 | |
|
ယနေ့နံနက် နေပြည်တော် ပြည်ထောင်စုရွေးကောက်ပွဲကော်မရှင်ရုံးတွင် ကျင်းပပြုလုပ်သော သတင်း စာရှင်းလင်းပွဲ၌ ဦးတင်အေးက အထက်ပါအတိုင်း ပြောကြားလိုက်ခြင်းဖြစ်သည်။ ပြီးခဲ့သည့် ၂၀၁၀ ရွေးကောက်ပွဲက ကျပ်သန်းပေါင်း ၁၀ ဒသမ ၈ ဘီလီယံကို ကော်မရှင်အနေနှင့် အကုန်ကျခံ သုံးစွဲခဲ့ သည်ဟုသိရသည်။
ရွေးကောက်ပွဲကျင်းပမည့်ရက်နှင့်ပတ်သက်ပြီး သတင်းထောက်များ၏ မေးမြန်းမှုကို ဦးတင်အေးက `ကျင်းပပေးမှာ သေချာပါတယ်။ ကျင်းပမယ့်ရက်မတိုင်ခင် သုံးလကြိုပြောပါမယ်´ဟု ပြန်လည်ဖြေ ကြားခဲ့သည်။
လတ်တလောတွင် ၂၀၁၀ ရွေးကောက်ပွဲပါဝင်ခဲ့သည့် နိုင်ငံရေးပါတီ ၃၇ ခုနှင့် မှတ်ပုံတင်ခွင့်ပြုပြီး ပါတီ သစ်လေးခု စုစုပေါင်း ၄၁ ပါတီရှိပြီး ယင်းပါတီများအနေဖြင့် မဲဆွယ်စည်းရုံးမှုများ ပြုလုပ်နိုင်မည်ဖြစ် သည်။ အမျိုးသားဒီမိုကရေစီအဖွဲ့ချုပ်အပါအ၀င် မှတ်ပုံမတင်ရသေးသည့် နိုင်ငံရေးပါတီသစ်ခြောက်ခု မှာမူ မှတ်ပုံတင်ကျပြီးမှသာ ရွေးကောက်ပွဲအကြို မဲဆွယ်စည်းရုံးမှုများကိုပြုလုပ်နိုင်မည်ဖြစ်သည်။
ရွေးကောက်ပွဲတွင် ကြိုတင်မဲပေးသည့်လုပ်ထုံးလုပ်နည်းများနှင့်ပတ်သက်ပြီး မီဒီယာများ၏ မေးမြန်းမှု ကို ဥပဒေလုပ်ထုံးလုပ်နည်းနှင့်အညီ ဆောင်ရွက်သွားမည်ဖြစ်ကြောင်းနှင့် ပြီးခဲ့သည့် ၂၀၁၀ ရွေးကောက် ပွဲတွင် လူထု၊ ပါတီနှင့် ကော်မရှင်တို့၏ အားနည်းချက်များရှိခဲ့သော်လည်း အောင်မြင် သည့် ရွေးကောက်ပွဲတစ်ခုဖြစ်ခဲ့သည်ဟု ယုံကြည်ကြောင်း ဦးတင်အေးကဖြေကြားသည်။
မီဒီယာများ ရွေးကောက်ပွဲကာလအတွင်း လွတ်လွတ်လပ်လပ်သတင်းရယူခွင့်နှင့်ပတ်သက်ပြီး ပြန်ကြားရေးဝန်ကြီးဌာနနှင့် တိုင်ပင်ကာ ဥပဒေနှင့်အညီခွင့်ပြုမည်ဖြစ်ကြောင်း ဦးတင်အေးက ဆိုသည်။
ရွေးကောက်ပွဲကာလတွင် ပြည်ပမှ လေ့လာသူများ လာရောက်ခွင့်ပြု၊ မပြုနှင့်ပတ်သက်ပြီး တိကျသော အဖြေ တစ်စုံတစ်ရာပေးမသွားသော်လည်း `ရွေးကောက်ပွဲလုပ်တဲ့အချိန်ကျရင် အခြေအနေအချိန် အခါအပေါ် မူတည်ပြီး ဆုံးဖြတ်သွားမှာပါ´ဟု ဦးတင်အေးကဖြေကြားသည်။
ကြားဖြတ်ရွေးကောက်ပွဲတွင် စုစုပေါင်း လစ်လပ်နေရာ ၄၈ နေရာရှိပြီး အမျိုးသားလွှတ်တော်တွင် ခြောက်နေရာ၊ တိုင်းဒေသကြီးလွှတ်တော်တွင် နှစ်နေရာနှင့် ပြည်သူ့လွှတ်တော်တွင် ၄၀ နေရာတို့ဖြစ် သည်။
နေပြည်တော်၊ ဒီဇင်ဘာ - ၁၆
by 7Day News Journal
ကြားဖြတ်ရွေးကောက်ပွဲအတွက် ကော်မရှင်က ကျပ်သန်း ၇၀၀ ကျော် ကုန်ကျခံသုံးစွဲမည်ဟုဆို
Reviewed by သစ်ထူးလွင်
on
20:46
Rating:
Reviewed by သစ်ထူးလွင်
on
20:46
Rating:
No comments:
Post a Comment