စစ်ကိုင်းမှာ လယ်သမားတွေ ဆန္ဒပြ

စစ်ကိုင်းမြို့မှာရှိတဲ့ စက်မှုဝန်ကြီးဌာန လက်အောက်ခံ ဆေးဝါးနဲ့ စားသောက်ကုန်လုပ်ငန်း စက်ရုံရှေ့မှာ ဒီကနေ့ မနက်ပိုင်းက ကျေးရွာ (၆) ရွာက တောင်သူ (၂၀၀) လောက် စုဝေးပြီး ကြွေးကြော် ဆန္ဒပြခဲ့ကြပါတယ်။

RFA
၂၀၁၂ ခုနှစ် ဇူလိုင်လ ၃၀ ရက်က စစ်ကိုင်းမြို့ ဆေးဝါးနှင့် စားသောက်ကုန်လုပ်ငန်း စက်ရုံရှေ့တွင်ကျေးရွာ (၆) ရွာက တောင်သူများ စုဝေးပြီး ကြွေးကြော် ဆန္ဒပြနေကြစဉ်။
လွန်ခဲ့တဲ့ ၁၅ နှစ်လောက်က အမှတ် (၁) စက်မှုဝန်ကြီးဌာနရဲ့ အဓမ္မ သိမ်းယူခံခဲ့ရတဲ့ လယ်ယာမြေတွေကို ပြန်ရလိုကြတဲ့အတွက် အခုလို ဆန္ဒပြရတာ ဖြစ်တယ်လို့ ဆန္ဒပြတောင်သူ တစ်ဦးက RFA ကို ပြောပါတယ်။
"မတရားနည်းနဲ့ သိမ်းတဲ့အတွက် အခုလို ဆန္ဒပြရခြင်း ဖြစ်ပါတယ်။ အစအဆုံး ပြောရမယ်ဆိုရင် လက်မှတ်ထိုးတာက စပြီး ညာ လက်မှတ် ထိုးခိုင်းတယ်။ တစ်ဧက ငွေလေး တစ်သောင်း ပေးတာလည်း တောင်သူတွေက မတန်တဆ ဖြစ်နေတဲ့အတွက် ဘယ်သူမှ မလိုချင်ဘူး။ နောက်ထပ် ပြောပြန်တော့လည်း အချုပ်ခံရပြန်တယ်။ အဲလို ခြိမ်းခြောက်ပြီးတော့ အမျိုးမျိုး ကျွန်တော်တို့ တောင်သူတွေကို မတရားသဖြင့်ပေါ့လေ၊ တကယ် ကိုယ်ချင်းစာ ပြောရမယ်ဆိုရင် ဧက ၅၀ လောက်နဲ့တင် သူတို့က လုပ်လို့ရနေတာကို ဧက ၄၀၀ လောက် အလကားရလို့ သိမ်းလိုက်တဲ့ သဘောပါပဲ။ ဒီမြေတွေ သိမ်းထားပုံတွေ ယူထားပုံတွေ၊ မသိတာတွေကို အားလုံးသိအောင် ဆန္ဒပြရခြင်း ဖြစ်ပါတယ်"
စစ်ကိုင်းမြို့နယ် ချောင်းပေါက် ကျေးရွာအုပ်စုက မြေတိုင်၊ ကြက်ထောင့်၊ လက်ပံ၊ ခိုတောင်၊ ပေါက်တော စတဲ့ ကျေးရွာ ၆ ရွာက ယာသမားတွေ ပိုင်ဆိုင်တဲ့ မြေဧက ၄၀၀ ကျော်ကို စက်မှု (၁) က သိမ်းခဲ့တာဖြစ်ပြီး စက်ရုံအတွက် အမှန်တကယ် လိုအပ်တဲ့ မြေဧက ၄၀ ကလွဲလို့ ကျန်မြေတွေကို ပြန်လည် ရရှိရေးအတွက် ဆက်လက် ကြိုးပမ်းသွားမယ်လို့ တောင်သူတွေက ပြောပါတယ်။
ဒီဆန္ဒပြပွဲကို မနက် (၉) နာရီကနေ နေ့လည် (၁၁) နာရီအထိ လေးနာရီကြာ တရားဝင်ပြုလုပ်ခွင့် ရခဲ့ပြီး ရဲတပ်ဖွဲ့နဲ့ ထောက်လှမ်းရေးတွေက အနီးကပ် စောင့်ကြည့် လုံခြုံရေး ယူတာကလွဲလို့ တစုံတရာ အနှောင့်အယှက်ပြုတာ မရှိခဲ့ပါဘူး။

RFA Burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ