေ့ကနေ(၁၅)ရက်နေ့အထိ နော်ဝေးနိုင်ငံဝန်ကြီးချုပ်ဟောင်း
မစ္စတာဘိုန်ဒယ်ဗစ် မြန်မာနိုင်ငံကိုသွားရောက်ခဲ့ပြီးသမ္မတဦးသိန်းစိန်အပါအပါအ၀င်
ဝန်ကြီးတချို့နဲ့တနာရီကြာတွေ့ဆုံဆွေးနွေးခဲ့သလိုဒေါ်အောင်ဆန်းစုကြည်နဲ့လည်းတွေ့ဆုံပြီး
နော်ဝေးနိုင်ငံခရီးစဉ်ကိစ္စုအပြီးသပ်ဆွေးနွေးခဲ့တယ်လို့လည်းသိရပါတယ်။ မစ္စတာဘိုန်ဒယ်ဗစ်
ရဲ့ရန်ကုန်ခရီးစဉ်အတွင်း၊NLDအဖွဲ့ချုပ်ခေါင်းဆောင်တွေနဲ့၊၈လေးလုံးမျိုးဆက်ကျောင်းသားတွေ၊
အပါအ၀င်နိုင်ငံရေးပါတီ၊တိုင်းရင်းသားခေါင်းဆောင်တချို့နဲ့၊လူမှုရေးဆောင်ရွက်နေတဲ့
အဖွဲ့အစည်းတချို့နဲ့လည်းတွေ့ဆုံခဲ့ကြောင်းသိရပါတယ်။

၁၉၉၁ခုနှစ်ရဲ့ကမာ့္ဘငြိမ်းချမ်းရေးနိုဘယ်လ်ဆုရှင်ဒေါ်အောင်ဆန်းစုကြည်ရဲ့၊နော်ဝေးနိုင်ငံခရီးစဉ်၊
အသေးစိတ်ကိုဆွေးနွေးတိုင်ပင်နိုင်ဘို့အမျိုးသားဒီမိုကရေစီအဖွဲ့ချုပ်မှ ဦးခွန်သာမြင့်ဟာ
အော်စလိုကို၊ဇွန်လ(၁၁)ရက်နေ့ကြိုတင်ရောက်ရှိမယ်လို့လည်းသိရပါတယ်။

ဒေါ်အောင်ဆန်းစုကြည်ရဲ့(၃)ရက်ကြာနော်ဝေးနိုင်ငံခရီးစဉ်အတွင်းသူ့ကိ၊ုတိုဒေါ့ဖ်ရပ်တို လူ့အခွင့်အရေးဆုချီးမြှင့်ခဲ့တဲ့နော်ဝေးနိုင်ငံရဲ့ဒုတိယမြို့တော် ဘာဂင် မြို့ကိုသွားရောက်ပြီ်းရပ်ဖ်တိုဖောင်ဒေးရှင်းမှပုဂ္ဂိုလ်တွေနဲ့လည်းတွေ့ဆုံဖို့ရှိတဲ့အပြင်၊
စတာဘန်ဂါမြို့ကိုလည်းသွားရောက်ပြီးစတာဘန်ဂါတက္ကသိုလ်ကချီးမြှင့်မဲ့ဂုဏ်ထူးဆောင်
ဆုရယူဘို့လည်းရှိတယ်လို့သိရပါတယ်။

နော်ဝေးနိုင်ငံဟာမြန်မာနိုင်ငံနဲ့၊ထဲထဲဝင်ဝင်ဆက်ဆံနေသလိုလွန်ခဲ့တဲ့လကစီးပွားရေး
ပိတ်ဆို့မှုတွေကိုရုတ်သိမ်းပေးပြီးနောက်၊မြန်မာအစိုးရခေါင်းဆောင်တွေနဲ့လွှတ်တော်
ကိုယ်စားလှယ်များတသုတ်ပြီးတသုတ်လေ့လာရေးခရီးအလည်အပတ်ရောက်လာကြ
တာကိုတွေ့ရပါတယ်။

ယခ္ခုရက်ပိုင်းအတွင်းပြည်သူ့လွှတ်တော်ဥက္ကဌသူရရွှေမန်းနဲ့အဖွဲ့၊တိုင်းရင်းသားလွှတ
်တော်ကိုယ်စားလှယ်တွေ၊NLD၊ NDF ပါတီကလွှတ်တော်ကိုယ်စားလှယ်တချို့နော်ဝေး
ပါလီမန်ကိုလာရောက်လေ့လာနေသလို၊လာမဲ့ဇွန်လ(၁၈)ရက်နေ့မှာပြည်ပစီးပွားရင်း
နှီးမြှပ်နှံမှုဥက္ကဌ၊စက်မှုဝန်ကြီးဗိုလ်ချုပ်စိုးသိန်းနဲ့ဝန်ကြီး(၉)ဦးပါအဖွဲ့လည်းနော်ဝေးနိုင်င
ံကိုလာရောက်လည်ပတ်မဲ့အစီအစဉ်ရှိတယ်လို့သိရပါတယ်။

ဒေါ်အောင်ဆန်းစုကြည်ရဲ့နော်ဝေးနိုင်ငံခရီးစဉ်ကိုဥရောပရောက်မြန်မာများကလည်း
စိတ်ဝင်စားနေပြီး၊နော်ဝေးနိုင်ငံတ၀ှမ်းကမြန်မာနိုင်ငံသားတိုင်းရင်းသားတွေအပါအ၀င်၊
ဂျာမဏီ၊ပြင်သစ်၊ဆွီဒင်၊ဒိန်းမတ်၊နိုင်ငံတွေကမြန်မာ့နိုင်ငံရေးလှုပ်ရှားသူများလည်း
၊ဒေါ်အောင်ဆန်းစုကြည်ရဲ့အလည်အပတ်ခရီးစဉ်အတွင်းနော်ဝေးနိုင်ငံကိုလာရောက်
တွေ့ဆုံကြမှာဖြစ်ပါတယ်။
ကိုညို (နော်ဝေး)

နိုဘယ်လ်စင်တာ

နော်ဝေးဘုရင့်နန်းတော်

ဒေါ်အောင်ဆန်းစုကြည်သွားရောက်လေ့လာမည့်နော်ဝေးပါလီမန်

ဒေါ်အောင်ဆန်းစုကြည်နိုဘယ်လ်မိန့်ခွန်းပြောမဲ့အော်စလိုမြို့တော်ခမ်းမ

ဒေါ်အောင်ဆန်းစုကြည်လွတ်မြောက်ရေးအော်စလိုမှာဆန္ဒပြခဲ့စဉ်။
နောက်ဘက်မှာဒေါ်အောင်ဆန်းစုကြည်တည်းခိုမည့်Grandဟော်တယ်

 Myanmar News Now

သစ်ထူးလွင် 5/18/2012 05:43:00 AM

ရှမ်းလမ်း ဂွဈေးမီးလောင်မှု ဆိုင်ခန်း ၂၃၀ ကျော် ဆုံးရှုံး

ဂွဈေးမီးလောင်မှု မြင်ကွင်းဓါတ်ပုံများ (ဓါတ်ပုံ-Myanmar News Now) ဓါတ်ပုံနှင့် ဗွီဒီယို - ကိုဖြိုး ရိုက်ကူးပေးပို့ ထားတာပါ။

ရန်ကုန်၊ မေ ၁၈

ရန်ကုန်မြို့ စမ်းချောင်းမြို့နယ် မကြီးကြီးလမ်းနှင့် ဗဟို လမ်းထောင့်ရှိ ရှမ်းလမ်းဈေး (ဂွဈေး) တွင် မေလ ၁၈ ရက်နေ့ နံနက် ၁ နာရီ ၁၅ မိနစ်အချိန်က မီးလောင်မှု တစ်ရပ် ဖြစ်ပွားခဲ့ရာ တစ်နာရီကျော် ကြာမြင့်ခဲ့ပြီး ဆိုင်ခန်းပေါင်း ၂၃၀ ကျော် ဆုံးရှုံးခဲ့ကြောင်း မျက်မြင်သက်သေများက ပြောကြားသည်။

ဖြစ်စဉ်မှာ ဈေးအိမ်သာ အနီး ဃရုံရှိ ခြင်ဆေးဘူး (Insect Killer) အပါအဝင် ကုန်ခြောက် ရောင်းချသည့် ဆိုင်တစ်ဆိုင်မှ စတင် ပေါက်ကွဲ လောင်ကျွမ်း ခဲ့သည်ဟု သိရှိရပြီး “စသိတဲ့ အချိန်ကနေ ငါးမိနစ်လောက် အတွင်းမှာတင် တစ်ဈေးလုံးကို မီးစွဲသွားပြီ” ဟု ရှမ်းလမ်းဈေး နောက်ဖက် မဟာသုခ လမ်းတွင် နေထိုင်သူ မျက်မြင်သက်သေ အချို့က ပြောကြားသည်။

အဆိုပါ မီးလောင်မှုကြောင့် ဆိုင်ခန်းပေါင်း ၂၃၃ ခန်း (ကာလတန်ဖိုး ခန့်မှန်းခြေ ကျပ် ၄၃၉ သိန်း) ဆုံးရှုံးခဲ့ရပြီး သားငါးတန်းရှိ ဆိုင်ခန်း ၈၅ ခန်းသာ မီးဘေးလွတ်ခဲ့ကြောင်း၊ ရှမ်းလမ်းဈေးတွင် ဆိုင်ခန်းပေါင်း ၃၁၈ ခန်း ရှိကြောင်း အခင်းဖြစ်ပွားရာသို့ ရောက်ရှိလာသော စည်ပင်သာယာ ဌာနမှူး တစ်ဦးက ပြောကြားသည်။

“မီးအား အရမ်းကြီးတဲ့ အချိန်မှာ မီးသတ်ကား နှစ်စီးပဲ ရောက်သေးတာမို့ မနိုင်ဘူး ဖြစ်သွားတယ်။ နောက်မို့ဆို တစ်ဈေးလုံး ကုန်မှာ မဟုတ်ဘူး” ဟု မီးလောင်ကျွမ်းသွားသော ဆိုင်ခန်းပိုင်ရှင် တစ်ဦးက မချိတင်ကဲ ပြောဆိုသည်။

အဆိုပါ မီးလောင်မှု ငြိမ်းသတ်ရာသို့ ရန်ကုန်မြို့တော်ဝန် ဦးလှမြင့် ဦးဆောင်သော တာဝန်ရှိသူများ လာရောက် ကြီးကြပ်ခဲ့ကြပြီး မြို့နယ်ပေါင်းစုံမှ မီးသတ်ယာဉ် ၃၉ စီးဖြင့် ငြိမ်းသတ်ခဲ့ကြရာ နံနက် ၂ နာရီခန့်တွင် လောင်ကျွမ်းမှုကို ထိန်းချုပ်နိုင်ခဲ့ပြီး ၂ နာရီ ၂၇ မိနစ်ခန့်တွင် မီးညွှန့်ကျိုးခဲ့သည်ဟု
The Voice Weekly (Facebook) စာမျက်နှာမှာဖော်ပြထားပါသည်။
 

သစ်ထူးလွင် 5/18/2012 05:24:00 AM