ဦးခင်ညွှန့်ကိုဒေါ်လာ ၅၀၀၀ စား၊ နာယကခန့်မည့်ကိစ္စ၊ ဦးခင်ညွှန့် ၏ပြောခွင့်ရပုဂ္ဂိုလ် က ငြင်းဆို


Favorite News Journal — နိုင်ငံတော်သမ္မတ၏ ပြစ်မှုဆိုင်ရာကျင့်ထုံးဥပဒေပုဒ်မ (၄၀၁) ပုဒ်မခွဲ(၁)အရ၊ လွတ်ငြိမ်းချမ်းသာခွင့်နှင့် နေအိမ် အကျယ်ချုပ်မှ ပြန်လည်လွတ်မြောက်လာသူ ဦးခင်ညွှန့်( ယခင်ဝန်ကြီးချုပ်)သည် ဇေကမ္ဘာဦးခင်ရွှေထူထောင်သော မြရိပ်ညိုဖောင်ဒေးရှင်းတွင် နာယကအဖြစ် တာဝန်ယူဆောင်ရွက်သွားမည်ဟူသော အင်တာနက်သတင်းများ ဇန်န၀ါရီ ၂၁ ရက်၌ ထွက်ပေါ်လာခြင်းကြောင့် ရန်ကုန်မြို့တွင်း တစ်မုဟုတ်ချင်း သတင်းပျံနှံသွားခါ နိုင်ငံရေးနှင့်စီးပွားရေးထိပ်လွှာပိုင်းသုို့ ဂယက်များရိုက်ခတ်ဖြစ်ပေါ်ခဲ့သည်။

အင်တာနက်သတင်း

အင်တာနက်သတင်းသည်၊ မြရိပ်ညိုနှင့်နီးစပ်သူများကို ကိုးကား၍ ဖော်ပြရာတွင် “မြရိပ်ညိုဖောင်ရေးရှင်း၏ နာယကအဖြစ် ဦးခင်ညွန့်အားတင်မြှောက်၍
နယကချီးမြှင့်ငွေ ဒေါ်လာ ၅၀၀၀ပေးမည်” ဟု ဆိုထားသည်။

အတည်ပြုဖို့သွား

ယင်းသတင်းဂယက်ကို ဖေးဗရိတ်သတင်းဂျာနယ်က အတည်ပြုချက်ရယူရန် မြရိပ်ညိုဖောင်ရေးရှင်းဥက္ကဌ ဦးခင်ရွှေနှင့်ဆက်သွယ်၍ မရခဲ့သော်လည်း
ဇန်န၀ါရီ ၂၅ ရက်နံနက် ၁၁နာရီခွဲခန့်တွင် ဦးခင်ညွှန့်နေအိမ်(မရမ်းကုန်ြး
မို့နယ်၊ န၀ဒေးလမ်းသွယ်) သုို့ သွားရောက်၍မေးမြန်းခွင့်တောင်းခံခဲ့သည်။ ဦးခင်ညွှန့်၏ နေအိမ်ခြံဝင်းတံခါး၌ ဦးကျော်ဝင်းဆိုသူကလက်ခံ၍ ၄င်းသတင်းဖြစ်နိုင်ခြေမရှိကြောင်းနှင့် ဦးခင်ညွှ့န့်အားသွားရောက်မေးမြန်းပေးမည် ဆိုကာ ဦးခင်ညွှန့်၏အိမ်အတွင်းသို့ ၀င်သွားခဲ့ပြီ်းနောက် ပြန်လည်ရောက်ရှိလာကာ ၄င်းသတင်းနဲ့ပတ်သက်၍ အတည်ပြုချက်ရရှိရန် ဖုန်းနံပါတ်———- ကိုပြောသည်။

၎င်းဖုန်းနံပါတ်၌——– ဆိုသူရှိပြီး ဆက်သွယ်ရန်ပြောသည်။ ဦးကျော်ဝင်း၏ ညွှန်ပြချက်အတိုင်းယင်းဖုန်းနံပါတ်သုို့ဆက်သွယ်၍ အတည်ပြု ချက်တောင်းခံသောအခါ ယင်းနေ့ညနေ ၆နာရီခန့်၌ ပြန်လည်ဆက်သွယ်မည်ဖြစ်ကြောင်း ကောင်းစွာပြန်ကြားပေးခဲ့သည်။

မှားတယ်

ဇန်န၀ါရီ ၂၅ ရက်ညနေ၆နာရီတွင် ယင်းဖုန်းနံပါတ်မှ ပုဂ္ဂိုလ်နှင့် တယ်လီဖုန်းဖြင့် ပြန်လည်အဆက်သွယ်ရရှိသောအခါ၎င်းပုဂ္ဂိုလ်က—–ဖြစ်ကြောင်း ပြော ဆိုပြီး´´ ၄င်းသတင်းနှင့်ပတ်သက်၍ လောလောဆယ်၌ ဘယ်မီဒီယာနှင့်မျှ ပြောဆိုဆက်ဆံခြင်းမရှိခဲ့ကြောင်း မြရိပ်ညိုဖောင်ဒေးရှင်းမှာ´နာယက´အဖြစ် တာဝန်ယူဆောင်ရွက်မည်ဆိုခြင်းမှာ ´အမှား´ဖြစ်လိမ့်မည် ဖြစ်ပါကြောင်း၊ ၄င်းသတင်းမှာ လုံးဝ မဟုတ်၊မမှန်ပါကြောင်း၊ သတင်း မှားနေကြောင်း၊´´ဦးခင်ညွှ့န့်၏ ညွှန်ကြားချက်အရ၊ ၄င်းပုဂ္ဂိုလ်က ဖေးဗရိတ်သတင်ဂျာနယ်သို့ ပြန်လည်ဖြေကြားရှင်းလင်းခဲ့သည်။

ယင်းသတင်းနှင့်ပတ်သက်သော ´´မြရိပ်ညိုဖောင်းဒေးရှင်း´´၏ Website ဖြစ်သည့် http;/www.myayeiknyo.org ကိုဇန်န၀ါရီ ၂၆ရက် နံနက်၁၁ နာရီခွဲတွင် ဖွင့်ကြည့်ရာ Error ပြနေခဲ့ပြီး၊ Face book ရှိ မြရိပ်ညို ဖောင်ဒေးရှင်း account  တွင်မူ ထိုသတင်းနှင့်ပတ်သက်သောအကြောင်းအရာကိုမတွေ့ရဘဲ၊ ဖော်ပြပါပုံကိုသာတွေ့ခဲ့ရသည်။
MTK, WW,ACM(26-1-2012)

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ