ရှားခင်းအင်းရဲကြီးအတွင်း ဒေသခံတွေ ငါးဖမ်းခွင့်မရ

ဧရာဝတီတိုင်း ကျုံပျော်မြို့နယ် ရှားခင်းအင်းရဲကြီးအတွင်း ငါးဖမ်းခွင့်ရဖို့ ဒေသခံပြည်သူ (၃၀၀) နီးပါး အင်းနေဘေးမှာ ဧပြီလ (၂၈) ရက်နေ့ မနက်ပိုင်းက စုရုံး ဆွေးနွေးခဲ့တယ်လို့ သိရှိရပါတယ်။

ဆွေးနွေးပွဲမှာ ကျုံပျော်မြို့နယ် ရှားခင်းကျေးရွာအုပ်စုမှာ ရှိတဲ့ ရှားခင်းအင်းရဲကြီး အတွင်း ငါးဖမ်းခွင့်မရလို့ မကျေမနပ် ဖြစ်နေတဲ့ အခြေအနေတွေကို ဒေသခံတွေက လူ့အခွင့်အရေး ကာကွယ်မြှင့် တင်သူများကွန်ယက် (HRDP) ကို တင်ပြပြီး လူအခွင့်အရေး ကာကွယ်မြှင့်တင်သူများ ကွန်ယက်က လူ့အခွင့်အရေးနဲ့ ဥပဒေကြောင်းအရ ဆွေးနွေးအကြံပြုခဲ့ တာလို့ သိရပါတယ်။

ဒေသခံ အင်းလုပ်သားတဦးက အခုလို ပြောပါတယ်။

"လူ့အခွင့်အရေး ကာကွယ်မြှင့်တင်သူများ အဖွဲ့နဲ့ ဒေသခံပြည်သူတွေက ဒီရှားခင်းအင်းထဲမှာ ဒေသခံပြည်သူတွေက ငါးရှာဖွေ စားသောက်လို့ မရဘူး လေလံစွဲထားတဲ့ အင်းသူကြီးတွေ အာဏာပိုင်တွေကနေ
ဒေသခံပြည်သူတွေကို နည်းမျိုးစုံနဲ့ နှိပ်စက်တယ်၊ အရေးယူတယ်၊ ပိုက်တွေကို သိမ်းတယ်။ အဲလို အရေးယူမှုတွေကို တင်ပြတယ်။ ဒီအင်းကြီးကို မှီခို စားသောက်နေတဲ့ ပြည်သူတွေ
ဖြစ်တဲ့ အတွက်ကြောင့် ဒီအင်းကြီးကို ဒေသခံပြည်သူတွေက လွတ်လွတ်လပ်လပ် ငါးရှာဖွေ စားသောက်ချင်တယ် တောင်းဆိုတဲ့ သဘောပါဘဲ။"

ရှားခင်းကြီးအင်းကို လေလံရတဲ့ အင်းသူကြီးတွေက အင်းအတွင်း ငါးရှာတဲ့ ဒေသခံတွေကို ပစ်သတ်တာ ဖမ်းဆီးထောင်ချတာတွေလည်း ရှိတယ်လို့ ဒေသခံတွေကပြောပါတယ်။

ဆွေးနွေးပွဲကို ရှားခင်းကျေးရွာအုပ်ချုပ်ရေးမှူးက နှုတ်မိန့်နဲ့ မပြုလုပ်ဖို့ တားမြစ်ခဲ့တဲ့ အခြေအနေကို လူအခွင့်အရေး ကာကွယ်မြှင့်တင်သူများ ကွန်ယက်အဖွဲ့က ဦးမြင့်နိုင်က အခုလိုပြောပါတယ်။

"ရှားခင်းအင်း ပြဿနာတွေ ကိစ္စတွေ အင်းလိုင်စဉ် အင်းစဉ်းမျဉ်းစည်းကမ်းနဲ့ မညီဘဲနဲ့ ဆောင်ရွက်လာတဲ့အခါမှာ ဒီအင်းသူ အင်းသားတွေက နေပြီးတော့ အဲဒီအကြောင်းအရာတွေ ပေါ်မှာ သူတို့က မကြေနပ်ဘူး။ ဥပဒေနဲ့အညီ ဆောင်ရွက်ကြမယ့် အနေအထားမျိုးတွေ ရှိတယ်။ ရှိတဲ့အခါ ကျေးရွာအုပ်ချုပ်ရေးမှူး ဦးထွန်းဝေး ကနေပြီးတော့ အဲလို လုပ်ငန်းစဉ်ဖြစ်လာ မှာကို စိုးရိမ်တဲ့အတွက် တားမြစ်ထားတဲ့ ပုံစံမျိုးပေါ့ဗျာ။"

ဆွေးနွေးပွဲကနေ ဒေသခံ အင်းသူအင်းသားတွေက ယခုလုပ်ဆဲ အင်းဂရမ်ပိုင်များသည် အင်းဂရမ်းစည်းကမ်းနှင့် မညီသောကြောင့်
ဒေသပြည်သူများ၏ ရှားခင်းအင်းကြီးမှ ထွက်ခွာပေးပါရန်၊
ဒေသခံပြည်သူများအားလုံး ရှားခင်းအင်းကြီးတွင် တနပ်တအိုးစာငါးရှာ ခွင့်ပြုရန်၊ ဒေသခံတွေ ရှာဖွေစားသောက်နိုင်ဖို့ အင်းဂရမ် ချထားပေးရန် အပါအ၀င် အချက် လေးချက် တောင်းဆိုလိုက်တယ်လို့ သိရပါတယ်။

RFA - Burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ