လစာတိုးရန်ပြောသည့်ကိစ္စသည် ပါတီအတွက် မဲဆွယ်ခြင်း မဟုတ်ကြောင်း သူရဦးရွှေမန်းပြောကြား


ပြည်သူ့လွှတ်တော်ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်က အရပ်ဖက်အဖွဲ့အစည်းများ နယ်ပယ်အသီးသီးမှ ပညာရှင်များ မီဒီယာသမားများနှင့် တွေ့ဆုံပွဲအခမ်းအနားကို ရန်ကုန်တိုင်းဒေသကြီး၊ ပြည်လမ်းရှိ လွှတ်တော်အဆောက်အအုံတွင် ဖေဖော်ဝါရီလ ၂၂ ရက် နေ့ နံနက် ၉နာရီက ကျင်းပခဲ့ကြောင်း သိရသည်။

ယင်းတွေ့ဆုံပွဲ အခမ်းအနားသို့ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ ပြည်သူ့လွှတ်တော်ဒုတိယဥက္ကဋ္ဌ ဦးနန္ဒကျော်စွာနှင့် စီးပွားရေးလုပ်ငန်းရှင်များ၊ နယ်ပယ်အသီးသီးမှပညာရှင်များ၊ မီဒီယာသမားများ တက်ရောက်ခဲ့ကြောင်း သိရသည်။

ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင် ဖွဲ့စည်းရခြင်းမှာ - နိုင်ငံနှင့် နိုင်ငံသားများအတွက် အကျိုးဖြစ်ထွန်းသည့်ကိစ္စရပ်များ ဆောင်ရွက်ရာတွင် အထောက်အကူ ဖြစ်စေရန် ပြည်သူများထံမှ အခက်အခဲများကို ယခုကော်မ ရှင်မှတဆင့် ကူညီဖြေရှင်းပေးနိုင်ရန် ဖွဲ့စည်းခဲ့ခြင်းဖြစ်ကြောင်း ပြည်သူ့လွှတ်တော်ဥက္ကဋ္ဌ သူရဦးရွှေမန်းက အဆိုပါ အခမ်းအနားတွင် ပြောကြားခဲ့ပါသည်။
ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင်ကို ဥက္ကဋ္ဌ ဦးနန္ဒကျော်စွာ ၊ ဒုတိယ ဥက္ကဋ္ဌများဖြစ်သည့် ဦးသိန်းဆွေနှင့် ဦးဋ္ဌေးမြင့် အပါအ၀င်အဖွဲ့ဝင် စုစုပေါင်း (၄၆)ဦးဖြင့် ဖွဲ့စည်းထားပြီး ပြည်သူများနှင့် နယ်ပယ်အသီးသီးမှ ပညာရှင်များအနေဖြင့် ဥပဒေရေးရာ ကိစ္စရပ်များအပါအ၀င် အခြားကိစ္စရပ်များနှင့်ပတ်သက်၍ အကြံဥာဏ်များပေးလိုပါက ယခုကော်မရှင်မှ တဆင့်လွှတ်တော်သို့ ဝေဖန်အကြံပြုနိုင်ကြောင်း သိရသည်။
အဆိုပါတွေ့ဆုံပွဲ၌ အဓိကအားဖြင့် ဆွေးနွေးရာတွင် ၀န်ထမ်းများ၏ လစာစရိတ်များတိုးမြှင့်ပေးပါက ဖြစ်ပေါ်လာနိုင်သည့် ကုန်ဈေးနှုန်းကြီးမြင့်မှု ငွေကြေး၏ဖောင်းပွမှုများနှင့်ပတ်သက်၍ ကြိုတင်ပြင်ဆင်ထားသင့်သည့် အချက်များ၊ နိုင်ငံတော်နှင့် နိုင်ငံသားများ၏ အကျိုးများကို ဖော်ဆောင်ရာတွင် ဥပဒေပြုရေးမဏ္ဍိုင်မှ ဆောင်ရွက်သင့်သည့် ကိစ္စရပ်များအား ပွင့်လင်းမြင်သာစွာဖြင့် ပကတိအရှိတရားအတိုင်း ပါဝင်ဆွေးနွေးနိုင်ပြီး အချိန်ကန့်သတ်ချက်ရှိပါက ဆွေးနွေးလိုသည့်အကြောင်းအရာများအား ကော်မရှင်သို့ စာဖြင့်ဆွေးနွေးအကြံပြုနိုင်ကြောင်း ၊အပြုသဘောဆွေးနွေးခြင်း မှတ်တမ်းတင်ခြင်းများ ဆောင်ရွက်သွားမည်ဖြစ်ကြောင်း ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားခဲ့ပါသည်။
လွှတ်တော်တွင် ၄င်းပြောကြားခဲ့သော စကားများနှင့်ပတ်သက်၍ သတင်းစာများတွင် ဖော်ပြရာ၌ ပြည့် ပြည့်စုံစုံမဟုတ်ဘဲ ဖြတ်တောက်ထားသည်ကို တွေ့ရပါကြောင်း၊ မိမိပြောကြားချက်များအား အပြည့်အစုံဖော်ပြပါက မိမိအားထိခိုက်နိုင်သည်ဟု ယူဆပြီး ဖြတ်တောက်ထားခြင်းမျိုးဆိုသည်လား မသိကြောင်း၊  ၀န်ထမ်းများ လစာတိုးရန်ပြောသည့် ကိစ္စတွင် မိမိအားအကောင်းဘက်မှ ပြောကြားသူများရှိသကဲ့သို့ ဝေဖန်သည့်ဘက်မှ ပြောကြားသူများလည်းရှိကြောင်း၊ ယခုအချိန်၌ ဒီမိုကရေစီစနစ်ကို သွားနေပြီဖြစ်၍ ဆွေးနွေးအကြံပေးရာတွင်လည်း ယခင်ကကဲ့သို့ အကြောက်တရားမရှိဘဲ သတ္တိရှိရှိ ပါဝင်ဆွေးနွေးနိုင်ကြောင်း၊ ၀န်ထမ်းများ လစာတိုးသည့်ကိစ္စနှင့်ပတ် သက်၍လည်း မိမိအနေဖြင့် အလျော့ပေးသွားမည်မဟုတ်ပဲ ၀န်ထမ်းများ လစာတိုးမြှင့်ရရှိသွားစေရန် ဆောင်ရွက်သွားမည်ဖြစ်ကြောင်း၊ လစာတိုးမြှင့်လိုက်ပါက ကုန်ဈေးနှုန်းများ မြင့်တက်လာနိုင်သည်ကိုလည်း ဖြေရှင်းရန် စဉ်းစားသွားရမည်ဖြစ်ကြောင်း  ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားခဲ့ပါသည်။
ပြည်သူ့လွှတ်တော်ဥက္ကဋ္ဌကြီးက ၀န်ထမ်းများလစာတိုးရန်နှင့်ပတ်သက်၍ လွှတ်တော်တွင်ဆွေးနွေး ပြောကြားခဲ့ခြင်းအပေါ် ကြားဖြတ်ရွေးကောက်ပွဲအတွက် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီအား မဲဆွယ်စည်းရုံးခြင်း မျိုးလားဟု ပြည်သူများအကြား၌ ပြောကြားမှုအချို့ ရှိနေခြင်းအပေါ် ဥက္ကဋ္ဌကြီး၏ အမြင်အားသိရှိလိုပါကြောင်း သတင်းသမားတစ်ဦးကမေးမြန်းခဲ့ရာ ''၀န်ထမ်းတွေ လစာတိုးပေးဖို့ ပြောကြားခဲ့တာဟာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီအတွက် မဲဆွယ်စည်းရုံးတာ မဟုတ်ပါဘူး။ နိုင်ငံတော်နဲ့ နိုင်ငံသားတွေအတွက် လုပ်ဆောင်ခဲ့ တာဖြစ်ပါတယ်'' ဟု ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြန်လည်ဖြေကြားခဲ့ပါသည်။

''ကျွန်တော် ပြည်သူ့ခေတ်ဂျာနယ်က အယ်ဒီတာဖေမြင့်ပါ ခင်ဗျာ့  ကျွန်တော်တို့နားထောင်နေရင်းနဲ့ ဥက္ကဋ္ဌကြီးပြောတဲ့အထဲမှာ ပါလာတဲ့ အချက်တစ်ခုကြောင့် ကျွန်တော်တို့ စိတ်မကောင်းဖြစ်ရပါတယ်။ အဲဒါ ဘာလဲဆိုတော့ ဥက္ကဋ္ဌကြီးပြောသွားတဲ့မိန့်ခွန်းကို ပြန်ကြားရေးဝန်ကြီး ဌာနရဲ့ မီဒီယာတွေအားလုံးကနေပြီးတော့ ဖြတ်တောက်မှုရှိတယ်ဆိုတဲ့ အချက်ပါ။ ဒီအချက်ဟာ ကျွန်တော်တို့ စာနယ်ဇင်းသမားတွေ အတွက်ဆိုရင် အင်မတန်မှ ထူးခြားတဲ့အချက် ဖြစ်ပါတယ်။ အဲဒီဖြတ်တောက်ခြင်းသည် ဥပဒေပြုမဏ္ဍိုင်က ပုဂ္ဂိုလ်တစ်ယောက်ကို အုပ်ချုပ်ရေးမဏ္ဍိုင်ကနေပြီး ပြန်ပြီးအပြန်အလှန် ထိန်းကျောင်းတဲ့ လုပ်ငန်းရဲ့ဘောင်ထဲမှာ ၀င်သလား မ၀င်ဘူးလားဆိုတာကို သိချင်ပါတယ်။ တဆက်တည်းမှာပဲ အဲသလို လွတ်လပ်စွာပြောဆိုခွင့် ပြည်သူ့လွှတ်တော် ဥက္ကဋ္ဌကြီးတစ်ယောက်ရဲ့ လွတ်လပ်စွာပြောဆိုခွင့်၊ တဆက်တည်း ကျွန်တော်တို့လို စာနယ်ဇင်း သမားတွေရဲ့ လွတ်လပ်စွာရေးသားခွင့်တွေကို စိစစ်ဖြတ်တောက်တယ်ဆိုတာတွေက ဖွဲ့စည်းပုံအခြေခံဥပဒေမှာ ပြဌာန်းထားတဲ့ ပြည်သူ့ရပိုင်ခွင့်တွေထဲက လွတ်လပ်စွာပြောဆိုခွင့် လွတ်လပ်စွာ ရေးသားခွင့် ဆိုတဲ့ဟာကို ကန့်သတ်ရာရောက်ပါသလား။  တနည်းပြောလို့ရှိရင် ဖွဲ့စည်းပုံအခြေခံဥပဒေနဲ့ ညီညွတ်မှုရှိသလား မရှိဘူးလား ဆိုတဲ့အချက်ကလေးကို ကျွန်တော်သိချင်ပါတယ်''ဟု ဦးဖေမြင့်၏ မေးမြန်းချက်အပေါ် ဥက္ကဋ္ဌ သူရဦးရွှေမန်းက '' ဒီအဖြေကို အတွေ့အကြုံရှိတဲ့ ဥာဏ်ပညာအမြော်အမြင်ရှိတဲ့ ကျွန်တော်တို့ မီဒီယာတွေက ရင်ထဲမှာ အဖြေရှိမယ်လို့ထင်ပါတယ်။ ဒါကြောင့် ကျွန်တော့်နှုတ်ကတော့ သီးခြားဖြေစရာ မလိုဘူးလို့ဘဲ ထင်ပါတယ်ခင်ဗျာ'' ဟု ပြန်လည်ဖြေကြားခဲ့ပါသည်။

ထို့နောက် တက်ရောက်လာသည့် အသင်းအဖွဲ့များမှ ကိုယ်စားလှယ်များ၊ စီးပွားရေးလုပ်ငန်းရှင်များ၊ ပညာရှင်များကဆွေးနွေးခဲ့ကြောင်း၊ ပြည်သူ့လွှတ်တော်ဥက္ကဋ္ဌ သူရဦးရွှေမန်းက နိဂုံးချုပ်ဆွေးနွေးတင်ပြခဲ့ပြီး မီဒီယာများမှ သိလိုသည်များ မေးမြန်းခြင်းနှင့် ဖြေကြား ခြင်းများ ပြုလုပ်ခဲ့ကြောင်း သိရသည်။
EMG

ဒေါ်နေရီဗဆွေ ဒီချုပ်သို့ ဝင်ပြီ

ဒေါ်နေရီဗဆွေ
 ဝန်ကြီးချုပ်ဟောင်း ဦးဗဆွေ၏သမီး ဒီမိုကရက်တစ်ပါတီ(မြန်မာ)၏ အတွင်းရေးမှူး
ဒေါ်နေရီဗဆွေအား ပါတီသို့ လာရောက် လျှောက်လွှာတင်စဉ်ကတည်းက ပါတီဝင်အဖြစ် လက်ခံထားပြီးဖြစ်ကြောင်း ဖေဖော်ဝါရီ ၂ဝ ရက် ဒီချုပ်ရုံး၌ ပြုလုပ်သော သတင်း စာရှင်းလင်း ပွဲတွင် အမျိုးသားဒီမိုကရေစီအဖွဲ့ချုပ်အတွင်းရေးမှူး ဦးဥာဏ်ဝင်းက ပြောသည်။ ''သူ့ကို လက်ခံပြီးပြီ။ သူ ပါတီဝင် မလျှောက်ခင်ကတည်း က ကျွန်တော်တို့နဲ့ တွေ့ပါတယ်။ ကျွန်တော် တို့က သူ့ကို လျှောက်လွှာတင်တာနဲ့ တစ်ခါတည်း လက်ခံလိုက် တယ်'' ဟု ဦးဥာဏ်ဝင်းက ပြောသည်။ လက်ရှိ၌ အမျိုးသား ဒီမို ကရေစီအဖွဲ့ချုပ်သည် လျှောက် လွှာတင်ထားသူများအား ပါတီဝင်အဖြစ် တစ်နေ့လျှင် ဦးရေ တစ်ရာခန့် ထုတ်ပြန်ပေးနေ ကြောင်း သိရသည်။ ''ကျွန်တော်တို့က လျှောက် လွှာတင်တဲ့ဟာ အားလုံးလက်ခံ တယ်။ တချို့တွေ စိစစ်မယ်ဆို တာက NLD ပါတီမှာ လုပ်ဖူး တယ်။ ပြန်ထွက်သွားတယ်။ ဒါမျိုးရှိတဲ့ သူတွေ သူ့အခြေအနေ နဲ့ စိစစ်မယ်။ ကျန်တဲ့ သာမန် ကိစ္စ ဘယ်သူ့ကိုမှ မစိစစ်ဘူး'' ဟု ဦးဥာဏ်ဝင်းကရှင်းပြသည်။ ဝန်ကြီးချုပ်ဟောင်း ဦးဗဆွေ ၏သမီး ဒေါ်နေရီဗဆွေသည် ၂ဝ၁ဝရွေးကောက်ပွဲ မတိုင်မီက ဦးသုဝေ ဦးစီးတည်ထောင်သော ဒီမိုကရက် တစ်ပါတီ(မြန်မာ)တွင် ပါဝင်ခဲ့ပြီး ၄င်းနှင့်အတူ ဝန်ကြီးချုပ်ဟောင်း ဦးနု၏သမီး ဒေါ်သန်းသန်းနု၊ ဝန်ကြီးချုပ်ဟောင်း ဦးကျော်ငြိမ်း၏သမီး ဒေါ်ချိုချိုကျော်ငြိမ်းတို့ ပါဝင်ခဲ့သည်။ ယင်းနောက် ဒေါ်နေရီဗဆွေသည် ၂ဝ၁ဝ နိုဝင်ဘာ ၇ ရက်ရွေး ကောက်ပွဲ၌ စမ်းချောင်းမြို့နယ် ပြည်သူ့ လွှတ်တော်မဲဆန္ဒနယ်၌ ဝင်ရာက်ယှဉ်ပြိုင်ခဲ့ရာ ရှုံးနိမ့်ခဲ့သည်။ အမျိုးသား ဒီမိုကရေစီ အဖွဲ့ချုပ် သို့ ဒေါ်နေရီဗဆွေဝင်ရောက်ခြင်းနှင့် ပတ်သက် ၍ ဖေဖော်ဝါရီ ၁၉ ရက် က ၄င်းအား ပေါ်ပြူလာ နယူးစ် မှမေးမြန်းရာ ပါတီဝင် ဖြစ် မဖြစ် မည်သို့မျှ မပြောနိုင်သေးကြောင်း ပြန်လည် ဖြေကြားခဲ့သည်။ အမျိုးသား ဒီမိုကရေစီအဖွဲ့ ချုပ်သည်၎င်းတို့ ပါတီမှ နုတ်ထွက် ၍ အမျိုးသားဒီမိုကရေစီ အင်အားစု NDF ပါတီအမည်ဖြင့် ၂ဝ၁ဝရွေးကောက်ပွဲ ဝင်ခဲ့သူ လက်ရှိ အမျိုးသားလွှတ်တော် ကိုယ်စား လှယ် ဒေါက်တာ မြတ်ဥာဏစိုး အား ပါတီဝင်အဖြစ် ပြန်လည် လက်ခံကာ ၄င်းတို့ပါတီ၏ ပထမဆုံး လွှတ်တော် ကိုယ်စားလှယ် အဖြစ် ဖေဖော်ဝါရီ ၂ဝ ရက် နေ့က ကြေညာခဲ့သည်။''ကျွန်တော် ပြည်သူကို မလိမ်ချင်ပါဘူး။ခမောက်ဆိုတာ NLD ရဲ့ကိုယ်ပွားတစ်ခုပါ။ ဒါကြောင့် ဒီပါတီကို ဝင်ခွင့်ပြန် လျှောက်တာ'' ဟု ဒေါက်တာမြတ်ဥာဏ စိုးက ၄င်းအား အမျိုးသားဒီမို ကရေစီအဖွဲ့ချုပ်မှ ပထမဆုံး လွှတ်တော် ကိုယ်စားလှယ်အဖြစ် အသိအမှတ်ပြုကြေညာ ချက်နှင့် NDF ပါတီမှ နုတ်ထွက် ခဲ့ရခြင်းအပေါ် မှတ်ချက်ပြုပြောကြားခဲ့သည်။ ဦးခင်မောင်ဆွေနှင့် ဒေါက်တာ သန်းငြိမ်း ဦးဆောင်သော NDF ပါတီသည် ၂ဝ၁ဝ ရွေး ကောက်ပွဲ၌ လွှတ်တော်ကိုယ် စားလှယ် ၁၆ ဦး ရွေးချယ်ခံခဲ့ ရသော်လည်းလွှတ်တော်ကိုယ် စားလှယ်အချို့မှာ ယခုအခါပါတီ မှ နုတ်ထွက်သွားပြီ ဖြစ်သည်။
ပေါ်ပြူလာဂျာနယ်

ကော့မှုးမြို့နယ်၊အဖျောက်ကျေးရွာ တွင်ပြောကြားခဲ့သည့် ဒေါ်အောင်ဆန်းစုကြည်၏ မိန့်ခွန်း (ရုပ်/သံ)

၂၁ ဖေဖော်ဝါရီ ၂၀၁၂၊ ဒေါ်အောင်ဆန်းစုကြည် ဒုတိယအကြိမ် ကော့မှူးမြို့နယ် ပါတီစည်းရုံးရေး ခရီးစဉ်မှာ အဖျောက်ကျေးရွာ လူထုကို ဟောပြောချက် (ရုပ်/သံ)(ရိုက်ကူး ခွန်ခေါင်-ဒီဗွီဘီ)
 

ဒေါ်အောင်ဆန်းစုကြည် မြစ်ကြီးနားခရီးစဉ် အသေးစိတ်

ဒေါ်အောင်ဆန်းစုကြည်ရဲ့ ကချင်ပြည်နယ် ခရီးစဉ်ကို ကြိုဆိုဖို့ ဒေသခံတွေက ပြင်ဆင်နေကြပါတယ်။ ခရီးစဉ်ကြိုဆိုရေးအတွက် လက်ကမ်းကြေညာစာ၊NLD အလံငယ်၊ NLD အလံစတစ်ကာ၊ ဗိုလ်ချုပ်အောင်ဆန်းနဲ့ ဒေါ်အောင်ဆန်းစုကြည်ပုံများကို လူထုအကြား ဖြန့်ဝေခဲ့ပါတယ်။ (Photo Courtesy - ဥက္ကာမိုး)
ဖေဖေါ်ဝါရီ ၂၂၊ ၂၀၁၂ (YPI)

မနက်ဖြန်တွင် စတင်မည့် ဒေါ်အောင်ဆန်းစုကြည် ကချင်ပြည်နယ် ခရီးစဉ် အချိန်ဇယား
၁ ၊ ၂၃ ရက်နေ့ နံနက် ၁၀ နာရီ မြစ်ကြီးနားမြို့ရောက်ရှိမည်၊ မိုးကောင်းသို့ သွားရာတွင် နမ္မတီး ကျေးရွာတွင် ၄၅ မိနစ်ခန့် ဟောပြောပွဲပြုလုပ်မည်ဖြစ်သည်။

၂။ ထို့နောက် မိုးကောင်းသို့ ထွက်ခွာမည်ဖြစ်ကာ အိုးတန်း ဘောလုံးကွင်တွင် ဟောပြောကာ နေ့လည်စာစားမည်ဖြစ်သည်။

၃။ ယင်းနေ့ည ၇ နာရီတွင် မနောကွင်း မဂျွယ် ခန်းမတွင် တိုင်းရင်းသားခေါင်းဆောင်များ၊ ဘာသာရေးခေါင်းဆောင်များ နှင့် ညစာစားမည်ဖြစ်သည်။

၎။ ၂၄ ရက်နေ့ နံနက် ၉ နာရီတွင် မနောကွင်း၌ လူထုဟောပြောပွဲ ဟောပြောမည်ဖြစ်ကာ ယင်းနေ့ညနေတွင် ဗန်းမော်သို့ ထွက်ခွာမည်ဖြစ်သည်။

အစီအစဉ်ထဲတွင် အချိန်မရေးသားထားသော်လည်း မြစ်ကြီးနားတွင် ရှိစဉ် အကျဉ်းထောင်တွင်းရှိ အမျိုးသမီး နှင့် ကလေးများအား လက်ဆောင်ပေးရန် ရှိသည်ဟု မြစ်ကြီးနား အန်အယ်လဒီရုံးမှ ပြောသည်။
ဒေါ်အောင်ဆန်းစုကြည် ၏ ယခု မြစ်ကြီးနား ခရီးစဉ်သည် ၁၉၈၈ နောက်ပိုင်း တတိယမြောက် ခရီးစဉ်ဖြစ်သည်။ ဒုတိယခရီးစဉ်မှာ ၂၀၀၃ ခုနှစ်က သွားရောက်ခဲ့ခြင်း ဖြစ်သည်။

ဆန္ဒပြအလုပ်သမား တစ်ချို့အလုပ်ပြန်ဆင်းမည်၊ အများစုက ၀ါဏိဇ္ဖခုံရုံးတင်ရန် သဘောတူ

ဖေဖေါ်ဝါရီ ၂၂၊ ၂၀၁၂ (YPI)

တိုင်ရီဖိနပ်စက်ရုံမှ ဆန္ဒပြအလုပ်သမားများနှင့်  အလုပ်ရှင် ညှိနှိုင်းသဘောတူညီမှုအပေါ်တွင် အချို့အလုပ်သမားများ က လက်ခံကာ မနက်ဖြန်မှ စပြီးအလုပ်ပြန်ဆင်းမည်ဖြစ်ကာ အများစုမှာ ညှိနိုင်းချက်ကိုလက်မခံသဖြင့် ၀ါဏိဇ္ဖပဋိပက္ခ ခုံရုံးသို့ တင်သွင်းတောင်းဆိုသွားမည်ဖြစ်သည်။

“အခုဆန္ဒပြနေတာ ၀န်ထမ်းအားလုံးပေါင်း ၁၈၆၀ ရှိတယ် အဲဒီအထဲမှာအမျိုးသမီးက ၁၈၀၀ လောက်ရှိတယ် ၀ါဏိဇ္ဖလိုင်းကိုတက်နေမယ် ဒီလိုကြာနေမယ်ဆိုရင်သူတို့ ရဲ့စားဝတ်နေရေး သူတို့ရဲ့ဘ၀လုံခြုံရေးအတွက် ဘယ်သူက အာမခံမှာလဲ” ဟု ဆန္ဒပြအလုပ်သမားခေါင်းဆောင် ကိုမျိုးမင်းသိန်းက ပြောသည်။

ယနေ့ နံနက်ပိုင်း ညှိနှိုင်းမှုအရ တိုင်ရီဖိနပ်စက်ရုံဘက်မှ ရက်မှန်ကြေး တစ်ထောင်တိုးပေးလိုက်ပြီး လုပ်ခလစာမှာမူ ယခင် တိုးပေးခဲ့သည် တစ်နာရီလျှင် တစ်ရာကျပ်နှုန်း ဖြင့်သာ သဘောတူခဲ့ကြခြင်းဖြစ်သည်။ ဆန္ဒပြအလုပ်သမားများဘက်မှ တစ်နာရီလျှင် ၁၅၀ ကျပ် နှင့် ရက်မှန်ကြေး ရှစ်ထောင်တောင်းဆိုခဲ့ရာတွင် ယခုသဘောတူညီချက်အရ ရက်မှန်ကြေး ၇၀၀၀ ရမည်ဖြစ်သည်။ ထို့အပြင် ဆန္ဒပြသည့်ရက် များအတွက် နေ့ကြေး ပေးရန် အလုပ်ရှင်က သဘောတူသည်ဟု လည်းသိရသည်။

“တော်တော်တက်လာပါတယ် အရင်တုန်းက လူသစ်တစ်ယောက်ရဲ့လစာက လေးသောင်းကျော် ငါးသောင်းလောက်ဘဲရှိတယ်။ အခု ခုနှစ်သောင်း နှစ်ထောင့်ရှစ်ကျပ် ဆိုတော နှစ်သောင်းလောက်တက်တယ်” ဟု စုစုပေါင်းရရှိမည့် လစာအခြေအနေအပေါ် ကိုမျိုးမင်းသိမ်းက ဆက်လက်ရှင်းပြသည်။

အဆိုပါညှိနိုင်းချက်အား လက်ခံသဘောတူသည့် ဆန္ဒပြအလုပ်သမား ငါးရာခန့် မနက်ဖြန် အလုပ်ပြန်ဆင်းမည်ဖြစ်သည်။ သဘောမတူသည့် အလုပ်သမ တစ်ထောင်ကျော်က ၀ါဏိဇ္ဖခုံရုံးသို့ တင်သွင်း တောင်းဆိုသွားမည်ဖြစ်သည်။

လုပ်သားခေါင်းဆောင် ကိုမျိုးမင်းသိန်းက အလုပ်ရှင်နှင့် ညှိနှိုင်းသည့် ရလဒ်ကိုရှင်းပြနေစဉ် (ဖေဖေါ်ဝါရီ ၂၂ ရက်နေ့)

ယခင် လုပ်ခနှုန်းထားဖြင့်ဆိုပါက ၂၅ ရက်ဆင်းသည့် လတွင် အလုပ်သမားတဦး၏ လစာမှာ ကျပ် ၅ သောင်းခွဲကျော်ရှိပြီး ယနေ့ သဘောတူညီလိုက်သည့် နှုန်းအရဆိုလျှင် ကျပ် ၆ သောင်း ၉ထောင်ကျော် ရှိမည်ဖြစ်သည်။

ဆန္ဒပြအလုပ်သမားအရေးဆောင်ရွက်နေသည့် ရှေ့နေ ကိုဖိုးဖြူက “ဆင်းရက် ၂၆ ရက်ထဲမှာစက်ရုံကပိတ်ခဲ့ရင် အိုဗာတိုင်ကြေးကျွန်တော်တို့ရမှာလည်းမဟုတ်သလို တာဝန်ကြေကြေး ၄၅၀ လည်းရမှာမဟုတ်ဘူး အဲဒီအတွက် တစ်ရက်ကို ၁၃၂၂ ကျပ် လျော့တာတော့လျော့မြဲဘဲ အဲဒီအတွက်အလုပ်သမားအများစုက သဘောမတူဘူး အခုဘာလုပ်ကြမလဲဆိုရင် ၀ါဏိဇ္ဖမဋိပက္ခ ကိုတင်သွင်းလို့လုပ်နေတယ်”ဟု YPI သို့ ပြောသည်။

အချို့အလုပ်သမားများကမူ ၀ါဏိဇ္ဖခုံရုံးမှကြာနာချိန်ကြာမြင့်မှု အပေါ်  စိုးရိမ်မှုများ ဖြစ်ပေါ်လျှက်ရှိသည်ကို ကြားသိရသည်။
“၀ါဏိဇ္ဖဆိုတာဘာလဲမသိဘူး ကြာနေရင် ဘယ်လိုလုပ်မလဲ”ဟုအမည်မဖော်လိုသူ ဆန္ဒပြ အလုပ်သမတစ်ဦးက ပြောသည်။

ကြာနာချိန် ကြာမြင့်နိုင်မှုအပေါ် အလုပ်သမားအရေးဆောင်ရွက်နေသူ ရှေ့နေဖိုးဖြူက  “တစ်ချို့အမှုတွေဆိုရင် နှစ်ပါတ်နဲ့ ဆုံးဖြတ်တာရှိတယ် တစ်ချို့အမှုတွေဆိုရင် သုံးပါတ်နဲ့ဆုံးဖြတ်တာရှိတယ် အဲဒီဆုံးဖြတ်ချက်ကို မကြေနပ်ဘူးဆိုရင် ၁၅ ရက်အတွင်းအယူခံတင်သွင်းခွင့်ရှိပါတယ်”ဟုခန့်မှန်းပြောကြားသည်။

တရုတ်နှစ်သစ်ကူး ပိတ်ရက်အပေါ် လုပ်ခမပေးခြင်းမှ စတင်ခဲ့သည့် တိုင်ရီအလုပ်သမများ ဆန္ဒပြနေသည်မှာ ယနေ့ ဆိုလျှင် ၁၇ ရက်မြောက်ရှိပြီဖြစ်သည်။           ။


ဖေဖေါ်ဝါရီ ၂၂ ရက်နေ့ တိုင်ရီစက်ရုံရှေ့မှ ဆန္ဒပြ အလုပ်သမားများ

ဒေါ်အောင်ဆန်းစုကြည်မြစ်ကြီးနားတွင် ဒေသခံတိုင်းရင်းသားခေါင်းဆောင်၊ဘာသာရေးခေါင်းဆောင်များနှင့်အတူ ညစာစားသုံးမည်

မြစ်ကြီးနား၊ ဖေဖော်ဝါရီ-၂၂
ကချင်ပြည်နယ်သို့ မဲဆွယ်စည်းရုံးရေးခရီးစဉ်သွားရောက်မည့် ဒေါ်အောင်ဆန်းစုကြည်သည် ခရီးစဉ် ပထမည(ဖေဖော်ဝါရီ၂၃ည) တွင် မြစ်ကြီးနားမြို့ ဆီတာပူမနောပွဲ၊ မဂျွယ်ခန်းမတွင် ဒေသခံတိုင်းရင်းသားခေါင်းဆောင်များ၊ ဘာသာရေးခေါင်းဆောင်များနှင့်အတူ ညစာစားသုံးမည်ဖြစ်ကြောင်း မြစ်ကြီးနားမြို့အမျိုးသားဒီမိုကရေစီအဖွဲ့ချုပ်မှ တာဝန်ရှိသူတစ်ဦးကပြောသည်။
“ကျွန်တော်တို့ကို ဒေါ်အောင်ဆန်းစုကြည်နဲ့အတူ ညစာစားဖို့ဖိတ်ထားပါတယ်”ဟု ကချင်နှစ်ခြင်းခရစ်ယာန်အသင်းတော်မှ တာဝန်ရှိသူတစ်ဦးက ပြောသည်။
ဒေါ်အောင်ဆန်းစုကြည်သည် ခရီးစဉ်ပထမနေ့တွင် မိုးကောင်းမြို့နယ် နမ္မတီးကျေးရွာဘောလုံးကွင်းနှင့် မိုးကောင်းမြို့အိုးတန်းဘောလုံးကွင်းတို့တွင် လူထုသို့ မိန့်ခွန်းပြောကြားမည်ဖြစ်သည်။
ခရီးစဉ်ဒုတိယနေ့ဖြစ်သော ဖေဖော်ဝါရီ၂၄ရက် နံနက်ပိုင်းတွင် မြစ်ကြီးနားမြို့ ဆီတာပူမနောပွဲ မိန့်ခွန်းပြောကြားမည်ဖြစ်သည်။ ထို့နောက် နေ့ခင်းပိုင်းတွင် ဗန်းမော်မြို့သို့ သွားရောက်ပြီး လူထုသို့မိန့်ခွန်းပြောကြားမည်ဖြစ်သည်။
 7Day News Journal

ပြည်ခိုင်ဖြိုးပါတီ၏ စည်းရုံးရေးပွဲမှာလည်း လူမနည်း

နေပြည်တော်၊ ဖေဖော်ဝါရီ ၂၁
ဖြုတ်ခွဲကျေးရွာအုပ်စုတွင် ကျင်းပပြုလုပ်ခဲ့သည့် ပြည်ထောင်ကြံ့ခိုင်ရေးနှင့် ဖွံ့ဖြိုးရေးပါတီ၏ စည်းရုံးရေးပွဲသို့ ပရိသတ်အင်အား ၂၅ဝဝ ဝန်းကျင် တက်ရောက်ခဲ့သည်ဟု သတင်းရရှိခဲ့သည်။
ယင်းပွဲကို ဖေဖော်ဝါရီလ ၂ဝ ရက်နေ့ နံနက် ၁ဝ နာရီ ဝန်းကျင်တွင် ကျင်းပပြုလုပ်ခဲ့ပြီး ပွဲသို့ ဖြုတ် ခွဲကျေးရွာအုပ်စု အပါအဝင် ပုဗ္ဗသီရိ မြို့နယ်တွင်းမှ ပြည်သူများ တက်ရောက်ခဲ့ကြသည်။
အဆိုပါပွဲ၌ ပုဗ္ဗသီရိမြို့နယ် ပြည်သူ့လွှတ်တော် ကိုယ်စားလှယ်လောင်း ဝဏ္ဏကျော်ထင်စည်သူ ဦးသာဌေးအပါအဝင် တက်ရောက်သူသုံးဦးက ၄င်းတို့၏ ရည်မှန်းချက်၊ ရည်ရွယ်ချက်များနှင့် နိုင်ငံအပေါ် ထားရှိသည့် ခံယူချက်များကို ပရိသတ်ရှေ့မှောက် ဖွင့်ဟပြောဆိုခဲ့ကြသည်ဟု သိရသည်။
တက်ရောက် ပြောကြားသူများအတွင်းမှ ဒေါ်ကြည်ခင်က ”ကျွန်မက လာအပ်ပေးတာပါ။ ဦးသာဌေးကို ကောင်းကောင်း အသုံးချကြပါလို့ ပြောချင်ပါတယ်။ သူက အင်ဂျင်နီယာ တစ်ယောက်ပါ။ ဒါပေမဲ့သူက အောက်ခြေထိဆင်းပြီး အလုပ်လုပ်လေ့ရှိပါတယ်။ ဒါကြောင့် ပြည်သူ့ခံစားချက်ကို သူသိတယ်။ ပြည်သူတွေ ဘာလိုအပ်နေလဲ သူသိတယ်။ ဒီတော့ပြည်သူက သူ့ကိုကောင်းကောင်း အသုံးချကြပါလို့ ကျွန်မပြောချင်တာပါပဲ” ဟု ပြောဆိုကြေညာကာ ပရိသတ်၏ အားပေးလက်ခုပ်သံများ ရယူခဲ့ သည်ဟု သိရသည်။
”ဒါ တတိယအကြိမ်ပါပဲ။ ပထမအကြိမ်နဲ့ ဒုတိယအကြိမ်က ဝဲကြီးကျေးရွာနဲ့ ကိုးရွာ သပြေကုန်း ကျေးရွာတွေပါ။ ထိုင်ခုံပေါင်း ၁၆ဝဝ ချထားပေးတယ်။ ထိုင်ခုံ အားလုံး ပြည့်ရုံတင်မဟုတ်ဘူး မတ်တတ် ရပ်နေတဲ့လူတွေပါ အများကြီးရှိခဲ့တယ်။ စုစုပေါင်းဦးရေ ၂၅ဝဝကျော်လောက် ကိုရှိတယ်။ အားလုံးက စနစ်တကျနေရာယူပြီး နားထောင်ကြပါတယ်။ သူတို့ သဘောကျတဲ့စကား ပါလာတိုင်း သူတို့လိုချင်တဲ့ အခွင့်အရေးကို ပြောတိုင်း လက်ခုပ်တီးကြတယ်။ မွန်းတည့် ၁၂ နာရီလောက်မှာ ပြီးသွားပါတယ်”ဟု ယင်းပါတီဝင် တစ်ဦးက ပြောသည်။
ပေါ်ပြူလာဂျာနယ်

ဒိက္ခိဏသီရိမြို့နယ် ကိုယ်စလှယ်လောင်း ဦးနိုင်ငံလင်းက ဒီလှိုင်းစာစောင်ကနေ တဆင့် ပြောကြားတာကတော့
 အစိုးရအဖွဲ့ ခေါင်းဆောင်တွေ အပါအ၀င် ကြံ့ခိုင်ရေးပါတီအနေနဲ့ ရွေးကောက်ပွဲဥပဒေတွေ ချိုးဖေါက် နေကြောင်း အမျိုးသားဒီမိုကရေစီအဖွဲ့ချုပ် နေပြည်တော် ဒိက္ခိဏသီရိမြို့နယ် ကိုယ်စလှယ်လောင်း ဦးနိုင်ငံလင်းက ဒီလှိုင်းစာစောင်ကနေ တဆင့် ပြောကြားလိုက်ပါတယ်။ နေပြည်တော် တစ်ချို့ မြို့ နယ်တွေမှာ ကြံ့ခိုင်ရေးက လူထုဆန္ဒမပါဘဲ ပါတီဝင်ကဒ်ပြားတွေ လုပ်ပေးနေပြိး ကြံ့ခိုင်ရေးကိုဘဲ မဲပေးဖို့ ခြိမ်းခြောက်နေတယ်လို့ ဦးနိုင်ငံလင်းက ဆိုပါတယ်။ အစိုးရအဖွဲ့ဝင်တွေကလည်း စီမံကိန်းဆိုတာတွေ လုပ်ပြပြီး ကြံ့ခိုင်ရေးပါတီအတွက် မဲဆွယ်ပေးတာမျိုး လုပ်နေကြောင်း ဦးနိုင်ငံလင်းက ဒီလှိုင်း စာစောင်ကို ပြောကြားသွားပါတယ်။

ဇေယျာသော် ၀င်ပြိုင်မယ့် ဆန္ဒနယ်မြေရဲ့ ဖေ့စ်ဘုတ်သတင်းနဲ့ ဓါတ်ပုံလေးတွေကို
လက်ဆက်လေ့လာကြည့်ပါဦး။

ဇေယျာသော် တကယ် ရှုံးပြီဗျ ၊ ဒီမှာသာကြည့်ကြပေတော့ဗျာ

ဇေယာသော် ရှုံးသွားပြီတဲ့ ၊ ဟုတ်မှဟုတ်ရဲ့လားတဲ့ ၊ ပွဲတောင် မစရသေးဘူးတဲ့ ၊ ဟုတ်ကဲ့ တချို့ပွဲတွေက မစ ခင်ကတည်းက အဖြေထွက်နေတတ်ပါတယ်။ ဒီ က ဓါတ်ပုံတွေကိုကြည့်ပါ ၊ အဲဒီ ပုဗ္ဗသီရိမြို့က ဓါတ်ပုံတွေချည်းပါပဲ ၊ အမြန်ရိုက်ခဲ့ရတာမို့ အဲဒီ ပုဗ္ဗသီရိမြို့ရဲ့ ဆယ်ပုံတစ်ပုံလောက်ပဲ ရိုက်ခဲ့နိုင်တယ်လို့ ဓါတ်ပုံပို့လာသူက ပြောပါတယ်။ ပုဗ္ဗသီရိမြို့ အ၀င် ကုန်းပေါ်ကရိုက်ခဲ့တာပါတဲ့ ၊ အဲဒီမြို့ကြီးက လူမနေသေးတဲ့ အမိုးသွပ်တွေ ပြောင်ပြောင်နဲ့ ကမန်းကတမ်းဆောင်ထားတဲ့ အိမ်တွေ ၊ အိမ်တွေမှာ အိမ်သာတွေတောင်မရှိသေးဘူးတဲ့ ၊ လမ်းတွေကလည်း မြေကြီးခုမ စုပုံထားတာ အသားမသေသေးဘုးတဲ့ ၊ ည ည ဆိုရင်တော့ မီးတွေ ထိန်လင်းနေတာပဲတဲ့ ၊ လမ်းကြုံရင် ဘယ်သူမဆို လာကြည့်လို့ ရပါတယ် တဲ့၊ ရှုံးသွားတဲ့ဇေယျာသော်ကိုတော့ စိတ်မကောင်းပါဘူးတဲ့ ရွာတွေမှာလည်း ဇေယျာသော်ကို မဲထည့်ရင် အဲဒီလူတွေကိုနောက်က တိတ်တိတ်လေး မှတ်ထားမယ် လို့ ပြောနေကြတယ်တဲ့။ ဇေယျာသော်နဲ့ သူငယ်ချင်းများ ရန်ကုန်က လှမ်းပြီး လုပ်နေမယ့်အစား ပုဗ္ဗသီရိမှာ တစ်ပတ်လောက်ဖြစ်ဖြစ် လာနေစေချင်ပါတယ်တဲ့ ရွာတွေကို လျှောက်သွားပြီး လူတွေကြားကို သွားစေချင်ပါတယ်တဲ့ နေပြည်တော်က ကျန်တဲ့နေရာတွေလည်း ဇေယျာသော်လိုပဲ ရှုံးမှာပဲတဲ့ ကဲ ပြောနေတာကြာတယ် ၊ သွားကြည့်ကြရအောင်လားဗျာ။





သတ်္တိမရှိခြင်းသည် အဂတိလိုက်စားခြင်းဖြစ်သည်ဟု သူရဦးရွှေမန်းပြောကြား

ပြည်သူ့လွှတ်တော်ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်
သတ္တိရှိဖို့လိုတယ်လို့ ပြောတဲ့ ဦးရွှေမန်း
မြတ်ဇေ၊
ရန်ကုန်၊ ဇန်န၀ါရီ-၂၂
သတ်္တိမရှိခြင်သည် အဂတိလိုက်စားခြင်းဖြစ်သည်ဟု  မိမိထင်ကြေင်း ပြည်သူ့လွှတ်တော်ဥက်္ကဌ သူရရွှေမန်းက ပြောကြားသည်။
ဖေဖော်ဝါရီလ ၂၂ ရက် ရန်ကုန်တိုင်းဒေသကြီးလွှတ်တော်အ ဆောက်အအုံတွင်ကျင်းပခဲ့သော ပြည်သူ့လွှတ်တော်ဥပဒေရေးရာနှင့် အထူးကိစ်္စရပ်များလေ့လာဆန်းစစ် သုံးသပ်ရေးကော်မရှင်တွေ့ဆုံပွဲတွင် ၄င်းကအထက်ပါအတိုင်းပြောကြား သွားခဲ့ခြင်းဖြစ်သည်။
    ““သတိ်္တမရှိဘူးဆိုတာကို မှားရင်လဲမှာမယ်ပေါ့။ ပြောမယ်ဆိုရင်  တော့ သတိ်္တမရှိတာဟာလဲ အဂတိ တရားလိုက်စားတာလို့ပဲ ပြောရမှာပဲ။ ဆန်္ဒ၊ ဒေါသ၊ အဘရာ၊ မောဟ။ ပြောလိုက်တယ်ဆိုရင်ပဲ ကိုယ့်ကိုဒုက်္ခ ရောက်မှာကြောက်တယ်ဆိုတာက လဲ ကျွန်တော် အဂတိတစ်ခုလို ထင်မိတယ် ”” ဟု သူရဦးရွှေမန်းက ဆိုသည်။
    လွှတ်တော်ကိုယ်စာ လှယ်များအနေဖြင့် အဂတိကိုဖြစ်စေ သော အပြုအမှုများမဖြစ်စေရန်၊ အလားတူမိမိတို့က ဆောင်ရွက်ပေး လိုက်သောလူများကိုလည်း အဂတိကိုဖြစ်စေသော၊ အဂတိကို ရှေ့ရှုသောအဖြစ်မျိုးမဖြစ်စေရန် မိမိ အနေဖြင့်တိုက်တွန်းလိုကြောင်း၊ သူများကို တိုက်တွန်းသလို မိမိအနေ နဲ့ လဲလုပ်ရမည်သာဖြစ်ကြောင်း ၊ ထိုပြင် မိမိ၏ လူများကို လဲ တိုက်တွန်းထားကြောင်းး ၊ သို့သော် ၄င်းတို့ကြောက်နေဆဲသာဖြစ် ကြောင်း၊ ခေတ်ပြောင်းစနစ်ပြောင်း လာ ပြီဖြစ်ကြောင်း၊ မိမိတို့သည် ပြည်သူများ၏ကိုယ်စားလှယ်များ သာဖြစ်ကြောင်း ပြည်သူ့လွှတ်တော် ဥက်္ကဌ သူရဦးရွှေမန်းကပြောကြား သည်။
    ပြည်သူ့လွှတ်တော် ဥက်္ကဌသူရဦးရွှေမန်းသည် အထက်ပါ အခမ်းအနားတွင် လွှတ်တော်ကိုယ် စားလှယ်များ၊ ပြည်သူများသတိ်္တရှိကြ ရန်အတွက် သတိ်္တရှိရန်ဆိုသော စကားလုံးကိုဆယ်ကြိမ်ထက်မက ပြောကြားသွားခဲ့သည်။
    ““ကျွန်တော်က လွှတ် တော်ထဲမှာလဲ ရဲရဲဝံ့ဝံ့သတိ်္တရှိရှိဆိုတဲ့ စကားလုံးကိုပြောခဲ့ပေးမယ့် သတင်းထဲမှာကျတော့ ရဲရဲဝံ့ဝံ့ဆိုတဲ့ စကားတော့ပါပြီးသတ်္တိဆို တာမပါလာဘူး”” ဟု သူရဦးရွှေမန်း ကလွှတ်တော်အတွင်းဆွေးနွေးခဲ့ သောအချက်အလက်များနှင့် ပတ်သက်ပြီးပြောကြားခဲ့သည်။
    ဆက်လက်ပြီး၎င်းင်းက သတိ်္တနှင့် ပတ်သက်သည့် အကြောင်း အရာများကိုပြောကြားရာတွင် သတိ်္တမရှိပါကအကုန်ဆုံးရှုံး တက်ကြောင်း၊ သတိ်္တသည်မိုက်မဲခြင်းနှင့်မယှဉ်နိုင်သောတာဝန် ကျေပွန်မှုပင်ဖြစ်ကြောင်း၊ လူအများသည် ကောင်းသည်ဟု ပြောခံရခြင်းထက် သတိ်္တရှိသည်ဟု ပြောခံရခြင်းကို ပိုမိုနှစ်သက်သည်ကြ ကြောင်း စသဖြင့် သတိ်္တရှိခြင်းနှင့် ပတ်သက်သည့် စကားပုံများကိုလဲ ပြောကြားသွားခဲ့သည်။
    အဆိုပါအခမ်းအနား တွင် ပြည်သူ့လွှတ်တော်ဥက်္ကဌ သူရဦးရွှေမန်းက အမှာစကားပြော ကြားသွားခဲ့သည့် အချိန်၌ သတိ်္တနှင့် ပတ်သက်သည့် စကားများပြောကြား သွားခြင်းကြောင့် တက်ရောက်လာ သော စီးပွားရေးပညာရှင်များ၊ စီးပွား ရေးလုပ်ငန်းရှင်များနှင့် ဘာသာရပ် ဆိုင်ရာကျွမ်းကျင်ပညာရှင်များက ၎င်းင်းတို့တင်ပြလိုသည့်အကြောင်း အရာနှင့် ပတ်သက်ပြီးပွင့်ပွင့်လင်း လင်း တင်ပြဆွေးနွေးသွားခဲ့ကြသည်။
    ပြည်သူ့လွှတ်တော် ဥပဒေရေးရာနှင့် အထူးကိစ်္စရပ် များလေ့လာဆန်းစစ်သုံးသပ်ရေး ကော်မရှင်တွေ့ဆုံပွဲတွင် ပြည်သူ့ လွှတ်တော်ဥက်္ကဌသူရဦးရွှေမန်းက ၀န်ထမ်းများလစာထိုးရေးကိစ်္စနှင့် ပတ်သက်ပြီး ပြည်ထောင်စုလွှတ် တော်တွင်တင်ပြဆွေးနွေးခဲ့ခြင်း များကိုထပ်မံရှင်းလင်းပြောကြား သွားခဲ့သည်။
  The Express Times
ပြည်သူ့လွှတ်တော်ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်
သတ္တိရှိဖို့လိုတယ်လို့ ပြောတဲ့ ဦးရွှေမန်း

ဝန်ထမ်းလစာ တိုးပေးရန် ကိစ္စကို နောက်မဆုတ်ဟု သူရဦးရွှေမန်းပြော

ဖေဖေါ်ဝါရီ ၂၂၊ ၂၀၁၂ (YPI) မွန်းလွဲ ၁ နာရီ

ပြည်သူ့လွှတ်တော် ဥက္ကဋ္ဌ သူရ ဦးရွှေမန်းက ၀န်ထမ်းလစာတိုးပေးရန် အဆိုကို ၎င်းအနေဖြင့် နောက်ဆုတ်မည်မဟုတ်ဟု ရန်ကုန်တိုင်း ဒေသကြီး လွှတ်တော် အဆောက်အဦတွင် ယနေ့နံနက် ၉ နာရီတွင် ပြုလုပ်သည့် သတင်းစာရှင်းလင်းပွ္ပဲ၌ ပြောကြားလိုက်သည်။
ထို့ပြင် ဖေဖေါ်ဝါရီ ၇ ရက်နေ့ လွှတ်တော်တွင် ပြည်သူ့လွှတ်တော်တွင် ပာကြားသည့် မိန့်ခွန်းထဲမှ စကားလုံး အချို့ ဖြတ်တောက်ခံရကြောင်း ကိုပါ ထည့်သွင်းပြောကြား သွားသည်။
မိန့်ခွန်းထဲတွင် ရဲရဲဝံ့ဝံ့ သတ္တိရှိရှိ လုပ်သင့်တာလုပ်ဖို့ ဆိုသည့်စကားရပ် တွင် သတ္တိ ဆိုသည့် စကားလုံး ဖြတ်တောက်ခံရသည်ဟုလည်း ပြောဆိုသွားကြောင်း YPI - facebook စာမျက်နှာတွင်ဖော်ပြထားပါသည်။ 
အဆိုပါ သတင်းနှင့်ပါတ်သတ်လို့ The Voice Weekly - facebook စာမျက်နှာတွင်လည်းအခုလို ဖော်ပြထား-
ဝန်ထမ်းလစာ တိုးမြှင့်ရေး မဖြစ်မနေဆောင်ရွက်မည်ဟု သူရဦးရွှေမန်း ပြောဆို

ဝန်ထမ်းလစာ တိုးမြှင့်ရေးမှာ ပြည်ထောင်စုလွှတ်တော်၏ တခဲနက်ထောက်ခံချက်ဖြင့် အတည်ပြုထားသော ကိစ္စဖြစ်၍ ယင်းဆုံးဖြတ်ချက်အတိုင်း မဖြစ်မနေလုပ်ဆောင်သွား မည် ဖြစ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက ယနေ့ နံနက်ပိုင်းတွင် ပြောကြားလိုက်သည်။

ရန်ကုန်တိုင်းဒေသကြီး လွှတ်တော်အစည်းအဝေးခန်းမ တွင်ကျင်းပသော ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်၊ နယ်ပယ်အသီးသီးမှ ကျွမ်းကျင်ပညာရှင်များ၊ စီးပွားရေးလုပ်ငန်းရှင်များနှင့် မီဒီယာများ ကို ယင်းကဲ့သို့ပြောဆိုခဲ့ခြင်းဖြစ်သည်။

"လစာတိုးရင် ကုန်ဈေးနှုန်းမြင့်မယ်။ ကုန်ဈေးနှုန်းမြင့်မှာစိုးလို့ လစာမတိုးဘဲနေလို့ရမလား။ လစာတိုးပေမယ့် ကုန်ဈေးနှုန်းမမြင့်အောင်ဘာလုပ်မလဲ။ ဒါကို စဉ်းစားဖို့လိုတယ်။ လစာတိုးတိုး မတိုးတိုး မဖြစ်သင့်တဲ့ကုန်ဈေးနှုန်းဖြစ်နေတဲ့ ကိစ္စကို ဖြေရှင်းပေးဖို့လိုတယ်"ဟု သူရဦးရွှေမန်းက ပြောကြားသည်။

တက်ရောက်လာသူအများစုက လစာတိုးမြှင့်ပေးရေးကို ထောက်ခံခဲ့ကြပြီး ကုန်ဈေးနှုန်း မြင့်တက်လာခြင်းမရှိစေရန်ကိုလည်း ၄င်းတို့၏ အမြင်များကို ပွင့်လင်းစွာ ဆွေးနွေးခဲ့သည်။
 The Voice Weekly
 

နိုင်ငံပိုင် မြန်မာ့အလင်းသတင်းစာ အလွဲသုံးစားမှုကြီးကို ဒုတိအကြိမ် ရုံးတင်စစ်ဆေး

ရန်ကုန် ဖေဖဝါရီ ၂၁
နိုင်ငံ ပိုင် မြန်မာ့ အလင်းသတင်းစာ တိုက်မှ ဝန်ထမ်းအချို့ကျပ်ငွေပေါင်း သိန်း ၂ထောင်ကျော် အလွဲသုံးစားပြူခဲ့သည်ဆိုသော အမှုကြီးကို ရန်ကုန်မြို့ပန်းဆိုးတန်းရှိ အနောက်ပိုင်းခရိုင် တရားရုံး တွင် ဖေဖော်ဝါရီလ၂၁ ရက်နေ့က ဒုတိယအကြိမ်ဖြစ် ရုံးတင်စစ်ဆေးခဲ့ကြောင်း ရန်ကုန်မြို့ မဟာဗန္ဓုလပန်းခြံလမ်းရှိ ဗဟိုတရားရုံးရှေ့နေများ အသိုင်းဝိုင်းထံမှ သိရှိရသည်။

ရန်ကုန်အနောက်ပိုင်း ဒုတိယခရိုင် တရားသူ ကြီး ၄ ၏ ရုံးခန်းတွင် ယင်းနေ့က မြန်မာ့အလင်းသတင်းစာမှ လက်ထောက်မန်နေဂျာ အပါဝင်၂ ဦးကို ပြစ်မှုဆိုင်ရာ အမှုကြီးအမှတ် ၇၈/၂၀၁၁၊ ၇၉/၂၁၁၊ ၈၀/၂၀၁၁ တို့ဖြင့် လက်ခံ ကြားနာစစ်ဆေးခဲ့ပြီး ညနေ၃ နာရီကျော်တွင် စစ်ဆေးမှုပြီးဆုံးခဲ့သည်ဟု ယင်းအမှုစစ်ဆေးစဉ် တရားခွင်ရောက်ရှိ နေသူများထံမှ သိရှိရသည်။

" အရင် မြန်မာအလင်းသတင်းစာက မန်နေဂျာ အပါဝင် ၃ ယောက် လက်ထိပ်ခတ်ထားတာတွေ ရတယ်။ နောက်ဆုံးတန်းမှာထိုင်နေကြတယ်။ ဒီနေ့က တရားလိုပြသက်သေစစ်တာလို့ပြောတယ်" ဟု အမူစစ်ဆေးသည့်နေရာတွင် ရောက်ရှိနေသူတစ်ဦးက ရှင်းလင်းပြောကြားသည်။

တရားခွင်မှရရှိသော သတင်းများအရ မြန်မာ့အလင်းသတင်းစာတိုက်မှ သတင်းစာဖိုးနှင့်ကြော်ငြာဖိုးငွေ ကျပ်၂၈၈၆ သိန်းကို ကိုယ်ကျိုးအတွက် အလွဲသုံးစားပြူမှုဟု သတင်းများထွက်ပေါ်နေသော်လည်း ယင်းပမာဏထက် သိသိသာသာ များပြားသည်ဟုလည်း ရန်ကုန်သတင်းစာဖြန့်ချိရေးလောကအတွင်းရှိသူများက ပြောဆိုကြသည်။

မြန်မာအလင်းသတင်းစာ သတင်းစာဖိုးနှင့်ကြော်ငြာငွေများသည် ၂၀၀၈၊ ၂၀၀၉၊ ၂၀၁၀ နှင့် ၂၀၁၁ ခုနှစ်အတွင်း သက်ဆိုင်ရာ စာရင်းစစ်အဖွဲ့များက စစ်ဆေးရာတွင် ယင်းကဲ့သို့ကွာဟနေသည့်အတွက် ယင်းသတင်းစာတိုက် စာတည်းမှူးချုပ် ဦးလှိုင်ဝင်းက တရားလိုပြုလုပ် တိုင်းတန်းခဲ့ပြီး ယင်းအမှုကို ပြည်ထဲရေးဝန်ကြီးဌာနသို့ တင်ပြအကြံပြုချက်တောင်းခံခဲ့ရာ ပြီးခဲ့သည်နိုဝင်ဘာလအတွင်း ၁၉၆၃ ခုနှစ် အများနှင့်သက်ဆိုင်သောပစ္စည်း ကာကွယ်စောင့်ရှောက်ရေးဥပဒေ ပုဒ်မ ၃ သို့ ပြောင်းလဲဖွင့်လှစ်ရန် အကြောင်းပြန်သောကြောင့် ယင်းအမှုအတိုင်း ပြောင်းလဲဖွင့်လှစ်ခဲ့သည်ဟု ဖေဖော်ဝါရီလ ၂၀ရက်နေ့ထုတ် The Crime ဂျာနယ်တွင်ဖော်ပြထားသည်။

ယင်းဖြစ်စဉ်နှင့်ပက်သက်၍ ပြီးခဲ့သော နိုဝင်ဘာလတွင်းက ရန်ကုန်မြို့တော်ရှိ သတင်းစာကိုယ်စားလှယ်ကြီး ၈ဦးခန့်ကို ခေါ်ယူစစ်ဆေးခဲ့ပြီး မြန်မာအလင်းသတင်းစာ ဖြန့်ချိစဉ် ဝယ်ယူသည့်ပြေစာများကို စစ်ဆေးခဲ့ကြောင်း သတင်းစာကိုယ်စားလှယ်အသိုင်းဝိုင်းထံမှ သိရှိရသည်။

ယင်းသို့စစ်ဆေးမှုတွင် နိုင်ငံပိုင် မြန်မာ့အလင်းသတင်းစာတိုက်သည် ပုံမှန် စာရင်းပြသော စောင်ရေထက် ပိုရိုက်ထားသော စောင်ရေများကို ပုံမှန်ဈေး ၅၀ကျပ်အစား ၄၅ကျပ်ဖြင့် တရားမဝင် ဖြန့်ချိမှုအချို့ကို စစ်ဆေးတွေ့ရှိခဲ့ပြီး ကိုယ်စားလှယ်အချို့မှာ သတင်းစာ ဝယ်ယူထားသည့်ပြေစာများ မပြနိုင်ကြောင်းလည်း သတင်းစာဖြန့်ချိရေး အသိုင်းဝိုင်းထံမှ စုံစမ်းသိရှိရသည်။

ယင်း စစ်ဆေးမှုကို ရန်ကုန်မြို့၊ ပန်းဆိုးတန်းလမ်းရှိ အနောက်ပိုင်းခရိုင် တရားရုံးက ဆက်လက်ကြားနာစစ်ဆေးရန်အတွက် လာမည့်မတ်လ ၆ ရက်နေ့သို့ ထပ်မံ ချိန်းဆိုလိုက်ပြီး ၁၉၆၃ ခုနှစ် အများပြည်သူနှင့်သက်ဆိုင်သောပစ္စည်း ကာကွယ်စောင့်ရှောက်ရေးဥပဒေ ပုဒ်မ ၃သည် ပြစ်မှုထင်ရှားပါက တရားစွဲဆိုခံထားရသူများသည် အနည်းဆုံးထောင်ဒဏ် ၁၀ နှစ်ခန့်မနည်းဖြစ်စေ၊ ထောင်ဒဏ် တစ်သက်တစ်ကျွန်းဖြစ်စေ၊ ပြစ်ဒဏ်ကျနိုင်ကြောင်း တရားလွှတ်တော်ရှေ့နေတစ်ဦးက ပြောကြားသည်။

မြန်မာ့အလင်း သတင်းစာတိုက်တွင် အထွေထွေမန်နေဂျာအသစ်အဖြစ် ဦးဝေဖြိုးသန်းက မကြာသေးခင်လပိုင်းက စတင်တာဝန်ယူလျှက်ရှိပြီး ဝန်ထမ်းအများစုမှာ ပြောင်းရွှေ့ ခြင်း၊ နှုတ်ထွက်ခြင်းများရှိကြောင်း ယခင်က မြန်မာ့အလင်း သတင်းစာတိုက်တွင် တာဝန်ထမ်းဆောင်ခဲ့သူ တစ်ဦးကပြောကြားသည်။
 The Voice Weekly

အာဆီယံ အတွင်းရေးမှူးချုပ် ဒေါက်တာ ဆူရင်ပစ်ဆူဝမ်နှင့် ဒေါ်အောင်ဆန်းစုကြည်တို့ တွေ့ဆုံဆွေး

အာဆီယံ အတွင်းရေးမှူးချုပ် ဒေါက်တာ ဆူရင်ပစ်ဆူဝမ်နှင့် ဒေါ်အောင်ဆန်းစုကြည်တို့ တွေ့ဆုံ
ဆွေးနွေးမှုကို ယနေ့ နံနက်ပိုင်းက ပြုလုပ်ခဲ့ခြင်း ဖြစ်ပြီး
မြန်မာနိုင်ငံ၌ ဖြစ်ပေါ်နေသော ပြုပြင်ပြောင်းလဲမှုများနှင့် နိုင်ငံတကာ အသိုင်းအ၀န်း၏ အမြင်များ၊ အစိုးရအဖွဲ့နှင့် ဒေါ်အောင်ဆန်းစုကြည် အကြား ပူးပေါင်း ဆောင်ရွက်နိုင်ဖွယ်ကိစ္စရပ်များနှင့် လူထုအားလုံး အကျိုး သက်ရောက်မှု ခံစားရရှိစေနိုင်မည့် လုပ်ဆောင်မှုများ ဆောင်ရွက်နိုင်ရန် ကိစ္စရပ်များကို ဆွေးနွေး ခဲ့ကြသည်ဟု ဒေါက်တာ ဆူရင်ပစ်ဆူဝမ်က သတင်းထောက်များကို ပြောကြားခဲ့ပါသည်။

ထို့အပြင် နိုင်ငံတော် သမ္မတ ဦးသိန်းစိန်နှင့် အစိုးရအဖွဲ့အား
နေပြည်တော်၌ တွေ့ဆုံခဲ့ချိန်တွင် လာမည့် ကြားဖြတ် ရွေးကောက်ပွဲ၌ အာဆီယံ အဖွဲ့ချုပ်ရုံးနှင့် အာဆီယံနိုင်ငံများမှ ကိုယ်စားလှယ်များ လာရောက် လေ့လာ စောင့်ကြည့်နိုင်ရန် ကိစ္စရပ်ကို အလေးအနက်ထား စဉ်းစားမည်ဟု သမ္မတ ဦးသိန်းစိန်က အခိုင်အမာ ပြောဆိုခဲ့သည်ဟု
ဒေါက်တာဆူရင်က သတင်းထောက်များကို ထပ်မံ ပြောကြားခဲ့သည်။

"လေ့လာ စောင့်ကြည့်သူတွေ လာရောက်ခွင့်ပေးဖို့ ကိစ္စကို အလေးအနက်ထား စဉ်းစားမယ်လို့ သမ္မတ ဦးသိန်စိန်က ပြောခဲ့ပါတယ်။ ဘယ်အချိန်မှာ လာရောက်ခွင့် ပြုမလဲဆိုတဲ့ ဆုံးဖြတ်ချက်ကို တော့ မသိရသေးပါဘူး" ဟု ဒေါက်တာ ဆူရင်က ပြောပါသည်။

သူ့အနေဖြင့်မူ ပွင့်လင်း မြင်သာမှု၊ တရားမျှတမှုနှင့် လွတ်လပ်မှုရှိပြီး အာမခံချက် အပြည့်အ၀ရှိသော ရွေးကောက်ပွဲ ဖြစ်စေလိုကြောင်း၊ မဲဆွယ် စည်းရုံးရေး ကာလ၌မက ဒီမိုကရေစီ သွားရာ လမ်းတစ်လျှောက်တွင် ပါတီအားလုံး တန်းတူ ညီမျှ အခွင့်အရေး ရရှိ စေလိုကြောင်း၊ အထူးသဖြင့်
နိုင်ငံတကာမှ လိုလားနေသော အာမခံချက်များ ဖြစ်ပေါ်စေရန်
ဆောင်ရွက်မည်ဟု ထင်မြင်ကြောင်း၊ မြန်မာအစိုးရ၏ လုပ်ဆောင်မှု
များသည် ၂၀၁၄ ခုနှစ်တွင် တာဝန်ယူခွင့် ရမည့် အာဆီယံ ဥက္ကဋ္ဌနေရာနှင့် ထိုက်တန် ကြောင်းကို ပြသရမည် ဖြစ်ကြောင်းနှင့် လိုအပ်သော အကူအညီများကို အာဆီယံက တုန့်ပြန် ကူညီ ဆောင်ရွက်ပေးမည်
ဖြစ်ကြောင်း အစရှိသည်တို့ကို နေပြည်တော်မှ တာဝန် ရှိသူများအား
ပြောကြားခဲ့သည်ဟု ဒေါက်တာဆူရင်က ပြောဆိုခဲ့ပါသည်။ 

ဒေါက်တာ ဆူရင်ပစ်ဆူဝမ်နှင့် ဒေါ်အောင်ဆန်းစုကြည်တို့ တွေ့ဆုံမှုမှာ တစ်နာရီကျော် ကြာမြင်ခဲ့ပြီး နံနက် ၉ နာရီ မိနစ် ၃၀ အချိန်မှ နံနက် ၁၀ နာရီ မိနစ် ၄၀ အချိန်အထိ ကြာမြင့်ခဲ့ပါသည်။ ဒေါက်တာ ဆူရင်သည်
မြန်မာအစိုးရ၏ ဖိတ်ကြားချက်အရ ဖေဖော်ဝါရီလ ၂၀ရက်နေ့တွင်
မြန်မာနိုင်ငံသို့ လာရောက်ခဲ့ခြင်းဖြစ်ပြီး ခရီးစဉ်မှ လေးရက်ကြာမြင့်မည်ဟု အာဆီယံအတွင်းရေးမှူး ချုပ်ရုံးမှ သတင်း ထုတ်ပြန် ထားသည်။

အာဆီယံ အတွင်းရေးမှူးချုပ် ဒေါက်တာ ဆူရင်ပစ် ဆူဝမ်နှင့် ဒေါ်အောင်ဆန်းစုကြည်တို့ ယနေ့ နံနက်ပိုင်းတွင်
တွေ့ဆုံ ခဲ့ပြီးနောက် MYANMAR-ASEAN CHAIR 2014 တံဆပ် ရိုက်နှိပ် ထားသော တီရှပ်အား အမှတ်တရ လက်ဆောင် အဖြစ် ဒေါက်တာ ဆူရင်က ဒေါ်အောင်ဆန်းစုကြည်သို့ ပေးအပ်နေစဉ်။
EMG

ဒေါ်အောင်ဆန်းစုကြည်က ပထမဆုံးနိုင်ငံခြားခရီးအဖြစ် နော်ဝေနိုင်ငံသို့သွားရောက်လို

ရန်ကုန်၊ ဖေဖော်ဝါရီ- ၂၂

ဒေါ်အောင်ဆန်းစုကြည်သည် သူမ၏ ပထမဆုံး နိုင်ငံခြားခရီးစဉ်အဖြစ် နော်ဝေနိုင်ငံသို့ သွားရောက်လိုကြောင်း ဒေါ်အောင်ဆန်းစုကြည်က သတင်းထောက်များသို့ ပြောသည်။

''ကျွန်မပထမဆုံး လည်ပတ်ချင်တဲ့ နိုင်ငံက နော်ဝေဖြစ်ပါလိမ့်မယ်။ ဘာဖြစ်လို့လည်းဆိုတော့ ကျွန်မတို့အားလုံးရဲ့ အခက်ခဲဆုံးအချိန်မှာ ကျွန်မတို့ကို မမေ့ခဲ့လိုပါ"ဟု ဒေါ်အောင်ဆန်းစုကြည်က ပြောသည်။

ယနေ့နံနက်ပိုင်းက သူမနေအိမ်တွင် အာဆီယံအတွင်းရေးမှူးချုပ်နှင့် တွေ့ဆုံအပြီး နိုင်ငံခြားသတင်းထောက်တစ်ဦး၏ မေးမြန်းမှုကို အထက်ပါအတိုင်း ဖြေကြားသွားခြင်းဖြစ်သည်။
 7Day News Journal

ကြားဖြတ်ရွေးကောက်ပွဲကာလများတွင် နိုင်ငံတကာ လေ့လာသူများနှင့် သတင်းထောက်များကို လက်ခံဖွယ်ရှိ

ရန်ကုန်၊ ဖေဖော်ဝါရီ- ၂၂

ကြားဖြတ်ရွေးကောက်ပွဲနှင့်မဲဆွယ် စည်းရုံးကာလများတွင် နိုင်ငံတကာမှ စောင့်ကြည့်သူများနှင့် ပြင်ပမှ သတင်းထောက်များအား ခွင့်ပြုရန် အထူးစဉ်းစားနေသည်ဟု သမ္မတဦးသိန်းစိန်ကပြောကြောင်း  အာဆီယံအတွင်းရေးမှူးချုပ်က သတင်းထောက်များသို့ပြောသည်။

“အပြင်ကသတင်းထောက်တွေနဲ့ နိုင်ငံတကာလေ့လာတဲ့သူတွေကို ရွေးကောက်ပွဲမတိုင်ခင်နဲ့ ရွေးကောက်ပွဲကာလမှာ လေ့လာခွင့်ပြုတာဟာ လွတ်လပ်ပြီး တရားမျှတတဲ့ ရွေးကောက်ပွဲကိုသွားတဲ့ လမ်းကြောင်းမှန်ဖြစ်တယ်လို့ပြောခဲ့ပါတယ်”ဟု အာဆီယံအတွင်းရေးမှူးချုပ်ဒေါက်တာဆူရင်ပစ်ဆူဝမ်က ပြောသည်။

၎င်းအနေဖြင့် ၂၀၁၀ ကြားဖြတ်ရွေးကောက်ပွဲကလည်း ရန်ကုန်တွင်ရှိသော အာဆီယံနိုင်ငံများမှ သံတမန်များအား လေ့လာခွင့်ပြုရန်တောင်းဆို ခဲ့ဖူးကြောင်းပြောကြားသည်။ယနေ့နံနက် ၁၀ နာရီမှ ၁၁ နာရီအထိ အာဆီယံအတွင်းရေးမှူးချုပ်နှင့် ဒေါ်အောင်ဆန်းစုကြည်တို့သည်သူမနေအိမ်၌ တွေ့ဆုံခဲ့ကြသည်။
 7Day News Journal

 အဂတိလိုက်စားမှုတိုက်ဖျက်ရေးအဆို ဦးသိန်းညွန့် တင်သွင်း


သန့်ရှင်းသော အစိုးရ၊ ကောင်းမွန်သော အစိုးရ ပေါ်ပေါက်လာရေးအတွက် အဂတိလိုက်စားမှုများကို ထိရောက်စွာ အရေးယူနိုင်ရန် လွတ်လပ်ပြီး အများပြည်သူ ယုံကြည်လက်ခံနိုင်သော အမျိုးသားအဂတိလိုက်စားမှု တားမြစ်ရေးကော်မရှင်တစ်ရပ် ဖွဲ့စည်းနိုင်ရေးအတွက် နိုင်ငံ တော်အစိုးရအား လွှတ်တော်မှတိုက်တွန်းကြောင်းအဆိုကို ပြည်သူ့လွှတ်တော်ကိုယ်စားလှယ်ဦးသိန်းညွန့်က ဖေဖော်ဝါရီလ ၂၀ရက်နေ့တွင် အဆိုတင်သွင်းခဲ့ကြောင်း သိရှိရသည်။
ပြည်သူ့လွှတ်တော်ကိုယ်စားလှယ် ဦးသိန်းညွန့်က''ကျွန်တော် ဒီအဆိုကို ဘာကြောင့်တင်သွင်းရတယ်ဆိုတဲ့အချက်ကို မတင်ပြခင် ဦးစွာတင်ပြချင်တဲ့အချက်က ဒီအဆိုဟာ ကျွန်တော်တို့နိုင်ငံ အနာဂတ်ရှေ့ရေးအတွက် အရေးကြီးတဲ့ လုပ်ကိုလုပ်ရမယ့် အချက်တစ်ချက်လို့ ရိုးသားစွာ ယုံကြည်တဲ့အတွက် ဒီအဆိုကို လွှတ်တော်သို့ တင်ပြရခြင်းဖြစ်ပါတယ်''ဟု ဦးစွာပြောကြားခဲ့သည်။
''ကျွန်တော်တို့နိုင်ငံမှာ လာဘ်ပေးလာဘ်ယူမှုကို တားဆီးဖို့ ကိုလိုနီခေတ်ကပြဋ္ဌာန်းခဲ့တဲ့ ရာဇသတ်ကြီး ဥပဒေအပါအ၀င် ပြစ်မှုဆိုင်ရာ ဥပဒေမှာလည်း အခန်း(၉)မှာ ပတ်သတ်ပြီးတော့ ပြစ်ဒဏ်များပြဋ္ဌာန်းထားပြီး ဖြစ်ပါတယ်။ အဲဒီအခန်း (၉)မှာပါတဲ့ ပုဒ်မ(၁၆၁) (၁၆၂)၊ (၁၆၅)စတဲ့ စကားလုံးပါ လာဘ်ပေးလာဘ်ယူအပြင် တံစိုးဆိုတဲ့စကားကို ထည့်သွင်းထားပါတယ်။ သို့သော် အားလုံးသိတဲ့အတိုင်း အခြေအမြစ်ကစတင်ပြီး ပြုပြင်ပြောင်းလဲရေး မလုပ်နိုင်တဲ့အတွက် ဒီဥပဒေတွေရဲ့ အာနိသင် မထိရောက်ခဲ့ပါဘူး။ ပွင့်ပွင့်လင်းလင်း တင်ပြရရင် သာမန် ၀မ်းမ၀လို့ သီလမစောင့်နိုင်တဲ့လူတွေ၊ သီလမစောင့်နိုင်တာထက်ကို ၀မ်းဝပြီး ပြည့်စုံနေတဲ့ အင်မတန်မှ ထားစရာမရှိဘဲ ရှေ့ရောက်နေတဲ့သူတွေကိုယ်တိုင်က မိမိတာဝန်ကို အာဏာအလွဲသုံးစားပြီး ပြောင်ပြောင်တင်းတင်း လုပ်လာကြတဲ့အခါမှာ ကျွန်တော်တို့ လမ်းစဉ်ပါတီခေတ်ကပင် တာဝန်ကြီးတဲ့ ခေါင်းဆောင်ကြီးတွေက ဆိုရှယ်လစ်စနစ်နဲ့ပဲသွားသွား၊ ဘာစနစ်နဲ့ပဲသွားသွား သူလည်း နိုင်ငံတကာရောက်ခဲ့တဲ့အခါမှာ လာဘ်ပေးလာဘ်ယူရှိနေရင်တော့ တို့နိုင်ငံသွားရမယ့်မူဝါဒတွေ၊ လုပ်ငန်းစဉ်တွေ အောင်မြင်မှာမဟုတ်ဘူးလို့ယူဆပြီး ပြောယုံတင်မကဘဲ ဥပဒေ တစ်ရပ် ပြဋ္ဌာန်းခဲ့ပါတယ်။ အဲဒါက တရားမ၀င်သောနည်းလမ်းဖြင့်ရရှိသည့် ပစ္စည်းများပိုင်ဆိုင်ခြင်း၊ ရောင်းဝယ်ခြင်းကို အရေးယူသည့်ဥပဒေ၊ ပြည်သူ့လွှတ်တော်ဥပဒေအမှတ် ၁၉၈၆ ဖြစ်ပါတယ်။
ပြည်သူ့လွှတ်တော်က ပြဋ္ဌာန်းခဲ့တဲ့ ၃(၈၆)မှာ တရားမ၀င်နည်းလမ်းဖြင့် ရရှိတဲ့ပစ္စည်းဆိုသည်မှာ ဥပဒေက ခွင့်မပြုသော စီးပွားရေးလုပ်ငန်းမှ ရတဲ့ငွေ၊ ဥပဒေနဲ့ ဆန့်ကျင်ပြီး ရရှိသောငွေ၊ ဥပဒေနှင့်အညီ အခွန်များ ပေးဆောင်ခြင်းမပြုဘဲ ထိန်ချန်ထားသော အခွန်လို့ ပါပါတယ်။ အခုအားလုံးသိတဲ့အတိုင်းပဲ ကျွန်တော်တို့ ရသင့်ရထိုက်တဲ့ အခွန်တွေမရတဲ့အတွက် နိုင်ငံတော်မှာ အင်မတန် နစ်နာဆုံးရှုံးနေပါတယ်။ အဲဒီတော့ ဥပဒေနဲ့အညီ အခွန်များကို ပေးဆောင်ခြင်းမပြုဘဲ ထိန်ချန်ထားတာတွေက အခုတည်ဆဲဥပဒေဖြစ်တဲ့ တရားမ၀င်နည်းလမ်းဖြင့် ရရှိတဲ့ ပစ္စည်းများ ပိုင်ဆိုင်ခြင်း၊ ရောင်းဝယ်ခြင်းကို အရေးယူတဲ့ ဥပဒေနဲ့လည်း အကျုံးဝင်နေပါတယ်။ နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီက ပြဋ္ဌာန်းထားတဲ့ ဥပဒေမှာလည်း ဤဥပဒေနှင့်သက်ဆိုင်သည့် ပြစ်မှုကျုးလွန်ရာမှာရသော ငွေကြေး၊ ပစ္စည်းကိုပြောင်းလဲတာ၊ လွှဲပြောင်းတာ၊ ဖုံးကွယ်တာ၊ ဖျောက်ဖျက်တာ၊ အသွင်ပြောင်းလဲတာတွေက တရားမ၀င်နည်းလမ်းနဲ့ရရှိတဲ့ ငွေကြေးဥပဒေနဲ့တူပါတယ်။ ဒီဥပဒေနဲ့ ၁၉၄၈ အဂတိလိုက်စားမှု တားမြစ်ရေးအက်ဥပဒေတို့နဲ့ ခြားနားချက်ကတော့ လာဘ်ပေးလာဘ်ယူကိစ္စတွေမှာ ပေးသူရော၊ ယူသူရော ပြစ်မှုနယ်ပယ် ကျရောက်ပါတယ်။ အခုကျွန်တော်တို့ တရားမ၀င်သော နည်းလမ်းဖြင့် ရရှိတဲ့ငွေကြေးနဲ့ ပစ္စည်းထိန်းချုပ်ရေးဥပဒေမှာတော့ ပုဒ်မ ၈(ည)အရ တရားမ၀င်နည်းလမ်းဖြင့် ရရှိတဲ့ငွေကြေးနဲ့ ပစ္စည်းများနှင့်စပ်လျဉ်းပြီး သတင်းပေးသူအား လို အပ်သော အကာအကွယ်ပေးခြင်းနှင့် ထိုက်သင့်သည့်သူများ ချီးမြှင့်ခြင်းအထိ ပြဋ္ဌာန်းပေးထားပါတယ်။ အဲဒါကြောင့် ကျွန်တော်တို့တိုင်းပြည်မှာ ဥပဒေမလုံလောက်တာ မဟုတ်ပါဘူး။  ပြစ်မှုအရအရေးယူရမယ့် ဥပဒေ၊ ထိန်းချုပ်ဖို့ ဥပဒေပြဋ္ဌာန်းထားပြီး ဖြစ်ပါပြီ။

ဝမ်းနည်းစွာတင်ပြရရင် နိုင်ငံသားတွေက အခြေခံဥပဒေကပေးထားတဲ့ အခွင့်အရေးကို ငြင်းပယ်ခံနေရပါတယ်။ အားလုံးသိတဲ့အတိုင်းပဲ ယနေ့အချိန်ထိ ငွေများတရားနိုင်၊ ပုဒ်မလေးပေးမှလုပ်၊ ရေများများ လောင်းနိုင်ဖို့လိုတယ်ဆိုတဲ့ ဝေါဟာရတွေဟာ ပြည်သူလူထုနယ်ပယ်မှာ ဖြစ်ပေါ်နေတာကိုက ကျွန်တော်တို့ ပြုပြင်ပြောင်းလဲရေးကာလမှာ ပြင်ရမယ်ဆိုတာ အချက်ပြသတိပေးနေတာပါပဲ . . .
သို့သော် နိုင်ငံတော်သမ္မတကြီးမိန့်ခွန်းပြောပြီး နောက်ပိုင်းအထိ ကျွန်တော်တို့နိုင်ငံမှာ လာဘ်ပေး၊ လာဘ်ယူမှုနဲ့ပတ်သက်တဲ့သတင်းတွေ ကြားသိနေရပါတယ်။ ဒီဖြစ်ရပ်ကို ဘယ်လိုထိန်းချုပ် မယ်ဆိုတဲ့ အချက်ကိုပဲ အဓိကထားပြီး တင်ပြပါမယ်။ အခုဖွဲ့စည်းပုံမှာ နိုင်ငံသားတွေကို တူညီတဲ့အခွင့်အရေးရဖို့ နိုင်ငံသားအခွင့်အရေးပုဒ်မ ၃၄၉ မှာ ပြဋ္ဌာန်းထားပါတယ်။ ပြည်သူ့ဝန်ထမ်း တာဝန်ထမ်းဆောင်တဲ့အခါမှာ၊ အလုပ်လုပ်တဲ့အခါမှာ၊ စီးပွားရေးလုပ်ငန်းလုပ်တဲ့အခါမှာ၊ ကုန်သွယ်တဲ့အခါမှာ တူညီတဲ့အခွင့် အလမ်းတွေရရှိရမယ်လို့ ပြဋ္ဌာန်း ထားပါတယ်။ သို့သော်ဝမ်းနည်းစွာ တင်ပြရရင် နိုင်ငံသားတွေကအခြေခံ ဥပဒေကပေးထားတဲ့ အခွင့်အရေး ကို ငြင်းပယ်ခံနေရပါတယ်။ အား လုံးသိတဲ့အတိုင်းပဲ ယနေ့အချိန်ထိ ငွေများတရားနိုင်၊ ပုဒ်မလေး ပေးမှ လုပ်၊ ရေများများ လောင်းနိုင်ဖို့လိုတယ် ဆိုတဲ့ ဝေါဟာရတွေဟာ ပြည်သူလူထုနယ်ပယ်မှာ ဖြစ်ပေါ်နေတာကိုက ကျွန်တော်တို့ ပြုပြင်ပြောင်းလဲရေးကာလမှာ ပြင်ရမယ်ဆိုတာ အချက်ပြ သတိပေးနေတာပါပဲ။ ဒီနေ့ နိုင်ငံတကာရဲ့ ဖွင့်ဆိုချက်မှာ ၂၀၁၀ စီပီအိုင်ကနေ ၁၇၆ နိုင်ငံရဲ့ အဂတိလိုက်စားမှုကို ဖော်ပြတဲ့အခါမှာ ကျွန်တော်တို့ကို ဆိုးဆိုးရွားရွားအဆင့်မှာ သတ်မှတ်ထားပါတယ်။ အဲဒီတော့ နိုင်ငံတကာရင်းနှီးမြှုပ်နှံမှုတွေ ဖိတ်ခေါ်နေတဲ့အချိန်၊ လာရောက်ဖို့ လမ်းဖွင့်ပေးထားတဲ့အချိန်မှာ ဒီအစီရင်ခံစာတွေဟာ နိုင်ငံခြားရင်းနှီးမြှုပ်နှံမှုတွေကို အထိတ်တလန့် ဖြစ်စေပါတယ်။ သူတို့လာရောက်မယ့်နိုင်ငံရဲ့ အစီရင်ခံစာတွေကိုကြည့်ပြီး လက်တွန့် နေကြပါတယ်။ ခေတ်မီတဲ့ ဒီမိုကရေစီနိုင်ငံ ပေါ်ပေါက်လာဖို့ဆိုရင် လာဘ်ပေးလာဘ်ယူမှုကို တားရပါမယ်။ ကောင်းမွန်တဲ့ အုပ်ချုပ်ရေးဆိုတဲ့ကိစ္စမှာ အခုကျွန်တော်တင်ပြ ခဲ့တဲ့အဆိုက လာဘ်ပေးလာဘ်ယူမှုကို တိုက်ဖျက်ဖို့ လွတ်လပ်ပြီးတရားမျှတတဲ့ အမျိုးသားကော်မရှင် ဖွဲ့စည်းရေးဆိုတာ အဓိကကွင်းဆက်ကြီးဖြစ်နေပါတယ်''ဟု ၎င်းကပြောကြားခဲ့သည်။
''တချို့နိုင်ငံတွေမှာတော့ သမ္မတရုံးရဲ့ ထိန်းချုပ်မှုအောက်မှာထားပြီး ကော်မရှင်တွေနဲ့ အရေးယူဆောင်ရွက်တာကို တွေ့ရပါတယ်။ ဒါကြောင့် ဒီမှာတော့ သက်ဆိုင်ရာက လွတ်လပ်ပြီး အများယုံကြည်လက်ခံနိုင်တဲ့ အမျိုးသားအဂတိလိုက်စားမှု တားမြစ်ရေး ကော်မရှင်တစ်ရပ် ဖွဲ့စည်းပေးဖို့ တင်ပြအပ်ပါတယ်''ဟု ဦးသိန်းညွန့်က ပြောကြားခဲ့သည်။ ဦးသိန်းညွန့်၏ အဆိုကို လွှတ်တော်မှလက်ခံဆွေး နွေးရန်သင့်၊ မသင့် အဆုံးအဖြတ်ရ ယူရာတွင် ပြည်သူ့လွှတ်တော်ကိုယ်စားလှယ်များက သဘောတူသဖြင့် လက်ခံဆွေးနွေးသွားမည်ဖြစ်ကြောင်း ကြေညာခဲ့သည်။
EMG

အမျိုးသားဒီမိုကရေစီအင်အားစုပါတီမှ မဲဆွယ်စည်းရုံးရေးခရီးစဉ်ကို ဖေဖော်ဝါရီလကုန်ပိုင်း၌ စတင်မည်

အမျိုးသားဒီမိုကရေစီအင်အားစုပါတီမှ ကြားဖြတ်ရွေးကောက်ပွဲတွင် ယှဉ်ပြိုင်ရန်အတွက် မဲဆွယ်စည်းရုံးရေးလုပ်ငန်းများကို ဖေဖော်ဝါရီလ လကုန်ပိုင်း၌ စတင်မည်ဖြစ်ကြောင်း သိရသည်။
ပြည်ထောင်စု ရွေးကောက်ပွဲကော်မရှင်မှ လွှတ်တော်ကိုယ်စားလှယ်လောင်းများ၏ အမည်စာရင်းကို တရားဝင်ထုတ်ပြန်ပြီးမှသာ လွှတ်တော်ကိုယ်စားလှယ်လောင်းများအနေဖြင့် စည်းရုံးရေးကို စတင်လုပ်ဆောင်မည်ဖြစ်ကြောင်း သိရသည်။

''လက်ရှိမှာတော့ သက်ဆိုင်ရာ နယ်မြေကတာဝန်ရှိသူတွေက ပါတီအနေနဲ့ ပါတီစည်းရုံးရေးကို စတင်လုပ်ဆောင်နေပါပြီ။ ကိုယ်စားလှယ်တွေကတော့ စာရင်းထွက်ပြီးမှ နယ်မြေကိုလေ့လာပြီး စပြီးဆင်းကြမှာပါ။  ဖေဖော်ဝါရီလ နောက်ဆုံးအပတ်လောက် စဖြစ်မယ်လို့ ထင်ပါတယ်။ လူထုဟောပြောပွဲတွေအနေနဲ့ကတော့  ဒေသအပေါ်မူတည်ပြီးပဲ လုပ်ဖြစ်မှာပါ။ အခုကြားဖြတ်ရွေးကောက်ပွဲမှာ ၁၃ နေရာပဲ ၀င်ပြိုင်မှာဖြစ်လို့ အတတ်နိုင်ဆုံး လုပ်ဆောင်သွားကြမှာပါ။ စည်းရုံးရေးမှာ အဓိကကတော့ လွှတ်တော်ထဲမှာ ဆောင်ရွက်ပေးနိုင်တဲ့ အရာတွေ၊ လုပ်ဆောင်ခဲ့တဲ့အရာတွေနဲ့ လွှတ်တော်ကိုယ်စားလှယ်လောင်းတွေရဲ့ အရည်အချင်းတွေ အဓိကထား မဲဆွယ်သွားမှာပါ''ဟု အမျိုးသားဒီမိုကရေစီအင်အားစုပါတီမှ အတွင်းရေးမှူး ဒေါက်တာဝင်းနိုင်က ပြောပါသည်။

အမျိုးသားဒီမိုကရေစီအင်အားစုပါတီအနေဖြင့် ကြားဖြတ်ရွေးကောက် ပွဲတွင်ပြည်သူ့လွှတ်တော်မဲဆန္ဒနယ် ၁၃ နေရာ၌ ၀င်ရောက်ယှဉ်ပြိုင်မည် ဖြစ်သည်။ ၂၀၁၂ ခုနှစ် ဧပြီလ ၁ ရက်နေ့တွင် ကျင်းပမည့် ကြားဖြတ် ရွေးကောက်ပွဲများအတွက် ကျင်းပပြုလုပ်မည့် မဲဆန္ဒနယ်များမှာ ပြည် သူ့လွှတ်တော် မဲဆန္ဒနယ် ၄၀၊ အမျိုးသားလွှတ်တော်မဲဆန္ဒနယ် ခြောက်နယ်နှင့် တိုင်းဒေသကြီးလွှတ်တော် မဲဆန္ဒနယ် နှစ်နယ်တို့ဖြစ်ကြောင်း သိရသည်။
ပြည်ထောင်စုရွေးကောက်ပွဲကော်မရှင်သည် ပါတီများအနေဖြင့် မိမိတို့ စည်းရုံးထားသည့် မဲဆန္ဒရှင်များ၏ အမည်များကို သက်ဆိုင်ရာမဲစာရင်းတွင် ပါရှိစေရေး ပူးပေါင်းဆောင်ရွက်ပေးကြရန် နှိုးဆော်ထားကြောင်း သိရှိရပါသည်။
EMG

တစ်လကျပ်တစ်သိန်းဖြစ်သင့်ကြောင်း ပြည်သူ့လွှတ်တော်ဥက္ကဋ္ဌ ဆို

ဓါတ်ပုံ(EMG)
ပြည်သူ့ဝန်ထမ်းများအတွက် လုပ်ခလစာများအား အနိမ့်ဆုံး ပျမ်းမျှ တစ်လကျပ်တစ်သိန်းနှုန်းဝန်းကျင် ဖြစ်သင့်ကြောင်း၊ ထိုက်သင့်သော အခွန်နှုတ်ပယ်ပါက တစ်လရှစ်သောင်း၊ ကိုးသောင်းကျပ်ပေးသင့်ကြောင်း၊ ငွေကြေးအလုံအလောက် အဆင်မပြေသေးပါက ဖြစ်နိုင်သလောက် တိုးမြှင့်ပေးသင့်ကြောင်း ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြည်ထောင်စုလွှတ်တော်နာယကထံ ဖေဖော်ဝါရီ လ ၂၁ရက်နေ့က ပေးပို့သည့် သ၀ဏ်လွှာတွင် ထည့်သွင်းပြောကြားခဲ့သည်။
ပြည်သူ့လွှတ်တော်ဥက္ကဋ္ဌသူရ ဦးရွှေမန်းက ''မိမိအနေဖြင့် ၇-၂- ၂၀၁၂ ရက်နေ့က ပြည်ထောင်စုလွှတ်တော်သို့ တင်ပြချက်နှင့် အဆိုပြုချက်များကို ကန့်ကွက်သူမရှိ အားလုံးထောက်ခံခဲ့ပါသည်။ သို့ရာတွင် ၁၆- ၂-၂၀၁၂ ရက်နေ့က နိုင်ငံတော်သမ္မတကိုယ်စား ပြည်ထောင်စုဝန်ကြီးများမှ ပြည်ထောင်စုလွှတ်တော်သို့ ပြန်လည်ရှင်းလင်းတင်ပြချက်များမှာ အကျဉ်းချုပ်အားဖြင့် ၀န်ထမ်းများအား လစာတိုးပေးလိုသော်လည်း လက်ရှိအခြေအနေအရ တိုးမြှင့်ပေးနိုင်ခြင်းမရှိဘဲ ဝေးလံခေါင်သီသော ဒေသများသို့ သွားရောက်တာဝန်ထမ်း ဆောင်သူများ၏ လစာငွေကိုတိုးမြှင့်ပေးရန် စီစဉ်ပေးမည်ဖြစ်ကြောင်း တင်ပြခဲ့ပါသည်။ ထိုသို့တင်ပြချက်များမှာ အုပ်ချုပ်ရေးအဖွဲ့က တင်ပြထားသော စီမံကိန်းများ၊ ပရောဂျက်များအတိုင်း ပြည်ထောင်စုလွှတ်တော်က သဘောတူခွင့်ပြုရေး၊ ဥပဒေပြုပေးနိုင်ရန်နှင့် ထိုဥပဒေအတိုင်း ဆောင်ရွက်သွားမည်ဟု သဘောပါရှိပါသည်။
ထိုဥပဒေပြုရေးတာဝန်သည် ပြည်ထောင်စုလွှတ်တော်၏ အဓိကတာဝန်ဖြစ်ပြီး ပြဋ္ဌာန်းအတည်ပြုထားသော ဥပဒေများအတိုင်း သက်ဆိုင်သူများ၊ အဖွဲ့အစည်းများက ဥပဒေနှင့်အညီ ညီညွတ်စွာ လုပ်ဆောင် ခြင်း ရှိ မရှိကို ဖွဲ့စည်းထားသော ကော်မတီ၊ ကော်မရှင်များက စောင့်ကြည့် လေ့လာသုံးသပ်ဆောင်ရွက်စေရန် ဖြစ်ပါသည်။ ထို့ကြောင့် တင်ပြလာသော စီမံကိန်းများ၊ ပရောဂျက်များကို စိတ်ကောင်းစေတနာဖြင့် ပြည်သူ့အကျိုး နိုင်ငံအကျိုးအတွက် ပြည်သူ့ဘဏ္ဍာငွေများကို စနစ်တကျ မှန်မှန်ကန်ကန် အသုံးပြုကြစေရန် ဥပဒေပြုအဖွဲ့အစည်းများက စောင့်ကြည့်လေ့လာသုံးသပ်ပြီး ဆောင်ရွက်ကြရမည် ဖြစ်ပါသည်။ လွှတ်တော်ကျင်းပနေသည့် ယနေ့ကာလတွင် ယင်းကိစ္စကို အရေးကြီးလုပ်ငန်းတာဝန်တစ်ရပ်အဖြစ် အချိန်ပေးပြီး စေ့စေ့စပ်စပ် လေ့လာဆောင်ရွက်ရမည့်အချိန်လည်း ဖြစ်ပါသည်။ စိစစ်လေ့လာသုံးသပ်ချက်များအရ ပိုထွက်လာသောငွေများကို ပြည်သူ့ဝန်ထမ်းများအား  ၎င်းတို့ အခြေခံစားဝတ်နေရေးအတွက် လုပ်ခ၊ လစာများ သတ်မှတ်ဆောင်ရွက်ပေးရန်ဖြစ်သည်ဟု အစိုးရအဖွဲ့က ခံယူဆောင်ရွက်ရမည် ဖြစ်ပါသည်။
ယနေ့ နေပြည်တော်အတွင်းရှိ အလုပ်သမားများ၏ လုပ်ခများကို လေ့လာတင်ပြလိုပါသည်။ လုပ်ငန်းစတင်ဝင်ရောက်လုပ်ကိုင်သည့် အလုပ်ကြမ်းသမားတစ်ယောက်၏ တစ်ရက်လုပ်ခ ကျပ် ၂၀၀၀ နှုန်း ဖြစ်ပြီး တစ်လကျပ်ခြောက်သောင်း၊ လုပ်သက်တစ်နှစ်၊ နှစ်နှစ်ရှိ အလုပ်ကြမ်းသမားတစ်ယောက်၏ တစ်ရက်လုပ်ခ ကျပ် ၃၀၀၀၊ တစ်လ ကျပ် ၁၀၀၀၀၀၊ လုပ်သက်နှစ်နှစ် သုံးနှစ်ရှိ အလုပ်ကြမ်းသမားတစ်ယောက်၏ တစ်ရက်လုပ်ခ ကျပ် ၄၀၀၀၊ တစ်လကျပ် ၁၂၀၀၀၀၊ လုပ်သက်သုံးနှစ်၊ လေးနှစ်၊ ငါးနှစ်ရှိ အလုပ်ကြမ်းသမားတစ်ယောက်၏ တစ်ရက်လုပ်ခ ကျပ် ၅၀၀၀  တစ်လ ကျပ် ၁၅၀၀၀၀ ရရှိသည်။
ထို့ကြောင့် ပြည်သူ့ဝန်ထမ်းများအတွက် လုပ်ခလစာများအား နိုင်ငံတော်တွင် ငွေကြေးလုံလောက်အဆင်ပြေလျှင် အနိမ့်ဆုံးပျမ်းမျှ တစ်လကျပ်တစ်သိန်းနှုန်းဝန်းကျင် ဖြစ်သင့်ပါသည်။ အနိမ့်ဆုံးလစာ ကျပ်တစ်သိန်း ၀န်းကျင်ရရှိသောသူအား ထိုက်သင့်သောအခွန်နှုတ်ပယ်ပါက တစ်လ ကျပ်ရှစ်သောင်း ကိုးသောင်း ပေးသင့်ပါသည်။ ငွေကြေးအလုံအလောက် အဆင်မပြေသေးပါက ဖြစ်နိုင်သလောက် တိုးမြှင့်ပေးသင့်ပါသည်။ ထိုသို့ လစာငွေအနိမ့်ဆုံးပေးရန်အတွက် နိုင်ငံတော်အစိုးရ၏ အုပ်ချုပ်ရေးအဖွဲ့က ပြည်ထောင်စုလွှတ်တော်သို့ တင်ပြလာသော စီမံကိန်းများ၊ လုပ်ငန်းပရောဂျက်များနှင့် လောလောဆယ်ဆောင်ရွက်ရန် မသင့်သေးသော စီမံကိန်း၊ လုပ်ငန်းများကို ငြင်းပယ်ခြင်း၊ ဆိုင်းငံ့ခြင်း၊ လျော့၍ခွင့်ပြုခြင်းများ ပြုလုပ်ရပါမည်၊ အစိုးရကိုယ်တိုင် လုပ်ဆောင်ရန်မသင့်သော လုပ်ငန်းစီမံကိန်းများအား FDI,BBB  သို့မဟုတ် ပုဂ္ဂလိကများသို့ လွှဲပြောင်းလုပ်ကိုင်စေခြင်း၊ စီမံကိန်းလုပ်ငန်းများအား အချိန်ဆွဲလုပ်သင့်သည့် ကိစ္စရပ်များကို အချိန်ဆွဲလုပ်ဆောင်စေခြင်းများမှ ပေါ်ထွက်လာသောငွေများကို ၀န်ထမ်းလစာအဖြစ် ပြောင်းလဲပေးလျှင် ရာခိုင်နှုန်းတစ်ခုအထိ လာမည့် ၂၀၁၂- ၂၀၁၃ ခုနှစ် ဘတ်ဂျက်အစကတည်းက လ စာများတိုးမြှင့်နိုင်မည်ဟုတွေ့မြင် သိ ရှိထားပါသည်။ ၎င်းစီမံကိန်းလုပ် ငန်းများမှာ စက်မှုဖွံ့ဖြိုးရေးစီမံကိန်း နှင့် နေပြည်တော်ဖွံ့ဖြိုးရေးစီမံကိန်း တို့ဖြစ်ပြီး ဆက်လက်စိစစ်ပါက ပေါ် ထွက်လာနိုင်သော အခြားစီမံကိန်း များလည်းရှိနိုင်ပါသည်။
ထို့ပြင် ၀င်ငွေတိုးတက်အောင် ဆောင်ရွက်ခြင်းတွင် အခွန်ဝင်ငွေတိုးတက်ရရှိရေးအတွက် အခွန်ဥပဒေများနှင့် အခွန်ကောက်ခံမှုစနစ်များအား ကောင်းမွန်ရေး၊ အများပြည်သူများအား အခွန်ထမ်းဆောင်လိုစိတ်ရှိသော၊ ထမ်းဆောင်နိုင်သော ၀င်ငွေ၊ လုပ်ခ၊ လစာများကို သတ်မှတ်ပေးရေးနှင့် အခွန်ကောက်ခံမှုစနစ်ဥပဒေကို အမြန်ဆုံးတင်ပြဆောင်ရွက်နိုင်ရေးအတွက် လွှတ်တော်က တိုက်တွန်းသွားရန်လည်း မိမိကအဆိုပြုလိုပါသည်။ ပြည်သူများ၏ ဘဏ္ဍာငွေများကို ပြည်သူ့ကိုယ်စားလှယ်များက သေချာစွာစစ်ဆေးပြီး မသုံးသင့်သည်များ၊ မကုန်သင့်သည်များကို စနစ်တကျ ပြည်ထောင်စုလွှတ်တော်မှစိစစ်ဆောင် ရွက်ပေးပါက ၀န်ထမ်းများ၏လစာ နှင့်စရိတ်အားအတိုင်းအတာတစ်ခုအထိ အမှန်တကယ် တိုးမြှင့်ပေးနိုင်မည် ဖြစ်ပါသည်။ ၀န်ထမ်းကောင်းမှ အစိုးရကောင်းမှာဖြစ်သလို အစိုးရကောင်းမှ နိုင်ငံနှင့်ပြည်သူများအ ကျိုးခံစားခွင့်ရမည်ဖြစ်ပြီး ၀န်ထမ်းများကို နိုင်ငံတော်၏ ဥပဒေပြုရေးအဖွဲ့၊ အုပ်ချုပ်ရေးအဖွဲ့များမှ စေတနာထား အသိအမှတ်ပြုမှုကို လက်တွေ့ခံစားရရှိကာ စိတ်ဓာတ်နှင့်စည်းကမ်း ကောင်းမွန်စွာဖြင့် နိုင်ငံတော်တည်ဆောက်ရေးတွင် စွမ်းအင်များ တိုးမြှင့်ရရှိ လာမည်ဖြစ်ပါသည်။ သို့ဖြစ်ပါ၍ ယခုကျင်းပနေသော ပြည်ထောင်စုလွှတ်တော်ကြီးက နိုင်ငံတော်အစိုးရ အုပ်ချုပ်ရေးအဖွဲ့မှ တင်ပြလာသော အမျိုးသားစီမံကိန်းနှင့် ပြည်ထောင်စု ဘဏ္ဍာငွေအရအသုံးဆိုင်ရာ ဥပဒေကြမ်းများအား စေတနာအမှန်ဖြင့် လေ့လာသုံးသပ်၍ နိုင်ငံတော်နှင့် ပြည်သူများ အကျိုးစီးပွား နိုင်ငံဂုဏ်၊ ပြည်ထောင်စုလွှတ်တော်၏ဂုဏ်၊ ပြည်ထောင်စုလွှတ်တော်ကိုယ်စားလှယ်များ၏ဂုဏ်ကို ဖော်ဆောင်ပေးရန်လိုအပ်ကြောင်း သ၀ဏ်လွှာပေးပို့ပါသည်''ဟု ပြောကြားခဲ့သည်။    
EMG

ကော့မှုးမြို့နယ်၊ဝါးဘလောက်သောက် ကျေးရွာ တွင် ဒေါ်အောင်ဆန်းကြည် ပြောကြားခဲ့သည့် မိန့်ခွန်း (ရုပ်/သံ)

ကော့မှုးမြို့နယ်၊ဝါးဘလောက်သောက် ကျေးရွာတွင် ဒေါ်အောင်ဆန်းစုကြည် မိန့်ခွန်းပြောကြားစဉ်။
ဖေဖော်ဝါရီ ၂၁ ရက်နေ့က ကော့မှုးမြို့နယ်၊ဝါးဘလောက်သောက် ကျေးရွာ
တွင် ဒေါ်အောင်ဆန်းကြည် ပြောကြားခဲ့သည့် မိန့်ခွန်း (ရုပ်/သံ)
 
Yangon Media Group

ဒေါ်စု မြစ်ကြီးနားခရီးစဉ်လိုက်ပါမည့် သတင်းထောက်များ ရန်ကုန်လေဆိပ်မှာစောင့်ဆိုင်းနေ (ဓါတ်ပုံ)

Burma Bgan သုံးပြီး အင်တာနက်သုံးနေတဲ့ သတင်းထောက်များ ဒေါ်အောင်ဆန်းစုကြည် ရဲ့ မြစ်ကြီးနား ခရီးစဉ်ကိုလိုက်ဖို့ ရန်ကုန် လေဆိပ်မှာ စောင့်နေစဉ်။
ဓါတ်ပုံ- Soe Zeya Tun - Facebook

MRTV ကို ၀န်ကြီးဦးကျော်ဆန်း နှင့် Forever Company ကသိမ်းပိုက်ထား

Forever Company က  သိမ်းပိုက်ထားတဲ့ MRTV
"MRTV-4 အမည်ခံနှင့်ထုတ်လွှင့်နေတဲ့ Forever Company မှာ ၀န်ကြီး
ဦးကျော်ဆန်း ရဲ့  ရှယ်ယာတွေအများဆုံးပါဝင်နေကြောင်းသိရပါတယ်။


ပြန်ကြားရေးဝန်ကြီးဦးကျော်ဆန်း ဟာ မြန်မာ့အသံဝန်ထမ်းတွေကို တပ်ကုန်းမြို့ ပို့ပြီး ရန်ကုန် - ပြည်လမ်းပေါ်က မြန်မာ့အသံရုံးကြီးကတော့ သူပိုင်တဲ့ Forever Company
ရုံး အဖြစ်အသုံးပြုနေတယ်လို့ MRTV ၀န်ထမ်းတဦးက Myanmar News Now ကိုပြောပါတယ်။


ရုံးဝင်းထဲကအဆောက်အအုံတွေကိုလည်း ငှားစားထားသလား ၊ ရောင်းစားထားသလားသေချာမသိရ
သေးပေမယ့်  Forever Company ကပဲ အဲဒီအဆောက်အဦးတွေကို ချယ်လှယ်နေတယ်လို့ လည်း 
သိရပါတယ်။

Forever Company က CEO ဆိုသူ ဦးဝင်းမော် ကလည်း ၀န်ကြီးဦးကျော်ဆန်း
 ကျောထောက်နောက်ခံနဲ့ MRTV က DG အပါအ၀င် ညွှန်မှူးအားလုံးကို အမိန့် ပေး 
ခိုင်းစေနေတယ်ပါတယ်။  

MRTV က ညွှန်မှူးတွေဟာ ကိုယ့်ဝန်ထမ်းတွေကို ကိုယ်ကနှိပ်ကွပ်ရုံမက
အပြင်Company ကပါ အနိုင်ကျင့်နေတာမြင်လျက်နဲ့ မျက်နှာလွှဲနေကြတဲ့ အကြောင်းလည်း 

MRTV ၀န်ထမ်းက ပြောပါတယ်။
 
အခုနောက်ဆုံးဖြစ်ရပ်ကတော့ မြန်မာ့အသံဝင်းအတွင်းက အပျိုဆောင်(၂)ဆောင်နေရာမှာ
Forever Company က MMTC သင်တန်းကျောင်းဆောက်ချင်လို့ဆိုပြီး 
အပျိုဆောင်က၀န်ထမ်းတွေကို နယ်နှင်ဒဏ်ပေးလိုက်ခြင်းပဲဖြစ်ပါတယ်။ 

အဆောင် အစားပြန်ဆောက်ပေးထားတယ်ဆိုပေမယ့်  ချောင်ထဲမှာပဲ
ပြန်ဆောက်ပေးထားတာပါ။  ဒါပေမယ့် အပျိုတစ်ယောက် နေဖို့ရတဲ့ နေရာက (၄)ပေသာသာပဲ
ရှိပါတယ်။
တကယ်တော့ မြန်မာ့အသံဝန်ထမ်းတွေဟာ အစိုးရလက်ကိုင်တုတ်ရယ်လို့
ပြည်သူကလည်းမုန်း ၀န်ကြီးကလည်း မျက်နှာသာမပေးတဲ့အပြင်
Forever Company ကလည်း
အရေးမစိုက်၊ ထင်ရာလုပ် ညွှန်မှူးများကလည်း မျက်မမြင်နားမကြား လုပ်နေတာကိုခံနေရတဲ့
အကြောင်း MRTV ၀န်ထမ်းက Myanmar News Now ပြောပြပါတယ်။

သစ်ထူးလွင် (Myanmar News Now)

ကြံ့ဖွံ့ပါတီ၏ ရွေးကောက်ပွဲအောင်နိုင်ရေး အစည်းအဝေး လျှိုဝှက်စာတမ်း

ပြည်သူတွေရဲ့ သဘောထားကို ရှင်းရှင်းလင်းလင်းသိရှိနိုင်အောင် ဒီဓါတ်ပုံလေးကိုပါ ပူးတွဲ ဖော်ပြပေးလိုက်ပါတယ်။ ဓါတ်ပုံ (ဘားမားဗီဂျေ)
ကြံ့ဖွံ့ပါတီ၏ ရွေးကောက်ပွဲအောင်နိုင်ရေး အစည်းအဝေး စာတမ်းပါ။ ဒီစာတမ်းမှာ စာမျက်နှာ(၁၃)မျက်နှာပါရှိပါတယ်။ ပါတီတွင်း လုပ်ငန်းစဉ်တွေ၊ ပြည်သူတွေအပေါ်ဘယ်လိုသဘောထားရမယ်၊ ငွေကြေးသုံးစွဲမှုစတာတွေအပြင် လူဦးရေစရင်း ၊ အိမ်ခြေစရင်း ၊ အိမ်ထောင်စုစရင်း၊ မဲဆန္ဒရှင်(၁၈)နှစ်အထက် စရင်းများကောက်ယူဖို့ လည်း ညွှန်ကြားထားပါတယ်။ NLD ပါတီအပေါ်ဘယ်လိုသဘောထားတယ်ဆိုတာအပါအ၀င် အကြောင်းအရာများစွာပါရှိတဲ့ စာတမ်းဖြစ်တာကြောင့် စိတ်ဝင်စားသူများလေ့လာနိုင်အောင်တင်ပြပေးလိုက်ပါတယ်။
 Myanmar News Now
usdp2

ဒေါ်အောင်ဆန်းစုကြည် ၏ မိသားစုဝင် အမိုး ဒေါ်သန်းသန်းလေးရဲ့ ဝမ်းသာစကား

အမိုး ဒေါ်သန်းသန်းလေး

ဒေါ်အောင်ဆန်းစုကြည် ၏ မိသားစုဝင်များ
အမျိုးသားဒီမိုကရေစီ အဖွဲ့ ချုပ် ဥက္ကဌ ဒေါ်အောင်ဆန်းစုကြည် ကြားဖြတ် ရွေးကောက်ပွဲ ၀င်ရောက်ယှဉ်ပြိုင် ဖို့ အတွက် ရန်ကုန်တိုင်းဒေသကြီး၊ ကော့မှူးမြို့ နယ်၊ ၀ါးသင်္ခ ကျေးရွာ မှာ ဒေါ်သန်းသန်းလေး အိမ်တွင် အိမ်ထောင်စု သန်းခေါင်စာရင်းဝင်ခဲ့သည်။ အခုလို သန်း ခေါင်စာရင်း ၀င်ခဲ့တဲ့ အတွက် မိသားစုဝင်ဖြစ်ကြတဲ့ အမိုး ဒေါ်သန်းသန်းလေး ရဲ့ ဝမ်းသာ ပီတိသံကို မေးကြည့်ရာ " " ဒီအိမ်မှာက မိသားစုဝင် စုစုပေါင်း ( ၉ ) ယောက်ရှိပါတယ်။ အကြီးဆုံးက ရီရီလွင်၊ ကျော်ဦးလွင်၊ နော်ကူးမ၊ ကျော်စွာမင်း၊ နော်ဖောလ၊ မယ်ပွား၊ မီးမီးပွား တို့ ဖြစ်ပါတယ်။ အခုဆိုရင် ဒေါ်အောင်ဆန်းစုကြည် တိုးလာပြီ။ အဲဒီအပေါ်မှာလည်း အရမ်းဝမ်းသာသလိုကျေးဇူးလည်းတင်တယ်၊ ၀ါသင်္ခရွာအနေနဲ့လည်း ဂုဏ်ယူတယ်၊ ၀မ်းလည်းသာသလို အားလည်းပေးကြတယ်၊ ကရင်တွေပီပီ တစ်ဦးချင်းမဟုတ်ပဲ အားလုံးတစ်ညီတစ်ညွတ်တည်း အားပေးကြတယ်၊ ဒီအ်ိမ်ကို ဒေါ်အောင်ဆန်းစုကြည် တစ်ကြိမ်ပဲရောက်ဖူးသေးတယ်၊ သူ့ ကိုတွေ့ တွေ့ ချင်းအရမ်းဝမ်းသာတယ်၊ သူကလည်း ဒီအိမ်မှာ မိသားစုဝင်ဖြစ်တဲ့အတွက် ကျေးဇူးတင်တယ်လို့ ပြောပါတယ်။ အဲဒီနေ့ က သူအများကြီးပြောတယ်” လို့ ပြောပါတယ်။ ဆက်လက်ပြီး ဒေါ်သန်းသန်းလေးက ပိုးကရင်ဘာသာစကားဖြင့် “ဆခုတ်ဆတား” (ကျေးဇူးတင်ပါတယ်) လို့  ပေါ်ပြူလာဂျာနယ်ကို ပြောကြားခဲ့ပါတယ်။ 
ပေါ်ပြူလာဂျာနယ်

မြစ်ဆုံနှင့် စစ်ပြေးဒုက္ခသည်အရေး ၈၈ တို့ ကချင်ပြည် သွားမည်

 ကချင်ပြည်နယ် မြစ်ဆုံရေကာတာ စီမံကိန်းနှင့် ပတ်သက်သည့် မြစ်ကြီးနားမြို့နယ် ဆုတောင်းပွဲသို့ ၈၈ မျိုးဆက် ကျောင်းသားခေါင်းဆောင်များ ဖေဖေါ်ဝါရီ ၂၃ ရက်နေ့တွင် သွားရောက်ကြမည်ဟု သိရသည်။

မြစ်ဆုံစီမံကိန်းရှိရာ တန်ဖရဲကျေးရွာတွင် ဖေဖော်ဝါရီလ ၂၄ ရက်နေ့၌ ကျင်းပရန်ရှိသည့် အဆိုပါ ဆုတောင်းပွဲမှာ စီမံကိန်းကို ရပ်ဆိုင်းပေးလိုက်သည့်အတွက် အစိုးရကို ကျေးဇူးတင်ကြောင်းနှင့် နောက်တကြိမ် ရေကာတာ စီမံကိန်း များ မပြုလုပ်ရန်အတွက် ဒေသခံများက ဆုတောင်းပွဲကျင်းပရခြင်း ဖြစ်သည်ဟု ၈၈ ကျောင်းသားခေါင်းဆောင် ကိုမြအေးက ပြောသည်။

“မြစ်ဆုံစီမံကိန်း ရပ်ဆိုင်းလိုက်တဲ့အပေါ်မှာ ကျေးဇူးတင်တယ်ဆိုပြီးတော့ ကချင်လူငယ်တွေ၊ ကချင်လူကြီးတွေ၊ ရပ်ဖိရပ်ဖတွေက ဖိတ်ကြားတဲ့ အတွက်ကြောင့် သွားမှာဖြစ်ပါတယ်” ဟု ပြောသည်။
88881
မြစ်ဆုံရေကာတာ စီမံကိန်းနှင့် ပတ်သက်သည့် မြစ်ကြီးနားမြို့နယ် ဆုတောင်းပွဲသို့ ၈၈ မျိုးဆက် ကျောင်းသားခေါင်းဆောင်များ သွားရောက်ကြမည် (ဓါတ်ပုံ မဇ္ဈိမ)

စီမံကိန်းကြောင့် ပြောင်းရွှေ့ခံရသော ဒေသခံများ၊ မြစ်ကြီးနားမြို့ လူငယ်များ၊ ရပ်မိရပ်ဖများက ဘာသာပေါင်းစုံ စုပေါင်း၍ ဆုတောင်းကြမည် ဖြစ်သည်။

၈၈ မျိုးဆက်ကျောင်းသားများနှင့် စာနယ်ဇင်းသမားများက မြစ်ဆုံရေကာတာ စီမံကိန်း ရပ်ဆိုင်းရေးအတွက် လှုပ်ရှား ခဲ့ကြသဖြင့် ယင်းတို့ကို ဖိတ်ခေါ်ရခြင်းဖြစ်ပြီး မြစ်ကြီးနား မြို့ပေါ်ရှိ စစ်ပြေး ဒုက္ခသည်များကိုလည်း လာရောက်အားပေး ကူညီနိုင်မည် ဖြစ်၍ ဖိတ်ခေါ်ရခြင်း ဖြစ်သည်ဟု ဆုတောင်းပွဲ ဖြစ်မြောက်ရေး ကော်တီဝင် တဦးက မဇ္ဈိမကို ပြောသည်။

“သူတို့တွေက ဒီကိုလာတဲ့အတွက် ကချင်စစ်ပြေးဒုက္ခသည်တွေကို အားပေးကူညီမှုတွေ ရှိတယ်ဆိုတဲ့ ခေါင်းစဉ်ဘဲ။
မြစ်ဆုံရေကာတာ ရပ်ဆိုင်းဖို့ သူတို့ကူညီလို့ ရပ်ဆိုင်းသွားတယ်။ ကျနော်တို့ ကချင်ပြည်နယ် ငြိမ်းချမ်းရေးအတွက် သူတို့လည်း ပါဝင်ကူညီနိုင်မယ်လို့ မျှော်လင့်တယ်”ဟု သူက ပြောသည်။

ကိုမင်းကိုနိုင်၊ ကိုကိုကြီး၊ ကိုဌေးကြွယ်၊ ကိုမင်းဇေယျ၊ ကိုမြအေး၊ ကိုဂျင်မီတို့ အပါအဝင် ၈၈ မျိုးဆက် ကျောင်းသား
ခေါင်းဆောင် ၁၆ ဦးက ဧရာဝတီ မြစ်ဆုံရေကာတာ စီမံကိန်းကြောင့် နေရာရွေ့ပြောင်း ခံခဲ့ရသော ဒေသခံများ၊ ကချင်စစ်ပြေး ဒုက္ခသည်များနှင့် ထပ်တူထပ်မျှ ခံစားရကြောင်းနှင့် တသားတည်း ရှိနေကြောင်းကို ပြသလိုခြင်းနှင့် ငြိမ်းချမ်းရေး ရရှိရေးလိုလားခြင်းကို ပြသလိုခြင်း ဖြစ်သည်ဟု ကိုမြအေးက မဇ္စျိမကို ပြောသည်။

“ကျနော်တို့သွားတာ ပွဲသတ်သတ်မဟုတ်ပါဘူး။ ကျနော်တို့က စစ်ပြေးဒုက္ခသည်တွေကို ငွေကြေးအရ ရုပ်ဝတ္ထုပစ္စည်း အရ ကျနော်တို့ ဘားမှ ပေးနိုင်စရာ မရှိဘူး။ ကျနော်တို့ ပေးနိုင်တာက စိတ်ဓါတ် ခွန်အားပါ”ဟု ကိုမြအေးက ပြော သည်။”

ထို့ပြင် တိုင်းပြည် ငြိမ်းချမ်းရေးအတွက် မြန်မာအစိုးရနှင့် ကချင်လွတ်မြောက်ရေးအဖွဲ့ KIO တို့အကြား အပစ်အခတ် ရပ်ဆိုင်းရေးအတွက် ကြားဝင် စေ့စပ်ပေးရန် အဆင်သင့်ရှိနေကြောင်း ကိုမြအေးက ပြောသည်။

“စစ်ရပ်ဆိုင်းဖို့အတွက် အစိုးရကိုရော KIO ကိုရော ကျနော်တို့ ဘာလုပ်ပေးရမလဲ။ ကျနော်တို့ကို ဘယ်သူကဘဲ ခိုင်းမယ်ဆိုရင် လုပ်ဖို့ ကျနော်တို့ အသင့်ပါ။ ကျနော်တို့ အနေနဲ့ ငြိမ်းချမ်းရေး လိုချင်တယ်။ ကြားဝင်ပေးဖို့ လိုလား တယ်ဆိုရင် ကျနော်တို့ ဝင်မှာပါ”ဟု သူက ဆက်ပြောသည်။

အစိုးရနှင့် KIO တို့ အပစ်အခတ် ရပ်ဆိုင်းရေးအတွက် ဖေဖေါ်ဝါရီလကုန်ပိုင်းတွင် တရုတ်နိုင်ငံအတွင်း ထပ်မံ တွေ့ဆုံ ရန်ရှိကြောင်း သတင်းများထွက်ပေါ်နေစဉ် ဒေါ့ဖုန်းယန်မြို့နယ်ခွဲတွင် လွန်ခဲ့သည့် အပါတ်က တိုက်ပွဲများ ဖြစ်ပွားခဲ့
သေးကြောင်း သိရသည်။

ဖေဖော်ဝါရီလ ၂၃ ရက်နေ့တွင် ကျောင်းသားခေါင်းဆောင်များအားလုံး ရန်ကုန်မြို့မှ မြစ်ကြီးနားမြို့သို့ လေယာဉ်ဖြင့် သွားကြမည် ဖြစ်သည်။

အမျိုးသားဒီမိုကရေစီအဖွဲ့ချုပ်၏ ကချင်ပြည်နယ် ရွေးကောက်ပွဲအောင်နိုင်ရေး အတွက် ပါတီဥက္ကဋ္ဌ
ဒေါ်အောင်ဆန်းစုကြည်ကလည်း ဖေဖေါ်ဝါရီလ ၂၃-၂၄ ရက်နေ့များတွင် မြစ်ကြီးနားမြို့သို့ သွားရောက်ရန် စီစဉ်ထားကြောင်း သိရသည်။

ဖေဖေါ်ဝါရီလ ၂၅ ရက်နေ့တွင် ကိုမင်းကိုနိုင် နှင့် တချို့က မန္တလေးမြို့သို့ ပြန်မည်ဖြစ်ပြီး ကိုမြအေး အပါအဝင် ၇ ဦး မှာ ဖေဖော်ဝါရီလ ၂၈ ရက်နေ့တွင် ရန်ကုန်မြို့သို့ ပြန်မည် ဖြစ်ကြောင်း သိရသည်။

ရန်ကုန်မြို့မှ စာနယ်ဇင်းသမားများကိုလည်း ဆုတောင်းပွဲ တက်ရောက်ရန် ဖိတ်ကြားထားသည်ဟု သိရသည်။

စာပေအသိုင်းအဝိုင်းများ၊ ပညာရှင်များက မြစ်ဆုံရေကာတာ စီမံကိန်းအား ကန့်ကွက် လှုပ်ရှားခဲ့ကြသဖြင့် ယမန်နှစ် ၂၀၁၁ ခုနှစ် စက်တင်္ဘာလ ၂၉ ရက်နေ့ စီမံကိန်း ရပ်တန့်ရန် သမ္မတ ဦးသိန်းစိန်က ညွန်ကြားခဲ့သည်။
ချင်းမိုင်(မဇ္စျိမ) ။        ။
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။

နောက်ဆုံးရ သတင်း အပုဒ် (၅၀)

 

30 Days Stats

Sponsors

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

တစ်ပတ်အတွင်း စိတ်ဝင်စားဖွယ်ရာ သတင်းများ

ကျန်းမာရေးနှင့် ဖျော်ဖြေရေး

အင်္ဂလိပ်သတင်းများ