ပြည်သူများ မျှော်လင့်စောင့်စားနေသည့် မြန်မာ့လွတ်လပ်ရေး ဖခင်ကြီး
ဗိုလ်ချုပ်အောင်ဆန်း၏ အထုပ္ပတ္တိ ဇာတ်ကား ရိုက်ကူးရန်အတွက် သရုပ်ဆောင်အသစ်
ရွေးချယ်ပွဲကို ၂၀၁၂ ခုနှစ်၊ ဇန်နဝါရီလ (၅) ရက်နေ့တွင် ကြေညာသွားမည်
ဖြစ်ကြောင်း သိရသည်။ အဆိုပါ ဇာတ်ကားကြီးနဲ့ ပတ်သက်၍ ၎င်းဇာတ်ကားကြီးတွင်
ဇာတ်ညွှန်းရေးဖွဲသူ တစ်ဦးအဖြစ် ပါဝင်သည့် ဇာဂနာက ပြောကြားရာတွင်
"ကျွန်တော်တို့ ဒီဇာတ်ကားကြီးမှာ သရုပ်ဆောင်အသစ်တွေကိုပဲ
ရွေးချယ်သွားမှာပါ။ ကျွန်တော်တို့ အစည်းဝေးလုပ်တဲ့နေ့မှာလည်း ပြောပါတယ်။
အဲဒီအချိန်မှာ ဂျာနယ်ဆရာများက အနားမှာ မရှိကြတော့ မကြားလို့လဲ
ဖြစ်ပါလိမ့်မယ်။ ဗိုလ်ချုပ်အောင်ဆန်း နေရာ၊ ဦးကျော်ငြိမ်း နေရာ၊ ဦးနု
နေရာ စသည်ဖြင့် ဒီလိုနေရာတွေ အားလုံး အကုန်အသစ်တွေကြီးပဲ ကျွန်တော်တို့
ရွေးမှာပါ။ လက်ရှိ၊ ရှိနေတဲ့ သရုပ်ဆောင်ထဲက တစ်ယောက်မှ မသုံးပါဘူး။ လက်ရှိ၊
ရှိနေတဲ့ သရုပ်ဆောင်တွေဖြစ်တဲ့ ဥပမာ ဆိုပါတော့ဗျာ။ နေတိုး၊ ပြေတီဦး၊
လူမင်း၊ စတဲ့ အဲဒီလူကိုတော့ သူတို့နဲ့ သင်လျော်တဲ့ အခန်းပါရင် တစ်ခန်းစ၊
နှစ်ခန်းစ ဧည့်သည်အဖြစ်နဲ့ ဝင်ပါကြမှာပါ။ ဗိုလ်ချုပ်အောင်ဆန်း နေရာ၊ ဦးနု
နေရာ၊ သခင်သန်းထွန်း နေရာ၊ သခင်စိုး နေရာစသည်ဖြင့် ရဲဘော်သုံးကျိပ်နေရာ
အဲဒါတွေအားလုံးက အသစ်တွေပဲ ရွေးမှာ။ အဲဒီအသစ်ရွေးပွဲကိုတော့ လွတ်လပ်ရေးနေ့
အပြီးတစ်ရက်မှာ ကြေညာမယ်။ ကိုယ့်ကိုကို ဗိုလ်ချုပ်အောင်ဆန်းနဲ့
တူတယ်လို့ထင်တဲ့သူ မည်သူမဆို ဝင်ပြိုင်လို့ရတာပေါ့။ အသစ်ပဲဖြစ်ရမယ်၊ ဘယ်လို
စံချိန်စံချိုးတွေနဲ့ ရွေးချယ်သွားမလဲ ဆိုတော့ ဗိုလ်ချုပ်အောင်ဆန်းကို
ကြည့်လိုက်ပေါ့။ ဗိုလ်ချုပ်အောင်ဆန်းဆိုတဲ့ စံနဲ့ချိုး၍ရမှာပဲ။
ဗိုလ်ချုပ်အောင်ဆန်းနဲ့ အတူဆုံးလူကိုတော့ ကျွန်တော်တို့ ရွေးရမှာပေါ့။
ဗိုလ်ချုပ်အောင်ဆန်းရဲ့ နေပုံ၊ ထိုင်ပုံ၊ ပြောပုံ၊ ဆိုပုံ၊ အမူအရာ
စသည်ဖြင့် အကုန်လုံး ဗိုလ်ချုပ်အောင်ဆန်းနဲ့တူတဲ့ လူကိုပဲ ကျွန်တော်တို့
ရွေးရမှာပါ။ အဲဒီလူကို ကျွန်တော်တို့ လေ့ကျင့်ပေးမှာက အနည်းဆုံး (၆)လပဲ၊
ပြီးရင် ဂဠုန်ဦးစောပဲ၊ ဂဠုန်ဦးစော နေရာက ဗိုလ်ချုပ်အောင်ဆန်းထက်ကို
ပိုပြီး အရေးကြီးတယ်။ ကျွန်တော်တို့ အဲဒါကို အဓိကထားပြီး
ရွေးချယ်သွားမှာပါ။ အန်တီစုနေရာမှာ ဆိုလည်း ဗိုလ်ချုပ်ဆုံးတော့ အန်တီက ၂ လ
သမီးပဲရှိသေးတော့ ဒါတွေကတော့ အဓိကထားပြီး ရွေးစရာမလိုပါဘူး။ ကျွန်တော်တို့
ဇာတ်ညွှန်းအဖွဲ့က အဖွဲ့ဝင် (၁၁) ဦး ပါဝင်ပြီး အစည်းအဝေးပြီးတာနဲ့ ဒီကားကို
စရိုက်မှာပါ။ အစည်းအဝေးကတော့ ဘယ်တော့ပြီးမှာလည်း မသိဘူး။ ကျွန်တော်ထင်တယ်
အနည်းဆုံးက သင်္ကြန်ပြီးချိန်မှာ စလို့ရပြီလို့ မျှော်လင့်တယ်။ ပြီးရင်
သင်္ကြန်အကျော်လောက်မှာ Training ကာလလို့စပြီး သတ်မှတ်လို့ရမယ်။ ၂၀၁၂ အကုန်
ဒီဇင်ဘာလလောက်မှာ စပြီး ရိုက်ဖို့ကြိုးစားမယ်။ ဘာကြောင့် ဒီဇင်ဘာမှာ ဘာလို့
ရိုက်ချင်တာလည်းဆိုတော့ သတိရရင်လည်း သတိရလိမ့်မယ်။ ကျွန်တော်တို့ ဗမာ့
လွတ်လပ်ရေး တပ်မတော်ကို ဒီဇင်ဘာလမှာစပြီး ဖွဲ့တာ အဲဒီကနေ စရိုက်ချင်လို့ပါ။
ဒီကားကြီးကို ဗိုလ်ချုပ်အောင်ဆန်းရဲ့ မွေးနေ့ဖြစ်တဲ့ ဖေဖော်ဝါရီ (၁၃) ၂၀၁၅
ခုနှစ်မှာ ရုံတင်နိုင်အောင် ကြိုးစားနေတယ်။ နိုင်ငံတကာကိုလည်း ပြချင်တယ်။
တစ်ကမ္ဘာလုံးကိုလည်း ပြချင်တာပေါ့" ဟု ဇာဂနာမှ ပြောကြားခဲ့သည်။
Myanmar News Weeks
Myanmar News Weeks
ဗိုလ်ချုပ်အောင်ဆန်း ဇာတ်ကား အတွက် သရုပ်ဆောင်အသစ်တွေကိုပဲ ရွေးချယ်မည်
Reviewed by သစ်ထူးလွင်
on
20:21
Rating:
4 comments:
ဦးဇာဂနာက ဗိုလ်ချုပ်ဆုံးတော့အန်တီက၂လသမီးဘဲရှိသေးတယ်လို့ေ ပြာ
တယ်..ကျမတြို့ကားဖူးတာက၂နှစ်သမီးဆိုလားလို့..ဘယ်ဟာကအမှန်လဲ
ဆိုတာသိချင်ပါတယ်...။
၂ နှစ်သမီးက ပုိုမှန်လိမ့်လို့ထင်ပါတယ်။
ဗိုလ်ချုပ်တုို့မိသားစု ဓါတ်ပုံကိုကြည့်ခြင်းအားဖြင့်
၂ နှစ်သမီးပါ
ရေးတာမှားတာပါ.ပြောတာက၂ နှစ်ပါခင်ဗျာ။
Post a Comment