ရန္ကုန္ၿမိဳ႕ႀကီးကို စင္ကာပူ လုိျဖစ္ေအာင္လုပ္မယ္လုိ ့ ၀န္ၾကီးဦးစုိးသိန္း ပုံေျပာ



Share/Bookmark
ရန္ကုန္ျမဳိ ့မွ ရပ္ကြက္တခ်ဳိ ့
ရန္ကုန္ၿမိဳ႕ေတာ္ႀကီးကို စင္ကာပူကဲ့သုိ႔ ေဆာင္ရြက္သြားမည္ျဖစ္ေၾကာင္း ျမန္မာႏုိင္ငံ ရင္းႏွီးျမွဳပ္ႏွံမႈ ေကာ္မရွင္ဥကၠဌ၊ အမွတ္ (၁) ႏွင့္ (၂) စက္မႈဝန္ႀကီးဌာန ျပည္ေထာင္စုဝန္ႀကီး ဦးစိုးသိန္းက ႏုိင္ငံေတာ္သမၼတ၏ ဆႏၵအေပၚ အေျခခံ၍ ေျပာၾကားသည္။ ၂၈-၁၁-၂၀၁၁ ရက္ မြန္းလြဲပိုင္းက ေနျပည္ေတာ္ရွိ အမွတ္ (၂) စက္မႈဝန္ႀကီးဌာန အစည္းအေဝးခန္းမတြင္ ျပည္တြင္းမီဒီယာမ်ားႏွင့္ေတြ႕ဆုံစဥ္ ယင္းကေျပာၾကားျခင္းျဖစ္သည္။

"အရင္တုန္းက ကၽြန္ေတာ္တို႔ႏိုင္ငံကို စင္ကာပူးက လာၾကည့္ရတာေပါ့။ ကိစၥမရွိပါဘူး။ အခု စင္ကာပူကို ကၽြန္ေတာ္တို႔က ျပန္ၾကည့္တာေပါ့။ ဒါက သမၼတက ရန္ကုန္ကို ျဖစ္ေစခ်င္တ့့ဲ ဆႏၵပါ" ဟု ယင္းက ေျပာသည္။

ရန္ကုန္ၿမိဳ႕ကို စင္ကာပူႏုိင္ငံကဲ့သုိ႔ ျပဳလုပ္ရာတြင္ လတ္တေလာအေနျဖင့္ လမ္းေကာင္းမြန္ရန္လိုျခင္း၊ ေရစီး၊ ေရလာ၊ ေရေပးေဝျခင္းစနစ္ ေကာင္းမြန္ရန္လုိျခင္း၊ ခရီးသည္တင္ယာဥ္မ်ား အဆင့္အတန္း၊ ယာဥ္ေၾကာပိတ္ဆို႔မႈကို ေျဖရွင္းရန္ ခုံးေက်ာ္တံတားမ်ား တည္ေဆာက္ျခင္း၊ မီးရထားလမ္းကြန္ရက္မ်ား တည္ေဆာက္ျခင္း၊ စသည္တုိ႔ကို ေဆာင္ရြက္ရမည္ျဖစ္ေၾကာင္း ျပည္ေထာင္စုဝန္ႀကီးက ဆက္လက္ေျပာၾကားသည္။

"အခုလမ္းေတြ ျပင္ေနတယ္။ ပ်က္ေနတာေတြ ျပန္ျပင္တဲ့အခါမွာ ညအခ်ိန္မွာလုပ္ဖို႔ တိုက္တြန္းထားတယ္။ Taxi Service၊ Bus Service ေတြကအစ တစ္ဆင့္ခ်င္းလုပ္ရမယ္။ စင္ကာပူကို သြားၾကည့္မယ္။ သူတို႔ဘက္က အႀကံျပဳမယ္။ ဒါေတြပါတာေပါ့" ဟု ယင္းက ဆိုသည္။

ျပည္ျမန္မာသတင္းဂ်ာနယ္
Myanmar News Now 


Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ