ဧရာဝတီကိုတော့ မလွမ်းချင်ကြပါ

l4261 ဒီနေ့မှပဲ ရန်ကုန်မိုးက သည်းသည်းမည်းမည်း ရွာနေပါတယ်။ ရွှေတိဂုံ ဘုရားကနေ ရွှေဂုံတိုင်မီးပွိုင့်အကျော် က တော်ဝင်နှင်းဆီကို ကားငှားရာမှာ သွားမယ့်နေရာနီးပေမယ့် “အဲဒီဘက် မသွားတော့ဘူး။ လမ်းမှာရေတွေပြည့် နေလို့”၊ “မိုးရွာရင် ရေကြီးတတ်လွန်း လို့” ၊ “မီးပွိုင့်ကျပ်နေလို့” ဆိုတဲ့ငြင်းဆန်မှုတွေနဲ့ အငှားကားရဖို့ကို အချိန်တော်တော် ပေးလိုက်ရပါတယ်။
ကားတော်တော်နဲ့ ငှားမရတော့ “မိုး ဒီလောက်တောင် သည်းနေတာ  မသွားတော့ရင် ကောင်းမလား။ အချိန်ကလည်း နောက်ကျနေပြီ။ ဒီလောက်မိုးတွေရွာနေတာ ဧည့်သည်တွေလည်း မစုံလောက်တော့ဘူး။ ပွဲ က ၂နာရီစမှာ။ အခုပဲ၂နာရီခွဲ တော့မယ်”ဆိုတဲ့ ချီတုံချတုံ ဖြစ်နေပေမယ့် ဧရာဝတီနဲ့ ပတ်သက်တဲ့ စာအုပ် မိတ်ဆက်ပွဲဆိုတော့လည်း သွားမယ်ဆိုတာက အနိုင်ရရှိသွားပါတယ်။
l4261b ပွဲကျင်းပတဲ့ခန်းမထဲကို ရောက်သွားချိန်မှာတော့ သာမန်စာအုပ် မိတ်ဆက်ပွဲ တစ်ခုလို့သာ သိထားခဲ့ပေမယ့် လူ ၂၀၀ ကျော်ဆံ့တဲ့ ခန်းမအတွင်းမှာတော့ မထင်မှတ်စရာ လူတွေအပြည့်ပါပဲ။
အခမ်းအနား တက်ရောက်လာတဲ့သူတွေမှာ အသက်(၈၀)ကျော်ပြီ ဖြစ်တဲ့ ဆရာကြီးဦးအုန်း၊ စာရေး ဆရာဦးဌေးမောင်တို့က စလို့ ဒေါက်တာထွန်းလွင်၊ ဒေါက်တာ ခင်မောင်ညို၊ ဆရာဦးမြင့်ဇော်၊ ဆရာမဂျူး၊ ဆရာ ကိုတာ၊ ဆရာမောင်စိမ်းနီ၊ အငြိမ်းစား ဆည်မြောင်း အင်ဂျင်နီယာ ဆရာဦး ချိုချိုစတဲ့ နယ်ပယ်စုံက ပညာရှင်တွေ၊ စာပေအ သိုင်းအ၀ိုင်းနဲ့ ဆက်စပ်သူတွေ သာမက လူငယ်လူရွယ်အများ အပြားလည်း စိတ်ဝင်တစားနဲ့ တက်ရောက်လာတာကို တွေ့ရပါတယ်။

ရာဇ၀တ်သားရဲ့ အလှည့်မှာတော့ ခေါင်းဖြတ်စက်နဲ့ အသတ် မခံရခင်မှာ ဆန္ဒလေးတစ်ခု တောင်းဆိုချင်ကြောင်း ပြောပါတယ်။ သူ့ရဲ့ ဆန္ဒကတော့ ပျက်နေတဲ့ ခေါင်းဖြတ်စက်ကြီးပေါ် တက်ကြည့်ဖို့ပါ။ စက်ပေါ်တက်ကြည့်ပြီး စက်ရဲ့ချွတ်ယွင်းချက်ကို ရှာဖွေပြီး ပြင်လိုက်ပါတယ်။ အဲဒီနောက်မှာတော့ တတိယမြောက်ရာဇ၀တ် သားဟာ ခေါင်းဖြတ်စက်ထဲမှာ လည်စင်းခံလိုက်ပါတယ်။ သူ့အလှည့်မှာတော့ ပျက်နေတာ ပြင်ပြီးသွားပြီဖြစ်တဲ့ ဓားစက်ဟာ ကျလာပြီး ရာဇ၀တ်သားကို စီရင်လိုက်ပါတယ်။  ခြွင်းချက်ပြောဖို့ ကျန်ခဲ့တာက တတိယမြောက် ရာဇ၀တ်သား ဟာ အင်ဂျင်နီယာဆိုတာပါပဲ  . . .

မိတ်ဆက်ပွဲပြုလုပ်တဲ့ “ ဧရာဝတီကိုတော့ မလွမ်းချင်ပါ”  စာအုပ် ထဲမှာ ဧရာဝတီမြစ်ကြီးနဲ့ပတ်သက် ပြီး ပြည်တွင်းဂျာနယ်၊ မဂ္ဂဇင်းတွေ မှာ ရေးသားဖော်ပြခဲ့တဲ့ ဆောင်းပါးတွေ၊ သတင်းတွေ၊ အင်တာဗျူးတွေ၊ ရသစာတမ်းတွေ၊ နောက်ဧရာဝတီ ကို အခြေတည် ရေးသားခဲ့တဲ့ ကဗျာတွေ၊ သီချင်းတွေအားလုံးကို စုစည်းပြီး ဓာတ်ပုံတွေနဲ့တကွ ဝေေ၀ဆာဆာ ဖော်ပြထားပါတယ်။
စာအုပ်မိတ်ဆက်ပွဲမှာ ဆရာ မောင်စိမ်းနီ၊ ဆရာ နိုင်သစ်ဦးတို့က လည်း ဧရာဝတီနဲ့ပတ်သက်တဲ့ ခံစားမှု ကဗျာများကို ရွတ်ဆိုခဲ့ကြပါတယ်။ အသက်(၈၀)ရှိပြီဖြစ်တဲ့ ဆရာဌေးမောင်က “ကျွန်တော်တို့နိုင်ငံက အလွန် ချစ်စရာကောင်းပါတယ်။ ကျွန်တော် မြစ်ဆုံကိုရောက်တော့ ကျွန်တော့် နိုင်ငံကို ပိုချစ်သွားတယ်”လို့ အစချီ စကားပြောကြားပါတယ်။
l4261a ခံစားမှုရသတွေကို ပြောကြားရုံ တင်မကဘဲ မြစ်ဆုံဆည်ကြီးတည် ဆောက်မယ်ဆိုရင် ရရှိလာမယ့် အ ကျိုးအပြစ်တွေကို အငြိမ်းစားဆည် မြောင်းအင်ဂျင်နီယာတစ်ယောက်ဖြစ် တဲ့ ဆရာဦးချိုချိုကလည်း”မြစ်တွေ ကိုကိုင်တွယ်မယ်ဆိုရင် အထူးဂရု စိုက်ဖို့လိုကြောင်း၊ရေတိုကိုကြည့်ပြီး လုပ်လို့မရဘဲ ရေရှည်ကို ကြည့်ဖို့ လိုကြောင်း၊မြစ်ကိုလူကပြင်တဲ့အခါ ဆယ်စုနှစ်သာ အချိန်ပေးဖို့ လိုပေမယ့် ပျက်စီးသွားပြီ ဆိုရင်တော့ ဆယ်စုနှစ်နဲ့ မရဘဲ ရာစုနှစ်ချီအောင် အချိန်ပေးပြီးပျက်စီးမှုကို ပြင်ဆင်ရမှာ ဖြစ်ကြောင်း” စိတ်ဝင်စားဖွယ် ကောင်းအောင် ချိန်ထိုးပြောပြသွားပါတယ်။
ဒီနေရာမှာ မြစ်ဆုံနဲ့ပတ်သက်ပြီး ပညာရှင်တွေရဲ့အခန်းကဏ္ဍ အရေးပါမှုကို ဒေါက်တာထွန်းလွင်က ဟာသလေးနှောပြီး ပြောပြခဲ့ပါသေးတယ်။ တစ်ခါက ပြင်သစ်နိုင်ငံမှာ သေဒဏ်ပေး တဲ့အခါ စနစ်သုံးမျိုးကို ကျင့်သုံးပါတယ်။ ဒီထဲက တစ်မျိုးက ခေါင်းဖြတ်စက်ပေါ်မှာ ရာဇ၀တ်သားကိုတင်ပြီး ခေါင်း ဖြတ်သတ်တာပါ။ တစ်နေ့တော့ ရာဇ၀တ်သားသုံးဦးကို ခေါင်းဖြတ်စီရင်ဖို့ ခေါ်လာပါတယ်။ပ ထမလူကို သတ်တဲ့အခါမှာ စက်က ပျက်ပြီး ဓားက ကျမလာပါဘူး။ မသေမချင်းသတ်စေလို့ သေမိန့်ချထားတာ မဟုတ်တဲ့ အတွက် ရာဇ၀တ်သားဟာ သေဒဏ် က လွတ်သွားပါတယ်။ ဒုတိယမြောက် ရာဇ၀တ်သားရဲ့ အလှည့်မှာ လည်း ဒီလိုပါပဲ။ ဓားက ကျမလာတဲ့အတွက် သူလည်းပဲ သေဒဏ်က လွတ်မြောက်သွားပြန်ပါတယ်။
တတိယမြောက် ရာဇ၀တ်သားရဲ့ အလှည့်မှာတော့ ခေါင်းဖြတ်စက် နဲ့ အသတ်မခံရခင်မှာ ဆန္ဒလေး တစ်ခု တောင်းဆိုချင်ကြောင်း ပြောပါတယ်။ သူ့ရဲ့ဆန္ဒကတော့ ပျက်နေတဲ့ ခေါင်းဖြတ်စက်ကြီးပေါ် တက်ကြည့်ဖို့ပါ။ စက်ပေါ်တက်ကြည့်ပြီး စက်ရဲ့ချွတ်ယွင်းချက်ကို ရှာဖွေပြီး ပြင်လိုက်ပါတယ်။ အဲဒီနောက်မှာတော့ တတိယမြောက် ရာဇ၀တ်သားဟာ ခေါင်းဖြတ်စက်ထဲမှာလည်စင်း ခံလိုက်ပါတယ်။ သူ့အလှည့်မှာတော့ ပျက်သွားတာ ပြင်ပြီးသွားပြီဖြစ်တဲ့ ဓားစက်ဟာကျလာပြီး ရာဇ၀တ်သားကို စီရင်လိုက်ပါတယ်။
ခြွင်းချက်ပြောဖို့ ကျန်ခဲ့တာက တတိယမြောက် ရာဇ၀တ်သားဟာ အင်ဂျင်နီယာဆိုတာပါပဲ။ ပညာရှင်ဆိုတာ ကိုယ်ကျွမ်းကျင်တဲ့ ပညာနယ်ပယ်ပေါ်မှာ အသက်ကိုတောင် ပဓာနမထားဘဲ ဥပေက္ခာမပြုနိုင်ပုံကို ပမာပြု ပြောပြထားတာ အတော်လေးကို ကောင်းမွန်လှပါတယ်။ ကျွန်မတို့နိုင်ငံသား အားလုံး တန်ဖိုးထားတဲ့ မြစ်ဆုံနဲ့ပတ်သက်ပြီး နယ်ပယ်အသီးသီးက ပညာရှင်တွေရဲ့ ခံယူချက်ကလည်း ဒီသဘောအတိုင်းပဲ ဖြစ်လိမ့်မယ်လို့ ယုံကြည်မိပါတယ်။
ဟောပြောပွဲပြီးတဲ့ နောက်မှာတော့ အသက်(၂၀)ကျော်အရွယ် မိန်းကလေးတစ်ဦးက သူဝယ်ထားတဲ့ “ဧရာဝတီကိုတော့မလွမ်းချင်ပါ” စာအုပ်ပေါ်မှာ စာရေးဆရာကြီးတွေကို အမှတ်တရ လက်မှတ်ရေးထိုးပေးဖို့ တောင်းဆိုရင်း ဒေါက်တာထွန်းလွင် ကို ကပ်ပြောနေတာ အမှတ်မထင် ကြားလိုက်ရပါတယ်။
“ အခုလို မြစ်ဆုံကိစ္စမှာ ဆရာတို့လို ပညာရှင်တွေ၊ စာရေးဆရာတွေ က ဟောပြောပွဲတွေ လုပ်ကြတယ်။ ဗဟုသုတတွေ ဖြန့်ကြတယ်။ ကျွန်မတို့လို လူငယ်တွေအနေနဲ့ရော ဘယ်လိုမျိုး လုပ်နိုင်ပါလဲ။ ကျွန်မတို့လည်း တစ်စိတ် တစ်ပိုင်းက ပါဝင်ချင်ပါတယ်” တဲ့။
ဒီပွဲ၊ ဒီဟောပြောချက်တွေ၊ ဒီအသံတွေဟာ ဧရာဝတီကို မလွမ်းချင်ကြတဲ့ သူများအကြောင်းကို တစ်စိတ်တစ်ပိုင်း ဖော်ကျူးနေတာလို့ ခံစားလိုက်မိပါတယ်။    ။

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ