ပြည်သူ့ဂုဏ်ရည် ဆန်ခါတင် ၅ ဦးကို ရန်ကုန်မှာ ဂုဏ်ပြု

RFA၂၀၁၂ ပြည်သူ့ဂုဏ်ရည်ဆု ဆန်ခါတင် ဆုရွေးချယ်ခံခဲ့ရသူ အလုပ်သမားနဲ့ လယ်သမားအရေး ဆောင်ရွက်သူ ရှေ့နေ ကိုဖိုးဖြူကို ကိုမင်းကိုနိုင်က ဆုလက်မှတ် ပေးအပ်နေစဉ်။
၂၀၁၂ ပြည်သူ့ဂုဏ် ရည်ဆု ဆန်ခါတင် ဆုရွေးချယ် ခံခဲ့ရသူ ၅ ဦးကို ဂုဏ်ပြုတဲ့ အခမ်းအနား တရပ်ကို ရန်ကုန်မြို့   တော်ဝင်နှင်းဆီခန်းမမှာ ဒီကနေ့ နေ့လည်က ကျင်းပခဲ့ပါတယ်။

အခမ်းအနားမှူး ရုပ်ရှင်သရုပ်ဆောင် အကယ်ဒမီ ဒေါ်ဆွေဇင်ထိုက်က ပြည်သူ့ဂုဏ်ရည်အဖွဲ့ကိုယ်စား သ၀ဏ်လွှာဖတ်ကြားပြီး ဒီနှစ်အတွက် ရွေးချယ်ခဲ့တဲ့ ဆန်ခါတင် ၅ ဦးရဲ့ ပြည်သူ့အကျိုးပြုလုပ်ငန်းတွေ လုပ်ကိုင်ခဲ့တဲ့ မှတ်တမ်း ဗီဒီယိုတွေကို ပြသပြီး ဂုဏ်ပြုဆု ချီးမြှင့်ခဲ့ပါတယ်။

အခမ်းအနားမှာ ဆန်ကာတင်ဆုရခဲ့တဲ့ လူပုဂ္ဂိုလ်အဖွဲ့အစည်းတွေကို နိုင်ငံရေး လူမှုရေးနဲ့ စာပေနယ်က လူပုဂ္ဂိုလ်တွေက အဖွဲ့ကိုယ်စား ဆုလက်မှတ် ပေးအပ်ခဲ့ပါတယ်။

NLD လူမှုအထောက်အကူပြု အဖွဲ့ကိုယ်စား ဦးဝင်းထိန်ကို စာရေးဆရာ မောင်မိုးသူက ဆုချီးမြင့်ခဲ့သလို သုခရိပ်မြုံ လူငယ် ပရဟိတဂေဟာ ကိုယ်စား စာရေးဆရာမ စုထားကို ဦးဝင်းတင်က ဆုပေးအပ်ခဲ့ပါတယ်။

သုခဆေးခန်းက ဒေါ်သန်းမြင့်အောင်ကို ရွှေအမြုတေ အယ်ဒီတာချုပ် ဦးဝင်းငြိမ်း၊ အလုပ်သမားနဲ့ လယ်သမားအရေး ဆောင်ရွက်သူ ရှေ့နေ ကိုဖိုးဖြူကို ၈၈ မျိုးဆက် ကျောင်းသားများအဖွဲ့က ကိုမင်းကိုနိုင်၊ ကချင်လူမှုရေးလုပ်ဆောင်သူ လဖိုင်နော်မိန်း ကိုယ်စား ကိုဧရာမောင်မောင်ကို ပြည်သူ့လွှတ်တော် ကိုယ်စားလှယ် ဒေါ်ဖြူဖြူသင်းတို့က ဆုလက်မှတ်တွေ ပေးအပ်ခဲ့ကြပါတယ်။

ဒီနှစ်အတွက် ပြည်သူ့ဂုဏ်ရည်ဆု ရရှိခဲ့တဲ့ ကချင်တိုင်းရင်းသား လဖိုင်နော်မိန်းဟာ လူမှုရေးလုပ်ငန်းတွေအပြင် Kachin land News သတင်းဌာနရဲ့ သတင်းထောက်ချုပ် အဖြစ်လည်း ဆောင်ရွက်ခဲ့သူ ဖြစ်ပါတယ်။ ဒီနှစ် ဇန်နဝါရီလမှာ ကချင်ပြည်နယ်မှာ ဖြစ်နေတဲ့ တိုက်ပွဲတွေကို သွားရောက် သတင်းယူနေခဲ့စဉ်မှာ သေနတ်ကျည်ဆံ ထိမှန်တဲ့ဒဏ်ရာကြောင့် ခန္ဓာကိုယ်တစ်ခုလုံး မလှုပ်ရှားနိုင်တော့ဘဲ ဒုက္ခိတဘ၀ ရောက်ခဲ့ရသူ ဖြစ်ပါတယ်။

ပြည်သူ့ဂုဏ်ရည်ဆုကို မြန်မာနိုင်ငံထဲမှာ လူမှုရေးလုပ်ငန်းတွေကို ကိုယ်ကျိုးစွန့် ဆောင်ရွက်နေသူတွေကို ဂုဏ်ပြုကူညီဖို့အတွက် ၂၀၀၉ ခုနှစ်မှာ အမေရိကန် ပြည်ထောင်စုရောက် မြန်မာနိုင်ငံသားတွေက ပြည်သူ့ဂုဏ်ရည် အသင်းကို စတင်တည်ထောင်ခဲ့ပြီး နှစ်စဉ်ပေးအပ်နေတာ ဖြစ်ပါတယ်။
RFA Burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ