ငပုတော မြို့နယ် အနီးမှ ရှပ်ပြေးရေယာဉ် တိမ်းမှောက်မှုတွင် သေဆုံးနှင့် ပျောက်ဆုံးသူ ၂၃ ဦး ရှိ


ပြီးခဲ့တဲ့ မတ်လ ၂၀ ရက်နေ့မှာ ပုသိမ်ကနေ ငပုတောကို ပြေးဆွဲတဲ့ ပုသိမ်သူ ရှပ်ပြေး ရေယာဉ်ဟာ နေ့လည် ၂ နာရီခန့်က တိမ်းမှောက်မှု ဖြစ်ပွားခဲ့ပြီး အဆိုပါ
တိမ်းမှောက် မှုကြောင့် မတ်လ ၂၁ ရက်နေ့၊ ညပိုင်း နောက်ဆုံး  ရရှိတဲ့ အချက်အလက် အရ သေဆုံးသူ ၁၀ ဦးနဲ့ ပျောက်ဆုံးသူ ၁၃ ဦး စုစုပေါင်း ၂၃ ဦး ရှိတယ်လို့ သိရပါတယ်။ အဆိုပါ ရေယာဉ်ပေါ်မှာ ခရီးသည် ၉၉ ဦးကို လိုက်ပါလာပြီး ရေယာဉ် တိမ်းမှောက် မှုကြောင့်  ကျား ၃၈ ဦးနဲ့ မ ၃၈ ဦးကို ဆယ်ယူ ရရှိခဲ့ပါတယ်။ ဒီလို တိမ်းမှောက်မှု ဖြစ်ပွားခဲ့ ရခြင်းမှာ အဆိုပါ ရေယာဉ်ဟာ ငပုတော တစ်ဖက်ကမ်းရှိ ကံဆိပ် တံတားကို ကပ်ဖို့အတွက် ဂ ငယ်ကွေ့ ကွေ့ချိန်မှာ အရှိန် မထိန်းနိုင်ဘဲ တိမ်းမှောက် ခဲ့တာ ဖြစ်ပါတယ်။ အဲ့ဒီ တိမ်းမှောက်မှုဟာ ဧရာဝတီတိုင်း ဒေသကြီး၊ ငပုတော မြို့နယ်၊ ကံဆိပ်ရွာ အနီးမှာ ဖြစ်ပွားခဲ့တာ ဖြစ်ပါတယ်။

အဆိုပါ တိမ်းမှောက် မှုကြောင့် ပျောက်ဆုံးသူ ၁၃ ဦး၊ သေဆုံးသူ ၁၀ ဦးနဲ့ ၇၆ ဦးကို ဆယ်ယူ ရရှိထား တယ်လို့ သက်ဆိုင်ရာ တိုင်းဒေသကြီးရှိ အဖွဲ့အစည်းမှ အတည်ပြု ထုတ်ပြန်ချက် အရ သိရပါတယ်။ ဒီလို တိမ်းမှောက်ခဲ့တဲ့ ရေယာဉ်ဟာ အလျား ၆၀ ပေ၊ အနံ ၁၂ နဲ့ ရေစူး ၄ ပေရှိကာ မြင်းကောင်ရေ ၇၀ အင်ဂျင်တပ် ရှပ်ပြေး ရေယာဉ် အမျိုးအစား ဖြစ်ပါတယ်။ အဆိုပါ ရေယာဉ်ဟာ ပုဂ္ဂလိကပိုင် ရေယာဉ်ဖြစ်ပြီး တိမ်းမှောက်မှု ဖြစ်ပွားခြင်း အတွက် ရေယာဉ် ပိုင်ရှင်၊ ရေယာဉ်မောင်းနဲ့ ရေယာဉ် စာရေးတို့ကို သက်ဆိုင်ရာမှ အရေးယူ ဆောင်ရွက် သွားမှာ ဖြစ်တယ်လို့ သိရပါတယ်။ လက်ရှိမှာ ရေယာဉ် တိမ်းမှောက်မှုရဲ့ ရှာဖွေ ကယ်ဆယ်မှုကို ဟိုင်းကြီးကျွန်း ရေတပ် စခန်းမှ စစ်ရေယာဉ် များမှ ရှာဖွေ ကယ်ဆယ်မှု ပြုလုပ်ပေး နေသလို သက်ဆိုင်ရာ တာဝန်ရှိသူ တွေကလည်း အဆိုပါ ရေယာဉ် တိမ်းမှောက်မှု ဖြစ်ပွားခဲ့တဲ့ နေရာကို သွားရောက် ကြည့်ရှုကာ လိုအပ်မှုများ အတွက် ဆောင်ရွက်ပေး လျက်ရှိတယ်လို့ သတင်း ရရှိပါတယ်။
MRTV-4

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ