ပြည့်တန်ဆာအချို့ အဖမ်းခံရမည်စိုးသဖြင့် ကွန်ဒုံးဆောင်ရမှာကြောက်

ပြည့်တန်ဆာလုပ်ငန်းဖြင့် မသင်္ကာဖွယ်ရာရှိသော အမျိုးသမီးများ လက်ဝယ်တွင် ကွန်ဒုံးတွေ့ရှိတိုင်း ပြည့်တန်ဆာမှုဖြင့် ဖမ်းဆီးမှုမပြုလုပ်ရန် ညွှန်ကြားချက် ၃ ကြိမ် ထုတ်ပြန်ထားသော်လည်း အဖမ်းခံရမည်စိုးသောကြောင့် ပြည့်တန်ဆာများအနေဖြင့် ကွန်ဒုံးဆောင်ရမည်ကို စိုးထိတ်နေကြသေးကြောင်း Marie Stopesမှ မြန်မာ နိုင်ငံဆိုင်ရာ ညွှန်ကြားရေးမှူး ဒေါက်တာစစ်နိုင်က ပြောသည်။
ပြည့်တန်ဆာနှိပ်ကွပ်ရေး ဥပဒေတွင် အမျိုးသမီးတစ်ဦးကို ကွန်ဒုံးလက်ဝယ်တွေ့ရှိရုံနှင့် ဖမ်းဆီးခြင်း၊ စွဲချက်တင်ခြင်း၊ အရေးယူခြင်းများ ပြုလုပ်နိုင်သည်ဟူသော အချက်များ လုံးဝမပါဝင်ကြောင်း၊ သို့သော်လည်း ကွန်ဒုံးသည် ၂ဝ ရာစုကာလက ပြည့်တန်ဆာများထံသွားလျှင် အသုံးပြုသည့်ပစ္စည်း တစ်ခုဖြစ်ခဲ့သောကြောင့် တားဆီးရေးဘက်တွင် ကွန်ဒုံးလက်ဝယ်တွေ့ရှိပါက ပြည့်တန်ဆာမှုဖြင့် အရေးယူခြင်းများ ရှိလာခဲ့ခြင်းဖြစ်ကြောင်းသိရသည်။
”ပြည့်တန်ဆာ တားဆီးကာကွယ်ရေးမှာ ကွန်ဒုံးကို သက်သေခံပစ္စည်းလို သုံးလာကြတော့ HIVကာကွယ်ရေးနဲ့ကလွဲနေတယ်။ ပြည့်တန်ဆာလုပ်ငန်းလုပ်တဲ့သူတွေ ကလည်း ကွန်ဒုံးဆောင်ထားရင် အ လွယ်တကူ ဖမ်းခံရနိုင်တယ်ဆိုပြီး ကွန်ဒုံးကို မကိုင်ရဲ၊ မထိရဲ၊ အနား မှာ မထားရဲကြတော့ဘူး။ တကယ်ဆိုရင် အဲဒီအချိန်မှာ ကွန်ဒုံး က တကယ်လိုပေမယ့် ကြောက်လို့မသုံးတာ ဖြစ်သွားတယ်။ ဒါမျိုးကို မလုပ်ဖို့တော့ စာထုတ်ပြီးတားထားပါတယ်။ ဒါပေမဲ့ အောက်ခြေမှာတော့ ဒါကိုသုံးပြီး တားဆီး တာ ရှိနိုင်သေးတာပေါ့” ဟု ဒေါက်တာစစ်နိုင်က ပြောသည်။
တချို့ ပြည်ပနိုင်ငံများတွင် ပြည့်တန်ဆာလုပ်ငန်းကို အတိုင်းအတာတစ်ခုထိ တရားဝင်ခွင့်ပြုထားပြီး ကွန်ဒုံးကို မဖြစ်မနေအသုံးပြုရကြောင်း၊ ကွန်ဒုံးအသုံးမပြုပါက ဖမ်းဆီးအရေးယူခြင်း၊ လုပ်ငန်းပိတ်သိမ်းခြင်းတို့ကို ပြုလုပ်ကြကြောင်း သိရသည်။
”ကွန်ဒုံးလက်ဝယ်တွေ့ရှိရုံနဲ့ ဖမ်းဆီးတယ်ဆိုတာ လွယ်ကူနေတဲ့အတွက် တချို့ လုပ်ကောင်း လုပ်မိနိုင်တယ်။ စည်းမျဉ်းနဲ့တော့ ကိုက်ညီမှုမရှိဘူး။ အဲဒီလိုလုပ်တာလေး တစ်ခါတစ်လေရှိနေသေးရုံနဲ့ ပြည့်တန်ဆာတွေက ကွန်ဒုံးဆောင်ရမှာကို ကြောက်ပြီး HIV ရောဂါ ကူးစက်မှုအန္တရာယ်ကလည်း ဆက်ရှိနေမှာပေါ့” ဟု အထက်ပါ ပုဂ္ဂိုလ်က ထပ်လောင်းပြောသည်။
ကွန်ဒုံးအသုံးပြုမှုနှင့်ပတ်သက် ပြီး စစ်တမ်းများကောက်ယူသည့်အခါတွင် ရာခိုင်နှုန်း ၈ဝ/၉ဝ သုံးစွဲကြသည်ဟု ဆိုကြသော်လည်း တကယ်တမ်းတွင် ၅ဝ ရာခိုင်နှုန်း ပင် မပြည့်နိုင်သေးဟု ယူဆကြကြောင်း သိရသည်။
မင်းချစ်နိုင်

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ