ဗိုလ်ချုပ်ရုပ်ရှင်ပီ ပြင် စေချင်

"ဗိုလ်ချုပ်ရုပ်ရှင်ပီ ပြင် စေချင် လွန်းကြတဲ့ မော်ကျွန်း မြို့ကလူထု"

တစ်တိုင်းပြည်လုံးနှင့်အတူ ကျွန်တော် တို့ မြို့မှာလည်း လတ်တလောရေပန်း စားနေရာ ယူနေသောအကြောင်းအရာမှာ ဗိုလ်ချုပ် အောင်ဆန်းအတ္ထုပ္ပတ္တိ ရုပ်ရှင် ဇာတ်ကားပင် ဖြစ်သည်။ ဤဇာတ်ကား ကို ရိုက်မည်ဆို၍ အားလုံးကဝမ်းသာကြသည်။ ကျေနပ်ကြသည်။ သို့သော် "စိုးရိမ်ကြသည်"ဟုလည်း ပြောချင်ပါသည်။
"ဗိုလ်ချုပ်အောင်ဆန်း" အတ္ထုပ္ပတ္တိ ဇာတ်ကားကို ရိုက်သင့်သည်မှာ ကြာပြီဖြစ်ပါသည်။ ဘောလီးဝုဒ်မှ "မဟတ္တမဂန္ဒီ"ဇာတ်ကားရိုက်သည်ဟု ကြားရစဉ် ကတည်းက တို့နိုင်ငံမှာ လည်း တို့ရဲ့ ကျေးဇူးရှင် ကြီး "ဗိုလ်ချုပ်အောင်ဆန်း" ဇာတ်ကား ရိုက်ရင်ကောင်း မှာပဲဟု ကျွန် တော်တို့
တမ်းတခဲ့ဖူး ပါသည်။ သို့ သော် ထိုသို့သော အချိန်များက ယခုကဲ့သို့ ပွင့်လင်းသာယာသော အခြေအနေများ မဟုတ်သဖြင့် ကျွန်တော်တို့မြို့ ဗိုလ်ချုပ် ပန်းခြံမှဗိုလ်ချုပ်ကြေးရုပ်ရှေ့တွင် ကာ ကွယ်နေသော အာသောကပင်များ ခုတ် လှဲရှင်းလင်းပေးရေးကိုပင် တောင်းဆို နိုင်ခွင့်မရှိခဲ့ကြပါ။
ဂျာနယ်များတွင်"ဗိုလ်ချုပ်အောင်ဆန်း" ဇာတ်ကားအတွက် စည်းဝေးကြ၊ ပြင်ဆင် ကြ၊ အလှူငွေထည့်ဝင်ကြ စသည့်သတင်း များသည် မင်္ဂလာရှိသော၊ အားရဖွယ် ကောင်းသော သတင်းများဖြစ်ပါ၏။ သို့သော် ဤဇာတ်ကားနှင့်ပတ်သက်၍ ကျွန်တော်တို့ စိုးရိမ်စိတ်လေး များလည်း ဝင်နေမိကြပါသည်။ ထင်ထားသလောက်၊ တင်ထားသလောက် မဟုတ်လေသော အခါ စိတ်ထဲမှာ ဘဝင်မကျဖြစ်ကြရပါသည်။ သက်ရှိထင်ရှားရှိနေသေးသည့် ပုဂ္ဂိုလ်ကြီး များဖြစ်ကြသော ဗိုလ်ချုပ် ကျော်ဇော၊ ဗိုလ်ရဲထွဋ်၊ ဆရာကြီး ဒဂုန် တာရာတို့နှင့် ဝါရင့်နိုင်ငံရေးသမားကြီးများ ထံကအကြံဥာဏ် ယူသင့်သည်ထင်သည်။
နောက်ခံတေးဂီတတွင်လည်း ဘဘ "ဗိုလ်ကလေးတင့်အောင်"ကဲ့သို့သော ရှေ့မီ နောက်မီ ပုဂ္ဂိုလ် ကြီးများထံက အကြံပေးအကူ အညီတောင်းခံ ပြီးဂီတဒါရိုက် တာသတ်သတ် ထားရှိမည်ထင် ၏။ ဗိုလ်ချုပ်၏ လှုပ်ရှားဆောင် ရွက်မှုများကို ရိုက်ကူးရာ လူ ထု ပရိသတ်
အမြောက်အမြားမလွဲမသွေသုံးကြပါလိမ့် မည်။ အချို့သော မြန်မာဇာတ်ကားများတွင် လူလေးငါးဆယ်ယောက်ဖြင့် နောက်ခံ ဘက်ဂရောင်းလှုပ်ရှားပုံများကို ကြည့်ရ သည်မှာ အသက်မပါသဘာဝမကျသည် များကိုလည်းသတိပြုကြပြီးဖြစ်မည်။ ကျွန်တော်တို့ ပြည်ထောင်စု၏ ဖခင် "ဗိုလ်ချုပ်အောင်ဆန်း" ဇာတ်ကားကို ပီပီ ပြင်ပြင် သပ်သပ်ရပ်ရပ်ဖြင့် ဂန္ထဝင်ကားကြီး ဖြစ်စေချင်စိတ်ကတော့ ကျွန်တော်တို့ မော်ကျွန်းတစ်မြို့တည်းသာမက
ပြည် ထောင်စုတစ်ဝန်း၏ ဆန္ဒသာ ဖြစ်သည်ဟု ယုံကြည်ပါ၏။
(ဆရာကိုမျိုးခင်ဗျား. ကျွန်တော်တို့က တော့ 'ဗိုလ်ချုပ်အောင်ဆန်း' အတ္ထုပ္ပတ္တိ ဇာတ်ကားကြီးကို မျှော်လင့်ခြင်းကြီးစွာ ထား နေမိပါသည်။ ကျွန်တော်တို့က ထိုဇာတ်ကား အတွက် ချွေးတစ်စက်မျှမကျ၊ ဦးနှောက် တစ်ချက်မျှမစားပါဘဲ လက်ဖက်ရည်ဆိုင်ထိုင် ရင်း ဖြစ်ချင်တာတွေ၊ ဆန္ဒတွေကို ရေနွေး ကြမ်းတစ်အိုးပြီးတစ်အိုးကုန်အောင် သောက် ရင်း 'လေဝါယော'ဖြင့် အသေအချာ ပြောနေ မိကြပါသည်။ တီဗီကြော်ငြာတစ်ခုမှာ 'ဒီလို လုပ်ပါလား၊ ဟိုလိုလုပ်ပါလား၊ ငါ လည်းမလုပ် တတ်ဘူး'ဟု ပြောသလိုမျိုး ဖြစ်နေပြီလား မသိ။ အခုလိုရေးရတာကလည်း တကယ် တော့'ဗိုလ်ချုပ်ရုပ်ရှင်ပီပြင်စေချင်လွန်းလို့'ဆိုတာ နားလည်ပေးစေချင်ပါသည်။)
မြင့်ငွေ(မော်ကျွန်း)

ပေါ်ပျူလာဂျာနယ်
ဗိုလ်ချုပ်ရုပ်ရှင်ပီ ပြင် စေချင် ဗိုလ်ချုပ်ရုပ်ရှင်ပီ ပြင် စေချင် Reviewed by သစ်ထူးလွင် on 07:10 Rating: 5

No comments:

Powered by Blogger.