အသက်မပြည့်သည့် စက်ရုံလုပ်သား ၄၀ ကျော်ကို အလုပ်ထုတ်

လှိုင်သာယာစက်မှုဇုန်-၁ အတွင်းရှိ ဆန္ဒပြစက်ရုံများမှ တစ်ခုဖြစ်သော တော်ဝင်မြန်မာ အထည်ချုပ်စက်ရုံရှိ လုပ်သား ၄၀ ကျော်ကို အလုပ်ရုံဥပဒေအရ အလုပ်မှ ထုတ်ပယ်လိုက်ကြောင်း အလုပ်ရုံနှင့် အလုပ်သမားဥပဒေစိစစ်ရေး ညွှန်ကြားမှုဦးစီးဌာနမှ ညွှန်ကြားရေးမှူးချုပ် ဦးဝင်းရှိန်က ပြောသည်။

အဆိုပါ စက်ရုံတွင်း၌ ၁၅ နှစ်အောက် လူငယ်လုပ်သား ၄၀ ကျော်အား သက်ဆိုင်ရာတာဝန်ရှိသူများက စစ်ဆေးတွေ့ရှိ၍ ဇွန်လ ၂၉ ရက်တွင် စက်ရုံပိုင်ရှင်က ၎င်းတို့အား လုပ်ခငွေအပါအ၀င် အလုပ်ရပ်စဲမှု စုစုပေါင်းဝန်ထမ်း အားလုံးအတွက် ကျပ် ၃၇ သိန်းကျော်ပေး၍ အလုပ်မှရပ်ဆိုင်းခဲ့ကြောင်း သတင်းရရှိသည်။

“နောက်ဒီလိုမဖြစ်အောင် စက်ရုံပိုင်ရှင်ကို သတိပေးလက်မှတ် ထိုးခိုင်းထားတယ်။ စည်းကမ်းမလိုက်နာရင်တော့ ဥပဒေအရ အရေးယူ ဆောင်ရွက်သွားမှာပါ။ အခုထွက်သွားတဲ့ ကလေးတွေကိုတော့ ဘယ်လိုဆောင်ရွက်ပေးရမှာလဲ။ သူတို့အသက်မီမှ အလုပ်ပြန်လုပ်ပေါ့။ ဒါမှဥပဒေအရ အလုပ်လုပ်လို့ရမှာ”ဟု ညွှန်ကြားရေးမှူးချုပ် ဦးဝင်းရှိန်အား ယင်းလုပ်သားများ၏ စားဝတ်နေရေးအတွက် မည်သို့ဆောင်ရွက်ပေးရန်ရှိလဲဟု မေးမြန်းသည့်အခါ ၎င်းကပြန်လည်ဖြေကြားသည်။

၁၉၅၁ ခုနှစ် အလုပ်ရုံအက်ဥပဒေပုဒ်မ ၇၇ အရ ၁၅ နှစ်နှင့်အထက် လူငယ်လုပ်သားများအား လူကြီးလုပ်သားအဖြစ် အလုပ်လုပ်ကိုင်ရန် သင့်လျော်ကြောင်း တာဝန်ခံဆရာဝန်လက်မှတ်ဖြင့် တစ်နှစ်တစ်ခါ ဆေးစစ်ချက်ယူ၍ အလုပ်လုပ်ကိုင်ခွင့်ရှိပြီး တာဝန်ခံဆရာဝန် လက်မှတ်အား စက်ရုံမန်နေဂျာက သိမ်းဆည်းထားရန် လိုအပ်ကြောင်း သိရသည်။

“လက်ရှိ တည်ဆဲဥပဒေအရဆိုရင် အသက် ၁၅ နှစ်ပြည့်ပြီး ၁၈ နှစ်အတွင်းက အလုပ်လုပ်ကိုင်ခွင့် ရှိတယ်။ သူတို့ကို လူကြီးကဲ့သို့ အလုပ်လုပ်ကိုင်ရန် သင့်တော်ကြောင်း၊ ပြဋ္ဌာန်းထားသည့် ကာယဗလအဆင့်အတန်း ရောက်ရှိပြီဖြစ်၍ အလုပ်လုပ်ရန် သင့်တော်ကြောင်း တာဝန်ခံလက်မှတ် ထုတ်ပေးသည့် ဆရာဝန်ထံ ဆေးစစ်ချက်ယူရတယ်။ ၁၈ နှစ်ကျော်ရင်တော့ ဒီလိုလုပ်စရာ မလိုတော့ဘူး”ဟု ဦးဝင်းရှိန်က ပြောသည်။

အလုပ်ရုံဥပဒေအရ အသက် ၁၅ နှစ် မပြည့်သေးသူများအား ကလေးဟု သတ်မှတ်ပြီး ၁၅ နှစ်မှ ၁၈ နှစ်တွင်းရှိ သူများအား လူရွယ်ဟုသတ်မှတ်ကာ ၁၈ နှစ်ပြည့်ပြီးသူများအား လူကြီးအဖြစ် သတ်မှတ်ထားကြောင်း သိရသည်။

“အသက် ၁၅ နှစ်အောက်တွေ့လို့ အရေးယူပြီး အလုပ်က အင်အားလျှော့လိုက်တာကတော့ မျှတမှုမရှိဘူး။ ကျောင်းနေတဲ့အရွယ်မှာ စာမသင်နိုင်ဘဲ အလုပ်လုပ်ရတာ။ အလုပ်ကနေ အင်အားလျှော့ပြီး မဖြေရှင်းဘဲ ကလေးတွေရဲ့ဘ၀ကို စဉ်းစားပြီး နိုင်ငံတော်က ဘယ်လိုတာဝန်ယူပေးမလဲ စဉ်းစားဖို့လိုပါတယ်”ဟု အလုပ်သမားအရေး ဆောင်ရွက်နေသူ ရှေ့နေဦးဌေးက ပြောသည်။

စက်မှုအလုပ်သမားများအရေး လိုက်ပါဆောင်ရွက်နေသော ၈၈ မျိုးဆက်ကျောင်းသားခေါင်းဆောင် မသက်သက်အောင်က ထိုကိစ္စနှင့် ပတ်သက်၍ ယခုကဲ့သို့ မှတ်ချက်ပြုသည်။

“အရှင်းဆုံးပြောရမယ်ဆိုရင် အသက်မပြည့်ဘဲ အလုပ်ခန့်ထားပြီး အခုမှ အလုပ်က အင်အားလျှော့လိုက်တော့ ဒီကလေးတွေ ဘယ်ကိုရောက်သွားမလဲပဲ စိတ်ပူတယ်။ သူတို့ရဲ့ အနာဂတ်ကို စိတ်ပူတယ်။ ဥပဒေအရဆိုရင်က ဒီအသက်အရွယ်က မိဘပိုင်အလုပ် မဟုတ်ဘူးဆိုရင် တခြားအပြင်မှာ အလုပ်လုပ်ခွင့်မရှိဘူး။ သူတို့ရဲ့ အနာဂတ်တွေအရ သူတို့ရောက်မယ့်နေရာတွေက ကောင်းတဲ့နေရာကို ရောက်ဖို့အရေးကြီးတယ်”

လှိုင်သာယာစက်မှုဇုန်-၁ တွင်းရှိ တော်ဝင်မြန်မာ အထည်ချုပ်စက်ရုံ၌ စုစုပေါင်းလုပ်သား ၁၀၀၉ ဦးရှိသည့်အနက် ၁၅ နှစ်မှ ၁၈ နှစ်ကြားရှိ အလုပ်သမားဦးရေ ၉၁ ဦးအား စစ်ဆေးတွေ့ရှိပြီး ၁၅ နှစ်အောက် အလုပ်သမားဦးရေ ၄၀ ကျော်ရှိကြောင်း သတင်းရရှိသည်။

7Day News Journal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ