မြစ်ဆုံစီမံကိန်းနှင့် ပတ်သက်၍ တတ်ကျွမ်းနားလည်သည့် ပညာရှင်များ စုဆွေးနွေးပြီး ပြောကြမည်ဆိုပါက ပိုပြီးသင့်တော်မည်ဟု ပြည်သူ့လွှတ်တော်ကိုယ်စားလှယ် ဦးဌေးဦး ပြောကြား

စက်တင်ဘာလ ၁၅ရက်နေ့က ကျင်းပခဲ့သည့် ပြည်သူ့လွှတ်တော်ရှိ ပါတီပေါင်းစုံမှလွှတ်တော်ကိုယ်စားလှယ်များ၏ သတင်းစာရှင်းလင်းပွဲ၌ ပြောကြားခဲ့သည်။ မြစ်ဆုံစီမံကိန်းနှင့် ပတ်သက်၍ တတ်ကျွမ်းနားလည်သည့်ပညာရှင်များ စုဆွေးနွေးပြီး ပြောကြမည်ဆိုပါက ပိုပြီးသင့်တော်မည်ဟု ပြည်သူ့လွှတ်တော်ကိုယ်စားလှယ် ဦးဌေးဦးက နေပြည်တော်တွင် စက်တင်ဘာလ ၁၅ရက်နေ့က ကျင်းပခဲ့သည့် ပြည်သူ့လွှတ်တော်ရှိ ပါတီပေါင်းစုံမှ လွှတ်တော် ကိုယ်စားလှယ်များ၏ သတင်းစာရှင်းလင်းပွဲ၌ ပြောကြားခဲ့သည်။

NHK မှ နိုင်ငံခြားသတင်းထောက် ကိုသီဟက "ကျွန်တော်တို့ နိုင်ငံမှာ လွှတ်တော် ရှိလာပါပြီ။ အစိုးရအဖွဲ့နဲ့ အပြန်အလှန်ထိန်းကျောင်းမယ့် လွှတ်တော်ယန္တရား ရှိလာပါပြီ။ တစ်ချိန်တည်း မှာပဲ မြစ်ဆုံရေကာတာလို ပြဿနာမျိုး ဖြစ်ပါတယ်။ အခုကိစ္စက ကချင်ပြည်နယ်မှာဖြစ်ပေါ်နေတဲ့ မတည်ငြိမ်မှုနဲ့ တိုက်ရိုက်ပတ်သက်နေပါတယ်။ အစိုးရအဖွဲ့က တာဝန်ရှိတဲ့တစ်ယောက်က ပြီးခဲ့တဲ့အပတ်က ဒါကို ဆက်လုပ်မယ်လို့ ပြောသွားပါပြီ။ လွှတ်တော်ကလည်း အစိုးရနဲ့ တစ်သဘောတည်းရှိခဲ့မယ်ဆိုရင် ဒီကိစ္စဆက်သွားမှာပေါ့။ အကယ်၍များ လွှတ်တော်နဲ့ အစိုးရတစ်သဘောတည်း ဆုံးဖြတ်ခဲ့ကြမယ်၊ အပြင်မှာရှိတဲ့ မကျေနပ်ချက်တွေက ဆက်ဖြစ်ပွားလာမယ်ဆိုရင် ဘယ်သူ့မှာ တာဝန်ရှိမလဲ။ လွှတ်တော်မှာ တာဝန်ရှိမလား၊ အစိုးရမှာ တာဝန်ရှိမလား သိချင်ပါတယ်။ ဒီလိုကိစ္စမျိုးကို ဘယ်လို ထိန်းကျောင်း ကိုင်တွယ်သွားမလဲဆိုတာ သိချင်ပါတယ်" ဟု မေးမြန်းခဲ့ရာတွင် ပြည်သူ့လွှတ်တော် ကိုယ်စားလှယ် ဦးဌေးဦးက အထက်ပါအတိုင်း ထည့်သွင်းဖြေကြားခဲ့ခြင်းဖြစ်သည်။

"မြစ်ဆုံနဲ့ ပတ်သက်လို့ သတင်းတွေ အများကြီး ကြားရပါတယ်။ နောက် အခုတလောမှာလည်း ထူးထူးခြားခြားပေါ့ တော်တော်လူပြောသူပြောများတဲ့ သတင်းတွေ ကြားရပါတယ်။ ကိုယ့်အယူအဆနဲ့ ကိုယ်ပြောကြတာပါ။ တစ်ကယ်တမ်း တိုင်းပြည်အတွက် အကျိုးရှိမယ်ဆိုရင် လုပ်ကြမှာပေါ့။  တိုင်းပြည်အတွက် အကျိုးမရှိဘူးဆိုရင်လည်း ဘယ်သူမှ မလုပ်ပါဘူး။ တတ်ကျွမ်းတဲ့၊ နားလည်တဲ့ ပညာရှင်တွေ ဒီလို စုဆွေးနွေး ပြီးတော့ ပြောကြမယ်ဆိုရင် ပိုပြီးသင့်တော်မယ်လို့ ကျွန်တော်ထင်ပါတယ်။ အရင်က ကျွန်တော် လယ်/ဆည်ဝန်ကြီးဟောင်း လုပ်ခဲ့ပါတယ်။ မျိုးစုံပြောပါတယ်။ ကျွန်တော် ဆည်တစ်ခု ဆောက်ပြီးတိုင်း သဘာဝ ပတ်ဝန်းကျင်ထိန်းသိမ်းရေး ပျက်စီးမယ်တို့၊ ဘာတို့ ပြောကြတာပေါ့။ အကျိုးရှိတာလည်း ရှိပါတယ်။ တစ်ဖက်ကလည်း ရေမြုပ်သွားတာ လည်းရှိပါတယ်။ ဒီနှစ်ခုမှာ ဘယ်ဟာက ကိုယ့်တိုင်းပြည်အတွက် အကျိုးရှိမလဲဆိုတာကိုပဲ ကျွန်တော်တို့ စဉ်းစားပြီး ဆုံးဖြတ်ကြမယ်လို့ ကျွန်တော်ထင်ပါတယ်"ဟု ပြည်သူ့လွှတ်တော် ကိုယ်စားလှယ် ဦးဌေးဦးက ပြောကြားခဲ့သည်။

ပြည်သူ့လွှတ်တော် ကိုယ်စားလှယ် ဒေါ်ဒွဲဘူက "ကျွန်မတို့ မြစ်ဆုံဒေသမှာ နေတဲ့သူဖြစ်တဲ့အတွက် မြစ်ဆုံက လူထုနဲ့ နီးစပ်ပါတယ်။ မြစ်ဆုံနဲ့ပတ်သက်ပြီးတော့ တကယ် ကျွန်မတို့ ကချင်ပြည်နယ်ထဲက လူထုက စိုးရိမ်နေတာ အမှန်ပါပဲ။ ကျွန်မလည်း လွှတ်တော်ကိုယ်စားလှယ် တစ်ယောက်အနေနဲ့ကလည်း လူထုထဲကပါပဲ။ ကျွန်မတို့ ကချင်လူမျိုးတွေအနေနဲ့လည်း ဒီအင်မတန် ရှားပါးတဲ့ မြစ်တစ်ခုဆုံတာကို  ဒီအတိုင်းပဲ ထာဝရစီးဆင်းနေချင်ပါတယ်။ ဒါပေမယ့် ကျွန်မတို့ရဲ့ တိုင်းပြည်နဲ့ ပြည်သူလူထုရဲ့ လိုအပ်ချက်အရ ဒီဟာကို တိုင်းပြည်နဲ့ ပြည်သူလူထုအတွက် အမှန်တကယ် အကျိုးရှိမယ်ဆိုတဲ့ကိစ္စ အသုံးပြုမယ်ဆိုရင် ကျွန်မတို့က တစ်ခုလိုချင်ရင် တစ်ခုကို ဆုံးရှုံးရမယ်ဆိုတာ ကျွန်မတို့ နားလည်ပါတယ်" ဟု အဆိုပါသတင်းစာရှင်းလင်းပွဲ၌ ပြောကြားခဲ့သည်။

ထို့ပြင် ဒေါ်ဒွဲဘူက "လောလောဆယ်မှာ ကျွန်မတို့ စိုးရိမ်နေတာကတော့ ဒီ Dam ကြီး ပေါက်ကွဲလာလို့ရှိရင် ကျိုးပဲ့သွားလို့ရှိရင် ကျွန်မတို့ မြစ်ကြီးနားကလူတွေ အရင်သေမယ်။ ဒါကိုပဲ အကြီးအကျယ် စိုးရိမ်နေကြပါတယ်"ဟုလည်း ပြောကြားခဲ့သည်။

သစ်ထူးလွင် 9/16/2011 01:50:00 PM

ကားအစားထိုးလဲခွင့်ကြောင့် ဒေါ်လာဈေး ထိုးတက်

သက်တမ်းကြာမြင့်နေသော ကားဟောင်းများကို အမေရိကန်ဒေါ်လာ ၃၅၀၀ ထက်မပိုသော ကားများနှင့် အစားထိုး လဲလှယ်ခွင့်ပြုမည့် အစီအစဉ်ကြောင့် အမေရိကန်ဒေါ်လာနှင့် FEC ၀ယ်ယူသူများကာ ဈေးကွက်တွင် ဒေါ်လာဈေး ထိုးတက် နေကြောင်း သတင်းရရှိသည်။

မြန်မာပြည်မှ ကားအိုကားဟောင်းများ (ဓာတ်ပုံ - squierj.freeyellow.com)

အမေရိကန်ဒေါ်လာသည် စက်တင်ဘာလ ၁၅ ရက်တွင် ၀ယ်ဈေးတဒေါ်လာ ၈၀၅ ကျပ်၊ ရောင်းဈေး ၇၉၅ ကျပ်ဈေးရှိပြီး FEC တယူနစ်လျှင် ၀ယ်ဈေး ၇၇၀ ကျပ်၊ ရောင်းဈေး ၇၆၀ ဖြစ်ကာ ပို့ကုန်ရငွေ အမေရိကန် ဒေါ်လာမှာ တယူနစ်အတွက် ၈၀၈
ကျပ်အထိ ဖြစ်သွားသည်။

အမေရိကန်တဒေါ်လာလျှင် ၆၈၀ ကျပ်အထိ ဈေးကျနေရာမှ ယခုကဲ့သို့ တဖြည်းဖြည်း ဈေးပြန်လည် တက်လာခြင်းဖြစ်သည်။

နှစ် ၄၀ ကျော် သက်တမ်းရှိ ကားများကို ဦးစားပေး အစီအစဉ်နှင့် လာမည့် စက်တင်ဘာလ ၁၉ ရက်နေ့မှ စတင် လဲလှယ် ပေးမည်ဖြစ်ရာ ကားလဲလိုသူများသည် ကားဝယ်ရန် ဒေါ်လာဝယ်ယူ စုဆောင်းကြသဖြင့် ဒေါ်လာနှင့် FEC ဈေး ပြန်လည် မြင့်တက် သွားခြင်းဖြစ်သည်။

“ကားလဲပေးမယ့် ရက်နီးလာလေ ဒေါ်လာနဲ့ FEC နှစ်ခုစလုံးပြိုင်တူ ဈေးတက်လာလေပဲ။ Demand က တက်နေတယ်။ ရှေ့လျှောက် ၀ယ်အား ပိုတက်မယ်။ နယ်စပ်ကလည်း ဒေါ်လာ တောက်လျှောက် ၀င်တယ်။ ၀င်သလောက် အ၀ယ်ရှိတော့ ဈေးမြင့်တယ်” ဟု တရားမ၀င် ဒေါ်လာဈေးကွက်မှ နိုင်ငံခြားငွေကြေး ရောင်းဝယ်သူတဦးက ပြောသည်။

အစိုးရက ပြင်ပဈေးကွက် ဒေါ်လာနှင့် FEC များကို အစိုးရဘဏ်များသို့ ထည့်သွင်း ငွေစာရင်း ဖွင့်လှစ်ခွင့်ပြုထားပြီး အဆိုပါ ငွေစာရင်းဖြင့် ပြည်ပမှ ကားများ မှာယူတင်သွင်း ရမည်ဖြစ်သည်။

“မြန်မာ့ ရင်းနှီးမြုပ်နှံမှုနဲ့ ကူးသန်းရောင်းဝယ်ရေး ဘဏ် (MICB) နဲ့ မြန်မာ့ နိုင်ငံခြားကုန်သွယ်မှုဘဏ် (MFTB) နှစ်ခု စလုံးမှာ နိုင်ငံခြားငွေနဲ့ ငွေစာရင်းဖွင့်ခွင့် ပေးထားတယ်။ သွင်းလာတဲ့ ငွေကြေးရဲ့ ၁၀ ရာခိုင်နှုန်းကို အခွန် ဖြတ်တောက်မှု ရှိမယ်။ ဒီငွေကို ပြပြီး ကားသွင်းခွင့် ရမှာပါ” ဟု ရန်ကုန် အခြေစိုက် စီးပွားရေး လုပ်ငန်းရှင် တဦးက ဆိုသည်။

အစိုးရဘဏ်များတွင် အမေရိကန်ဒေါ်လာ ၁ သိန်းနှင့်အထက် ပြနိုင်သော စီးပွားရေး လုပ်ငန်းရှင်များ၊ အမေရိကန်ဒေါ်လာ ၃ သောင်းနှင့်အထက် ပြနိုင်သော သင်္ဘောသားများနှင့် ပြည်ပတွင် တရားဝင် သွားရောက်အလုပ်လုပ်သူ မြန်မာ အလုပ်သမား များကို ကားတင်သွင်းခွင့် ပြုမည်ဟု ထုတ်ပြန်ထားသည်။

ဒေါ်လာဈေး မြင့်တက်ချိန် ရွှေဈေးလည်း တက်နေပြီး စက်တင်ဘာလ ၁၅ ရက်က အခေါက်ရွှေ တကျပ်သားလျှင် ၇၃၄၀၀၀ ကျပ် အထိ ဈေးထိုးတက် သွားသည်။

“ရွှေဈေးက ဆက်ကိုတက်ဖို့ပဲ ရှိတယ်။ ဒေါ်လာဈေး တက်လေလေ ရွှေဈေးတက်လေ ဖြစ်မှာပဲ။ ရွှေဈေးမှ မဟုတ်ပါဘူး။ တခြား ကုန်ဈေးနှုန်းတွေလည်း လိုက်တက်မယ်” ဟု ရွှေကုန်သည် တဦးက ရှင်းပြသည်။

အစိုးရသည် နှစ် ၄၀ ကျော် ကားများကို စက်တင်ဘာလ ၁၉ ရက်မှ အောက်တိုဘာလ အတွင်း နှစ် ၃၀ မှ ၄၀ ကြား ကားများကို နိုဝင်ဘာလမှ ဒီဇင်ဘာလအတွင်း၊ နှစ် ၂၀ မှ နှစ် ၃၀ အကြား ကားများကို ၂၀၁၂ ဇန်န၀ါရီမှ မတ်လအတွင်း လဲလှယ်ခွင့် ပြုမည်ဖြစ်သည်။

သစ်ထူးလွင် 9/16/2011 01:49:00 PM

လယ်သမားနှစ်ရာနီးပါး ဧ​ရာဝ​တီ​​တိုင်း​​ဒေ​သ​ကြီး​​ ၀န်ကြီးချုပ်ရုံးဆီ ချီတက်ဆန္ဒပြ

နေပြည်တော်မှာ နိုင်ငံတကာ ဒီမိုကရေစီနေ့ အခမ်းအနား ကျင်းပချိန်နဲ့ တိုက်ဆိုင်ပြီး  မြေသိမ်းခံရမှာကို စိုးရိမ်နေတဲ့ ဧရာဝတီတိုင်း ငွေဆောင်ဒေသက လယ်သမား ၂၀၀ နီးပါးက ဧ​ရာဝ​တီ​တိုင်း​​ဒေ​သ​ကြီး​၀န်ကြီးချုပ်ရုံးဆီ ဒီနေ့ ချီတက်ဆန္ဒပြခဲ့ကြပါတယ်။

အသိမ်း ခံ ရ သည့် လယ် မြေ တ ချို့

၂၀၀၀ ပြည့်နှစ်ကစလို့ ငါးလုပ်ငန်း​ ဦးစီးဌာနက အဲဒီဒေသမှာ လယ်မြေတချို့ကို လျော်ကြေးမပေးဘဲ သိမ်းထားပြီး နောက်ထပ်လည်း သိမ်းဖို့ လျာထားတယ်လို့ မြေစာရင်းရုံးက​ တဆင့် သိရတဲ့နောက် တောင်သူတွေက သူတို့ အသက်မွေးလုပ်ငန်းတွေ အတွက် စိုးရိမ်နေကြတာပါ။

ချီတက်ဆန္ဒပြတဲ့ ​ လယ်သမား​ တယောက်က “အခုလောလောဆယ် သိမ်းထားတာက ၃ ဧကလောက်မှာ ရှိတယ်။ လျာထားတာက ပြည်သူတွေရဲ့ ဘိုးဘွားပိုင်မြေက ဧက ၈၀၀ လောက် ရှိတယ်။ အခုလောလောဆယ် ကိုယ်ဘာသာကိုယ် လုပ်စားနေရသေးပေမယ့် လျာထားတယ်​ ဆိုတာ ရှိနေတော့​ နောက်ကြောင်း မအေးလို့ပါ။ စိတ်မချလို့ပါ။ လျာထားစာရင်းကို ဖျက်သိမ်းပေးပါလို့ ကျနော်တို့ တောင်းဆိုတာပါ” လို့ ပြောပါတယ်။

နာမည်ကျော် ငွေဆောင်နဲ့ ချောင်းသာကမ်းခြေ​ နှစ်ခုကြားမှာရှိတဲ့ လယ်မြေနဲ့ ဥယျာဉ်ခြံတွေ​ ပါဝင်တဲ့ မြေဧက ၈၀၀ ကျော်ကို ငါးလုပ်ငန်းဝန်ကြီးဌာနက သိမ်းမယ့် အရိပ်အယောင်တွေ ရှိနေတာကြောင့် စိုးရိမ်ပြီး ၀န်ကြီးချုပ်ရုံးဆီ သွားရောက် အရေးဆိုတာလို့ လယ်သမားတွေက ပြောပါတယ်။

မြေသိမ်းခံထားရတဲ့ လယ်သမားတဦးက​ “သူတို့လုပ်ထားတာ ကျနော်တို့မှာ တော်တော်နစ်နာနေတယ်။ နိုင်ငံတော်ပိုင်အဖြစ် သိမ်းတယ် ဆိုရင်လည်း ပွင့်ပွင့်လင်းလင်း သိချင်တာပေါ့နော်။ အရောင်းအဝယ် ဆိုရင်လည်း အရောင်းအဝယ်တခုကို အတိအကျ သိချင်တယ်။ အဲဒီလို သိချင်လို့ ကျနော်တို့ကလာတာပါ” လို့ ပြောပါတာယ်။

အမျိုးသမီး၊ အမျိုးသားအပါအ၀င် အင်အား ၂၀၀ နီးပါးဟာ မနက် ၁၀ နာရီက ပုသိမ်မြို့ကားဂိတ်ကနေ ပုသိမ်မြို့တပတ် ငြိမ်းချမ်းစွာ ချီတက်သွားကြပြီးနောက် မြေသိမ်းဖို့ လျာထားတာကို ဖျက်သိမ်းပေးဖို့ တောင်းဆိုတဲ့စာကို ၀န်ကြီးချုပ်ရုံးကို ပေးပို့ခဲ့တယ်လို့ လယ်သမားတွေက ပြောပါတယ်။

လယ်သမားတွေရဲ့ မေတ္တာရပ်ခံတဲ့စာကို ၀န်ကြီးချုပ် ဦးသိန်းအောင်ရဲ့ ရုံးက တာဝန်ရှိသူတဦးက လက်ခံပြီး နောက် ၃ ရက်ကြာရင် ၀န်ကြီးချုပ်ကိုယ်တိုင် ကွင်းဆင်း စုံစမ်းပေးပါမယ်ဆိုတဲ့ နှုတ်ကတိကိုလည်း ရခဲ့တယ်လို့ လယ်သမားတွေက ပြောပါတယ်။

လယ်သမားတွေရဲ့ ငြိမ်းချမ်းစွာဆန္ဒပြမှုမှာ လိုက်ပါသွားတဲ့ လူ့အခွင့်အရေး ကာကွယ်မြှင့်တင်သူများကွန်ရက် (HRDP) က ကိုမြင့်နိုင်က အခုလို ပြောပါတယ်။

“ဒီမိုကရေစီနေ့လည်း ဖြစ်တဲ့အတွက် တောင်သူလယ်သမားတွေရဲ့ ၁၀ နှစ်ကျော်ကျော် မတရားသိမ်းပိုက်ခံရမှုတွေက ပြေပျောက်သွာလိမ့်မယ်လို့ ကျနော် ယုံကြည်မျှော်လင့်ပါတယ်။ ဘာလို့လဲဆိုတော့ တကယ် အသိမ်းပိုက်ခံရတာတွေဆိုတာ အမှန်တရားပါပဲ။ အမှတ်တရားဖြစ်တဲ့ အတွက် ရရှိလိမ့်မယ်လို့ ကျနော် မျှော်လင့်ပါတယ်ခင်ဗျ။”

ဒီနေ့ ငြိမ်းချမ်းစွာ လမ်းလျှောက်ချီတက်မှုကို အရပ်ဝတ်နဲ့ လုံခြုံရေးတွေက လမ်းတလျှောက်စောင့်ကြည့်တာ၊ ဓာတ်ပုံရိုက်တာတွေ ရှိပေမယ့် အနှောင့်အယှက်တော့ မပေးဘူးလို့ လယ်သမားတွေက ပြောပါတယ်။

သစ်ထူးလွင် 9/15/2011 09:51:00 PM

နိုင်ငံပြောင်းလဲမည့် အခြေအနေရောက်နေပြီဟု ဒေါ်စုပြော (ရုပ်/သံ)

သစ်ထူးလွင် 9/15/2011 09:46:00 PM

ဒီမိုကရေစီ ဘက်တော်သားပါဟု ဦးရွှေမန်းပြော

ချင်းမိုင် (မဇ္ဈိမ) ။     ။ တပ်မတော်တွင် နှစ်ပေါင်း ၄ဝ ကျော်ကြာ တာဝန်ထမ်းဆောင်ခဲ့ပြီး ဗိုလ်ချုပ်ကြီးရာထူးမှ အနားယူသွားသူ အထက်လွှတ်တော် ဥက္ကဋ္ဌ သူရဦးရွှေမန်းက မိမိကိုယ်ကို ဒီမိုကရေစီ ဘက်တော်သား တယောက်
ဖြစ်ကြောင်း နေပြည်တော်တွင် ပြုလုပ်သည့် ဒီမိုကရေစီနေ့တွင် ပြောသွားသည်ဟု လွှတ်တော်အမတ်များ အပြောအရ သိရသည်။

"သူက စ,စ ချင်းပဲ၊ ကျန်းမာ ချမ်းသာပါပစေ နှုတ်ဆက်ပြီးတော့ ကျနော် ဒီမိုကရေစီ ဘက်တော်သား တယောက် အနေနဲ့ ဆိုပြီးတော့ ပထမဆုံးအပိုဒ်မှာ စပြောသွားတယ်။ နောက်အပိုဒ်တွေက စပြီးတော့ ဒီမိုကရေစီ ဘက်တော်သားများ ခင်ဗျာဆိုပြီး အဲဒါမျိုး သုံးသွားတယ်။" ဟု အမတ်တဦးက ပြောသည်။

၁၉၆၉ ခုနှစ်တွင် စစ်တက္ကသိုလ် (Defence Services Academy) အမှတ်စဉ် ၁၁ ကျောင်းဆင်း သူရဦးရွှေမန်းက ကြသပတေးနေ့က ပြည်ထောင်စုလွှတ်တော်နှင့် ကပ်လျက်ရှိသော သဘင်အဆောက်အအုံ သဘင်ခန်းမတွင် နံနက် ၁ဝနာရီမှ မွန်းလွဲသုံးနာရီထိပြုလုပ်သည့် အပြည်ပြည်ဆိုင်ရာ ဒီမိုကရေစီနေ့အခမ်းအနားတွင် ပြောသွားခြင်းဖြစ်သည်။

အပြည်ပြည်ဆိုင်ရာ ဒီမိုကရေစီနေ့ အခမ်းနားသို့ လာတက်ရောက် လာကြသူများကိုလည်း ဒီမိုကရေစီ ဘက်တော်သားများဟု သုံးနှုန်းသွားခဲ့သော စစ်တက္ကသိုလ် (Defence Services Academy) အမှတ်စဉ် ၁၁ ကျောင်းဆင်း သူရဦးရွှေမန်း (သို့မဟုတ်) အထက်လွှတ်တော် ဥက္ကဋ္ဌ သူရဦးရွှေမန်း (ဓါတ်ပုံ မဇ္ဈိမ)

"ဒီမိုကရေစီ ဘက်တော်သားဆိုရင် အစိုးရကို ဆန့်ကျင်တဲ့သူတွေလို့ အဓိပ္ပါယ်ရသွားတယ်၊ ဒီမိုကရေစီဆိုတဲ့ အသုံးအနှုန်း သုံးမိရင် နိုင်ငံရေးသမား ဒီမိုကရေစီအကြောင်းကိုပြောရင် ဒီနိုင်ငံမှာ ပြောလို့မရဘူး၊ နောက်ပြီးတော့ ဒီမိုကရေစီပြောရင် နိုင်ငံရေးသမားဆိုတော့ ဝန်ထမ်းတွေ၊ ကျောင်းသားတွေက ပါတီနိုင်ငံရေး ကင်းရှင်းရမယ် ဆိုတဲ့အခါမှာ ဝန်ထမ်းတွေ ကျောင်းသားတွေက ဒီမိုကရေစီဆိုတဲ့ စကားကို မသုံးရဲဘူး" အမတ်တဦးက ပြောသည်။

အမျိုးသားဒီမိုကရေစီအင်အားစုပါတီမှ အောက်လွှတ်တော် အမတ်ဖြစ်သူ ဦးခိုင်မောင်ရည်က မိမိတို့သုံးနှုန်းသည့် ဒီမိုရေစီဘက်တော်သားဆိုသည့် ဝေါဟာရသည်၊ ထောင်တွင်းရောက် နိုင်ငံရေးလှုပ်ရှားသူများ၊ တောခိုပြီး စစ်အစိုးရကို ဆန့်ကျင်နေသူများနှင့် ပြည်ပရောက် ဒီမိုကရေစီအရေး လှုပ်ရှားနေသူများကို ရည်ညွှန်းသည်ဟု ဆိုသည်။

သို့သော် လွှတ်တော် ဥက္ကဋ္ဌ တဦးအနေဖြင့် ယခုလိုပြောခြင်းကို မိမိအနေဖြင့် ကြိုဆိုပြီး၊ ဦးရွှေမန်း၏ ဒီမိုကရေစီအရေး လုပ်ရှားမှုများကို စောင့်ကြည့်ရဦးမည်ဟုလည်း ဦးခိုင်မောင်ရည်က ဆိုသည်။

"လွှတ်တော် ဥက္ကဋ္ဌတယောက် နိုင်ငံ့ Player တယောက်က အဲဒီလိုပြောရဲတာ ဘယ်သူမှ ဒီစကားလုံးတခါမှ မသုံးဘူးဖူး၊ သူက ဒီစကားလုံးကို ဒိုင်းကနဲ့ သုံးချလိုက်တယ်။ အဲဒီတော့ ဒါဟာ ရိုးသားမှုလား သို့မဟုတ် တခုခုကို အလျော့ပေးခြင်းလား ဆိုတာတော့ မသိသေးပေမယ့် ဦးရွှေမန်းသည် ဒီမိုကရေစီ ဘက်တော်သားဆိုတာ စကားလုံး အရတော့ ဖြစ်သွားပြီ" ဟု ဦးခိုင်မောင်ရည်က မဇ္ဈိမကိုပြောသည်။

လွှတ်တော် ဥက္ကဋ္ဌ သူရဦးရွှေမန်းက လွှတ်တော်တွင်း ဆွေးနွေးမှုများကို ဒီမိုကရေစီနည်းလမ်းတကျ လုပ်ဆောင်နေပြီး အစိုးရဌာနများနှင့်အစိုးရမှလည်း ဒီမိုကရေစီစနစ်ကို ကျင့်သုံးသွားမည်ဖြစ်ကြောင်း သူ၏မိန့်ခွန်းတွင် ထည့်ပြော သွားသည်။

နေပြည်တော် ပြည်ထောင်စုလွှတ်တော် သဘင်ဆောင်တွင် ပထမဆုံး ကျင်းပသည့် အပြည်ပြည်ဆိုင်ရာ ဒီမိုကရေစီနေ့တွင် လွှတ်တော်ရောက် နိုင်ငံရေးပါတီများမှ ဒီမိုကရေစီစနစ်အပေါ် ယူဆပုံ အသီးသီးကို စာတမ်းအဖြစ် ပြုစုကာ ဖတ်ကြားကြသည်။

အပြည်ပြည်ဆိုင်ရာ ဒီမိုကရေစီနေ့ကို ဗဟန်းမြို့နယ် အမျိုးသားဒီမိုကရေစီအဖွဲ့ချုပ်တွင်လည်း ကျင်းပရာ၊ အတိုက်အခံခေါင်းဆောင် ဒေါ်အောင်ဆန်းစုကြည်က မြန်မာနိုင်ငံတွင် အပြောင်းအလဲများ ဖြစ်နိုင်ခြေရှိသည့် အနေအနေကို ရောက်ရှိနေပြီဖြစ်ကြောင်း သူ၏ ၁ဝ မိနစ်ကြာ မိန့်ခွန်းတွင် ထည့်သွင်းပြောသွားသည်။

အသက် ၆၄ နှစ်ရှိ သူရဦးရွှေမန်းသည် တပ်မတော်တွင် ၁၉၆၉ ခုနှစ်က စတင်တာဝန်ထမ်းဆောင်ခဲ့ပြီး ၁၉၉၈ ခုနှစ်တွင် ဗိုလ်ချုပ်ရာထူး၊ ၂ဝဝ၃ ခုနှစ်တွင် ဒုတိယ ဗိုလ်ချုပ်ကြီး၊ ၂ဝဝ၅ ခုနှစ်တွင် ဗိုလ်ချုပ်ကြီး တာဝန်များကို ထမ်းဆောင်ခဲ့ပြီး ၂ဝ၁ဝ တွင် တပ်မှအနားယူကာ ကြံ့ဖွံ့ပါတီဝင်အဖြစ် နေပြည်တော် ဥတ္တရသီရိမြို့နယ်မှ အောက်လွှတ်တော် အမတ်အဖြစ် ဝင်ရောက်အရွေးခံခဲ့သည်။

ဦးရွှေမန်း ၂ဝ၁ဝ ဖေဖေါ်ဝါရီလ နေပြည်တော်တွင် ကျင်းပသည့် ပထမအကြိမ် ပြည်သူ့လွှတ်တော် အစည်းအဝေးမှ လွှတ်တော်ဥက္ကဋ္ဌအဖြစ် ရွေးချယ်ခံခဲ့ရပြီး အမျိုးသားလုံခြုံရေးနှင့် ကာကွယ်ရေးကောင်စီ အဖွဲ့ဝင်လည်းဖြစ်သည်။

သစ်ထူးလွင် 9/15/2011 09:39:00 PM

ပြောင်းလဲနိုင်တဲ့ အခြေအနေကို ရောက်နေပြီလို့ ဒေါ်အောင်ဆန်းစုကြည် ပြောဆို

"ကျမတို့ နိုင်ငံဟာ အပြောင်းအလဲ ဖြစ်နိုင်တဲ့ အခြေအနေမှာ ရောက်ရှိနေပါပြီ။ အပြောင်းအလဲ ဖြစ်ပြီလို့လည်း ကျမ မပြောချင်ပါဘူး။ ဒါပေမဲ့ ဒါကျမ လူသိရှင်ကြားပြောပြီး ဖြစ်ပါတယ်။ အပြောင်းအလဲ ဖြစ်နိုင်တဲ့ အခြေအနေကို ရောက်နေပြီလို့ ကျမ ယုံကြည်တယ်။ ဒီအပြောင်းအလဲတွေဟာ ပြည်သူအတွက် တိုင်းပြည်အတွက် အကောင်းဆုံး ဖြစ်အောင်လို့ ဘယ်ပုံဘယ်နည်းနဲ့ လုပ်မလဲဆိုတာ လူတိုင်းလူတိုင်းဟာ တာဝန်သိသိနဲ့ လေးလေးနက်နက် စဉ်းစားရမှာ ဖြစ်ပါတယ်။"

NLD

NLD အမျိုးသားဒီမိုကရေစီ အဖွဲ့ချုပ်ရုံးမှာ ၂၀၁၁ ခုနှစ် စက်တင်ဘာလ ၁၅ ရက်နေ့က ကျင်းပတဲ့ အပြည်ပြည်ဆိုင်ရာ ဒီမိုကရေစီနေ့အခမ်းအနားမှာ ဒေါ်အောင်ဆန်းစုကြည် မိန့်ခွန်းပြောဆိုနေစဉ်။

NLD အမျိုးသား ဒီမိုကရေစီ အဖွဲ့ချုပ်ရုံး အစည်းအဝေးခန်းမမှာ ဒီကနေ့ မနက်က ကျင်းပတဲ့ အပြည်ပြည် ဆိုင်ရာ ဒီမိုကရေစီနေ့ အခမ်းအနားမှာ ဒေါ်အောင်ဆန်းစုကြည်က အခုလို ပြောကြားတာ ဖြစ်ပြီး တိုင်းပြည်အတွက် အကောင်းဆုံး ဖြစ်အောင်လုပ်ဖို့ လူတိုင်း တာဝန်သိသိ စဉ်းစားရမယ်လို့ ဆိုပါတယ်။ ဒီမိုကရေစီ ရချင်ရင်၊ ဒီမိုကရေစီ ခိုင်မြဲချင်ရင်၊ ဒီမိုကရေစီနဲ့ ထိုက်တန်တဲ့ စိတ်ဓာတ်တွေ မွေးမြူရမှာ ဖြစ်ပြီး နေ့စဉ်နေ့တိုင်းကို ဒီမိုကရေစီနေ့လို့ သတ်မှတ်ပြီး အလုပ်လုပ်ရမယ်လို့လည်း ဒေါ်အောင်ဆန်းစုကြည်က ပြောပါတယ်။ ဒီကနေ့ အခမ်းအနားမှာ သဘာပတိ အဖြစ် ဆောင်ရွက်တဲ့ NLD ဒုတိယ ဥက္ကဌ ဦးတင်ဦး ကလည်း အမှာစကား ပြောကြားခဲ့ပါတယ်။ အမျိုးသား ခေါင်းဆောင်ကြီးနဲ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်းက ဒီမိုကရေစီ စနစ်သာ လွတ်လပ်ရေးနဲ့ ဆီလျော်တယ်လို့ ပြောဆိုခဲ့တဲ့အကြောင်း၊ လွတ်လပ်ပြီး မြန်မာနိုင်ငံမှာ ဒီမိုကရေစီစနစ် ထူထောင်ရမယ်လို့ အမျှော်အမြင် ကြီးစွာ လမ်းညွှန် မိန့်ကြားခဲ့ဖူးကြောင်း အစချီပြီး အခုအခါမှာ လူထုခေါင်းဆောင် ဒေါ်အောင်ဆန်းစုကြည်ရဲ့ ဦးဆောင်မှုကို ခံယူပြီး မြန်မာနိုင်ငံမှာ ခိုင်မာတဲ့ ဒီမိုကရေစီ အဆောက်အအုံတွေ အခြေချဖို့ ကြိုးပန်းနေနိုင်ပြီ ဖြစ်ကြောင်း၊ ဦးတင်ဦးက ပြောဆိုသွားတယ်လို့ သိရပါတယ်။ ပထမဆုံးအကြိမ် ကျင်းပတဲ့ ဒီအခမ်းအနားကို NLD ပါတီဝင်တွေ၊ နိုင်ငံရေး ပါတီ ကိုယ်စားလှယ်တွေ၊ ၈၈-မျိုးဆက် ကျောင်းသားတွေနဲ့ စိတ်ပါဝင်စားသူ ၂၀၀ လောက် တက်ရောက်တယ်လို့လည်း သိရပါတယ်။

သစ်ထူးလွင် 9/15/2011 09:37:00 PM

၂၀၀၃ ဒဏ်ခတ်ပိတ်ဆို့မှု သက်တမ်းတိုးဖို့ အထက်လွှတ်တော်ဆုံးဖြတ်

မြန်မာနိုင်ငံက ပို့ကုန်တွေကို ပိတ်ပင်ပြီး မြန်မာ့ဒီမိုကရေစီရေးလှုပ်ရှားမှုကို ထောက်ခံကူညီဖို့ အမေရိကန်ပြည်ထောင်စုရဲ့  ၂၀၀၃ ခုနှစ် မြန်မာနိုင်ငံဆိုင်ရာအရေးယူပိတ်ဆို့မှု ဥပဒေကို အထက်လွှတ်တော်က နောက်ထပ် သက်တမ်းတိုးဖို့ ဆုံးဖြတ်လိုက်ပါပြီ။
၂၀၀၃ ခုနှစ် Burmese Freedom and Democracy Act မြန်မာနိုင်ငံ လွတ်မြောက်ရေးနဲ့ ဒီမိုကရေစီ ဥပဒေကို နောက်ထပ် သက်တမ်းတိုးဖို့ အထက်လွှတ်တော်က မကြာခင်သေးခင်ကပဲ အတည်ပြုလိုက်တာပါ။
ဒီ ဥပဒေကို သက်တမ်းတိုးဖို့ အောက်လွှတ်တော်ကလည်း ဆုံးဖြတ်ခဲ့ပြီး ဖြစ်တာမို့ မကြာခင်မှာ အမေရိကန်သမ္မတက အတည်ပြု လက်မှတ်ထိုးမယ်လို့ မျှော်လင့်ရပါတယ်။
ဒေါ်အောင်ဆန်းစုကြည်နဲ့ သူ့ကို ထောက်ခံသူတွေကို မြန်မာနိုင်ငံအလယ်ပိုင်း ဒီပဲယင်းအနီးမှာ အစိုးရလိုလားသူတွေက အကြမ်းဖက်တိုက်ခိုက်ခဲ့တဲ့ နောက်ပိုင်း၊ ဒီ ဥပဒေကို အမေရိကန်ပြည်ထောင်စု ထုတ်ပြန်ပြီး မြန်မာစစ်အစိုးရ ထိပ်ပိုင်းဗိုလ်ချုပ်တွေနဲ့ သူတို့နီးစပ်တဲ့အသိုင်းအ၀ိုင်းတွေကို ဒဏ်ခတ် အရေးယူပိတ်ဆိုမှု တွေလုပ်ခဲ့တာပါ။ ဒီဥပဒေ ရည်ရွယ်ချက်ဟာ မြန်မာစစ်အစိုးရကို အရေးယူ ဒဏ်ခတ်ဖို့၊ မြန်မာ့ဒီမိုကရေစီအင်အားစုတွေကို အားဖြစ်စေဖိုနဲ့ အမျိုးသားဒီမိုကရေစီအဖွဲ့ချုပ်ကို မြန်မာလူထုရဲ့ ကိုယ်စားလှယ်အဖြစ် တရားဝင် အသိအမှတ်ပြုဖို့ဖြစ်တယ်လို့ ဥပဒေမှာ ဖော်ပြပါတယ်။
ဒါကြောင့်လည်း မြန်မာနိုင်ငံတွင်း ပို့ကုန်တွေကို အမေရိကန်ပြည်ထောင်စုကနေ ပိတ်ပင် တားဆီးဖို့ အပါအ၀င် မြန်မာစစ်ဗိုလ်ချုပ်တွေနဲ့ သူတိုနီးစပ်တဲ့အသိုင်းအ၀ိုင်းတွေရဲ့ ပိုင်ဆိုင်မှုတွေကို ထိန်းချုပ်ဖို့ဆိုတာ ဒီ ဥပဒေမှာ ပါဝင်ပါတယ်။ တဘက်မှာလည်း ဒီမိုကရေစီရေးအတွက် အကြမ်းမဖက် လှုပ်ရှားနေကြတဲ့ မြန်မာ့ဒီမိုကရေစီအင်အားစုတွေကို ဖြစ်နိုင်သမျှ ကူညီထောက်ပံ့ဖို့ သမ္မတကိုလည်း လုပ်ပိုင်ခွင့်ပေးထားပါတယ်။
အခုလို အထက်လွှတ်တော်ဆုံးဖြတ်ချက်မတိုင်ခင်မှာတော့ မြန်မာနိုင်ငံ မူဝါဒနဲ့ ပတ်သက်ပြီး အမေရိကန် အနေနဲ့ ဖြစ်လာမယ့် အခြေအနေနဲ့ ကိုက်အောင် ညှိယူနိုင်ဖို့ ပြင်ဆင်ထားသင့်တယ်လို့ အထက်လွှတ်တော် အရှေ့အာရှနဲ့ ပစိဖိတ်ရေးရာ ဆပ်ကော်မတီ ဥက္ကဋ္ဌ ဂျင်မ်ဝက်ဘ် (Jim Webb) က ကြေညာချက် ထုတ်ပြန်ပြီး စက်တင်ဘာ ၁၂ ရက်နေ့က ပြောခဲ့ပါတယ်။

သစ်ထူးလွင် 9/15/2011 12:38:00 PM

သျှမ်းသံတော်ဆင့် အယ်ဒီတာ ကွယ်လွန်

သျှမ်းသံတော်ဆင့် သတင်းဌာန လက်ထောက် အယ်ဒီတာ ဦးစိန်ကြည် (ခေါ်) တေးသံရှင် ဆခဟ (အသက် ၅၉ နှစ်) သည် ယနေ့နံနက် ၉ နာရီ ၄၅ မိနစ်က ထိုင်းနိုင်ငံ ချင်းမိုင်မြို့ Maharaj Nakorn Chiang Mai ဆေးရုံကြီးတွင် အသည်းကင်ဆာရောဂါဖြင့် ကွယ်လွန်သွားသည်။

ဦးစိန်ကြည်သည် ရှမ်းပြည်နယ် မိုင်းကိုင်မြို့နယ်တွင် မွေးဖွားခဲ့ပြီး တန့်ယန်းမြို့ အထက်တန်းကျောင်းတွင် ဒဿမတန်း အောင်မြင်ခဲ့သည်။ ငယ်စဉ်ကတည်းက ဂီတနှင့် စာပေဘက်တွင် ၀ါသနာထုံသူတဦးဖြစ်ပြီး နာမည်ကြီး တေးရေးဆရာ စိုင်းခမ်းလိတ်နှင့်လည်း သူငယ်ချင်းဖြစ်ကြောင်း ဦးစိန်ကြည်၏ လုပ်ဖော်ကိုင်ဘက်တဦးဖြစ်သည့် သျှမ်းသံတော်ဆင့် သတင်းဌာနမှ အယ်ဒီတာ ဦးခွန်စိုင်းက ပြောသည်။

“သျှမ်းအနုပညာရှင်ထဲမှာ အင်မတန် လူချစ်များတဲ့သူတဦးပါ။ သျှမ်းသံတော်ဆင့်ရဲ့ လုပ်အားနှုန်း ၄၀ ရာခိုင်နှုန်းကို အဓိကလုပ်ပေး နေသူတဦးပါ။ အစားထိုးမရတဲ့ ဆုံးရှုံးမှုပဲ” ဟု ဦးခွန်ဆိုင်းက ဆိုသည်။

ဂီတနှင့် ပတ်သက်၍ သျှမ်း၊ မြန်မာ သီချင်းများကို ကိုယ်တိုင်ရေးစပ် သီဆိုခဲ့သူတဦးဖြစ်ပြီး ကွယ်လွန်ချိန်အထိ သျှမ်းသံတော်ဆင့် သတင်းဌာနတွင် တာဝန်ထမ်းဆောင်ခဲ့သည်။

ဒဿမတန်းအောင်ပြီးနောက် ရှမ်းပြည်တပ်မတော် (SSA) အဖွဲ့သို့ ၀င်ရောက်ခဲ့ပြီး သတင်းနှင့် ပြန်ကြားရေးဌာနတွင် လုပ်ကိုင်ခဲ့သည်။ ရှမ်းပြည်နယ်ရှိ တော်လှန်ရေးအဖွဲ့များဖြစ်သည့် SSA နှင့် ရှမ်းပြည် ညီညွတ်ရေးနှင့် တော်လှန်ရေးတပ် (SURA) တို့ ပူးပေါင်းထုတ်ဝေသည့် “ဂွဏ်းခေါ် စာစောင်” ကို ၁၉၈၃ ခုနှစ်မှ ၂၀၁၀ ပြည့်နှစ် နိုဝင်ဘာလအထိ တာဝန်ယူ ထုတ်ဝေခဲ့သူ ဖြစ်သည်။

ဦးစိန်ကြည်သည် ရှမ်းပြည်နယ်ရှိ တိုင်းရင်းသားများအရေးနှင့် ပတ်သက်၍ သျှမ်းသံတော်ဆင့် သတင်းဌာနတွင် အစဉ်တစိုက် ရေးသားခဲ့သူဖြစ်ပြီး ရှမ်းပြည်ရေးရာများနှင့် ပတ်သက်၍ ပြည်ပအခြေစိုက် မီဒီယာများသို့ မကြာခဏ သဘောထားမှတ်ချက်ပေးပြီး မေးမြန်းချက်များကို ဖြေကြားခဲ့သူ ဖြစ်သည်။

မကွယ်လွန်မီ အချိန်အထိ “၀” တိုင်းရင်းသား နယ်မြေသို့ သွားရောက်လေ့လာကာ တိုင်းရင်းသားများ အရေးကို ကိုယ်တိုင်လေ့လာ ရေးသားခဲ့သေးသည်။

ကွယ်လွန်ချိန်တွင် ဇနီးနှင့် သားသမီး ၃ ဦး ကျန်ရစ်ခဲ့ကြောင်း သိရသည်။ ကျန်ရစ်သည့် ရုပ်ကလာပ်ကို ချင်းမိုင်မြို့ ၀ပ်ပါပေါက် ဘုန်းတော်ကြီးကျောင်းတွင် ထားရှိသင်္ဂြိုဟ်မည်ဟု သိရသည်။

သစ်ထူးလွင် 9/15/2011 12:11:00 PM

ဒီမိုကရေစီနေ့ အခမ်းအနား ဒေါ်အောင်ဆန်းစုကြည် တက်ရောက်

ယနေ့နံနက် ၈နာရီအချိန်တွင် ရန်ကုန်မြို့၊ အမျိုးသားဒီမိုကရေစီရုံးတွင

် ဒီမိုကရေစီနေ့ အခမ်းအနားပြုလုပ်ကျင်းပခဲ့ပြီး ဒုတိယဥကဋ္ဌဦးတင်ဦးနှင့် ဒေါ်အောင်ဆန်းစုကြည်တို့ တက်ရောက်ခဲ့ကြောင်း သိရှိရသည်။

Myit Makha Mediagroup ဖေ့စ်ဘုတ် စာမျက်နှာမှ ကူးယူဖော်ပြသည်။

သစ်ထူးလွင် 9/15/2011 12:06:00 PM

မိုးသည်းထန်စွာ ရွာသွန်းမှုကြောင့် သောင်ရင်းမြစ်ရေ ရုတ်တရက် မြင့်တက်လာကာ မြ၀တီမြို့ ရပ်ကွက်အချို့ ရေနစ်မြုပ်

မြ၀တီမြို့နယ် အတွင်း စက်တင်ဘာလ ၁၁ ရက်နေ့ညနေပိုင်းနှင့် ၁၂ ရက်နေ့များတွင် မိုးသည်းထန်စွာရွာ သွန်းမှုကြောင့် ၁၂ ရက်နေ့ညနေပိုင်းတွင် သောင်ရင်းမြစ် ရေလျှံတက်ကာ မြ၀တီမြို့ အမှတ်(၁၊ ၂၊ ၃)နှင့် အမှတ်(၅)ရပ်ကွက် အနိမ့်ပိုင်းနေအိမ်များ ရေနစ်မြုပ်ခဲ့ကြောင်း၊ ခရိုင်မြို့ နယ်အုပ်ချုပ်ရေးမှူးများနှင့် လူမှုရေး အသင်းအဖွဲ့များမှ ကယ်ဆယ်နေရာ ချနေရာချထားခြင်း လုပ်ငန်းများကို ညတွင်းချင်းဆောင်ရွက်ခဲ့ကြောင်း  သိရသည်။
“ညနေ ၄ နာရီကစပြီးရေတက် ခဲ့တယ်ဆိုပေမယ့် ညနေ ၆ နာရီ ကျော်တော့ ချက်ချင်းမြင့်တက်လာတာ အိမ်ထဲကို ရေ၀င်လာတော့တာပဲ။ ပစ္စည်းတွေရွှေ့ပြောင်းချိန်မှာ ရေက ခါးလောက်ရောက်နေပြီ”ဟု မိုးကုတ် ဈေးအနီးနေထိုင်သူတစ်ဦးကပြောပြ သည်။
“ရေနစ်မြုပ်တဲ့အိမ်တွေက လူ တွေ၊ ပစ္စည်းတွေကို ကယ်ဆယ်ရေး စခန်းငါးခုဖြစ်တဲ့အမှတ်(၁)ရပ်ကွက် ဓမ္မာရုံ၊ တေဇစက္ကီဓမ္မာရုံ၊ ဘုရားကြီး ကျောင်းတိုက်ဓမ္မာရုံ၊ အမှတ်သုံးရပ် ကွက်ရှိ ဓမ္မာရန်အောင်ဓမ္မာရုံ၊ မိုး ကုတ်ဈေး ၊ ဖားခြောက်ကောင်ကျောင်း ဓမ္မာရုံတွေမှာ နေရာချထားပေးပါတယ်”ဟု ကယ်ဆယ်နေရာချထား ရေးဆောင်ရွက်နေသော လူမှုရေးအသင်း အဖွဲ့ဝင်တစ်ဦးက ပြောပါသည်။
၁၉၉၄ ခုနှစ်နောက်ပိုင်း မြ၀တီ မြို့ပေါ်ရပ်ကွက်များရေနစ်မြုပ်မှုမှာ ပထမဆုံးအကြိမ် ဖြစ်ကြောင်း၊ ယင်းရေကြီးမှုကို ရွှေမြင်းဝန်ဘုရားကြီး ပါးစပ်ထိ ရေရောက်ခဲ့၍ နဂါးရေ သောက်သည့်နှစ်ဟုလည်း ဆိုကြ သည်။
စက်တင်ဘာလ ၁၃ ရက်နေ့ တွင် ပြည်နယ်ဝန်ကြီးချုပ် ညွှန်ကြားချက်အရ ခရိုင်၊ မြို့နယ် အုပ်ချုပ်ရေးမှူးနှင့် လူမှုရေး အသင်းအဖွဲ့ဝင်များ ရပ်ကွက်လေးခုမှ ရေလွှမ်းခံရသည့် အိမ်ခြေ ၁၉၁ လုံး၊ အိမ်ထောင်စု ၂၀၉ စု၊ လူဦးရေကျား၊ မ စုစုပေါင်း ၁၀၉၁ ဦးတို့အား ဆန်း ၄၅ အိတ် ၁၀ ပြည်၊ ကြက်ဥ ၅၄၄၀ လုံးတို့ကို လူတစ်ဦးလျှင် ဆန်တစ်ပြည်နှင့် ကြက်ဥငါးလုံး၊ ခေါက်ဆွဲခြောက် တစ်ထုပ် ပံ့ပိုးခဲ့ကြောင်း သိရသည်။
ထို့ပြင် သောက်ရေသုံးရေနှင့် ကျန်းမာရေးအတွက် ဆေးဝါးများကိုလည်း စီစဉ်လှူဒါန်းပြီး နံနက်စာ ညနေစာများကိုလည်း ရပ်ကွက်အတွင်း စေတနာရှင်များက လှူဒါန်းလျက်ရှိကြောင်း သိရသည်။

သစ်ထူးလွင် 9/14/2011 09:26:00 PM

စစ်မှန်တဲ့ ဆွေးနွေးမှု စ နေပြီလို့ ဒေါ်စု အချက်ပြ

အန်အယ်လ်ဒီ ခေါင်းဆောင် ဒေါ်အောင်ဆန်း စုကြည်ကလက်ရှိ အစိုးရနဲ့ ဆွေးနွေး နေမှုကို အားရ ကျေနပ်တယ်လို့ ပြောပါတယ်။

Daw Aung San Suu Kyiတွေ့ခဲ့ရတဲ့ အစိုးရ ဝန်ကြီးတွေက ရင်းနှီး ဖော်ရွေ တယ်လို့ ဒေါ်စု ပြောအခု လက်ရှိ အစိုးရအဖွဲ့မှာ အရင် စစ်အစိုးရ လက်ထက်က ပုဂ0x081ဂိုလ်တွေ ပါဝင်ပေမဲ့ ဒီမိုကရေစီ ပုံစံနဲ့ သွားမယ်လို့ ပြောထားတဲ့ အတွက် ယခင် ဆွေးနွေးမှုနဲ့ အခု လက်ရှိ ဆွေးနွေးမှုတွေ ကွာခြားတယ်လို့ ပြည်တွင်း ပြည်ပ သတင်း သမား တခိျု့နဲ့ အဂင်0x081ါ နေ့က အန်အယ်လ်ဒီ ရုံးမှာ တွေ့ဆုံပြီး သူတို့ အမေး တွေကို ဖြေကြားစဉ် ဒေါ်အောင်ဆန်း စုကြည်က ပြောခဲ့တာ ဖြစ်ပါတယ်။အရင် ဆွေးနွေးမှုတွေ တုန်းက အကြောင်း အရာ တွေကို တိတိ ကျကျ ဆွေးနွေး နိုင်ခဲ့ခြင်း မရှိခဲ့ပေမဲ့ အခု အစိုးရသစ် နဲ့တော့ မည်မည် ရရ ကိစ0x081စတွေကို ဆွေးနွေး နိုင်ခဲ့တယ်၊ တိုးတက်မှုတွေ လျင်မြန်တယ်လို့ ဒေါ်အောင်ဆန်း စုကြည်က ပြောခဲ့ကြောင်း ကိုယ်တိုင် တွေ့ဆုံ မေးမြန်းခွင့် ရခဲ့သူ ရန်ကုန် သတင်း မီဒီယာ ဂရုပ်က ဦးကိုကို(စက်မှု) က ဘီဘီစီကို ပြောပါတယ်။အစိုးရ အဖွဲ့တွင်း တခြား ပုဂ0x081ဂိုလ်တွေ အားလုံးရဲ့ သဘောထားကို မသိနိုင်ပေမဲ့ သမ0x081မတ ဦးသိန်းစိန် အနေနဲ့ကတော့ အမှန်တကယ် စစ်မှန်တဲ့ ပြုပြင် ပြောင်းလဲမှု ပြုလုပ် လိုသူ တစ်ယောက် ဖြစ်တာ ဒေါ်အောင်ဆန်း စုကြည်က ယူဆ တယ်လို့လည်း ဦးကိုကိုက ပြောပါတယ်။ဒါပေမဲ့ ဘာတွေ ဆွေးနွေး ခဲ့ကြတယ် ဆိုတာကိုတော့ ထုတ်ဖော် မပြောသေးဘူးလို့ ဒေါ်အောင်ဆန်း စုကြည်က ပြောတယ်လို့လည်း သူက ဆိုပါတယ်။ပြည်ပကလာတဲ့ အေအက်ဖ်ပီ (AFP) သတင်း ဌာနရဲ့ ထိုင်း အခြေစိုက် ရုံးခွဲ တာဝန်ခံနဲ့ ဗွီအိုအေ မြန်မာ ဌာနက သတင်းထောက် တို့ အပြင် ပြည်တွင်းက ရန်ကုန် မီဒီယာ ဂရု, နယူးစ် ဝိခ် (Newsweek) , ဆဲဗင်းဒေး (7 Day) နဲ့ လျှပ် တပြက် သတင်း ဌာန တို့က သတင်းထောက် တွေကို ဒေါ်အောင်ဆန်း စုကြည်က သီးခြားစီ မေးမြန်းခွင့် ပြုခဲ့ တာဖြစ်ပါတယ်။ဒေါ်အောင်ဆန်း စုကြည်က လာမယ့် ရက်တွေ မှာ မအားတဲ့ အတွက် မြန်မာ နိုင်ငံကို ရောက်နေတဲ့ ပြည်ပ သတင်းထောက် တွေကို မေးမြန်းခွင့် ပေးတဲ့ ဒီ တစ်ရက်ထဲမှာ ပဲ ပြည်တွင်းက ခွင့်တောင်း ထားကြတဲ့ ဂျာနယ် အသီးသီးက သတင်းထောက်တွေကို တွေ့ဆုံခွင့် ပေးတာ ဖြစ်တယ်လို့ လည်း သိရပါတယ်။

သစ်ထူးလွင် 9/14/2011 09:20:00 PM

NGO မှ ၀င်လာသည့် ငွေများ USDP ရံပုံငွေ အဖြစ်ဖြတ်တောက်

ပြည်ထောင်စု ကြံ့ခိုင်ရေးပါတီ၏ ရံပုံငွေသည် ယခင် ပြည်ထောင်စုကြံ့ခိုင်ရေး အသင်းကာလ ကတည်း က ယနေ့ အထိ ပြည်ပအဲန်ဂျီအိုမှ ရရှိသည့် ၀င်ငွေများအား ရာခိုင်နှုန်းအားဖြင့် ဖြတ်တောက်လိုက် သော ငွေများ ဖြစ်ကြောင်း သတင်းရရှိသည်။
” ကျတော်အပါအ၀င်ပေါ့၊ ဖလမ်းမြို့နယ်မှာ ယူအက်စ်ဒီပီ ငွေချေးတဲ့ ပုဂ္ဂိုလ် ၁၀၀ လောက်ရှိတယ်၊ အနည်းဆုံး သုံးသိန်းစီ ချေးတယ်၊ သုံးသိန်းချေးယင် စပေါ် တသိန်း ပြန်ထားရတယ် ” ဟု ယူအက်စ်ဒီပီပါတီ ၀င်တဦးက ပြောသည်။
ငွေတွေကို ၃ ကျပ်နှုန်းဖြင့် ချေးငှားပြီး အတိုးငွေများကို အဆင့်ဆင့်သော ယူအက်စ်ပါတီ ခေါင်းဆောင် များ၏ လစာ၊ ရုံးလုပ်ငန်းများအတွက် ပြန်လည် အသုံးပြုခြင်းဖြစ်သည်ဟု သိရသည်။
” ဒါတင်မကဘူး၊ လိုင်စင်မဲ့ ဆိုင်ကယ်အတွက် ဒါဏ်တပ်ငွေနဲ့ အခြား ဘီးခွန်ထဲက ၁၀ ရာခိုင်နှုန်းကို ယူအက်စ် ဒီပီပါတီထံ ပေးရတယ်” ဟု ပြောသည်။
ယင်းကိစ္စနှင့် ပါတ်သက်ပြီးဟားခါးမြို့မှ မော်တော်ပီကေ တဦးက မူ ” ကျတော်တို့က ဒါဏ်ငွေတွေကို အထက် လူကြီးထံအပ်တယ်၊ အဲဒီငွေကို ပြန်ပြီး ခွဲဝေတယ်၊ ကျန်ငွေကို ဘယ်လိုဆက်လုပ်သလဲတော့ မသိဘူး”  ဟု ပြောသည်။
ချင်းပြည်နယ် ဖလမ်း မြို့နယ်ယူအက်စ်ဒီပီပါတီလစာသည် ခရိုင်တာဝန်ခံ ကျပ်ငွေ ၈၀၀၀၀၊ အတွင်းရေးမှူး ကျပ်ငွေ ၇၀၀၀၀ နှင့် ဗဟိုအလုပ်အမှုဆောင်ကော်မီတီဝင် ၅ ဦး ကျပ်ငွေ ၂၅၀၀၀ စီ ရရှိကြသည်။
အလားတူ ကျန် ချင်းပြည်နယ် ၈ မြို့နယ်စလုံးရှိ  မြို့နယ် ယူအက်စ်ဒီပီ အလုပ်အမှုဆောင်ကော်မီတီ ၀င်များ လည်း လစာ ရရှိကြကြောင်းသိရသည်။
ချင်းပြည်နယ်အတွင်း စစ်အစိုးရမှ တဆင့် ယူအဲန်ဒီပီ၊ ယူနီဆက်ဖ် စသည့် အဲန်ဂျီအိုများ ၀င်ရောက်ပြီး အိန္ဒိယ အစိုးရမှ ဒေါ်လာ ၈ သိန်းကိုလည်း ယူအက်စ်ဒီပီပါတီမှ စီမံခန့်ခွဲမည်ဟု သတင်းများအရ သိရသည်။

သစ်ထူးလွင် 9/14/2011 09:16:00 PM

‘‘တက်စရာ ရုံးမရှိဘူး’’ ချင်းလွှတ်တော်အမတ် နှင့် အင်တာဗျူး

မြန်မာနိုင်ငံတွင် အမည်ခံ အရပ်သား အစိုးရသစ် တက်လာပြီးနောက် ၄ လအကြာ ဒုတိယအကြိမ် ပြည်ထောင်စု လွှတ် တော်ကို သြဂုတ်လ ၂၂ ရက်နေ့က ခေါ်ယူကျင်းပခဲ့ပြီး၊ လာမည့် စက်တင်ဘာ ၂၂ ရက်နေ့တွင် တိုင်းဒေသကြီး နှင့် ပြည် နယ် လွှတ်တော်အစည်းအဝေးများ ဆက်လက် ကျင်းပသွားမည် ဖြစ်သည်။

ချင်းပြည်နယ်တွင် ပြည်နယ်ဝန်ကြီးချုပ်ဦးဆောင်သည့် ပြည်နယ်အစိုးရ ဖွဲ့စည်းထားသော်လည်း ပြည်နယ်အစိုးရတွင်း မပါ ၀င်သည့် လွှတ်တော်အမတ်များ၏ အနေအထားနှင့် ၎င်းတို့အနေဖြင့် မည်သည့်လုပ်ငန်းများ ဆောင်ရွက်နေသည်ကို ရှင်း ရှင်းလင်းလင်း မသိရသေးပေ။

ယင်းကိစ္စအတွက် ၂၀၁၀ ရွေး ကောက်ပွဲ တွင် ချင်းပြည်နယ်မှ အမတ်(၁၁)ဦး ရွေးကောက်ခံထားရသော ချင်းတိုးတက် ရေးပါတီ (စီပီပီ) ၏ ချင်းပြည်နယ် ဖလမ်း မြို့နယ်အမှတ် (၁) မဲဆန္ဒနယ်မြေမှ ပြည်နယ်လွှတ်တော် ကိုယ်စားလှယ်အဖြစ် ရွေးကောက် တင်မြောက်ခံရသော ဦးနာ့ထန်း ကို ခိုနူမ်းထုန်က ဆက်သွယ်မေးမြန်းထားပါသည်။

မေး ။   ။ မကြာခင်ကျင်းပမယ့် လွှတ်တော်အစည်းအဝေးမှာ ဦးနာ့ထန်းအနေနဲ့ ဘာတွေတင်ပြဖို့ စီစဉ်ထားလဲ?

ဖြေ ။      ။ လွှတ်တော်မှာက တကြိမ်မှာ ကဏ္ဍ ၄ ချက်ထက် ပိုမတင်ပြရဘူးဆိုပြီးတော့ နည်းဥပဒေထဲမှာ ပြဌာန်းထား တယ်။ ဒါကြောင့် ကျနော်တို့ ကြိုက်သလောက်လည်း တင်ပြလို့မရဘူး၊ အဲဒီတော့ ဖလမ်းမြို့နယ်အနေနဲ့က စံချိန်မှီ ဘော်လုံးကွင်း မရှိဘူး၊ ပြီးတော့ ခရိုင်မြို့တမြို့ဖြစ်ပြီးတော့ ယနေ့ထိ ဂေါက်ကွင်းလည်း မရှိသေးဘူးပေါ့လေ၊ အဲလိုဟာမျိူး၊ ပြီးတော့ ရိဒ် – ဖလမ်း-ဝေဘူလ-ကလေး ကားလမ်းက (Maintenance) ပြုပြင်မှုမရှိဘူး ဒါမျိုးတွေ တင်ပြဖို့ရှိပါတယ်။

မေး ။   ။ ပထမအကြိမ် ခေါ်ယူကျင်းပတဲ့ ပြည်နယ်လွှတ်တော် နဲ့ အခု ပြန်ခေါ်မယ့် ဒုတိယအကြိမ် ပြည်နယ်လွှတ်တော်မခေါ်ခင် စပ်ကြားကာလမှာ ပြည်နယ်လွှတ်တော်အမတ်တွေ အနေနဲ့ ဘာလုပ်ငန်းတွေ ဆောင်ရွက်ဖြစ်ပါသလဲ?

ဖြေ ။      ။ ဘာမှလုပ်စရာမရှိပါဘူး၊ ၀န်ကြီးအဖွဲ့တွေကတော့ သူတို့လုပ်စရာတွေတော့ရှိမှာပါ၊ ကျနော်တို့ကတော့ ဘာမှကို လုပ်ကို မလုပ်ရသေးတာ ဘာလုပ်ငန်းမှကို မစရသေးဘူး။

မေး ။   ။ ပထမအခေါက် လွှတ်တော် အစည်းအဝေးကနေ ဦးနာ့ထန်းကို ချင်းပြည်နယ်ရဲ့ ဥပဒေပြုရေးကော်မီတီ ဥက္ကဌ အဖြစ် ခန့်အပ်ထားတယ်နော်၊ အဲဒီ ကော်မီတီ အနေနဲ့ ဘာတွေ ဆောင်ရွက်ဖြစ်ပါသလဲ?

ဖြေ ။      ။ ဘာမှမရှိသေးဘူး၊ အလကားနေရတာပါဘဲ၊ ဥပမာ ဘာနဲ့တူလည်းဆိုတော့ ကျနော်တို့ကို အင်တာဗျူးဖြေတယ် ဖလမ်းမြို့ကနေ နှစ်ယောက်အောင်တယ်၊ ကျနော် နှင့် ကျနော့် သူငယ်ချင်း ဦးနိုးဆွမ်ပေါ့လေ၊ စားပွဲ ကုလားထိုင်တော့ပေး တယ် လစာလည်းပေးတယ်ပေါ့လေ၊ ခဲတံ စာရွက်တွေတော့မပေးဘူး၊ ဘာလုပ်ပါဆိုပြီး ခိုင်းတာလည်းမရှိဘူး၊ လုပ်ပိုင် ခွင့် လည်း ဘာမှမပေးသေးဘူး။

မေး ။   ။ ဦးနာ့ထန်းတို့အနေနဲ့ ရုံးမတက်ရဘူးလား?

ဖြေ ။      ။ ရုံးရယ်လို့ကို လုံးဝမရှိဘူး၊ တခါတလေ ခုလို ဟားခါကိုသွားပြီးတော့ လွှတ်တော်အစည်းအဝေး သွားတက်တာမှ အပ ဘာမှရုံးလည်းမရှိဘူး ဒီလိုဘဲ အလကားနေရတာ။

မေး ။   ။ အစိုးရဘက်ကနေ ရုံးတွေဘာတွေ စီစဉ်ပေးတာ မရှိဘူးလား?

ဖြေ ။      ။ ဘာမှမရှိဘူး၊ ဖြစ်ပုံက ကျနော်တို့က ထွေအုပ်(မြို့နယ်အုပ်ချူပ်ရေးမှူး) ရဲ့ လက်အောက်မှာ နေရမလိုလို ဘာလိုလို ဘယ်သူကမှ ကျနော်တို့ကို ဂရုစိုက်တာမဟုတ်ဘူး။

မေး ။   ။ ပြည်သူလူထုတွေကရော ဦးနာ့ထန်းတို့လို ပြည်နယ်အမတ်တွေကို ဘယ်လိုမြင်လဲ ဘယ်လို ဆက်ဆံကြလဲ?

ဖြေ ။      ။ လူထုတွေက ကျနော်တို့ကို လွှတ်တော်အမတ် ဆိုမှန်းတောင် မသိကြဘူး၊ ကျနော်တို့ ကိုယ်စားလှယ်ဆိုမှန်း တောင်မှ ဂရုကိုမစိုက်ဘူး၊ ဥပမာ ဌာနဆိုင်ရာတခုလက်အောက် ၀န်ထမ်းတယောက်ကို ကျနော်တို့က နည်းနည်းပါးပါး သူတို့ဌာနဆိုင်ရာ လစ်ဟင်းမှုရှိတယ် အဲဒါပြောလိုက်တယ်၊ ကျနော်တို့ကို ဘာမှဂရုစိုက်တာ မဟုတ်ဘူး၊ ကျနော်တို့ကို သူတို့ အရွယ်လောက်များ မှတ်လားမသိဘူး၊ အဲလိုဘဲ ဆက်ဆံတယ် အင်မတန်မှ ၀မ်းနည်းစရာကောင်းတယ်။

မေး ။   ။ အဲဒါတွေက ဘာကြောင့်လဲဗျ?

ဖြေ ။      ။ စနစ်ကိုက သေချာအပြောင်းအလဲ မရှိသေးလို့ဘဲ ထင်တယ်။ ပြီးတော့ လူထုတွေကိုက ကျနော်တို့နိုင်ငံမှာ ပါတီစုံ ဒီမိုကရေစီစနစ် ကျင့်သုံးနေတယ်ဆိုတာ ဘယ်သူမှသဘောမပေါက်ကြဘူး။

မေး ။   ။ ချင်းပြည်နယ်အစိုးရ ဒါမှမဟုတ် ၀န်ကြီးးချုပ်ကရော ဦးနာ့ထန်းတို့လို ပြည်နယ်လွှတ်တော် အမတ်တွေကို အလုပ်ကိစ္စ တိုင်ပင်တာ ဆွေးနွေးတာတို့ မရှိဘူးလား?

ဖြေ ။      ။ ၀န်ကြီးချူပ်က ကျနော်တို့ အမတ်တွေကို တိုင်ပင်တာ မရှိပါဘူး။

မေး ။   ။ ၀န်ကြီးချုပ် ဦးဟုန်းငိုင်းကိုရော ဘယ်လိုမြင်လဲ။ ချင်းပြည်နယ်အတွက် တကယ် အလုပ်လုပ်မယ့်လူ လို့ မြင်လား?

ဖြေ ။      ။ (ပြောဖို့) နည်းနည်း စောသေးတယ်လို့ ထင်တယ်။ ဘာဖြစ်လို့လဲ ဆိုတော့ ခုက လေး ငါး ခြောက်လ လောက်ပဲ ရှိသေးတယ်ဆိုတော့ သူ့အနေနဲ့လည်း ဘာလုပ်လို့ ဘာကိုင်ရမှန်း ကောင်းကောင်း သိဦးမယ်မထင်ဘူး။

မေး ။   ။ ကျန်တဲ့ ချင်းပြည်နယ် ၀န်ကြီးအဖွဲ့တွေကရော ဘာတွေလုပ်နေကြတာလဲ?

ဖြေ ။      ။ နေ့တိုင်းတော့ခရီးထွက်နေကြတာဘဲ၊ လုပ်ကြပါတယ်။ နေ့ရောညပါ ဘာလုပ်မှန်းတော့ ကျနော်တို့ မသိရဘူး။

သစ်ထူးလွင် 9/14/2011 09:15:00 PM

ရွေးကောက်ပွဲကော်မရှင်ကို ရှုတ်ချရာတွင် ရခိုင် ပြည်နယ်ဝန်ကြီးများလည်း ပါဝင်

စက်တင်္ဘာလ ၉ ရက်နေ့က ရခိုင်ပြည်နယ် ပေါက်တော မြို့နယ် ပြည်သူ့ လွှတ်တော်အမတ် ကို အရှုံးပေးခဲ့သည့် ရွှေးကောက်ပွဲကော် မရှင်ကို ရှုတ်ချရာတွင် ရခိုင်ပြည်နယ် ၀န်ကြီး သုံးဦးလည်း ပါဝင်ကြောင်း သတင်း ရရှိသည်။
စက်တင်္ဘာလ ၉ ရက်နေ့က ရခိုင်ပြည်နယ် လွှတ်တော်အမတ် ၁၈ ဦးက အနိုင်ရ ပေါက်တောမြို့နယ် ပြည်သူ့ လွှတ်တော် ကိုယ်စားလှယ် ဦးအောင်ကျော်ဇံအား ရွှေးကောက်ပွဲ ကော်မရှင် ခုံရုံးကအရှုံးပေး လိုက်ခြင်း အပေါ် ကျေညာချက်ထုတ်ပြန် ကန့်ကွက်ရှုတ်ချရာ ထိုအထဲတွင် ရခိုင်ဝန်ကြီး သုံးဦးလည်း ပါဝင်သည်။

အဆိုပါ ကျေညာချက်ထဲတွင်" ပြည်သူလူထု အပေါင်း၏ ရွှေးကောက်တင်မြှောက်ခံရသော ပြည်သူ့ကိုယ်စား ပြု ကိုယ်စားလှယ် တစ်ဦးအား နိုင်ငံရေး ပြိုင်ဘက်များနှင့် ယင်းတို့၏ နောက်ကွယ် အင်အားများက နိုင်ငံရေး အရ လုပ်ကြံမူကြောင့် ဖြစ်ပေါ်ကြုံတွေ့ ရင်ဆိုင်လိုက်ရသော ပေါက်တောမြို့နယ် ပြည်သူ့လွှတ် တော် ကိုယ်စားလှယ် ဦးအောင်ကျော်ဇံ၏ နစ်နာဆုံးရှုံးမူ အတွက်လည်းကောင်း၊ မဲဆန္ဒရှင်ပြည်သူ များ၏ မျှော်လင့်ချက် ဆန္ဒ ပျက်သုဉ်းရခြင်း၊ စိတ်ပျက်ဖွယ် ရလာဒ်များ ဖြစ်ပေါ်ရခြင်းအတွက် လည်းကောင်း ကျွနုပ်တို့ ရခိုင်တိုင်းရင်းသားများ တိုးတက်ရေးပါတီ ကိုယ်စားပြု ပြည်နယ်လွှတ်တော် ကိုယ်စားလှယ်များက လုံးဝ လက်မခံနိုင်ကြောင်းနှင့် ယင်းလုပ်ရပ် အပေါ် ပြင်းထန်စွာ ရှုတ်ချကြောင်း သဘောထား ထုတ်ပြန် ကြေညာအပ်သည်" ဟု ပါရှိသည်။

ရွှေးကောက်ပွဲကော်မရှင်အား တခြား လွှတ်တော် အမတ်များနှင့် အတူ ရှုတ်ချရာတွင် ပါဝင်သူ ပြည်နယ် ၀န်ကြီး များမှာ ဦးသာလူချေ ( လျှပ်စစ်နှင့် စက်မူလက်မူ ၀န်ကြီး)၊ ဦးကျော်သိန်း ( စိုက်ပျိုးရေးနှင့် မွေးမြူရေး ၀န်ကြီး) နှင့် ဦးအောင်သန်းတင် ( သစ်တောနှင့် သတ္တုဝန်ကြီး) တို့ ဖြစ်ကြသည်။

အဆိုပါ ကိစ္စနှင့် ပိုပြီး သိရှိနိုင်အောင် မေးမြန်းရန် ကြိုးစား ဆောင်ရွက်သော်လည်း ပြည်နယ် ၀န်ကြီးများနှင့် ဆက်သွယ်မူ မရရှိခဲ့ပါ။

ရခိုင်တိုင်းရင်းသားများတိုးတက်ရေးပါတီ၏ ရခိုင်ပြည်နယ် လွှတ်တော် ကိုယ်စားလှယ်များမှ ရွှေးကောက်ပွဲ ကော်မရှင်၏ ဆုံးဖြတ်ချက် အပေါ် ရှုတ်ချကန့်ကွက်ခြင်းမှာ ဒုတိယ အကြိမ် ဖြစ်ပြီး ပထမ တကြိမ်ကလည်း အမျိုးသား လွှတ်တော်နှင့် ပြည်သူ့ လွတ်တော် ကိုယ်စားလှယ် ၁၅ ဦးက လက်မှတ်ရေးထိုး ကျေညာချက် ထုတ်ပြန်ကာ ရွှေးကောက်ပွဲ ကော်မရှင် ဆုံးဖြတ်ချက်ကို လူသိရှင်ကြား ရှုတ်ချ ကန့်ကွက်ခဲ့သည်။

ရွှေးကောက်ပွဲကော်မရှင် တရားခုံးရုံးသည် ပေါက်တောမြို့နယ် ပြည်သူ့လွှတ်တော် အမတ် ဦးအောင်ကျော်ဇံအား ပြိုင်ဘက် ကြံ့ဖွံ့ ပါတီ ဦးထွန်းအောင်ခိုင်ထက် မဲအရေအတွက် ၁၉၉၉၉ အနိုင်ရရှိခဲ့သော်လည်း ဦးအောင်ကျော်ဇံအား အရှုံးပေးခဲ့သည်။ ၂၀၁၀ နိုဝင်္ဘာလ ၇ ရက်နေ့က ပြုလုပ်ခဲ့သော ရွှေးကောက်ပွဲတွင် ဦးအောင်ကျော်ဇံမှာ မဲ ၃၀၅၅၀ ရရှိခဲ့ပြီး ကြံ့ဖွံ့ကိုယ်စားလှယ် ဦးထွန်းအောင်ခိုင်မှာ ကြိုတင်မဲများ အပါအ၀င် မဲစုစုပေါင်း ၁၁၅၅၁ မဲသာ ရရှိခဲ့သည်။

ယခုကဲ့သို့ ရွှေးကောက်ပွဲ ကော်မရှင်က မဲဆန္ဒရှင်များ၏ ဆန္ဒကို မလေးစားဘဲ တရားမျှတမူ မရှိဖက်လိုက် ကာ ဆုံးဖြတ်မူမှာ လက်ရှိ မြန်မာနိုင်ငံ၏ ရွှေးကောက်ပွဲ ဥပဒေ အပေါ် ကြီးမားသော စိန်ခေါ်မူ တရပ်ပင် ဖြစ်ကြောင်း ဥပဒေကျွမ်းကျင်သူများက ပြောသည်။

သစ်ထူးလွင် 9/14/2011 09:13:00 PM

သတင်းထောက် ကိုစည်သူဇေယျကို နောက်ထပ် ၁၀ နှစ်တိုး

သတင်းထောက် ကိုစည်သူဇေယျ ကို အီလက်ထရောနစ် ပုဒ်မ (၃၃-ခ) နဲ့ နောက်ထပ် ထောင်ဒဏ် (၁၀) နှစ် အင်းစိန်ထောင် အထူးတရားရုံးမှာ ဒီကနေ့ ညနေက အမိန့်ချမှတ် လိုက်ပါတယ်။

(Photo: AFP)

ရန်ကုန်မြို့၊ ကန်တော်ကြီးနဘေးရှိ X2O သင်္ကြန်မဏ္ဍပ်တွင် ၂၀၁၀ ဧပြီ ၁၅ ရက် သင်္ကြန်အကြတ်နေ့က ဗုံးသုံးလုံး ဆက်တိုက် ပေါက်ကွဲသဖြင့် ထိခိုက်ဒဏ်ရာရသူများကို လူနာတင်ယာဉ်ပေါ်သို့ တင်ဆောင်နေပုံ ဖြစ်ပါသည်။ (Photo: AFP)

ကိုစည်သူဇေယျကို အရင်က ပုဒ်မ- ၁၃ တရားမဝင် နယ်စပ် ဖြတ်ကျော်မှု၊ ပုဒ်မ - ၁၇ မတရားသင်း ဆက်သွယ်မှု စတဲ့ ပုဒ်မနှစ်ခုနဲ့ မြန်မာ အစိုးရ အာဏာပိုင်တွေက စွပ်စွဲပြီး ထောင်ဒဏ် (၈) နှစ် ချမှတ်ထားတာပါ။ ဒါကြောင့် ဒီနေ့ ထပ်ချလိုက်တဲ့ ထောင်ဒဏ် (၁၀) နှစ်နဲ့ ဆိုရင် စုစုပေါင်း ထောင်ဒဏ် (၁၈) နှစ် ဖြစ်သွားပါတယ်။ ဒီကိစ္စနဲ့ပတ်သက်လို့ ကိုစည်သူဇေယျရဲ့ ဦးလေးဖြစ်သူ ဦးဒေဝက RFA ကို အခုလို အတည်ပြု ပြောဆိုပါတယ်။ " ၁၀နှစ်ပါ။ ပုဒ်မ (၃၃-ခ) အီလက်ထရောနစ် ပုဒ်မလို့ ခေါ်ပါတယ်။ ပြည်ပက မတရားအဖွဲ့အစည်းတွေကို အင်တာနက်က ဆက်သွယ်ပြီး သတင်းပေးတယ်ပေါ့။ ဘာမှ complaint တက်လို့ မရတော့ဘူးလေ။ ဒါ တရားသူကြီး အမိန့်ချသွားတာဘဲ။ အဲဒီလိုတော့ ကြိုတင်ပြီးတော့ တွက်ဆထားပြီးသားပါ။" ကိုစည်သူဇေယျကို ဖခင်ဖြစ်သူ စာရေးဆရာ ဦးမောင်မောင်ဇေယျ ခေါ် သားကြီးမောင်ဇေယျနဲ့အတူ ၂၀၁၀ ဧပြီလ က ရန်ကုန် သင်္ကြန် X2O မဏ္ဍပ်ရှေ့ ဗုံးပေါက်ကွဲမှု အပြီး၊ ဗုံးကွဲတဲ့ ဖြစ်ရပ်ကို ဓါတ်ပုံရိုက် သတင်းယူမှုနဲ့ စစ်အစိုးရက ဖမ်းဆီးပြီး ထောင်ဒဏ် အသီးသီး ချမှတ်ထားတာ ဖြစ်ပါတယ်။ သူတို့ဟာ ကွယ်လွန်သူ စာရေးဆရာ လင်းယုန် မောင်မောင်ရဲ့ သားနဲ့မြေးလည်း ဖြစ်ပါတယ်။ ဦးမောင်မောင်ဇေယျတို့ သားအဖ အပါအဝင် သတင်းထောက်တွေကို ဖမ်းဆီး ထောင်ချနေတာကို နယ်စည်းမခြား သတင်းထောက်များ အဖွဲ့ RSF က မြန်မာ အစိုးရကို ပြစ်တင် ရှုတ်ချလိုက်ပြီး သူတို့ကို အမြန်ဆုံး ပြန်လွှတ်ပေးဖို့လည်း တောင်းဆို တိုက်တွန်းလိုက် ပါတယ်။

သစ်ထူးလွင် 9/14/2011 09:11:00 PM

ငိုရှာလေပြီ ဧရာဝတီ . . .

ဧရာပုံရိပ်၊ ရှေးအတိတ်
လွန်ခဲ့သော သုံးနှစ်လောက်ကပင် ဤဆောင်းပါးကိုရေးရန် တာစူခဲ့သည်။ အခြေအနေစောင့်ကြည့်ရင်း အချိန်အတော် ကုန်သွားသည်။ ခုတော့ 'ငိုရှာလေပြီ ဧရာဝတီ' ကိုရေးဖြစ်ပါသည်။ မိခင်ဧရာဝတီ၏ သမိုင်းကြောင်းကား ရှည်ညောင်းလှလေပြီ။ ဧရာဝတီသည် လွန်ခဲ့သောနှစ်ပေါင်း ၄၅ သန်းကျော်ကပင် ရှိနေခဲ့သည်ဟု မြန်မာ့စွယ်စုံကျမ်းအတွဲ ၁၅ တွင် ရေးသားထားပါသည်။ မိခင်ဧရာဝတီသည် ကချင်ပြည်နယ် ပူတာအိုမြို့မြောက်ဖက် 'ထိလာ ရေခဲတောင်'၊ 'လန်ဂွေရေခဲတောင်' များတွင် ချောင်းဖျားခံ၍ မေခ၊မလိခ မြစ်နှစ်သွယ်ကို ဖြစ်ပေါ်စေခဲ့သည်။
မလိခ ဆိုသောစကားမှာ ကချင်စကား  Mali Hka မှ ဆင်းသက်လာခြင်း ဖြစ်သည်။ ကချင်ဘိုးဘွား လေးဦး စတင်ဖြတ်သန်းခဲ့ခြင်းကြောင့်ဟု ဆိုသည်။ ကချင်ဘာသာတွင် မလီ (mali) မှာ ၄ဖြစ်၍ မင် manga မှာ ၅ ဖြစ်သည်။

ပေပေါင်း ၁၅၅၀၀ ကျော်မြင့်သော နှင်းဖုံးတောင်တန်းကြီးများမှ စတင်ခဲ့သော ဧရာဝတီသည် ပြည်ထောင်စုသား အားလုံး၏ မိခင်ကျေးဇူးရှင် ပင်ဖြစ်သည်။ စီးပွားရေး၊ လူမှုရေး၊ သယံဇာတ တူးဖော်ရေး လုပ်ငန်းအားလုံးကို မိခင်ဧရာဝတီက ပံ့ပိုးကူညီလျက်ရှိသည်။

'ဧရာ'ဟူသော အရေးအသားကို ရှာဖွေသောအခါ စစ်ကိုင်းမြို့ ရတနာစေတီ ကျောက်စာတွင် တွေ့ရ၏။  ကျောက်စာ သက်ကြာခဲ့ပါပြီ။ အင်းဝရွှေနန်းကြော့ရှင် လက်ထက် ခရစ်နှစ် ၁၄၈၅ခုကပင် ရေးထိုးခဲ့ခြင်းဖြစ်သည်။ ဧရာဟူသော အရေးအသားကို ထို့ထက်စော၍ ရှာမတွေ့ခဲ့ပါ။

ဧရာဝတီ၏ အဓိပ္ပာယ်
နန်ချောင်ရှမ်းတို့က 'လူပေ' ၊ မောရှမ်းတို့က 'နမ့်ကျို'ဟု အမြတ်တနိုးခေါ်ခဲ့ကြသည်။ နမ့်ကျိုဆိုသည် မှာ နမ့်=ရေ+ကျို=ကျောက်မျက်ရတနာဟူ၍ဖြစ်သည်။ သို့အတွက် ဧရာဝတီဆိုသည်ကား 'ကျာက်မျက် ရတနာများထွက်သော နေရာ' ဟု ဆိုလိုပေသည်။ တရုတ်တို့ကမူ ဤမြစ်ကြီးကို 'လိရွှေ' ဟုခေါ်သည်။ ရွှေမှုန်များဖြင့် လင်းလက်နေသော ရွှေသဲမြစ်ဟုဆိုလိုပေသည်။ တရုတ်တို့က သူတို့၏ ယန်စီမြစ်ကြီးကိုလည်း လိရွှေဟုပင်ခေါ်ကြသည်။

အချို့က ဧရာဝတီဟူသည် ဟိန္ဒီစကား ဣရ၀တီမှ ဆင်းသက်လာခြင်းဖြစ်ကြောင်း၊ အဓိပ္ပာယ်မှာ 'ဆင်မြစ်ကြီး' ဟုခေါ်ကြောင်း၊ စားသောက်ဖွယ်ရာ ရတနာမျိုးစုံကိုရစေနိုင်သဖြင့် ဆင်မြစ်ခေါ်ကြောင်း ရေးသားပြောဆို ကြလေသည်။ သင်္သကရိုက်ဘာသာတွင် ရှိသော (ပရုမတီ)မှာ အားသစ်ဖြည့်သူဟု ဆိုရာ 'ဤဧရာဝတီမှာ အားမာန်တက်စေသည့်မြစ်' ဟုသာဆိုရပေတော့မည်။
အချုပ်အားဖြင့်ဆိုပါမူဧရာဝတီသည် ရွှေသဲမြစ်၊ ရတနာမြစ်၊ လှပသောမြစ်၊ ဆင်မြစ်၊ အားသစ်ဖြစ်လာသောမြစ်ဟု ဆိုနိုင်ပေရာ သိင်္ဂါနဒီ မြန်ပြည်မြောက်ဖျားမှ ဘင်္ဂလားပင်လယ်သို့တိုင် မိုင်ပေါင်း ၁၃၅၀ ကျော်စီးဆင်းသွားသော မိခင်ကြီးတစ်ပါးသာ ဖြစ်ပေတော့သည်။

မြစ်ကျဉ်းလေးခု ဖြစ်တည်မှု
မိခင်ဧရာဝတီကို အပိုင်းသုံးပိုင်းခွဲ၍ လေ့လာနိုင်ပါသည်။ အထက်ပိုင်းဧရာဝတီ၊ အလယ်ပိုင်း ဧရာဝတီနှင့် အောက်ပိုင်းဧရာဝတီ (မြစ်ဝကျွန်းပေါ်ဒေသ) ဟူ၍ဖြစ်သည်။ အထက်ပိုင်းဧရာဝတီ တန်ဖဲဇွပ် (Tang hpe' zup)တွင် အကြာကြီး နေဖူးသည်။ Zup ဇွပ်ဆိုသော ကချင်စကားမှာ (ဆုံခြင်း၊ တွေ့ဆုံမှု) ပင်ဖြစ်သည်။ မေခနှင့် မလိခတို့ဆုံရာဖြစ်၍ တန်ဖဲဟု ခေါ်ကြသည်။ တန်ဖဲ အရှေ့ရွာများတွင် နှစ်နှစ်ခန့်စခန်းမှူး တာဝန် ထမ်းဆောင်ခဲ့စဉ်က မြစ်ဖျားဧရာ ရောင်စုံဖြာနေပုံကို နေ့စဉ်ထိုင်ကြည့်ဖူးသည်။

အလွန်လှပသောကျောက်ဆောင်၊ ကျောက်တန်းများ၊ ဝေ့၀ိုက်စီးဆင်းနေသော ရေအလျဉ်များမှာ တသသဖြင့် မေ့နိုင်စရာမရှိပါ။ မြစ်ဆုံတွင် ကချင်ကလေးငယ်များရေကစားနေပုံကို သတိရမိသည်။ တန်ဖဲမှ တောင်ဖက်သို့ ၂၆ မိုင်ဆင်းသွားလျှင် မြစ်ကြီးနားမြို့ အရှေ့ဖက်ကမ်းမှ ၀ိုင်းမော်မြို့များကိုတွေ့ရမည်။ ၀ိုင်းမော်တွင် သုံးနှစ်ကျော်စစ်ကြောင်းမှူး လုပ်ခဲ့သည်။

၁၉၅၀ ခု ကျွန်တော်တို့ မူလတန်းကျောင်းသားဘ၀တွင် 'ဗန်းမော်ထက်အောက်၊ ရွှေမန်းမြောက်မှတ်လောက် ပြည်အထက်'ဟု အတန်းပိုင်ဆရာမက ဧရာဝတီမြစ်ရှိ မြစ်ကျဉ်းလေးခုအကြောင်း သင်ပေးပါသည်။ သို့အတွက် လွန်ခဲ့သောနှစ်ပေါင်း ၆၀ကပင် မိခင်ဧရာဝတီကို ကောင်းကောင်းသိခဲ့ရ၏။

ပထမမြစ်ကျဉ်းသည် ဗန်းမော်မြို့ အထက်ဖက်တွင်ရှိသည်။ ဗန်းမော်မရောက်မီ ဆင်ဘိုရွာအနီး မြစ်သာနှင့်သုံးမိုင်အကွာ၌ ထိုမြစ်ကျဉ်းရှိသည်။ မြစ်နေရာမှာကျဉ်းလွန်းလှ၍ သင်္ဘောကြီးများခုတ်မောင်းသွား လာရန်အခက်အခဲရှိသည်။ မြစ်မင်းဧရာ၏ ဘေးတစ်ဖက်တစ်ချက်တွင် ကျောက်ကမ်းပါးကြီးများကို မတ်စောက်စွာတွေ့နေရသည်။ အရှေ့ဖက်နှင့်အနောက်ဖက်ကမ်းပါးနှစ်ခုမှာ ပေသုံးလေးရာကျော်သာဝေးသည်။ ကိုက်ဖြင့်တွက်လျှင်ကို ၁၀၀၊ ၁၅၀ သာရှိသည်။ ထိုမြစ်ကြောင်းအလယ်ကောင်မှသင်္ဘောများကို တဖြည်းဖြည်းချင်းမောင်းတက်ရ၏။

ဒုတိယမြစ်ကျဉ်းသည်ဗန်းမော်နှင့် ရွှေကူအကြားတွင်ရှိသည်။ ရွှေကူအနီး စင်းခန်းရွာတစ်ဝိုက်၌ ထိုမြစ်ကျဉ်းကိုတွေ့နိုင်သည်။ ပထမမြစ်ကျဉ်းလောက် ကြောက်စရာမရှိ၊  မြစ်ပြင်နည်းနည်းကျယ်သည်။ ရှုခင်းများကလည်း ကောင်းသည်။ ထိုမြစ်ကျဉ်းတွင် နတ်မျက်နှာတောင်နှင့် ဥဒေါင်းတောင်များရှိသည်။ မြတ်စွာဘုရား ဥဒေါင်းမင်းဖြစ်စဉ်က စံနေခဲ့ဖူးသဖြင့် ဥဒေါင်းတောင်ဟုခေါ်ကြသည်။ ဒုတိယမြစ်ကျဉ်းတွင် လှေငယ်တစ်စင်းဆန်တက်နေပုံကို ဓာတ်ပုံရိုက်ယူခဲ့သည်။
တတိယမြစ်ကျဉ်း၊ ဒုတိယမြစ်ကျဉ်းကိုကျော်မိလျှင်ဗန်းမော်အောက်ဖက် ၃၅ မိုင်အကွာ ရွှေကူမြို့သို့ရောက်သည်။ ဘာသာသာသနာ ထွန်းကားသောမြို့ဖြစ်၏။ ရွှေကူမှ ဆင်းသွားလျှင်ကသာ။ ထိုမှတစ်ဆင့် သပိတ်ကျင်းသို့ ရောက်သည်။ သပိတ်ကျင်းအထက်ဖက် ၁၀ မိုင်အကွာ မလည်ရွာတစ်ဝိုက်တွင် တတိယမြစ်ကျဉ်းရှိသည်။ ထိုနေရာတွင် ဧရာဝတီမြစ်အကျယ်မှာ ကိုက် ၅၀၀ သာသာရှိသဖြင့် ပထမ၊ ဒုတိယမြစ်ကျဉ်းများလို စိုးရိမ်ဖွယ်ရာမရှိ။
စတုတ္ထမြစ်ကျဉ်း - ရွှေမန္တလေးမှ အောက်သို့စုန်ဆင်းသွားလျှင် ချင်းတွင်းနှင့်ဧရာဝတီဆုံရာ ရေစကြို၊ ပခုက္ကူသို့ရောက်သည်။ မြစ်ဆုံအောက်ဖက်တွင် ချောက်၊ ရေနံချောင်း၊ မကွေးမြို့များရှိသည်။ ချောက်ရေနံချောင်းမြေလွှာမှာ ကျောက်စရစ်သဲမြေ၊ မြေကမူများဖြစ်သည်။ ရေနံများစွာထွက်၍ မြန်မာ့စီးပွားရေးကို မြှင့်တင်နေသောနေရာဟု ခေါ်ရမည်။ မကွေး၊ မင်းဘူးကျော်လျှင် ပြည်မြို့နှင့်နီးသွားသည်။ အနောက်ဖက်ကရခိုင်ရိုးမ၊ အရှေ့ဖက်က ပဲခူးရိုးမညှပ်လျက်ရှိရာ ထိုနေရာတွင် စတုတ္ထမြစ်ကျဉ်း ဖြစ်နေလေသည်။

တန်ဖဲမြစ်ဆုံ အရေးကြုံပြီ
ဧရာဝတီမြစ်ကျဉ်းများကို ဖော်ပြနေသည်မှာ မြစ်ညာဖက်အထက်ပိုင်းတွင် ရေနည်းလာလျှင်မြစ်ကျဉ်းများ၍ မည်မျှဒုက္ခရောက်နိုင်သည်ကို သိစေလို၍ဖြစ်သည်။ နွေအခါေ၏ ရေပါးချိန်ဆိုလျှင် ပြည်မြို့အနီးမြစ်ကျဉ်း၍ ရေစူးလေးပေ၊ ငါးပေသာ ရှိပါသည်။ 

တန်ဖဲမြစ်ဆုံ ရေကာတာစီမံကိန်းကို လွန်ခဲ့သောကိုးနှစ်၊ ၁၀နှစ်အချိန် ၂၀၀၁ခုနှစ်က စခဲ့ခြင်းဖြစ်၏။ ဤကိစ္စမှာ သာမန်မဟုတ်။ တရုတ် အင်ဂျင်နီယာ ပါရဂူများကို ခေါ်လာပြီး ပမာဏတိုင်းထွာရေး (Survey) များလုပ်ခဲ့သည်။ မြစ်ဆုံစီမံကိန်းဒေသတွင် အနည်းဆုံး ဆည်ကြီးခုနစ်ခု၊ ရှစ်ခု တည်ဆောက်မည်ဆိုသည်။ ဆည်တစ်ခုသည် အလျား ပေ ၅၀၀xအနံ ပေ ၃၀၀ နှင့်အမြင့် ပေ ၅၀၀ ရှိမည်ဆိုသည်။

ဆည်များမှာ သိုလှောင်အား အလွန်ကောင်းပြီး စီမံကိန်းပြီးဆုံးသွားပါက ဓာတ်အားကီလိုမီတာဝပ် ၆၀၀၀ ပို့ပေးနိုင်ရန် ရည်ရွယ်လျက်ရှိ၏။ တစ်နေ့လျှင် ကီလိုမီတာ နာရီသန်းပေါင်း ၂၉၄၀၀ ထိ ယူနန်သို့ ပို့နိုင်အောင် တရုတ်ပညာသည် ၁၀၀ ကျော်တို့က ဆောင်ရွက်နေကြလေသည်။ မြစ်ဆုံမှ ယူနန်အထိ ၂၆၁ မိုင်၊ မြစ်ဆုံမှ လိုင်ဇာထိ ၁၇၀ မိုင်ရှည်သော ကတ္တရာလမ်းများလည်း ဖောက်လုပ်ပြီးစီးခဲ့ပြီဖြစ်၏။

ယခုအခါ တန်ဖဲမြစ်ဆုံ ရေကာတာများတည်ဆောက်ရေးစီမံကိန်းမှာ နိုင်ငံ၏အဓိကအရေးကိစ္စဖြစ်လာလေပြီ။ လူတစ်ယောက်၏ ခန္ဓာကိုယ်တွင် ဦးခေါင်းပိုင်းသည် အရေးကြီး၏။ ဦးခေါင်းကိုထိခိုက်လျှင် တစ်ကိုယ်လုံး ပျက်စီးနိုင်သည်။ ယခုအခါ မြစ်ဖျားဧရာ ဦးခေါင်းပိုင်း၌ ပြဿနာများ ပေါ်နေပြီဖြစ်ရာ ဧရာဝတီမြစ်ရိုးတစ်လျှောက်တွင် နေထိုင်ကြသည့် ဧရာဝတီ၏သားသမီးတို့လည်း ဒုက္ခမျိုးစုံ ရောက်ကြရပေတော့မည်။ မြစ်ကြီးဝဲယာတွင် သစ်တောများပြုန်းတီးခြင်း၊ တိရစ္ဆာန်ဇီဝမျိုးစုံ သေကျေခြင်း၊ မြစ်ကြောင်းတစ်လျှောက် သဲသောင်များ ပေါ်ထွန်းပြီး ရေကြောင်းသွားလာမှုခက်ခဲခြင်း၊ မြစ်လယ်တွင် ဘော့နီဘော့နက်များ စိုက်၍ ရေကြောင်းပြပေးရခြင်းတို့ကို လုပ်ကိုင်နေကြရလေပြီ။

ပြည်မြို့မှ မန္တလေးမြို့သို့ ပြေးဆွဲနေသည့် ပြည်ကူးတို့သင်္ဘောမှာ နွေအခါတွင် ကောင်းစွာခုတ်မောင်းနိုင်ခြင်း မရှိတော့ပါ။ ကျွန်တော်တို့ မြင်းခြံသင်္ဘောဆိပ်တွင် သောင်ထွန်းနေသဖြင့် သောင်ထိုးစက်များ သုံးနေပါသည်။ ရေကြောင်းကြပ်သဖြင့် ပခုက္ကူမှဆန်တက်လာသည့် ပြည်ကူးတို့မှာ မြင်းခြံဆိပ်၌ ညမအိပ်နိုင်တော့ပါ။ မြင်းမူ၊ စစ်ကိုင်းရောက်အောင် တိုက်ရိုက်ဆန်သွားရသည်။ မြင်းခြံသင်္ဘောဆိပ်တွင် ရေစူးလေး ငါးပေသာကျန်တော့သည်။ အချို့သင်္ဘောများ သောင်တင်နေကြပါသည်။ ဤသို့ ဖြစ်ပေါ်နေသော မိခင်ဧရာဝတီ၏ အခက်အခဲများကို လေ့လာ၍ 'ငိုရှာလေပြီ ဧရာဝတီ' ဟု မိမိတင်စားခဲ့ခြင်း ဖြစ်ပါသည်။

ယခုအခါ အမိဧရာဝတီမြစ်၏ ဒုက္ခပေါင်းစုံကို မြင်တွေ့ပြီး စာရေးသူမှာလည်း ဧရာဝတီကိုချစ်သူ၊ ဧရာဝတီကို ထာဝရရှင်သန်နေစေလိုသူဖြစ်သည်။ စာရှုသူများအနေဖြင့်လည်း ဧရာဝတီ၏ကျေးဇူးကို နှလုံးသွင်းကာ မိခင်ဧရာဝတီ တည်တံ့ရေးအတွက် နှိုးဆော်လိုက်ရပေသည်။

ကျမ်းကိုး
- မြန်မာ့စွယ်စုံကျမ်း အတွဲ ၁၅
- သိင်္ဂါနဒီမြန်ပြည်မြောက်ဖျား (မဆလထုတ်)

သစ်ထူးလွင် 9/14/2011 09:10:00 PM

လာအို ယူ ၁၉ အသင်းကို မြန်မာ ယူ၁၉ အသင်းက ၁ - ၀ဂိုးဖြင့် အနိုင်ရသောပွဲတွင် ဒေါ်အောင်ဆန်းစုကြည် လာရောက် ကြည့်ရှုအားပေး

ယနေ့ (၁၄၊၉၊၁၁) တွင် ယှဉ်ပြိုင်သည့် မြန်မာ ယူ၁၉ အသင်း လာအို ယူ ၁၉ အသင်းကို ၁ဂိုး ၀ဂိုးဖြင့်အနိုင်ရသောပွဲတွင် ဒေါ်အောင်ဆန်းစုကြည် လာရောက် ကြည့်ရှုအားပေးခဲ့ကြောင်း သတင်းရရှိပါသည်။ သုဝဏ္ဏဘောလုံးကွင်း အထူးတန်းပွဲကြည့်စင်ရှိ VIP အခန်းအတွင်းမှ အားပေးခဲ့ခြင်းဖြစ်ကြောင်းသိရသည်။

သြဂုတ်လအတွင်းကျင်းပပြုလုပ်ခဲ့သည့် အမျိုးသားအဆင့် စီပွားရေးဆိုင်ရာ အလုပ်ရုံဆွေးနွေးပွဲတက်ရောက်ခဲသော ဒေါ်အောင်ဆန်းစုကြည်ကို  မြန်မာနိုင်ငံ ဘောလုံးအဖွဲ့ ဥက္ကဌမှ မြန်မာနိုင်ငံမှ အိမ်ရှင်အဖြစ် လက်ခံကျင်းပသည့် အာဆီယံ ယူ-၁၉ ဘောလုံးပြိုင်ပွဲသို့ တက်ရောက်ကြည့်ရှုအားပေးရန် ဖိတ်ကြားခဲ့ခြင်း ဖြစ်သည်။

ဘောလုံးပြိုင်ပွဲအပြီးတွင် ဒေါ်အောင်ဆန်းစုကြည်က "အရမ်းဝမ်းသာတာပေါ့်။ ဘာပဲပြောပြော ဧည့်သည်အသင်းကလည်းကန်တာကောင်းပါတယ်။ " ဟု Eleven Media Group ၏မေးမြန်မှုကို ပြန်လည်ဖြေကြားပေးခဲ့ပါသည်။

ယခုပွဲတွင် မြန်မာ ယူ ၁၉ အသင်းဧ။် အသင်းခေါင်းဆောင် ဖြိုးမောင်မောင်ကျော်မှာ (၆၉) မိနစ်တွင် နှစ်ဝါတစ်နီဖြင့် ထုတ်ပယ်ခြင်းခံခဲ့ရပါသည်။ ထိုအတူ ဒုတိယပိုင်းတွင် လူစားဝင်ရောက်လာသော ကျောနံပါတ် ၁၀ စိုးပိုင်သွေးမှာလည်း မိနစ်(၉၀)တွင် နှစ်ဝါတစ်နီဖြင့် ထပ်မံ ထုတ်ပယ်ခြင်းခံခဲ့ရပါသည်။ မြန်မာအသင်း၏ တစ်လုံးတည်းသော အနိုင်ဂိုးကို ပထမပိုင်းတွင် သီဟဇော်က သွင်းယူခဲ့ခြင်း ဖြစ်သည်။

မြန်မာအသင်းသည် (၃) ပွဲ ကစားပြီးချိန်တွင် (၂) ပွဲနိုင် (၁) ပွဲသရေဖြင့် ရမှတ် (၇) မှတ်ရရှိထားပြီး အုပ်စုနောက်ဆုံးပွဲစဉ်အဖြစ် ၁၆-၉-၁၁ တွင် အင်ဒိုနီးရှား အသင်းနှင့် ယှဉ်ပြိုင်ရမည်ဖြစ်သည်။ ယခုပွဲအနိုင်ရလဒ်ကြောင့် ဆီမီးဖိုင်နယ်အဆင့်သို့ တက်ရောက်ရန် အခြေအနေကောင်းနေပြီ ဖြစ်သည်။

သစ်ထူးလွင် 9/14/2011 08:57:00 PM

နိုင်ငံရေးအကျဉ်းသား နှစ်ထောင်ကျော် လွှတ်ပေးပြီး ပြုပြင်ပြောင်းလဲမှုများ လုပ်ရန် အမေရိကန် အထူးကိုယ်စားလှယ် တိုက်တွန်း

ရန်ကုန်၊ စက်တင်ဘာ ၁၄နိုင်ငံတော်သမ0x081မတကြီး ဦးသိန်းစိန် ဦးဆောင်သော အစိုးရသစ် အနေနှင့် နိုင်ငံရေးအကျဉ်းသား နှစ်ထောင်ကျော်ကို ချက်ချင်းလွှတ်ပြီး ထင်သာမြင်သာ ရှိသော ပြုပြင်ပြောင်းလဲများကို ဆောင်ရွက်ရန် တိုက်တွန်းလိုကြောင်း မြန်မာနိုင်ငံဆိုင်ရာ အမေရိကန် အထူးကိုယ်စားလှယ်နှင့် မူဝါဒညှိုနှိုင်းရေးမှူး Mr.Derek Mitchell က ပြောကြားသည်။မြန်မာနိုင်ငံသို့ စက်တင်ဘာလ ၉ ရက်နေ့မှ ၁၄ ရက်နေ့အထိ ငါးရက်ကြာ လာရောက်လည်ပတ်ပြီး ရန်ကုန် အပြည်ပြည်ဆိုင်ရာ လေဆိပ်တွင် ကျင်းပပြုလုပ်သော သတင်းစာရှင်းလင်းပွဲတွင် 0x158င်းက အထက်ပါအတိုင်း ကြေညာချက် ထုတ်ပြောဆိုလိုက်ခြင်း ဖြစ်သည်။မြန်မာအစိုးရသစ်တွင် ပြုပြင်ပြောင်းလဲလိုမှုများ တွေ့မြင်ရပြီး မြန်မာ့နိုင်ငံရေးအတွက် မျှော်လင့်ချက် ရှိကြောင်း၊ အဓိကအားဖြင့် ထင်သာမြင်သာရှိသော ပြုပြင်ပြောင်းလဲမှုများကို ပြုလုပ်ရန် ဖြစ်ကြောင်း၊ ပြုပြင်ပြောင်းလဲမှုများတွင် နိုင်ငံရေးအကျဉ်းသား နှစ်ထောင်ကျော်ကို ခြွင်းချက်မရှိ လွှတ်ပေးခြင်း၊ အမျိုးသား ပြန်လည်ရင်ကြားစေ့ရေးအတွက် ဒေါ်အောင်ဆန်းစုကြည်၊ တိုင်းရင်းသားများ အပါအဝင် နိုင်ငံရေး အဖွဲ့အစည်းများနှင့် တွေ့ဆုံရေးပြုလုပ်ရန် တိုက်တွန်းလိုကြောင်း၊ မြောက်ကိုရီးယားနှင့် မြန်မာနိုင်ငံအကြား ပွင့်လင်းမှု မရှိသော စစ်ရေးဆက်ဆံမှု၊ ကလေးငယ်၊ အမျိုးသမီးများအပေါ် ပြင်းထန်သော လူ့အခွင့်အရေး ချိုးဖောက်မှုနှင့် ပတ်သက်ပြီး စိုးရိမ်မိကြောင်း Mr.Derek Mitchell က ပြောကြားသည်။ဒေါ်အောင်ဆန်းစုကြည်နှင့် သမ0x081မတဦးသိန်းစိန် တို့အကြား တွေ့ဆွေးနွေးမှုကိုလည်း ကြိုဆိုလိုက်ပြီး အမေရိကန် ပြည်ထောင်စု အနေနှင့် တိုးတက်လာသော မြန်မာ့နိုင်ငံရေး ဖြစ်စဉ်များကို စောင့်ကြည့်သွားမည် ဖြစ်ကြောင်း Mr.Derek Mitchell က ဆိုသည်။အစိုးရ အရာရှိဟောင်းများ၊ သံတမန်ဟောင်းများနှင့် ဖွဲ့စည်းထားသော မြန်မာနိုင်ငံ အမျိုးသား လူ့အခွင့်အရေး ကော်မရှင်သည် လူ့အခွင့်အရေး ချိုးဖောက်မှုများနှင့် ပတ်သက်ပြီး စစ်မှန်ပြီး လွတ်လပ်သော စုံစမ်းစစ်ဆေးမှုများ ပြုလုပ်နိုင်မည်ဟု ထင်မြင်ပါသလား ဆိုသော The Voice Weekly က အမေရိကန် အထူးကိုယ်စားလှယ်ကို မေးမြန်းခဲ့ရာ Mr.Derek Mitchell က မြန်မာ့လူ့အခွင့်အရေး ကော်မရှင်နှင့် ကောင်းမွန်သော တွေ့ဆုံဆွေးနွေးမှုများ ရှိခဲ့ပါကြောင်း၊ လူ့အခွင့်အရေး ကော်မရှင်၏ အနာဂတ်လုပ်ငန်းစဉ်များနှင့် ပတ်သက်ပြီး ပြောဆိုဆွေးနွေးမှု ရှိခဲ့ပြီး ယခုအချိန်တွင် လူ့ခွင့်အရေး ကော်မရှင်သည် စတင်တည်ဆောက်ချိန် ဖြစ်သည့်အတွက် ရုန်းကန်နေရဆဲ ဖြစ်ကြောင်း၊ အမေရိကန် ပြည်ထောင်စုအနေနှင့် လူ့အခွင့်အရေး ကော်မရှင် ပေါ်ပေါက်လာမှုကို ကြိုဆိုလိုက်ပြီး လူ့အခွင့်အရေး ချိုးဖောက်မှု စုံစမ်းစစ်ဆေးရန် ကူညီလိုကြောင်း ရှင်းလင်း ပြောဆိုသည်။အမေရိကန် အထူးကိုယ်စားလှယ်သည် သူ၏ခရီးစဉ်အတွင်း ဒေါ်အောင်ဆန်းစုကြည် အပါအဝင် နိုင်ငံရေး အင်အားစုများ၊ လူမှုရေး အဖွဲ့အစည်းများနှင့် တွေ့ဆုံခဲ့သည်။

သစ်ထူးလွင် 9/14/2011 01:54:00 PM

ကျေးရွာပေါင်းခြောက်သောင်းကျော်တွင် နိုင်ငံတော် ဓာတ်အားစနစ်မှ လျှပ်စစ်ဓာတ်အားရရှိသည့် ကျေးရွာပေါင်း နှစ်ထောင်ကျော်သာရှိသေး

မြန်မာနိုင်ငံရှိ ကျေးရွာပေါင်း ခြောက်သောင်းကျော်တွင် နိုင်ငံတော် ဓာတ်အားစနစ်မှ လျှပ်စစ်ဓာတ်အား ရရှိသည့် ကျေးရွာပေါင်း နှစ်ထောင်ကျော်သာ ရှိသေးဟုသိရပြီး ကျေးလက်ဒေသ လျှပ်စစ်မီးရရှိရေးအတွက် ဗဟိုအဆင့်နှင့် တိုင်းဒေသကြီး၊ ပြည်နယ်အဆင့်တို့တွင် ကျေးလက်ဒေသ လျှပ်စစ်မီးရရှိရေးကော်မတီများ ဖွဲ့စည်းဆောင်ရွက်ရန်နှင့် ကျေးလက်ဒေသ လျှပ်စစ်မီးရရှိရေး ဥပဒေပြဋ္ဌာန်းရန်အဆိုကို အမှတ်(၂)လျှပ်စစ်စွမ်းအား ၀န်ကြီးဌာန ပြည်ထောင်စုဝန်ကြီးက ထောက်ခံဆွေးနွေးပြီး ပြည်သူ့လွှတ်တော်က အတည်ပြုခဲ့သည်။

ကျေးလက်ဒေသ လျှပ်စစ်မီးရရှိရေးအတွက် ဗဟိုအဆင့်နှင့် တိုင်းဒေသကြီး၊ ပြည်နယ်အဆင့်တို့တွင် ကျေးလက်ဒေသ လျှပ်စစ်မီးရရှိရေး ကော်မတီများ ဖွဲ့စည်းဆောင်ရွက်ရန်နှင့် ကျေးလက်ဒေသ လျှပ်စစ်မီးရရှိရေးဥပဒေ (Rural Electrification Act) ပြုစုပြဋ္ဌာန်းအဆိုကို ရခိုင်ပြည်နယ် ဂွမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးညီလေး (ခ) ဦးကြည်သာက ပထမအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ၁၅ရက်မြောက်နေ့ အစီအစဉ်တွင် တင်သွင်းခဲ့ခြင်းဖြစ်သည်။

ယင်းအဆိုကို ပဲခူးတိုင်းဒေသကြီးမှ ပြည်သူ့လွှတ်တော် ကိုယ်စားလှယ် (၂)ဦး၊ ရှမ်းပြည်နယ်မှ ပြည်သူ့လွှတ်တော် ကိုယ်စားလှယ် (၁)ဦး၊ စစ်ကိုင်းတိုင်းဒေသကြီးမှ ပြည်သူ့လွှတ်တော် ကိုယ်စားလှယ် (၁)ဦး၊ ကယားပြည်နယ်မှ ပြည်သူ့လွှတ်တော် ကိုယ်စားလှယ်(၁)ဦး၊ ရခိုင်ပြည်နယ်မှ ပြည်သူ့လွှတ်တော် ကိုယ်စားလှယ် (၁)ဦးတို့က ထောက်ခံဆွေးနွေးခဲ့သည်။

အဆိုနှင့်ပတ်သက်၍ အမှတ်(၂) လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးခင်မောင်စိုးက "အမှတ်(၂)လျှပ်စစ်စွမ်းအားဝန်ကြီး ဌာနအနေနဲ့ လျှပ်စစ်ဖြန့်ဖြူးပေးတဲ့နေရာမှာ နည်းလမ်းငါးသွယ်နဲ့ လျှပ်စစ်ဓာတ်အား ဖြန့်ဖြူးလျက်ရှိပါတယ်။ နိုင်ငံတော်ဓာတ်အားစနစ်နဲ့ လက်လှမ်းမီတဲ့နေရာတွေမှာ နိုင်ငံတော်ဓာတ်အားစနစ်ကနေ ဖြန့်ဖြူးပေးနေပါတယ်။ နိုင်ငံတော် ဓာတ်အားစနစ်ကနေ အလှမ်းကွာဝေးတဲ့ ဒေသတွေမှာ အသေးစားရေအားလျှပ်စစ်စက်ရုံများ တည်ဆောက်ပြီးလည်းကောင်း၊  ဒီဇယ်အင်ဂျင်စက်ရုံများ ဖြင့်လည်းကောင်း၊ ပြည်သူများပါဝင်သော မီးလင်းရေးကော်မတီများ၏ အစီအစဉ်ဖြင့်လည်းကောင်း၊ အိမ်နီးချင်းနိုင်ငံများမှ ဓာတ်အားဝယ်ယူ၍ ဖြန့်ဖြူးပေးခြင်းဖြင့်လည်းကောင်း လျှပ်စစ်ဓာတ်အားဖြန့်ဖြူး ပေးလျက်ရှိပါတယ်။ နိုင်ငံတော် ဓာတ်အားစနစ်မှ လျှပ်စစ်ဓာတ်အား ဖြန့်ဖြူးပေးရာမှာ ပြည်နယ်နှင့် တိုင်းဒေသကြီး ၁၀ ခု နှင့် ခရိုင် ၄၂ ခု၊ မြို့နယ်မြို့ပေါင်း ၂၅၀၊ ကျေးရွာပေါင်း ၂၁၉၄ ခုကို နိုင်ငံတော်ဓာတ်အားပေးစနစ်မှ ဓာတ်အားပေးထားပါတယ်။ တိုင်းဒေသကြီး ၄ ခု၊ ခရိုင် ၂၆ ခု၊ မြို့နယ်ပေါင်း ၁၈၀ နှင့် ကျေးရွာပေါင်း ၄၅၉၅ ရွာကို အခြားနည်းလမ်းများဖြင့် လျှပ်စစ်ဓာတ်အား ဖြန့်ဖြူးပေးလျက် ရှိပါတယ်။ ရေအားလျှပ်စစ် စက်ရုံငယ်ပေါင်း ၃၂ ရုံ၊ ဒီဇယ်စက်ရုံပေါင်း ၅၆၉ ရုံနဲ့ မြို့ပေါင်း ၃၄၀၊ ရွာပေါင်း ၄၂ ရွာကိုလည်း ဓာတ်အားပေးလျက်ရှိပါတယ်။ အခု မြန်မာနိုင်ငံမှာ ကျေးရွာပေါင်း ၆၄၃၄၆ ရွာအနက် လျှပ်စစ်ဓာတ်အား ရရှိတဲ့ ကျေးရွာပေါင်းဟာ ၆၇၈၉ ရွာ ၁၀ ဒသမ ၅ ရာခိုင်နှုန်းဖြစ်ပါတယ်။ လျှပ်စစ်ဓာတ်အား မရရှိတဲ့ရွာပေါင်း ဟာ ၅၇၅၅၇ ရွာ ၈၉ ဒသမ ၅ ရာခိုင်နှုန်း ဖြစ်နေပါတယ်။ လျှပ်စစ်ဓာတ်အားရရှိပြီးတဲ့ ကျေးရွာပေါင်း ၂၁၉၄ ရွာမှာ နိုင်ငံတော်ဓာတ်အားစနစ်က ရရှိတာဖြစ်ပါတယ်။ အခြားနည်းလမ်းများဖြင့် လျှပ်စစ်ဓာတ်အား ဖြန့်ဖြူးပေးထားတဲ့ရွာပေါင်းဟာ ၄၅၉၅ ရှိကြောင်း တွေ့ရှိရမှာ ဖြစ်ပါတယ်"ဟု ရှင်းလင်းဆွေးနွေးခဲ့သည်။

ပြည်နယ်နှင့်တိုင်းဒေသကြီး ၁၀ ခု နှင့် ခရိုင် ၄၂ ခု၊ မြို့နယ် မြို့ပေါင်း ၂၅၀၊ ကျေးရွာပေါင်း ၂၁၉၄ ခုကို နိုင်ငံတော်ဓာတ်အားပေးစနစ်မှ ဓာတ်အားပေးထားပါတယ်။ တိုင်းဒေသကြီး လေးခု၊ ခရိုင် ၂၆ ခု၊ မြို့နယ် ပေါင်း ၁၈၀ နှင့် ကျေးရွာပေါင်း ၄၅၉၅ ရွာကို အခြားနည်းလမ်းများဖြင့် လျှပ်စစ်ဓာတ်အားဖြန့်ဖြူးပေးလျက်ရှိ . . .

"ပြည်နယ်နဲ့ တိုင်းဒေသကြီးများရှိတဲ့ ကျေးလက်ဒေသများမှာ လျှပ်စစ်ဓာတ်အား ရရှိနိုင်ဖို့ဆိုတာဟာ လျှပ်စစ်ဓာတ်အားလိုင်းများ၊ လျှပ်စစ်ဓာတ်အားပေး ခွဲရုံများတည်ဆောက်ရမှာဖြစ်ပါတယ်။ အမှတ်(၂)လျှပ်စစ်စွမ်းအား ၀န်ကြီးဌာနအနေနဲ့ ၂၀၁၁-၂၀၁၂ ဘဏ္ဍာရေးနှစ်မှာ အမေရိကန်ဒေါ်လာ ၅၄ ဒသမ ၁၃ သန်းနဲ့ မြန်မာကျပ်ငွေ ၆၇ ဒသမ ၆၆ ဘီလျံသုံးစွဲပြီး ဆောင်ရွက်လျက်ရှိပါတယ်။ ဓာတ်မဟာလိုင်းများနဲ့ ဓာတ်အားခွဲစက်ရုံများ တည်ဆောက်ရေး လုပ်ငန်းဟာ နိုင်ငံတော်ဘဏ္ဍာငွေနဲ့ မလုံလောက်တဲ့အတွက် ပြည်ပနိုင်ငံတွေက ချေးငွေနဲ့လည်း တည်ဆောက်ရတဲ့အပိုင်းများလည်း ရှိပါတယ်။ ဘီလူးချောင်း၊ ဆည်တော်ကြီး၊ နဘူးအိုင်၊ မြင်းခြံ၊ ပုသိမ်၊ သောက်ရေခပ်၊ အုတ်ရှစ်ပင်၊ ကျောက်ဖြူ စတဲ့ ဓာတ်အားလိုင်းနဲ့ ဓာတ်အားခွဲရုံတွေအတွက် အမေရိကန်ဒေါ်လာ ၁၇၃ ဒသမ ၀၈ သန်း ပြည်ပမှအထောက်အပံ့ယူပြီး ဆောင်ရွက်ရတာ ဖြစ်ပါတယ်။ မြန်မာနိုင်ငံမှ ပြည်ပနည်းပညာ ငွေကြေးအထောက်အပံ့နဲ့ ကျေးလက်ဒေသ မီးလင်းရေးဆောင်ရွက်နေတာ တွေ့ရှိရပါတယ်။ ရှမ်းပြည်နယ် တောင်ပိုင်း ရပ်စောက်မြို့ မီးပေးရေးအတွက် ၁၉၈၄ ခုနှစ်က မြန်မာ့လျှပ်စစ်ဓာတ်အားလုပ်ငန်းနဲ့ ဖင်လန်နိုင်ငံအစိုးရတို့ ပူးပေါင်းပြီး ဆောင်ရွက်ခဲ့တာရှိပါတယ်။ တောင်ကြီးမြို့မှာ ဂျပန်နိုင်ငံအကူအညီနဲ့ ကျေးရွာအချို့မှာလည်းကောင်း၊ ချင်းပြည်နယ်မှာ ဆိုရင်လည်း ဂျပန်နိုင်ငံအထောက်အပံ့နဲ့ ကျေးရွာအချို့မှာလည်းကောင်း၊ မလေးရှားနိုင်ငံ အထောက်အပံ့နဲ့ ဟားခါးမြို့နယ်အတွင်းရှိ ကျေးရွာအချို့တွင်လည်းကောင်း၊ ကမ္ဘာ့ကျန်းမာရေး အထောက်အပံ့ဖြင့် ချင်းပြည်နယ်အတွင်းရှိ ကျေးရွာအချို့တွင်လည်းကောင်း၊ ယူအင်ဒီပီအထောက်အပံ့ဖြင့် တီးတိန်မြို့နယ်၊ ဧရာဝတီတိုင်းဒေသကြီး ချောင်းသာတွင် ဂျပန်နိုင်ငံအကူအညီဖြင့်လည်းကောင်း ဆောင်ရွက်လျက်ရှိပါတယ်" ဟု ပြည်ထောင်စုဝန်ကြီးက ပြောကြားခဲ့ပြီး အဆိုနှင့်ပတ်သက်၍ ထောက်ခံပါကြောင်း ရှင်းလင်းဆွေးနွေးခဲ့သည်။

ယင်းအဆိုနှင့်ပတ်သက်၍ ပြည်သူ့လွှတ်တော်က မဲခွဲဆုံးဖြတ်ရန် မလိုသည့်အဆိုအဖြစ် သတ်မှတ်၍ အဆိုကို အတည်ပြုကြောင်း ကြေညာခဲ့သည်။

သစ်ထူးလွင် 9/14/2011 01:50:00 PM

ရန်ကုန်တွင် မြေအောက်ကားလမ်းဖောက်လုပ်ရန် စီစဉ်

အေးမြမြထွန်း
ရန်ကုန်၊ စက်တင်ဘာ-၉
     မြန်မာနိုင်ငံ၏ ပထမဆုံးမြေအောက်ကားလမ်းကို ရန်ကုန်မြို့တွင်ဖောက်လုပ်ရန် အကောင်အထည်ဖော်ဆောင်ရွက် နေကြောင်း သိရသည်။
    အဆိုပါစီမံကိန်းကို လှည်းတန်းလမ်းဆုံနှင့် ရွှေဂုံတိုင်လမ်းဆုံတို့တွင် ဖောက်လုပ်ရန် မြေပြင်တိုင်းတာခြင်းလုပ်ငန်းများကို ဆောင်ရွက်နေပြီး ယင်းနေရာများတွင်Under Pass နဲ့ Over  Pass တည်ဆောက် ရေးစီမံကိန်းများကို ဆောင်ရွက်မည်ဖြစ် ကြောင်း ရန်ကုန်မြို့တော်စည်ပင်သာယာ ရေးကော်မတီမှ သိရသည်။
    ““မြေပြင်တိုင်းတာခြင်းကို စတင် ဆောင်ရွက်နေပါပြီ။ ပုံစံထုတ်ပြီးတဲ့အခါမှ Under Pass နဲ့ Over  Pass သင့်တော်တာ ကို တည်ဆောက်သွားမှာပါ။ မြန်မာနိုင်ငံ အနေနဲ့ Under Pass လုပ်ဖြစ်ခဲ့ရင် ပထမဆုံးလို့ပြောလို့ရပါတယ်””ဟု ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာ(လမ်းတံတား)ဌာနမှ တာဝန်ရှိသူက ပြောသည်။
    ယင်းစီမံကိန်းကို ယာဉ်သွားလာမှုလွယ်ကူမြန်ဆန်စေရန်အတွက် ဆောင် ရွက်ခြင်းဖြစ်ပြီး ကုန်ကျစရိတ်ကို နိုင်ငံတော် ဘတ်ဂျက်မှ ကျခံသုံးစွဲမည်ဟု သိရသည်။
     ““စီမံကိန်းကကြီးတဲ့အတွက် စည်ပင်ဘတ်ဂျက်နဲ့မရဘူး။ နိုင်ငံတော် ဘတ်ဂျက်သုံးမှရမှာ။ ပုံစံထုတ်ပြီးလို့ Under Pass ကျိန်းသေရင် နည်းပညာ လိုအပ်တာတွေရှိမှာပါ””ဟု အဆိုပါဌာနမှ တာဝန်ရှိသူက ဆက်လက်ပြောသည်။
    အဆိုပါစီမံကိန်းအပြင် ရန်ကုန်မြို့ရှိ အချက်အချာကျသော နေရာများတွင် လူကူးခုံးကျော်တံတားများ ထပ်မံ တည်ဆောက်မည်ဖြစ်ကြောင်းသိရသည်။
    ““လှည်းတန်းဆိုရင် လူဦးရေထူထပ်တယ်။ ကျောင်းသား၊ ကျောင်းသူအလုပ်သမားတွေလဲ သွားလာမှုများတယ်။ ဒီနေ ရာမှာ ကားအသွားအလာအရမ်းကျပ်တယ်။ ဒါပေမဲ့ လူကူးမျဉ်းကျား၊ လူကူးတံတား မရှိဘူးလမ်းကူးတဲ့အခါ အရမ်းအန္တရာယ်များတယ်။ အိမ်နီးချင်းနိုင်ငံတွေမှာဆိုရင် လူကူးတံတားတွေ၊sub laneမြေအောက် လမ်းတွေလုပ်ပေးတာ တွေ့ရတယ်။ အခု စီမံကိန်းက မြို့ပြရဲ့ Image ကိုတက်စေ တယ်။ အန္တရာယ်လဲ ကင်းစေတယ်။ မြန်မြန်လုပ်လေ အကျိုးရှိလေပဲ။ ကြိုဆိုရမယ့် အစီအစဉ်လို့ ပြောချင်ပါတယ်””ဟု လှည်းတန်း(ဗဟို)လမ်းတွင် နေထိုင်သူဦးကိုလတ်က ပြောသည်။

သစ်ထူးလွင် 9/14/2011 11:18:00 AM

(၁၉)နှစ်အောက် အာဆီယံလူငယ်ဘောလုံးပြိုင်ပွဲကို ဖိတ်ကြားပါက သွားရောက်အားပေးမည်ဟု ဒေါ်အောင်ဆန်းစုကြည် ပြောကြား

ကျော်သူ၊ ဖြိုးညီညီဝင်း
ရန်ကုန်၊ စက်တင်ဘာ ၂- စက်တင်ဘာ ၈ရက်မှ၂၁ ရက်အထိ သုဝဏ္ဏဘောလုံးကွင်းတွင်ကျင်းပမည့် (၁၉)နှစ် အောက် အာဆီယံလူငယ်ဘောလုံးပြိုင်ပွဲကို ဖိတ်ကြား လာပါက သွားရောက်အားပေးမည်ဟု ဒေါ်အောင်ဆန်း စုကြည်က ပြောကြားလိုက်သည်။
    လာမည့်စက်တင်ဘာလတွင် အသက်(၁၉) နှစ်အောက် အာဆီယံလူငယ်ဘောလုံးပြိုင်ပွဲကို မြန်မာ နိုင်ငံက အိမ်ရှင်အဖြစ်လက်ခံကျင်းပမည်ဖြစ်ရာ လာ ရောက်အားပေးရန် ဖိတ်ကြားလာပါက သွားရောက် အားပေးကြည့်ရှုမည်ဟု သြဂုတ်၂၄ရက်က သူမ၏ နေအိမ်တွင် သတင်းမီဒီယာများနှင့် တွေ့ ဆုံစဉ်က ပြောကြားခဲ့ခြင်းဖြစ်သည်။
    ““ကျွန်မက ဘောလုံးပွဲဝါသနာပါတော့ ဒီပွဲကိုဖိတ်ရင် သွားကြည့်မလားဆိုတာတော့ စဉ်းစား ရမှာပေါ့””ဟုပြောကြားခဲ့သည်။
    မြန်မာနိုင်ငံ ဘောလုံးအဖွဲ့ချုပ်ကလည်း ဒေါ်အောင်ဆန်းစုကြည်လာကြည့်ရန်အတွက် တရားဝင် ဖိတ်ကြားမည်ဖြစ်ကြောင်း ဘောလုံးအဖွဲ့ချုပ် မီဒီယာ တာဝန်ခံ ဦးစိုးမိုးကပြောသည်။
    ““ဥက္ကဋ္ဌ ပြည်ပကနေပြန်ရောက်လာရင် တရား ၀င် ဖိတ်ကြားမှာပါ။ ဒီပွဲကို ဒေါ်အောင်ဆန်းစုကြည် လာရောက်အားပေးမယ်ဆိုရင် တကယ်ကို တရားဝင် ဖိတ်ကြားမှာပါ””ဟုဆိုသည်။
    လက်ရှိအချိန်တွင် မြန်မာနိုင်ငံ ဘောလုံး အဖွဲ့ချုပ်ဥက္ကဋ္ဌ ဦးဇော်ဇော်မှာ ပြည်ပခရီးစဉ်သို့ရောက်ရှိ နေကာ မြန်မာပြည်သို့ ပြန်လည်ရောက်ရှိလျှင် တင်ပြ သွားမည်ဖြစ်ကြောင်း ပြောသည်။
    ““နိုင်ငံတကာဘောလုံးပြိုင်ပွဲတွေ လက်ခံကျင်း ပဖို့အတွက် လုံခြုံရေးလည်း အထူးတင်းကျပ်ထားမှာ ပါ။ ခုဆို ကွင်းဝင်ကြေးတွေကို ဈေးတက်ထားတယ်။ နောက် စီစီတီဗွီကင်မရာတွေကိုလဲ တပ်ဆင်ထားပါ တယ်။ ပြီးခဲ့တဲ့ အိုမန်နဲ့ပွဲတုန်းကလဲ စီစီတီဗွီကင်မရာနဲ့ အရေးယူမှုတွေလုပ်ခဲ့ပါတယ်””ဟု ဦးစိုးမိုးကပြောသည်။
    အာဆီယံယူ ၁၉ ဘောလုံးပြိုင်ပွဲများကို စက် တင်ဘာ ၈ရက်မှ ၂၁ရက်အထိ သုဝဏ္ဏဘောလုံးကွင်း တွင် ကျင်းပမည်ဖြစ်ကာ တစ်နေ့လျှင်နှစ်ပွဲနှုန်းကျင်းပ မည်ဟု သိရသည်။
    ဒေါ်အောင်ဆန်းစုကြည်သည် သြဂုတ်၂၀ ရက်ကလည်း နိုင်ငံတော်သမ္မတ၏ စီးပွားရေးအကြံပေး အဖွဲ့ခေါင်းဆောင် စီးပွားရေးပညာရှင် ဒေါက်တာဦးမြင့် ၏ဖိတ်ကြားချက်ကြောင့် နေပြည်တော်တွင် ပြုလုပ်ခဲ့ သော နိုင်ငံတော်၏ စီးပွားရေးဖွံ့ဖြိုးတိုးတက်မှုအတွက် ပြုပြင်ပြောင်းလဲရေးဆိုင်ရာ အမျိုးသားအဆင့် အလုပ်ရုံ ဆွေးနွေးပွဲဒုတိယနေ့ ပထမပိုင်းအစည်းအဝေးသို့ တက် ရောက်ခဲ့သည်။

သစ်ထူးလွင် 9/14/2011 11:13:00 AM

ဒေါ်အောင်ဆန်းစုကြည် ရန်ကုန်မီဒီယာဂရု(ပ်)ဥက္ကဌအားလက်ခံတွေ့ဆုံမေးမြန်းခွင့်ပြု

ရန်ကုန် စက်တင်ဘာ ၁၃ - ဒေါ်အောင်ဆန်းစုကြည်သည် ရန်ကုန်မီဒီယာဂရု(ပ်)မှ ဥက္ကဌဦးကိုကို (ကိုကို-စက်မှုတက္ကသိုလ်)ပါဝင်သော ရန်ကုန်တိုင်းမ်ဂျာနယ်၊ ဖလားဝါးနယူးစ်ဂျာနယ်တို့မှ သတင်းအဖွဲ့နှင့် ယနေ့မွန်းတည့် ၁၂ နာရီတွင် တွေ့ဆုံပြီး လက်ရှိနိုင်ငံရေးဖြစ်ပေါ်တိုးတက်မှုများကို ပြောကြားခဲ့သည်။
ရန်ကုန်မီဒီယာဂရု(ပ်)၏ မေးခွန်းများအပေါ် ဒေါ်အောင်ဆန်းစုကြည်က စိတ်ရှည်လက်ရှည်ဖြေကြားပေးခဲ့သည်။ လက်ရှိဖြစ်ပေါ်တိုးတက်နေသော နှစ်ဖက်တွေ့ဆုံဆွေးနွေးမှုများ၊ နိုင်ငံတော်သမ္မတကြီးအပေါ်သဘောထားအမြင်၊ တိုင်းရင်းသားလက်နက်ကိုင်အဖွဲ့များနှင့် ငြိမ်းချမ်းရေးကိစ္စ၊ နိုင်ငံရေးအကျဉ်းသားများလွတ်မြောက်ရေးကိစ္စ၊ ယနေ့လူငယ်များအပေါ်အမြင်၊ လူငယ်နှင့်ပညာရေးစသည်ဖြင့် အကြောင်းအရာစုံမေးမြန်းမှုအပေါ် ဒေါ်အောင်ဆန်းစုကြည်က ရင်းနှီးနွေးထွေးစွာ ဖြေကြားဆွေးနွေးခဲ့ကြောင်း သိရှိရသည်။

အင်တာဗျူးအပြည့်အစုံ-----------

ရန်ကုန်တိုင်းမ်   - အမျိုးသားပြန်လည်စည်းလုံးညီညွတ်ရေးကိစ္စကအရင်က ထက်စာရင်တိုးတက်လာတယ်လို့တစ်ချို့ ကသုံးသပ်နေကြပါတယ်။ အန်တီနဲ့ ပြည်ထောင်စုဝန်ကြီးဦးအောင်ကြည်နဲ့  တွေ့ပြီးတဲ့နောက် နိုင်ငံတော်သမ္မတ ကြီးနဲ့တွေ့တာလည်းကျွန်တော်တို့ တွေ့ရတဲ့အတွက် လက်ရှိအစိုးရနဲ့ သွားနေတဲ့Dialogue အခြေအနေ အပေါ်ကို အန်တီဘယ်လိုသုံးသပ်ပါလဲ။

ဒေါ်အောင်ဆန်းစုကြည်  - အန်တီအားရပါတယ်။ပြည်သူတွေကလည်းမျှော်လင့်သလို အန်တီတို့လည်းမျှော်လင့်ပါတယ်။ ဒါပေမယ့် အန်တီအမြဲပြောသလို မျှော်လင့်ရုံနဲ့မကဘူး။အလုပ်လုပ်ရမယ်၊ကြိုးစားရမယ်၊ဆက်ပြီးကြိုးစားရပါမယ်၊
ဒါအစပဲရှိသေးတယ်အစကောင်းမှအနှောင်းသေချာဆို သလိုအစကတော့ကောင်းနေပြီ၊အနှောင်းသေချာအောင် လုပ်ဖို့ပဲ လိုပါတယ်။

ရန်ကုန်တိုင်းမ်  - အန်တီလဲအရင်ကတပ်မတော်အစိုးရနဲ့ဆွေးနွေးမှု တွေလုပ်ခဲ့ပါတယ်။ အခုအစိုးရကျတော့ တပ်မတော် အစိုးရက လူတွေပါပေမယ့်ဒီမိုကရေစီပုံစံနဲ့သွားမယ်ပြောထားတဲ့အတွက် အရင်လုပ်ထားတဲ့ဆွေးနွေးမှုတွေနဲ့အခုအန်တီ တို့လုပ်တဲ့ ဆွေးနွေးမှုတွေဘာများကွာခြားမှု ရှိပါသလဲ။ ကျွန်တော်တို့ သတင်းသမားတွေအမြင်ကတော့ အခုလုပ်တဲ့ ဆွေးနွေးမှုတွေက တိုးတက်မှုပိုမြန်တယ်လို့  ယူဆပါတယ်။ အန်တီကောဘယ်လိုယူဆပါသလဲ။

ဒေါ်အောင်ဆန်းစုကြည်  -အန်တီကတော့ ပိုပြီးမြန်တယ်လို့မြင်ပါတယ်။ ပိုပြီးတော့အရေးကြီးတာက တွေ့ဆုံမှုထဲမှာ မယ်မယ်ရရကိစ္စတွေက ဆွေးနွေးမှုဖြစ်တယ်ဆိုတယ်ဆိုတာ ကွာခြားပါတယ်။ အရင်တုန်းကတွေ့ဆုံမှုတွေမှာ မယ်မယ် ရရတွေ့ဆုံဆွေးနွေးမှုတွေ မလုပ်ဖြစ်ခဲ့ပါဘူး။

ရန်ကုန်တိုင်းမ်  -အန်တီနဲ့နိုင်ငံတော်သမ္မတကြီးနဲ့ တွေ့ခဲ့ပါတယ် ။သမ္မတကြီးမိသားစုကလည်း အန်တီ့ကို ရင်းရင်းနှီးနှီး တွေ့ဆုံတယ်လို့ကြားပါတယ်။ အဲဒီတော့ သမ္မတကြီးပေါ်မှာ အန်တီရဲ့ပုဂ္ဂိုလ်ရေး ထင်မြင်ယူဆချက် ဘယ်လိုရှိပါသလဲ။

ဒေါ်အောင်ဆန်းစုကြည်  -သမ္မတကြီးအနေနဲ့ တကယ်ပဲ တိုးတက်ပြောင်းလဲရေးကို လိုလားတယ်လို့ မြင်ပါတယ်။ ဒါကသမ္မတကြီး တစ်ယောက်တည်းအနေနဲ့ပေါ့လေ။ အစိုးရတစ်ဖွဲ့လုံးနဲ့မတွေ့သေးတော့ ပြောဖို့ခက်ပါတယ်။ သမ္မတကြီးကိုယ်တိုင်ကတော့အပြုသဘောဆောင်တဲ့အပြောင်းအလဲတွေကို လိုလားနေတယ်လို့အန်တီယုံကြည်ပါတယ်။

ရန်ကုန်တိုင်းမ်  - အန်တီသမ္မတကြီးနဲ့တွေ့ပြီးတဲ့အချိန်မှာ ပြည်ထောင်စုဝန်ကြီးလေးငါးယောက်နဲ့ တွေ့ပါတယ်။ဒီပြည်
ထောင်စုဝန်ကြီးတွေနဲ့ အန်တီပေါ့ပေါ့ပါးပါးစကားပြောတော့ သူတို့ကရင်းရင်းနှီးနှီး ခင်ခင်မင်မင်တွေ့တာလား။ဒါမှမ
ဟုတ်အလုပ်သဘောအရဆက်ဆံတယ်လို့ထင်ပါသလား။ အန်တီဘယ်လိုမြင်ပါသလဲ။

ဒေါ်အောင်ဆန်းစုကြည်  - အန်တီအနေနဲ့ကတော့ပြောရဆိုရတာကို ကျေနပ်ပါတယ်။ အန်တီအနေနဲ့ဟန်ဆောင်ပြီး လုပ်တဲ့ အလေ့အကျင့်မရှိဘူး။ ဘယ်လိုပဲပြောပြော တာဝန်အရလုပ်ရတယ်ဆိုရင်လည်း တာဝန်အရလုပ်ရတဲ့ပုံနဲ့ပဲ ပြောမှာပဲ။ ဒါပေမယ့်ဗိုလ်ချုပ်သိန်းဌေးနဲ့ တခြားဝန်ကြီးသုံးဦးနဲ့တွေ့ရတာ အန်တီကျေနပ်ပါတယ်။ အားလုံးက တကယ်ပဲစိတ်ပါလက်ပါနဲ့ ခင်ခင်မင်မင်ရှိတယ်လို့ အန်တီယုံပါတယ်။

ရန်ကုန်တိုင်းမ်  - ရထားပို့ဆောင်ရေးပြည်ထောင်စုဝန်ကြီး ဦးအောင်မင်းက အဘဦးအောင်ဆန်းရဲ့မွေးရပ်နတ်မောက်မှာ ရထားလမ်းဖောက်ထားပါတယ်။အဲဒီဖွင့်ပွဲကျရင်အန်တီကိုဖိတ်ချင်ပါတယ်။အန်တီလည်းလာခဲ့ပါလို့ပြောခဲ့တယ်ဆိုတာဟုတ်ပါသလား။

ဒေါ်အောင်ဆန်းစုကြည်  - ဟုတ်ပါတယ်။အန်တီကလည်း ဖိတ်ရင်တော့ လာပါမယ်လို့ပြောထားပါတယ်။

ရန်ကုန်တိုင်းမ်  - လက်ရှိနိုင်ငံရေးမှာအဓိကပြသနာမှာနံပါတစ်ဖြစ်တဲ့ တွေ့ဆုံဆွေးနွေးမှုက ချောမွေ့နေပါတယ်။ ဒါပေမယ့်အတားအဆီးတစ်ခုက နိုင်ငံရေးအကျဉ်းသားများလွတ်မြောက်ရေးလို့ ပြောနေပါတယ်။ အဲဒီကိစ္စကိုလွှတ်တော်မှာတင်ပြဆွေးနွေးနေတာလည်း တွေ့ရပါတယ်။ အန်တီနဲ့ ယခုအစိုးရဆွေးနွေးတဲ့အခါမှာ အရင်အစိုးရနဲ့မတူဘဲ အထူးပြုကိစ္စရပ် တွေကိုဆွေးနွေးနိုင်တယ်လို့ အန်တီ အရင်မေးခွန်းတွေမှာဖြေထားပါတယ်။ဒါကြောင့် အန်တီတို့ဆွေးနွေးတဲ့အချိန်မှာ အစိုးရဘက်က နိုင်ငံရေးအကျဉ်းသားလွတ်မြောက်ရေးကို အာမခံခဲ့တာများ ရှိပါသလား။ ဒါမှမဟုတ်သမ္မတကြီးကိုယ်တိုင်က နှုတ်အားဖြင့်အန်တီကိုပြောခဲ့တာများ ရှိပါသလား။

ဒေါ်အောင်ဆန်းစုကြည် - အန်တီအနေနဲ့ ဘာတွေဆွေးနွေးခဲ့တယ်ဆိုတာ အခုထိမပြောသေးဘူးလေ။ အခုလဲပြောမှာ
မဟုတ်ဘူး။ ဒါပေမယ့် နိုင်ငံရေးအကျဉ်းသားလွတ်မြောက်ရေးဆိုတာ တခြားနိုင်ငံရေးကိစ္စတွေနဲ့ခွဲခြားမြင်လို့မရဘူး။
အားလုံးက တစ်ခုကိုတစ်ခုဖေးမသွားမယ်လို့မြင်တယ်။ နိုင်ငံရေးအကျဉ်းသားများလွတ်မြောက်ခြင်းဆိုတာ ပူးပေါင်း ဆောင်ရွက်မှုကိုအထောက်အကူပြုသလို ပူးပေါင်းဆောင်ရွက်မှုကလည်း နိုင်ငံရေးအကျဉ်းသားတွေ လွတ်မြောက်ရေးကို အထာက်အကူဖြစ်မယ်လို့ အန်တီမြင်တယ်။ ဒါတွေကခွဲခြားမြင်လို့မရဘူး။ အားလုံး ဆက်နွယ်နေတယ်။ အန်တီတို့ ဦးတည်တာက အမျိုးသားပြန်လည်ရင်ကြားစေ့ရေးနဲ့ တကယ့်စစ်မှန်တဲ့ ဒီမိုကရေစီအဆောက်အအုံတွေကို အမြစ်တွယ်အောင်လုပ်ရေးလေ။ အဲဒါနဲ့ပက်သက်ရင် လိုတာတွေကအများကြီးပဲ။ အားလုံးက ဆက်နွယ်နေတယ်။ ဒီတစ်ခု၊ဒီတစ်ခုဆိုပြီးတော့ တစ်ခုနဲ့ တစ်ခုကို မတူသလိုကိုင်တွယ်လို့မရပါဘူး။

ရန်ကုန်တိုင်းမ်  - အန်တီရဲ့ကိုယ်ပိုင်ယူဆချက်ပေါ့။မကြာမီ အချိန်တွင်းမှာအများပြည်သူတွေကလိုလားနေတဲ့
နိုင်ငံရေးအကျဉ်းသားများ လွတ်မြောက်လာရေးဟာ မဝေးတော့တဲ့အနာဂတ်မှာ လွတ်မြောက်လာမယ့်အလားအလာ
ကောင်းတွေရှိတယ်လို့ အန်တီမြင်ပါသလား။ လွတ်မြောက်လာမယ်လို့ကော အန်တီထင်ပါသလား။

ဒေါ်အောင်ဆန်းစုကြည် - နိုင်ငံရေးအကျဉ်းသားတွေက တစ်ချိန်တစ်ခါမှာ လွတ်မြောက်ရမှာပါ။ အရေးကြီးတာက အမြန်ဆုံး လွတ်မြောက်ဖိုပေါ့။ အဲဒီကိစ္စနဲ့ပက်သက်ရင် အားလုံးကဖြစ်မြောက်ဖို့ ကြိုးစားရမယ်။ ကြိုးစားရသလောက်“ကံ ကံ၏အကျိုး” ကိုဖြစ်လာမှာပါ။ ဘယ်တော့ လွတ်မယ် ၊ဘယ်တော့ မလွတ်ဘူး ဆိုတာကို အန်တီကဗေဒင်တွက်သလိုမျိုးတွေ အန်တီမလုပ်ချင်ဘူး။ ဒါက ခန့်မှန်းချေပဲ။ ခန့်မှန်းတယ်ဆိုတာထက် ဖြစ်မြောက်အောင်လို့ ကိုယ်က၀ီရိယစိုက်ဖို့လိုပါတယ်။

ရန်ကုန်တိုင်းမ် - ငြိမ်းချမ်းရေးကိစ္စကိုတော်တော်များများ ပြောနေကြပါတယ်။ လွှတ်တော်မှာဆွေးနွေးနေကြတာရှိသလို၊ိုငြိမ်းချမ်းရေးကော်မတီဖွဲ့ဖို့လည်း စီစဉ်နေပါတယ်။ လက်ရှိဖြစ်နေတဲ့ တိုင်းရင်းသားရေးရာကိစ္စနဲ့ တိုင်းရင်းသားများအား
လုံး တကယ်ကိုငြိမ်းချမ်းဖို့ကိစ္စမှာ အန်တီအနေနဲ့ ဘယ်လိုထင်မြင်ယူဆချက်များရှိပါသလဲ။

ဒေါ်အောင်ဆန်းစုကြည် - အန်တီတို့နိုင်ငံလွတ်လပ်ကတည်းက တိုင်းရင်းသားတွေအကြားမှာ စစ်မှန်တဲ့ညီညွတ်မှုဆိုတာ
မတည်ဆောက်နိုင်ခဲ့ဘူး။ ဒီကိစ္စက အန်တီတို့တည်ဆောက်ရမယ့်ကိစ္စပဲ။ လွယ်လွယ်နဲ့တော့ဖြစ်မှာမဟုတ်ဘူး။ အဓိက
အရေးကြီးတာကယုံကြည်မှုပဲ။ တစ်ယောက်ပေါ်တစ်ယောက် ယုံကြည်မှုပဲ။ ယုံကြည်မှုတည်ဆောက်တဲ့နေရာမှာ ပထမ လိုအပ်တာက ရိုးစင်းမှုပဲ။ တစ်ယောက်နဲ့ တစ်ယောက်ဆက်ဆံတဲ့နေရာမှာ ရိုးရိုးစင်းစင်း ဆက်ဆံရမယ်။ လုပ်ပေးနိုင်ရင် လုပ်ပေးနိုင်မယ်။ မလုပ်ပေးနိုင်ရင် မလုပ်ပေးနိုင်ဘူးဆိုပြီး အမြင်ချင်းဖလှယ်ရမယ်။ ဒီလိုမလုပ်ပေးနိုင်ရင် ဟိုလိုကော လုပ်ပေးနိုင်မလား ဆိုတာဖြစ်လာမယ်။ တွေ့ဆုံဆွေးနွေးတယ်ဆိုတဲ့နေရာ မှာလည်း နှစ်ဖက်တည်းဖြစ်ဖြစ်၊ သုံးလေးဖွဲ့ဆိုလည်း သုံးလေးဖွဲ့ဖြစ်ဖြစ် ကိုယ်လိုချင်တာကိုပဲ အရမ်းဆုပ်ကိုင်ပြီး မလျော့တမ်းဆိုတာ ဖြစ်လို့မရဘူး။ သို့ပေမယ့် တရားမျှတမှုတွေကို အခြေခံတဲ့တောင်းဆိုချက်တွေကို ဖြစ်မြောက်အောင်လုပ်ပေးဖို့က အားလုံးမှာတာဝန်ရှိတယ်။ ဒီလိုတရားမျှတတဲ့ တကယ်လိုအပ်တဲ့ အချက်တွေကို ဖြည့်ဆည်းပေးဖို့ အားလုံးကစိတ်စေတနာ ရှိတယ်ဆိုရင်တော့ အဲဒီအပေါ်မှာအခြေခံပြီး တိုးတက်မှာပဲ။ လူမျိုးစုတွေ၊ တိုင်းရင်းသားတွေ၊ လူအစုအဖွဲ့တွေမပြောနဲ့ လူတစ်ယောက်ချင်း နှစ်ယောက်ချင်းကြားမှာတောင် တကယ့်တစ်ဦးပေါ်တစ်ဦး ယုံကြည်မှုရဖို့ ခင်မင်မှုရဖို့အချိန်လိုတယ်။ အချိန်လည်း ကြာတယ်။ နောက်တစ်ခုက မပြောဖြစ်လို့ ပြောရမယ်။ အန်တီတို့နိုင်ငံကအချိန်သိပ်ဆွဲလို့မရဘူး။ ဘာဖြစ်လို့လည်းဆိုတော့ အချိန်ဆွဲလို့ရှိရင်အန်တီတို့နိုင်ငံရဲ့ ဒဏ်ရာတွေက ပိုကြီးလာမယ်။

်ရန်ကုန်တိုင်းမ်  - အန်တီကိုယ်တိုင် နိုင်ငံတော်သမ္မတကြီးအပါအ၀င် တိုင်းရင်းသားခေါင်းဆောင်တွေကို အိတ်ဖွင့်ပေးစာ
ပေးတာကိုကျွန်တော်တို့ဖတ်ရပါတယ်။ အန်တီကိုယ်တိုင်က ဒီကိစ္စမှာကိုယ်တိုင်ပါဝင်ဆောင်ရွက်မယ်လို့ပြောထားပါ
တယ်။ အန်တီကိုယ်တိုင်က ဒီငြိမ်းချမ်းရေးလုပ်ငန်းစဉ်မှာ ဘယ်လိုအခန်းကဏ္ဍကနေပါဝင်မယ်လို့ ထင်ပါသလဲ။ အဲဒီလိုပါဝင်ဆောင်ရွက်ဖို့ကို ပြည်ထောင်စုဝန်ကြီးဦးအောင်ကြည်နဲ့ တွေ့ဆုံဆွေးနွေးတဲ့အခါမှာရော နိုင်ငံတော် သမ္မတကြီးနဲ့ တွေ့ဆုံဆွေးနွေးတဲ့အခါမှာရော အဲဒီကိစ္စကပြောဆိုဆွေးနွေးတဲ့အချက်တွေထဲမှာ ပါပါသလား။

ဒေါ်အောင်ဆန်းစုကြည် - ဘာတွေပြောဆိုဆွေးနွေးတယ်ဆိုတာ လုံးဝပြောလို့မရပါဘူး။ ဒါပေမယ့် အန်တီပြောနိုင်တာက ဘယ်လိုအခန်းကဏ္ဍတွေကနေပါဝင်နိုင်တယ်။ ဘယ်လိုပါဝင်စေချင်တယ်ဆိုတာက ကာယကံရှင်ဖြစ်တဲ့တိုင်းရင်းသား
အဖွဲ့အစည်းတွေကရော နိုင်ငံတော်အစိုးရကဆုံးဖြတ်ရမှာပါ။ အန်တီကနေပြီး ဒီလိုလုပ်မယ် ဟိုလိုလုပ်မယ်ဆိုပြီး
သွားပြောလို့မရဘူးလေ။ ကူညီနိုင်မယ်ဆိုရင်ကူညီပါမယ်။ ဘယ်လိုအခန်းကဏ္ဍကနေ ကူညီနိုင်စေချင်လဲဆိုတာ အန်တီကမ်းလှမ်းထားပြီးပါပြီ။ ဒီကိစ္စကိုကာယကံရှင်တွေက ဆုံးဖြတ်ရမှာပါ။

ရန်ကုန်တိုင်းမ် - ကျွန်တော်တို့ပြည်သူတွေအားလုံး စိတ်ဝင်စားနေတဲ့ကိစ္စတစ်ခုက နိုင်ငံပိုင်သတင်းစာတွေက ဖော်ပြ ချက်တစ်ခုမှာ ပြည်ထောင်စုဝန်ကြီး ဦးအောင်ကြည်က လွှတ်တော်ကိုယ်စားလှယ်တစ်ဦးရဲ့မေးခွန်းတွေပြန်လည်
ဖြေကြားတဲ့နေရာမှာ ဒေါ်အောင်ဆန်းစုကြည်နှင့်သူမ၏ တရားဝင်ပါတီတို့သည် အနာဂတ်မြန်မာနိုင်ငံရေးမှာပူးပေါင်း
ဆောင်ရွက်မည်ဆိုတာပါပါတယ်။ တစ်ဖက်မှာလည်း အစိုးရကအန်အယ်ဒီဟာရွေးကောက်ပွဲစည်းမျဉ်းစည်းကမ်းအရ
ပယ်ဖျက်ပြီးဖြစ်တယ်လို့ပြောပါတယ်။ တစ်ချိန်တည်းမှာပဲ ဒေါ်အောင်ဆန်းစုကြည်နှင့် သူမ၏တရားဝင်ပါတီဆိုတာကို
သုံးနှုန်းထားတာတဲ့အတွက် အဲဒါကိုကျွန်တော်တို့သတင်းသမားတွေက အန်တီတို့တွေ့ဆုံဆွေးနွေးမှုရဲ့ရလဒ်တစ်ခုလို့မြင်ပါ တယ်။ ဒါဟာအဓိပါယ်ရှိရှိသုံးနှုန်းထားတဲ့ အသုံးအနှုန်းပါလား။ အဲဒီနောက်ကွက်က အဓိပါယ်တွေကိုအန်တီ့အနေနဲ့ ကျွန်တော်တို့ကိုဘယ်လောက်များ ပြောကြားနိုင်ပါမလဲ။

ဒေါ်အောင်ဆန်းစုကြည် - အန်တီတို့က ဒီမိုကရက်တစ်အင်အားစုဆိုတော့ ဒီမိုကရေစီရဲ့လုပ်ထုံးလုပ်နည်းအရတစ်ဖက်ရဲ့ သဘောထားကိုလေးစားရပါမယ်။ ကိုယ်လိုချင်တဲ့ ထင်မြင်ချက်နဲ့ သူကတော့ဒီလိုဆိုလိုတယ်။ ဟိုလိုဆိုလိုတယ်ဆိုတာကို ပြောပိုင်ခွင့်မရှိဘူး။ ကောင်းတာကတော့  ဦးအောင်ကြည်ကို  သွားမေးတာအကောင်းဆုံးပါ။

ရန်ကုန်တိုင်းမ်  - မကြာခင်က မြန်မာနိုင်ငံကိုလာသွားတဲ့ ဥရောပသမဂ္ဂရဲ့သံတမန်ရော အမေရိကန်ရဲ့အထူးကိုယ်စားလှယ် ကော မြန်မာအစိုးရကငြိမ်းချမ်းရေးနဲ့ပက်သက်ပြီး တကယ်ကိုလုပ်မယ်ဆိုတဲ့ ရည်ရွယ်ချက်တွေ တွေ့တယ်လို့ပြောပါ
တယ်။ ဒီကိစ္စတွေကို အရင်အစိုးရကကိုင်တွယ်ခဲ့ပေမယ့် အောင်မြင်ခဲ့တာမတွေ့ရဘူး။ အခုဖြစ်တဲ့“၀”ကိစ္စတွေဆိုရင်
အရင်တောင်းဆိုထားတဲ့ နယ်ခြားစောင့်တပ်ကိစ္စကိုလျော့ပြီးဆောင်ရွက်နေတာတွေ့ရတဲ့အတွက် လက်ရှိအစိုးရရဲ့
ပြည်တွင်းငြိမ်းချမ်းရေးအတွက် လုပ်ဆောင်နေတာဟာ ပြောင်းလဲလာတယ်လို့အန်တီမြင်ပါသလား။ အောင်မြင်လာမယ်လို့ အန်တီမျှော်လင့်ပါသလား။

ဒေါ်အောင်ဆန်းစုကြည် - အန်တီအနေနဲ့ကတော့ပြောင်းလဲရမယ်လို့မြင်ပါတယ်။ အရင်တုန်းက လုပ်ပုံလုပ်နည်းဟာ အောင်မြင်ခဲ့မယ်ဆိုရင် ဒီအခြေအနေမှာဆက်လုပ်နေဖို့မလိုဘူး။ အရင်တုန်းကလုပ်ပုံလုပ်နည်း မအောင်မြင်ခဲ့လို့ အခုဆက်လုပ်နေရတာပေါ့။ အရင်တုန်းက လုပ်ပုံလုပ်နည်းကမအောင်မြင်ဘူးဆိုရင် နည်းလမ်းပြောင်းတာ သဘာဝကျပါတယ်။ နည်းလမ်းပြောင်းသုံးတဲ့အခါအောင်မြင်လား မအောင်မြင်လားဆိုတာ အဖြေကချက်ချင်းပေါ်မှာ မဟုတ်ဘူး။ စောင့်ကြည့်ရမှာပေ့ါ။ အန်တီအမြင်ကတော့ ဒီတစ်နည်းနဲ့မအောင်မြင်ရင် နောက်တစ်နည်းပြောင်းသုံးရမှာပေါ့။ အဘက်ဘက်ကတော့ အပေးအယူစိတ်ဓာတ်ရှိရမှာပေါ့။ အပေးအယူစိတ်ဓာတ်ဆိုတာ ကိုယ်လိုချင်တာ ၁၀၀ ရာခိုင်နှုန်း ဆိုတာရမှဆိုတဲ့စိတ်နဲ့မရဘူး။ အဘက်ဘက်က ညှိယူရမယ်။ တစ်ခါတစ်လေကျတော့ တစ်ဖက်ကအ၀ါလိုချင်တယ်။ တစ်ဖက်ကအပြာလိုချင်တယ်။ နောက်ဆုံးကျတော့ နှစ်ဖက်စလုံးက ခရမ်းရောင်ပဲကြိုက်ပါတယ် ဆိုတာလည်း ဖြစ်သွားနိုင်ပါတယ်။ ဒါမျိုးဆိုတာညှိနှိုင်းယူမှဖြစ်မှာ။ ညှိနှိုင်းတယ်ဆိုတဲ့နေရာမှာ အရေးကြီးဆုံးကယုံကြည်မှုပဲ။ တစ်ဖက်ကို တစ်ဖက်မယုံကြည်ဘူးဆိုရင် ညှိနှိုင်းတယ်ဆိုတာ အင်မတန်ခက်ခဲပါတယ်။ နှစ်ဖက်စလုံးက ယုံကြည်နိုင်တဲ့ပုံစံနဲ့ ဆွေးနွေးညှိနှိုင်းတယ်ဆိုရင်အောင်မြင်နိုင်မယ်လို့ ထင်ပါတယ်။

ရန်ကုန်တိုင်းမ် - ဒီမေးခွန်းကလည်း အားလုံးသိချင်တဲ့မေးခွန်းပါပဲ။ မကြာခင်မှာကြားဖြတ်ရွေးကောက်ပွဲလည်းရှိပါတယ်။
နောက်ငါးနှစ်မှာလည်းရွေးကောက်ပွဲရှိတဲ့အတွက် အမျိုးသားဒီမိုကရေစီအဖွဲ့ချုပ်ဟာ မှတ်ပုံတင်မယ် မတင်ဘူးဆိုတာထက် တရားဝင်ပါတီအဖြစ်နဲ့အနာဂတ်မှာရပ်တည်ပြီးတော့ ရွေးကောက်ပွဲဝင်ဖို့စီစဉ်ထားတာ စဉ်းစားထားတာရှိလား သိချင်ပါတယ်။

ဒေါ်အောင်ဆန်းစုကြည် - အန်တီတို့ပါတီကို စပြီးထူထောင်ကတည်းက တရားဝင်နိုင်ငံရေးပါတီတစ်ခုအနေနဲ့ လှုပ်ရှားချင်လို့ ထူထောင်ထားတာပါ။ ဒါကဒီမိုကရေစီရဲ့လိုအပ်ချက်တစ်ခုပါ။ အခုခေတ်ဒီမိုကရေစီမှာ နိုင်ငံရေးပါတီမရှိလို့ မဖြစ်ဘူး။ တချို့ကပါတီနိုင်ငံရေးကိုရှုံ့ချတာတွေရှိတယ်။ အခုခေတ်မှာပါတီနိုင်ငံရေးပဲရှိတယ်။ ခေါမခေတ်ကလို
အားလုံးတစ်နေရာမှာစုဆိုပြီး ဒီမိုကရေစီအစိုးရပုံစံနဲ့လုပ်လို့ရတာ မဟုတ်ဘူး။ အခုခေတ်ဒီမိုကရေစီဆိုတာ ပါတီ ပေါ်မှာအခြေခံတယ်။ ဒါကြောင့်အန်တီတို့ပါတီကို တရားဝင်ပါတီထူထောင်ခဲ့တယ်။ အန်တီတို့လည်း ၁၉၉၀ခုနှစ်တုန်းက ရွေးကောက်ပွဲဝင်ခဲ့တယ်။ ဒီမိုကရေစီဆိုတာ ရွေးကောက်ပွဲရှိတိုင်းလည်း ဒီမိုကရေစီမဟုတ်ဘူး။
ရွေးကောက်ပွဲရှိမှ ဒီမိုကရေစီမဟုတ်ဘူး။ သို့သော်ငြားလည်း ဒီမိုကရေစီရဲ့လိုအပ်ချက်တစ်ခုက ဒီမိုကရေစီဆန်တဲ့
ရွေးကောက်ပွဲတစ်ခုကို ဦးတည်တယ်။ အန်တီတို့အနေနဲ့ တရားဝင်နိုင်ငံရေးအဖွဲ့အစည်းအဖြစ်နဲ့ရပ်တည်ရေးဆိုတာ လည်း အယုံအကြည်ရှိတယ်။ ဒီလိုတရားဝင်နိုင်ငံရေးအဖွဲ့အစည်းတစ်ခုအနေနဲ့ ရွေးကောက်ပွဲမှာပါဝင်ရေးဆိုတာလည်း အယုံအကြည်ရှိတယ်။ ဒါပေမယ့်လည်းအခြေအနေတွေအရ စည်းမျဉ်းစည်းကမ်းတွေအရ ဘယ်အချိန်မှာ လုပ်သင့် မလုပ်သင့်ဆိုတာ ချင့်ချိန်ရပါမယ်။ ဒါကြောင့် ၂၀၁၀တုန်းကပါတီကို အန်တီတို့မှတ်ပုံမတင်ခဲ့တာပါ။

ရန်ကုန်တိုင်းမ် - အန်တီအဖြေနဲ့ဆက်စပ်ပြီး ကျွန်တော် မေးချင်တာက အဲဒီအတွက်အလားအလာကောင်းတွေ ရှိပါသလား။

ဒေါ်အောင်ဆန်းစုကြည် - အလားအလာကောင်းတွေဖြစ်အောင် လုပ်ယူရပါမယ်။ ရှိတယ်မရှိဘူးဆိုတာပြောဖို့အချိန်စောပါ
သေးတယ်။ အစကတည်းက ဒီလိုရည်ရွယ်ချက်ရှိတဲ့အတွက် အဖွဲ့ချုပ်ကိုမပျက်မစီးမပြိုကွဲအောင်ထိန်းသိမ်းခဲ့ တာပါ။ ပြည်သူလူထုထောက်ခံတဲ့အဖွဲ့အစည်းတစ်ခုဟာ တစ်ချိန်တစ်ချိန်မဟုတ် တရားဝင်အဖွဲ့အစည်းဖြစ်ကို ဖြစ်သင့်တယ်လို့ အန်တီတို့ ယုံကြည်ပါတယ်။

ရန်ကုန်တိုင်းမ် - အန်တီတို့အခုသွားနေတဲ့တွေ့ဆုံဆွေးနွေးမှုသည် တိုင်မ်းဖရိန်တစ်ခုနဲ့သွားနေတယ်လို့ကြားရပါတယ်။
ဒါကြောင့်အန်တီတို့သွားနေတဲ့လုပ်ငန်းစဉ်သည် အချိန်သတ်မှတ်ချက်တစ်ခုဆိုတာမျိုးနဲ့သွားနေတာဟုတ်ပါသလား။ အချိန်သတ်မှတ်ထားတာများရှိလားဆိုတာသိချင်ပါတယ်။ အနည်းဆုံးတော့ လူကြီးလူကောင်းသဘောတူညီချက်များ
ရှိထားပါသလား။

ဒေါ်အောင်ဆန်းစုကြည် - ဒီကိစ္စတွေဟာရေရှည်အချိန်ဆွဲလို့ရတဲ့ကိစ္စမဟုတ်ဘူးဆိုတာ နှစ်ဖက်စလုံးကနားလည်ပါတယ်။
(အခု)ဆိုတဲ့အဖြေကို ကျေနပ်ပါတော့လို့ပြောချင်ပါတယ်။

ရန်ကုန်တိုင်းမ် - ယနေ့လူငယ်တွေကစံပြမိုဒယ်လ်ပျောက်နေပါတယ်။ ဒါပေမယ့် အန်တီအပေါ်မှာလေးစားကြည်ညိုတဲ့စိတ် ရှိတယ်ဆိုတာတွေ့ရပါတယ်။ မကြာမီကျင်းပမယ့် ဒီမိုကရေစီနေ့ရဲ့အနှစ်သာရတစ်ခုက လူငယ်တွေကို နိုင်ငံရေးမှာ စိတ်ဝင်စားဖို့ ပါဝင်ဆောင်ရွက်ဖို့ဆိုတာ ကျွန်တော်သိရပါတယ်။ ယနေ့လူငယ်တွေအပေါ်မှာ နိုင်ငံရေးနဲ့ပက်သက်ပြီး အန်တီရဲ့ခံယူချက်၊အမြင်၊တိုက်တွန်းပြောချင်တာလေးကို ပြောပေးစေချင်ပါတယ်။

ဒေါ်အောင်ဆန်းစုကြည် - လူငယ်တွေဟာနိုင်ငံရေးဟာ သူတို့အနာဂတ်နဲ့ဆိုင်တယ်ဆိုတာကို ပထမဆုံးမြင်ဖို့လိုတယ်။ နိုင်ငံရေးဆိုတာစတိုင်မဟုတ်ဘူး။ နိုင်ငံရေးလုပ်တာ ခေတ်အောက်တယ်လို့မြင်နေတယ်။ ဒါတွေဟာ အင်မတန်မှမှားတယ်။ ဒီနိုင်ငံရေးဟာ ကြိုက်သည်ဖြစ်စေ မကြိုက်သည်ဖြစ်စေ လူတိုင်း၊လူတိုင်းရဲ့အနာဂတ်နဲ့ဆိုင်တယ်။ အနာဂတ် အရှည်ကြီးရှိတာ လူငယ်တွေ၊ လူကြီးတွေက သိပ်ကြာကြာနေရမှာမဟုတ်တော့ဘူး။ ရှေ့အနာဂတ်ဟာ သိပ်မများတော့ဘူး။ လူငယ်တွေဟာ သူတို့ရဲ့အနာဂတ်ကို ကိုယ်လိုချင်တဲ့ပုံစံနဲ့ကိုယ့်ဘ၀ကို မတည်ဆောက် ချင်ဘူးလား။ အန်တီကတော့လူငယ်တွေ နိုင်ငံရေးကို စိတ်မပါဘူးဆိုရင် ဒီလိုပဲမေးချင်တယ်။ ကိုယ့်အနာဂတ်ကို မဆုံးဖြတ်ချင်ဘူးလား။ ကိုယ့်ဘ၀ကဘယ်လိုပုံစံဖြစ်မယ်ဆိုတာကို ကိုယ့်ဘာသာကိုယ်မလုပ်ယူချင်ဘူးလား။ အဲဒါတွေလုပ်ယူချင်တယ်ဆိုရင် နိုင်ငံရေးမှာ စိတ်ပါရမယ်။ အထူးသဖြင့် ဒီလိုအချိန်မှာ စိတ်ပါရမယ်။ အန်တီတို့ မိတ်ဆွေတစ်ယောက်ပြောသလိုပေါ့။ မိသားစုတစ်စုက ဆင်းရဲနေရင်အားလုံး ရုံးကန်ရမယ်။ အလုပ်လုပ်ရမယ်။ ချမ်းသာတဲ့မိသားစုဆိုရင် အဖေ အမေက လုံလုံလောက်လောက်ဖြစ်အောင် ပိုက်ဆံရှာပေးထားတော့ သားတွေသမီးတွေကကျောင်းသွားမယ်။ အေးအေးဆေးဆေး သူတို့လုပ်ချင်တာလုပ်မယ်။ ချို့တဲ့သူမိသားစုဆိုရင် ကျောင်းကပြန်လာတာနဲ့ကပျာကယာ ဟိုဟာလေး ဒီဟာလေးလုပ်ရမယ် ပိုက်ဆံရမယ့်အလုပ်လေးတွေဝိုင်းလုပ်ရမယ်။ အဲလိုပဲအန်တီတို့နိုင်ငံက ဆင်းရဲတဲ့မိသားစုတစ်ခုရဲ့ အခြေအနေမှာရှိတယ်။ ဒီအခြေအနေမှာ အားလုံးဝိုင်းလုပ်မှ ချမ်းသာတဲ့အခြေအနေရောက်သွားရင် လူငယ်တွေလည်း နည်းနည်းပိုပြီး အေးအေးဆေးဆေးနေနိုင်မယ်။ အားကစားတို့၊ အနုပညာတို့ လိုက်စားနိုင်မယ်။ ဒါပေမယ့် အဲလိုအခြေအနေရောက်ရင်လည်း နိုင်ငံရေးကိုစိတ်ဝင်စားတဲ့စိတ်ရှိရမယ်။ အသိစိတ်လည်းရှိရမယ်။ ပြည်သူတွေနိုင်ငံရေးအသိစိတ်ရှိသလောက်ပဲ တိုင်းပြည်တစ်ပြည်ဟာတိုးတက်မယ်။

ရန်ကုန်တိုင်းမ် - ဆင်းရဲတဲ့နိုင်ငံကနေ ချမ်းသာတဲ့နိုင်ငံအဖြစ်ပြောင်းမယ်ဆိုရင်ပညာကအရေးကြီးတာ၊ အခြေခံကျတာတွေ့ရပါတယ်။ လူငယ်အချို့ဟာ ပညာရေးအပေါ် အမြင်ပျောက်နေတဲ့အပြင် စမ်းတ၀ါးဝါးနဲ့သွား နေတာလေးရှိပါတယ်။ အဲဒီအတွက် လူငယ်တွေ ပညာအပေါ်ထားသင့်တဲ့ အန်တီရဲ့သဘောထားအမြင်ကို ပြောပေးပါ။

ဒေါ်အောင်ဆန်းစုကြည် - အန်တီအမြင်အရ ပညာဆိုတာတရားအရဆိုရင် ယောနိသောမနသိကာရပေါ့။ အခြေအနေ တစ်ခုခုကိုမှန်မှန်ကန်ကန်သုံးသပ်ခြင်း လောကီစကား၊ခေတ်စကားအရပြောရမယ်ဆိုရင် ပညာအရာဟာ ဘ၀ရဲ့ စိန်ခေါ်မှုတွေကို ရင်ဆိုင်နိုင်မယ့် အရည်အချင်းတွေကို ပြုစုပျိုးထောင်ပေးတာ။ ဒါတကယ့်ပညာ။ အဲဒီအထဲမှာ
ကျောင်းပညာပါတယ်။ ကျောင်းပညာကိုဖယ်ထားလို့ မရဘူး။ အရေးကြီးတယ်။ ကျောင်းပညာတွေက ဘ၀မှာ ပေါ်လာမယ့် အခက်အခဲတွေ စိန်ခေါ်မှုတွေကို ရင်ဆိုင်တဲ့နေရာမှာ အထောက်အကူပြုတယ်။ ဒါဘယ်လိုမှငြင်းလို့မရဘူး။ ဒါပေမယ့် ကျောင်းပြင်ပညာဆိုတာရှိတယ်။ ပညာဆိုတာနှစ်မျိုးရှာသွားရမှာ။ ကျောင်းကသင်ပေးလိုက်တဲ့ ပညာနဲ့ ကိုယ့်ဘာသာကိုယ်ဆည်းပူးရှာဖွေလိုက်တဲ့ဗဟုသုတ။ အန်တီတို့နိုင်ငံမှာ ကျောင်းကပေးတဲ့ပညာကနိမ့်တယ်။ ဒါကအမှန်အတိုင်းရိုးရိုးပြောတာ။ မလုံလောက်ဘူး။ ဒါကြောင့် လူငယ်တွေက စောစောကပြောတဲ့ ဆင်းရဲတဲ့မိသားစုအတိုင်း ကိုယ့်ကိုကိုယ်ဖြည့်ဆည်းဖို့ ပိုရုန်းကန်ရမယ်။ အခုခေတ်လူငယ်တွေက အန်တီတို့ပညာရေးစနစ်ကို ပိုပြီးတော့ခိုင်မာအောင် မလုပ်ပေးနိုင်သေးသမျှ လူငယ်တွေက ကျောင်းပြင်ပမှာပညာရှာရမယ်။ နည်းအမျိုးမျိုးနဲ့ ကိုယ့်ကိုကိုယ်အရည်အချင်း ပြည့်အောင်လုပ်ရမယ်။ ဒီအရည်အချင်းက ဘာလဲဆိုတော့ ဘ၀ရဲ့စိန်ခေါ်မှုတွေကို ရင်ဆိုင်နိုင်ဖို့။

ရန်ကုန်တိုင်းမ် - ဒီအခြေအနေက အရေးကြီးတဲ့အချိန်လို့ အန်တီပြောတဲ့အတွက် အန်တီကိုချစ်တဲ့ပြည်သူတွေကို ဘယ်လို နေရမလဲ။  ဘာလုပ်ရမလဲဆိုတာကို စကားလက်ဆောင်လေးပါးပေးစေချင်ပါတယ်။

ဒေါ်အောင်ဆန်းစုကြည်- ဘာမဆိုစဉ်းစဉ်းစားစားချင့်ချင့်ချိ်န်ချိန်နဲ့ချဉ်းကပ်ပါ။ နိုင်ငံရေးဖြစ်ပေါ်မှုတွေကို ခပ်ပေါ့ပေါ့
မမြင်ပါနဲ့။ အပေါ်ယံကိုပဲမကြည့်ပါနဲ့။ သေသေချာချာစဉ်းစားပါ။ ဆန္ဒစွဲတွေ ပုဂ္ဂိုလ်စွဲတွေ ၀ါဒစွဲတွေ မထားပါနဲ့။ နောက်တစ်ခုက မြန်မာတွေကလေ ညီကိုမညီညွတ်ချင်ဘူး။ တစ်ပြောင်းတစ်လွဲတော့ ညီညီညွတ်ညွတ်နဲ့ အားလုံးက စုစုဝေးဝေးနဲ့ ငါတို့နိုင်ငံ အောင်မြင်အောင်လုပ်မယ်ဆိုတဲ့စိတ်၊ သဘောထားကြီးတဲ့စိတ်ကို ထားစေချင်ပါတယ်။ သဘောထားကြီးကြီး၊ ချင့်ချင့်ချိန်ချိန်နဲ့လုပ်သွားမယ်ဆိုရင် မုချအောင်မြင်မှာပါ။ အန်တီကတော့ အစကတည်းက အောင်မြင်ရမယ်လို့ ယုံကြည်မှုရှိတယ်။ အန်တီတို့လုပ်နေတဲ့ကိစ္စမှာ တိုင်းပြည်တစ်ခုလုံး ကောင်းဖို့အတွက်ဆိုတော့ အောင်မြင်မှုရကိုရမယ်။ အားလုံးက၀ိုင်းပြီး တက်ညီလက်ညီလုပ်မယ်ဆိုရင်တော့ ပိုပြီးတော့မြန်မှာပေ့ါ။ တက်ညီလက်ညီ ဆိုတဲ့အတိုင်း လှေထဲမှာအားလုံးလှော်နေရင် မြန်မြန်ရောက်တာပေါ့။ နှစ်ယောက်၊သုံးယောက်လောက်ပဲလှော်ပြီး ကျန်တဲ့သူတွေကရေသာခိုနေရင်တော့ ပင်ပန်းတာပေါ့။ တော်တော်နဲ့လည်းရောက်မှာမဟုတ်ဘူး။ အခန့်မသင့်ရင်တော့ လှေမှောက်ပြီး ၊ပြဿနာဖြစ်မှာပေါ့။

ရန်ကုန်တိုင်းမ် - တနင်္ဂနွေနေ့က သီးလေးသီးအဖွဲ့ပြန်လာတော့ သူတို့ဆီက ထိုင်းနိုင်ငံမှာရော မဲဆောက်ဘက်မှာရော ပြန်လာမယ့်မြန်မာတွေ ပြင်နေကြပါတယ်လို့ ကြားရပါတယ်။  နိုင်ငံတော်သမ္မတကြီးကလည်း ဖိတ်ခေါ်ထားတယ်ဆိုတော့ အဲဒီအပေါ်မှာ အန်တီဘယ်လိုမြင်ပါသလဲ။

ဒေါ်အောင်ဆန်းစုကြည် - ဒါကတော့ သူတို့ရဲ့ကိုယ်ပိုင်ဆုံးဖြတ်ချက်ပါ။ ဆုံးဖြတ်ပိုင်ခွင့်လည်းရှိပါတယ်။ ကမ်းလှမ်းချက်ကို ယုံကြည်လို့လက်ခံတယ်ဆိုရင် သူတို့အနေနဲ့ပြန်လာလို့ရပါတယ်။ အန်တီအနေနဲ့ ဘယ်သူ့ကိုပြန်လာရမယ်။ ဘယ်သူ့ကို ပြန်လာရမယ်လို့မပြောပါဘူး။ လူတိုင်း လူတိုင်းမှာ ကိုယ့်ဆုံးဖြတ်ချက်အတွက် တာဝန် ယူချင်စိတ်ရှိရပါမယ်။ ကိုယ့်ဘ၀အတွက်တာဝန်ယူစိတ်ရှိရပါမယ်။ တာဝန်သိစိတ်လည်းရှိရပါမယ်။ ဟိုလူက ပြောလို့ပါ။ ဒီလူက ပြောလို့ပါဆိုရင် ဒါ အန်တီလက်မခံဘူး။ ကိုယ့်ဆုံးဖြတ်ချက်နဲ့ကိုယ်လုပ်တယ်ဆိုရင် ရလာတဲ့အကျိုးဆက်ကို ကိုယ်ပဲရင်ဆိုင်ရမယ်။ ခံရမယ်။ တာဝန်ယူရမယ်။

ရန်ကုန်တိုင်းမ် - အခုလိုဖြေကြားပေးတဲ့အန်တီစုကို ရန်ကုန်မီဒီယာဂရု(ပ်)က ကျေးဇူးတင်ပါတယ်။

သစ်ထူးလွင် 9/14/2011 11:10:00 AM

မြန်မာဗိုလ်ချုပ်များ လာဘ်စားပုံ ဝီကီလိခ်တွင်ပါရှိ

ချင်းမိုင် (မဇ္ဈိမ) ။       ။ အာဏာသိမ်း နဝတ စစ်အစိုးရ လက်ထက် ထိပ်တန်း ဗိုလ်ချုပ်တချို့ လာဘ်စားခဲ့ပုံများကို ရန်ကုန်မြို့ အမေရိကန် သံရုံးမှ ဝါရှင်တန် နိုင်ငံခြားရေး ဝန်ကြီးထံ ပေးပို့သည့် လျို့ဝှက်ကြေးနန်း တစောင် ဝီကီလိခ်
စာ မျက်နှာမှ ပေါက်ကြားလာသည်။

ငါးဖမ်းသင်္ဘော အစင်း ၁ဝဝ ကျော်ဖြင့် မြန်မာ့ရေပိုင်နက်တွင် လုပ်ကိုင်ခွင့်ရနေသည့် ထိုင်းလုပ်ငန်းရှင်ကြီး တဦးက
မြန်မာနိုင်ငံကို အပတ်စဉ်သွားတိုင်း မွေးမြူရေးနှင့် ရေလုပ်ငန်း ဝန်ကြီးဟောင်း ဗိုလ်ချုပ် ချစ်ဆွေအား လာဘ်ထိုးရပုံ
ကို ရန်ကုန်အမေရိကန် သံရုံးသို့ ပြောပြခဲ့သည်။

ထို့အပြင် လာဘ်စားသူများထဲတွင် နဝတ အတွင်းရေးမှူး ၂  ဗိုလ်ချုပ်တင်ဦး၊ စစ်ထောက်လှမ်းရေး အကြီးအကဲ ဗိုလ်ချုပ်ခင်ညွန့်၏ ဇနီးတို့လည်းပါခဲ့သော်လည်း နောင်တွင် အာဏာရှင်ဖြစ်လာသော ဗိုလ်ချုပ်ကြီးသန်းရွှေမှာ အနေအထိုင် ရိုးအေးကြောင်း  ၂ဝ၁၁ ခု သြဂုတ်လ ၃ဝ ရက်စွဲဖြင့် ပေါက်ကြားလာသည့် ကြေးနန်းစာက ဖော်ပြ
နေသည်။

"မြန်မာပြည်ကို အပတ်စဉ်သွားတိုင်း ငွေသားနဲ့ချည်း အမေရိကန် ဒေါ်လာ ၅၀,၀၀၀ လောက် ကုန်တယ်။ အဲဒီထဲ က ၁၅ ရာခိုင်နှုန်းလောက် (ဒေါ်လာ ၇,၅၀၀) က ဗိုလ်ချုပ်ကြီးတွေကို ချန်ထားရတာ (ကျန်တဲ့ငွေတွေကတော့ ငါးဖမ်းခွင့် ရဖို့အတွက် မြန်မာအစိုးရဆီ ရောက်ကုန်တယ်)" ဟု သံရုံးက သိရှိရသည်ကို ၁၉၉၂ ခု မေလ ၄ ရက်စွဲဖြင့် ဝါရှင်တန် အမေရိကန် နိုင်ငံခြားရေးရုံးသို့ ပေးပို့သည့် ကြေးနန်း၌ ပါရှိသည်။

၁၉၈၈ ခုနှစ် နဝတ ကောင်စီတွင် ကာကွယ်ရေး ဝန်ကြီးဌာန စစ်ဆင်ရေးအထူး အဖွဲ့ (၂) ကစထမှူး ရာထူးဖြင့် အဖွဲ့ဝင်အဖြစ် ပါခဲ့ပြီးနောက်ပိုင်း မွေး/ရေနှင့် သစ်တောဝန်ကြီး ဗိုလ်ချုပ် ချစ်ဆွေဖြစ်သည်ဟု ထိုင်းလုပ်ငန်းရှင်က ဆိုသည်။ ဗိုလ်ချုပ်ချစ်ဆွေသည် ၁၉၉၀ ခုနှစ်တွင် ဒုတိယဗိုလ်ချုပ်ကြီးအဖြစ် ရာထူးတိုးမြှင့်ခြင်း ခံရပြီး ၁၉၉၇ တွင် အနားယူခဲ့ရသည်။

"ထိုင်းတွေကပဲ သင်ပေးလို့" (မွေး/ရေ) ဝန်ကြီးသည် အတိုင်းအတာတခုအထိ ငြင်းသာအောင် လာဘ်ဘယ်လို ယူရသည် ဆိုသည်ကို ကောင်းစွာတတ်မြောက်ခဲ့သည်ဟု ဆိုသည်။ "ချစ်ဆွေဟာ ထိုင်းစီးပွားရေး သမားတွေနဲ့ တယောက်ချင်းတွေ့ဖို့ ငြင်းလေ့ရှိပြီး သူ့သားနဲ့ သာ အလုပ်လုပ်စေတယ်" ဟုဆိုသည်။

ဗိုလ်ချုပ်ချစ်ဆွေ၏ သားက ထိုင်းလုပ်ငန်းရှင်တွေပြန်ရင် လိုက်ပို့လေ့ရှိပြီး အကောက်ခွန်ဌာနက သူပါလို့ စစ်ဆေးမှု မလုပ်ဘူးဟု ဆိုသည်။

"မကြာခင်ကပဲ ချစ်ဆွေရဲ့သားဟာ လေဆိပ်ကို ထိုင်းလုပ်ငန်းရှင် ၆၀ လောက်နဲ့အတူ မိနစ် ၂၀ လောက်ပဲ ကြိုတင် အသိပေးပြီး အကောက်ခွန်ဂိတ်တွေကို ဖြတ်သွားခဲ့သေးတယ်" ဟု သံရုံးက သီးးသန့် မှတ်ချက်ပြုထားသည်။

တခြားသော နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့ဝင်များနှင့်လည်း ဆက်ဆံရသည့် အကြောင်း ထိုင်းစီးပွားရေးသမားက ပြောဆိုခြင်းကို မှတ်တမ်းတင်ထားရာတွင် စစ်ဦးစီး ဗိုလ်ချုပ်တင်ဦး၏ လာဘ်စားမှုလည်း ပါသည်။

ဗိုလ်ချုပ်တင်ဦးကား "အထပ်ထပ်ညှိရတယ်"ဟု နာမည်ကြီးပုံကို ဆိုသည်။ ဗိုလ်ချုပ်တင်ဦး၏ သားက လာဘ်ရထား
သော မာစီဒီးဘင့်ဇ်ကား တစီအား မြို့ထဲတွင် လှည့်ပတ်မောင်းရာက စစ်ထောက်လှမ်းရေးက ဗိုလ်ချုပ်တင်ဦးကို မျက်လုံး ဒေါက်ထောက်ကြည့်လာပြီး ဗိုလ်ချုပ်တင်ဦးနေအိမ်ကို စစ်ဆေးတာ လုပ်သည်ဟု ဆိုသည်။

"စစ်ထောက်လှမ်းရေးချုပ် ခင်ညွန့်က အဲဒီကားကို အစိုးရထံအပ်နှံဖို့ တင်ဦးကို ဖိအားပေးခဲ့တယ်" ဟု သံရုံးက မှတ်ချက်ပြု ဖော်ပြထားသေးသည်။

၁၉၉၇ ခု၌ ပါဆယ်ဗုံး လုပ်ကြံမှုမှ လွတ်မြောက်ခဲ့သော ဒုဗိုလ်ချုပ်ကြီး တင်ဦးသည် ၂၀၀၁ ခု ဖေဖော်ဝါရီလက ကရင်ပြည်နယ် ဘားအံမြို့အနီး ရဟတ်ယာဉ် ပျက်ကျသဖြင့် သေဆုံးသွားခဲ့သည်။

"ထိုင်းစီးပွားရေးသမားကြီးများထဲတွင် တန်ဖိုးကြီး ကျောက်မျက်များကို မက်မောသည့် ခင်ညွန့်၏ ဇနီး၊ နဝတ ဥက္ကဋ္ဌအသစ် သန်းရွှေ၏ သားတို့နှင့် ညှိနှိုင်းဆောင်ရွက်ဖူးကြသူများ ရှိသည်"ဟု ရန်ကုန်မြို့ အမေရိကန် သံရုံးက သိရှိရချက်ကို ကြေးနန်းစာအတွင်း ရေးသားထားသည်။

၂ဝဝ၃ ခုတွင် နအဖ ဝန်ကြီးချုပ် ဖြစ်လာသည့် စစ်ထောက်လှမ်းရေး အကြီးအကဲ ဗိုလ်ချုပ်ကြီး ခင်ညွန့်မှာ ၂ဝဝ၄
အောက်တိုဘာတွင် လာဘ်စားမှု၊ အမိန့်မနာခံမှု စွဲချက်များဖြင့် ရာထူးမှ ဖယ်ရှားကာ ဆိုင်းငံ့ပြစ်ဒဏ် ထောင်ဒဏ် ၄၄ နှစ်ဖြင့် နေအိမ်အကျယ်ချုပ် ချခံရသည်။

၁၉၉၂ ခု ဧပြီ ၂၃ တွင် ဒုတိယ ဗိုလ်ချုပ်ကြီး သန်းရွှေ နဝတ ဒုဥက္ကဋ္ဌ မှ ဥက္ကဋ္ဌ ရာထူးတက်သွားခြင်းကိုလည်း "ဒီတာဝန်ကို သူဘာသာသူ တခြား မတရားတဲ့နည်းနဲ့ ယူလိုက်တာလား" သို့မဟုတ် "အခြားဗိုလ်ချုပ်တွေကို လာဘ်စားခွင့်ပြုထားပြီး သူက ဒီရာထူးကို ရယူတာလား" ဟု ထိုင်းငှား လုပ်ငန်းရှင်က သံသယ ရှိခဲ့သည်။

ထိုစဉ်က "ဗိုလ်ချုပ်ကြီးသန်းရွှေမှာ မြန်မာ အဆင့်အတန်းအရပင် ရိုးရိုးစင်းစင်း နေတတ်သူဖြစ်ပြီး လေအေးပေးစက်
လို အနောက်တိုင်း ဇိမ်ခံ အသုံးအဆောင်တွေ အသုံးနည်းတယ်" ဟု ရန်ကုန်မြို့ အမေရိကန် သံအရာရှိက တဆင့် သိရှိရချက်ကို ကြေးနန်းအတွင်း ပြန်လည် ရေးသားထားသည်။

စစ်ခေါင်းဆောင်အဖြစ် ၁၉ နှစ် ကျော်အာဏာကိုဆုပ်ကိုင်ပြီးနောက် အသက် ၇၈ နှစ်အရွယ်တွင် ဗိုလ်ချုပ်မှူးကြီး သန်းရွှေသည် ရာထူးမှနှုတ်ထွက်ကာ လက်ရှိ နေပြည်တော် ဇမ္ဗူသီရီမြို့နယ်တွင် နေထိုင်လျက် ရှိသည်။ သို့သော်
လည်း စစ်ဘက် အရေးအရာများကိုမူ ဆက်လက် စွက်ဖက်ကြိုးကိုင်လျက် ရှိသည်ဟု လေ့လာသူအများက ယုံကြည်ကြသည်။

၂ဝဝ၆ ခုနှစ်အတွင်း ဗိုလ်ချုပ်မှူးကြီးသန်းရွှေ၏ သမီးတဦးဖြစ်သော မသန္တာရွှေ၏ လက်ထပ်မင်္ဂလာဆောင် အခမ်းအနားတွင် အမေရိကန် ဒေါ်လာ သန်း ၅ဝ ခန့် အကုန်အကျခံ အသုံးပြုခဲ့သည်ဟု သတင်းထွက်ပေါ်ခဲ့
သည်။

သစ်ထူးလွင် 9/13/2011 10:26:00 PM

မြစ်ဆုံဆည် တည်ဆောက်ရေးသုံး ပစ္စည်းများ KIO ပိတ်ထားဆို

ချင်းမိုင်(မဇ္ဈိမ) ။       ။ တရုတ်နိုင်ငံဘက်မှ မြစ်ဆုံရေကာတာ တည်ဆောက်လုပ်ငန်းများသုံး ဆောက်လုပ်ရေး ပစ္စည်းများ တင်သွင်းလာခြင်းကို ကချင်လွတ်မြောက်ရေးအဖွဲ့ KIO ထိန်းချုပ်နယ်မြေ တပ်ရင်းများမှ ပိတ်ထားကြောင်း KIO ပြောခွင့်ရှိသူ ဦးလနန် ကပြောသည်။

ကချင်ပြည်နယ် အရှေ့ဘက် ဝိုင်းမော်၊ ကန်ပိုင်တီ လမ်းကြောင်းမှတဆင့် တရုတ်ပြည်က တင်သွင်းလာသော ဘိလပ်မြေနှင့် သံထည်ပစ္စည်းများကို KIO ဒေသခံ တပ်ရင်းများ ထိန်းချုပ်သည့်  တပ်ရင်း (၃) လဖိုင် ဂိတ်က တင်သွင်းခွင့် ပိတ်ထားခြင်းကြောင့် မြစ်ဆုံဆည် တည်ဆောက်ရေး လုပ်ငန်းများ ရပ်တန့်နေသည်ဟုလည်း ဦးလနန်က မဇ္ဈိမကို ပြောသည်။

“စစ်ဖြစ်တဲ့ နောက်ပိုင်းမှာ မြစ်ဆုံအတွက် သယ်လာတဲ့ ပစ္စည်းတွေကို တင်းသွင့်ခွင့် မပေးပါဘူး။ ဒါကြောင့် သူတို့ စီမံကိန်းမှာ ပစ္စည်းပြတ်လပ်လို့ လောလောဆယ် စီမံကိန်ကြီး ရပ်တန့် ထားရတယ်လို့ သိရတယ်” ဟုဆိုသည်။ KIO နှင့် အစိုးရတပ်တို့အကြား ဇွန်လ ၉ ရက်နေ့မှ စတင်ကာ တိုက်ပွဲများ ဖြစ်ပွားနေခြင်း ဖြစ်သည်။



သို့သော် မြစ်ဆုံဆည် တည်ဆောက်မှု ရပ်တန့်ရခြင်းနှင့် ပတ်သက်၍ အမှတ် ၁ လျှပ်စစ်စွမ်းအားဝန်ကြီးဌာန ဝန်ကြီး ဦးဇော်မင်းက မိုးတွင်းကာလ ဖြစ်ခြင်းကြောင့် စီမံကိန်းကို ခေတ္တရပ်နားထားပြီး၊ ပွင့်လင်းရာသီ ရောက်သည်နှင့် လုပ်ငန်းများ ပြန်လည် စတင်မည်ဖြစ်ကြောင်း ယခုလ ၁ဝ ရက်နေ့ နေပြည်တော်တွင် ပြုလုပ်သည့် သတင်းစာ ရှင်းလင်းပွဲတွင် ပြောဆိုခဲ့သည်။

မြစ်ဆုံဆည် စီမံကိန်းကို ပြည်တွင်းပြည်ပ ကန့်ကွက်မှုများရှိနေပြီး၊ စာရေးဆရာ ကိုတာ၊ မောင်စိန်ဝင်း (ပုတီးကုန်း)၊ မိုးလေဝသပညာရှင် ဒေါက်တာ ဦးထွန်းလွင်၊ သဘာဝပတ်ဝန်းကျင် ထိန်းသိမ်းရေး ဆောင်ရွက်နေသူ ဦးဇော်မြင့် တို့မှလည်း ယခုလ ၁ဝ ရက်နေ့တွင် ဧရာဝတီမြစ် ထိန်းသိမ်းရေး ဟောပြောပွဲပြုလုပ်ကာ မြစ်ဆုံဆည် ဆောက်လုပ်ရန် မသင့်ကြောင်း ဟောပြောပွဲတွင် ပြောကြားခဲ့ကြသည်။

သို့သော် ဦးဇော်မင်းက မြစ်ဆုံဆည် တည်ဆောက်မှုသည် အမျိုးသား အကျိုးစီးပွားအတွက်ဆိုကာ ကမ္ဘာ့ ကုလသမဂ္ဂမှပင် ဝင်ရောက် စွက်ဖက်ခွင့်မရှိကြောင်း နေပြည်တော် သတင်းစာ ရှင်းလင်းပွဲတွင် ပြောသွားသည်။

ကျင်းပဆဲ လွှတ်တော်များ၏ ဒုတိယပုံမှန် အစည်းအဝေးများတွင် နိုင်ငံတော် စီမံကိန်းများနှင့် သဘာဝ ပတ်ဝန်းကျင် ထိခိုက်နိုင်သည့် စီမံကိန်းများအတွက် လွှတ်တော်၏ အဆုံးအဖြတ် ရယူသင့်ကြောင်းလည်း အမတ်များက ဆွေးနွေး ကြသည်။

ဦးလနန်က သမ္မတ ဦးသိန်းစိန် ဦးဆောင်သည့် အစိုးရသစ်၏ မြစ်ဆုံဆည်ဆောက်မှုသည် လူထုဆန္ဒနှင့် ဆန့်ကျင်နေပြီး၊ KIO အနေဖြင့် ယင်းရေအားလျှပ်စစ် စီမံကိန်းကို အစဉ်တစိုက်ကန့်ကွက် သွားမည် ဖြစ်ကာ မြန်မာနိုင်ငံသား အားလုံးလည်း ပါဝင်ကန့်ကွက်ရန်လိုကြောင်း မဇ္ဈိမကိုပြောခဲ့သည်။

၂ဝဝ၉ ခုနှစ် ဒီဇင်ဘာလတွင် တည်ဆောက်မှုဖွင့်ပွဲ စတင်ခဲ့သည့် မြစ်ဆုံရေအားလျှပ်စစ် စီမံကိန်းမှာ ကချင်ပြည်နယ်
မြစ်ကြီးနားမြို့နှင့် ၂၇ မိုင်အကွာတွင် တည်ရှိပြီး စီမံကိန်းကို အမှတ် ၁ လျှပ်စစ် စွမ်းအင်ဝန်ကြီးဌာနနှင့် တရုတ် China power Investment Corporation –CPI တို့ အကျိုးတူ ဆောင်ရွက်နေသည့် စီမံကိန်းဖြစ်သည်။

သစ်ထူးလွင် 9/13/2011 10:25:00 PM

ပြည်ပရောက် အတိုက်အခံတွေ ပြန်လာနိုင်ပြီလို့ သမ္မတ အကြံပေးပြောဆို

ပြည်ပရောက် နိုင်ငံရေး အမြင်ကွဲပြားသူတွေ၊ ဒီမိုကရေစီရေး လှုပ်ရှားနေတဲ့ မြန်မာနိုင်ငံသားတွေ အနေနဲ့ မြန်မာနိုင်ငံကို စိုးရိမ်စိတ်မရှိဘဲ ပြန်လာနိုင်ကြောင်း သမ္မတဦးသိန်းစိန်ရဲ့ ဥပဒေအကြံပေး အဖွဲ့ခေါင်းဆောင် ရဲမှူးကြီးဟောင်း ဦးစစ်အေးက RFA ကို ဒီကနေ့ ပြောဆိုပါတယ်။
“ပြန်လာလို့ ရတယ်ဆိုတာက ကိုယ့်ရေးကိုယ်တာနဲ့ သက်ဆိုင်တဲ့ ပြဿနာရှိရင်တော့ ရှင်းပေါ့။ ကျန်တဲ့ဟာတွေကတော့ ကျနော်တို့ ရှင်းပေးလို့ ရလို့သာ ဖိတ်ခေါ်တာ ဖြစ်ပါတယ်။ အရင်ကလည်း ကျနော်တို့ နိုင်ငံမှာ ဒါမျိုးတွေ လုပ်ခဲ့ဖူးတာပဲ။ ဘယ်တုန်းကမှ အရေးယူတယ်ဆိုတာမှ မရှိခဲ့တာဘဲ။ နိုင်ငံရေးလှုပ်ရှားတယ်ဆိုတာကတော့ အခုဟာက ဒီမိုကရက်တစ် အစိုးရဖြစ်ပြီပဲ ဒါ့ကြောင့်လဲ အားလုံးကို ဖြေရှင်းပြီး ခေါ်လိုက်တာပေါ့။ နိုင်ငံ့ အကြီးအကဲ တယောက်က သဘောထား ကြီးကြီးနဲ့ အမြင်မတူဘဲ နိုင်ငံရေးလုပ်တာ ပြောတာဆိုတာ ရှိမှာပေါ့။ ဒါတွေကို သဘောထား ကြီးကြီးနဲ့ ဆုံးဖြတ်ပြီး လက်ခံမယ်လို့ ပြောတဲ့ ကိစ္စပဲ” ပြည်ပ အခြေစိုက် မြန်မာနိုင်ငံ ရှေ့နေများ ကောင်စီအတွင်းရေးမှူး ဦးအောင်ထူးကတော့ အစိုးရအနေနဲ့ အမှန်တကယ် ပြုပြင် ပြောင်းလဲရေး လုပ်ဆောင်ဖို့ ဆန္ဒရှိတယ်ဆိုရင် ပြည်တွင်း ပြည်ပ မခွဲခြားဘဲ အထွေထွေ လွတ်ငြိမ်း ချမ်းသာခွင့် ကြေညာပေးဖို့ လိုအပ်တယ်လို့ ပြောပါတယ်။ “မြန်မာနိုင်ငံသားတွေ ပြန်လာရေးနဲ့ ပတ်သက်ပြီး ဦးသိန်းစိန်ရဲ့ ထုတ်ပြန်ချက်ဟာ နိုင်ငံရေးအရ သနပ်ခါးလိမ်း ချင်လို့လား။ ဒါမှ မဟုတ် ဥပဒေ စိုးမိုးရေး အခြေခံကို တည်ဆောက် ချင်တာလား။ ကျနော်တို့ကတော့ ဥပဒေ စိုးမိုးရေး အခြေခံကနေ သုံးသပ် အကြံပေးချင်တယ်။ ဒီအတိုင်း ပြန်သွားရင်တော့ သမ္မတ ဦးသိန်းစိန် လက်ထဲမှာ လူထုတွေဟာ အချိန်မရွေး ပြန်ဖမ်းလို့ရတဲ့ အနေအထားကို ရောက်သွား နိုင်တယ်” ဒါ့ပြင် ပြည်ပကနေ ပြန်သွားတဲ့ မြန်မာနိုင်ငံသားတွေ အနေနဲ့ အချိန်မရွေး ပြန်လည် ဖမ်းဆီးခံရနိုင် တာကြောင့် နိုင်ငံသား အားလုံးအတွက် တရားဥပဒေ စိုးမိုးရေးကို အာမခံချက် ရှိအောင် ဖိနှိပ်မှု ယန္တရားတွေ၊ ဥပဒေတွေ ပြုပြင် ပြောင်းလဲဖို့ လိုအပ်တယ်လို့လည်း မြန်မာနိုင်ငံ ရှေ့နေများကောင်စီ အကြီးအကဲ ဦးအောင်ထူးက ပြောပါတယ်။

သစ်ထူးလွင် 9/13/2011 10:24:00 PM

အမှတ်(၁)လျှပ်စစ် စွမ်းအားဝန်ကြီးဌာန ပြည်ထောင်စုဝန်ကြီး ဦးဇော်မင်း သို......အိပ်ဖွင့်ပေးစာ

ဦးဇော်မင်း

အမှတ်(၁)လျှပ်စစ် စွမ်းအားဝန်ကြီးဌာန ပြည်ထောင်စုဝန်ကြီး ဦးဇော်မင်း ခင်ဗျား


ဝန်ကြီးမင်းဟာ ၂၀၀၅ ခုနှစ်ခန့်မှာ လက်ရှိ ဌာနရဲ့ ၀န်ကြီးအဖြစ် စတင်တာဝန်ထမ်းရွက်ခဲ့တယ်လို့ မှတ်သားထားမိပါတယ်။ အကယ်လို့များ ထိုဌာနတွင် လူကြီးမင်း စတင်တာဝန်ထမ်းဆောင်ခဲ့တဲ့ ခုနှစ်ကို အမှတ်မှားခဲ့ရင်လည်း ခွင့်လွှတ်ပါခင်ဗျား။

တာဝန်ထမ်းဆောင်ချိန် ၆နှစ်အကြာမှာ လူကြီးမင်းဟာ ” မြန်မာနိုင်ငံမှာတော့ ရေအားလျှပ်စစ်နဲ့ ပတ်သက်ပြီးတော့ လက်ရှိအချိန်မှာ ကျွန်တော့်ထက် ပိုပြီးတော့ အတွေ့အကြုံရှိတဲ့လူ မရှိတော့ဘူး” ဟု ၂၀၁၁ ခုနှစ် စက်တင်ဘာလ ၁၀ ရက်နေ့တွင် ရှင်းလင်း ပြောဆိုခဲ့သည်ဟု Weekly Eleven ဂျာနယ်တွင် ဖတ်ရှု မှတ်သားရပါသဖြင့် လူကြီးမင်း၏ အရည်အချင်းအား လေးစားမိပါသည်။

လူကြီးမင်းတို့၏ ဌာနမှ ကျင်းပပေးသော အလုပ်ရုံဆွေးနွေးပွဲသို့ လူကိုယ်တိုင် တက်ရောက်ရန် အခြေအနေ မပေးပါသောကြောင့် ယခုလို အင်တာနက် စာမျက်နှာပေါ်မှတဆင့် အိပ်ဖွင့်ပေးစာဖြင့် မရှင်းလင်းသည်များကို ဆွေးနွေးဖြေကြားပေးပါရန် ပန်ကြားရသည်ကိုလည်း နားလည်စွာဖြင့် ဖြေကြား ရှင်းလင်းပေးမည်ဟု ယုံကြည်ပါသည်။

မြစ်ဆုံဆည် တည်ဆောက်ခြင်းကြောင့် ပတ်ဝန်းကျင် ထိခိုက်ပျက်စီးမှုကို လေ့လာရာမှာ ဆည်ရေလှောင် ဧရိယာအတွင်းမှာ မည်မျှ ပျက်စီးထိခိုက်နိုင်သလဲ ဆိုသည့် အချက်ကိုသာ လေ့လာခဲ့ခြင်းဖြစ်တယ်လို့ အကြမ်းဖြင့် သိထားပါသည်။ မြစ်ဆုံဆည်၏ အကျိုးသက်ရောက်မှုဟာ ဧရာဝတီမြစ် တလျောက်လုံးမှာ ဖြစ်ပေါ်လာမှာ ဖြစ်တဲ့အတွက် ဆိုးကျိုး ကောင်းကျိုးများကို မည်သည့် အဖွဲ့အစည်းမှ မည်မျှအချိန်ပေးပြီး လေ့လာခဲ့ကြောင်း သိချင်ပါသည်။

အနီးဆုံး ဥပမာတခုဖြင့် နှိုင်းယှဉ်ရမယ်ဆိုရင်ဖြင့် မြန်မာ့ဆိုရှယ်လစ် လမ်းစဉ်ပါတီခေတ်နှောင်းပိုင်းတွင် အာရှဖွံ့ဖြိုးမှုဘဏ်၏ ချေးငွေဖြင့် တည်ဆောက်ရန် ဆည်တော်ကြီး စီမံကိန်းအား ၁၀ နှစ်ခန့် အချိန်ယူ လေ့လာပြီးမှ ပုံစံထုတ်ကာ တည်ဆောက်ခဲ့ပါသည်။ ထိုစီမံကိန်း၏ အကျိုးကျေးဇူးကြောင့် မန္တလေး မြို့ မြောက်ဖက်ရှိ မတ္တရာမြို့နယ်တခုလုံး နွေရာသီတွင် ဆည်ရေသောက် စပါးစိုက်ခင်းများဖြင့် ယနေ့ထက်တိုင် ဖွံ့ဖြိုးစည်ပင်နေသည်ကို တွေ့နိုင်ပါသည်။

မြစ်ဆုံစီမံကိန်းကြောင့် ဖြစ်ပေါ်လာမည့် အကျိုးဆက်များကို အချိန်တိုလေ့လာမှုများဖြင့်သာ ဆုံးဖြတ် အကောင်အထည်ဖော်ခြင်းသည် ဆန္ဒစောရာကျလွန်းသဖြင့် မခန့်မှန်းနိုင်သော ဆိုးကျိုးများကို မြစ်တကြောရှိ ပြည်သူများ ခံစားရမည်ကို စိုးရိမ်မိပါသည်။

မြစ်ဆုံဆည်မှ ဧရာဝတီမြစ်အပေါ် ပေးသော အဓိက အပြောင်းအလဲမှာ နှစ်ပတ်လည် မြစ်ရေစီးပမာဏ ပုံစံ (Annual River Flow Patterns) ဖြစ်ပါတယ်။ ထိုပမာဏ အပြောင်းအလဲကြောင့် မြစ်တခု၏ မူလ သဘောတရားဖြစ်သော တိုက်စားခြင်းနှင့် ပို့ချခြင်း လုပ်ငန်းများကို တိုက်ရိုက် အကျိုးသက်ရောက်စေပါသည်။

လူတို့၏ ပြုပြင်ပြောင်းလဲ ထိန်းချုပ်ထားမှုကို ခံရသည့် ဧရာဝတီသည် ဆောင်းနဲ့ နွေရာသီများတွင် ယခင်နှစ်များကဲ့သို့ မြစ်အတွင်း စီးဆင်းနေသည့် ရေပမာဏ လျော့နည်းသွားမှာ မဟုတ်တော့ပါ။ ထိုသို့ ဆောင်းနဲ့နွေတွင် သဘာဝအတိုင်း ရေလျော့နည်းစွာ စီးဆင်းမှုမျိုး မရှိတော့သည့်အတွက် မည်သည့် ဆိုးကျိုး ကောင်းကျိုးများကို မြစ်ကြောတလျောက် ခံစားရမည်နည်းဆိုသည်ကို ပညာရှင်များ၏ ပြည့်စုံစွာသုံးသပ်မှုကို သိချင်ပါသည်။

အကြမ်းဖျင်း ကောင်းကျိုးတခုအနေနှင့် မြစ်ဆုံဆည်ကြီး စတင်အသက်ဝင် လည်ပတ်သည့် နွေရာသီမှ စတင်ကာ ဗန်းမော်မြို့သို့ သင်္ဘောကြီးများ ဆိုက်ကပ်နိုင်ပါလိမ့်မည်။ ဆောင်းနှောင်းပိုင်းမှာ ဧရာဝတီမြစ်ရေ နည်းသွားသဖြင့် ရေစူးတိမ်ကာ ရေကြောင်းကုန်စည်ပို့ဆောင်ရေး ခက်ခဲသွားခြင်းဆိုတဲ့ အကြပ်အတည်းကို မြစ်ဆုံဆည်မှ လွှတ်ချပေးနေတဲ့ ရေပမာဏက ဖြေရှင်းပေးပါလိမ့်မည်။

ဆိုးကျိုးတခုကတော့ ဧရာဝတီ မြစ်ရေကျချိန်မှာ ပေါ်လာနေကျ သဲနှုန်းမြေနုကျွန်းတွေဟာ မြစ်ရေ မကျခြင်းကြောင့် ပေါ်မလာနိုင်တော့ပါဘူး။ ဒီလို မြေနုကျွန်းတွေ မထွန်းကားတဲ့အခါ မြစ်ကြော တလျှောက်မှ ကိုင်းကျွန်းများကို မှီခိုအသက်မွေးကြတဲ့ နိုင်ငံသားတွေ အခက်အခဲ တွေ့ကြပါလိမ့်မည်။

မြစ်ဆုံ ရေအားလျှပ်စစ် စက်ရုံမှ တာဘိုင်များ ရပ်ဆိုင်းခြင်း၊ လည်ပတ်ခြင်းတို့ကြောင့် မြစ်ရေ အနိမ့်အမြင့် ရုပ်တရက် ပြောင်းလဲမှုများ ဖြစ်ပေါ်လာသည့်အခါ ဆိုးကျိုးများကို ဧရာဝတီမြစ်တလျောက်က ပြည်သူတို့သာ ခံစားရမှာဖြစ်ပါသည်။ ၂၀၀၄ ခုနှစ်အတွင်းက မန္တလေး ဂေါဝိန်ဆိပ်၏ တာဘောင်အပေါ် ထိ ရောက်လာအောင် တက်ခဲ့တဲ့ ဧရာဝတီမြစ်ရေဟာ မြစ်ဆုံဆည်ကြီးက လွှတ်ချလိုက်တဲ့ ရေတွေ ရောက်လာချိန်နဲ့သာ အနာဂါတ်မှာ တိုက်ဆိုင်ခဲ့ရင် ဧရာဝတီဟာ ဈေးချိုအထိ ရောက်လာပါလိမ့်မည်။

ဝန်ကြီးမင်းခင်ဗျား၊ မြစ်ဆုံစီမံကိန်းအတွက် တရုပ် ကုမ္ပဏီမှ ပုံစံထုတ်ရေးဆွဲရာတွင် အဓိကကျသော မြစ်ရေစီးဆိုင်ရာ အချက်အလက် (Hydrology data) များအား ကိန်းဂဏန်းများ ပိုမိုထည့်သွင်းကာ မှားယွင်းစွာ တွက်ချက်ခဲ့ကြောင်း လူကြီးမင်းတို့၏ ရေအားလျှပ်စစ် Design ဌာနခွဲ၊ အငြိမ်းစား ဆည်မြောင်း ၀န်ထမ်းများဖြင့် ဖွဲစည်းထားသော ပြည်တွင်း အကြံပေး ကုမ္ပဏီတခုနှင့် လူကြီးမင်းတို့၏ နိုင်ငံခြား အတိုင်ပင်ခံ ဆွစ်ဇာလန်နိုင်ငံ အခြေစိုက် Colenco AG. အဖွဲ့တို့မှ တညီတညွတ်ထဲ ထောက်ပြထားခဲ့သော်လည်း တရုပ် ကုမ္ပဏီမှ ပြင်ဆင်ပြောင်းလဲ တွက်ချက်မှု မရှိခဲ့ကြောင်း သိရပါသည်။

ထိုသို့ မှားယွင်းစွာ အခြေခံထားသော အချက်များကို မူတည်ပြီး တပ်ဆင်သင့်သည့် အရွယ်အစားထက် ပိုမိုကြီးမားသော ရေအားလျှပ်စစ် တာဘိုင်များကို သုံးစွဲ တပ်ဆင်ရန် ကြံစည်ထားခြင်းမှာ စီမံကိန်း၏ ကုန်ကျစရိတ်ကို မြင့်တက်စေရုံသာမက ကျင့်ဝတ်အရပါ ရိုးသားမှု မရှိဟု ယုံကြည်ပါသဖြင့် ထိုကိစ္စအား လူကြီးမင်းမှ မည်သို့ ကိုင်တွယ် ဆုံးဖြတ်ထားကြောင်း သိလိုပါသည်။

မြစ်ဆုံရေအားလျှပ်စစ် စီမံကိန်းအား အနှစ် ၆၀ တိတိ ထိန်းချုပ် စီမံခန့်ခွဲခွင့်ကို တရုပ်နိုင်ငံပိုင် ကုမ္ပဏီသို့ အပ်နှင်းရန် လူကြီးမင်းတို့မှ သဘောတူ စာချုပ်ချုပ်ထားသည်ဟု ရေအားလျှပ်စစ် ဌာနမှ အရာရှိတချို့ထံမှ သိရှိရပါသည်။ မြစ်ဆုံစီမံကိန်းဟာ စတင်လည်ပတ်ပြီး နှစ်ပေါင်း ဘယ်လောက် အကြာမှာ မြန်မာပြည်အစိုးရရဲ့ စီမံခန့်ခွဲမှုအတွင်း အပြည့်အ၀ ရောက်လာပါမလဲဆိုတာ သိချင်ပါသည်။

ဘရာဇီးနိုင်ငံမှ ထုတ်လုပ်သော အရည်အသွေးမြင့် Siemens တာဘိုင်များကို တရုပ် ကုမ္ပဏီမှ စီမံခန့်ခွဲ တပ်ဆင်သွားသော ရဲရွာ ရေအားလျှပ်စစ် ဓါတ်အားပေး စက်ရုံသည် ဆည်အတွင်းမှာ ရေအပြည့်ရှိနေသော်လည်း တပ်ဆင်မှု အရည်အသွေး နိမ့်ကျခြင်းကြောင့် စက်စွမ်းအားပြည့် မလည်ပတ်နိုင်ဖြစ်ကာ ဆည်ရေကို အလဟသ ဖောက်ချထားနေရတာ ၀န်ကြီးမင်း သိရှိပြီး ဖြစ်မယ်လို့ ယုံကြည်ပါသည်။

ထိုသို့ နည်းပညာနှင့် ကျင့်ဝတ်အရ ယုံကြည်စိတ်ချရန် ခက်ခဲသော တရုပ်နိုင်ငံမှ ကုမ္ပဏီအဖွဲ့အစည်းများထံမှ နှစ်ပေါင်း ၆၀ အကြာမှ ပြန်လည် လက်ခံရရှိမည့် အစားထိုးမရနိုင်သော ပြည်ထောင်စု အရင်းအမြစ် တခုကို မည်သည့် အကြောင်းကြောင့် နှစ်ဦးနှစ်ဖက် ညီမျှသော အကျိုးအမြတ်ဖြင့် ခွဲဝေရန်ပင် မဆုံးဖြတ်ပဲ ထွက်လာမည့် လျှပ်စစ်၏ ၁၀ ရာခိုင်နှုန်း၊ အမြတ်၏ ၃၀ ရာခိုင်နှုန်းနှင့် အခွန်အကောက်တို့ဖြင့်သာ ၀န်ကြီးမင်းမှ မြန်မာပြည်ကိုယ်စား ကျေနပ်ခဲ့ရပါသလဲ သိချင်ပါသည်။

မြန်မာပြည်၏ မြောက်ဖက်ဖျားမှနေကာ ဧရာဝတီမြစ် တကြောလုံးရှိ မြန်မာပြည်သူပြည်သားတို့၏ အသက်အိုးအိမ်ကို ခြိမ်းခြောက်ဖျက်စီးပစ်နိုင်သော စီမံကိန်းကြီးတခုအား တိုင်းတပါးလက်သို့ နှစ်ပေါင်းများစွာ ပေးအပ်လိုက်သော လူကြီးမင်းတို့၏ ဆုံးဖြတ်ချက်သည် လူကြီးမင်းတို့ ကြွေးကြော်ခဲ့သော စီးပွားရေး ဦးတည်ချက်များမှ “နိုင်ငံတော် စီးပွားရေးတစ်ရပ်လုံးကို ဖန်တီးနိုင်မှု စွမ်းအားသည် နိုင်ငံတော်နှင့် တိုင်းရင်းသား ပြည်သူတို့၏ လက်ဝယ်တွင်ရှိရေး” ဟူသော အချက်ကို မည်သို့ အထောက်အကူ ဖြစ်ပါသလဲဆိုတာကိုလည်း သိချင်ပါသည်။

ဝန်ကြီးမင်း ခင်ဗျား၊ မြစ်ဆုံစီမံကိန်းမှ ရရှိလာမည့် အကျိုးကျေးဇူးအပေါ်မှာ သူတ၀က် ကိုယ်တ၀က် ခွဲဝေ ယူရမည်ဆိုလျှင်ပင် တရုပ်ပြည်သူ့သမ္မတနိုင်ငံမှ ရင်းနှီးမှုဟာ ပမာဏ များပြားသော ငွေကြေးသာ ဖြစ်ပြီး ရရှိမယ့် အကျိုးအမြတ်ကတော့ ကြီးမားသော စီမံကိန်းကြီးအား တရုပ်နိုင်ငံသားတွေမှ အကောင်အထည်ဖော်ခွင့်၊ စီမံခန့်ခွဲမှုနဲ့ နည်းပညာ အတွေ့အကြုံများ အပါအ၀င် စီမံကိန်းပြီးစီးပါက ရရှိလာမည့် လျှပ်စစ်ဓါတ်အားများ ဖြစ်ပါသည်။

မြန်မာနိုင်ငံမှ ရင်းနှီးမြုတ်နှံမှုကတော့ ဧရာဝတီမြစ်တကြောလုံးမှာ ပြောင်းလဲသွားမယ့် ခန့်မှန်းရန် ခက်ခဲသော အပြောင်းအလဲများ၏ ကောင်းခြင်းဆိုးခြင်း အကျိုးသက်ရောက်မှုအားလုံးကို နှစ်ပေါင်းများစွာ ခါးစည်းခံရမှာ ဖြစ်ပါသည်။ ရရှိလာမည့် အကျိုးအမြတ်ကတော့ လျှပ်စစ်ဓါတ်အား အနည်းငယ်နဲ့ (မြစ်ဆုံစီမံကိန်းမှ မြန်မာပြည်အတွက် ရလာမည့် လျှပ်စစ်ဓါတ်အားခွဲတမ်းမှာ ရဲရွာ စီမံကိန်းမှ ထုတ်လုပ်ပေးနေသော ပမာဏခန့် ဖြစ်သည်) ပြည်သူနှင့် ဧရာဝတီအတွက် ဘယ်နေရာမှာ ပြန်လည်သုံးစွဲပေးမည်ဟု မသိနိုင်သော အစိုးရဘတ်ဂျက်ထဲကို ၀င်သွားမည့် နိုင်ငံခြားငွေသန်း တချို့ဖြစ်ပါတယ်။

ဝန်ကြီးမင်း ရှင်းလင်းခဲ့သော အချက်များအရ မြစ်ဆုံ စီမံကိန်းအတွက် မြန်မာပြည်ဖက်မှ ပေးဆပ်ရသော အရာများနှင့် ပြန်လည်ရရှိမည့် အကျိုးအမြတ်တို့မှာ မထိုက်တန်ပါဟု လေးနက်စွာ ယုံကြည်ပါသည်။



မြစ်ဆုံစီမံကိန်းသည် မြန်မာနိုင်ငံအတွက် အကျိုးရှိပါသည်ဟု မယုံကြည်သော နိုင်ငံသား တဦး
၁၂ စက်တင်ဘာလ ၂၀၁၁
ဂျစ်ပစီ မိုးတိမ် ဖေဘုတ်မှ...ကူးယူဖော်ပြပါသည်...

သစ်ထူးလွင် 9/13/2011 11:49:00 AM

ဒေါ်အောင်ဆန်းစုကြည်နှင့် အမေရိကန် ကိုယ်စားလှယ်တို့ ဖွံ့ဖြိုးမှုအကူအညီပေးရေး ဆွေးနွေး

ရန်ပိုင်
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် အမေရိကန် အစိုးရ အထူးကိုယ်စားလှယ် မစ္စတာ ဒဲရက် မစ်ချယ်တို့ မြန်မာ့ပညာရေးနှင့် လူမှုရေးကဏ္ဍများတွင် ကူညီပေးရေး ဆွေးနွေးကြသည်။

ဒေါ်အောင်ဆန်းစုကြည်နှင့် အမေရိကန် အစိုးရ အထူးကိုယ်စားလှယ် မစ္စတာ ဒဲရက် မစ်ချယ်တို့ တွေ့ဆုံပြီးနောက် သတင်းထောက်များနှင့် တွေ့ဆုံစဉ် (ဓာတ်ပုံ - ဧရာဝတီ)

ယနေ့နံနက် ၁၀ နာရီခွဲက ရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည်၏ နေအိမ်တွင် မိနစ် ၄၀ ခန့်ကြာ တွေ့ဆုံဆွေးနွေးကြခြင်းဖြစ်ပြီး ဆွေးနွေးသည့် အကြောင်းအရာ အသေးစိတ်ကိုမူ ထုတ်ပြန်ခြင်းမရှိပေ။

အမျိုးသားဒီမိုကရေစီအဖွဲ့ချုပ် (NLD) ပြောခွင့်ရပုဂ္ဂိုလ် ဦးအုန်းကြိုင်က “ဒု ဥက္ကဋ္ဌ ဦးတင်ဦးက လူငယ်ကွန်ရက်တွေတဆင့် အခမဲ့ပညာသင်ကြားမှု၊ ဥပဒေပိုင်းဆိုင်ရာ အကာအကွယ်ပေးနေတာတွေကို ဆွေးနွေးတယ်” ဟု ပြောသည်။

ဆွေးနွေးပွဲအပြီး သတင်းထောက်များက မစ္စတာ ဒဲရက်မစ်ချယ်နှင့် တွေ့ဆုံဆွေးနွေးမှုသည် ယခင် အထက်လွှတ်တော် အမတ် မစ္စတာ ဂျွန် မက်ကိန်းနှင့် တွေ့ဆုံခဲ့ရသည့် အခြေအနေများနှင့် တူညီခြင်းရှိမရှိ မေးမြန်ရာ ဒေါ်အောင်ဆန်းစုကြည်က လက်ရှိအခြေအနေများ ပြောင်းလဲတိုးတက်လာသည့်အတွက် ဆွေးနွေးပွဲမှာ ကောင်းမွန်ကြောင်း၊ စီးပွားရေးပိတ်ဆို့မှုနှင့် ပတ်သက်သည့် ကိစ္စရပ်များကိုမူ ဆွေးနွေးခြင်း မရှိကြောင်း ပြန်လည်ဖြေဆိုသည်ဟု သိရသည်။

ထို့အပြင် ဒေါ်အောင်ဆန်းစုကြည်က မြန်မာအစိုးရနှင့် ညှိနှိုင်းဆောင်ရွက်နေခြင်းသည် ပြည်သူကို မနစ်နာစေလို၍ ရွေးချယ်ထားသည့် အကောင်းဆုံး နည်းလမ်းဖြစ်ပြီး ပူးတွဲဆောင်ရွက်မှုမရှိဘဲနှင့် အမျိုးသားရင်ကြားစေ့ရေး ဖြစ်မလာနိုင်ကြောင်း သတင်းထောက်များကို ပြောသည်။

မစ္စတာ ဒဲရက် မစ်ချယ်ကလည်း မြန်မာပြည်အခြေအနေကို အနီးကပ် လေ့လာစောင့်ကြည့်နေကြောင်း၊ ယခုဖြစ်ပေါ်နေသည့် အလားအလာကောင်းများမှ တဆင့် ကောင်းမွန်သည့် အပြောင်းအလဲများ ဖြစ်ပေါ်လာမည်ဟု ယုံကြည်ကြောင်း ပြောဆိုသည်။

မစ္စတာ ဒဲရက် မစ်ချယ်သည် NLD ဗဟို အလုပ်အမှုဆောင်အဖွဲ့ အပါအ၀င် ပြည်သူ့လွှတ်တော် ကိုယ်စားပြုကော်မတီ (CRPP) နှင့်လည်း တနာရီကြာ တွေ့ဆုံဆွေးနွေးကြောင်း သိရသည်။

CRPP အတွင်းရေးမှူး ဦးအေးသာအောင်က မြန်မာနိုင်ငံ၌ ၁၉၄၈ ခုနှစ် လွတ်လပ်ရေး ရပြီးကတည်းက တိုင်းရင်းသား နယ်မြေများတွင် တိုက်ပွဲများ ယခုတိုင်ဖြစ်ပွားနေကြောင်း၊ တိုင်းရင်းသားများအနေဖြင့် တန်းတူရေး၊ ကိုယ်ကြမ္မာ ကိုယ်ဖန်တီးခွင့်ရရှိရေး၊ စစ်မှန်သော ပြည်ထောင်စု ဖွဲ့စည်းခွင့်ရရှိရေး ဖြစ်ကြောင်း၊ လက်ရှိ ၂၀၀၈ ခုနှစ် ဖွဲ့စည်းပုံအခြေခံဥပဒေသည် တိုင်းရင်းသားများနှင့် ပတ်သက်၍ ပြုပြင်စရာ အများအပြားရှိနေကြောင်း ဆွေးနွေးသည်ဟု သိရှိရသည်။

ဇိုမီးအမျိုးသားကွန်ဂရက် ခေါင်းဆောင်တဦးဖြစ်သည့် ဦးပူကျင့်ရှင်းထန်ကလည်း ယခုလက်ရှိ အခြေအနေသည်  နိုင်ငံရေးအရ ထူးခြားသော တိုးတက်ပြောင်းလဲမှု မတွေ့ရသေးကြောင်း၊  နိုင်ငံရေး အကျဉ်းသား ၂၀၀၀ ကျော် ချွင်းချက်မရှိ လွတ်မြောက်လာလျှင် ထူးခြားသော တိုးတက်မှုဟု ယူဆနိုင်ကြောင်း ဆွေးနွေးသည်ဟု ဦးအုန်းကြိုင်က ဆိုသည်။

ယနေ့တွင် မစ္စတာ ဒဲရက် မစ်ချယ်သည်  သမ္မတ နိုင်ငံရေး အကြံပေးအဖွဲ့နှင့်လည်း ၁၅ မိနစ်ခန့် တွေ့ဆုံပြီး အကြံပေးအဖွဲ့၏ လုပ်ငန်းရပ်များကို မေးမြန်းကြောင်း အကြံပေးအဖွဲ့ဝင်တဦးဖြစ်သည့် ဦးကိုကိုလှိုင်က ပြောသည်။


မစ္စတာ ဒဲရက် မစ်ချယ်သည် ၎င်း၏ ၅ ရက်ကြာ ခရီးစဉ်အတွင်း စက်တင်ဘာလ ၉ ရက်နေ့က ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားလွှတ်တော်ဥက္ကဋ္ဌ ဦးခင်အောင်မြင့်၊ နိုင်ငံခြားရေးဝန်ကြီး ဦးဝဏ္ဏမောင်လွင်၊ နယ်စပ်ရေးရာ ၀န်ကြီးဋ္ဌာနနှင့် မြန်မာ့ စက်မှုဖွံဖြိုးရေးဝန်ကြီး ဒု ဗိုလ်ချုပ်ကြီး သိန်းဌေး၊ အလုပ်သမားရေးရာဝန်ကြီးဋ္ဌာနနှင့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီး ဦးအောင်ကြည်တို့နှင့် နေပြည်တော်တွင် တွေ့ ဆုံဆွေးနွေးသည်။

ထို့နောက် စက်တင်ဘာ ၁၁ ရက်နေ့တွင် ရန်ကုန်မြို့ ဒဂုံမြို့သစ်တောင်ပိုင်းရှိ NLD လူငယ်အဖွဲ့က စောင့်ရှောက်ထားသော HIV/ AIDS ဂေဟာသို့ မနက်ပိုင်းတွင် သွားရောက်လည်ပတ်ခဲ့ပြီး လူနာများနှင့် ရောဂါ ကူးစက်ခံနေရသော ကလေးငယ်များကို အားပေးစကား ပြောဆိုသည်။ ထို့အပြင် ဒဂုံမြို့သစ် မြောက်ပိုင်းရှိ နာရေးကူညီမှုအသင်းသို့ သွားရောက်ကာ ဥက္ကဋ္ဌ ဦးကျော်သူတို့နှင့်လည်း တွေ့ဆုံခဲ့ပြီး နာရေးကူညီမှုအသင်း၏ လုပ်ဆောင်ချက်များကို အသေးစိတ် လေ့လာခဲ့သည်ဟု သိရသည်။

ပြည်တွင်းမှ ဧရာဝတီသတင်းထောက်တဦး ပူးပေါင်းရေးသားသည်။

သစ်ထူးလွင် 9/13/2011 11:16:00 AM