မန္တလေး ပြည်ခိုင်ဖြိုးရုံး ခဲပေါက်ခံ ရမှု အမှုဖွင့်

မန္တလေး၊ ဧပြီ ၉

ကြားဖြတ် ရွေးကောက်ပွဲ အကြိုညနှင့် ကျင်းပ သည့်ရက် ညပိုင်းတွင် ပြည်ခိုင်ဖြိုးရုံးသို့ ခဲဖြင့် ပစ်ပေါက်ခြင်း ဖြစ်စဉ် များကို အမှတ် ( ၃ ) ရဲစခန်းတွင် အမှုဖွင့် တိုင်တန်း ထားကြောင်း ယင်းပါတီမှ မန္တလေး ခရိုင် တာဝန်ခံက ပြောကြားသည်။

မတ်လ ၃၁ ရက်နေ့မှ ဧပြီ ၁ရက်နေ့ ညပိုင်း ၁နာရီခန့်တွင် ပြည်ခိုင်ဖြိုး တိုင်းရုံးသို့ ခဲနှင့် ပစ်ပေါက် ရာမှ အဆောက် အအုံ ရုံးခန်း မှန်ကွဲသည့် ဖြစ်ရပ် များဖြစ်ပွား ခဲ့ကြောင်း၊ ယင်းကြောင့် လုံခြုံရေး အရ ဥပဒေနှင့် အညီ အကာ အကွယ် ပေးနိုင်ရန် ဧပြီလ ၁ရက် နေ့တွင် အမှတ် ၃ ရဲစခန်းသို့ ပထမ သတင်း ပေးတိုင်တန်း ချက် အမှတ် ၁၈၁ ဖြင့် အမှု ဖွင့်ထားကြောင်း၊ ပြည်ခိုင်ဖြိုး တိုင်း ပါတီ ကော်မတီ ဝင် ဦးသိန်းလှက ပြောကြား သည်။

"အဲ့ဒီညမှာ လူအုပ် လိုက်ထောင်ချီတယ်။ ရုံးရှေ့ မှာ သွားလာရင်း ပစ်တာ မဟုတ်ဘူး။ တမင်ကို ရပ်ပြီး ဆဲဆိုတယ်။ ပြီးတော့ ခဲနဲ့ ပေါက်တယ်" ဟု ၎င်းက ဆိုသည်။

ယခု လက်ရှိတွင် ဖြစ်ပွား သည့် အချိန်တွင် ရှိနေသည့် လုံခြုံရေး အစောင့် များကို ရဲစခန်းက စစ်ဆေး နေပြီး အဆိုပါ ဖြစ်ပွား ချိန်တွင် ရိုက်ယူ ထားသော ဓာတ်ပုံများနှင့် ဗီဒီယို ဖိုင်များကို အမှတ် ၃ ရဲစခန်းသို့ ပေးပို့ ထားကြောင်း လည်း ၎င်းက ဆက်လက် ပြောကြား သည်။

မဟာ အောင်မြေ မြို့ နယ်ရှိ ပြည်ခိုင်ဖြိုး ပါတီ ရုံးရှေ့ တွင်လည်း ဧပြီ ၁ရက် နေ့ညက ခဲနှင့် ပစ်ပေါက်ခြင်း ကြောင့် ရုံးခန်း မှန်များ ကွဲခဲ့ သော်လည်း အမှုဖွင့် တိုင်တန်း ထားခြင်း မရှိကြောင်း တိုင်း ပြည်ခိုင်ဖြိုး ပါတီ ရုံးထံမှ သိရသည်။

 The Voice Weekly

သစ်ထူးလွင် 4/09/2012 06:14:00 PM

အစိုးရဝန်ကြီးဌာနတွေကို ခေတ်စနစ်နဲ့အညီ တိုးတက်စေချင်ပါတယ်

အစိုးရ ဝန်ကြီးဌာနတွေဟာ စီမံခန့်ခွဲမှု မဏ္ဍိုင် (The Executive) မှာ အမြင့်ဆုံးပုဂ္ဂိုလ်ဖြစ်တဲ့ သမ္မတရဲ့ တိုက်ရိုက် ကွပ်ကဲမှုအောက်ကနေ တာဝန်ထမ်းဆောင်ရပါတယ်။ ဝန်ကြီးဌာနအသီးသီးရဲ့ အမြင့်ဆုံး ဝန်ကြီးနဲ့ ဒုတိယ ဝန်ကြီးတို့ကို သမ္မတက ရွေးချယ်ခန့်ထားရာမှာ ပြည်ထောင်စုလွှတ်တော်ရဲ့ သဘောတူညီချက် ရှိထားရပါတယ်။ ဒါဟာ ကောင်းမွန်တဲ့ Checks and balances အပြန်အလှန် ထိန်းညှိမှု တမျိုးဖြစ်ပါတယ်။

ဒါပေမယ့် ဝန်ကြီးဌာနတွေက အကောင်အထည်ဖော်တဲ့အပိုင်းမှာ နိုင်ငံနဲ့ နိုင်ငံသားတွေရဲ့ အကျိုးစီးပွားကို ကျေနပ်အားရစရာ ကောင်းလောက်အောင် အောင်မြင်တာ သိပ်မရှိလှပါဘူး။ ဘာကြောင့် ဒီလို ပြောနိုင်သလဲ ဆိုရင် ကနေ့ ပြည်သူတွေရဲ့ မကျေမနပ် ထုတ်ဖော်ချက်တွေကို အင်တာနက်ပေါ်မှာ အထူးသဖြင့် Facebook လို နေရာမှာ အများအပြား တွေ့နေရလို့ ဖြစ်ပါတယ်။

ဒီလိုဖြစ်နေရတဲ့ အကြောင်းရင်း ၃ ခုလောက်တော့ အနည်းဆုံး ရှိနေပါတယ်။

1. အာဏာရှင်စနစ် ဝါဒမှိုင်းရဲ့အောက်မှာ လည်ပတ်နေခဲ့ဖူးတဲ့ အစိုးရယန္တရားကို ဒီမိုကရေစီ ခေတ်စနစ်ရဲ့ လိုအပ်ချက်နဲ့အညီ မပြင်နိုင်သေးတာ ဖြစ်ပါတယ်။
2. အစိုးရဝန်ကြီးဌာနတွေမှာ ပြည်သူတွေ စိတ်ချမ်းသာ ပျော်ရွှင်နိုင်ရေးကို ဝတ်ကျေတန်းကြေတောင် မလုပ်ပေးချင်တဲ့ဆန္ဒ ရှိနေတုန်း ဖြစ်ပါတယ်။
3. ဝန်ကြီးဌာနအတွင်း အစိုးရကဏ္ဍရဲ့ နည်းဥပဒေအရ လုပ်ကြတဲ့အခါမှာ မူဝါဒကို လက်တွေ့ဖြစ်မြောက်အောင် အကောင်အထည်ဖော်ဖို့ထက် တဦးချင်းရဲ့ ကိုယ်ကျိုးစီးပွား ရှာလိုစိတ်က လွှမ်းမိုးနေပါတယ်။

အာဏာရှင်စနစ် လွှမ်းမိုးခဲ့ရာ အတိတ်ဟောင်းကို ပြန်မသွားတော့ပါဘူးလို့ အစိုးရ ထိပ်ပိုင်းခေါင်းဆောင်တွေက အကြိမ်ကြိမ် ကတိပေးပြောကြားနေတာ ကမ္ဘာကတောင် ကောင်းကောင်းသိနေပါပြီ။ ဒါပေမယ့် အာဏာရှင်စနစ်ကို လည်ပတ်စေခဲ့တဲ့ အစိုးရ ယန္တရားကို မပြင်နိုင်သေးတာ တွေ့ရပါတယ်။ စီမံခန့်ခွဲမှု (The Executive) မဏ္ဍိုင်မှာ အဓိကအကျဆုံး ပြင်ဆင်ဖို့ လိုအပ်ချက်ဟာ ဒီယန္တရားကို ပြင်ဖို့သာ ဖြစ်ပါတယ်။ ဒီယန္တရား မအောင်မြင်ခဲ့တဲ့အတွက် ခေတ်စနစ် ပြောင်းလဲပေးခဲ့ရတာကို သတိရှိစေချင်ပါတယ်။ ဒီယန္တရားကို မပြင်ဘဲ ဘာပဲလုပ်နေလုပ်နေ ဒုံရင်းကနေ တက်လာနိုင်ဖို့ မရှိပါဘူး။

ဒါဟာ အစိုးရကို တည့်မတ်ထိန်းကျောင်းပါလို့ မိဘပြည်သူတွေကို သမ္မတဦးသိန်းစိန်ရဲ့ မေတ္တာရပ်ခံ တိုက်တွန်းချက်အရ ပြည်သူတယောက်အနေနဲ့ မြင်မိတဲ့အတိုင်း ပွင့်ပွင့်လင်းလင်း ပြောတာ ဖြစ်ပါတယ်။

အစိုးရဝန်ထမ်းအားလုံးကိုတော့ မဆိုလိုပါ။ ပတ်သက်မှု ရှိကောင်းရှိနေနိုင်တဲ့ တချို့ဝန်ထမ်းတွေအနေနဲ့ အနည်းဆုံး တနေ့တာ အလုပ်ချိန် အစကနေ အဆုံးထိ “ငါတို့ဟာ အထက်လူကြီးတွေ ကျေနပ်အားရစေတာထက် မိဘပြည်သူတွေ စိတ်ချမ်းသာ အကျိုးဖြစ်စေမယ့် ကိစ္စတွေကိုသာ ဦးစားပေး လုပ်ပေးမယ်” ဆိုတဲ့ ခံယူချက် ထားရှိဖို့ လိုအပ်ပါမယ်။ လစာအနည်းဆုံး ရရှိတဲ့ ဝန်ထမ်းတွေ အပါအဝင် ရာထူးအလိုက် အထက်-အထက်ကို တက်သွားတဲ့ ဝန်ထမ်းတိုင်းက ဒီခံယူချက်ကို ထားရှိရမှာ ဖြစ်ပါတယ်။

တချိန်တည်းမှာ ဝန်ထမ်းတွေအတွက် အစိုးရက တုန့်ပြန် အကျိုးပြုပေးမှသာ မျှတမှု ရှိပါမယ်။ ဝန်ထမ်းသက်သာချောင်ချိရေးအတွက် အစိုးရက ပြည်သူ့ဘဏ္ဍာကနေ ထုတ်သုံး ထောက်ပံ့လာလို့ ဝန်ထမ်းတွေအတွက် ဝမ်းသာမိပါတယ်။

နောက်ထပ်လုပ်သင့်တယ်လို့ ထင်ရတာကတော့ ဝန်ထမ်းတွေကို အရည်အချင်း၊ ကြိုးစားမှုအလိုက် မှန်မှန်ကန်ကန် ရာထူးတိုးပေးဖို့ ဖြစ်ပါတယ်။ ရာထူးရွေးချယ် ခန့်ထားရေး ကော်မရှင်အနေနဲ့ ရာထူးကြီးကြီး ဝန်ထမ်းတွေကိုသာ ရွေးချယ် ခန့်ထားရုံတင် မဟုတ်ဘဲ အနိမ့်ဆုံး ဝန်ထမ်းကအစ ဝန်ထမ်းတိုင်း ဘယ်လို ရာထူး တက်လာနိုင်မလဲ ဆိုတာကို အမြဲတမ်း ကြံဆ နည်းလမ်း ရှာဖွေပေးနေရမှာ ဖြစ်ပါတယ်။ ဒီကော်မရှင်အနေနဲ့ အချိန်ရသမျှ လုပ်ငန်းခွင်တွေထဲအထိ ကွင်းဆင်းလေ့လာ သုတေသနပြုနေသင့်ပါတယ်။ အစိုးရအနေနဲ့ ဝန်ထမ်းတွေကို လစာတိုးပေးလိုက်တဲ့ အဖြေရှာနည်းကို သိပ်လိုအပ်မှသာ ထုတ်သုံးသင့်ပါတယ်။ ရာထူးတိုးပေးတဲ့နည်းက ဝန်ထမ်းတွေအပေါ် အပြုအမူနဲ့ ဆန္ဒ ဆိုတဲ့ စိတ်ဓါတ်ကို ပိုမို တည့်မတ် အားကောင်းစေပါတယ်။

နိုင်ငံရေးတိုးတက်မှုတွေကို ဖြစ်စေနိုင်ဖို့ ဥပေးပြုလွှတ်တော်အပါဝင် အစိုးရထိပ်ပိုင်းခေါင်းဆောင်တွေက ဥပဒေ၊ မူဝါဒတွေနဲ့ လမ်းညွှန်ပါတယ်။ ဥပဒေနဲ့ မူဝါဒတွေ အောင်မြင်စေဖို့ ကျင့်သုံးရတဲ့ နည်းဥပဒေတွေ ရှိနေရပြီး ဒါတွေကို လက်တွေ့ အကောင်အထည် ဖော်ပေးရသူတွေကတော့ ဝန်ကြီးဌာနတွေ ဖြစ်ပါတယ်။ နည်းဥပဒေတွေကို ပြဌာန်းရာမှာ လွှတ်တော်ရဲ့ သက်ဆိုင်ရာကော်မတီတွေက ကြီးကြပ်တဲ့ အစီအစဉ်မျိုး ထားရှိနိုင်ရင် ပိုပြီး ပွင့်လင်းမြင်သာလာနိုင်သလို Checks and balances အပြန်အလှန် ထိန်းညှိမှုအတွက်လည်း အထောက်အကူ ဖြစ်စေနိုင်ပါလိမ့်မယ်။

ဝန်ကြီးဌာနအဆင့်ကနေ နည်းဥပဒေတွေကို အကောင်အထည်ဖော်ပေးရာမှာ သူတို့ လုပ်ဆောင်သမျှတွေအပေါ် Checks and balances အပြန်အလှန် ထိန်းညှိမှု လုံးဝ ရှိမနေပါဘူး။ ကြိုက်သလိုလုပ် စောဒကတက် ကန့်ကွက်တဲ့ ပစ်စာ၊ တိုင်စာတွေ လူသိရှင်ကြား မဖြစ်သမျှ ကာလပတ်လုံး လုပ်ချင်တိုင်းလုပ်လို့ ရနေခဲ့ပါတယ်။

Checks and balances မရှိတာကို အခွင့်ကောင်းယူပြီး ဝန်ထမ်းတချို့ဟာ တဦးချင်းအနေနဲ့ ကိုယ်ကျိုးစီးပွားကို ကြံဖန်နိုင်စေမယ့် လမ်းစတွေကို အတောမသတ်နိုင်အောင် ရှာဖွေလာကြပါတယ်။ ရာထူး မပြုတ်မချင်း အရှက် သိက္ခာမဲ့စွာ အဂတိလိုက်စားဖို့၊ အာဏာအလွဲသုံးစားဖို့ ဖြစ်စေပါတယ်။ ဝန်ကြီးဌာနအနေနဲ့ အရှုံးပေါ်မယ့်ကိစ္စ (သို့) နာမည်ပျက်မယ့်ကိစ္စ (သို့) နှစ်မျိုးလုံးကို နောင်ခါလာ နောင်ခါဈေး သဘောထားတတ်ကြပါတယ်။ အခွင့်အရေး ရနိုင်သမျှ သိမ်းကြုံးယူကြပါတယ်။

Checks and balances အပြန်အလှန် ထိန်းညှိမှု မရှိတဲ့အတွက် မူဝါဒချပြ လမ်းညွှန်သူ ခေါင်းဆောင်တွေကိုယ်တိုင် မူဝါဒအမှားကို သိနေခဲ့ရင်တောင် ရနိုင်သရွေ့ မသိချင်ယောင်ဆောင်နေဖို့ အခွင့်အလမ်း ဖြစ်လာစေပါတယ်။ လူပြောသူပြော သိပ်များလာမှ၊ တချို့အဖြစ်အပျက်တွေဆို နိုင်ငံတကာက သိလာမှ၊ နိုင်ငံတကာဖိအားတွေ ရှိလာမှသာ မူဝါဒရေးဆွဲ ညွှန်ကြားတဲ့ ထိပ်ပိုင်းခေါင်းဆောင်တွေက မဖြစ်မနေ ဖိအား ပေးလာတတ်တာမျိုး ရှိပါတယ်။

ဒီအဆင့်လောက်ဆိုရင်တောင် ပြန်လည်ကောင်းလာဖို့ မျှော်လင့်ချက်က ရှိနေပါသေးတယ်။ ဒါပေမယ့် အစိုးရအပေါ် ယုံကြည်မှုကို အားနည်းသွားစေပြီး နောက်ဆက်တွဲ အကျိုးသက်ရောက်မှုတွေ မလိုအပ်ဘဲ ဖြစ်စေပါတယ်။

အစိုးရထိပ်ပိုင်းက ဖိအားပြန်ပေးလို့ တကယ်တမ်း ပြန်ကောင်းသွားတဲ့ အဖြစ်တွေ ရှိခဲ့ဖူးပါတယ်။ ဒါပေမယ့် ဝန်ကြီးဌာနအဆင့်မှာ တထစ် နှစ်ထစ်လောက် ပြန်လျှော့ပေးအပြီး အာရုံစိုက်မခံရတော့တဲ့ အချိန်ကျတော့ ဒုံရင်းအတိုင်း ပြန်လုပ်နေတာတွေလည်း ရှိနေပါတယ်။

တကယ်လုပ်သင့်တာက --
(၁) အစိုးရတဖွဲ့လုံး ဘယ်ဝန်ထမ်းမဆို ပြည်သူလူထုအပေါ် အမှန်တကယ် စေတနာထားရမှာ ဖြစ်တယ်။ ပြည်သူတွေ ပေးဆောင်တဲ့ အခွန်ငွေကနေ လစာယူနေတာဖြစ်လို့ နိုင်ငံ့ဝန်ထမ်းဆိုတာ ပြည်သူ့ဝန်ထမ်းပဲ ဆိုတဲ့ ခံယူချက် ရှိနေရပါမယ်။

(၂) အစိုးရထိပ်ပိုင်းတွေကနေ ဥပဒေနဲ့ မူဝါဒ ချပေးလိုက်ရုံနဲ့ မပြီးဘဲ လက်တွေ့မှာ အမှန်တကယ် ထိရောက်မှု ရှိမရှိ ဆိုတာကို လက်တွေ့ ကွင်းဆင်းလေ့လာ မှတ်တမ်းတင်ပြီး အမြဲတမ်း ပြန်လည် သုံးသပ်နေရမှာ ဖြစ်တယ်။ Checks and balances အတွက် အချိန်ပြည့် လုပ်ငန်းစစ်ဆေးရေးအဖွဲ့ ထားရှိတာမျိုး ဖြစ်ပါတယ်။

(၃) နည်းဥပဒေတွေအရသာ ဆောင်ရွက်ရတဲ့ ဝန်ကြီးဌာနတွေက လုပ်ဆောင်ချက် လွဲမှားတာ၊ မူမမှန်တာ၊ ပြဿနာ ဖြစ်လာတာရှိရင် လူအမှားလား၊ မူအမှားလား ဆိုတာကို ချက်ချင်း အဖြေရှာထုတ်နိုင်ဖို့ လိုအပ်ပါမယ်။

(၄) ကိုယ်ကျိုးရှာ စီးပွားရေး လုပ်စားနေတဲ့ အကျင့်ပျက် အစိုးရဝန်ထမ်းတွေဟာ နိုင်ငံရဲ့ ဂုဏ်သိက္ခာကို ထိခိုက်စေတဲ့အပြင် လူထုအကျိုး၊ နိုင်ငံအကျိုးကိုလည်း ပျက်ပြားစေတာကြောင့် ကျောသားရင်သား မခွဲခြားဘဲ စံနမူနာပြ ထိရောက်အောင် အရေးယူ အပြစ်ပေးရမှာ ဖြစ်ပါတယ်။ (သို့) တာဝန်ရှိသူဟာ တာဝန်ခံ (Accountability) ယူတဲ့အနေနဲ့ ရာထူးက နှုတ်ထွက်ပေးရမှာ ဖြစ်ပါတယ်။

လွင်အောင်စိုး
ဧပြီ ၉ ရက် ၂ဝ၁၂ ခုနှစ်

ဆက်စပ်သတင်း - (Eleven Media Group) လွဲမှားသည့် လုပ်ထုံးလုပ်နည်းအချို့၊ မမျှတသည့် စည်းမျဉ်းအချို့ဖြင့် ကန့်သတ် စိစစ်မှုများကြောင့် ပြည်ပမှ တင်သွင်းသူ ကားပိုင်ရှင်များ ထိခိုက်

သစ်ထူးလွင် 4/09/2012 03:53:00 PM

ဆန္ဒပြအလုပ်သမားများ သေနတ်ဖြင့် ပစ်ဖောက်သတိပေးခံရ

DVB TV News

ကိုထွေး၊ ဧပြီ ၉၊ ၂၀၁၂

ထိုင်းနိုင်ငံတောင်ပိုင်း ဆုန်ခလာခရိုင်က ပင်လယ်စာစက်ရုံမှာ ဒီနေ့ ဆက်လက်ဆန္ဒပြတဲ့ မြန်မာနဲ့ ကမ္ဘောဒီးယား အလုပ်သမားတွေကို ရဲက သေနတ်နဲ့ ပစ်ဖောက် သတိပေးခဲ့တယ်လို့ အဲဒီစက်ရုံက မြန်မာအလုပ် သမားတွေက ပြောပါတယ်။

ဆဖတ်ထနာ လို့ အမည်ရတဲ့ ပင်လယ်စာထုတ်လုပ်တဲ့ စက်ရုံမှာ မြန်မာနဲ့ ကမ္ဘောဒီးယား အလုပ်သမား ၁၀၀၀ လောက် လုပ်ကိုင်နေတာဖြစ်ပြီး အလုပ်သမားတွေဟာ လုပ်ခလစာနဲ့  အလုပ်သမားရပိုင်ခွင့်တွေအတွက် ပြီးခဲ့တဲ့ရက်ပိုင်းကတည်းက ဆန္ဒပြနေကြတာပါ။

ဒီနေ့ စက်ရုံထဲ ၀င်ဖို့ကြိုးစားတဲ့ အလုပ်သမား (၃၀၀) လောက်ကို ခြိမ်းခြောက်သတိပေးတဲ့အနေနဲ့ သေနတ်နဲ့ ပစ်ဖောက်တယ်လို့ အဆိုပါစက်ရုံက မြန်မာအလုပ်သမား ကိုအောင်အောင်က ဒီနေ့မနက်ပိုင်း အခြေအနေတွေကို ရှင်းပြပါတယ်။

"ရုန်းရင်းဆန်ခတ် ဖြစ်တယ်ဆိုတာတော့ တံခါးဖွင့်ပေးပါလို့ တောင်းဆိုတာကို တံခါးမဖွင့်ပေးဘူး။ သူတို့က တိုးဝင်မလို့လုပ်တာပေါ့။ အဲဒါကို ခြိမ်းခြောက်ပြီး သေနတ်တွေဘာတွေဖောက်တယ်။"

မြန်မာအလုပ်သမားတွေကို ဒီနေ့မနက် အဆောင်ကနေ စက်ရုံကို အကြိုအပို့ မလုပ်ပေးတဲ့အတွက် အနီးက မြန်မာအလုပ်သမား အနည်းအကျဉ်းပဲ ဒီနေ့ ဆန္ဒပြမှုမှာ ပါတယ်လို့ဆိုပါတယ်။

ဒီနေ့ ဆန္ဒပြပွဲမှာ ကမ္ဘောဒီးယားနိုင်ငံသားတွေ အများဆုံးပါဝင်ပြီး မနေ့က ဆန္ဒပြမှုမှာတော့ မြန်မာအလုပ်သမား ၄၀၀ လောက် ပါဝင် ဆန္ဒပြခဲ့ကြပါတယ်။

စက်ရုံမှာ အလုပ်လုပ်ကိုင်တဲ့ မြန်မာအလုပ်သမားတွေက တရားဝင် လုပ်ကိုင်ကြသူတွေ ဖြစ်ပြီး စာချုပ်ပါ သဘောတူညီချက်အတိုင်း လုပ်အားခနဲ့ အလုပ်သမား အခွင့်အရေးတွေကို မလုပ်ဆောင်ပေးဘူးလို့ ဆိုပါတယ်။

မြန်မာအလုပ်သမားတွေဟာ နေရေးထိုင်ရေး၊ ကျန်းမာရေး အခမဲ့ အပါအ၀င် လုပ်ခ လစာ ၁ ရက် ၂၀၅ ဘတ် ရမယ်ဆိုတဲ့ စာချုပ်နဲ့ လုပ်ကိုင်ကြပေမယ့် တကယ်တမ်း ၁ ရက် ဘတ် ၁၆၀ လောက်ပဲရကြတယ်လို့ ပြောပါတယ်။

၃ လပိုင်းလောက်မှာ လုပ်အားခနဲ့ အလုပ်သမားအခွင့်အရေးအတွက် မြန်မာအလုပ်သမားတွေနဲ့ ပြဿနာ စဖြစ်တယ်လို့လည်း ဆိုပါတယ်။

မြန်မာအလုပ်သမားတွေက ဒီကိစ္စ နဲ့ပတ်သက်ပြီး ဘန်ကောက် မြန်မာသံရုံးကို အကြောင်းကြားခဲ့ပေမယ့် တစုံတရာ ဖြေရှင်းမပေးသလို အခုဆိုရင် ဖုန်းကိုင် ဖြေကြားခြင်း မရှိတော့ဘူးလို့လည်း အလုပ်သမားတွေက ပြောပါတယ်။

အလုပ်သမား ကိုငွေသိန်းက "စက်ရုံက နောက်ထပ်ပြဿနာ ပိုတက်ဖို့ပဲရှိမယ်။ ဘာလို့လဲဆိုတော့ အခုချိန်ထိ သူဌေးဆိုတာလည်း မမြင်ဖူးဘူး။ သူတို့ဘက်က ဘယ်လောက် ကတိပျက်သလဲဆို မြန်မာ အလုပ်သမားကော၊ ကမ္ဘောဒီးယား အလုပ်သမားကော မနက် ၁၀ နာရီမှာ သူဌေးနဲ့ တာဝန်ရှိ ပုဂ္ဂိုလ်တွေနဲ့ပါ တွေ့ဆုံပြီး ဆွေးနွေးပွဲ လုပ်ပေးမယ်လို့ ပြောတယ်။ အခုတော့ ဆွေးနွေးပွဲ မလုပ်ပေးဘဲနဲ့ ကျနော်တို့ ဗမာတွေကို စက်ရုံကို လုံးဝမပို့ပေးဖို့ ကားသမားတွေကို ဖုန်းနဲ့ပြောထားတယ်။ အခု ၃၀၀ ကျော်လောက် ဆန္ဒပြတယ်ဆိုတာက စက်ရုံအနီးအနားက အဆောင်ကလူတွေ၊ ကျနော်တို့ကတော့ ထပ်ဆန္ဒပြဖို့ ဆုံးဖြတ်ထားတယ်။"

လက်ရှိ ထိုင်းအစိုးရရဲ့ လုပ်ခလစာ သတ်မှတ်ချက်အရ ၁ ရက် လုပ်ခလစာ အနည်းဆုံး ၂၄၆ ဘတ် ရရှိကြမှာ ဖြစ်ပါတယ်။

ထိုင်းအစိုးရဟာ ဧပြီ ၁ ရက်ကစပြီး ခရိုင်၇ ခုက အလုပ်သမားတွေကို ၁ ရက် လုပ်ခ လစာ ဘတ် ၃၀၀ ပေးဖို့ ဆောင်ရွက်ထားပြီး၊ ကျန်ခရိုင် ၇၀ မှာတော့ ဘတ် ၃၀၀ မရကြဘဲ ဒေသအလိုက် အလုပ်ရှင် အလုပ်သမား ညှိနှိုင်း လုပ်ဆောင်နေကြတာလည်း ဖြစ်ပါတယ်။

သစ်ထူးလွင် 4/09/2012 03:50:00 PM

The Voice Weekly မှ တရားရုံးသို့ တင်ပြလွှာ

သတင်းရေးသားသူ အမည်အား ဖော်ထုတ်ခွင့်မရှိဟု The Voice Weeklyက တရားရုံးသို့ လျှောက်ထား

ရန်ကုန်၊ ဧပြီ ၉

သတ္ထုတွင်း ဝန်ကြီးဌာနက The Voice Weekly သတင်းစာစောင်မှ အယ်ဒီတာချုပ်၊ ထုတ်ဝေသူနှင့် သတင်း ရေးသား သူတို့အား ပြစ်မှု ဆိုင်ရာ ဥပဒေ ပုဒ်မ ၅၀၀ နှင့် တရားစွဲ ဆိုမှုကို ဧပြီလ ၉ရက်နေ့က ဆက်လက် စစ်ဆေးခဲ့ရာ The Voice Weekly အနေဖြင့် သတင်း ရေးသားသူ အမည်ကို စာနယ်ဇင်း ကျင့်ဝတ်အရ ဖော်ထုတ် သွားရန် တာဝန် မရှိကြောင်း၊ ဝန်ကြီးဌာနသည် သတင်းရေးသားသူ အမည်ကို အတိအကျ ဖော်ပြပြီး တရား စွဲဆို ရမည် ဖြစ်ကြောင်း အယ်ဒီတာချုပ် ဦးကျော်မင်းဆွေက ဒဂုံမြို့ နယ် တရားရုံးသို့ စာဖြင့် ရေးသား လျှောက်ထား ခဲ့ကြောင်း The Voice Weekly ဘက်မှ လိုက်ပါ ဆောင်ရွက်သူ တရားလွှတ်တော် ရှေ့ နေ ဦးသိန်းညွှန့်က ပြောကြားသည်။

The Voice Weekly အယ်ဒီတာချုပ်၏ တရားရုံး သို့ တင်ပြလျှောက်ထား လွှာတွင် “သတင်း ရေးသား သူသည် မည်သူ မည်ဝါ ဖြစ်နေ စေကာမူ ထိုသတင်းကို ဖော်ပြရန် ရွေးချယ်ခဲ့သည့် သက်ဆိုင်ရာ တာဝန်ခံ အယ်ဒီတာ သို့မဟုတ် အယ်ဒီတာချုပ် ပေါ်တွင်သာ တာဝန်ရှိပြီး သမိုင်းအစဉ်အလာ တင်ပြရလျှင် ၁၉၃၆ ခုနှစ်က ရန်ကုန် တက္ကသိုလ် ကျောင်းသား ကိုအောင်ဆန်း ( အမျိုးသား ခေါင်းဆောင်ကြီး ဗိုလ်ချုပ်အောင်ဆန်း) အယ်ဒီတာ အဖြစ် တာဝန်ယူ ဆောင်ရွက်နေသော အိုးဝေ ဂျာနယ်တွင် ‘ငရဲ ခွေးကြီး လွတ်နေသည်’ ဟူသော ဆောင်းပါး ရေးသားသူ အား တက္ကသိုလ် ဗြိတိသျှ အာဏာပိုင် တို့က ဖော်ထုတ် ပေးရန် အယ်ဒီတာ ကိုအောင်ဆန်းကို ပြောရာ ကိုအောင်ဆန်းက ရေးသူ ကိုညိုမြမှန်း သိနေသော်လည်း စာနယ်ဇင်း ကျင့်ဝတ် အရ ဖော်ထုတ်ရန် မဖြစ်နိုင်ကြောင်း ငြင်းဆန်းခဲ့သည်” ဟု ပါရှိသည်။

သတ္ထုတွင်း ဝန်ကြီးဌာနနှင့် The Voice Weekly ၏ ယနေ့ ပြုလုပ်သော တရားခွင်သို့ Eleven Media Group မှ သတင်းထောက် နှစ်ဦးနှင့် ဥပဒေ အထူးပြု ဘာသာရပ် သင်ယူနေသော ကျောင်းသားများ တက်ရောက်ခဲ့ပြီး ဧပြီလ ၄ရက်နေ့က ပြုလုပ်ခဲ့သော တရားခွင် သို့လည်း ပြည်ပ သတင်း မီဒီယာမှ သတင်းထောက် သုံးဦး တက်ရောက်ခဲ့ဟု အဆိုပါ တရားခွင်သို့ တက်ရောက်ခဲ့သူ တစ်ဦးက ပြောကြားသည်။

 The Voice Weekly

သစ်ထူးလွင် 4/09/2012 03:42:00 PM

ဒေါ်အောင်ဆန်းစုကြည် ဧပြီ ၂၃ လွှတ်တော်တက်မည်

ရန်ကုန် (မဇ္ဈိမ) ။      ။ ဒေါ်အောင်ဆန်းစုကြည် အပါအဝင် ကြားဖြတ်ရွေးကောက်ပွဲတွင် အနိုင်ရရှိသည့် လွှတ်တော် ကိုယ်စားလှယ်များ အားလုံး ဧပြီလ ၂၃ ရက်နေ့တွင် ပြန်လည် ကျင်းပမည့် လွှတ်တော် အစည်းအဝေးများသို့ စတင် တက်ရောက်ရမည်ဖြစ်ကြောင်း အမျိုးသားဒီမိုကရေစီအဖွဲ့ချုပ် NLD ပြောရေးဆိုခွင့်ရှိသူ ဦးဉာဏ်ဝင်းက ပြောသည်။

လက်ရှိရပ်နားထားပြီး ဧပြီလ ၂၃ ရက်နေ့တွင် ပြန်လည်ကျင်းပမည့် တတိယအကြိမ်မြောက် လွှတ်တော်အစည်းအဝေး များသို့ ကြားဖြတ်ရွေးကောက်ပွဲတွင် အနိုင်ရထားသည့် NLD ကိုယ်စားလှယ်များ တက်ရောက်ရန် တနင်္လာနေ့ နံနက်ပိုင်းက နေပြည်တော်မှ တရားဝင် အကြောင်းကြားခဲ့ကြောင်း ဦးဉာဏ်ဝင်းက မဇ္ဈိမကို ပြောသည်။

“ဒီနေ့ပဲ နေပြည်တော်က အကြောင်းကြားတယ်။ ၂၃ ရက်နေ့ တက်ဖို့။ အချိန် အရမ်းကပ်သွားတော့ ကျနော်တို့လည်း အရမ်းအလုပ်များနေကြပါတယ်” ဟု ဦးဉာဏ်ဝင်းက ဆိုသည်။

ကြားဖြတ်ရွေးကောက်ပွဲတွင် အနိုင်ရရှိသည့် လွှတ်တော် ကိုယ်စားလှယ်များ အားလုံး ဧပြီလ ၂၃ ရက်နေ့တွင် ပြန်လည် ကျင်းပမည့် လွှတ်တော် အစည်းအဝေးများသို့ စတင် တက်ရောက်ရမည်ဖြစ်ကြောင်း ဦးဉာဏ်ဝင်းက ပြော (ဓါတ်ပုံ မဇ္ဈိမ)

တတိယအကြိမ် ပြည်သူ့လွှတ်တော်အစည်းအဝေး မပြီးပြတ်သေးသည့် ကာလဖြစ်၍ ကြားဖြတ်ရွေးကောက်ပွဲမှ ထွက်ပေါ်လာသည့် ကိုယ်စားလှယ်များအနေဖြင့် စတုတ္ထအကြိမ် လွှတ်တော် အစည်းအဝေးမှသာ လွှတ်တော်တွင်း ပါဝင်ခွင့်ရမည်ဟု အများက ယူဆထားကြပြီး အနိုင်ရ NLD ကိုယ်စားလှယ်များ ကိုယ်တိုင်ပင် ယခုကဲ့သို့ စောစီးစွာ လွှတ်တော်တွင်း ဝင်ခွင့်ရမည်ဟု ယူဆမထားခဲ့ပေ။

“ဒီလွှတ်တော်ခေါ်ထားတာ သိပ်မကြာသေးတော့ ပုံမှန်အတိုင်းဆိုရင် မေလလောက်မှလို့ ထင်ထားတာ။ ဒါပေမယ့် ဟိုနေ့က သတင်းစာထဲမှာ ၂၃ ရက်နေ့ဆိုတော့ ထင်တော့ ထင်လိုက်တယ်။ ချက်ချင်းကြီး စီစဉ်လိုက်တယ် ဆိုတာ
တော့ အကြောင်းတခုခု ရှိလို့နေမှာပေါ့” ဟု မင်္ဂလာတောင်ညွှန့်မြို့နယ် NLD ပြည်သူ့လွှတ်တော် ကိုယ်စားလှယ်
ဒေါ်ဖြူဖြူသင်းက မဇ္ဈိမကို ပြောသည်။

လွှတ်တော်အတွက် ပြင်ဆင်ချိန် ၁၄ ရက်သာ ရသော်လည်း လွှတ်တော်နိုင်ငံရေး စတင်လုပ်စ ဖြစ်၍ အခက်အခဲများ ကြုံရမည်ဟု မျှော်မှန်းထားပြီးဖြစ်ကြောင်း သို့သော် မိမိကိုယ်စားပြုသည့် မင်္ဂလာတောင်ညွှန့်မြို့နယ်အတွက် လိုအပ်ချက် အများစုကို သိထားပြီး ဖြစ်ကြောင်း ဒေါ်ဖြူဖြူသင်းက ပြောဆိုသည်။

“အခုဆိုရင် မြို့နယ်ထဲက အခက်အခဲတွေ၊ အကျပ်အတည်းတွေ ခြုံငုံပြီး သိသင့်သလောက် သိနေပြီ။ ပြည်သူတွေ ကလည်း ပြောရဲဆိုရဲ ရှိလာတော့ ကျမမြို့နယ်အတွက် လိုအပ်ချက်တွေကတော့ သိနေပြီပဲ ပြောရမှာပါ။ ၂၀၀၈ အခြေခံဥပဒေ ပြင်ဆင်ရေးတို့ဘာတို့ကတော့ ပါတီအနေနဲ့ ညှိနှိုင်းပြီး လုပ်ရမှာပေါ့” ဟု ဒေါ်ဖြူဖြူသင်း က မဇ္ဈိမကို
ပြောသည်။

လွှတ်တော်တွင်းသို့ ရောက်ရောက်ချင်း ပါတီအနေဖြင့် မည်သည့် အရေးကိစ္စများ ကိုင်တွယ်မည် ဆိုသည့်ကိစ္စနှင့် ပတ်သတ်၍ ရွေးကောက်ပွဲ အနိုင်ရ NLD ကိုယ်စားလှယ်များ အစည်းအဝေးကို ဧပြီ ၁၉၊ ၂၀ တွင် ပြုလုပ်ရန် စီစဉ်ထားကြောင်း ပါတီဥက္ကဋ္ဌ ဒေါ်အောင်ဆန်းစုကြည်က ဧပြီ ၈ ရက်နေ့က ပြောဆိုခဲ့ပြီး အများဆန္ဒဖြင့် တိုင်ပင် ဆုံးဖြတ်သွားမည်ဟု သူမက ဆိုသည်။

လက်ရှိကျင်းပနေဆဲ တတိယအကြိမ် လွှတ်တော်အစည်းအဝေးတွင် ဥပဒေမူကြမ်း တင်သွင်းခြင်း ကဲ့သို့သော လုပ်ငန်းများ အများစု ပြီးစီးနေပြီဖြစ်၍ NLD အနေဖြင့် ဥပဒေကြမ်း တင်သွင်းခြင်းမျိုးကို စတုတ္ထအကြိမ်မြောက် လွှတ်တော် အစည်းအဝေးများတွင်သာ ပြုလုပ်နိုင်မည်ဟု ပြည်တွင်း သတင်းဂျာနယ် အယ်ဒီတာချုပ်တဦးက သုံးသပ်သည်။

“ဥပဒေတင်တာမျိုးတော့ ဒီဆက်ရှင်မှာ သိပ်လုပ်ခွင့် ရတော့မယ် မထင်ဘူး။ တော်တော်များများက ဥပဒေကြမ်း
ကော်မတီတို့ ဘာတို့ကို တင်ပြီးသားတွေ များတယ်။ ဥပမာ မြေယာပိုင်ဆိုင်ခွင့် ဥပဒေဆို တင်ပြီးပြီ။ ဒါပေမယ့် မဲခွဲတဲ့အခါတွေဘာတွေမှာ မဲပေးတာမျိုး၊ ဝင်ဆွေးနွေးတာမျိုးတော့ လုပ်ခွင့်ရလိမ့်မယ်ထင်တယ်” ဟု မြန်မာ့ဓန မဂ္ဂဇင်းနှင့် အိုးပင်းနယူးစ်ဂျာနယ် အယ်ဒီတာချုပ် ဦးသီဟစော က ခန့်မှန်းသည်။

ကြားဖြတ်ရွေးကောက်ပွဲတွင် အနိုင်ရခဲ့သည့် ပြည်သူ့လွှတ်တော် ၃၇ နေရာ၊ အမျိုးသားလွှတ်တော် ၄ နေရာ နှင့် NDF မှ ကူးပြောင်းလာခဲ့သည့် အမျိုးသားလွှတ်တော်အမတ် ဒေါက်တာမြတ်ဉာဏစိုးနှင့် ပေါင်းပါက NLD သည် လွှတ်တော်
နှစ်ရပ်ပေါင်း ကိုယ်စားလှယ် ၄၂ ယောက်ရှိပြီး ပြည်ထောင်စုလွှတ်တော်၏ ၆.၄ ရာခိုင်နှုန်း ရရှိထားသည်။ ထို့အပြင် ၂၀၁၀ ရွေးကောက်ပွဲအနိုင်ရ လွှတ်တော် ကိုယ်စားလှယ်အချို့လည်း ၎င်းတို့ပါတီများမှ နုတ်ထွက်ကာ NLD သို့ ၀င်ခွင့်ရရန် လျှောက်ထားမှုများ ရှိနေသည်။

သစ်ထူးလွင် 4/09/2012 03:17:00 PM

အင်းစိန်အကျဉ်းထောင်ရှိ သီးသန့်/သာမန်သီးသန့် အကျဉ်းသားများ၏ တင်ပြတောင်းဆိုချက်

ထောင်ပိုင်ကြီးခင်ဗျား


အင်းစိန် ဗဟိုအကျဉ်းထောင်ရှိ ကျွန်တော်တို့ သီးသန့်/သာမန်သီးသန့် အကျဉ်းသားများမှ လူ့အခွင့်အရေးနှင့် စပ်လျဉ်းပြီး

၁။ ကျန်းမာရေး စောင့်ရှောက်မှု

(၁) အချိန်နှင့် တပြေးညီ ဆေးဝါးကုသမှု ခံယူရန် Refer မရရှိခြင်း၊
(၂) အချိန်နှင့် တပြေးညီ ဆေးဝါးမရရှိခြင်း၊

၂။ စာအုပ်၊ စာစောင် ဖတ်ရှုခြင်း

(၁) စာပေ စီစစ်ရေး ခွင့်ပြုပြီးသော စာအုပ်၊စာစောင်များ ထောင်တွင်း စီစစ်ရေး တင်ပြရခြင်း

၃။ လျော့ရက် ခံစားခွင့်

(၁) အကျဉ်းထောင် လက်စွဲဥပဒေအပိုဒ် (၈၃၈)နှင့် (၈၄၈)တို့အရ ခံစားခွင့်ရှိသော သာမန်လျော့ရက်နှင့်အတူ လျော့ရက်( အထူးလျော့ရက်များကို ညွှန်ကြားရေးမှူးချုပ်၊ ခရိုင်အုပ်ချုပ်ရေးအရာရှိ၊ ထောင်တာဝန်ခံ အရာရှိ စသူတို့မှ ပေးနိုင်ကြောင်း) စသည့် လျော့ရက်များ ခံစားခွင့်မရှိခြင်း၊

ထို့အတူ ကျွန်တော်တို့ (လွတ်ငြိမ်းချမ်းသာခွင့်တွင် မပါဘဲ ကျန်ရှိနေသော) သီးသန့်/ သာမန်သီးသန့် အကျဉ်းသားများအား  အမျိုးသား ပြန်လည်ရင်ကြားစေ့ရေး၊ နိုင်ငံတော် တည်ဆောက်ရေးတို့တွင် တတ်စွမ်းသမျှ ပါဝင်နိုင်ရန်အတွက် နိုင်ငံတော်အစိုးရမှ ဖဒိုမန်းငြိမ်းမောင် နည်းတူစဉ်းစားပေးပါရန်။

သို့ဖြစ်၍ အထက်ပါ လူ့အခွင့်အရေးကိစ္စများနှင့် စပ်လျဉ်းပြီး (၁) နိုင်ငံတော် သမ္မတကြီး၊ (၂) မြန်မာနိုင်ငံ လူ့အခွင့်အရေး ကော်မရှင်၊ (၃) ပြည်ထဲရေး ဝန်ကြီးဌာနတို့ထံ တရားဝင် စာရေးအကြောင်းကြားခွင့်ပေးပါရန် ထောင်ပိုင်ကြီးအား  လေးစားစွာ တင်ပြပါသည်။


အင်းစိန်ဗဟိုအကျဉ်းထောင် သီးသန့်/သာမန်သီးသန့် အကျဉ်းသားများ

(၁) အောင်နိုင်(ဘ) ဦးစံရဲကျော်၊ (၂) ကျော်ဇော်မင်း/ဇော်မိုး(ဘ) ဦးနေအောင်ဝင်း၊ (၃) ထွန်းဦး(ဘ) ဦးကျော်မြ (၄) ဝင်းမြင့် (ဘ) ဦးတိုးခို၊ (၅) ကံမင်းသာ/ဖရန်စစ် (ဘ) ဦးအိမ်စိုး၊ (၆) ကျော်ကျော်/စောဖရန်စစ်(ဘ)ဦးမောင်မောင်၊ (၇) စောဂေသေးမူး (ဘ) ဦးစောကြိုဒေါ၊ (၈) စောတင်ဝင်း/စောဝါးလေး (ဘ) ဦးထွန်းရွှေ၊ (၉) နိုင်ဝင်း (ဘ) ဦးအောင်သိန်း၊ (၁၀)ရန်နိုင်/အေးသိန်း (ဘ) ဦးစောလွင်၊ (၁၁) ထွန်းမြတ်သူ/နိုင်လင်းဆက် (ဘ) ဦးကျော်သူ၊ (၁၂) စိုးမင်းသန်း(ဘ) ဦးမောင်မောင်သန်း

 Burma VJ Media Network

သစ်ထူးလွင် 4/09/2012 03:10:00 PM

NLDအောင်နိုင်ရေး အဖွဲ့ဝင်များကို ဝါးသင်္ခရွာက ဂုဏ်ပြု

ကော့မှူးမြို့နယ်အ နောက် ခြမ်းကျေးရွာများမှ NLD အောင်နိုင်ရေး အဖွဲ့ဝင်များ အား ချီးကျူးဂုဏ်ပြုပွဲ တစ်ရပ် ကို ဝါးသင်္ခကျေးရွာတွင် ဧပြီလ ၈ ရက်နေ့က ကျင်းပခဲ့သည်။ ဂုဏ်ပြုပွဲကို ဝါးသင်္ခကျေးရွာ မှ ဦးဆောင်ကျင်းပပေးခြင်းဖြစ်ပြီး ကုန်ကျငွေများကို အောက်ချောင်း ကျေးရွာမှ မန်းတင်ဝင်းနှင့် ဝါးသင်္ခ ရွာသားများက စိုက်ထုတ်ခဲ့ကြခြင်း ဖြစ်သည်။ ယခုပွဲသည် ဒေါ်အောင် ဆန်းစုကြည်၊ အောင်နိုင်ရေး အဖွဲ့ ဝင်များနှင့် မဲဆန္ဒရှင်အားလုံးကို ရည် ရွယ်ကြောင်း သိရသည်။ ဂုဏ်ပြုပွဲသို့ တက်ရောက်လာ ကြသော အောင်နိုင်ရေး အဖွဲ့ဝင် များနှင့် ပါတီဝင်များကို ထမင်း၊ ဝက်သားဟင်းတို့ဖြင့် ဧည့်ခံကျွေး မွေးခဲ့ပြီး ကော့မှူးမြို့နယ်မှ NLD အောင်နိုင်ရေးအဖွဲ့ဝင်များလည်း တက် ရောက်ခဲ့ကြသည်။ 

 Popular Myanmar News Journal

သစ်ထူးလွင် 4/09/2012 03:00:00 PM

ဝန်ကြီးချုပ်ဟောင်း ဦးခင်ညွန့် ပထမဆုံးအကြိမ် ရဟန်းခံရှင်ပြု

ဝန်ကြီးချုပ်ဟောင်း ဦးခင် ညွန့်အပါအဝင် သားနှစ်ဦးသည် သိက္ခာထပ်၊ ရဟန်းခံရှင်ပြုပွဲကို ယနေ့နံနက် ၈ နာရီတွင် တာမွေမြို့နယ် တာမွေလေးရပ် ကွက်၊ ပင်ရွှေညောင်လမ်းရှိ အောင်မြေဗောဓိဓမ္မရိပ်သာ အလိုတော်ပြည့်ေ ကျာင်းတိုက် တွင် ကျင်းပခဲ့သည်။အဆိုပါ ရဟန်းခံရှင်ပြုပွဲကို ဦးခင်ညွန့် နှင့် ဒေါက်တာဒေါ်ခင်ဝင်းရွှေ တို့မှ အမှူးပြု၍အလှူဒါနပြုလုပ်ခဲ့ ပြီး ဦးခင်ညွန့်အပါအဝင်သားနှစ်ဦး နှင့်မြေး ၅ ဦးတို့မှ သာသနာ့ဘောင် သို့ ဝင်ရောက်ကာ အဂ္ဂမဟာ သဒ္ဓမ္မဇောတိကဓဇ၊ ပြည်တွင်းပြည်ပသာသနာပြု အလိုတော်ပြည့် ဆရာတော်မှ ကိုယ်တော်တိုင်သာ သနာ့ဘောင်သို့ သွတ် သွင်းပေးခဲ့ သည်။''ဒါပထမဆုံးရဟန်းခံတာပါ။ ရဟန်း ဘဝနဲ့တစ် ပတ်လောက်နေမယ် လို့ပြောတယ်'' ဟု ဦးခင်ညွန့်၏ ဇနီးဖြစ်သူ ဒေါက် တာဒေါ်ခင်ဝင်းရွှေက ဆိုသည်။ယင်းရှင်ပြုရဟန်းခံပွဲသို့် တပ် မတော်မှ အရာရှိများ၊ အငြိမ်းစား အရာရှိကြီးများနှင့် ၄င်းနှင့်ဆက်စပ် သောအရာရှိ အသိုင်းအဝိုင်းမှ ဧည့်ပရိသတ်ပေါင်း ၂ဝဝ ခန့်တရားနာလာ ရောက်ခဲ့ကြပြီး ထိုင်းနိုင်ငံမှ ဧည့် သည်တော်များပါလာရောက်၍ သိမ်ဆင်းဆွမ်းလောင်း လှူခဲ့ကြသည်။
 Popular Myanmar News Journal

သစ်ထူးလွင် 4/09/2012 02:58:00 PM

ဦးခင်ညွန့်ရဲ့ပြောဆိုချက်အပေါ် ဒီပဲယင်း ဖြစ်ရပ်တုန်းကအတူရှိနေခဲ့တဲ့ဦးတင်ဦးရဲ့ပြောဆိုချက်(အသံဖိုင်)

ထောက်လှမ်းရေး အကြီးအကဲဟောင်း ဗိုလ်ချုပ်ကြီးဟောင်း ဦးခင်ညွန့်က ၂၀ဝ၃ ခုနှစ် မေလ ၃၀ ရက် ဒီပဲယင်း ဖြစ်ရပ်တုန်းက ဒေါ်အောင်ဆန်းစုကြည်ကို အသက်အန္တရာယ် ကနေ ထောက်လှမ်းရေးတွေက ကယ်ခဲ့တယ်လို့ ဘန်ကောက်ပို့စ် သတင်းစာနဲ့ မေးမြန်းခန်းမှာ ပြောကြားသွားခဲ့ပါတယ်။

 ဒေါ်အောင်ဆန်းစုကြည်ရဲ့အသက်ကိုကယ်တင်ခဲ့တယ်လို့ပြောတဲ့ ဦးခင်ညွန့်ရဲ့ပြောဆိုချက်အပေါ် ဒီပဲယင်း ဖြစ်ရပ်တုန်းကအတူရှိနေခဲ့တဲ့ဦးတင်ဦးရဲ့ပြောဆိုချက်(အသံဖိုင်)

BBC

သစ်ထူးလွင် 4/09/2012 02:51:00 PM

သပိတ်ကျင်းလယ်ယာမြေသိမ်းယူမှု တိုင်ကြားသူ ဖမ်းဆီးခံရ

လယ်ယာမြေကိစ္စနဲ့ ပတ်သက်လို့ သက်ဆိုင်ရာကို တိုင်ကြားတဲ့အတွက် သပိတ်ကျင်းမြို့နယ်က လယ်သမားတစ်ယောက် ဒီနေ့မနက်က အဖမ်းခံရတယ်လို့ သိရပါတယ်။

AFP

စိုက်ပျိုးရေးအတွက် နွားနှင့်ဖက်၍ ထွန်ယက် လုပ်ကိုင်နေသော မြန်မာ တောင်သူလယ်သမား သားအဖ ဖြစ်ပါသည်။ (Photo: AFP)

မန္တလေးတိုင်း သပိတ်ကျဉ်းမြို့နယ် ချောင်းကြီး ကျေးရွာက ကိုသန်းအေးကို ဒီနေ့မနက်ပိုင်းမှာ တောင်ယာကိုအသွား နယ်ခံရဲတပ်ဖွဲ့က ဖမ်းသွားတဲ့အကြောင်း ဇနီးဖြစ်သူ မလှဝင်းက RFA ကို ပြောပြပါတယ်။ "ကိုသန်းအေးကို ကျေးရွာရဲကင်းမှုးနဲ့ ရဲတပ်သားကြည်နိုင်ဦးတို့ ဦးဆောင်ပြီးတော့ ဖမ်းဝရမ်းလည်း မပါဘဲနဲ့ သပိတ်ကျဉ်း ရဲစခန်းကို အတင်းအားဓမ္မ မတရားခြိမ်းခြောက်ပြီးတော့ပေါ့။ ဖမ်းခေါ်သွားတာ။ ဒီချောင်းကြီးကျေးရွာ အုပ်ချုပ်ရေးမှုး ဦးကျော်ဆန်းဦး ကနေပြီးတော့ သူတို့ရဲစခန်းကို အမှုဖွင့်ပြီး လာတိုင်တယ်လို့ ပြောတဲ့အခါကျတော့ ဘာ့ကြောင့်ဖမ်းရတာလဲလို့ မေးတဲ့အခါကျတော့ ရွာသူရွာသားတွေကို ကျမအမျိုးသား ကိုသန်းအေးက ဦးဆောင်ပြီးတော့ တိုင်ကြားပေးတဲ့အတွက် အဲဒီလိုမတိုင်ကြားနိုင်အောင် သူ့ကို ခြေချုပ်လုပ်ပြီးတော့ ဖမ်းတယ်လို့ ပြောတာပဲ။" ၂၀၀၇ ခုနှစ်က သပိတ်ကျင်းမြို့နယ် အတွင်းရှိ လယ်ယာမြေတွေကို မြို့နယ်ဥက္ကဋ္ဌက သိမ်းယူပြီး ရွှေတူးဖေါ်တဲ့အခါ လူသေတာ၊ အိမ်တွေ ပြိုကျသွားတာတွေနဲ့ ပတ်သက်လို့ မကျေနပ်တဲ့ အတွက် သူ့အနေနဲ့ တိုင်ကြားခဲ့တာ ဖြစ်တယ်လို့ မလှဝင်းက ဆက်ပြောပြပါတယ်။ ကိုသန်းအေးကို မဖမ်းခင် မြို့နယ်ဥက္ကဋ္ဌက ဒီကိစ္စနဲ့ ပတ်သက်လို့ ဖမ်းဆီးမယ့် အကြောင်း ခြိမ်းခြောက်ပြောဆိုတာတွေလည်း ရှိခဲ့တယ်လို့ သူက ပြောပါတယ်။ ဒီကိစ္စနဲ့ပတ်သက်လို့ ၂၀၀၇ ခုနှစ်ကလည်း သက်ဆိုင်ရာ အာဏာပိုင်တွေကို တိုင်ကြားခဲ့သလို အခု သမ္မတဦးသိန်းစိန် လက်ထက်မှာလည်း ဒီကိစ္စရပ်တွေကို ထပ်မံတိုင်ကြားခဲ့တယ်လို့ သိရပါတယ်။

RFA

သစ်ထူးလွင် 4/09/2012 08:57:00 AM

ပုသိမ်မြို့ လောင်စာဆီဇုန် မှ ဂိုထောင် မီးလောင်

ပုသိမ်၊ ဧပြီ ၈ ရက်၊ ၂၀၁၂ ခုနှစ်-မျိုးမင်းထွန်း (YPI)

ပုသိမ်မြို့ငါးကျီတူကျေးရွာ ဆီဇုန်အတွင်းလမ်းရှိ ဦးဋ္ဌေးလွင်ပိုင်ဆီဂိုထောင်တွင် ယနေ့ညနေ ငါးနာရီ ၀န်းကျင်က ရန်ကုန်မှလာသော ၆(ခ) ၁၅၂၆ လောင်စာဆီ ဘောက်ဆာ ကားမှ ဆီဖြည့်ပေးနေစဉ် မီးပွင့်၍ မီးလောင်မှု ဖြစ်ပွားခဲ့သည်။

မီးငြိမ်းသတ်ရာတွင်ပါဝင်ခဲ့သည့်  မီးသတ်ဝန်ထမ်းတဦးက ‘ပိုင်ရှင်ရဲ့သားအပါအ၀င်လုပ်သား ၄ယောက်ရှိနေတုန်း ဆီဘောက်ဆာ ဆီလာဖြည့်ရင်း မီးထပွင့်ပြီးလောင်တာ’ ဟု YPI သို့ပြောသည်။
ငါးကျီးတူကျေးရွာနေ အသက်(၅၅)အရွယ်ရှိဦးညိုဝင်းက ‘ဆီတိုင်ကီတွေထပေါက်ပြီး ကောင်းကင်မှာ မီးတောက်ကမှိုပွင့်ကြီးတွေလိုပဲ ဦးတစ်သက်ဒီလိုလောင်တာမျိုး တစ်ခါမှမတွေ့ဘူးဖူး’ ဟုပြောပြသည်။
မီးလောင်မှု့ဖြစ်ပွားစဉ် ဆီတိုင်ကီပေါက်ကွဲမှုများ ဆက်တိုက်ဖြစ်ပွားခဲ့ပြီး မီးတောက်ကြီးများလည်း ကောင်းကင်၌ ကြောက်စရာကောင်းလောက်အောင် တစ်လုံးပြီး တစ်လုံး တက်ခဲ့ သည်ဟု ဒေသခံများက ဆိုသည်။

ဧရာဝတီတိုင်း မီးသတ်ဦးစီးမှူး  ဦးမြင့်စိုးက“ဆီဆိုင်တွေ အကုန်လုံးကို ဆီဖြည့်စဉ် အန္တရာယ်ကင်းအောင် ဘယ်လိုလုပ်ရမယ် ဆိုတာတွေကို အကုန်ပြောပြထားတယ်။ ဒါကို မလိုက်နာကြသေးဘူး၊ အခုဟာကလည်း ဘောက်ဆာထဲကဆီကို ပေပါထဲ ထည့်ဖို့လုပ်နေတုန်း ပေါ့ဆမှုကြောင့် မီးလောင်တာပါ’” ဟုပြောသည်။

 
ယနေ့ညနေပိုင်းက လောင်စာဆီဂိုထောင် မီးလောင်မှုအား ငြိမ်းသတ်နေစဉ်

မီး လောင်မှုကြောင့် ဒရတ်ပက္ကား သွပ်မိုးဂိုထောင် တစ်လုံး လောင်ကျွမ်းခဲ့ပြီး ညနေ ၅း၄၅ ခန့် တွင်မီးငြိမ်း သွားသည်။ မီးလောင်ရာဂိုထောင်ထဲတွင် ဓာတ်ဆီ ပေပါ ၅၀ခန့်ရှိနေပြီး အနီးအနားတွင်လည်း ဓာတ်ဆီပေပါများ သိုလှောင်ထားရှိသည့်  ဂိုထောင်အများအပြား ရှိသောနေရာတွင်လောင်ကျွမ်းခဲ့ခြင်းဖြစ်ပြီး တန်ဖိုးကျပ်သိန်း၂၀ခန့်ဆုံးရှုံးခဲ့သည်ဟု မီးသတ်ဦးစီးဌာနမှ သတင်းထုတ်ပြန်ထားသည်။

အဆိုပါ မီးလောင်မှုကို  ပုသိမ်မြို့ အမှတ် ၂ ရဲစခန်းမှ (ပ) ၄၉\၂၀၁၂ ပုဒ်မ ၂၈၅ဖြင့်အမှု့ဖွင့်ကာ အရေးယူ ဆောင်ရွက်နေကြောင်းသိရှိရသည်။     ။

လောင်စာဆီပေပါများအား မီးလောင်မှုနှင့် ဝေးရာသို့ဖယ်ရှားထားစဉ်

Yangon Press International

သစ်ထူးလွင် 4/09/2012 05:33:00 AM

မန္တလေးသင်္ကြန် ရေစုပ်စက်ဖြင့် ရေကစားလျှင် ငါးသောင်းပေးရမည်

မန္တလေး၊ ဧပြီ ၈၊ ၂၀၁၂၊ ကျော်သူရမျိုး (YPI)

မြန်မာနိုင်ငံ၏ သင်္ကြန်ပွဲတော်တွင် အစည်ကားဆုံးမြို့ တမြို့ဖြစ်သည့်  မန္တလေးမြို့  သင်္ကြန်ပွဲတော်ကာလအတွင်း ရေစုပ်စက်အသုံးပြု၍ ရေကစားပါက မြို့တော် စည်ပင်သာယာသို့ ငွေကျပ်ငါးသောင်းကို ပေးသွင်းရမည်ဟု သတ်မှတ်ထားကြောင်း မန္တလေးမြို့တော် စည်ပင်ရေနှင့်သန့်ရှင်းရေးဋ္ဌာနမှ ပြောသည်။

ရေနှင့်သန့်ရှင်းရေးဌာနတာဝန်ရှိသူတစ်ဦးက “ကျုံးဘေးပတ်လည်နှင့် မြို့ထဲတွေမှာ ရေစုပ်စက်နဲ့ ကျုံးရေကိုသုံးပြီး ရေပက်မဲ့အဖွဲ့တစ်ဖွဲ့စီအနေနဲ့ ငါးသောင်း ပေးသွင်းပြီး ရေသုံးခွင့်လျှောက်ထားရမယ်။ သုံးစွဲခွင့်မရှိဘဲ ရေကစားမယ်ဆိုရင် စည်ပင်ဥပဒေအရအရေးယူမှာပါ” ဟု YPI သို့ပြောသည်။
စစ်ဋ္ဌာနချုပ်မဏ္ဍပ်ရှိသည်ကျုံးတောင်ဘက်ဝင်ပေါက်

မန္တလေးသင်္ကြန်တွင် ကျုံးအနောက်ဘက်၌ မဏ္ဍပ်တည်ဆောက်မှုနည်းပါပြီး ရေစုပ်စက်အသုံးပြု၍ မိသားစုတစ်နိုင်တစ်ပိုင် ရေပက်ကစားကြသူအများအပြား ရှိသည်။

“ဒီနှစ်မန္တလေးမှာ မဏ္ဍပ်တွေက မနှစ်ကထက်ပိုနည်းတယ်။ ကျုံးအနောက်ဘက်မှာဆိုရင် မဏ္ဍပ်သုံးလေးခု လောက်ဘဲရှိတယ်။ အဲဒီဘက်က ရေစုပ်စက်တွေနဲ့ သုံးပြီး ရေကစားတဲ့အတွက် ရေပက်ခံချင်တဲ့သူတွေက အဲဒီဘက်ကို အဓိကထားသွားတယ်”ဟု မန္တလေးမြို့ခံတစ်ဦးက ပြောသည်။

မန္တလေးမြို့၏ သင်္ကြန်ပွဲတော်ကာလတွင် Alpine အစရှိသော နံမည်ကြီးမဏ္ဍပ်များတည်ရှိရာ ကျုံးတောင်ဘက်ပိုင်း၌  နှစ်စဉ် လမ်းများပိတ်လျှက်ရှိခြင်းကြောင့် မန်းသင်္ကြန်လည်ပတ်သူများသည်  ရေစုပ်စက်ငယ်များဖြင့် ရေကစားသည့် ကျုံးအနောက် ဘက်သို့ အဓိကထားလည်ပတ်ရကြောင်း မြို့ခံများကပြောပြသည်။

 “Alpine မဏ္ဍပ်ဘက်က နှစ်တိုင်းလမ်းပိတ်နေကျဘဲ။ အဲဒီတော့ ရေပက်ခံထွက်တဲ့ ကားနှင့်ဆိုင်ကယ်တွေက ကျုံးအနောက်ဘက်ကို အဓိကထားသွားတယ်။ အဲဒီဘက်မှာ ရေစုပ်စက်နဲ့ရေကစားတဲ့ သူတွေတော်တော်များတယ်”ဟု အခြားမြို့ခံ တစ်ဦး ကဆိုသည်။

မန္တလေးသင်္ကြန်တွင် ကျုံးဘေးပတ်လည်၌ ပေ(၂၀၀)ခန့်ကျယ်ဝန်းသော မဏ္ဍပ်တစ်ခုတည်ဆောက်ပါက (၅)သိန်းကျပ်သာ သတ်မှတ်ထားပြီး ရေစုပ်စက်ငယ်အသုံးပြု၍ ရေကစားသူများကို ငါးသောင်းကျပ်ပေးသွင်းရန် သတ်မှတ် ထားမှုကြောင့် ရေကစားမည့် မြို့ခံများမှာ အခက်အခဲကြုံတွေ့နေရကြောင်းသိရသည်။

“ပေ(၂၀၀)လောက်ကျယ်တဲ့ မဏ္ဍပ်ဆောက်တာ (၅)သိန်းဘဲပေးရတယ်။ ရေစုပ်စက်သေးသေးလေးနဲ့ ရေကစား တာကို ငါးသောင်းကောက်မယ်ဆိုတော့ မလုပ်သင့်ဘူးလို့ထင်ပါတယ်။ အဲဒီငွေနဲ့ဆိုရင် ရေကစားမယ့် လူငယ်အများစု တတ်နိုင်မှာမဟုတ်ဘူး” ဟု မြို့ခံများ ကဆိုသည်။

မန္တလေးမြို့တော်စည်ပင်သာယာရေးကော်မတီသည် ရေစုပ်စက်ဖြင့် ကျုံးရေသုံးစွဲ၍ ရေပက်ကစားသည့်အဖွဲ့ တစ်ဖွဲ့လျှင် စည်ပင်သို့ ငါးသောင်းကျပ်ပေးသွင်းပြီး လျှောက်ထားရမည်ဖြစ်ကြောင်း၊ လျှောက်ထားမှုမရှိဘဲ ရေစုပ်စက် အသုံးပြု၍ ကျုံးရေသုံးစွဲပြီး ရေကစားသည်ကို တွေ့ရှိပါက စည်ပင်ဥပဒေအရ အရေးယူခြင်းခံရမည်ဖြစ်ကြောင်းကို ဧပြီ ၅ ရက်နေ့က မန္တလေးနေ့စဉ်သတင်းစာတွင် ကြေငြာထားသည်။

 
Alpine ကဲ့သို့ မဏ္ဍပ်ကြီးများ ကျုံးတောင်ဘက်တွင် တည်ရှိသဖြင့်လမ်းပိတ်ဆို့သည့်အတွက် ရေကစားသူများ ကျုံး အနောက်ဘက်သို့ အဓိကထား လည်ပတ်ကြရသည်။
  Yangon Press International

သစ်ထူးလွင် 4/09/2012 05:28:00 AM

ပဲခူးက အိမ်ဖော်မိန်းကလေးအမှု အာဏာပိုင်တွေ ဆက်လက်စုံစမ်းနေ

အိမ်ရှင်က မီးပူနဲ့အထိုးခံရပြီး ဒဏ်ရာအနာတရဖြစ်ခဲ့တဲ့ ပဲခူးမြို့က အိမ်အကူ မိန်းကလေးငယ်အမှုနဲ့ ပတ်သက်ပြီး အာဏာပိုင်တွေက လာရောက် စစ်ဆေးသလို အမှုကို သတင်းမထုတ်ဖော်ဖို့ လူ့အခွင့်အရေးလှုပ်ရှားနေသူတွေကို တားဆီးတာတွေလည်း ရှိခဲ့တယ်လို့ သိရပါတယ်။

ပဲခူးမြို့ ဥဿာမြို့သစ်၊ အမှတ်(၇) ရပ်ကွက်၊ ဗိုလ်တေဇလမ်းမှာ နေထိုင်တဲ့ ဒုတိယ မြို့နယ်တရားသူကြီး ဦးအောင်ဖုန်းဝင်းရဲ့ ဇနီး ဒေါ်ဖြူဝင်းသက်က မိမိအိမ်မှာ လာရောက်ပြီး အိမ်အကူအလုပ် လာရောက် လုပ်ကိုင်နေတဲ့ ကျောက်ကြီးမြို့နယ် သိန်းတန်းရပ်ကွက်က အသက် (၁၅) နှစ်အရွယ် မအေးယုအောင်ကို မတ်လ (၂၅) ရက်နေ့က မီးပူနဲ့ထိုးကပ်တဲ့ အတွက် လည်ပင်းနဲ့ ရင်ဘတ်တွေမှာ ဒဏ်ရာရရှိခဲ့တာ ဖြစ်ပါတယ်။

 ဒီကိစ္စနဲ့ ပတ်သက်လို့ လိုက်ပါကူညီသူ (၃) ဦးဖြစ်တဲ့ ဦးကြည်လင်း၊ ပန်းရောင်းတဲ့ မမာမာအေးနဲ့ စားသောက်ကုန် ရောင်းချတဲ့ ကိုနေစိုးအောင်တို့ (၃) ဦးကို ဧပြီလ ၆ ရက်နေ့ ညနေ ၅ နာရီလောက်က တိုင်းအဆင့်ရဲအုပ်တစ်ဦးနဲ့ တပ်ကြပ်ကြီး တစ်ဦးတို့က ယဉ်ယဉ်ကျေးကျေး လာရောက်မေးမြန်းတာပါလို့ ဦးကြည်လင်းက ပြောပါတယ်။

 “လူကုန်ကူးမှု အထူးနှိမ်နင်းရေးအဖွဲ့က လာမေးတာပါ။ ကျွန်တော်တို့ အဲဒီနေ့က ဖြစ်တဲ့ အဖြစ်အပျက်လေးပါ။ ကျွန်တော် ဘယ်လို နေရာကနေပြီးတော့ မြင်ခဲ့တွေ့ခဲ့ ဆောင်ရွက်ပေးခဲ့တယ် ဆိုတဲ့အကြောင်းလေးပေါ့ခင်ဗျာ။ သူတို့ကလည်း သူတို့အဖွဲ့ အထက်အရာရှိလူကြီးက မေးခိုင်းလို့ပါတဲ့။ ဒီဥစ္စာလေးရဲ့ ဖြစ်ပျက်အကြောင်းအရာလေး၊ ပြည့်ပြည့်စုံစုံ သိချင်လို့ပါ ဆိုပြီးတော့ မေးသွားတာခင်ဗျ။ ဘာလုပ်မယ်ဆိုတာ သူတို့လည်း သေချာ မသိသေးဘူး။” မအေးယုအောင်ကို အိမ်ရှင်ဖြစ်သူ ဒေါ်ဖြူဝင်းသက်က မီးပူတိုက်တာကြာလို့လို့ ပြောဆိုပြီး သူမကို ကပ်ခဲ့တာပါလို့ သူတို့ရဲ့ မှတ်တမ်းတင် ဗီဒီယိုအခွေမှာ မအေးယုအောင် က ငိုယို ပြောဆိုခဲ့ပါတယ်။

ဒီလိုဖြစ်ပွားပြီး (၅) ရက်ခန့်အကြာမှ ဈေးဝယ် ထွက်ရာကနေ ပတ်ဝန်းကျင်က လူတွေက သတိထားမိပြီး မေးမြန်းတော့မှ သူက အခုလိုပြောဆိုခဲ့တာ ဖြစ်ပါတယ်။ ဒီလိုသိသိခြင်းပဲ ဦးကြည်လင်းတို့အဖွဲ့က ရဲစခန်းကိုသွားရောက်ပြီး အမှုဖွင့်ဖို့ ကြိုးပမ်းခဲ့ပေမယ့် နောက်ပိုင်းမှာ တရားသူကြီး ဦးအောင်ဖုန်းဝင်းက ရဲစခန်းလိုက်လာတာနဲ့ မအေးယုအောင် ကို မနစ်နာရအောင် ဆောင်ရွက်ပေးဖို့ ပြောပြီး ပြန်ထည့်ပေးခဲ့တယ်လို့လည်း ဦးကြည်လင်း ကပြောပါတယ်။ ဒီလိုဖြစ်ပျက်ခဲ့တာနဲ့ ပတ်သက်လို့ ဧပြီလ (၂) ရက်နေ့ကလည်း မြို့နယ် တရားသူကြီး (၅) ဦးခန့်က ဦးအောင်ဖုန်းဝင်းရဲ့ ဂုဏ်သိက္ခာကို ငဲ့ကွက်သောအားဖြင့် လမ်းပြကြယ် ဦးအေးမြင့်ကိုလည်း ဒီသတင်းဖြန့်ဝေမှု မပြုလုပ်ဖို့ လာရောက်ပြောကြားခဲ့တယ်လို့ ဦးအေးမြင့်က ပြောပါတယ်။
“ဦးအောင်ဖုန်းဝင်း ဆောင်ရွက်တာ မဟုတ်ပေမယ့် သူတို့မြို့နယ်တရားရုံး၊ ခရိုင်တရားရုံး၊ တိုင်းတရားရုံး တပြည်လုံးမှာရှိတဲ့ တရားသူကြီးတွေကအစ ဂုဏ်သိက္ခာကတော့ ဒါကြီးကကျတဲ့အလုပ်ဖြစ်နေတယ်၊ တတ်နိုင်သမျှ ထိန်းထိန်းသိမ်းသိမ်းနဲ့ တရားသူကြီးနဲ့ဆိုင်တဲ့ နောက်ကဇနီးသည်ရဲ့ မှားယွင်းချက်ကြောင့် တရားသူကြီးကို ဂုဏ်သိက္ခာလည်းထိခိုက်မယ်၊ အလုပ်လည်းထိခိုက်မယ် ဖြစ်တဲ့အကြောင်း ကျနော်တို့ကို ပြောပြပါတယ်။” အခုနောက်ပိုင်းမှာတော့ အဆိုပါ အနှိပ်စက်ခံခဲ့ရသူ မအေးယုအောင်ဟာ ပဲခူးမြို့ကနေ ပျောက်ဆုံးနေသလို၊ ဦးအောင်ဖုန်းဝင်းနဲ့ ဇနီးသည် ဒေါ်ဖြူဝင်းသက်တို့လည်း အိမ်ကိုပိတ်ပြီး ဘယ်ရောက်နေမှန်း မသိဘူးလို့ ဦးကြည်လင်းက ပြောပါတယ်။

RFA

သစ်ထူးလွင် 4/08/2012 11:45:00 PM

၂၂ဘီး ကုန်တင်ကား တိမ်းမှောက်

ရန်ကုန်၊ ဧပြီ ၈

အင်းစိန်မြို့ နယ်၊ ဘုရင့်နောင်လမ်းမကြီးနှင့် ပုလဲလမ်းဆုံ ၊ ပြည်တော်သာကွေ့ တွင် ယနေ့ ဧပြီ ၈ရက်နေ့၊ ည ၇နာရီခန့်၌ ပေလေးဆယ် ပုံး နှစ်ပုံး တင် ၂၂ဘီး ကုန်ကား တစ်စီး တိမ်းမှောက်ခဲ့ပြီး ယာဉ်မောင်းနှင့် ထိုနေရာဝန်းကျင် ရှိသူများမှာ တစ်စုံတစ်ရာ ဖြစ်ခဲ့ခြင်း မရှိသော်လည်း အဆိုပါ ပြည်တော်သာကွေ့၌ ယာဉ်လမ်းများ ပိတ်ဆို့ခဲ့ကြောင်း The Voice Weekly သတင်းထောက်က သတင်းပေးပို့သည်။

အဆိုပါ ကုန်တင်ကားမှာ ဟိုင်းလတ် အမျိုး အစား ခရီးသည်တင်ယာဉ်နှင့် ယှဉ်ပြိုင် မောင်းနှင်ရာမှ အကွေ့တွင် ယင်းကဲ့သို့ဖြစ်ခဲ့ကြောင်း အဆိုပါ နေရာအနီးတွင် ကုန်တင်ကား တိမ်းမှောက်စဉ်က အဆိုပါနေရာတွင် ရှိနေသည့် အမျိုးသားတစ်ဦးက ပြောပြသည်။

The Voice Weekly 

အင်းစိန်မြို့ နယ်၊ ဘုရင့်နောင်လမ်းမကြီးနှင့် ပုလဲလမ်းဆုံ အနီး၊ ပြည်တော်သာ ကွေ့တွင် ယနေ့ ဧပြီ ၈ရက်နေ့၊ ည ၇နာရီခန့်က ပေလေးဆယ် ပုံး ၂ပုံးတင် ၂၂ဘီး ကုန်တင်ကား တစ်စီး တိမ်းမှောက်ခဲ့ရာ ကားအတွင်း ကျန်ရှိနေသည့် ဆီများအား ထုတ်ယူနေစဉ်။

သစ်ထူးလွင် 4/08/2012 11:38:00 PM

အိမ်ဖော်မလေး မအေးယုအောင် ရဲ့  နောက်ဆုံးရသတင်း

ဧပြီလ ၈ ရက်နေ့  ၂၀၁၂
 
ကိုသစ်ထူးလွင်ရှင့်... သမီးလေး မအေးယုအောင် နဲ့ပက်သက်တဲ့
နောက်ဆုံးရသတင်းကတော့ စိတ်တိုဒေါသထွက်စရာ
တော်တော်ကောင်းပါတယ်...မအေးယုအောင်ရဲ့ မိခင် ဒေါ်ကြူ ပဲခူးမြို့မှာ
ဒုတိယတရားသူကြီး ဦးအောင်ဖုန်းဝင်းနဲ့ ဒေါ်ဖြူဝင်းသက်တို့နဲ့
သွားရောက်တွေ့ဆုံပြီးနေရပ် ကျောက်ကြီးမြို့သို့
ပြန်လည်ရောက်ရှိလာပါပြီ..ဒေါ်ကြူ
ကို ဦးအောင်ဖုန်းဝင်းက ငွေကျပ် သုံးသိန်း
ပေးပြီး ကလေးမလေး အတွက် လှူဒါန်းငွေလို့ပြောပါတယ်...နောက်
ကလေးမလေးနဲ့လည်း ပေးတွေ့ပါတယ်...ထူးဆန်းတာတစ်ခုက ကလေးမလေး ကိုယ်တိုင်က
ပြန်မလိုက်ပါဘူးဟု အတန်တန်ငြင်းဆိုပါတယ်တဲ့....အဲဒါကြောင့်
ဦးအောင်ဖုန်းဝင်းက ကလေးမလေးကို ဧပရယ်လကုန် (၃၀.၄.၂၀၁၂)မှာ
မိခင်ဒေါ်ကြူထံသို့ပြန်လည် ပို့ပေးပါမည်ဟု
ထပ်မံပြောကြားလိုက်ပါတယ်...နောက် ကလေးမလေးကို လည်း ဘုရားဖူး ခရီး
ပို့ပေးချင်လို့ပါဟုလည်း ပြောလိုက်ပါတယ်...ဒုတိယတရားသူကြီး လင်မယား ဟာ
သူတို့ကိုယ် သူတို့တော့ တော်တော်လေး save side ယူထားပုံပါပဲ..အခုဖြစ်ရပ်က
သူတို့ကြောင့် မဟုတ်ဘူးဆိုတာကို အတန်တန်ငြင်းတယ်... နောက် ဒီကလေးမလေးက
ဒီလိုမျိုး ဖြစ်ရပ်တွေလည်း ခဏခဏ ဖြစ်ဖူးတယ်လို့လည်း ပြောပါတယ်...နောက်
တရားသူကြီးအိမ်ကို ဖုန်းဆက်တာ ဘာကြောင့်မကိုင်တာပါလည်းလို့ မေးတဲ့
အခါမှာတော့ အဲဒီ အိမ်ဖုန်းဟာ သူ့ဖခင်ကို ပေးထားတယ်...နောက်ဖုန်းလာတဲ့ အခါ
ကျောက်ကြီးမြို့မှ ဆက်တဲ့ ဖုန်းဆို ပိုက်ဆံတောင်းမှာ စိုးရိမ်လို့
မကိုင်တာပါလို့လည်း ပြောပါတယ်...ဒါဆိုရင် တခြားမြို့ တွေက ခေါ်တဲ့
ဖုန်းကျတော့ ဘာလို့မကိုင်တာလည်း လို့ မေးတဲ့ အခါ တိတိကျကျ ရေရေရာရာ
မဖြေခဲ့ဘူးလို့လည်း သတင်းရထားပါတယ်...နောက်တစ်ခုက မအေးယုအောင် ရဲ့ ဖခင်ဟာ
ကွယ်လွန်သူ မဟုတ်ပါဘူး လင်မယားကွဲနေတာပါတဲ့...မအေးယုအောင်ရဲ့
ဖခင်ဖြစ်သူဟာ သူတို့ဆီမှာ ပိုက်ဆံများ လာလာယူတတ်ကြောင်းကို ပြောတာကိုလည်း
သတင်းရခဲ့ပါတယ်...နောက် ဦးအောင်ဖုန်းဝင်း ဟာ တောင်တွင်းကြီးကို
ပြောင်းရွေ့တာဝန်ထမ်းဆောင်ရမည်ကိုလည်း သတင်း ထပ်မံရရှိပါတယ်...့
မိခင်ဒေါ်ကြူဟာ လှူငွေလို့ ပေးလိုက်တဲ့ ကျပ်ငွေ သုံးသိန်းကို ယခုအခါ
သူမလုံးဝ မလိုချင်ပါဘူး ကျေလည်း မကျေနပ်ပါဘူးဟု ပြောဆိုနေသံကိုလည်း
ကြားရပါတယ်...ကဲ မိတ်ဆွေတို့ ဒီဖြစ်စဉ်မှာ မိခင်ဒေါ်ကြူဟာ အလှူငွေကျပ်
သုံးသိန်းကို လက်ခံခဲ့မိတာ မှားလား (သို့) ငွေများ တရားနိုင်ဆိုတဲ့
စကားပုံနဲ့ပဲ အဆုံးသတ်မလား (သို့) တရားဥပဒေ စိုးမိုးတာဟာ ဒီလို
မအေးယုအောင်တို့လို လူတန်းစားအတွက် မပါဘူးလား ...ကျမတို့ ဘယ်လို
သုံးသပ်ပြီး ဘယ်လို ဆုံးဖြတ်ရမလဲ ဆိုတာကိုဖြင့် ကမ္ဘာ အရပ်ရပ်မှာ ရှိတဲ့
ကျမထက် တော်သော အတွေ့ကြုံ ရှိသော အားလုံးအားလုံးသော မိတ်ဆွေတို့
စဉ်းစားပေးကြပါကုန်လော့.... 
ဤသတင်းရေးသားသူကတော့ ကျမ မကြေးမုံဦး
ပါ....

Myanmar News Now

 

သစ်ထူးလွင် 4/08/2012 11:09:00 PM

ပြင်ဦးလွင်ဒေသမှ လေဘေးဒဏ်ခံရသည့် လယ်မကျေးရွာ

ပြင်ဦးလွင်ဒေသမှာ (၇-၄-၂၀၁၂) စနေနေ့ ည (၁၀) နာရီခန့်က
လေပြင်းတိုက်ခတ်သွားခြင်းကြောင့် ပြင်ဦးလွင် မြို့နယ် ၊ ဘော်အုပ်စု ၊
အမှတ်  (၂) နယ်မြေက လယ်မကျေးရွာ ၊ ဘော်ကျေးရွာ တွေမှာ နေအိမ်များ
ပျက်စီးဆုံးရှုံးခဲ့ရပါတယ်။ လယ်မကျေးရွာတွင် အိမ်ခြေ (၆၀) ၊ လူဦးရေ (၂၃၀)
ရှိပြီး အိမ် (၅၅) လုံး ပျက်စီးဆုံးရှုံးမှုဖြစ်ပေါ်ခဲ့ပါသည်။
 
လယ်မကျေးရွာသည် ယခင်က ဒုဋ္ဌ၀တီမြစ်ဘေးတွင်တည်ရှိခဲ့ပြီး ရဲရွာရေအားလျှပ်စစ်
စီမံကိန်းကြောင့် ရေလွှမ်းဧရိယာအတွင်းကျရောက် ခဲ့သဖြင့် ယခုအခါ
ပြင်ဦးလွင်မြို့နှင့် (၁၆) မိုင်ခန့်အကွာ၊ ဘော်ကျေးရွာအနီးသို့
လွန်ခဲ့သော (၄) နှစ်ခန့်က  ပြောင်းရွှေ့ရွာသစ် တည်ထား ခြင်းဖြစ်ပါသည်။
 
ဆောက်လက်စ ဘုန်းကြီးကျောင်း အုတ်နံရံ ပြိုကျပျက်စီးခဲ့ပြီး
အိမ်အများစုမှာ အမိုးများ ပျက်စီးခဲ့ပါသည်။ကျေးရွာနေ ရွာသူရွာသားများမှာ
ကိုယ်ပိုင် စိုက်ပျိုးစားသောက်ရန် မြေယာများ နည်းပါးမှုကြောင့် အများစုမှာ
နေ့စား၊ လက်လုပ်လက်စားများသာ ဖြစ်ကြပါသည်။
 
ဘော်ကျေးရွာတွင်လည်း ဘုန်းတော်ကြီးကျောင်း သွပ်မိုးတပြင်လုံး
ကျွတ်ထွက်ပျက်စီးခဲ့ပြီး တဲအိမ် (၂၀) ခန့်လည်း ပျက်စီးခဲ့ပါသည်။
 
(၈-၄-၂၀၁၂) ရက်နေ့ တွင် ပြင်ဦးလွင်မြို့မှ  စေတနာရှင် အလှူရှင်တစ်စုက
လယ်မကျေးရွာ၊ လေဘေးသင့် ရွာသူရွာသားများ အတွက် ဆန် (၁၅) အိတ်နှင့်
မိုးကာဖျင်စများ သွားရောက် ပေးအပ်လှူဒါန်းခဲ့ပါသည်။ ဆက်လက်၍
လှူဒါန်းထောက်ပံ့လိုသူ စေတနာရှင်များအနေဖြင့် အောက်ပါ အတိုင်း
ဆက်သွယ်လှူဒါန်းနိုင်ကြပါသည်။
 
(က) သန္တိသုခ လူမှုကူညီရေးအသင်း၊ ပြင်ဦးလွင်မြို့ (ဖုန်း- 085 28046)
( ခ ) ပညာ့ရောင်ခြည် ပညာရေးကူညီထောက်ပံ့မှုအဖွဲ့၊ ပြင်ဦးလွင်မြို့
      (ဖုန်း- 0950 12485 , 0920 44293)

Myanmar News Now

သစ်ထူးလွင် 4/08/2012 10:35:00 PM

မဲပြားမှာ ဖယောင်းပါဝင်နေမှုအပေါ် တိုင်တန်းချက် နယ်ကော်မရှင်စစ်ဆေး

ဓါတ်ပုံ-ဒီဗွီဘီ

ဧပြီလ ၁ ရက်နေ့က ကျင်းပခဲ့တဲ့ ကြားဖြတ်ရွေးကောက်ပွဲမှာ မဲပြားတွေကို ဖယောင်းသုတ်ထားတယ် ဆိုတဲ့ တိုင်ကြားခဲ့မှုနဲ့ပတ်သက်ပြီး ရှမ်းပြည်တောင်ပိုင်း ရွေးကောက်ပွဲ ကော်မရှင်က စစ်ဆေးခဲ့တယ်လို့ သိရပါတယ်။
ကလောမြို့နယ် ပြည်သူ့လွတ်တော် မဲဆန္ဒနယ် အောင်ပန်းမြို့နယ်ထဲက လက်မပင်မဲရုံ၊ မိုးကောင်း ရပ်ကွက်မဲရုံနဲ့ အောင်ပန်း ရပ်ကွက် ၃ အမက ၁၂ မဲရုံတွေက မဲပြားတွေကို ပြန်လည် စစ်ဆေးခဲ့တာ ဖြစ်တယ်လို့ အမျိုးသားဒီမိုကရေစီအဖွဲ့ချူပ် မဲရုံစောင့်ကြည့်ရေးကိုယ်စားလှယ် ရှေ့နေ ဒေါ်ခင်မိုးမိုး က ပြောပါတယ်။ "၆ ရက်နေ့မှာ ဖယောင်းသုတ်တယ် ဆိုတဲ့ ကိစ္စကို NLD နဲ့ ပြည်ခိုင်ဖြိုးပါတီက ကိုယ်စားလှယ်တွေကို ခေါ်ပြီးတော့ ပြည်နယ်ကော်မရှင်ရယ်၊ ခရိုင်ကော်မရှင်ရယ်၊ မြို့နယ် ကော်မရှင်ရယ်၊ နောက် ကျမတို့ ပါတီ ၂ ခုက ကိုယ်စားလှယ် ၂ ယောက်ရယ်၊ ၅ ဦးပါတဲ့ အဖွဲ့ကနေပြီးတော့ ဖယောင်းသုတ်တယ်လို့ စွတ်စွဲခံရတဲ့ မဲရုံက မဲကဒ်ပြားတွေကို ဖောက်ဖွင့်ပြတယ်။ ကျမတို့ ကြည့်တယ်။ ဖယောင်းသုတ်ထားတာ လုံးဝမရှိဘူး။" ဒီမဲရုံသုံးရုံကို ပြန်စစ်ဆေးခဲ့ရတာဟာ ကလောမဲဆန္ဒနယ်က မဲပြားတွေမှာ မဲပေးလို့မရအောင် ဖယောင်းသုတ်ထား တယ်ဆိုပြီး ပြည်ထောင်စု ရွေးကောက်ပွဲကော်မရှင်ကို တိုင်ကြားခဲ့တဲ့အတွက် ပြန်စစ်ဆေးဖို့ ပြောဆိုလာတာကြောင့် ပါတီကြီး ၂ ခုရဲ့ ကိုယ်စားလှယ်တွေကို ခေါ်ယူပြီး စစ်ဆေးခဲ့တာလို့ ဒေါ်ခင်မိုးမိုးက ပြောပါတယ်။ ဒါပေမယ့် ဒီတိုင်တန်းမှုဟာ နယ်ခံ NLD က တိုင်ကြားတာမဟုတ်ဘဲ နယ်ခံပြည်သူတွေက တိုင်ကြားခဲ့တဲ့အတွက် အဖွဲ့ချုပ် အောင်နိုင်ရေးမှူး ဦးဥာဏ်ဝင်းက ကော်မရှင်ကို တင်ပြခဲ့တဲ့အတွက် အခုလို စစ်ဆေးတာလို့ ဆိုပါတယ်။ ရှမ်းပြည်တောင်ပိုင်းက ပြည်သူ့လွတ်တော်နေရာမှာ NLD ပါတီ၊ ကြံ့ခိုင်ဖွံ့ဖြိုးရေးပါတီ၊ တစည ပါတီ၊ ပအိုဝ်အမျိုးသားအဖွဲ့ချူပ် ပါတီနဲ့ ကျားဖြူပါတီ စတဲ့ ပါတီ ၅ ပါတီ ၀င်ရောက်ယှဉ်ပြိုင်ခဲ့ပြီး NLD ပါတီက ကိုယ်စားလှယ်လောင်း ဒေါက်တာ ဒေါ်သန်းငွေ က မဲအပြတ်အသတ်နဲ့ အနိုင်ရရှိခဲ့တဲ့နေရာ ဖြစ်ပါတယ်။

RFA

သစ်ထူးလွင် 4/08/2012 09:17:00 PM

ကရင်နီတို့ရဲ့ စုပေါင်း ကေးထျိုးဘိုး ပွဲတော်

ကရင်နီ မျိုးနွယ်စုတို့ဟာ ဘိုးဘွားဘီဘေ လက်ထက်ကတည်းက ယုံကြည်တဲ့ ဓလေ့ရိုးရာပွဲ ဖြစ်တဲ့  ကေးထျိုးဘိုး ပွဲတော်ကို နှစ်စဉ်နှစ်တိုင်း ကျင်းပလာခဲ့ပြီး ထိုင်းမြန်မာနယ်စပ်မှာ အခြေချနေထိုင်နေတဲ့ ကရင်နီဒုက္ခသည် အမှတ် ၁ စခန်းမှာလည်း ၁၂ကြိမ်မြောက် ကေးထျိုးဘိုးပွဲတော်ကို ကျင်းပပြုလုပ် ကြပါတယ်။

ကရင်နီ ဒုက္ခသည် အမှတ် ၁ စခန်းမှာ ကေးထျိုးဘိုး ပွဲတော် အခမ်းအနား ကျင်းပနေစဉ် ( ဓါတ်ပုံ - ကေတီ )

ကရင်နီ မျိုးနွယ်စုများရဲ့  ရိုးရာပွဲတော်ဟာ ကေးထျိုးဘိုးသာမက ဒီးကူပွဲ စတဲ့ ရိုးရာပွဲများလည်း ရှိပါတယ်။ ကရင်နီ လူမျိုးတို့ဟာ မိမိ ရိုးရာယဉ်ကျေးမှုများကို ဦးထိပ်ထားပြီး ခေတ်ရေစီးကြောင်းအရ ဖြစ်ပေါ်တိုးတက် နေသော်လည်း ရိုးရာဓလေ့ အစဉ်အလာကို မမေ့ပျောက်သွားရန် သာသနာနဲ့ ယဉ်ကျေးမှုဝန်ကြီး ဆရာမ ဒေးဒေးဖောက အခမ်းအနားမှာ ပြောကြားသွားပါတယ်။

“ကျမတို့ ကေးထျိုးဘိုး ထောင်တယ်ဆိုတာက ကျမတို့ စိတ်တွေ ဒီကေးထျိုးဘိုးလို ဖြောင့်ဖို့ ဖြူစင်သန့်ရှင်းဖို့ အဲဒါ အရေးကြီးတယ်။ ဒီအတွက် ကျမတို့ကိုယ်ကို တန်ဖိုးထားတတ်ဖို့ လူတွေက တိုးတက်ပြောင်းလဲ နေကြပြီ စိတ်ဓါတ်မြင့်ဖို့ လိုတယ်။ ကျမတို့ အမြင်တွေ ကျယ်နေဖို့ လိုပြီ။ ခုက အီးမေးလ် အင်တာနက်ခေတ်။ အင်တာနက်ပေါ်မှာဆို ဘာမဆို တွေ့နိုင်မြင်နိုင်ပြီ။ သူများ တိုးတက်သလို ကျမတို့လည်း တိုးတက်ဖို့။ သိတတ်ထားတာတွေလည်း ရှိနေပြီ။ အဲဒီတော့ ကျမတို့ ကေးထျိုးဘိုး ရိုးရာဓလေ့ကို မမေ့ဖို့။ ရိုးရာဓလေ့ တိုးတက်အောင် ထိန်းသိန်းဖို့။ လေ့လာသိရှိပြီး လေးစားရိုသေဖို့နဲ့ ရိုးရာဓလေ့ကို ဘယ်လို ထိန်းသိမ်းကာကွယ်ပြီး တိုးတက်အောင်လုပ်မလဲဆိုတာကို စဉ်းစားဆင်ခြင်ဖို့ လိုတယ်” လို့ ဆရာမ ဒေးဒေးဖောက ပြောပါတယ်။

ကေးထျိုးဘိုး ပွဲတော်ကို ဧပြီလ၊ လဆန်း အတွင်းမှာ ပြုလုပ်လေ့ရှိပြီး ကရင်နီ ဒုက္ခသည် အမှတ် ၁ စခန်းမှာ တော့ မတ်လ ၃၁ရက်နေ့မှာ ကြက်ရိုးထိုးပြီး ဧပြီလ ၁ရက်နေ့ကနေ စတင်ပြီး ၄ရက်နေ့အထိကျင်းပပြု လုပ်တယ်လို့ ကရင်နီ ရိုးရာယဉ်ကျေးမှု အဖွဲ့မှ ပြောရေးဆိုခွင့်ရှိသူ ခူတော်ရယ်က ပြောပါတယ်။

ကေးထျိုးဘိုး(ခေါ်) တံခွန်တိုင်ပင်ကို ခုတ်ပြီး ဧပြီလ ၂ရက်နေ့မှာ မိုးရွာချတဲ့အပေါ် သာသနာနဲ့ ယဉ်ကျေးမှု ဌာနမှ ဒု-ညွန်ကြားရေးမှူး ခူတော်ရယ်က အခုလိုပြောပါတယ်။

“ကျနော်တို့ အယုံအကြည်အရ ကေးထိုးဘိုးခုတ်တဲ့ အချိန်အတောအတွင်းမှာ မိုးရွာတယ်ဆိုရင် အေးမြ တယ်လို့ ပြောတယ်။ ကောင်းတယ်လို့ ပြောတယ်။ လာမယ့် နှစ်သစ်မှာ ကျနော်တို့ ပူပင်သောကမှုတွေ သိပ်မကြုံတွေ့ရပဲနဲ့ အေးမြတဲ့ လပ်ကီး တခု ရတယ်လို့ အဲလိုမျိုးယူဆတယ်”

ကရင်နီလူမျိုးတွေဟာ မိမိတို့ ကေးထျိုးဘိုး ပွဲတော်ကို ဘိုးဘွားဘီဘေ လက်ထက်ကတည်းက ကျင်းပ လာခဲ့ပြီး ကရင်နီ မျိုးနွယ်စုများ အားလုံးအတွက် ရိုးရာယဉ်ကျေးမှုကို ထိန်းသိမ်းမြင့်တင်တဲ့အနေနဲ့ ကရင်နီမျိုးနွယ်စုများ နေထိုင်တဲ့ ပြည်တွင်း၊ ပြည်ပမှာ နေထိုင်တဲ့ ကရင်နီ မျိုးနွယ်စုတို့ဟာ နှစ်စဉ်နှစ်တိုင်း ပြုလုပ်ကျင်းပလေ့ ရှိပါတယ်။

ကေးထျိုးဘိုးတိုင်အောက်မှာ ၀ိုင်းပြီး ကနေသော အမျိုးသားများအား ပျိုမေတို့က ရေလောင်းနေစဉ် ( ဓါတ်ပုံ - ကေတီ )

“ကျနော်တို့ ကရင်နီ လူမျိုးတွေရဲ့ ယုံကြည်ရာ တခုလည်းဖြစ်သလို ရိုးရာဓလေ့လည်း ဖြစ်တယ်။ သမိုင်းကြောင်းရယ်လို့ ပြောတဲ့နေရာမှာ ဘယ်ရက်၊ ဘယ်ချိန် စတင်ဖြစ်ပေါ်လာတယ် ဆိုတာကတော့ နေ့ရက် အတိအကျတော့ ပြောလို့ မရဘူး။ ဒါပေမယ့် ကျနော်တို့ ကရင်နီရဲ့ ရှေးခေတ်ဖိုးဖွားတွေရဲ့  လုပ်လေ့ရှိတဲ့ ဓလေ့ အစဉ်အလာ တနှစ်တကြိမ် ကျနော်တို့ရဲ့ ဘုရားသခင်ကို တောင်းတ၊ ဆုတောင်းတာပေါ့နော်။ ဆွေမျိုး အသိုင်းအ၀ိုင်းတွေ ကျနော်တို့ ဆုံကြတယ်။ ဖိတ်ကြတယ်။ ကျနော်တို့ တနှစ်တကြိမ် ဆုံစည်းကြတဲ့ အဓိက ဆွေမျိုး၊ သူငယ်ချင်း အပေါင်းအဖော်တွေက ဆုံစည်းပြီးတော့မှ ဘုရားသခင်ကို ဆုတောင်းကြတယ်။ ဒီနေ့ဟာ နှစ်သစ်လို့ ပြောလို့ရတယ်”လို့ ခူတော်ရယ်က ပြောပါတယ်။

ကေးထျိုးဘိုးပွဲတော် ပြုလုပ်နေစဉ် အတောအတွင်း ညအစီအစဉ်အဖြစ် ကရင်နီ မျိုးနွယ်စုများရဲ့  အဆိုအကနဲ့ တံခွန်တိုင်အောက်မှာ အဖွဲ့လိုက် ယဉ်ကျေးမှု အကများ ယှဉ်ပြိုင် ကြပါတယ်။

ကရင်နီအမှတ် ၁ ဒုက္ခသည် စခန်းမှာ ရပ်ကွက် ၂၀ ခုရှိပြီး ကေးထျိုးဘိုးပွဲတော်ကို ယခုနှစ်ပြုလုပ်တဲ့ ကေးထျိုးဘိုး ပွဲကြီးကို ရပ်ကွက် ၁၄ မှာ ကျင်းပပြုလုပ်တဲ့အပြင် ရပ်ကွက်တိုင်းမှာလည်း တနှစ်တခါ ကျင်းပပြုလုပ် သွားပါတယ်။

သစ်ထူးလွင် 4/08/2012 07:34:00 PM