ဘုရားသုံးဆူ ဝင်းကရွာမီး ဘတ်သန်း ၇၀ ကျော် ဆုံးရှုံး

စံခလပူရီ (မဇ္ဈိမ) ။       ။ ခန့်မှန်းတန်ဖိုး ထိုင်းဘတ်ငွေ သန်း ၇၀ ကျော် (မြန်မာငွေ သန်းပေါင်း ၁,၈၀၀ ကျော်) ဆုံးရှုံး သည့် မီးလောင်ကျွမ်းမှုတခု ထိုင်း-မြန်မာနယ်စပ် ဘုရားသုံးဆူမြို့ အရှေ့တောင်ဘက် ၂၅ ကီလိုမီတာကျော်ရှိ ဝင်းက မွန်ရွာကြီးတွင် အင်္ဂါနေ့ည ၈ နာရီခန့်က ဖြစ်ပွားခဲ့သည်။

လျှပ်စစ်ဝါယာကြိုး ရှော့ဖြစ်ရာမှ မီးလောင်ကျွမ်းမှုကြောင့် ဗုဒ္ဓဂါယာ စေတီကြီး ဘုရားစောင်းတန်းရှိ ဆိုင်ခန်းပေါင်း ၃၆ ခန်းမှ မြန်မာ့ယွန်းထည်များ၊ မြန်မာ့လက်မှု ပရိဘောဂများနှင့် အနုပညာလက်ရာမြောက် ပစ္စည်းများ၊ တိုင်းရင်းသား ရိုးရာဝတ်စုံများ၊ တူရိယာပစ္စည်းများ၊ ငွေထည် ကြေးထည်များ နာရီဝက်အတွင်း ပြာကျသွားခဲ့သည်။

မီးလောင်ချိန်သည် ဝင်းကရွာ ဘုရားပွဲချိန်နှင့် တိုက်ဆိုင်နေပြီး ပွဲကြည့်ပရိသတ်များနှင့် ကြိတ်ကြိတ်တိုး စည်းကား
နေသည့်အတွက် ဆိုင်ခန်းမှ ပစ္စည်းများ သယ်ထုတ်၍ မရနိုင်ခဲ့ပေ။ ဝင်းကရွာနှင့် နှစ်ကီလိုမီတာအကွာရှိ စံခလပူရီမှ မီးသတ်ကားများ လာရောက် ငြှိမ်းသတ်သော်လည်း မီးအားပြင်းသည့်အတွက် အလျှင်အမြန် မငြိမ်းသတ်နိုင်ခဲ့ဘဲ
လေးနာရီခန့်ကြာမှ မီးကိုငြှိမ်းသတ်နိုင်ခဲ့သည်။
threepagodafire
ဝင်းကရွာ မီးလောင်ကျွမ်းမှုကြောင့် ခန့်မှန်းတန်ဖိုး ထိုင်းဘတ်ငွေ သန်း ၇၀ ကျော် (မြန်မာငွေ သန်းပေါင်း ၁,၈၀၀ ကျော်) ဆုံးရှုံး (ဓါတ်ပုံ မဇ္ဈိမ)

ဝင်းကရွာ ဘုရားပွဲကို နှစ်စဉ် တပေါင်းလဆန်း ၆ ရက်နေ့မှ ၁၀ ရက်နေ့ထိ ကျင်းပပြီး မွန်ရိုးရာ လက်ဝှေ့ပွဲများ၊ မွန်ပြည်နယ်မှ မွန်၊ မြန်မာဇာတ်ပွဲများအပြင်၊ ထိုင်း ကျောင်းသူ ကျောင်းသားများ၏ အနုပညာ ဖျော်ဖြေပွဲများနှင့် ထိုင်းတေးဂီတများဖြင့် အလွန်စည်ကားသည့် ပွဲတော်တခု ဖြစ်သည်။

အိမ်ခြေ ၁,၅၀၀ ခန့် ရှိ ဝင်းကရွာကြီးသည် မီတာ ၄၅၀ ကျော် ရှည်သည့် ထိုင်းနိုင်ငံ၏ အရှည်ဆုံး သစ်သားတံတားနှင့် အိန္ဒိယနိုင်ငံရှိ ဗုဒ္ဓဂါယာပုံတူ စေတီတော်ကြောင့် ထင်ရှားပြီး မီးလောင်သွားသည့် ဈေးဆိုင်ခန်းများမှာလည်း ထိုင်းနိုင်ငံ အတွင်းမှ လာရောက် လည်ပတ်သည့် ခရီးသွားဧည့်သည်များနှင့် နိုင်ငံခြားသားများကို အဓိကထား ရောင်းချကြသည်။

မီးလောင်ကျွမ်းမှုအပြီး ဝိဝေကာရာမ ဘုန်းတော်ကြီးကျောင်းတွင် ဒေသခံ အာဏာပိုင်များ၊ ဘုန်းတော်ကြီးကျောင်း ထိန်းသိမ်းရေး တာဝန်ရှိသူများနှင့် ဈေးဆိုင်ခန်းပိုင်ရှင်များက မီးလောင်ကျွမ်းမှုနှင့် ပတ်သက်၍ အရေးပေါ် အစည်းအဝေး ၃ ကြိမ် ပြုလုပ်ခဲ့ပြီး ဖြစ်သည်။

မြန်မာနိုင်ငံ လွတ်လပ်ရေး ရပြီးစအချိန်က ပြည်တွင်းစစ်ဒဏ်ကို တိမ်းရှောင်ရန် ထိုင်းနိုင်ငံသို့ ဝင်ရောက်လာကြသည့် ဝင်းက ဆရာတော်ဘုရားကြီးနှင့် မြန်မာနိုင်ငံ အောက်ပိုင်းမှ အိမ်ထောင်စု ၆၀ ခန့်ရှိ မွန်လူမျိုးများက ဝင်းကရွာကို တည်ခဲ့ပြီး၊ ၁၉၈၁ ခုနှစ် ထွန်ဖာဖွန် ရေကာတာ စီမံကိန်းကြောင့် ယခုဝင်းကရွာသစ်သို့ ပြောင်းရွှေ့ခဲ့သည်။

ရွာသစ်သက်တမ်းတလျှောက် ယခုမီးလောင်ကျွမ်းမှုသည် ပထမဆုံးအကြိမ် ဖြစ်ပြီး၊ မီးလောင်ကျွမ်းမှုကြောင့် ထိခိုက် ဒဏ်ရာရသူ မရှိကြောင်း သိရသည်။

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ