ဒီပဲယင္း ႏွစ္ပတ္လည္ေန႕ အလွူဒါန မႏၱေလးအန္အယ္လ္ဒီေတြ ျပဳလုပ္



Share/Bookmark
ဒီေန႔က်ေရာက္တဲ့ ေမ ၃၀ ဒီပဲယင္း ႏွစ္ပတ္လည္ေန႔အခမ္းအနားကို မႏၱေလးအမ်ိဳးသား ဒီမိုကေရစီအဖြဲ႔ခ်ဳပ္ကေန ဦးစီး က်င္းပၿပီး အဲဒီေန႔က အသက္ေသဆံုးခဲ့ရသူေတြရဲ့မိသားစု၀င္ေတြကို ေငြေၾကးေထာက္ပံ့ခဲ့တယ္လို႔သိရပါတယ္။

ဒီအခမ္းအနားကို ဘုရားႀကီးေတာင္ထီးလင္းတိုက္ေက်ာင္းမွာ ဒီေန႔မနက္ကက်င္းပရာအခါတိုင္းႏွစ္ထက္စာရင္ပိုၿပီးလြတ္လပ္မႈရွိခဲ့ေၾကာင္း တိုင္းစည္းရံုးေရးအဖြဲ႔၀င္ ဦးမ်ိဳးႏိုင္က ေျပာျပပါတယ္ ။

"ဒီႏွစ္ကေတာ့ အခါတိုင္းႏွစ္ထက္စာရင္ပိုၿပီး အေနအထားပိုပြင့္တာေပါ့ အခါတိုင္းကက်ေနာ္တို႔ဒီပဲယင္းအခမ္းအနားက်င္းပမယ္ဆိုရင္ ေက်ာင္းတိုက္ေတြဘာေတြမွာ နီးစပ္ရာၿမိဳ့နယ္ေတြ အဖြဲ႔၀င္ေတြ ကို အေၾကာင္းၾကားလို႔ရတယ္။ ဒီႏွစ္ေတာ့ က်ေနာ္တို႔ ႀကိဳၿပီးေတာ့ ေတာင္ထီးလင္းတိုက္မွာ ျပဳလုပ္မယ္ဆိုတာ ႀကိဳၿပီးေတာ့ အေၾကာင္းၾကားထားတယ္ အဲဒီအတြက္လဲ အခါတိုင္းႏွစ္ေတြမွာ အေႏွာက္အယွက္အတားအဆီးေတြရွိတယ္ ဒီႏွစ္ကေတာ့ အဲလိုမရွိဘူး လြတ္လြတ္လပ္လပ္ပဲ ဆြမ္းကပ္ခြင့္ရွိတယ္။"

အခမ္းအနားကို လူဦးေရ ၁၅၀ ေလာက္တက္ေရာက္တယ္လို႔သိရၿပီး ၂၀၀၃ ခုနွစ္ေမလကဒီပဲယငး္အနီးၾကည္ရြာမွာအၾကမ္းဖက္တိုက္ခိုက္ခံရလို႔ က်ဆံုးသြားတဲ့ မႏၱေလးက ဦးတင္ေမာင္ဦး၊ ကိုသိန္းတိုးေအးနဲ႔ ကိုစန္းျမင္ ဆိုတဲ့အင္န္အယ္လ္ဒီအဖြဲ႔၀င္၃ဦးရဲ့မိသားစု၀င္ေတြကို ေထာက္ပံ့ေၾကးေငြ ေပးအပ္တဲ့အေၾကာင္း သူက ဆက္ေျပာပါတယ္။

"က်ေနာ္တို႔ ဘုန္းႀကီးေက်ာင္းမွာ သံဃာေတာ္ေတြကို အာရံုဆြမ္းကပ္ၿပီးတဲ့အခါမွာ ဒီပဲယင္းမွာ က်ဆံုးသြားတဲ့မႏၱေလးတိုင္းက ၿမိဳ့နယ္ေတြက အဖြဲ႔၀င္ေတြရွိပါတယ္။ အေနာက္ေတာင္ၿမိဳ့နယ္က ဦးတင္ေမာင္ဦး ရွိပါတယ္။ ေနာက္ၿပီးေတာ့ အေနာက္ေတာင္ကပဲ ကိုသိန္းတိုးေအးရယ္၊ အေနာက္ေျမာက္က ကိုစန္းျမင့္ ဆိုတဲ့ အဲဒီ ၃ဦး အတြက္ကို တစ္ဦးကို ၁၂၀,၀၀၀ စီေပါ့ အဲဒီမိသားစုကို ေထာက္ပံ့ခဲ့ပါတယ္"

ဒီပဲယင္းမွာ အၾကမ္းဖက္တိုက္ခိုက္ခံရလို႔ ေသဆံုးသူနဲ႔ ဒဏ္ရာရသူ အမ်ားျပားရွိခဲ့ျပီျဖစ္ျပီး၊ အဲဒီအေရးခင္းနဲ႔ပတ္သက္လို႔ ၉ ႏွစ္ျပည့္လာခဲ့ေပမဲ့ အာဏာပိုင္ေတြဘက္က အခုထိ တစံုတရာ ေျဖရွင္းေပးတာမရွိေသးဘူးလို႔သိရပါတယ္။


RFA-Burmese

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ