သူရဦးရွှေမန်းရဲ့ ပြောဆိုချက် မမှန်ဟု KIO တုံ့ပြန်

ကချင်ပြည်နယ် လိုင်ဇာမြို့ရှိ KIO ကချင်
လွတ်မြောက်ရေးအဖွဲ့ ဌာနချုပ်
သင်တန်းကျောင်းတွင် KIA
တပ်ဖွဲ့ဝင်များ စစ်ရေးလေ့ကျင့်
နေပုံ ဖြစ်ပါသည်။ (Photo: RFA)
ကချင်ပြည်နယ်အတွင်း မြန်မာစစ်တပ်နဲ့ KIA ကချင်လွတ်မြောက်ရေးတပ်ဖွဲ့ အကြား တင်းမာမှု မရှိတော့ဘဲ အခြေအနေတွေ နဂိုအနေအထား နီးပါး တည်ငြိမ်မှု ရရှိနေပြီဆိုတဲ့ ပြည်ထောင်စု လွှတ်တော်ဥက္ကဋ္ဌ သူရ ဦးရွှေမန်းရဲ့ ပြောဆိုချက် မှန်ကန်မှုမရှိကြောင်း KIO က ငြင်းဆိုလိုက်ပါတယ်။ ကချင်ပြည်နယ် လိုင်ဇာမြို့ရှိ KIO ကချင်လွတ်မြောက်ရေးအဖွဲ့ ဌာနချုပ် သင်တန်းကျောင်းတွင် KIA တပ်ဖွဲ့ဝင်များ စစ်ရေးလေ့ကျင့်နေပုံ ဖြစ်ပါသည်။  သူရဦးရွှေမန်းဟာ ရန်ကုန်မြို့ ပြည်လမ်းမှာရှိတဲ့
ရန်ကုန်တိုင်းဒေသကြီး လွှတ်တော်ခန်းမမှာ လွှတ်တော်အမတ်တွေ၊ ကုန်သည်ကြီးများနဲ့ စက်မှုလက်မှု လုပ်ငန်းရှင်များအသင်း တာဝန်ရှိသူတွေ၊ သတင်းမီဒီယာတွေနဲ့ သောကြာနေ့က တွေ့ဆုံ ပြောကြားခဲ့တာ ဖြစ်ပါတယ်။ မြစ်ကြီးနားမြို့နယ် ပြည်သူ့လွှတ်တော်အမတ် ဦးသိန်းဇော်ရဲ့ ကြိုးပမ်းမှုကြောင့် အခြေအနေတွေ မူလနီးပါး ပြန်ကောင်းသွားပြီလို့ သူရဦးရွှေမန်းက ပြောဆိုခဲ့တယ်လို့ အဲဒီ တွေ့ဆုံပွဲကို တက်ရောက်ခဲ့တဲ့ ဒီမိုကရက်တစ်ပါတီ (မြန်မာ) ရဲ့ ရန်ကုန်တိုင်း ဒေသကြီး လွှတ်တော်အမတ် ဒေါက်တာ ညိုညိုသင်းက RFA ကို ပြောပါတယ်။ KIO ကချင်လွတ်မြောက်ရေးအဖွဲ့ ပြောခွင့်ရပုဂ္ဂိုလ် ဦးလနန်းကတော့ သူရဦးရွှေမန်းရဲ့ ပြောကြားချက်ဟာ လက်တွေ့ အခြေအနေနဲ့ ကိုက်ညီမှုမရှိဘူးလို့ တုံ့ပြန်ပြောဆိုပါတယ်။ “သူပြောတာ ပြောသွားတာပါ။ အမှန်တကယ်တော့ အဲဒီလောက်ကြီး မဟုတ်ပါဘူး။ အခု အခြေအနေ တင်းမာတယ်လို့ပဲ ပြောရမှာပဲ။ ဘာလို့လဲဆိုတော့ သူတို့ တပ်အင်အားတွေ နည်းလမ်းအမျိုးမျိုးနဲ့ နေရာယူထားတဲ့ အပိုင်းတွေအများကြီး ရှိပါတယ်။ အောက်ပိုင်းကတပ်တွေ တက်လာတာလည်း ကြိုးကြားကြိုးကြား ရှိတုန်းပဲ။ မြို့ပေါ်မှာ ပေါ်တာဆွဲတဲ့သတင်းတွေ ပြန့်နေတာဟာ တည်ငြိမ်မှု မရှိဘူးဆိုတာ ဖော်ပြနေတာပဲ။ မြစ်ကြီးနားမြို့ပေါ်မှာ ည ၈ နာရီနောက်ပိုင်း ထွက်တဲ့သူတွေ ဖမ်းခံရတာ၊ ရိုက်နှက်ခံရတာ၊ မေးမြန်းစိစစ်တာတွေ အမြဲတမ်း ဖြစ်နေတယ်။ လုံးဝ တည်ငြိမ်သွားတယ်ဆိုတဲ့ ပြောဆိုချက် မှန်သလား မှားသလားဆိုတာ အဲဒါ သက်သေအထောက်အထား ရှိနေပြီလေ” မြစ်ကြီးနားမြို့နယ် လွှတ်တော်ကိုယ်စားလှယ် ဗိုလ်မှူးချုပ်ဟောင်း ဦးသိန်းဇော်ဟာ နအဖ စစ်အစိုးရ လက်ထက်က ဆက်သွယ်ရေး၊ စာတိုက်နဲ့ ကြေးနန်းဝန်ကြီး၊ ဟိုတယ်နဲ့ ခရီးသွားလာရေးဝန်ကြီး တာဝန်တွေ ထမ်းဆောင်ခဲ့သူ ဖြစ်ပါတယ်။ ဦးသိန်းဇော်ဟာ မြန်မာစစ်တပ်နဲ့ KIA တပ်တွေ အပစ်ရပ်ဖို့ ဇွန်လ ၁၇ ရက်နေ့မှာ KIO အဖွဲ့ထံ ကိုယ်စားလှယ် စေလွှတ်ခဲ့ပြီး ဇွန်လ ၁၉ ရက်နေ့မှာ စာတစောင် ပေးပို့ခဲ့တယ်လို့ သိရပါတယ်။ ဒါပေမယ့် KIO အဖွဲ့က ဦးသိန်းဇော်ရဲ့ဆက်သွယ်ဆောင်ရွက်မှုဟာ ခိုင်လုံပြတ်သားမှု မရှိဘူးလို့ ယူဆခဲ့ပြီး အဲဒီ နောက်ပိုင်းမှာလည်း နှစ်ဖက်တိုက်ပွဲတွေ ဆက်လက် ဖြစ်ပွားခဲ့ပါတယ်လို့ ပြောပါတယ်။ ဒီကနေ့မှာတော့ တိုက်ပွဲတွေ ဖြစ်ပွားတာ မရှိဘူးလို့ သိရပါတယ်။

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ